ବ୍ରାହ୍ମ ମୁହୂର୍ତ୍ତ ଖବରକାଗଜ

ଭୁବନେଶ୍ୱର (ବ୍ରା. ମୁ. ବ୍ୟୁରୋ ) - ଅଶୀ ଦଶକର ଶାସନକାଳରେ ଆମ ରାଜ୍ୟ ସମେତ କେନ୍ଦ୍ରରେ ଭାରତୀୟ ଜାତୀୟ କଂଗ୍ରେସ ଦଳ ଚର୍ଚ୍ଚାରେ ରହି କ୍ଷମତାର କେନ୍ଦ୍ର ବିନ୍ଦୁ ସାଜିଥିଲେ। ସେହି ସମୟରେ ଆମ ରାଜ୍ୟ ଓଡ଼ିଶାରେ ଜାନକୀବଲ୍ଲଭ ପଟ୍ଟନାୟକଙ୍କ ସରକାର ରାଜ୍ୟକୁ ଶାସନ କରୁଥାଆନ୍ତି। ଗଞ୍ଜାମ ଜିଲ୍ଲାର ଜଗନ୍ନାଥ ପ୍ରସାଦ ବିଧାନ ସଭା ନିର୍ବାଚନ ମଣ୍ଡଳୀ ଅନ୍ତର୍ଗତ କାଦୁଆ ଗ୍ରାମ ପଞ୍ଚାୟତର ଏକ ପ୍ରମୁଖ ଗ୍ରାମ ରୂପେ ଅଳସୁ ପ୍ରସିଦ୍ଧ ଲାଭ କରି ଆସୁଥିଲା। ଠିକ ଏତିକି ବେଳେ କାଦୁଆ ପଞ୍ଚାୟତ ବିଭାଜିତ ହୋଇ ଥିଲା। ଅଳସୁ ଗାଆଁ ଏକ ନୂତନ ଗ୍ରାମ ପଞ୍ଚାୟତର ମାନ୍ୟତା ପାଇଲା।୧୯୮୭ମସିହାର କଥା କଂଗ୍ରେସ ସରକାର ଦୀର୍ଘ ସମୟ ଧରି ଶାସନରେ ରହି ବିଭିନ୍ନ ପ୍ରକାର ବିକଶିତ ଚିତ୍ର ଗାଆଁ ମାନଙ୍କରେ ଦେଖାଇଥିଲେ ସୁଦ୍ଧା ଏବେକାର ଭଳି ଲକ୍ଷାଧିକ ଟଙ୍କାର ଯୋଜନା ସ୍ବପ୍ନ ଭଳି ଥିଲା। ଅଳସୁଗୁମା ଗ୍ରାମ ପଞ୍ଚାୟତ ତାର ପ୍ରଥମ ସରପଞ୍ଚ ନିର୍ବାଚନ ରେ ଦେଖିଲା ନୂଆ ନିର୍ବାଚିତ ସରପଞ୍ଚ। ଅଳସୁଗୁମା ପଞ୍ଚାୟତ ରେ ରହିଥିବା ନୂଆ ଓ ପୁରୁଣା କମସରଗଡ ସମେତ ଦୁଇ ହରିଜନ ସାହି ବାଲିସାହି ଏବଂ ଶଙ୍ଖପଲି ରହିଥିଲେ ମଧ୍ୟ ଅଳସୁ ଗାଆଁ ର ସାତଟି ସାହିର ଜନସଂଖ୍ୟା ବିଶେଷ ଭାବରେ ନିର୍ବାଚନ ସ୍ଥିର କରୁଥିଲା।ଆଉ ଅଳସୁଗୁମା ରୁ ପ୍ରତିନିଧିତ୍ଵ କରୁଥିବା ପ୍ରର୍ଥୀ ବିଜୟୀ ହେଉଥିଲେ। କିନ୍ତୁ ୧୫ ବର୍ଷର ଏହି ରେକର୍ଡ କୁ ଭୁଲ୍ ପ୍ରମାଣିତ କରି ପ୍ରଥମ ...

