ବ୍ରାହ୍ମ ମୁହୂର୍ତ୍ତ ଖବରକାଗଜ

ଇଭାଞ୍ଜଲିକାଲ୍ ଲୁଥରାନ୍ ଚର୍ଚ୍ଚ ତରଫରୁ ୱିଲ୍ ଚ୍ୟାୟାର୍ ପ୍ରଦାନ। (କୋରାପୁଟ ଜିଲ୍ଲା ପ୍ରତିନିଧି ଅନନ୍ତ ଇଶ୍ଵର ଟାକ୍ରୀଙ୍କ ରିପୋର୍ଟ) ଜୟପୁର- କୋରାପୁଟ ଜିଲ୍ଲା ଜୟପୁର ଇଭାଞ୍ଜଲିକାଲ୍ ଲୁଥରାନ୍ ଚର୍ଚ୍ଚ ତରଫରୁ  ଜିଲ୍ଲା ମୂଖ୍ୟ ଚିକିତ୍ସାଳୟରେ ୨ ଟି ୱିଲ୍ ଚ୍ୟାୟାର୍ ପ୍ରଦାନ କରାଯାଇଥିଲା। ଏହି ପରି ଭାବେ ଅବିଭକ୍ତ କୋରାପୁଟ ଜିଲ୍ଲାର ୪ ଟି ମେଡିକାଲ ଠାରେ ଏହି ଭଳି ୨ ଟି ଲେଖାଏଁ ୱିଲ୍ ଚ୍ୟାୟାର୍ ପ୍ରଦାନ କରାଯିବ ବୋଲି ଇଭାଞ୍ଜଲିକାଲ ଲୁଥରାନ୍ ଚର୍ଚ୍ଚ ର ସମ୍ପାଦକ ଶ୍ରୀ ପ୍ରଫୁଲ୍ଲ ଭତ୍ରା ସୂଚନା ଦେଇଥିଲେ। ଜୟପୁର ମୁଖ୍ୟ ଜିଲ୍ଲା ଚିକିତ୍ସାଳୟ ଛଡା ଲାମତା ପୁଟ, ରାୟଗଡା ଏବଂ ବିଷମକଟକ ହସ୍ପିଟାଲରେ ଏହି ଭଳି ୱିଲ ଚ୍ୟାୟାର୍ ଦିଆଯିବାର ବ୍ୟବସ୍ଥା କରାଯାଇ ଥିବା କହିଥିଲେ ଜୟପୁର ବିଶପ୍ ରେଭ୍ ରେଟ୍ ବିଧାନ ନାୟକ। ଜୟପୁର ମୁଖ୍ୟ ଚିକିତ୍ସାଳୟର ଏଡି. ଏମ୍.ଓ  ଡଃ ରାମଚନ୍ଦ୍ର ମହାନ୍ତି, ଡଃ ଆଶିଷ ପାଣିଗ୍ରାହୀ, ଉମାଶଙ୍କର ଆଚାରୀ, ବିଧାୟକ ପ୍ରତିନିଧି - ସ୍ଵାସ୍ଥ୍ୟ ସେବାର ଦେବାଶିଷ ପଣ୍ଡାଙ୍କୁ ବିଶପ ରେଭ୍ ରେଟ ବିଧାନ ନାୟକ , ସମ୍ପାଦକ ଶ୍ରୀ ପ୍ରଫୁଲ୍ଲ ଭତ୍ରା, ଏବଂ ୟୁଥ୍ ଡେସ୍କ୍ ର ସାହାନା ବେନ୍ୟା ୨ ଟି ୱିଲ୍ ଚ୍ୟାୟାର୍ ପ୍ରଦାନ କରିଥିଲେ। ଏବଂ ଏହି କାର୍ଯ୍ୟକ୍ରମରେ ମଳୟ ଛିଞ୍ଚାଣି, ସୁଧାଂଶୁ ସିତାରାମ,ଶୁଭାସିତ ପ୍ରେମ୍,ସାମୁଏଲ୍ ବାଘ, ପ୍ରଣବ କିଶୋର ନାୟକ,ଅଭି ବେନ୍ୟା,ବାବି ଜୋନ୍ ସ୍ମ...

