ବ୍ରାହ୍ମ ମୁହୂର୍ତ୍ତ ଖବରକାଗଜ

ରାୟଗଡ଼ା/ଥେରୁବାଲି- ତା. ୨୯/୦୯/୨୦୨୧  // ( ରିପୋର୍ଟ ଯୋଗେଶ୍ଵର ଦାସ  )ରାୟଗଡ଼ା ଜିଲ୍ଲା ଅନ୍ତର୍ଗତ ଥେରୁବାଲି ସ୍ଥିତ ଇମ୍ଫା କାରଖାନା ପରିଷରରେ ଏକ ତରଳ ଅମ୍ଳଜାନ ଗ୍ଯାସ କ୍ଷରଣ ଏବଂ କର୍ମଚାରୀ ଏଥିରୁ ସୁରକ୍ଷା ପାଇବା ସଂପର୍କିତ ମକଡ୍ରିଲ ଅନୁଷ୍ଠିତ ହୋଇ ଯାଇଛି । ଏହି କାର୍ଯ୍ଯକ୍ରମଟିକୁ ଇମ୍ଫାର ଉପ-ସଭାପତି (ନିର୍ମାଣ) ଶ୍ରୀ କେ ଭି ରାଓ ଙ୍କ ପ୍ରତ୍ଯେକ ତତ୍ତ୍ବାବଧାନରେ ଅନୁଷ୍ଠିତ ହୋଇଥିଲା ।  ଆୟୋଜିତ ଏହି କାର୍ଯ୍ଯକ୍ରମରେ ରାୟଗଡା ସ୍ଥିତ କାରଖାନା ଓ ବାଷ୍ପୀୟ ବିଭାଗର ଉପ ନିର୍ଦ୍ଦେଶକ ଶ୍ରୀ ସ୍ବରୁପ କୁମାର ଜେନା, ସହ ନିର୍ଦ୍ଦେଶକ ଶ୍ରୀ ରଞୀିତ କୁମାର ନାଏକ, ଜିଲ୍ଲା ଅଗ୍ନିଶମ ଅଧିକାରୀ ଶ୍ରୀ ସଂଗ୍ରାମ ହାଂସଦା, ଥେରୁବାଲି ଫାଣ୍ଡିର ସହକାରୀ ସବ୍-ଇନିସ୍ପେକ୍ଟର ଶ୍ରୀ ଜଗନ୍ନାଥ ବେହେରା, ସ୍ଥାନିୟ ଜେ କେ କାଗଜ କଳର ସୁରକ୍ଷା ବିଭାଗର ପରିଚାଳ ଶ୍ରୀ ରାମ ରଞୀନ ବିଶ୍ବାଳ, ଇମ୍ଫା ସୁରକ୍ଷା ବିଭାଗର ବରିଷ୍ଠ ପରିଚାଳକ  ଶ୍ରୀ ରାମ କୃଷ୍ଣ ତ୍ରିପାଠୀ ପ୍ରୋଜେକ୍ଟର ମାଧ୍ଯମରେ ତରଳ ଅମ୍ଳଜାନ କ୍ଷରଣ ର ଦୁର୍ଘଟଣା ଏଡାଇବା ପାଇଁ ଇମ୍ଫାରେ ନିଆଯାଇଥିବା ପଦକ୍ଷେପ ସମ୍ପର୍କରେ ବୁଝାଇଥିଲେ । ଜରୁରୀ କାଳିନ ପରିସ୍ଥିତିରେ କର୍ମଚାରୀ ମାନେ କିପରି ସତର୍କ ରହିବେ ଏବଂ ତରଳ ଅମ୍ଳଜାନ କ୍ଷରଣ ଜନିତ ଦୁର୍ଘଟଣାରୁ ରକ୍ଷା ପାଇବା କୌଷଳକୁ ଇମ୍ଫା କର୍ମଚାରୀ ମାନେ ମକ୍ ଡ୍ରିଲ ମାଧ୍ଯମରେ ପ୍ରଦର...

ରାଉରକେଲା :-(ବ୍ରାହ୍ମମୁହୂର୍ତ୍ତ ସମାଚାର)ସୁନ୍ଦରଗଡ ଜିଲ୍ଲାର କୁଆରମୁଣ୍ଡା ବ୍ଳକ ଝାରବେଡା ଗ୍ରାମପଞ୍ଚାୟତ କର୍ମାବାହାଲ୍ ଗାଁ ରେ ବଜ୍ରପାତରେ ଗୋଟିଏ ଛୋଟ ଛୁଆ ର ମୃତ୍ୟୁ ହୋଇଯାଇଛି। ମିଳିଥିବା ସୂଚନା ଅନୁଯାୟୀ ଆଶ୍ମୀନ କୁଲ୍ଲୁ(୧୨)ବର୍ଷ, ବାପା-ଉଇଲିଅମ୍ କୁଲ୍ଲୁ,କିଛି ସାଙ୍ଗ ମାନଙ୍କ ସାଙ୍ଗ ରେ ବିଲରେ ଖେଳୁଥିବା ସମୟରେ ବର୍ଷା ଆରମ୍ଭ(ପାଖାପାଖି ୫.୩୦ ସନ୍ଧ୍ୟା)ହୋଇଯାଇଥିଲା।ଘଡଘଡି ମାରିବା ସହ ବର୍ଷା ଆରମ୍ଭ ହେଲା,ଘଡଘଡି ମାରିବା ସମୟରେ ପିଲାଟି ମୂର୍ଛା ଯାଇ ତଳେ ଟଳି ପଡିଲା।ସଙ୍ଗେ ସଙ୍ଗେ ଘରଲୋକେ ତାକୁ ଇସ୍ପାତ ଜେନେରାଲ ହସପିଟାଲ ନେଇଗଲେ।ସେଠାରେ ତାକୁ ଡାକ୍ତର ମୃତ ଘୋଷଣା କଲେ।

ସୁନ୍ଦରଗଡ଼/ରାଉରକେଲା:- ଆମର ଲାଗି ଆମ ପରମ୍ପରା ସବୁଠାରୁ ମହାନ୍ ଆଏ ।ବାର ମାସରେ ତେର ପରବ ଗୁଟେନୁ ଗୁଟେ ଏନ୍ତା ରକମର ହାତ ଧରାଧରି ହେଇକରି ଆଉସନ୍ ।ଆମର୍ ପଶ୍ଚିମ ଓଡ଼ିଶା ରେ ପୁଜିନ୍ତିଆ ଏକ ଏନ୍ତା ପରବ ଯାହାକେ ପଲ୍ଲୀ ଠାନୁ ଦିଲ୍ଲୀ ତକ୍ ସଭିଏଁ ପାଲନ କରୁଛନ୍।ଇ ଅବସରନୁ ଆମର ଇଟା ଏକ ଷ୍ପେଷାଲ ଉପସ୍ଥାପନା। ଭୂଦୋ ଆଉ ଆଶ୍ବିନ ମାସର ମଝି ପଡସି ପିତୃପକ୍ଷ୍ । ଇ ପିତୃପକ୍ଷର୍ ପନ୍ଦର ଦିନ୍ ଭିତରେ ଅଷ୍ଟମୀ ତିଥିନ ପଡସି ପୋ ଯିଉଁତିଆ । ଇଟା ସୂର୍ଯ୍ୟଙ୍କର ପୋଅ ଦୂତିବାହାନଙ୍କର ପୂଜା ଆଏ । ଇ ପୂଜାକେ ଦେଶାଚାର କୂଲାଚାର ହିସାବେ ଭିନଭିନ୍ ଠାନେ ଭିନଭିନ୍ ନାଁ ଥି ପୂଜା କରସନ୍ । ଯେନ୍ତା କି ପଶ୍ଚିମ ଓଡିଶାନେ ପୋ ଯିଉଁତିଆ କହେସନ ବେଲେ ଭିନଭିନ୍ ଆଡେ ଦୂତି ବାହାନ ଓଷା , ମୂଳାଷ୍ଟମି ଏନତେଇ ନାଁ ମାନେ ଦେଇଛନ୍ । ହେଲେ ପଶ୍ଚିମ ଓଡିଶାନେ ସବୁ ତିହାର ପରବ ଟା ଟିକେ ନିଆରା ଢଙ୍ଗେ ପାଲନ ହେସି । ଭୂଦୋ-ଆଶ୍ବିନ ମାସର କୃଷ୍ଣ ପକ୍ଷର ଅଷ୍ଟମୀ ତିଥିନେ ପାଲନ ହେସି ପୋ ଯିଉଁନ୍ତିଆ । ଇ ପୂଜା ଟାକେ ମା ମାନେ ନିଜର ସନ୍ତାନର ମଙ୍ଗଲ ଲାଗି କରସନ୍ । ଇତାର ବିଧି ବିଧାନ ଗୁଟେ ଅଲଗା ହିସାବେ ହେସି । ଦିନା ଦୁଏ ଆଘୋନୁ ଦୁବ ଚାଉଲ ଗନି ଗୁପିକରି ରଖି ଥିସନ ପୂଜାବେଲେ ଚଢାବାର ଲାଗି । ୧୦୮ ଅକ୍ଷତ୍ ଦୁବ ସାଙ୍ଗେ ୧୦୮ ଗୁଟା ଅରୁଆ ଚଉଲନେ ଫୁଲଟେ ଦେଇକରି ଶାଲପତର ଟାକେ ଟିପି ନେଇ ଥିସନ । ପୂଜାର ବିଧିଟା ଟିକେ କଡା ଆଏ ।...

 ୨୯/୦୯/୨୦୨୧ ସୁନ୍ଦରଗଡ଼ (ବ୍ରାହ୍ମମୁହୂର୍ତ୍ତ ସମାଚାର) :ସୁନ୍ଦରଗଡ଼ ଜିଲ୍ଲା ରାଜଗାଙ୍ଗପୁର ବାବା ଛକ ନିକଟରୁ ଏକ କେଜି ଗଞ୍ଜେଇ ସହ ଜଣେ ଗିରଫ । ରାଜଗାଙ୍ଗପୁର ଥାନା ଅନ୍ତର୍ଗତ ବାଣ୍ଟୁପଡା ନିବାସୀ ବନମାଳୀ ଦାସ (୬୬)ଙ୍କ ନିକଟରୁ ରାଜଗାଙ୍ଗପୁର ଅବକାରୀ ବିଭାଗ ପକ୍ଷରୁ ଚଡାଉ କରି ଏକ କେଜି ଗଞ୍ଜେଇ ଚାଲାଣ କରୁଥିବା ସମୟରେ ଗିରଫ କରିଥିଲେ।ସକାଳ ପ୍ରାୟ ୯ଟା ସମୟରେ ବାଣ୍ଟୁପଡା ରାସ୍ତାରେ ସନ୍ଦେହ ଅବସ୍ଥାରେ ବୁଲାବୁଲି କରୁଥିବା ସମୟରେ କୋୖଣସି ଖବର ପାଇ ରାଜଗାଙ୍ଗପୁର ଅବକାରୀ ଇନ୍ସପେକ୍ଟର ସୁରେଶ ଚନ୍ଦ୍ର ଭୋଇ,ବାଶନ୍ତି ବାକଲି,କିଶୋର ସୁନାନି,ଗାଯତ୍ରି ସା,ଜୋତି କେରକେଟା ସଞ୍ଜୟ ଅମାତ,ଚନ୍ଦ୍ର ବେହେରା, ଚନ୍ଦ୍ର ସେଖର ଖଣ୍ଡା ପ୍ରମୁଖ ଦଳରେ ଉପସ୍ଥିତ ରହି ଗଞ୍ଜେଇ ବେପାରୀକୁ ଧରିଥିଲେ । ଏ ନେଇ ବିଭାଗୀୟ କାର୍ଯ୍ୟାଳୟରେ ଏକ ମାମଲା ରୁଜୁ ହୋଇଛି । ତେବେ ରାଜଗାଙ୍ଗପୁର ପୌରାଞ୍ଚଳ ସ୍ଥିତ ଅବକାରୀ ଅଧିକାରୀ ସୁରେଶ ଚନ୍ଦ୍ର ଭୋଇଙ୍କୁ ସ୍ଥାନୀୟ ଲୋକେ ବାରମ୍ବାର ଏହି ଗଞ୍ଜେଇ ବିକ୍ରେତା ବିଷୟରେ ଅଭିଯୋଗ କରୁଥିଲେ । ହେଲେ କେହି କେବେ ଗଞ୍ଜେଇ ଧରି ବୁଲିବା ନେଇ ସୂଚନା ଦେଉ ନ ଥିଲେ । ବିଶ୍ବସ୍ତ ସୂଚନା ପାଇ ସୁନ୍ଦରଗଡ ଅବକାରୀ ମୁଖ୍ୟ ସତ୍ୟଜିତ ଖଟୁଆଙ୍କ ନିର୍ଦ୍ଦେଶକ୍ରମେ ରାଜଗାଙ୍ଗପୁର ଅବକାରୀ ଦଳ ଚଢାଉ କରି ଜଣଙ୍କୁ ଗିରଫ କରିବା ସହ ଏକ କେଜି ଗଞ୍ଜେଇ ଜବତ କରିଥିଲେ । ଏହି ମାମଲାରେ ଗଞ୍ଜେଇ ବେପାରୀ ...