ଭୁବନେଶ୍ୱର/ ବ୍ରା.ମୁ.ବ୍ୟୁରୋ :- ରାଜ୍ୟର ରାଜଧାନୀ ଭୁବନେଶ୍ଵର ଠାରୁ ଆରମ୍ଭ କରି ଗାଆଁ ଗାଆଁ ରେ ଯେତେବେଳେ ଭାରତୀୟ ଜାତୀୟ କଂଗ୍ରେସର ଲୋକପ୍ରିୟତା ବହୁଳ ଭାବରେ ଘରେ ଘରେ ପରିଚିତ ଥିଲା ସେହି ସମୟରେ ରାଜ୍ୟର ମୁଖ୍ୟମନ୍ତ୍ରୀ ପଦବୀ ସମ୍ଭାଳିଥିବା ପଶ୍ଚିମ ଓଡ଼ିଶାର ଲୋକପ୍ରିୟ ରାଜନେତା ତଥା ସୁନ୍ଦରଗଡ଼ ଜିଲ୍ଲାର ଗର୍ବ ଓ ଗୌରବ ରୂପେ ଜଣାଶୁଣା ନେତା ଥିଲେ ଶ୍ରୀଯୁକ୍ତ ହେମାନନ୍ଦ ବିଶ୍ୱାଳ। ଅଶୀଦଶକରେ ରାଜ୍ୟର ଶାସନ କ୍ଷମତାର ଚୌକିରେ ବସିଥିବା କଂଗ୍ରେସ ସରକାର ଅଗରେ ଏମିତି କୈାଣସି ଦଳ ନଥିଲେ ଦେଖି କ୍ଷମତାର ଚୌକିରେ ବସିଥିବା କଂଗ୍ରେସ ସରକାରଙ୍କୁ ଗାଦିଚ୍ୟୁତ କରିବ। ସେହି ସମୟରେ ରାଜ୍ୟର ମୁଖ୍ୟମନ୍ତ୍ରୀ ପଦବୀ ସମ୍ଭାଳିଥିବା ପଶ୍ଚିମ ଓଡ଼ିଶାର ଏହି ଲୋକପ୍ରିୟ ରାଜନେତା ହେମାନନ୍ଦ ବିଶ୍ବାଳ ଥରେ ନୁହେଁ ବରଂ ଦୁଇ ଦୁଇଥର ମୁଖ୍ୟମନ୍ତ୍ରୀ ପଦବୀ ସମ୍ଭାଳି ଚର୍ଚ୍ଚାରେ ରହିଥିଲେ। ସ୍ବର୍ଗତ ବିଶ୍ବାଳଙ୍କ ଭଳି ଦକ୍ଷିଣ ଓଡ଼ିଶାର ଆଦିବାସୀ ନେତା ତଥା ପୂର୍ବତନ କେନ୍ଦ୍ରମନ୍ତ୍ରୀ ଗିରିଧାରୀ ଗମାଙ୍ଗ ମଧ୍ୟ ମୂଖ୍ୟମନ୍ତ୍ରୀ ଭଳି ଗୁରୁତ୍ୱପୂର୍ଣ୍ଣ ପଦବୀରେ ରହି ସୁଦ୍ଧା ଶେଷକୁ ନିଜ ଭାତହାଣ୍ଡି ରୂପେ ପରିଚିତ ଦଳ ପ୍ରତି ବିଶ୍ଵାସଘାତକ ସାଜି ଦଳତ୍ୟାଗ କରିଥିଲେ। କିନ୍ତୁ ଶ୍ରୀଯୁକ୍ତ ହେମାନନ୍ଦ ବିଶ୍ୱାଳ ପ୍ରଥମରୁ ଶେଷ ନିଃଶ୍ୱାସ ତ୍ୟାଗ ପର୍ଯ୍ୟନ୍ତ ସେହି ଗୋଟିଏ ଦଳ କଂଗ୍ରେସ ରେ ରହି ରାଜ୍ୟ ରାଜନୈତିକ ଦଳ ଏବଂ ନେତାଙ...