ଜିଲ୍ଲା ପ୍ରଶାସନ ଦ୍ଵାରା ଜୟପୁରରେ ଜବରଦଖଲ ଉଚ୍ଛେଦ। ଜୟପୁର/କୋରାପୁଟ:- ଜିଲ୍ଲା ଜୟପୁର ସହର ଦେଇ ଯାଇଥିବା  ୩୨୬ ନମ୍ବର ଜାତୀୟ ରାଜପଥର ଉଭୟ ପାର୍ଶ୍ଵରେ ବେଆଇନ  ଭାବେ ଥିବା ୧୫୦ରୁ ଉର୍ଦ୍ଧ୍ବ ଗ୍ୟାରେଜ୍ ଏବଂ ଘର ବେଆଇନ ଭାବେ ତିଆରି କରିଥିବା ଛୋଟ ଓ ବଡ଼ ଘର ଗୁଡ଼ିକୁ ପ୍ରଶାସନ ତରଫରୁ ଉଚ୍ଛେଦ କରାଯାଇଛି । ଉଭୟ ପାର୍ଶ୍ବରେ ଛୋଟ ବଡ ଦୋକାନୀ ଠାରୁ ଆରମ୍ଭ କରି ଲୋକମାନେ ରହିବାପାଇଁ ଘର ମଧ୍ୟ କରିଥିଲେ। ଯାହାଫଳରେ  ଏହି ରାଜପଥ ସଂକୀର୍ଣ୍ଣ ହେବା ସାଙ୍ଗକୁ ଟ୍ରାଫିକ ସମସ୍ୟା ମଧ୍ୟ ଦେଖା ଦେଉଥିଲା। ଏହାର ସମାଧାନ ପାଇଁ  ଆଜି  ଜୟପୁର ରାଜପଥ ବିଭାଗ, ଜୟପୁର ପୌରପାଳିକା , ଜୟପୁର ତହସିଲଦାର  ଏବଂ ପୋଲିସର ମିଳିତ ଉଦ୍ୟମରେ ଜବରଦଖଲ କୁ ଉଚ୍ଛେଦ କରାଯାଇଛି।ଜୟପୁରର  ଗାନ୍ଧୀ ଛକ  ଠାରୁ ଜୟପୁର ସ୍ଥିତ ଗ୍ଲୋକାଲ ମେଡ଼ିକାଲ ପର୍ଯ୍ୟନ୍ତ ରାଜପଥର ଉଭୟ  ପାର୍ଶ୍ଵ ଥିବା ଗ୍ୟାରେଜ ସହ ଘର ଗୁଡିକୁ  ଉଛେଦ କରାଯାଇଛି।ବର୍ଷ ବର୍ଷ ଧରି  ଗ୍ୟାରେଜରେ ୩୦୦୦ରୁ ଉର୍ଦ୍ଧ୍ଵ ଲୋକେ କାମ କରି ସେମାନଙ୍କ ଜୀବିକା ନିର୍ବାହ କରୁଥିଲେ।ସେମାନଙ୍କୁ ଅନ୍ୟ ଏକ ସ୍ଥାନରେ ଥଇଥାନ ନ କରି ଅଚାନକ  ଉଛେଦକୁ ନେଇ ସାଧାରଣରେ ଅସନ୍ତୋଷ ପ୍ରକାଶ କରିଛନ୍ତି ଜୟପୁର ଗ୍ୟାରେଜ ସଂଘ।ସେପଟେ   ସହର ମଧ୍ୟଦେଇ ଯାଇଥିବା  ରାଜପଥ   ପାର୍ଶ୍ଵ ରେ ଥିବ...