ସୁନ୍ଦରଗଡ଼/ କୁଆଁରମୁଣ୍ଡା : ବ୍ରାହ୍ମ ମୁହୂର୍ତ୍ତ ଖବରକାଗଜ ( ବସନ୍ତ କୁମାର ଜେନାଙ୍କ ରିପୋର୍ଟ) ରାଜ୍ୟର ବିଭିନ୍ନ ସ୍ଥାନରେ ମାଳମାଳ ଘରୋଇ ଶିକ୍ଷା ଅନୁଷ୍ଠାନ ଖୋଲିବା ରେ ସରକାରଙ୍କ କୌଣସି ନିର୍ଦ୍ଦିଷ୍ଟ ନୀତିନିୟମ ପ୍ରତି ଶିକ୍ଷା ବ୍ୟବସାୟୀମାନଙ୍କ ଟିକେ ହେଲେ ଖାତର ନାହିଁ, ଯାହା ପାଇଁ ବିଭିନ୍ନ ସମୟରେ ନାହିଁ ନଥିବା ଅଘଟଣ ଘଟିଚାଲିଛି।  ଏମିତି ଏକ ଘଟଣା ସୁନ୍ଦରଗଡ ଜିଲ୍ଲା କୁଆଁରମୁଣ୍ଡା ବ୍ଲକ ଅଞ୍ଚର୍ଗତ ଜମୁନାନାକି ଠାରେ ଥିବା ସାଇଭେଲି ନାମକ ଇଂରାଜୀ ଆବାସିକ ବିଦ୍ୟାଳୟରେ ଦୁଃଖଦ ଘଟଣା ଦେଖିବାକୁ ମିଳିଛି ।  ବାପାମାଆଙ୍କ ଆଶା ଥିଲା ପୁଅକୁ ଘରୋଇ ଶିକ୍ଷାନୁଷ୍ଠାନ ରେ ପାଠ ପଢାଇଲେ ଭଲ କୃତିତ୍ୱ ଅର୍ଜନ କରିବା ସହ ଶିକ୍ଷାନୁଷ୍ଠାନ କତୃପକ୍ଷଙ୍କ ନଜରରେ ରହି ଜଣେ ମେଧାବୀ ଛାତ୍ର ହେବ। କିନ୍ତୁ ବିଡ଼ମ୍ବନାର ବିଷୟ ଏବେ ଏମିତି ହେଲା ଯେ, ସାଇଭାଲି ବିଦ୍ୟାଳୟ କତୃପକ୍ଷଙ୍କ ବେପାରୁଆ ମନୋଭାବ ସହ ଦାୟିତ୍ଵ ହୀନ  ଯୋଗୁଁ ଜଣେ  ଆବାସିକ ଛାତ୍ର  କାହିଁକି କେଉଁ କାରଣରୁ ଆତ୍ମହତ୍ୟା କରିଛି , ତାହା ଏବେ ଅଭିଭାବକ ଙ୍କୁ ସନ୍ଦେହରେ ପକାଇଛି। ବିଦ୍ୟାଳୟ ପ୍ରଧାନ ଶିକ୍ଷୟିତ୍ରୀ ମମତା ନାଏକଙ୍କ  କହିବାନୁସାରେ ମୃତ ଛାତ୍ରଙ୍କ ସମେତ ସେଦିନ ରାତିରେ ମୋଟ ୯ଜଣ ଛାତ୍ର ଧିରେ ଶିକ୍ଷାନୁଷ୍ଠାନ ହଷ୍ଟେଲରେ ଥିଲେ। ୧୦ ମ ଶ୍ରେଣୀର ପରୀକ୍ଷା ଚାଲୁଥିବା ହେତୁ ସମସ୍ତ ଛାତ୍ର  ଢେ...

ରାଉରକେଲା/ ଚିନ୍ତା ଓ ଚେତନାଧର୍ମୀ ସାହିତ୍ୟ ସଂସ୍କୃତି ସମ୍ପନ୍ନ ତ୍ରୈମାସିକ ମହିଳା ପତ୍ରିକା ' ସ୍ମୃତି ସାନ୍ତ୍ବନା 'ର ଦଶମ ବାର୍ଷିକୀ ଦ୍ବିତୀୟ ସଂଖ୍ୟା ପାର୍ବଣ ନୈବେଦ୍ୟ ଛେଣ୍ଡ ସ୍ଥିତ ଗୋପବନ୍ଧୁ ପାଠାଗାର ଠାରେ ଉନ୍ମୋଚିତ ହୋଇ ଯାଇଛି। ପ୍ରଧ୍ଯାପକ ଭବେଶ ଚନ୍ଦ୍ର ସାହୁଙ୍କ ସଭାପତିତ୍ବ ଓ ପତ୍ରିକାର ସମ୍ପାଦିକା ସବିତାରାଣୀ ବେହେରାଙ୍କ ଆବାହକତ୍ବରେ ଆୟୋଜିତ ଏହି କାର୍ଯ୍ୟକ୍ରମ ରେ ମୁଖ୍ୟଅତିଥି ଭାବେ ଡଃ ପ୍ରମିଳା ପଣ୍ଡା, ସମ୍ମାନିତ ଅତିଥି ଭାବେ ଲକ୍ଷ୍ମଣନାଥ ଦାସ ଓ ମୁଖ୍ୟବକ୍ତା ରୂପେ ଓଡିଶା ସାହିତ୍ୟ ଏକାଡେମୀ ର ସଦସ୍ୟ ରାଜୀବ ପାଣି ଯୋଗଦେଇଥିଲେ। ଅତିଥି ମାନେ 'ସ୍ମୃତି ସାନ୍ତ୍ବନା' ସହ 'ଲୁହର ଆକାଶ' ଗୀତି କବିତା ସଂକଳନକୁ ଉନ୍ମୋଚିତ କରିଥିଲେ। ଅତିଥି ମାନେ ପୁସ୍ତକ ଦ୍ବୟ ଉପରେ ଆଲୋଚନା କରି କହିଲେ ଯେ ଆମ୍ଭେମାନେ ହୀନମନ୍ୟତାର ଶିକାର ହୋଇ ନିଜ ଭାଷାର ସାହିତ୍ୟକୁ ଆଗକୁ ନେଇପାରିଲୁ ନାହିଁ। ମାତ୍ର ବଙ୍ଗାଳୀ ମାନେ ରବିନ୍ଦ୍ର ନାଥ ଟାଗୋରଙ୍କ କାବ୍ୟ କବିତା ଗୁଡିକ ବିଭିନ୍ନ ଭାଷାରେ ଅନୁବାଦ କରି ଶୀର୍ଷରେ ପହଞ୍ଚାଇ ଦେଲେ। ଆମ୍ଭମାନଙ୍କ ପାଖରେ ଉନ୍ନତମାନର ସାହିତ୍ୟ ଥିଲେ ହେଁ ତାହାକୁ ଆମେ ବ୍ୟାପକ ପ୍ରଚାର ପ୍ରସାର କରିପାରିଲୁ ନାହିଁ। ସେ ଦୃଷ୍ଟିରେ ଆମେ ପଛରେ ପଡିଗଲେ। ଆମ୍ଭେମାନେ ପ୍ରତିବେଶୀ ସାହିତ୍ୟ ପଢିବା ଦରକାର। ସାହିତ୍ୟ ସବୁବେଳେ ସମାଜର ହିତ ପାଇଁ ଲେଖା...

  ୨୭.୦୯.୨୦୨୧(ବସନ୍ତ କୁମାର ଜେନାଙ୍କ ରିପୋର୍ଟ) ଆଦିବାସୀ ଅଧ୍ୟୁଷିତ ଜିଲ୍ଲା ସୁନ୍ଦରଗଡ଼ର ଗ୍ରାମାଞ୍ଚଳର ପାରିପାର୍ଶ୍ବିକ ପରିସ୍ଥିତି ଅଣାୟତ୍ତ ହେତୁବିଭିନ୍ନ ସମୟରେ ନାହିଁ ନଥିବା ଦୁର୍ଦ୍ଦଶାର ସମ୍ମୁଖୀନ ହେଉଛନ୍ତି ସ୍ଥାନୀୟ ଲୋକମାନେ। ରାଉରକେଲା ବଣାଇଁ ଉପଖଣ୍ଡର କେ ବଲାଙ୍ଗ ଥାନା ଅନ୍ତର୍ଗତ ମହିଶିଛପଲ ଗ୍ରାମରେ ୪ ବର୍ଷର ଶିଶୁପୁତ୍ର ସାପ କାମୁଡ଼ାରେ ମୃତ୍ୟୁ ହୋଇଥିବା ଜଣାପଡିଛି। ଗତ ରାତି ପ୍ରାୟ ୯ଟା ସମୟରେ ମହିଶିଛପଲ୍ ଗାଁର ଅମ୍ବ୍ରିତ୍ ଓରାମଙ୍କର ଚାରି ବର୍ଷର ପୁଅ ଘର ଚଟାଣରେ ଶୋଇଥିବା ବେଳେ କୌଣସି ଏକ ବିଷାକ୍ତ ସାପ କାମୁଡ଼ାରେ ଗୁରୁତର ହୋଇ ଥିବାବେଳେ ତାଙ୍କୁ ଆମ୍ବୁଲାନ୍ସ ଯୋଗେ ତୁରନ୍ତ ଲହୁଣୀପଡ଼ା ଚିକିତ୍ସାଳୟକୁ ଅଣା ଯାଇଥିଲା। ସେଠାରେ ଡ଼ାକ୍ତର ମୃତ ଘୋଷଣା କରିଥିଲେ। ପରେ ପରିବାର ଲୋକେ ଥାନାରେ ଅଭିଯୋଗ କରିବା ପରେ କେ ବଲାଙ୍ଗ ଥାନା ଅଧିକାରୀ ବିକାଶ ରଞ୍ଜନ ସ୍ଵାଇଁ ଘଟଣାର ତଦନ୍ତ କରିବା ସହିତ ଏକ ଆପମୃତ୍ୟୁ ମାମଲା ରୁଜୁ କରି ଶବ ବ୍ୟବଚ୍ଛେଦ ପରେ ପରିବାରବର୍ଗଙ୍କୁ ଶବ ହସ୍ତାନ୍ତର କରିଥିବା ଜଣାପଡିଛି।

ସୁନ୍ଦରଗଡ଼: ବ୍ରା୍.ମୁ.ବ୍ୟୁରୋ:- ରବିବାର  ବିଳମ୍ବିତ ରାତିରେ ସୁନ୍ଦରଗଡ଼ ସଦର ଥାନା ଅନ୍ତର୍ଗତ ଜୁନାଡିହିରେ ଵୃଦ୍ଧ ଦମ୍ପତିଙ୍କୁ ମରଣାନ୍ତକ ଆକ୍ରମଣ ହୋଇଛି। ଏଥିରେ ପତ୍ନୀଙ୍କ ମୃତ୍ୟୁ ହୋଇଥିବାବେଳେ ସ୍ବାମୀଙ୍କୁ ଗୁରୁତର ଅବସ୍ଥାରେ ସୁନ୍ଦରଗଡ଼ ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଛି। ମିଳିଥିବା ସୂଚନାନୁସାରେ ପଡୋଶୀ ଘରର ଯୁଵକ କାର୍ତ୍ତିକ ତିଗା ଟାଙ୍ଗିଆରେ ଉଭୟଙ୍କୁ ଆକ୍ରମଣ କରିଥିବା ଅଭିଯୋଗ ହୋଇଛି। ମୃତା ମହିଳାଙ୍କ ନାମ ବାଛି ଓରାମ (୬୫)। ଗୁରୁତର ସ୍ବାମୀ ହେଲେ ମାଧ ଓରାମ। କିଛି ଦିନ ତଳେ କୌଣସି ଘଟଣାକୁ ନେଇ ଦମ୍ପତିଙ୍କର ପୁଅ ବଳ ଓରାମଙ୍କ ସହ ଅଭିଯୁକ୍ତ କାର୍ତ୍ତିକଙ୍କ ଝଗଡ଼ା ହୋଇଥିଲା। ରାଗ ରଖି କାର୍ତ୍ତିକ ରାତିରେ ବଳଙ୍କୁ ମାରିବା ପାଇଁ ଟାଙ୍ଗିଆ ଧରି ଆସିଥିଲା। କିନ୍ତୁ ସୌଭାଗ୍ୟବଶତଃ ବଳ ପାଖ ଘରକୁ ଟିଭି ଦେଖିବାକୁ ଯାଇଥିବାରୁ ତାଙ୍କୁ ନ ପାଇ ଦମ୍ପତିଙ୍କୁ ଆକ୍ରମଣ କରିଥିବା ପ୍ରାଥମିକ ଭାବେ ମିଳିଥିବା ସୂଚନାରୁ ଜଣାପଡ଼ିଛି। ପୁଲିସ ଆଜି ସକାଳୁ ଘଟଣାସ୍ଥଳରେ ମୃତ ମହିଳଙ୍କ ଶଵ ଉଦ୍ଧାର କରି ବ୍ୟବଚ୍ଛେଦ ପାଇଁ ସୁନ୍ଦରଗଡ଼ ପଠାଇଛି। ଏଣେ ଅଭିଯୁକ୍ତ ଫେରାର ଥିବା ଜଣାଯାଇଛି।

 ରାଉରକେଲା, ୨୭/୯ (ବ୍ରାହ୍ମମୁହୂର୍ତ୍ତ ସମାଚାର): କେନ୍ଦ୍ର ନରେନ୍ଦ୍ର ମୋଦି ସରକାରଙ୍କ ଶ୍ରମିକ, କୃଷକ ତଥା ଜନ ବିରୋଧୀ ନୀତି ବିରୋଧରେ ନିତ୍ୟ ବ୍ୟବହାର୍ଯ୍ୟ ସାମଗ୍ରୀ ସମେତ ପେଟ୍ରୋଲ, ଡ଼ିଜେଲ, ରନ୍ଧନ ଗ୍ୟାସ ଦରବୃଦ୍ଧି ନିୟନ୍ତ୍ରଣ କରିବା, ଶ୍ରମିକ ବିରୋଧୀ ୪ ଟି ଲେବର କୋର୍ଡ଼ ପ୍ରତ୍ୟାହାର କରିବା, ୩ ଟି କଳା କୃଷି ଆଇନ ବାତିଲ କରିବା, ସ୍ୱାମୀନାଧନ କମିଶନଙ୍କ ସୁପାରିଶକୁ କାର୍ଯ୍ୟକାରୀ କରିବା ସହ କୃଷକକୁ ଉତ୍ପାଦ ଖର୍ଚ୍ଚର ଦେଢ଼ଗୁଣା ସର୍ବନିମ୍ନ ସହାୟକ ମୂଲ୍ୟ ପ୍ରଦାନ କରିବା, ବିଦ୍ୟୁତ ବିଲ (ସଂଶୋଧନ) ୨୦୨୦ ପ୍ରତ୍ୟାହାର କରିବା, ଅତ୍ୟାବଶ୍ୟକୀୟ ସାମଗ୍ରୀ ଆଇନ (ସଂଶୋଧନ) ୨୦୨୦ ବାତିଲ କରିବା, ଲାଭଦାୟକ ରାଷ୍ଟ୍ରାୟତ ଉଦ୍ୟୋଗ ଗୁଡ଼ିକରେ ଘରୋଇକରଣ ବନ୍ଦ କରିବା, ସମସ୍ତଙ୍କୁ ମାଗଣା କରୋନା ଟୀକା ପ୍ରଦାନ, କରି ବିଦ୍ୟାଳୟ ଖୋଲିବା ପାଇଁ ବ୍ୟବସ୍ଥା କରିବା, ଆୟକର ଦେଉନଥିବା ପରିବାରକୁ ମାସିକ ୭ ହଜାର ୫୦୦ ଟଙ୍କା ଏବଂ ମୁଣ୍ଡ ପିଛା ୧୦ କିଲୋ ଖାଦ୍ୟସଶ୍ୟ ୬ ମାସ ପାଇଁ ପ୍ରଦାନ କରିବା ଆଦି ୨୧ ଦଫା ଦାବିରେ ସଂଯୁକ୍ତ କିଷାନ ମୋର୍ଚ୍ଚା ଆଦି ଭାରତ ବନ୍ଦ ଡ଼ାକରା ଦେଇଥିବାବେଳେ ସମସ୍ତ କେନ୍ଦ୍ରୀୟ ଟ୍ରେଡ଼ ୟୁନିୟନ ଓ ଗଣ ସଂଗଠନ ମାନଙ୍କ ପକ୍ଷରୁ ଏହି ବନ୍ଦ ଡାକରାକୁ ସମର୍ଥନ ଘୋଷଣା କରାଯାଇଥିଲା । ଆଜିର ଭାରତ ବନ୍ଦ ଅବସରରେ ରାଉରକେଲାରେ ସମସ୍ତ ବ୍ୟବସାୟୀକ ପ୍ରତିଷ୍ଠାନ, ବସ୍‌ସେବା ସଂପୂର୍ଣ୍ଣ ବନ୍ଦ ଥିଲାବ...