 ରାୟଗଡ଼ା: ତା:  ୨୦/୨/୨୨(ବ୍ରାହ୍ମ ମୁହୂର୍ତ୍ତ ବ୍ୟୁରୋ)- ତ୍ରିସ୍ତରୀୟ ପଞ୍ଚାୟତ ନିର୍ବାଚନ ହାଲଚାଲ ଖବର ଭିତରେ ରାୟଗଡ଼ା ଜିଲ୍ଲା ଏବେ ସବୁଠୁ ଆଗରେ ରହିଛି। ଭୋଟ ବାକ୍ସ ଉଠାଇ ନେଲେ ଗାଆଁ ଲୋକେ!  ରାୟଗଡା ଜିଲ୍ଲା ଅନ୍ତର୍ଗତ କଲ୍ୟାଣସିଂହପୁର ବ୍ଳକ ସନାଖଣ୍ଡି ପଞ୍ଚାୟତର ଉପର ମୁଶୁଡି ଓ ତଳ ମୁଶୁଡି ଗାଁ ର ଡଙ୍ଗରିଆ ଭୋଟରମାନେ ।  ଉକ୍ତ ପଂଚାୟତର ବୁଥ ନମ୍ବର ୧୪ ରାଇଲିମା କେନ୍ଦ୍ରରେ ରାଇଲିମା ସହ ଉପର ମୁଶୁଡି ଓ ତଳ ମୁଶୁଡି ଗାଁ ଲାେକଙ୍କ ଭୋଟ ଗ୍ରହଣ ଅନୁଷ୍ଠିତ ହେବାକୁ ଥିଲା । ଆଜି ସକାଳୁ ରାଇଲିମା ଗ୍ରାମର ଭୋଟରମାନେ ଭୋଟ ଦେଉଥିବା ବେଳେ ଉପର ମୁଶୁଡି ଓ ତଳ ମୁଶୁଡି ଗାଁ ଲାେକଙ୍କ ନାଁ ଭୋଟର ତାଲିକାରେ ଥିଲା । ଯାହାକୁ ନେଇ ଏହି ୨ଗାଁ ଲୋକେ ଉତ୍ୟକ୍ତ ହାେଇ ଭୋଟବାକ୍ସ ନେଇ ଚାଲିଯାଉଥିଲେ  । ଆଜି ରାଇଲିମା ବୁଥରେ ମାତ୍ର ୬୯ ଜଣ ଭୋଟର ନିଜ ମତଦାନ ସାବସ୍ତ୍ୟ କରିଥିଲେ । ଭୋଟବାକ୍ସ ନେବା ସମୟରେ ଅଧାବାଟରେ ରାୟଗଡା ଏସଡିପିଓ ଦିବ୍ୟଜ୍ୟାେତି ଦାସ, ତହସିଲଦାର ଦେବାଶିଷ କର, କଲ୍ୟାଣସିଂହପୁର ଥାନା ଅଧିକାରୀ ସୁକୁମା ହଂସଦା ପହଞ୍ଚି ଗ୍ରାମବାସୀଙ୍କୁ ଅଟକାଇ ବୁଝାସୁଝା କରୁଛନ୍ତି । ତେବେ ପ୍ରଶାସନର ଭୁଲ ଯୋଗୁଁ ଆମେ ଭୋଟଦାନରୁ ବଞ୍ଚିତ ହେଇଛୁ । ତେଣୁ ଭୋଟ ଦେବାର ବ୍ୟବସ୍ଥା କରାଯିବା ପରେ ହିଁ ଭୋଟବାକ୍ସକୁ ଫେରାଇବୁ ବୋଲି ଗ୍ରାମବାସୀ ପ୍ରକାଶ କରିଛନ୍ତି...

ରାୟଗଡା:  ବ୍ରାହ୍ମ ମୁହୂର୍ତ୍ତ ବ୍ୟୁରୋ:-୧୪/୦୨/୨୨ //  ବହୁ ପ୍ରତୀକ୍ଷାର ଅନ୍ତ ଘଟିଛି, ଜିଲ୍ଲାରେ କାର୍ଯ୍ୟରତ ସମସ୍ତ ସାମ୍ବାଦିକ ମାନଙ୍କ ପ୍ରତିଟି ସଫଳତା ପଛରେ ଥିବା ବଡ଼ ସଫଳତା ସ୍ଵରୂପ ରାୟଗଡା ପ୍ରେସ କ୍ଲବ ପକ୍ଷରୁ କାର୍ଯ୍ୟାଳୟ ଗୃହ ପ୍ରତିଷ୍ଠା ହୋଇଛି। ତତ୍ ସହିତ ଏହି ଅବସରରେ କାର୍ଯ୍ୟାଳୟଗୃହରେ  ଯଜ୍ଞ ଅନୁଷ୍ଠିତ ହୋଇଯାଇଛି | ଏହି