ଜିଲ୍ଲା ପ୍ରଶାସନ ଜିଲ୍ଲା ବେରୋଜଗାରୀଙ୍କ ପାଇଁ କାଳ ସାଜିଛି। ଦାଦନରେ ଶବ ରହିଛି,ଘର ପରିବାର ହରାଇଲା ଭେଣ୍ଡିଆ ପୁଅ - କଣ୍ଟାମାଳ  କଣ୍ଟାମାଳ,୨୯।୬- ବୌଦ୍ଧ ଜିଲ୍ଲାରେ ସରକାରଙ୍କ ଯୋଜନା କେତେ ସଫଳତା ହାସଲ କରିଛି ତା'ର ଉଦାହରଣ ଦେଖିବାକୁ ମିଳିଛି ଏହି ଲୋମହର୍ଷଣକାରୀ ଘଟଣା ରୁ। ମିଳିଥିବା ସୂଚନାନୁସାରେ କଣ୍ଟାମାଳ ଥାନା ଅନ୍ତର୍ଗତ   ତାଲବେଡା ଗ୍ରାମର ଏକ ଯୁବକ ଦାଦନ ଖଟିବାକୁ ଯାଇ ଦୁର୍ଘଟଣାରେ ମୃତ୍ୟୁ ବରଣ କରିଥିବା ଜଣାପଡ଼ିଛି । ମିଳିଥିବା ସୂଚନା ଅନୁସାରେ, କଣ୍ଟାମାଳ ଥାନା ଅନ୍ତର୍ଗତ ତାଲବେଡ଼ା ଗ୍ରାମର ଇତିହାସ ରଣାଙ୍କ ପୁଅ ମୁକେଶ ରଣା କିଛି ମାସ ପୂର୍ବେ ଦାଦନ ଖଟିବାକୁ ଯାଇ ସୁଦୂର ତାମିଲନାଡୁର ଏକ ଚିଙ୍ଗୁଡ଼ି କାରଖାନାରେ କାମ  କରୁଥିଲେ । ଗତକାଲି କାମ କରିବାକୁ ବାଇକ ଯୋଗେ କାରଖାନାକୁ ଯାଉଥିବା ବେଳେ ବେମ୍ବିସେଲ ନିକଟରେ  ଏକ ଟ୍ରକ ଧକ୍କା ଦେବା ଫଳରେ ଦୁର୍ଘଟଣାରେ ଉଭୟ ବାଇକ୍ ଆରୋହୀଂକ ମୃତ୍ୟୁ ହୋଇଥିଲା ।  ସ୍ଥାନୀୟ ପୋଲିସ ଘଟଣା ସ୍ଥଳରେ ପହଞ୍ଚି ମୃତ ବ୍ୟକ୍ତି ଦ୍ବୟଙ୍କ ଶବକୁ ଜବତ କରି ବ୍ୟବଚ୍ଛେଦ କରିବା ସହ ତଦନ୍ତ ଜାରି ରଖିଛି ।ଅନ୍ୟପଟେ ମୃତ ମୁକେଶଙ୍କ ପରିବାର ଗରିବ ହୋଇଥିବାରୁ ଶବ ଆଣିବା ତାଙ୍କ ପକ୍ଷେ ସମ୍ଭବ ହୋଇ ନ ଥିବାରୁ ପ୍ରଶାସନ ନିକଟରେ ଅନୁରୋଧ କରିଛନ୍ତି । ଏବେ ଏହି ଘଟଣାକୁ ନେଇ ଜିଲ୍ଲାର ସଚେତନ ନାଗରିକ ଏବଂ ବୁଦ୍ଧିଜୀବୀ ମାନେ କହ...