୨୬-୦୯-୨୦୨୧(,ରାଉରକେଲା ରୁ ବସନ୍ତ କୁମାର ଜେନାଙ୍କ ରିପୋର୍ଟ) ଆଦିବାସୀ ଅଧ୍ୟୁଷିତ ଜିଲ୍ଲା ସୁନ୍ଦରଗଡ଼ର ବିଭିନ୍ନ ବ୍ଳକ ଅନ୍ତର୍ଗତ ଗ୍ରାମମାନଙ୍କରେ ଜିଲ୍ଲାର ଅବକାରୀ ବିଭାଗ ପକ୍ଷରୁ ଚଢାଉ କରାଯାଇ ବହୁ ପରିମାଣର ଦେଶୀମଦ ପ୍ରସ୍ତୁତ ପାଇଁ ବ୍ୟବହୃତ ହେଉଥିବା ସରଞ୍ଜାମ ଜବତ କରୁଥିବା ଖବର ଗଣମାଧ୍ୟମରେ ଦେଖିବାକୁ ମିଳୁଛି। ସେହିପରି ଏକ ଖବର ନେଇ ଏବେ ଚର୍ଚ୍ଚାରେ ଅଛନ୍ତି ଜିଲ୍ଲାର ଅବକାରୀ ବିଭାଗ ବଡ଼ବାବୁ ଓ ତାଙ୍କରି କର୍ମଚାରୀ। ଅଞ୍ଚଳରେ ଚାଲୁଥିବା ଅଵୈଧ ମଦ କାରଖାନା ଉପରେ ଅବକାରୀ ବିଭାଗ ତରଫରୁ ଚଢ଼ାଉ ଜୋରଦାର ଚାଲିଛି। ମିଳିଥିବା ସୁଚନା ଅନୁସାରେ ଅବକାରୀ ବିଭାଗର ସୁପରୀଡେଣ୍ଟ   ଏମ୍ .ଡି. ଆସୀଫ୍ ଅଲ୍କୀ ଖାନ୍ ଙ୍କ ନିର୍ଦ୍ଦେଶ କ୍ରମେ ରାଉରକେଲା ଅବକାରୀ ବିଭାଗ ଏକଜ୍ୟୁଟୀଭ୍ ମାଜିଷ୍ଟ୍ରେଟ ଅଂଶୁମାନ ଦାଶଙ୍କ ଉପସ୍ଥିତ ରେ ବିସ୍ରା ବ୍ଳକ ଅଞ୍ଚଳରେ ଚିଦାବେଡା,ଭେଜଡିହି,ବରସୁଆଁ ଓ ବଙ୍ଗୁରକେଲା ଅଞ୍ଚଳରେ ଛାପାମାରି ୧୬.୮୦୦କେଜି ମହୁଆଫୁଲ ଓ ୫୨୩ ଲିଟର ଦେଶୀ ମଦ ଜବଦ କରି ସେ ସବୁକୁ ନଷ୍ଟ କରିଦେଇଛନ୍ତି। ତା ସଙ୍ଗେ ରାହୁଲ୍ ମୁଣ୍ଡା -ଚିରାବେଡା,କଲିଆ ଏକ୍କା-ବରସୁଆଁ, ଶିବନାଥ ଲୁହା-ଭେଜାଡିହି ଓ ମଙ୍ଗଲ ସିଂ ସୁନ୍ଦରୀ-ବଙ୍ଗୁରକେଲା ଅଞ୍ଚଳରୁ ଗିରଫ କରିଛନ୍ତି।ଏହି ଚଢ଼ାଉ ରେ ଅବକାରୀ ଇନିସ୍ପେକ୍ଟର ସ୍ନେହଲତା ନାୟକ,ଶ୍ରୀଧର ମହାନ୍ତି,ମାନସ ରଞନ ମୁଣ୍ଡା ଓ ରମାକାନ୍ତ ଚାନ୍ଦ ପ୍ରମୁଖ ଅଧିକାର...

ଦେବଗଡ଼୨୪/୦୯: ରାଜ୍ୟ ସରକାରଙ୍କ ସୁରକ୍ଷା ବ୍ୟବସ୍ଥା କୁ ଉପହାସରେ ଉଡ଼ାଇ ଗୋଟିଏ ପରେ ଗୋଟିଏ ଗଣଦୁଷ୍କର୍ମ ଭଳି ଅତି ନିନ୍ଦନୀୟ ଘଟଣା ଘଟାଇଚାଲିଛନ୍ତି ରାକ୍ଷସ ଗୋଷ୍ଠୀ।  ଦେବଗଡ଼ ଜିଲ୍ଲାର ରିଆମାଳ ଥାନା ଅଞ୍ଚଳରେ ଜଣେ ୧୨ ବର୍ଷର ନାବାଳିକା ଟ୍ୟୁସନ୍‌ରୁ ଫେରିଲା ବେଳେ ଦୁଇ ଜଣ ଦୁର୍ବୁତ୍ତ ଜଙ୍ଗଲକୁ ଟେକି ନେଇ ଗଣ ଦୁଷ୍କର୍ମ କରାଯାଇଥିବା ଅଭିଯୋଗ ହୋଇଛି। ଏଭଳି ଘଟଣା ଘଟିଛି ଦେବଗଡ଼ ଜିଲ୍ଲା ରିଆମାଳ ବ୍ଲକର ରିଆମାଳ ଥାନା ଅର୍ନ୍ତଗତ ଛତାବର ଗ୍ରାମରେ। ଏହି ଘଟଣାରେ ସମ୍ପୃକ୍ତ ଥିବା କଙ୍କରଖୋଲ ଗାଁର ଶୁଭମ ବାଦୀ ଓ ଚିନ୍ମୟ ରଞ୍ଜନ ବାଦୀଙ୍କୁ ପୁଲିସ ଗିରଫ କରିଛି। ସୂଚନାଅନୁସାରେ, ନାବାଳିକା ଜଣକ ତାଙ୍କ ବଡ଼ ବାପାଙ୍କ ଘରେ ରହି ପାଠ ପଢ଼ୁଥିଲେ। ସେ ପ୍ରତେକ ଦିନ ସନ୍ଧ୍ୟା ସମୟରେ ଟ୍ୟୁସନ୍ ସାରି ଛତାବରରୁ ସାଇକେଲ ଯୋଗେ ଘରକୁ ଫେରିଥାନ୍ତି। ସବୁଦିନ ପରି ଗତକାଲି ମଧ୍ୟ ଛାତ୍ରୀ ଜଣଙ୍କ ସନ୍ଧ୍ୟା ୭ଘଟିକା ସମୟରେ ଛତାବରରୁ ଟ୍ୟୁସନ ସାରି ସାଇକେଲ ଯୋଗେ ଘରକୁ ଫେରୁଥିଲେ। ହେଲେ ଫେରିବା ବାଟରେ ଜଗି ରହିଥିବା ଯୌନ ପିପାସୁ ଶୁଭମ ଓ ଚିନ୍ମୟ ନାବାଳିକାଙ୍କୁ କଙ୍କରଖୋଲ ଜଙ୍ଗଲକୁ ଟେକି ନେଇ ଦୁଷ୍କର୍ମ କରିଥିଲେ। ଏନେଇ ପୀଡିତା ଘରେ ଜଣାଇବା ପରେ ପୀଡ଼ିତାଙ୍କ ପରିବାର ପକ୍ଷରୁ ରିଆମାଳ ଥାନାରେ ଅଭିଯୋଗ କରାଯାଇଥିଲା। ରିଆମାଳ ପୁଲିସ ଗତକାଲି ରାତିରେ ଅଭିଯୁକ୍ତ ଶୁଭମ ଓ ଚିନ୍ମୟଙ୍କୁ ଗିରଫ କରିଥିଲା। ପୁଲିସ ମାମ...

  ସୁନ୍ଦରଗଡ଼, ୨୪ ସେପ୍ଟେମ୍ବର ୨୦୨୧: ବିଭିନ୍ନ ପୁଷ୍ଟିଶସ୍ୟରେ ରହିଥିବା ପୁଷ୍ଟିକର ଗୁଣ ସମ୍ପର୍କରେ ଲୋକମାନଙ୍କୁ ସଚେତନ କରିବା ପାଇଁ ପ୍ରତିବର୍ଷ ସେପ୍ଟେମ୍ବର ମାସକୁ ଜାତୀୟ ପୋଷଣ ମାସ ଭାବରେ ପାଳନ କରାଯାଉଛି। ତେଣୁ ଓଡ଼ିଶା ପୁଷ୍ଟିଶସ୍ୟ ମିଶନ ଏବଂ ସୁନ୍ଦରଗଡ଼ ଜିଲ୍ଲା ଖଣିଜ ପ୍ରତିଷ୍ଠାନ ପକ୍ଷରୁ ଶୁକ୍ରବାର ଦିନ ସୁନ୍ଦରଗଡ଼ଠାରେ ଜିଲ୍ଲାସ୍ତରୀୟ ପୋଷଣ ମାସ ପାଳନ କରାଯାଇଛି। ଜିଲ୍ଲାପାଳ ନିଖିଲ ପବନ କଲ୍ୟାଣ ଏହି କାର୍ଯ୍ୟକ୍ରମକୁ ଉଦଘାଟନ କରିଥିଲେ। ଏହି କାର୍ଯ୍ୟକ୍ରମରେ ବିଭିନ୍ନ ପୁଷ୍ଟିକର ପନିପରିବା, ଡାଲି ଜାତୀୟ ଶସ୍ୟ ସହିତ ପୁଷ୍ଟିଶସ୍ୟରୁ ପ୍ରସ୍ତୁତ ବିଭିନ୍ନ ଖାଦ୍ୟ ପ୍ରଦର୍ଶନ କରାଯାଇଥିଲା। ମହିଳା ସ୍ୱୟଂ ସହାୟକ ଗୋଷ୍ଠୀର ସଦସ୍ୟମାନେ ମାଣ୍ଡିଆରୁ ପ୍ରସ୍ତୁତ ଲଡୁ, କେକ୍, ଗଜା, ପିଠା ଆଦି ପ୍ରସ୍ତୁତ କରି ପ୍ରଦର୍ଶନ କରିଥିଲେ। ସମସ୍ତଙ୍କ ପୋଷଣ ନିହାତି ଜରୁରୀ। ବିଶେଷକରି ଗର୍ଭବତୀ ଓ ପ୍ରସୂତି ମା’, କିଶୋରୀ ଏବଂ ଶିଶୁମାନଙ୍କର ପୁଷ୍ଟି ସାଧନ ପାଇଁ ଜିଲ୍ଲା ପ୍ରଶାସନ ପକ୍ଷରୁ ଅନେକ କାର୍ଯ୍ୟକ୍ରମ କରାଯାଉଛି। ତେଣୁ ଏ ଦିଗରେ ଲୋକମାନଙ୍କୁ ସଚେତନ କରିବା କ୍ଷେତ୍ରରେ ଅଙ୍ଗନବାଡ଼ି କର୍ମୀମାନଙ୍କର ଗୁରୁତ୍ୱପୂର୍ଣ୍ଣ ଭୂମିକା ରହିଛି। ସମସ୍ତେ ସଚେତନ ରହିଲେ ହିଁ ପୋଷଣ ମାସ ପାଳନର ସାର୍ଥକତା ରହିବ’’, କହିଛନ୍ତି ଜିଲ୍ଲାପାଳ ନିଖିଲ ପବନ କଲ୍ୟାଣ।ନିକଟରେ ଓଡ଼ିଶା ଶ୍ରେଷ୍ଠ ପୁଷ୍ଟିଶସ୍ୟ ପ୍ରୋତ୍ସାହ...

ରାଉରକେଲା:-( ବସନ୍ତ କୁମାର ଜେନାଙ୍କ ରିପୋର୍ଟ) ପୁଣିଥରେ ଆଉଏକ ମର୍ମନ୍ତୁଦ ସଡକ ଦୁର୍ଘଟଣା ଦେଖିବାକୁ ମିଳିଛି। ରାଜଗାଙ୍ଗପୁର ରୁ ରାଉରକେଲା ଆସୁଥିବା ଏକ ଘରୋଇ ବସ ବିଜୁ ଏକ୍ସପ୍ରେସ way ରେ ଭାରସାମ୍ୟ ହରାଇ ଓଲଟି ପଡିବା ଫଳରେ ଘଟଣା ସ୍ଥଳରେ ଦୁଇଜଣଙ୍କ ମୃତ୍ୟୁ ହୋଇଛି । ଏହି ଦୁର୍ଘଟଣାରେ ବସ ରେ ଆସୁଥିବା 8 ଜଣ ଯାତ୍ରୀ ଗୁରୁତର ଆହତ ହୋଇଛନ୍ତି । ଆହତ ଯାତ୍ରୀଙ୍କୁ ପ୍ରଥମେ ରାଜଗାଙ୍ଗପୁର ସରକାରୀ ହସ୍ପିଟାଲ କୁ ନିଆଯାଇଥିଲା । କିନ୍ତୁ ସେଠାରେ ଚିକିତ୍ସା ର ବିଶେଷ ସୁବିଧା ନଥିବାରୁ ରାଉରକେଲା ର ସରକାରୀ ହସ୍ପିଟାଲ ଏବଂ IGH କୁ ପଠା ଯାଇଥିଲା । ଆହତ ଙ୍କ ଚିକିତ୍ସା ଏବେ ରାଉରକେଲା ରେ ଚାଲିଛି । ମିଳିଥିବା ସୂଚନା ଅନୁଯାୟୀ ରାଜଗାଙ୍ଗପୁର ଲାଲ ଶାହ ବାବା ଦରଘା ରେ ଚାଲିଥିବା ଉର୍ତ୍ସ ମେଳାରେ ଯୋଗ ଦେଇ ଏକ ଘରୋଇ ବସ ରେ 15 ଜଣ ଶ୍ରଦ୍ଧାଳୁ ରାଉରକେଲା ଆସୁଥିବା ବେଳେ ଝଗରପୁର ଏବଂ ରମାବାହଲ ମଝିରେ ଏହି ଦୁର୍ଘଟଣା ଘଟିଥିଲା । ପ୍ରଥମେ ଅନୀଲ ନାମକ ଏହି ଘରୋଇ ବସ ଜଣେ ପଥଚାରୀ ଙ୍କୁ ଧକ୍କା ଦେଇଥିଲା। ତାଙ୍କର ଘଟଣା ସ୍ଥଳରେ ମୃତ୍ୟୁ ହୋଇଥିଲା । ପରେ ବସ ଭାରସାମ୍ୟ ହରାଇ ଓଲଟି ପଡିଥିଲା ଏବଂ ବସ ରେ ଚାପି ହୋଇ ଜଣେ ମହିଳା ମୃତ୍ୟୁ ବରଣ କରିଥିଲେ । ଖବରପାଇ ରାଜଗାଙ୍ଗପୁର ପୋଲିସ ଘଟଣା ସ୍ଥଳରେ ପହଞ୍ଚି ଆହତ ମାନଙ୍କୁ ହସ୍ପିଟାଲ ପହଞ୍ଚାଇଥିଲେ । ଏହି ଦୁର୍ଘଟଣାର ଖବର ମିଳିବା ପରେ ଉଭୟ ରାଜଗାଙ୍ଗପୁର ଏବଂ...

ଜାତୀୟ ସେବା ଯୋଜନା ଦିବସ ପାଳିତ ଜଗନ୍ନାଥ ପ୍ରସାଦ: ୨୪.୦୯.୨୦୨୧ : ଗଞ୍ଜାମ ଜିଲ୍ଲା ଜଗନ୍ନାଥ ପ୍ରସାଦ ବ୍ଲକ ଆଞ୍ଚଳିକ ଉଚ୍ଚ ମାଧ୍ୟମିକ ବିଦ୍ୟାଳୟ, ଜଗନ୍ନାଥ ପ୍ରସାଦ, ଜାତୀୟ ସେବା ଯୋଜନା ଶାଖା-୧ ତରଫରୁ ଜାତୀୟ ସେବା ଯୋଜନା ଦିବସ ପାଳିତ ହୋଇଯାଇଛି । ଏହି ଉତ୍ସବରେ ମହାବିଦ୍ୟାଳୟ ଅଧ୍ୟକ୍ଷ ଶ୍ରୀଯୁକ୍ତ ନୃସିଂହ ଚରଣ ପ୍ରଧାନ ଜାତୀୟ ସେବା ଯୋଜନା ପତାକା ଉତ୍ତୋଳନ କରିବା ସହିତ ସ୍ବେଚ୍ଛାସେବୀ ମାନଙ୍କୁ ଶପଥ ପାଠ କରାଇଥିଲେ । ଜାତୀୟ ସେବା ଯୋଜନା କାର୍ଯ୍ୟକ୍ରମ ଅଧିକାରୀ ଅଧ୍ୟାପକ ସୁନିଲ କାନ୍ତ ମିଶ୍ରଙ୍କ ସଂଯୋଜନାରେ ଏହି ଉତ୍ସବ ଅନୁଷ୍ଠିତ ହୋଇଥିଲା ଏବଂ ପ୍ରାଧ୍ୟାପକ ଲୋକନାଥ ମହାନ୍ତିଙ୍କ ସହିତ ସମସ୍ତ ସ୍ବେଚ୍ଛାସେବୀ ଜାତୀୟ ସେବା ଆମେ କରିବା ଗୀତ ଗାନ କରିଥିଲେ । ଏହା ପରେ ପରେ ମହାବିଦ୍ୟାଳୟ ପରିସରରେ ଏକ ସଚେତନତା ସଭା ଆୟୋଜନ କରାଯାଇଥିଲା । ଏହି ସଭାରେ ମହାବିଦ୍ୟାଳୟର ଅଧକ୍ଷ ସଭାପତିତ୍ବ କରିବା ସହିତ ସ୍ବେଚ୍ଛାସେବୀ ମାନଙ୍କୁ ଜାତୀୟ ସେବା ର ମହତ୍ତ୍ଵ ଓ ସ୍ବେଚ୍ଛାସେବୀ ମାନଙ୍କୁ ଜାତୀୟ ସେବା କରିବା ପାଇଁ ପ୍ରେରଣା ଦେଇଥିଲେ । ସମ୍ମାନିତ ଅତିଥି ଭାବେ ପ୍ରାଧ୍ୟାପକ ଲୋକନାଥ ମହାନ୍ତି ଯୋଗଦେଇ ସଭାର ଉଦ୍ଧେଶ୍ୟ ଓ ଲକ୍ଷ୍ୟ ବିଷୟରେ ସ୍ବେଚ୍ଛାସେବୀ ମାନଙ୍କୁ କହିଥିଲେ । ମୁଖ୍ୟ ବକ୍ତା ଭାବେ ପ୍ରାଧ୍ୟାପକ ଡକ୍ଟର ଜୟ ଦେବ ଗୌଡ଼ ଯୋଗ ଦେଇ ସ୍ବେଚ୍ଛାସେବୀ ମାନଙ୍କର ଜାତୀୟ ଉନ୍ନତି ପାଇଁ ଭୂମିକା ଓ ବ...

ସୁନ୍ଦରଗଡ଼: ୨୪/୯/୨୦୨୧-(ବସନ୍ତ କୁମାର ଜେନାଙ୍କ ରିପୋର୍ଟ)  ବିଜୁବାବୁଙ୍କ ନାମରେ ନାମିତ ବିଜୁ ସ୍ବାସ୍ଥ୍ୟ କାର୍ଡ ସାଙ୍ଗରେ ଧରି ସୁନ୍ଦରଗଡ଼ ଜିଲ୍ଲାର ଜନୈକା ମହିଳା ରାଜଧାନୀ ଭୁବନେଶ୍ବର ଯାଇଥିଲେ ଉନ୍ନତ ସ୍ବାସ୍ଥ୍ୟ ସେବା ପାଇଁ ହେଲେ ସରକାରଙ୍କ ବିଜୁସ୍ବାସ୍ଥ୍ୟ କାର୍ଡ କୁ ମେଡିକାଲ କତୃପକ୍ଷ ଅଣଦେଖା କରି ନଗଦ୨୬ହଜାର ଟଙ୍କା ନେଇଥିବା ଘଟଣା ଏବେ ସାରା ରାଜ୍ୟରେ ଚର୍ଚ୍ଚାକୁ ଆସିଛି। ଯାହାଦ୍ବାରା ସ୍ବାସ୍ଥ୍ୟ ବିଭାଗ ଏବଂ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଲାଗିପଡିଛନ୍ତି ଘଟଣାର ତଦନ୍ତ ପାଇଁ। ସୁନ୍ଦରଗଡ଼ ଜିଲ୍ଲା ମୁଖ୍ୟ ଚିକିତ୍ସାଧିକାରୀଙ୍କ ଜାଣତରେ ଏତେ ସବୁ ଘଟଣା କିଭଳି ଘଟିଗଲା ତାକୁ ନେଇ ଚାଲିଛି ମାନସମନ୍ଥନ। ରୋଗୀଙ୍କ ପାଖରେ ସ୍ଥାନାନ୍ତର ପତ୍ର ଥିବା ସତ୍ତ୍ବେ ସୁନ୍ଦରଗଡ଼ ଜିଲ୍ଲା କୁଚେଡେଗା ପଞ୍ଚାୟତ ପାଣ୍ଡିଆପାଲିର ସ୍ତନକର୍କଟ ଆକ୍ରାନ୍ତ ମହିଳା ଚନ୍ଦ୍ରକାନ୍ତି ନାଏକ (୫୫) ଭୁବନେଶ୍ବରର ଏକ ଘରୋଇ ହସ୍ପିଟାଲରୁ ଚିକିତ୍ସା ସୁବିଧା ନପାଇ ଫେରି ଆସିଥିଲେ। ଅଭାବନୀୟ ଖବରଟି ଶୁକ୍ରବାର ‘କିଛି ଖବର କାଗଜ’ରେ ପ୍ରକାଶ ପାଇବା ପରେ ରାଜ୍ୟ ବ୍ୟାପି ଆଲୋଡ଼ନ ସୃଷ୍ଟି କରିବା ସହ ବିରୋଧୀ ଦଳ କୁ ସରକାରଙ୍କୁ ସମାଲୋଚନା କରିବା ପାଇଁ ବାଟ ଖୋଲିଥିଲା। ଏହା ମଧ୍ୟରେ ରାଜ୍ୟ ସ୍ବାସ୍ଥ୍ୟ ବିଭାଗ ପକ୍ଷରୁ ତନାଘନା ଆରମ୍ଭ ହୋଇଯାଇଛି। ଓଡ଼ିଶା ସରକାରଙ୍କ ଜାତୀୟ ସ୍ବାସ୍ଥ୍ୟ ମିଶନ ନିର୍ଦ୍ଦେଶିକା ଶାଳିନୀ ପଣ...

  ଜଗନ୍ନାଥପ୍ରସାଦ: ଜଗନ୍ନାଥପ୍ରସାଦ ବନାଞ୍ଚଳ ଅନ୍ତର୍ଗତ ଅଳସୁ ନିକଟରେ ବନ ବିଭାଗ ପକ୍ଷରୁ ପେଟ୍ରୋଲିଙ୍ଗ ସମୟରେ ଗୋଟିଏ ଡାଲା ଟାଟାଏସି ଗୋଲଡ଼ ଗାଡିଦ୍ରୁତ ଗତିରେ ଯାଉଥିବା ବେଳେ ସନ୍ଦେହ ହେବାରୁ ତାକୁ ରୋକିବା ପାଇଁ ଚେଷ୍ଟା କରିଥିବା ବେଳେ ଗାଡିଟି ଦ୍ରୁତ ଗତିରେ ପଳାଇଥିଲା l ସାଙ୍ଗେ ସାଙ୍ଗେ ରାତ୍ରୀ ପେଟ୍ରୋଲିଂ ଗାଡି ତାର ପିଛା କରି ତାକୁ ଦଶଫୁଟିଆ ଛକ କିକଟରେ ଧରିଥିଲେ l ଯାଞ୍ଚ ବେଳେ ଗାଡି ଡ଼ାଲାରେ ମାଧବୀ ଚେର ଥିବା ଜଣା ପଡିବାରୁ ତାଙ୍କୁ ସ୍ଥାନୀୟ ବନାଞ୍ଚଳ ଅଧିକାରୀଙ୍କ କାର୍ଯ୍ୟାଳୟ କୁ ଅଣଯାଇଥୁଲା l ତଦନ୍ତ ପରେ ଉକ୍ତ ଗାଡିନମ୍ବର ଓଡି 02bl 7335ରେ ପ୍ରାୟ 320କେଜୀ ଓଜନର ମାଧବୀ ଚେର ଥିବା ଜଣାପଡିଥିଲା l ଏହି ବେଆଇନ ଚୋରା ଚାଲାଣରେ ସମ୍ପ୍ତୁକ ଗାଡି ମାଲିକ ତଥା ଚାଲାକ ନୟାଗଡ ଜିଲ୍ଲା, ଶରଣକୁଳ ଥାନା ଅଧୀନ ଗ୍ରାମ ହରିହରପୂରର ଅଜୟ ମହାନ୍ତି, (30)ସେହି ଥାନା ଅନ୍ତର୍ଗତ ଗୁଡିପାଲି ଗ୍ରାମର ବ୍ୟବସାୟୀ ଦଶରଥୀ ସାହୁ (38)ଗିରଫ କରାଯାଇଥିବା ବେଳେ ପରିବହନ ରେ ବ୍ୟବହୃତ ଗାଡିକୁ ଜବତ କରାଯାଇ ଅଭିଯୁକ୍ତଙ୍କ ନାମରେ ଓ଼ଆର କେଶ ନମ୍ବର 196/22ପ୍ରକାରେ କୋର୍ଟ ଚାଲାଣ କରାଯାଇ ଥିବା ବେଳେ ବେଆଇନ ପରିବହନ କରୁଥିବା ଗାଡି ଉପରେ 56ଧାରା ଅନୁସାରେ ମାମଲା ୠଜୁ କରାଯାଇଥିବା ବନାଞ୍ଚଳ ଅଧିକାରୀ ଉମାକାନ୍ତ ଦାସ ପ୍ରକାଶ କରିଛନ୍ତି l ଏ ଜବତ ମାଧବୀ ଚେରର ମୂଲ୍ୟ ପ୍ରାୟ ପଚାଶ ହଜାର ଟଙ...

ଭୁବନେଶ୍ୱର:- ବ୍ରା.ମ.ବ୍ୟୁରୋ- ଖବର ଭିତରେ ଏଭଳି କିଛି ଖବର ଜାଣିବାକୁ ମିଳେ ଯାହାକୁ ନେଇ କିଛି କହିବାକୁ ଚାହିଁଥିଲେ ମଧ୍ୟ ହୃଦୟର ଭାଷା ପାଟିରେ ଧରି ହୁଏନାହିଁ। ସଂସାର ନିୟମ ବଡବିଚିତ୍ର, ଯେଉଁ ବ୍ୟକ୍ତି ସମାଜର ପ୍ରତ୍ୟେକ କ୍ଷେତ୍ରରେ ନିଜକୁ ସାମିଲ କରି ସମାଜରେ ଘଟୁଥିବା ନିତିଦିନିଆ ଘଟଣାବଳୀ କୁ ସାଧାରଣ ଲୋକଙ୍କ ପାଖରେ ପହଞ୍ଚେଇବାର ବ୍ୟବସ୍ଥା କରିଥାଏ, ସେହି ଗଣମାଧ୍ୟମ ପ୍ରତିନିଧି ଟି ଯେତେବେଳେ ଖବର ସଂଗ୍ରହ କରୁକରୁ ନିଜେହିଁ ଖବର ପାଲଟିଯାଏ ତାହା ସମଗ୍ର ଜନସମାଜ ପାଇଁ ଅତ୍ୟନ୍ତ ଦୁଃଖଦ ପରିସ୍ଥିତି ସୃଷ୍ଟି କରି ଦେଇଥାଏ। ଏଭଳି ସ୍ଥିତି ଆଜି ରାଜ୍ୟ ରେ ଦେଖିବାକୁ ମିଳିଛି। ବର୍ଷାଦିନର ବଢିଲା ମହାନଦୀ ଭିତରେ ଜଙ୍ଗଲୀ ହାତୀର ଉଦ୍ଧାରଣ ପାଇଁ ଉଦ୍ଧାରକାରୀ ଦଳ ସହିତ ଖୋଦ୍ ସାମ୍ବାଦିକ ଯାଇ ପ୍ରାଣ ହରାଇଥିବା ସଭିଙ୍କ ପାଇଁ ଅତ୍ୟନ୍ତ ଦୁଃଖଦ ଖବର ହୋଇଛି। ଓଟିଭି ସାମ୍ବାଦିକ ଅରିନ୍ଦମ ଦାସଙ୍କ ଅକାଳ ବିୟୋଗରେ ଆଜି ସ୍ତବ୍ଧ ହେଇଗଲା ସମଗ୍ର ଗଣମାଧ୍ୟମ ସଂସ୍ଥା। କଟକ ନାରାଜ ସ୍ଥିତ ମୁଣ୍ଡୁଳି ବ୍ୟାରେଜ ଠାରେ ଘଟିଯାଇଥିବା ଦୁଃଖଦ ପରିସ୍ଥିତି ପ୍ରତି ସଭିଙ୍କ ମୁହଁରେ ସେହି ଅମର ଆତ୍ମା ପ୍ରତି ଗଭୀର ଶ୍ରଦ୍ଧାଞ୍ଜଳି ଜଣାଇବା ସହ ସଦଗତି କାମନା କରିଛନ୍ତି। ଅରିନ୍ଦମ ଦାସଙ୍କ ଅକାଳ ବିୟୋଗ ଖବର ଏବେ ରାଜ୍ୟର ବିଭିନ୍ନ ସ୍ଥାନରେ ଚର୍ଚ୍ଚା, କେଉଁ ଭଳି ଥିଲା ସେହି ଦୁଃଖଦ ପରିସ୍ଥିତି।