କାର୍ଯ୍ୟକ୍ରମରେ ପ୍ରେସ କ୍ଲବର ସମସ୍ତ ସଦସ୍ୟ ଯୋଗଦେଇ କାର୍ଯ୍ୟକ୍ରମକୁ ସଫଳ କରାଇଥିଲେ | ଏହି ଅବସରରେ ପ୍ରେସ କ୍ଲବ ପକ୍ଷରୁ ଜନସାଧାରଣଙ୍କ ଉଦେଶ୍ୟରେ ପ୍ରେସ  କ୍ଲବ ଛକ ଠାରେ ଏକ ଶୀତଳ ଜଳ ଭଣ୍ଡାରର ଉଦଘାଟନ ହୋଇଯାଇଛି | ଉକ୍ତ ଉଦଘାଟନ କାର୍ଯ୍ୟକ୍ରମରେ ରାୟଗଡ଼ା ଜିଲ୍ଲାପାଳ ଶ୍ରୀ ସରୋଜ କୁମାର ମିଶ୍ର ଏବଂ ଆରକ୍ଷୀ ଅଧିକ୍ଷକ ଶ୍ରୀ ବିବେକାନନ୍ଦ ଶର୍ମା ଯୋଗଦେଇ ପାନୀୟ ଜଳ ଭଣ୍ଡାରକୁ ଉଦଘାଟନ କରିଥିଲେ | ଏହି ଅବସରରେ ସୁରେଶ ମେମୋରିଆଲ ଟ୍ରଷ୍ଟ ପକ୍ଷରୁ ରାୟଗଡାର ବରିଷ୍ଠ ସାମ୍ବାଦିକ ବି ଏଚ ନାଗାରାଜୁଙ୍କୁ ସୁରେଶ ସମ୍ମାନରେ ସମ୍ମାନିତ କରାଯାଇଥିଲା | ସୁରେଶ ମେମୋରିଆଲ ଟ୍ରଷ୍ଟର ରାଜେଶ ପାଢ଼ୀ ଏବଂ ରାକେଶ ପାଢୀ ଉପସ୍ଥିତ ରହି ନାଗାରାଜୁଙ୍କୁ ସମ୍ମାନିତ କରିଥିଲେ | ଉକ୍ତ କାର୍ଯ୍ୟକ୍ରମରେ ପ୍ରେସ କ୍ଲବର ସଭାପତି ରଞ୍ଜନ ରଥ, ସାଧାରଣ ସମ୍ପାଦକ ଯୋଗେଶ୍ୱର ଦାସ, ବରିଷ୍ଠ ସାମ୍ବାଦିକ ଗୋପ ରଞ୍ଜନ ବକ୍ସିପାତ୍ର, କେ କେ ଜେନା , ସୁବ୍ରତ ଚୌଧୁରୀ,...

ଭୁବନେଶ୍ୱର/ଜଗନ୍ନାଥ ପ୍ରସାଦ/ବ୍ରାହ୍ମ ମୁହୂର୍ତ୍ତ ବ୍ୟୁରୋ :- ସରଗରମ ହୋଇଛି ରାଜ୍ୟର ସମସ୍ତ ଗାଆଁ। ପଞ୍ଚାୟତ ନିର୍ବାଚନ ପ୍ରସ୍ତୁତି କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ପ୍ରତ୍ୟେକ ପଞ୍ଚାୟତର ଲୋକେ ବାଛିବେ ନିଜ ମନପସନ୍ଦର ସରପଞ୍ଚ ପ୍ରାର୍ଥୀ। ଆଉ ଭୋଟ ହାତେଇବା ପାଇଁ ନାନାପ୍ରକାର ପଣିକିଆ ଘୋଷା ଜାରି ରଖିଛନ୍ତି ସରପଞ୍ଚ, ସମିତି ସଭ୍ୟ ଏବଂ ଓ୍ବାର୍ଡମେମ୍ବର ପ୍ରାର୍ଥୀ/ପ୍ରାର୍ଥିନୀ। ଏହିକ୍ରମରେ ଦେଖିବାକୁ ମିଳିଛି ଗଞ୍ଜାମ ଜିଲ୍ଲାର ଜଗନ୍ନାଥ ପ୍ରସାଦ ବ୍ଳକ ଅନ୍ତର୍ଗତ ଅଳସୁଗୁମା ଗ୍ରାମ ପଞ୍ଚାୟତ ନିର୍ବାଚନ ପ୍ରସ୍ତୁତି। ପଞ୍ଚାୟତରେ ସରପଞ୍ଚ ପଦବୀ ପାଇଁ ତ୍ରୀମୁଖୀ ପ୍ରତିଦ୍ବନ୍ଦିତା ସ୍ବରୂପ ଜୋରଦାର ପ୍ରସ୍ତୁତି ଦେଖିବାକୁ ମିଳିଛି। ଏଥର ସରପଞ୍ଚ ପଦବୀ ଆସନ ଅନୁସୂଚିତ ଜାତି ମହିଳା ବର୍ଗ ପାଇଁ ସଂରକ୍ଷିତ ରହିଥିବାରୁ ଗାଁ ରାଜନୀତିରେ ସ୍ବତନ୍ତ୍ର ଭୂମିକାରେ ଅଭିନୟ କରିଛନ୍ତି ବହୁ ଆଗଧାଡିର ଗାଆଁ କୁଜି ନେତାମାନେ। ପଞ୍ଚାୟତର ସମୁଦାୟ  ୧୬ଗୋଟି ଓ୍ବାର୍ଡର ଭୋଟର ମତଦାନ ଦେବେ। ପଞ୍ଚାୟତ ର ପ୍ରମୁଖ ଗାଆଁ ରୂପେ ନିର୍ଣ୍ଣାୟକ ଭୂମିକା ଗ୍ରହଣ କରୁଛି ଅଳସୁଗୁମା ଗ୍ରାମ ର ୯ଗୋଟି ଓ୍ବାର୍ଡ। ସେହିପରି କମସରଗଡ ଏବଂ ନୂଆ କମସରଗଡ ଗାଆଁ ସହିତ ତିନୋଟି ହରିଜନ ସାହି ଏଥିରେ ସାମିଲ କରାଇଛି। ସମୁଦାୟ ୭ଟିଓ୍ବାର୍ଡ ର ମତଦାତା ବାଛିବେ ନିଜ ପସନ୍ଦର ସରପଞ୍ଚ। ସବୁଠାରୁ ଅଧିକ ରହସ୍ୟମୟ ଖବର ହୋଇ ଏବେ ଏଠାରେ ପ୍ରମ...

ଭୁବନେଶ୍ୱର/ ପାରଳାଖେମୁଣ୍ଡି ବ୍ରାହ୍ମ ମୁହୂର୍ତ୍ତ ବ୍ୟୂରୋ:  ସରକାରଙ୍କ ଦ୍ୱାରା ମିଳୁଥିବା ମାସିକ ବେତନରେ ସନ୍ତୁଷ୍ଟ ନହୋଇ ବିଭିନ୍ନ ପ୍ରକାର ଅନ୍ଧାରିଆ କାର୍ଯ୍ୟ କରି ଲକ୍ଷପତି ହେବା ଲୋଭରେ କିପରି ହଟହଟା ହେବାକୁ ହୁଏ ତା'ର ନିଚ୍ଛକ ଚିତ୍ର ଦେଖିବାକୁ ମିଳିଛି ରାଜ୍ୟରେ। ୩୦ ହଜାର ଟଙ୍କା ଲାଞ୍ଚ ନେବାବେଳେ ଧରାପଡିଛନ୍ତି ବିଇଓ । ଗଜପତି ଜିଲ୍ଲା ନୂଆଗଡ଼ ବ୍ଲକ ଶିକ୍ଷା ଅଧିକାରୀ ବ୍ରଜ କୁମାର ନାୟକଙ୍କୁ ଧରିଛି ଭିଜିଲାନ୍ସ । ଆଉଏକ ଘଟଣା ସେହିପରି ସୁନ୍ଦରଗଡ଼ ଅତିରିକ୍ତ ଜିଲ୍ଲାପାଳ ବିଶ୍ୱଜିତ୍ ମହାପାତ୍ରଙ୍କ କଳା କାରନାମା ଏବେ ଦାଣ୍ଡରେ ପଡି ହାଟରେ ଗଡିବାକୁ ଲାଗିଛି। ମିଳିଥିବା ସୂଚନା ଅନୁସାରେ, ସୁନ୍ଦରଗଡ଼ ଜିଲ୍ଲାର ଅତିରିକ୍ତ ଜିଲ୍ଲାପାଳ ବିଶ୍ବଜିତ ମହାପାତ୍ର ଙ୍କ ଘରେ ଆଜି ଭିଜିଲାନ୍ସ ପକ୍ଷରୁ  ଖୋଳତାଡ଼ ଆରମ୍ଭ ହୋଇଛି । ବର୍ତ୍ତମାନ ସୁଦ୍ଧା ନଗଦ ୩ ଲକ୍ଷ ଟଙ୍କା ଜବତ କରାଯାଇଛି । ଭୁବନେଶ୍ୱର ସ୍ଥିତ ନହରକଣ୍ଟାରେ ୮୯ ଲକ୍ଷର ୨ ମହଲା କୋଠା ଠାବ ହୋଇଛି । ଏହା ସହିତ ରସୁଲଗଡ଼ରେ ଗୋଟିଏ ଫ୍ଲାଟ ରହିଛି । କୋଟିଏ ଟଙ୍କାର