ଲାୟନ୍ସ ପବ୍ଲିକ ସ୍କୁଲ ପାଇଁ କାମକରୁଥିବା ଶ୍ରମିକଙ୍କ ମୃତ୍ୟୁ। ଘଟଣା ସମ୍ପର୍କରେ ବିଦ୍ୟାଳୟରେ କାର୍ଯ୍ୟ କରାଉଥିବା ବ୍ୟକ୍ତି ଚୁପ୍, ପ୍ରଶାସନ ରଦେଖା ନାହିଁ।         ବଲାଙ୍ଗୀର/ପାଟଣାଗଡ଼ , ତାରିଖ‐୩୦/୦୬/୨୦୨୨ ( ଜଗନ୍ନାଥ ଧରୁଆ ଙ୍କ ରିପୋର୍ଟ ) ବଲାଙ୍ଗୀର ଜିଲ୍ଲା ପାଟଣାଗଡ଼ଠାରେ ବୁଧବାର ବଜ୍ରପାତ ହେବାଫଳରେ କାର୍ଯ୍ୟ କରୁଥିବା ସମୟରେ ଜଣେ ଶ୍ରମିକଙ୍କ ମୃତ୍ୟୁ ହୋଇ ଥିବା ବେଳେ ଲାୟନ୍ସ ବିଦ୍ୟାଳୟ କତୃପକ୍ଷ ଘଟଣା ସମ୍ପର୍କରେ ଚୁପ ରହିବା ବିଭିନ୍ନ ମୋଡ଼ ନେଉଥିବା ଲୋକଙ୍କ ଭିତରେ ଚର୍ଚ୍ଚା ହେଉଛି। ଶୁଣିବାକୁ ମିଳେ ଯେ, ବଜ୍ରପାତ ହେବା ପୂର୍ବରୁ ଶ୍ରମିକମାନେ କେଉଁଠି କେମିତି ସୁରକ୍ଷିତ ନରହି କାର୍ଯ୍ୟ କରିଥିଲେ ଯାହା ଫଳରେ ଜୀବନ ହରାଇବାକୁ ପଡ଼ିଥିଲା। ଆଉ ଦୁଇଜଣ ଗୁରୁତର ଥିବା ଜଣାପଡିଛି l ସୂଚନାକ୍ରମେ ଗତକାଲି ପାଟଣାଗଡ଼ ସ୍ଥାନୀୟ ଲାୟନ୍ସ ପବ୍ଲିକ ସ୍କୁଲରେ ଶ୍ରମିକ ମାନେ କାମ କରୁଥିବା ସମୟରେ ଘଡଘଡି ସହିତ ପ୍ରବଳ ବର୍ଷା ହୋଇଥିଲା ଏତିକି ସମୟରେ ବଜ୍ରପାତ ହେବା ଯୋଗୁଁ ଜଣ ଙ୍କର ମୃତ୍ୟୁ ଘଟିଥିଲା ଓ ଦୁଇଜଣ ଗୁରୁତର ଅଛନ୍ତି l  ମୃତ ବ୍ୟକ୍ତି ଜଣକ ହେଲେ ପାଟଣାଗଡ଼ ବଡପଡା ( ହରିଜନ ପଡା )ର ପଞ୍ଚାସୁନା ଙ୍କ ପୁଅ  ଲିଙ୍ଗକନସୁନା ବୟସ ( ୨୧ ) ବୋଲି ଜଣାପଡିଛି l ଗୁରୁତର ଥିବା ଦୁଇ ଜଣଙ୍କୁ ପାଟଣାଗଡ଼ ସରକାରୀ ଡାକ୍ତରଖାନାରେ ଚିକିତ୍ସା ପାଇଁ ପଠା ଯାଇଛି l ଯୁ...