ସୁନ୍ଦରଗଡ଼: (ରାଉରକେଲା ରୁ ବସନ୍ତ କୁମାର ଜେନାଙ୍କ ରିପୋର୍ଟ) ସୁନ୍ଦରଗଡ଼ ଜିଲ୍ଲା ଆଟିଓ ଅଫିସ ଭିତରେ ବହୁ ରହସ୍ୟକୁ କିପରି ଖୋଦ୍ ବିଭାଗର ବଡ଼ବାବୁ ଗାନ୍ଧୀ ମାର୍କା ମିଠେଇ ଖାଇ ଅସମ୍ଭବ କୁ ସମ୍ଭବ କରୁଥିଲେ ତା'ର ଗନ୍ଧବାସ୍ନା ପାଇଥିଲେ ରାଜ୍ୟ ସଡକ ଓ ପରିବହନ ବିଭାଗର କମିଶନର। ଶେଷରେ ପରମିଟ ନଥିବା ବସ ଗୁଡ଼ିକ ଧରାପଡ଼ିଛନ୍ତି। ସମ୍ପୁର୍ଣ୍ଣ ଘଟଣା ହେଲା,  ପରମିଟ ଅଛି ସୁନ୍ଦରଗଡ଼ରୁ ରାଉରକେଲା। କିନ୍ତୁ ଯାଉଥିଲା ପଡ଼ୋଶୀ ରାଜ୍ୟ ଝାରଖଣ୍ଡର ସିମଡେଗା ରାଞ୍ଚି ଦେଇ ଗୟା। ପରମିଟ ନଥାଇ ଅନ୍ତଃରାଜ୍ୟ ରାସ୍ତାରେ ଚଳାଚଳ କରୁଥିବା ସୁନ୍ଦରଗଡ଼ର କୁନାଲ ବସ ବୁଧବାର ସିମଡେଗା ଠାରେ ସେଠାକାର ଆଞ୍ଚଳିକ ପରିବହନ ବିଭାଗ ହାତରେ ଧରାପଡ଼ିଛି। ତେବେ ଗତ ଅଗଷ୍ଟ ୧ରୁ ପରମିଟ ନଥିବା ରାସ୍ତାରେ ଯାତାୟତ କରୁଥିବା ଏହି ବସ୍ ଉପରେ ଦେଢ଼ ମାସ ପରେ ବି ସୁନ୍ଦରଗଡ଼ ଆଞ୍ଚଳିକ ପରିବହନ ବିଭାଗ କି ଝାରଖଣ୍ଡ ରାଜ୍ୟ ପରିବହନ ବିଭାଗର ନଜରରେ ନପଡ଼ିବା ପ୍ରଶ୍ନବାଚୀ ସୃଷ୍ଟି କରିଛି। ସୁନ୍ଦରଗଡ଼ ଜିଲ୍ଲାର ଆରଟିଓ ଅଧିକାରୀ ଦୁର୍ନୀତି କୁ ଜପାମାଳି କରି ମାସକୁ ମାସ ଗିରି ଚାଲିଥିଲେ ଗାନ୍ଧୀ ମାର୍କା ମିଠେଇ। ଶେଷରେ ବିଭାଗ ବଡ଼ବାବୁ ହାତରେ ଧରାପଡିଲେ। କଥା ହେଲା, କୁନାଲ ବସ୍ ର ବିନା ପରମିଟ୍ ଯାତ୍ରା ସମ୍ପର୍କରେ ଓଡ଼ିଶା ରାଜ୍ୟ ପରିବହନ କମିଶନର ଅରୁଣ ବୋଥ୍ରା ସୂଚନା ପାଇବା ପରେ ତୁରନ୍ତ ଝାରଖଣ୍ଡ କମିଶନରଙ୍କୁ ସୂଚୀତ କରି ବସକୁ ଜବତ ...

ସୁନ୍ଦରଗଡ଼, ୨୩ ସେପ୍ଟେମ୍ବର ୨୦୨୧:(ବସନ୍ତ କୁମାର ଜେନାଙ୍କ ରିପୋର୍ଟ) ଶିକ୍ଷାର ବିକାଶ ପାଇଁ ରାଜ୍ୟ ସରକାରଙ୍କ ୫ଟି ମନ୍ତ୍ର ଏବେ ସୁନ୍ଦରଗଡ଼ ଜିଲ୍ଲାର ବିଭିନ୍ନ ବ୍ଳକ ଅଞ୍ଚଳରୁ ଅଭିଯାନ ଅଧୀନରେ ସୁନ୍ଦରଗଡ଼ ଜିଲ୍ଲାରେ ସରକାରୀ ହାଇସ୍କୁଲଗୁଡ଼ିକର ରୂପାନ୍ତରଣ କାର୍ଯ୍ୟକ୍ରମ ଚାଲିଥିବା ସୂଚନା ମିଳିଛି। ୫ଟି ସଚିବ ଭି କାର୍ତ୍ତିକେୟନ୍ ପାଣ୍ଡିଆନ୍ ଭିଡିଓ କନଫରେନ୍ସିଂ ଜରିଆରେ ବିଭିନ୍ନ ହାଇସ୍କୁଲର ପ୍ରଧାନଶିକ୍ଷକ/ଶିକ୍ଷୟିତ୍ରୀ, ଛାତ୍ରଛାତ୍ରୀ ଏବଂ ସ୍କୁଲ ପରିଚାଳନା କମିଟିର ସଦସ୍ୟ ଏବଂ ଜିଲ୍ଲା ପ୍ରଶାସନର ଅଧିକାରୀମାନଙ୍କ ସହ ରୂପାନ୍ତରଣ କାର୍ଯ୍ୟକ୍ରମ ସମ୍ପର୍କରେ ଆଲୋଚନା କରିଛନ୍ତି। ସୁନ୍ଦରଗଡ଼ ଜିଲ୍ଲାରେ ପ୍ରଥମ ପର୍ଯ୍ୟାୟ ହାଇସ୍କୁଲ ରୂପାନ୍ତରଣ କାର୍ଯ୍ୟକ୍ରମ ଶେଷ ହେବାକୁ ଯାଉଛି। ପରବର୍ତ୍ତୀ ପର୍ଯ୍ୟାୟ ପାଇଁ ପ୍ରସ୍ତୁତି ଆରମ୍ଭ ହୋଇଛି। ତେଣୁ ଏହି କାର୍ଯ୍ୟକୁ କିଭଳି ସଫଳତାର ସହ କରାଯିବ ସେ ସମ୍ପର୍କରେ ଜିଲ୍ଲାପାଳ, ଜିଲ୍ଲା ପ୍ରଶାସନର ବରିଷ୍ଠ ଅଧିକାରୀ ଏବଂ ବିଭିନ୍ନ ସ୍କୁଲର ଶିକ୍ଷକ ଓ ପରିଚାଳନା କମିଟିର ସଦସ୍ୟଙ୍କ ସହ ୫ଟି ସଚିବ ଆଲୋଚନା କରିଛନ୍ତି।  ୫ଟି ସଚିବ  ଗୁରୁବାର ଦିନ ୧୨୯ଟି ହାଇସ୍କୁଲର ରୂପାନ୍ତରଣ କାର୍ଯ୍ୟ ସମ୍ପର୍କରେ ସମୀକ୍ଷା କରିଥିଲେ। ଏହି ଅବସରରେ ପିଲାମାନଙ୍କର ଭବିଷ୍ୟତର ସ୍ୱପ୍ନ ସମ୍ପର୍କରେ ୫ଟି ସଚିବ ପଚାରି ବୁଝିଥିଲେ। ଏହି ଭର୍ଚୁଆଲ ବୈଠକରେ ବିଭିନ୍ନ ବ୍ଲକସ୍...

କୁଆଁରମୁଣ୍ଡା :( ବସନ୍ତ କୁମାର ଜେନାଙ୍କ ରିପୋର୍ଟ)  ସୁନ୍ଦରଗଡ  ଜିଲ୍ଲାର ପ୍ରଶାସନିକ ଅଧିକାରୀମାନେ ଯେଭଳି ଭାବରେ ସରକାରଙ୍କ ବିକାଶ ଉପରେ ଗୁରୁତ୍ବ ଦେଇ ଚାଲିଛନ୍ତି ତା'ର ଗନ୍ଧବାସ୍ନା ଏବେ ଜିଲ୍ଲାର ବିଭିନ୍ନ ବ୍ଳକ ଅଞ୍ଚଳରୁ ଦେଖିବାକୁ ମିଳିଛି। କୁଆଁରମୁଣ୍ଡା ବ୍ଲକ ଅନ୍ତର୍ଗତ ସଲଙ୍ଗାବାହାଲ ପଞ୍ଚାୟତ ସ୍ଥିତ ନୂଆପଡା ବସ୍ତି ପାଖ ରାସ୍ତାରେ ଦୈନିକ ଶହଶହ ଭାରୀଯାନ ଯାତାୟାତ କରିଥାଏ। ସରକାର ରୋଡଟିକସ ବାବଦରେ ବାର୍ଷିକ କୋଟିକୋଟି ଟଙ୍କା ଆଦାୟ କରୁଛନ୍ତି, କିନ୍ତୁ ରାସ୍ତାଘାଟର ରକ୍ଷଣାବେକ୍ଷଣ କଥା ଭୁଲି ଯାଉଛନ୍ତି, ଯାହାଦ୍ବାରା ବିଭିନ୍ନ ସମୟରେ ମର୍ମନ୍ତୁଦ ଦୁର୍ଘଟଣା ଘଟିଚାଲିଛି। ସେଭଳି ଏକ ଘଟଣା ଘଟିଛି କୁଆଁରମୁଣ୍ଡା ଅଞ୍ଚଳରେ। ମିଳିଥିବା ସୂଚନାନୁସାରେ ପୂର୍ବରୁ ଉକ୍ତ ରାସ୍ତାଟି ଖାଲ ଢିପ ଓ କାଦୁଅରେ ଭର୍ତ୍ତି ଥିବା ବେଳେ ରାସ୍ତା ମଝିରେ ଏକ ଟ୍ରଲର ବସିରହିଥିଲା ।  ସେହି ରାସ୍ତାରେ ରାଞ୍ଚିରୋଡ ପାର୍ଶ୍ଵରୁ  ଝାରଖଣ୍ଡ ରାଜ୍ୟକୁ ଯାଉଥିବା ଏକ ଚାଉଳ ବୋଝେଇ ଟ୍ରକ ରାସ୍ତା କଡ ଦେଇ ପାରି ହେଉଥିବା ବେଳେ ଭାରସାମ୍ୟ ହରାଇ ବର୍ଷା ଯୋଗୁଁ କାଦୁଅ ଜମିଥିବା ରାସ୍ତା କଡରେ ଓଲଟି ପଡିଥିଲା ଚାଉଳ ବୋଝେଇ ଟ୍ରକଟି । ଅଳ୍ପକେ ମୃତ୍ୟୁ ମୁଖରୁ ବର୍ତ୍ତି ଯାଇଥିଲେ ଟ୍ରକ ଚାଳକ । କୌଣସି ମତେ ଖବର ପାଇ ଟ୍ରକ ମାଲିକ ଘଟଣାସ୍ଥଳରେ ପହଞ୍ଚିବା ପରେ ବହୁ କଷ୍ଟରେ ଟ୍ରକରୁ ଚାଉଳ ବସ୍ତା ଗୁଡିକୁ...

ରାଉରକେଲା:୨୨.୦୯.୨୦୨୧:-(ବସନ୍ତ କୁମାର ଜେନାଙ୍କ ରିପୋର୍ଟ) ସ୍ଥାନୀୟ ବେଥାନି ପଡିଆ ସେକ୍ଟର -19  ଠାରେ ଗ୍ରାମୀଣ ହକି ଟୁ୍ଣ୍ଣାମେଣ୍ଟର ଆୟୋଜିତ ହୋଇଯାଇଛି। ସାଗରିକା ୱେଲ୍ଫର୍ ଟ୍ରଷ୍ଟ ପକ୍ଷରୁ ଆୟୋଜିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ  ପୂର୍ବତନ କେନ୍ଦ୍ରମନ୍ତ୍ରୀ ଶ୍ରୀଯୁକ୍ତ ଦିଲ୍ଲୀପ ରାୟ ଯୋଗ ଦେଇଥିବାବେଳେ ସମ୍ମାନିତ ଅତିଥି ଭାବେ ସମାଜ ସେବୀ ଶ୍ରୀଯୁକ୍ତ ହରିହର ରାଉତରାୟ ,ଯୋଗ ଦେଇଥିଲେ  । ସର୍ବୋପରି ଏହି କାର୍ଯ୍ୟକ୍ରମ ରେ   ଭାରତୀୟ ହକି ଦଳ ରେ ସ୍ଥାନ ପାଇଥିବା ସିଲାନନ୍ଦ୍ ଲାକ୍ରା ଓ ନୀଲମ ସଞ୍ଜୀବ ଖେସ  ମଧ୍ୟ ଉପସ୍ଥିତ କାର୍ଯ୍ୟକ୍ରମରେ ଅଂଶଗ୍ରହଣ କରି ଥିଲେ। ମୁଖ୍ୟ ଅତିଥି ଶ୍ରୀଯୁକ୍ତ ରାୟ  ଏଠାରେ ଉପସ୍ଥିତ ଖେଳାଳି ଙ୍କୁ ସମ୍ବର୍ଦ୍ଧିତ କରିବା ସହ   ପୂର୍ବତନ ଖେଳାଳି ମାନଙ୍କୁ ମଧ୍ୟ ସମ୍ବର୍ଦ୍ଧନା କରିଥିଲେ । ଟ୍ରଷ୍ଟ ର ସାଧାରଣ ସମ୍ପାଦକ ଶ୍ରୀ ସନ୍ତୋଷ କୁମାର ତନ୍ତୀ ମଞ୍ଚ ପରିଚାଳନା କରିଥିଲେ ଓ ସଭାନେତ୍ରୀ ଶ୍ରୀମତୀ ଜୟନ୍ତୀ ଦାସ ସ୍ବାଗତ ଭାଷଣ କରିଥିଲେ ଶ୍ରୀ ରାୟ ଆଗାମୀ ଦିନରେ ରାଉରକେଲା ରେ  ହେବାକୁଥିବା ହକି ବିଶ୍ଵକପ କୁ ଆଖି ଆଗରେ ରଖି ଏହି ଖେଳ ହେଉଥିବାରୁ ଟ୍ରଷ୍ଟ କୁ ଭୂୟସୀ ପ୍ରଶଂସା କରିଥିଲେ  ।ହକି ପରିଚାଳନା କମିଟି ଉପାଧ୍ୟକ୍ଷ ଶ୍ରୀଯୁକ୍ତ ପିଟର ତିର୍କି ,ଅନିଲ ବୁଡ,ପୁରୁଷୋତ୍ତମ ତନ୍ତୀ ପରିଚାଳ...