ଫିକ୍ସ ଡିପୋଜିଟର ଏବେ ତର୍ଜମା ଚାଲିଛି । ଏହା ବ୍ୟତୀତ ଭୁବନେଶ୍ୱର ଓ ଜଗତସିଂହପୁରରେ ରହିଛି ୧୦ଟି ପ୍ଲଟ ରହିଛି । ୧୦ଟି ପ୍ଲଟର ଆନୁମାନିକ ବଜାର ମୂଲ୍ୟ କୋଟିଏରୁ ଉର୍ଦ୍ଧ ହେବ । ସମସ୍ତ ଲକର ଓ ବ୍ୟାଙ୍କ ଆକାଉଣ୍ଟକୁ ଫ୍ରିଜ୍ କରିବା ପାଇଁ ପ୍ରକ୍ରିୟା ଜାରି ହୋଇଛି ।

ରାୟଗଡ଼ା: ତା: ୧୧/୦୨/୨୨ ଉଭୟ କେନ୍ଦ୍ର ଓ ରାଜ୍ୟ ସରକାର ଲୋକଙ୍କ ଉନ୍ନତି ଦିଗରେ ବିଭିନ୍ନ ଯୋଜନା ପ୍ରଣୟନ କରି କୋଟି କୋଟି ଟଙ୍କା ଖର୍ଚ୍ଚ କରୁଥିବା ବେଳେ ବର୍ତ୍ତମାନ ସୁଦ୍ଧା ଲୋକେ ବିଭିନ୍ନ ପ୍ରକାର ଅସୁବିଧାର ସମ୍ମୁଖୀନ ହେଉଥିବା ଦେଖାଦେଇଛି। ସେମିତି ଏକ ଜ୍ୱଳନ୍ତ ଉଦାହରଣ ଦେଖିବାକୁ ମିଳିଛି ରାୟଗଡା ଜିଲ୍ଲା କୋଲନରା ବ୍ଲକ ସଦର ପଞ୍ଚାୟତର ପିପିଳିସାହି ନିକଟରେ ଥିବା ଶାନ୍ତି ନଗର ଠାରେ। ଯାହା ବ୍ଲକ ଠାରୁ ଅଳ୍ପ ଦୂର ଓ ପଞ୍ଚାୟତ କାର୍ଯ୍ୟାଳୟର ପଛ ପଟେ ରହିଥିଲେ ମଧ୍ୟ ଦୁଃଖର ବିଷୟ ଦ୍ବୀପ ତଳ ଅନ୍ଧାର ସଦୃଶ ଉକ୍ତ ସାହିରେ ଡ୍ରେନର ବ୍ୟବସ୍ତା ସହ ପିଇବା ପାଇଁ ପାନୀୟ ଜଳର ଅଭାବ ଦେଖା ଦେଇଛି। ଫଳରେ ଲୋକେ ଜଣଙ୍କ ଘରୁ ପାଇପ ଲଗାଇ ମାସିକ ଘର ପିଛା ୩ ଶହ ଟଙ୍କା ଲେଖାଏଁ ଚାନ୍ଦା କରି ଦେଇ ପାଣି ବ୍ୟବହାର କରୁଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି। ଅନ୍ୟପଟେ ଡ୍ରେନ ନ ଥିବା ଯୋଗୁଁ ଦୂଷିତ ପାଣି ସବୁ ନିଷ୍କାସନ ନ ହୋଇ ସାହି ମଝିରେ ଜମା ହୋଇ ରହିବା ଦ୍ଵାରା ଅସ୍ବାସ୍ଥ୍ୟକର ପରିବେଶ ସୃଷ୍ଟି ହୋଇ ମଶା ମାଛିଙ୍କ ପ୍ରାଦୁର୍ଭାବ ଦିନକୁ ଦିନ ବୃଦ୍ଧି ପାଇବା କାରଣରୁ ପ୍ରାୟ ସମୟରେ ଲୋକେ ଡେଙ୍ଗୁ, ମ୍ୟାଲେରିଆ ଓ ଡାଇରିଆ ଭଳି ବିଭିନ୍ନ ରୋଗରେ ଆକ୍ରାନ୍ତ ହେଉଥିବା ଅଭିଯୋଗ କରିଛନ୍ତି। ସାହି ବାସିନ୍ଦା ଦିନ ମଜୁରିଆ ସହ କୁଲି କାମ କରି ନିଜ ନିଜ ପରିବାର ପ୍ରତିପୋଷଣ କରୁଥିବା ବେଳେ ଯେତିକି ରୋଜଗାର ହେଉଛି ମ...