ଚର୍ଚ୍ଚାରେ ବଲାଙ୍ଗୀର ଜିଲ୍ଲାପାଳ ଚଞ୍ଚଳ ରାଣା, ଶିକ୍ଷା ଦାନ କଲେ ଛାତ୍ରଛାତ୍ରୀମାନଙ୍କୁ। ବଲାଙ୍ଗୀର/ପାଟଣାଗଡ଼ , ତାରିଖ‐୩୦/୦୬/୨୦୨୨ ( ଜଗନ୍ନାଥ ଧରୂଆ ଙ୍କ ରିପୋର୍ଟ ) ପ୍ରଶାସନିକ ଅଧିକାରୀ ମାନେ କେବଳ ନିଜ ଦକ୍ଷତା ଅର୍ଜନ କରିପାରନ୍ତି ତାହା ନୁହେଁ ବରଂ କ୍ଷମତା ଭିତରେ ଏମିତି କିଛି କାମ କରିଥାନ୍ତି ଯାହାର ବର୍ଣ୍ଣନା କରିବାକୁ ଗଣମାଧ୍ୟମ ପାଖରେ ଭାଷାର ଅଭାବ ପଡ଼ିଯାଏ। ଆମେ ଆଜି ଏଭଳି ଏକ ଖବର ସମଗ୍ର ରାଜ୍ୟବ୍ୟାପୀ ପ୍ରସାରଣ କରୁଛୁ ଯାହାକୁ ଯେକେହି ପଢିଲେ ପ୍ରଶଂସା ନକରି ରହିପାରୁନାହାନ୍ତି। ବଲାଙ୍ଗୀର ଜିଲ୍ଲା ଖପ୍ରାଖୋଲ ବ୍ଲକ ଅନୁସୂଚିତଜାତି ଓ ଅନୁସୂଚିତ ଜନଜାତି ବିଭାଗଦ୍ୱାରା ପରିଚାଳିତ ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟ ମାଳପଡାକୁ ଗତକାଲି ବଲାଙ୍ଗୀର ଜିଲ୍ଲାପାଳ ଶ୍ରୀଯୁକ୍ତ ଚଞ୍ଚଳ ରାଣା ପରିଦର୍ଶନ କରି ଦ୍ବାଦଶ ଶ୍ରେଣୀ ପିଲାଙ୍କୁ ବିଜ୍ଞାନର ବୋଟାନି ପାଠ ପଢାଇଲେ l ଜିଲ୍ଲାପାଳ ପାଠ ପଢାଉଥିବା ବେଲେ ଛାତ୍ର ଛାତ୍ରୀ ମାନେ ବେସ ଉତ୍ସାହିତ ଥିବାର ଦେଖିବାକୁ ମିଳିଥିଲା ଏବଂ ଜିଲ୍ଲାପାଳ ଙ୍କ ସାଙ୍ଗରେ ପାଟଣାଗଡ଼ ଉପଜିଲ୍ଲାପାଳ ଡ଼.ବିଜୟାନନ୍ଦ ସେଠି , ଖପ୍ରାଖୋଲ ବିଡିଓ , ଖପ୍ରାଖୋଲ ତହସିଲଦାର , ବଲାଙ୍ଗୀର ଜିଲ୍ଲା ମଙ୍ଗଳ ଅଧିକାରୀ ଓ ସ୍କୁଲର ଅଧ୍ଯକ୍ଷ ଉପସ୍ଥିତ ଥିଲେ l  ଜିଲ୍ଲାପାଳଙ୍କ ଏପରି ମହତକାର୍ଯ୍ୟ ସମସ୍ତଙ୍କ ପାଇଁ ପ୍ରେରଣା ଦାୟକ ହେବ ବୋଲି ବୁଦ୍ଧିଜୀବୀ ମହଳରେ ଚର୍ଚ୍ଚା ହେଉ...