  ୨୩.୦୯.୨୦୨୧ (ରାଉରକେଲା ପ୍ରତିନିଧି ବସନ୍ତ କୁମାର ଜେନାଙ୍କ ରିପୋର୍ଟ) ସୁନ୍ଦରଗଡ ଜିଲ୍ଲା ରାଜଗାଙ୍ଗପୁର ଥାନା ଅନ୍ତର୍ଗତ ୨ ଟି ପୃଥକ ଘଟଣାକୁ ନେଇ ସ୍ଥାନୀୟ ପୋଲିସ କୁ ମିଳିଛି ବଡ଼ ସଫଳତା। ନାବାଳିକା ଦୁଷ୍କର୍ମ ମାମଲାରେ ଅଭିଯୁକ୍ତ ମାନଙ୍କୁ ଗିରଫ କରିଛି ପୋଲିସ୍ । ପ୍ରଥମ ଘଟଣାଟି ହେଲା ଯାମପାଲିର  , ଘଟଣାଟି ହେଲା ବଗିଚା ପଡା ବାସିନ୍ଦା  । ଜାମପାଲି ବାଇପାସରେ ଥିବା ଏକ ଘରୋଇ କମ୍ପାନୀରେ ଗାଡ଼ି ଚାଳକ ଭାବେ କାର୍ୟ୍ୟରତ କାମିଲ ସାଙ୍ଗା ଜନୈକା ନାବାଳିକାଙ୍କୁ ବିବାହର ପ୍ରଲୋଭନ ଦେଖାଇ ଅନୈତିକ ସମ୍ପର୍କ ରଖିବା ଓ ପରେ ବିବାହ ପାଇଁ କହିବାରୁ ପ୍ରତାରଣା କରିବା ଅଭିଯୋଗରେ ଗିରଫ କରିଛି ପୋଲିସ୍ । ଅନୁରୂପ ଭାବେ ବଗିଚାପଡାର ବାସୀନ୍ଦା ସୁରଜ ଦାସ ଜନୈକା ଯୁବତୀଙ୍କୁ ଯୋର ଜବରଦସ୍ତ  ଉଠାଇ ନେଇଥିଲା । ଏ ନେଇ ନାବାଳିକାଙ୍କ ପରିବାର ଥାନାରେ ଲିଖିତ ଅଭିଯୋଗ କରିବା ପରେ ଅଭିଯୋଗ ପ୍ରତି ଗୁରୁତ୍ବ ଦେଇ ପୋଲିସ୍ ଫୋନ ଟ୍ରାକିଙ୍ଗ ମାଧ୍ୟମରେ ସମ୍ବଲପୁର ଜିଲ୍ଲାରୁ ନାବାଳିକାଙ୍କୁ ଉଦ୍ଧାର କରିଥିଲେ । ସେଠାରେ ତାଙ୍କୁ ବଳାତ୍କାର କରାଯାଇଥିବା ନେଇ ସଙ୍ଗୀନ ଅଭିଯୋଗ ହେବାରୁ ଡାକ୍ତରୀ ମାଇନା ପରେ ପୋଲିସ୍ ସୁରଜକୁ ଗିରଫ କରିବା ସହ ଉଭୟ ଅଭିଯୁକ୍ତଙ୍କୁ କୋର୍ଟ ଚାଲାଣ କରିଥିବା ଜଣାପଡିଛି ।

କୁଆଁରମୁଣ୍ଡା  : (ରାଉରକେଲା ରୁ ବସନ୍ତ କୁମାର ଜେନାଙ୍କ ରିପୋର୍ଟ) ସୁନ୍ଦରଗଡ଼ ଜିଲ୍ଲା କୁଆଁରମୁଣ୍ଡା ବ୍ଲକ ଅନ୍ତର୍ଗତ ରାଏବଗା ସ୍କୁଲ ଛାତ୍ରୀଙ୍କୁ ଗଣଦୁଷ୍କର୍ମ ଘଟଣାର ଅଭିଯୁକ୍ତ ମାନଙ୍କୁ ସ୍ଥାନୀୟ ଅଦାଲତ ଦଣ୍ଡ ଶୁଣାଇଛନ୍ତି। ଆଜି ମାମଲାର ରାୟ ପ୍ରକାଶ କରି ୩ ଜଣଙ୍କୁ ଆଜୀବନ କାରାଦଣ୍ତରେ ଦଣ୍ତିତ କରିଛନ୍ତି କୋର୍ଟ । ଅଭିଯୁକ୍ତ ତିନିଜଣ ହେଉଛନ୍ତି ଅଜୟ କୁଜୁର , ମୁକ୍ତି ବାଡା ଓ ବିରେନ୍ଦ୍ର ମାଝି । ସେମାନଙ୍କ ଘର ରାଏବଗା ଥାନା ଖଇରା ବାହାଲ ବୋଲି ଜଣାପଡିଛି । ଏମାନେ ଗତ ୨୦୧୬ ମସିହା ଅକ୍ଟୋବର ମାସ ୧୨ ତାରିଖରେ ଏହି ଜଘନ୍ୟକାଣ୍ଡ ଘଟାଇଥିଲେ ।  ୨୦୧୬ ମସିହା ଅକ୍ଟୋବର ମାସ ୧୨ ତାରିଖରେ ନାବାଳିକାଟି ରବିବାର ସ୍କୁଲ କାର୍ଯ୍ୟକ୍ରମକୁ ଆସିଥିଲେ । ଏହି ସମୟରେ ଏହି ତିନି ଅଭିଯୁକ୍ତ ନାବାଳିକାଙ୍କୁ ତାଙ୍କ ସାଙ୍ଗମାନଙ୍କ ସମ୍ମୁଖରୁ ବଳ ପୂର୍ବକ ଉଠାଇ ନେଇ ଗଣଦୁଷ୍କର୍ମ କରିଥିଲେ । ପରେ ଏ ମାମଲା ଥାନାରେ ପହଞ୍ଚିଥିଲା । ରାଏବଗାର ତତ୍କାଳୀନ ପୋଲିସ ଅଧିକାରୀ ସବ ଇନ୍ସପେକ୍ଟର ଲକ୍ଷ୍ମୀକାନ୍ତ ପ୍ରଧାନ ମାମଲାକୁ ଅତି ଗୁରୁତର ସହ ନେଇଥିଲେ । ଅଭିଯୁକ୍ତ ମାନଙ୍କୁ ୨୪ ଘଣ୍ଟା ମଧ୍ୟରେ ଗିରଫ କରି କୋର୍ଟ ଚାଲାଣ କରିଥିଲେ । ମଙ୍ଗଳବାର ସେହି ଘଟଣାର ଐତିହାସିକ ରାୟ ଦେଇଛନ୍ତି ମାନ୍ୟବର ପୋକ୍ସୋ କୋର୍ଟ । ସରକାରଙ୍କ ତରଫରୁ ସ୍ୱତନ୍ତ୍ର ପବ୍ଲିକ ପ୍ରସିକ୍ୟୁଟର ଦେବାଶିଶ ମିଶ୍ର ବଳିଷ୍ଠ ଯୁକ୍ତି ଓ ପ୍ର...

ଭଞ୍ଜନଗର(ଅମୃତ ନନ୍ଦ)୨୩/୦୯: ଭାରସାମ୍ୟ ହରାଇ ମଝି ରାସ୍ତାରେ ଓଲଟିଲା ନୀଳକଣ୍ଠ ନାମକ ଘରୋଇ ବସ୍। ଏହି ଆକସ୍ମିକ ଦୁର୍ଘଟଣାରେ ଡ୍ରାଇଭର ସମେତ ୧୨ ଆହତ ହୋଇଥିବା ଜଣାପଡିଛି। ବସ୍‌ରେ ୩୫ ଜଣ ଯାତ୍ରୀ ନେଇ ଆସୁଥିବା ବେଳେ ଦୁର୍ଘଟଣା ଘଟିଛି ବୋଲି ଯାହା ଜଣା ପଡିଛି । ଆହତଙ୍କ ସଂଖ୍ୟା ଆହୁରୀ ବଢ଼ିପାରେ ବୋଲି ଅନୁମାନ କରାଯାଉଛି । ଏହି ଦୁର୍ଘଟଣା ଭଞ୍ଜନଗର ଲାଠିପଡ଼ା ନିକଟରେ ଘଟିଥିବା ବେଳେ ବସଟି କୃଷକ ମାନଙ୍କୁ ନେଇ ଗୌଡ଼ଗୋଠରୁ ଭଞ୍ଜନଗର ଆସୁଥିଲା । ତେବେ ଦୁର୍ଘଟଣାରେ ଆହତ ହୋଇଥିବା ସମସ୍ତ ଯାତ୍ରୀଙ୍କୁ ସ୍ଥାନୀୟ ଲୋକ ଉଦ୍ଧାର କରି ଭଞ୍ଜନଗର ମେଡିକେଲକୁ ପଠାଯାଇଥିବା ଜଣାପଡିଛି। ଦୁର୍ଘଟଣା ସମ୍ପର୍କରେ ପୋଲିସ ଓ ଅଗ୍ନିଶମ ବାହିନୀକୁ ସ୍ଥାନୀୟ ଲୋକ ସୂଚନା ଦେଇଛନ୍ତି। ସୂଚନା ମୁତାବକ, ଗୁରୁବାର ଦିନ ଦିଗପଣ୍ଡି ନିକଟରେ ନୀଳକଣ୍ଠ ନାମ ଏକ ଘରୋଇ ବସ୍ ଭଞ୍ଜନଗର ଯାଉଥିବା ବେଳେ ଏକ ବୁଲାଣ ରାସ୍ତାରେ ଅଚାନକ ଏକ ବାଇକ ଆସି ଯିବାରୁ ବସ୍ ଚାଳକ ନିୟନ୍ତ୍ରଣ ହରାଇ ବସିଥିଲେ। ଫଳ ସ୍ୱରୂପ ଗାଡ଼ିଟି ଭାରସାମ୍ୟ ହରାଇ ରାସ୍ତା କଡରେ ଓଲଟି ପଡିଥିଲା। ଘଟଣାସ୍ଥଳରେ ଦମକଳ ବାହିନୀ ଆହତମାନଙ୍କୁ ଉଦ୍ଧାର କରି ଭଞ୍ଜନଗର ଡାକ୍ତରଖାନାରେ ଭର୍ତ୍ତି କରିଛନ୍ତି। ପୁଲିସ ମଧ୍ୟ ଘଟଣାସ୍ଥଳରେ ପହଞ୍ଚି ଥିବା ଜଣାପଡିଛି।

ପୋଲସରା ୨୦/୦୯/୨୦୨୧(ପୋଲସରରୁ ସନ୍ତୋଷ କୁମାର ପଣ୍ଡାଙ୍କ ରିପୋର୍ଟ)  ଭାରତୀୟ କମ୍ୟୁନିଷ୍ଟ ପାର୍ଟ (ସିପିଆଇ)  ଗଞ୍ଜାମ ଜିଲ୍ଲାର ପୋଲସରା ଆଞ୍ଚଳିକ କମିଟି ପକ୍ଷରୁ ବିଭିନ୍ନ ଦାବି ନେଇ ଆଜି ପୋଲସରା ପଞ୍ଚାୟତ ସମିତି କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଥିଲା। ଆଜି ପାର୍ଟି ର ଶହ ଶହ କର୍ମୀ ପଞ୍ଚାୟତ ସମିତି କାର୍ଯ୍ୟାଳୟ ଠାରୁ ଏକ ଶୋଭାଯାତ୍ରା ରେ ବାହାରି ପୋଲସରା ବିଜ୍ଞାନ ମହାବିଦ୍ୟାଳୟ ଛକ ପର୍ଯ୍ୟନ୍ତ ଆସି ଥିଲେ। ସେଠାରୁ ଯାଇ ପଞ୍ଚାୟତ ସମିତି କାର୍ଯ୍ୟାଳୟ କୁ ଘେରାଉ କରିବା ସହିତ ବିକ୍ଷୋଭ ପ୍ରଦର୍ଶନ କରିଥିଲେ। ଆରମ୍ଭ ରେ ପାର୍ଟି ର ପୋଲସରା ଆଞ୍ଚଳିକ ସମ୍ପାଦକ ଦଣ୍ଡପାଣି ସାମଲ , ଗଞ୍ଜାମ ଜିଲ୍ଲା ସମ୍ପାଦକ ପ୍ରକାଶ ପାତ୍ର ଏବଂ ଅଖିଳ ଭାରତ ଯୁବକ ସଂଘ ର ରାଜ୍ୟ ସଭାପତି ପ୍ରଦୀପ ସେଠୀ ପ୍ରମୁଖ ଉପସ୍ଥିତ କର୍ମୀ ମାନଙ୍କୁ ଉଦବୋଧନ ଦେଇ ପୋଲସରା ଅଞ୍ଚଳ ର ବିକାଶ ଭାଷଣ ରେ ହୋଇଛି ବୋଲି କହିବା ସହିତ ନିର୍ମାଣ ଶ୍ରମିକ ମାନଙ୍କ ନାମ ପଞ୍ଜିକରଣ , ଶିକ୍ଷା , ଝିଅ ବାହାଘର , ନିର୍ମାଣ ଶ୍ରମିକ ଆବାସ ଏବଂ ତାଲିମ କାଳୀନ ପ୍ରୋତ୍ସାହନ ରାଶି ଦିର୍ଘ ବର୍ଷ ହେଲା ମିଳି ନଥିବା ରୁ କ୍ଷୋଭ ପ୍ରକାଶ କରିଥିଲେ। ଏବଂ ଯଥାଶୀଘ୍ର ଏହି ସବୁ ସମସ୍ୟା ସମାଧାନ ନହେଲେ ଆଗାମୀ ଦିନରେ ପଞ୍ଚାୟତ ସମିତି କାର୍ଯ୍ୟାଳୟ କୁ ଅଚଳ କରିଦେବେ ବୋଲି ଚେତାବନୀ ଦେଇଥିଲେ। ତେବେ ପୋଲସରା ପଞ୍ଚାୟତ ସମିତି ର ଗୋଷ...