 ରାୟଗଡ(ବ୍ରା.ମୁ.ବ୍ୟୁରୋ)  - ରାଜ୍ୟ ଗୃହ ବିଭାଗ ପାଇଁ ମୁଣ୍ଡବ୍ୟଥାର କାରଣ ପାଲଟିଛି ଆଦିବାସୀ ଅଧ୍ୟୁଷିତ ଜିଲ୍ଲା ରାୟଗଡ଼। ମାଓବାଦୀଙ୍କ ଦ୍ବାରା ରଚନା ହେଉଥିବା ବିଭିନ୍ନ କାର୍ଯ୍ୟକ୍ରମ କୁ ନେଇ ଜିଲ୍ଲା ପୋଲିସ ପ୍ରଶାସନ ପକ୍ଷରୁ ଆରମ୍ଭ ହୋଇଛି ତା'ର ଦମନ ଲୀଳା।  ରାୟଗଡ଼ ଜିଲ୍ଲା ସୀମାରେ ଥିବା ପଡୋଶୀ କଳାହାଣ୍ଡି ଓ କନ୍ଧମାଳ  ଜିଲ୍ଲାରେ  ମାଓ ହିଂସା ପରେ ବଡ ଧରଣର ଅପରେସନ ପାଇଁ ତଥା ମୁକାବିଲା ପାଇଁ ଜିଲ୍ଲାର ଯବାନ ମାନେ ଏବେ ବାହାରିଛନ୍ତି।  ଅଳ୍ପ ଦିନର ବ୍ୟବଧାନରେ କଳାହାଣ୍ଡି ଓ କନ୍ଧମାଳ ଜିଲ୍ଲାରେ ଦୁଇଟି ବଡ ଧରଣର ମାଓ ହିଂସା ପରେ ତତ୍ପର ହୋଇ ଉଠିଛି ରାୟଗଡା ପୋଲିସ । ରାୟଗଡା ଜିଲ୍ଲା ଭିତରେ ମାଓବାଦୀ ହିଂସା ଏଡାଇବା ପାଇଁ ଯବାନଙ୍କ ପକ୍ଷରୁ ଆରମ୍ଭ ହୋଇଛି ଏକ ବଡଧରଣର ଅପରେସନ୍ ।ଆଜି ଠାରୁ ଏହି ଅପରେସନ ଆରମ୍ଭ ହୋଇଥିବାବେଳେ ପଞ୍ଚାୟତ ନିର୍ବାଚନ ଶେଷ ପର୍ଯ୍ୟନ୍ତ ଏହା ଜାରି ରହିବ ବୋଲି ସୂଚନା ଦେଇଛନ୍ତି ରାୟଗଡା ଏସପି । ପଞ୍ଚାୟତ ନିର୍ବାଚନରେ ହିଂସାକାଣ୍ଡ ଘଟାଇବା ଲକ୍ଷ୍ୟରେ ମାଓବାଦୀ ରାୟଗଡା, କଳାହାଣ୍ଡି ଏବଂ କନ୍ଧମାଳ ଜିଲ୍ଲାକୁ ଟାର୍ଗେଟ କରିଛନ୍ତି । ଏହି ୩ ଜିଲ୍ଲାର ସୀମାନ୍ତରେ ମାଓବାଦୀଙ୍କ ଭିନ୍ନ ଭିନ୍ନ ଟିମ ଘୁରି ବୁଲିବା ସହ ପଞ୍ଚାୟତ ନିର୍ବାଚନକୁ ବିଫଳ କରିବା ପାଇଁ ଉଦ୍ୟମ ଜାରି ରଖିଥିବା ଗୁଇନ୍ଦା ସୂଚନା ଦେବା ପରେ ଆରମ୍ଭ ହୋଇଛି ଏହି ଅପ...