କିର୍ତ୍ତୀପୁର ଠାରେ ଜିଲ୍ଲାପାଳଙ୍କ ଦ୍ୱାରା ଦ୍ୱାରା ମହିମା ଛତୁ ଉତ୍ପାଦନ ଓ ତାଲିମ କେନ୍ଦ୍ର ଉଦଘାଟିତ - ସୁବର୍ଣ୍ଣପୁର ସୁବର୍ଣ୍ଣପୁର, ତା ୨୯/0୬/୨୨ :ଆଜି ସୁବର୍ଣ୍ଣପୁର ଜିଲ୍ଲା ସୋନପୁର ବ୍ଲକ ଅନ୍ତର୍ଗତ ମୟୁରଉଡାଣ ଗ୍ରାମ ପଞ୍ଚାୟତ କିର୍ତ୍ତୀପୁର ଗ୍ରାମ ଠାରେ ଜିଲ୍ଲାପାଳ ସୁବର୍ଣ୍ଣପୁର ଶ୍ରୀମତୀ ଅବୋଲୀ ସୁନିଲ ନରୱଣେ ମହିମା ଛତୁ ଉତ୍ପାଦନ ଓ ତାଲିମ କେନ୍ଦ୍ର କୁ ଶୁଭ ଉଦଘାଟନ କରିଛନ୍ତି l ଏକ୍ସନ ଏଡ଼ ଭୁବନେଶ୍ୱର ଓ ରେଆର ସୁବର୍ଣ୍ଣପୁର ର ଆର୍ଥିକ ସହଯୋଗରେ କୀର୍ତ୍ତିପୁର ଗ୍ରାମର ୧0 ଜଣ ମହିଳାଙ୍କ ଆନ୍ତରିକ ପ୍ରଚେଷ୍ଟା ରେ ଆରମ୍ଭ ହୋଇଥିବା ମହିମା ଛତୁ ଉତ୍ପାଦନ ଓ ତାଲିମ କେନ୍ଦ୍ର ଉଦଘାଟନ ଅବସରରେ ମଂଚାସୀନ ଅତିଥି ବୃନ୍ଦ ସମ୍ପୃକ୍ତ ମହିଳା ମାନଙ୍କୁ ଉତ୍ସାହିତ କରିବା ସହ ସେମାନେ ଯେପରି ସ୍ୱାବଲମ୍ବୀ ହୋଇ ନିରନ୍ତର କାର୍ଯ୍ୟ କରି ଜୀବନରେ ସଫଳତା ହାସଲ କରି ଜିଲ୍ଲାର ଅନ୍ୟ ମାନଙ୍କ ପାଇଁ ପ୍ରେରଣାଦାୟୀ ହୋଇପାରିବେ ସେଥିପାଇଁ ଗୁରୁତ୍ୱାରୋପ କରିଛନ୍ତି l ଏହି ଉଦଘାଟନ ଅବସରରେ ଅତିରିକ୍ତ ଜିଲ୍ଲାପାଳ (ରାଜସ୍ବ )ଶ୍ରୀ ସୂର୍ଯ୍ୟ ନାରାୟଣ ଦାଶ, ପ୍ରକଳ୍ପ ନିର୍ଦେଶକ, ଜିଲ୍ଲା ଗ୍ରାମ୍ୟ ଉନ୍ନୟନ ସଂସ୍ଥା ଶ୍ରୀ ନିହାର ରଞ୍ଜନ କଁହର, ଜିଲ୍ଳା ସମାଜ କଲ୍ୟାଣ ଅଧିକାରୀ ଗୌରମଣି ହାଁସଦା, ସହ ନିର୍ଦେଶକ ଏକ୍ସନ ଏଡ଼ ଭୁବନେଶ୍ୱର ଦେବବ୍ରତ ପାତ୍ର, ନିର୍ଦେଶକ ଏସ ବି ଆର ଏସ ଇ ଟି ଆଇ ଅଜିନା ଟୁଡୁ, ରେଆର ପ୍ରତିଷ...