ରାଉରକେଲା,:- ୧୭ /୦୯/ ୨୦୨୧: (ବସନ୍ତ କୁମାର ଜେନାଙ୍କ ରିପୋର୍ଟ)-ଚାଷୀ, ଛୋଟ ଛୋଟ ପରିବା ଏବଂ ଫଳ ବ୍ୟବସାୟୀମାନଙ୍କ ସୁବିଧା ପାଇଁ ରାଉରକେଲା ସହରରେ ସୌରଚାଳିତ ଶୀତଳଭଣ୍ଡାର ପ୍ରତିଷ୍ଠା କରାଯିବ। ଏହି ଶୀତଳଭଣ୍ଡାରକୁ ମହିଳା ସ୍ୱୟଂ ସହାୟକ ଗୋଷ୍ଠୀର ସଦସ୍ୟାମାନେ ପରିଚାଳନା କରିବେ। ଏନେଇ ପ୍ରଥମ ପର୍ଯ୍ୟାୟରେ ୨ଟି ଏସଏଚଜିକୁ ଚୟନ କରାଯାଇଛି। ଏହି ଶୀତଳଭଣ୍ଡାରକୁ କିପରି ପରିଚାଳନା କରାଯିବ ସେନେଇ ଏସଏଚଜି ମା’ମାନଙ୍କୁ ରାଉରକେଲା ମହାନଗର ନିଗମ ଓ କୋଏଲ ଫ୍ରେସ ପ୍ରାଇଭେଟ ଲିମିଟେଡର ମିଳିତ ସହଯୋଗରେ ଆୟୋଜିତ ପ୍ରଶିକ୍ଷଣ ଶିବିରରେ ତାଲିମ ଦିଆଯାଇଛି।  ରାଉରକେଲା ସହରରେ ଫଳ ଓ ପନିପରିବା ବିକ୍ରି କରୁଥିବା କ୍ଷୁଦ୍ର ବ୍ୟବସାୟୀମାନେ ଶୀତଳ ଭଣ୍ଡାର ସୁବିଧା ନଥିବାରୁ ବିଭିନ୍ନ ସମୟରେ ଅସୁବିଧାର ସମ୍ମୁଖୀନ ହେଉଛନ୍ତି। ଅଧିକାଂଶ ସମୟରେ ସେମାନେ କ୍ଷତି ସହୁଥିବା ଲକ୍ଷ୍ୟ କରାଯାଇଛି। ଏହିସବୁ ସମସ୍ୟାକୁ ଦୃଷ୍ଟିରେ ରଖି ରାଉରକେଲା ମହାନଗର ନିଗମ ପକ୍ଷରୁ ୫ ଟନ୍ କ୍ଷମତା ବିଶିଷ୍ଟ ଶୀତଳଭଣ୍ଡାର କରାଯିବ। ଫଳରେ ପରିବା ଏବଂ ଫଳ ବ୍ୟବସାୟୀମାନେ ନିଜ ସାମଗ୍ରୀର ସଂରକ୍ଷଣ କରିପାରିବା ସହିତ ମିଶନଶକ୍ତିର ମା’ମାନଙ୍କୁ ଜୀବିକା ମିଳିବ ଏବଂ ସହରବାସୀ ସତେଜ ପନିପରିବା ଓ ଫଳ ପାଇପାରିବେ। ଶୀତଳଭଣ୍ଡାର ପରିଚାଳନା ଲାଗି ଚୟନ ହୋଇଥିବା ୨ଟି ମହିଳା ସ୍ୱୟଂ ସହାୟକ ଗୋଷ୍ଠୀ ପୂର୍ବରୁ ରାଉରକେଲା ମହାନଗର ନିଗମ ସହ କାର୍ଯ୍...

ରାଉରକେଲା:୧୭/୯/୨୧ (ବସନ୍ତ କୁମାର ଜେନାଙ୍କ ରିପୋର୍ଟ)- ରାଉରକେଲା ଠାରେ ସ୍ବତନ୍ତ୍ର ସ୍ମାର୍ଟ ଗ୍ରୀଡ  ଷ୍ଟେସନ   ନିର୍ମାଣ କରାଯିବା ଖବରକୁ ନେଇ ଏବେ ସହରବାସୀଙ୍କ ଭିତରେ ନାହିଁ ନଥିବା ଖୁସି ଦେଖିବାକୁ ମିଳିଛି।  ରାଜ୍ଯ ଶକ୍ତି, ଶିଳ୍ପ, ଏମଏସଏମଇ, ଏବଂ ଗୃହ ମନ୍ତ୍ରୀ ଶ୍ରୀଯୁକ୍ତ ଦିବ୍ଯ ଶଂକର ମିଶ୍ର ଗୁରୁବାର ସଂଧ୍ଯା ରେ ମହାନଗର ନିଗମ ସମ୍ମିଳନୀର କକ୍ଷରେ ଅନୁଷ୍ଠିତ ବିଦ୍ୟୁତ ଏବଂ ଶିଳ୍ପ ର ବିକାଶ ଉପରେ ସମୀକ୍ଷା ବୈଠକରେ ଯୋଗ ଦେଇଥିବା ବେଳେ ଏହି ସୂଚନା ମିଳିଛି।  ଏହି ବୈଠକରେ ରାଉରକେଲା ବିଧାୟକ ସାରଦା ପ୍ରସାଦ ନାୟକ, ରାଉରକେଲା ଏସପି ମୁକେଶ କୁମାର ଭାମୁ, ଅତିରିକ୍ତ ଜିଲ୍ଲା ପାଳ ତଥା ମହାନଗର ନିଗମ ଆୟୁକ୍ତ ଦିବ୍ଯଜ୍ଯୋତି ପରିଡ଼ା ଉପସ୍ଥିତ ଥିଲେ।   ଶ୍ରୀ ମିଶ୍ର  ରାଉରକେଲା ସହର ରେ କିପରି ବିଦ୍ୟୁତ ସରବରାହ ସଠିକ ଭାବରେ ସମସ୍ତ ଙ୍କ ପାଖକୁ ପହଞ୍ଚି ପାରିବ ସେ ଦିଗରେ ଦ୍ରୁଷ୍ଟି ଦେବାକୁ ବିଭାଗୀୟ ଅଧିକାରୀ ଙ୍କୁ  କହିଥିଲେ।  ଘରୋଇ, ବ୍ୟବସାୟିକ ତଥା ଶିଳ୍ପ ର ବ୍ଯବହାର ପାଇଁ ବିଦ୍ଯୁତ ସେବା କିପରି ଉନ୍ନତ ମାନର ହୋଇ ପାରିବ ସେଥି ପାଇଁ ସ୍ବତନ୍ତ୍ର ସ୍ମାର୍ଟ ଗ୍ରୀଡ  ଷ୍ଟେସନ ନିର୍ମାଣ କରିବାକୁ ସଂପ୍ରକ୍ତ ବିଭାଗୀୟ ଅଧିକାରୀ ଙ୍କୁ ନିର୍ଦ୍ଦେଶ ଦେଇଥିଲେ। ସେମାନଙ୍କୁ ଯଥା ସମୟ ମଧ୍ଯ ରେ ଜାଗା ଚିହ୍ନଟ କରିବାକୁ କହିଥିଲେ। ଏ...

ରାଉରକେଲା:-(ବସନ୍ତ କୁମାର ଜେନାଙ୍କ ରିପୋର୍ଟ)-ରାଜ୍ୟରେ ଗତ କିଛି ଦିନ ହେବ ଲାଗି ରହିଥିବା ଲଗାଣ ବର୍ଷା ଯୋଗୁଁ ସୁନ୍ଦରଗଡ଼ ଜିଲ୍ଲାର ରାଉରକେଲା ସହରାଞ୍ଚଳ ରେ ଘଟି ଯାଇଛି ଅଭାବନୀୟ ଘଟଣା। ମିଳିଥିବା ସୂଚନାନୁସାରେ ରାଉରକେଲା ସେକ୍ଟର-୨୧ (ସାରନଗରୀ ରୁ ଜଳଦା କୁ ଯିବା ରାସ୍ତା ) ର ABC କଲୋନୀ ସ୍ଥିତ ଖଟାଲ ବସ୍ତିରେ ବାସ କରୁଥିବା ଗୁୱାଲା-ଲଲନ ଯାଦବ ନାମକ ବ୍ୟକ୍ତିଙ୍କର ପୁତ୍ର ଆକାଶ ଯାଦବ ବୟସ (୧୫)ବର୍ଷ, ସବୁଦିନ ଭଳି ନିଜ ପାଠପଢା ସାରି  ଦୁଇତିନିଜଣ  ସାଙ୍ଗମାନଙ୍କ ସହିତ ମିଶି ସ୍ଥାନୀୟ ନଦୀ ବଢିପାଣି ଦୃଶ୍ୟ ଦେଖିବାକୁ ଦେଓଗାଁ ର ମୁଣ୍ଡାବସ୍ତି ନିକଟରେ ପହଞ୍ଚିଥିଲେ, ସେଠାରେ ଏକା ବେଳକେ ଏତେ ମାତ୍ରାରେ ନଦୀ ବଢ଼ି ଜଳର ପାଣି ଦେଖି ଖୁସିରେ ଆଉ ନିଜକୁ ସମ୍ଭାଳି ନ ପାଇ ଅଜଣା ନଦୀର ଗଭୀର ଜଳକୁ ସାମାନ୍ୟତମ ଜଳର ଗଭୀର ଭାବି ପାଣିରେ ପଶିଯାଇ ଦୌଡ଼ାଦୌଡ଼ି ଲୁଚକାଳି ଖେଳୁଥିବା ସମୟରେ ହଠାତ ଗୋଡ ଖସିଯାଇ ନିଜର ଭାରସ୍ୟାମ ହରାଇ ଗଭୀର ଜଳର ସୁୟ ଭିତରକୁ ଛନ୍ଦିହୋଇ ଫସିଯାଇଥିଲେ। ହଠାତ ଆଖି ସାମ୍ନାରୁ ନିଖୋଜ ହୋଇଯିବା  ଦେଖି ଉପସ୍ଥିତ ଲୋକମାନେ ହୋ ହାଲ୍ଲା କରି ଡାକ ପକାଇବାପରେ ଗ୍ରାମବାସୀଙ୍କର ସତଚେଷ୍ଟା ଏବଂ ସରକାରଙ୍କର ଓଡ୍ରାଫ ଟିମ ଓ ଦମକଳ ବାହିନୀଙ୍କ ଆପ୍ରାଣ ପ୍ରଚେଷ୍ଠାର ଖୋଜାଖୋଜି ପରେ ଶେଷରେ ଛୁଆଟିକୁ ଠାବ କରାଯାଇ ଥିଲା, ଖବରପାଇବା ମାତ୍ରକେ ଜଳଦା ଫାଣ୍ଡି ଅଧିକାରୀ ସମେତ...

ରାଉରକେଲା/ ଓଡିଆ ଭାଷା,ସାହିତ୍ୟ ଓ ସଂସ୍କୃତି ବିଭାଗ ଆନୁକୂଲ୍ୟରେ ଓଡିଶା ସାହିତ୍ୟ ଏକାଡେମୀ ତରଫରୁ ସ୍ବାଧୀନତା ର ଅମୃତ ମହୋତ୍ସବ ପାଳନ ରାଉରକେଲା ର କୋଏଲନଗର ସ୍ଥିତ ଅବସର ଭବନ, ଭଂଜଭବନ ସ୍ଥିତ ଆଦର୍ଶ ସାହିତ୍ୟ ଘର, ପ୍ରଗତି ଉତ୍କଳ ସଂଘ ଓ ଛେଣ୍ଡ ସ୍ଥିତ ହୃଷିକେଶ ରାୟ ମହାବିଦ୍ୟାଳୟ ଠାରେ ଅନୁଷ୍ଠିତ ହୋଇଯାଇଛି। କୋଏଲନଗର ଠାରେ ଅଭୟ କୁମାର ଦାସ,କବି ଡାକ୍ତର କୃପା ସିନ୍ଧୁ ନାୟକ ଓ ସୁମନ ଦତ୍ତ ଅତିଥି ଭାବେ ଯୋଗଦେଇ ଦେଶାତ୍ମକବୋଧ କବିତା ପାଠର ଉଦ୍ଦେଶ୍ୟ ଓ ମହତ୍ତ୍ଵ ଉପରେ ଆଲୋଚନା କରିଥିଲେ। ପ୍ରାରମ୍ଭରେ କବୟିତ୍ରୀ ସସ୍ମିତା ପ୍ରଧାନ ସ୍ବାଗତ କରିଥିବା ବେଳେ ସ୍ବାଗତ ସଂଗୀତ ଡାକ୍ତର ସୁଶାନ୍ତ ପାଣି ଗାନ କରିଥିଲେ। ଓଡିଶା ସାହିତ୍ୟ ଏକାଡେମୀ ର ସଦସ୍ୟ ରାଜୀବ ପାଣିଙ୍କ ଆବାହକତ୍ବ ଓ ଅଙ୍ଗୁରବାଳା ପରିଡାଙ୍କ ସଂଯୋଜନାରେ ୨୩ଜଣ କବି କବିତା ପାଠ କରିଥିଲେ। କବି ବ୍ରଜେନ୍ଦ୍ର ଦାଶ କାର୍ଯ୍ୟକ୍ରମର ସାଂଗଠନିକ ଦାୟିତ୍ୱ ତୁଲାଇଥିଲେ। ସେହିପରି ଭଂଜଭବନ ସ୍ଥିତ ଆଦର୍ଶ ସାହିତ୍ୟଘର ଠାରେ ସୁକାନ୍ତ ଚନ୍ଦ୍ର ଖୁଣ୍ଟିଆ ସାଂଗଠନିକ ଦାୟିତ୍ୱ ତୁଲାଇ ଥିବା ବେଳେ କବି ସ୍ବରୁପ ମହାପାତ୍ର,କବି ନିତ୍ୟାନନ୍ଦ ନାୟକ ଅତିଥି ଭାବେ ଯୋଗ ଦେଇଥିଲେ। ପ୍ରାରମ୍ଭରେ ସ୍ମିତା ମିଶ୍ର ସ୍ବାଗତ ସଂଗୀତ ପରିବେଷଣ କରିଥିବା ବେଳେ ସୁସ୍ମିତା ମହାପାତ୍ରଙ୍କ ସଂଯୋଜନାରେ ୨୧ଜଣ କବି କବିତା ପାଠ କରିଥିଲେ। କୁଂଜବିହାରୀ ରାଉତ ଧନ୍ୟବାଦ ଅର...