  ଭୁବନେଶ୍ୱର, ୬।୨ : ଓଡ଼ିଆରେ ଓଡ଼ିଶାର ଶାସନ ପାଇଁ ଭାଷା ଆନ୍ଦୋଳନ ଅଭିପ୍ରେତ ଥିଲା । ରାଜ୍ୟର ରାଜଧାନୀ ଭୁବନେଶ୍ୱର ଠାରେ ରେକର୍ଡଧାରୀ ଦୀର୍ଘ ୮୭୮ ଦିନର କଳାପତାକା ଅଭିଯାନ ଏହି ଐତିହାସିକ ଅହିଂସା ସଂଗ୍ରାମର ପ୍ରମୁଖ ଅଂଶ ବିଶେଷ ଥିଲା । ଓଡ଼ିଶାର କୋଣ ଅନୁକୋଣରେ ଏହି ନ୍ୟାଯ୍ୟ ଦାବି ପ୍ରତି ଉଚ୍ଛ୍ୱସିତ ସମର୍ଥନ ପ୍ରକାଶ ପାଇବା ସହିତ ରାଜ୍ୟ ବାହାରେ ଭାରତ ବର୍ଷର ରାଜଧାନୀ ନୂଆଦିଲ୍ଲୀ, ଦେଶର ଅନ୍ୟାନ୍ୟ ପ୍ରମୁଖ ମହାନଗରମାନଙ୍କରେ ତଥା ବିଭିନ୍ନ ପ୍ରଦେଶରେ ଏବଂ ବିଦେଶର ବିଭିନ୍ନ ରାଷ୍ଟ୍ରରେ ଅବସ୍ଥାନ କରୁଥିବା ପ୍ରବାସୀ ଓଡ଼ିଆମାନେ ମଧ୍ୟ ବିପୁଳ ସଂଖ୍ୟାରେ ଭାଷା ଅଭିଯାନ ପ୍ରତି ନୈତିକ ଓ ସାଂକେତିକ ସମବେଦନା ଜ୍ଞାପନ କରିଥିବା ଜଣାଯାଇଥିଲା । ପ୍ରବାସରେ ଅବସ୍ଥାନ କରୁଥିବା କିଛି ପ୍ରମୁଖ ଭାଷା ଯୋଦ୍ଧାଙ୍କୁ ନିକଟରେ ଏଠାରେ ଭବ୍ୟ ସ୍ୱାଗତ ସମ୍ବର୍ଦ୍ଧନା ପ୍ରଦାନ କରାଯାଇଥିବା ପ୍ରାପ୍ତ ସୂଚନାରୁ ପ୍ରକାଶ । ଏଠାକାର ଖାରବେଳନଗରସ୍ଥିତ ସାମ୍ବାଦିକ ଭବନଠାରେ ଏହି ଉପଲକ୍ଷେ ଭାଷା ଆନ୍ଦୋଳନ ତରଫରୁ ଆୟୋଜିତ ବନ୍ଧୁମିଳନ କାର୍ଯ୍ୟକ୍ରମରେ ଉତ୍କଳ ସାମ୍ବାଦିକ ସଂଘର ସଭାପତି ବିଭୁତିଭୂଷଣ କର ପୌରୋହିତ୍ୟ କରିଥିଲେ । ସମ୍ବର୍ଦ୍ଧିତ ଭାଷା ଯୋଦ୍ଧାମାନଙ୍କ ମଧ୍ୟରେ ବିଶ୍ୱ ଓଡ଼ିଶା ସମାଜର ଅଧ୍ୟକ୍ଷ ତଥା ଦିଲ୍ଲୀରେ ଅବସ୍ଥାପିତ ବରିଷ୍ଠ ସାମ୍ବାଦିକ କିଶୋର ଦ୍ୱିବେଦୀ, ମୁମ୍ବାଇ ଓଡ଼ିଆ ମହାସଂଘର ସଭାପତି ଡଃ ବିପିନ ମିଶ୍ର, ଅଷ୍ଟ୍ରେଲ...