ମାଲକାନଗିରି ଜିଲ୍ଲାର ପୂର୍ବତନ ଉପବାଚସ୍ପତି ପ୍ରହଲ୍ଲାଦ ଦୋରାଙ୍କ ଧର୍ମପତ୍ନୀ ରତ୍ନମାଳା ଦୋରାଙ୍କ ଦ୍ବାଦଶ ଭୋଜି ଅବସରରେ ପାଙ୍ଗାମ ବାସଭବନରେ ଗାୟତ୍ରୀ ମହାଯଜ୍ଞ କରାଯିବା ସହ ଶୋକ ଶ୍ରଦ୍ଧାଞ୍ଜଳି ସଭା ଅନୁଷ୍ଠିତ ହୋଇଥିଲା । ଏଥିରେ ଗାୟତ୍ରୀ ସାଧକ ମିହିର ପାଢ଼ୀ ଯଜ୍ଞ ପରିଚାଳନା କରିଥିଲେ । ଆୟୋଜିତ ଶ୍ରଦ୍ଧାଞ୍ଜଳି ସଭାରେ ବରିଷ୍ଠ ନେତା ଗଙ୍ଗାଧର ବୁରୁଦା, ଚିତ୍ରକୋଣ୍ଡା ବିଧାୟକ ପୂଣ୍ଣଚନ୍ଦ୍ର ବାକା, ପୁର୍ବତ୍ତନ ବିଧାୟକ ତଥା ସ୍ବତନ୍ତ୍ର ଉନ୍ନୟନ ପରିଷଦ ଅଧ୍ୟକ୍ଷ ମାନସ ମାଡକାମୀ ,ମାଲକାନଗିରି ବିଧାୟକ ଆଦିତ୍ୟ ମାଡି ,ପୂର୍ବତନ ଜିଲ୍ଲା ପରିଷଦ ଅଧ୍ୟକ୍ଷା ପଦ୍ମିନୀ ମୁଦୁଲି,ପୁର୍ବତ୍ତନ ପୌର ପରିଷଦ ଅଧ୍ୟକ୍ଷା ରାଜବନ୍ତ କୌର , ଅତିରିକ୍ତ ଜିଲ୍ଲା ପାଳ ବିରସେନ ପ୍ରଧାନ ,ପୂର୍ବତନ ଉପ ଜିଲ୍ଲାପାଳ ରଥିକୃଷ୍ଣ ପାତ୍ର, ଗୌରି ଚନ୍ଦ୍ର ସୁଗ୍ରୀ ,ବିଜେଡି ବରିଷ୍ଠ ନେତା ତଥା ଆଇନଜୀବୀ ଗୋପାଳ କୃଷ୍ଣ ପଣ୍ଡା, ତପନ ସାନା ,ମାଲକାନଗିରି ବ୍ଲକ ଅଧ୍ୟକ୍ଷ ଅକ୍ଷୟ କୁମାର ନାୟକ , ଯୁବ ଲେଖକ ଓ କବି ବଳରାମ ପୂଜାରୀ, ଯୁବନେତା ପ୍ରୀତ ପାଲ ସିଂ, ଉଦୟ ମାଦ୍ରୀ ,ବରିଷ୍ଠ ଆଇନ ଜୀବି ଲମ୍ବୋଦର ତୁରୁକୁ, ରାମକୃଷ୍ଣ ମହାନ୍ତି, ସର୍ବୋ କୁମାର ବିଶୋଇ, ସୁଜିତ ବୋସ, ସତ୍ୟ ସ୍ବାଇଁ, ଡ .କାମରାଜ କବାସୀ, ବିଜେଡି ଯୁବ ସଭାପତି ଆଡମା ରାବା,ବ୍ଲକ ସଭାପତି ବିଭାନ୍ସୁ ସାମଲ , ଶରତ ବୁରୁଦା, ମାଥିଲି ବ୍ଲକ ଅଧ୍ୟକ୍ଷା ଲକ୍ଷ୍ମୀ ପ୍ରି...

ଜଗନ୍ନାଥ ପ୍ରସାଦ, ଗଞ୍ଜାମ ଜିଲ୍ଲା ଜଗନ୍ନାଥ ପ୍ରସାଦ ବ୍ଲକ କୁମ୍ପାପଡା ପଂଚାୟତ ଏକ କ୍ଲିନିକ ରୁ ଲକ୍ଷ୍ୟାଧିକ ଟଙ୍କାର ଔଷଧ ପୋଲିସ ଜବତ କରିଛି!ସୂଚନା ଯୋଗ୍ୟ ଗାଁ ଛକ ଠାରେ ବେଆଇ ଭାବରେ କ୍ଲିନିକ ଖୋଲି ରୋଗୀ ସେବା ଅଭିଯୋଗ ରେ ଛାମୁସାହିର ଲାଲବାହାଦୁର ନାୟକ (43)ଙ୍କୁ ପୋଲିସ ଗିରଫ କରି କୋର୍ଟ ଚାଲାଣ କରିଛି !ମିଳିଥିବା ସୂଚନାଅନୁସାରେ, ଲାଲବାହାଦୁର କୁମ୍ପାପଡା ଗ୍ରାମଛକରେ 'ସ୍ଵାସତ ସେବା କେନ୍ଦ୍ର " ନାମରେ ଗୋଟିଏ କ୍ଲିନିକ ଖୋଲି ରୋଗୀ ସେବା କରୁଥିଲେ! ତାଙ୍କ ପାଖକୁ ଆଖପାଖ ଅଂଚଳରୁ ଛୋଟ, ବଡ ରୋଗୀ ଚିକିତ୍ସା ପାଇଁ ଏଠାକୁ ଆସୁଥିଲେ! ରୋଗୀ ଚିକିତ୍ସା କରି ରୋଗୀଙ୍କ ଠାରୁ ଟଙ୍କା ଶୋଷଣ କରୁ ଥିବା ନେଇ ଅଭିଯୋଗ ଆସିବାରୁ ଜଗନ୍ନାଥ ପ୍ରସାଦ ଥାନା ଅଧିକାରୀ ଦିଲ୍ଲୀପ କୁମାର ସ୍ୱାଇଁ କ୍ଲିନିକ ଉପରେ ଚଢ଼ାଉ କରି ଲାଲବାହାଦୁର ଙ୍କୁ ଥାନାକୁ ଆଣିଥିଲେ !   ତାଙ୍କୁ ପଚରା ଉଚରା କରିବାରୁ ତାଙ୍କର ଡାକ୍ତର ଯୋଗ୍ୟତା ନଥିଲା !ତାଙ୍କ ଯୋଗ୍ୟତା ମାତ୍ର ଅଷ୍ଟମ ଶ୍ରେଣୀ ହୋଇଥିବା ବେଳେ ପୂର୍ବରୁ ସେ ଜଣେ ସୁରତ ସୁତା କଳର ଜଣେ ଶ୍ରମିକ ବୋଲି ଜଣା ପଡିଥିଲା  ! ତାଙ୍କ ବାପାଙ୍କ ମୃତ୍ୟୁ ପରେ ସେ କ୍ଲିନିକ ଚଳାଉ ଥିଲେ ଏବଂ 3ବର୍ଷ ହେଲା ରୋଗୀ ମାନଂକୁ ଏ ଲୋପାଥିକ ଚିକିତ୍ସା କରୁଥିଲେ   !  ପୋଲିସ ଅଧରାତିରେ କ୍ଲିନିକକୁ ଯାଇ ସମସ୍ତ ଯନ୍ତ୍ରପାତି ସମସ୍ତ କମ୍ପାନୀ ର ପ୍ରାୟ 3ଲକ୍ଷ...

ନୂତନ ଗୋଷ୍ଠୀ ଶିକ୍ଷ୍ୟା ଅଧିକାରୀ ପ୍ରମୋଦ କୁମାର ମହାପାତ୍ର     ଜଗନ୍ନାଥ ପ୍ରସାଦ, ଗଞ୍ଜାମ ଜିଲ୍ଲା  ଜଗନ୍ନାଥ ପ୍ରସାଦ ଗୋଷ୍ଠୀ ଶିକ୍ଷା କାର୍ଯ୍ୟାଳୟରେ ଆଜି ନୂତନ ଗୋଷ୍ଠୀ ଶିକ୍ଷା ଧିକାରୀ ଶ୍ରୀ ପ୍ରମୋଦ କୁମାର ମହାପାତ୍ର କାର୍ଯ୍ୟ ରେ ଯୋଗ ଦେଇଛନ୍ତି।ଶ୍ରୀ ମହାପାତ୍ର ଙ୍କୁ ଜଗନ୍ନାଥ ପ୍ରସାଦ ବ୍ଲକ ପ୍ରାଥମିକ ଶିକ୍ଷକ ସଂଘ, ସି ଆର ସି ସି ସଂଘ, କାର୍ଯ୍ୟାଳୟ ସମସ୍ତ କର୍ମକର୍ତ୍ତା ଫୁଲତୋଡା, ଉତ୍ତରୀୟ ପ୍ରଦାନ କରି ସ୍ୱାଗତ ସମ୍ବର୍ଦ୍ଧନା ଜଣାଇଥିଲେ।ଶିକ୍ଷକ ସଂଘ ପକ୍ଷରୁ ଉପଦେଷ୍ଟା ପ୍ରଦୀପ୍ତ ଭୂୟାଁ, ବିରେନ୍ଦ୍ର ଦାଶ, ସଭାପତି ପଞ୍ଚାନନ ମିଶ୍ର, ସମ୍ପାଦକ ସୁଧୀର କୁମାର ସାହୁ, ଉପସଭାପତି ପ୍ରକାଶ ଚନ୍ଦ୍ର ପଣ୍ଡା ଧବଳେଶ୍ବର ପାଣିଗ୍ରାହୀ, ବାଳକୃଷ୍ଣ ସେଠୀ, ନିଶାମଣି ଷଡଙ୍ଗୀ, ପୂର୍ବତନ ସମ୍ପାଦକ କୃଷ୍ଣଚନ୍ଦ୍ର ପଟ୍ଟନାୟକ ପ୍ରମୁଖ ସ୍ୱାଗତ ସମ୍ବର୍ଦ୍ଧନା ଜଣାଇଥିଲେ।ଶେଷରେ ପ୍ରଶାନ୍ତ କୁମାର ସେଠୀଧନ୍ୟବାଦ ଅର୍ପଣ କରିଥିଲେ!

ଯାଜପୁରରୋଡ଼ / ବ୍ୟାସନଗର ;  ( ବ୍ୟୁରୋ ) : ବ୍ୟାସନଗର ପୋୖରାଞ୍ଚଳ ଅନ୍ତର୍ଗତ ଯାଜପୁରରୋଡ଼ ଆଦର୍ଶ ଥାନାରେ ଦୀର୍ଘଦିନ ଧରି କାର୍ଯ୍ୟ କରିଆସୁଥିବା ଅନୀଲ କୁମାର ମହାନ୍ତିଙ୍କ ବଦଳି ପରେ ତାଙ୍କର ସ୍ଥାନ ପୂରଣ କରିବାକୁ ନୂତନ ଭାବେ ଥାନା ଅଧିକାରୀ ଉପେନ୍ଦ୍ର କୁମାର ପ୍ରଧାନ ଯୋଗ ଦେଇ କାର୍ଯ୍ୟଭାର ସମ୍ଭାଳି ଥିବା ସୂଚନା ମିଳିଛି। ସେ ଜଣେ ଦକ୍ଷ ପ୍ରଶାସକ ଭାବରେ ପୁରୀ ଅଞ୍ଚଳରେ ବେଶ ଜଣାଶୁଣା ଥିଲେ। ଅନେକ କାର୍ଯ୍ୟ ନିଜ ହାତକୁ ନେଇ ମଧ୍ୟ ସେ ପ୍ରଶଂସନୀୟ ଥିଲେ ।ତାଙ୍କର ଯୋଗଦାନ ପରେ ବ୍ୟାସନଗର ଭଳି ଭାଇଚାରାର ସହରରେ ଶାନ୍ତି ଶୃଙ୍ଖଳା ବଜାୟ ରହିବ ବୋଲି ବୁଦ୍ଧିଜୀବୀ ଆଶା ରଖିଛନ୍ତି। ବିଭିନ୍ନ ସଙ୍ଗଠନ ସମାଜସେବୀ ସଂସ୍ଥା ତରଫରୁ ତାଙ୍କୁ ଶୁଭେଚ୍ଛା ଜଣାଯାଇଛି।

ଜଗନ୍ନାଥ ପ୍ରସାଦ,,ଗତକାଲି ରାତି ନଅଟା ବେଳେ ଜଙ୍ଗଲରେ ପେଟ୍ରୋଲିଂ ସମୟରେ  ଶିକାର ଉଦ୍ୟମ କରୁଥିବା ଦୁଇ ଶିକାରୀଙ୍କୁ ଜଗନ୍ନାଥ ପ୍ରସାଦ ଵନ କର୍ମଚାରୀ ମାନେ ଧରିବାରେ ସଫଳତା ପାଇଛନ୍ତି l ଶିକାରୀ ଦୁଇଜଣ ହେଲେ ଜଗନ୍ନାଥ ପ୍ରସାଦ ତନ୍ତୀ କଲୋନୀର ସନ୍ତୋଷ କୁମାର ବେହେରା (35)ଓ ଅନ୍ୟ ଜଣଜ ଅକୁଲ କୁମ୍ପା ଗ୍ରାମର ଜଳନ୍ଦର ଯାନୀ ((45) ଉତ୍ତର ଘୁମୁସର ଵନଖଣ୍ଡ  ଅଧିକାରୀ ଅଭୟ କୁମାର ଦଳେଇ ଙ୍କ ଠାରୁ ପ୍ରକାଶଯେ ଗତକାଲି ସନ୍ଧ୍ୟା ପ୍ରାୟ ନଅଟା ବେଳେ ଜଗନ୍ନାଥ ପ୍ରସାଦ ବନାଞ୍ଚଳ ଅଧିକାରୀ ଉମାକାନ୍ତ ଦାସ, ବନପାଳ ଇଶ୍ୱା ଗଣେଶ, ସଦଳବଳେ ଜଗନ୍ନାଥ ପ୍ରସାଦ ଅନ୍ତର୍ଗତ ଅରୁଣାଞ୍ଚଳ ଘାଇ ନିକଟ ସରଂକ୍ଷିତ ଜଙ୍ଗଲ ଆପଟମେଣ୍ଟ ନମ୍ବର ଛଅରେ  ରାତ୍ରୀ ପେଟ୍ରୋଲିଙ୍ଗ କରୁଥିବା ବେଳେ ଦୁଇ ବନ୍ୟ ଜନ୍ତୁ ଶିକାରୀ ସନ୍ତୋଷ, ଜଳନ୍ଧର ଙ୍କ ସହ ମୁହାଁମୁହିଁ ଭେଟ ହୋଇଥିଲେ l ଵନ କର୍ମଚାରୀ ମାନଙ୍କୁ ଦେଖି ଶିକାରୀ ଦ୍ୱୟ ଦୌଡ଼ି ପଳାଉଥିବା ବେଳେ କର୍ମଚାରୀ ମାନେ ତାଙ୍କୁ ପିଛା କରି ଧରିଥିଲେ l ତାଙ୍କ ଠାରୁ ଗୋଟିଏ ହାତତିଆରି ଛେରା ସିଙ୍ଗଲବୋର ବନ୍ଧୁକ, ହେଡ଼ ଲାଇଟ, ଛୁରୀ, ବାରୂଦ, (ଦାରୁ) ଲୁହା ଶିସା, ବାଗ ଜବତ କରିଥିଲେ l ସେମାନଙ୍କୁ ଜଗନ୍ନାଥ ପ୍ରସାଦ ସ୍ଥିତ କାର୍ଯ୍ୟାଳୟ କୁ  ଧରି ଆଣିଥିଲେ l ଆଜି ଡ଼ିଏଫଓ ଙ୍କ ଉପସ୍ଥିତରେ ମାମଲା ନମ୍ବର 167/21'22ରେ ବନ୍ୟ ଜନ୍ତୁ ସୁରକ୍ଷା ଆଇନ ବଳରେ ଦୁହିଁଙ୍କୁ ...