ସହୀଦ ଲକ୍ଷ୍ମଣ ନାୟକ ମେଡିକାଲ କଲେଜରେ ଆବଶ୍ୟକୀୟ ସରଞ୍ଜାମ ନଥିବା ହେତୁ ରୋଗୀଙ୍କ ଅସନ୍ତୋଷ ପ୍ରକାଶ କୋରାପୁଟ : ( ତ୍ରିନାଥ ପଟ୍ଟନାୟକ ): କୋରାପୁଟ ସହୀଦ ଲକ୍ଷ୍ମଣ ନାୟକ ମେଡିକାଲ କଲେଜ ଓ ହସ୍ପିଟାଲରେ ନାହିଁ ପ୍ଲେଟଲେଟ କିଟ l ସୂଚନା ଅନୁସାରେ କିଛି ଦିନ ତଳେ ମେଡିକାଲ କଲେଜ ସ୍ୱୟଂ ଚଳିତ ପ୍ଲେଟଲେଟ ସଂଗ୍ରହ ମେସିନ ଶୁଭାରମ୍ଭ କରାଯାଇଥିଲା l ପରୀକ୍ଷାକରଣ ପାଇଁ ଆସିଥିବା 10 ଟି ସାମ୍ପୁଲ କିଟ ଯାହା କି ମେସିନ ପରୀକ୍ଷଣ ସମୟରେ ସରିଯାଇଛି l ବର୍ତ୍ତମାନ ଜିଲ୍ଲାର ଡେଙ୍ଗୁ ରୋଗୀ ଚି଼ହ୍ନଟ ବଢ଼ି ଆସୁଥିବା ବେଳେ କିଟ ନଥିବା ଯୋଗୁଁ ପ୍ଲେଟଲେଟ ସଂଗ୍ରହ କରାଯାଇପାରୁନାହିଁ l ଅନ୍ୟପଟେ ମାନୁଆଲ ପ୍ଲେଟଲେଟ ମେସିନ ମଧ୍ୟ ଦୀର୍ଘ ମାସ ହେବ ଅଚଳ ଅବସ୍ଥାରେ ପଡି ରହିଛି l ଏବେ ମେଡିକାଲ କଲେଜରେ ଡେଙ୍ଗୁ ରୋଗୀ ଅନ୍ୟ ମେଡିକାଲକୁ ସ୍ଥାନାନ୍ତରିତ ହେଉଥିବା ସୂଚନା ମିଳୁଥିବା ବେଳେ ମେଡିକାଲ କର୍ତ୍ତୃପକ୍ଷ ଯଥା ଶୀଘ୍ର ସ୍ୱୟଂ ଚାଲିତ ମେସିନର ପ୍ଲେଟଲେଟ କିଟ ଆସି ପହଂଚିବ ଏବଂ ମାନୁଆଲ ମେସିନ ସରଞ୍ଜାମ ଆସି ପହଁଚିଲେ ଅତିଶୀଘ୍ର ମରାମତି ହେବ ବୋଲି ସୂଚନା ଦେଇଛନ୍ତି l

ସାହିତ୍ୟ ସମ୍ରାଟ ବିକ୍ରମ ଦେବ ବର୍ମାଙ୍କ ଜୟନ୍ତୀ ପାଳିତ କୋରାପୁଟ :( ତ୍ରିନାଥ ପଟ୍ଟନାୟକ ): ସ୍ଥାନୀୟ ହୋଟେଲ ମଧୁମତୀ ସଭାକକ୍ଷରେ      ଓଡିଶା ସାହିତ୍ୟ ଏକାଡେମୀ, ଜୟପୁର ସାହିତ୍ୟ ପରିଷଦ ଓ ଜିଲ୍ଲା ସଂସ୍କୃତି ବିଭାଗ, କୋରାପୁଟ ତରଫରୁ *ସାହିତ୍ୟ ସମ୍ରାଟ ବିକ୍ରମ ଦେବ ବର୍ମାଙ୍କ ୧୫୪ ତମ ଜୟନ୍ତୀ* ପାଳିତ ହୋଇଯାଇଛି। ଜୟପୁର ସାହିତ୍ୟ ପରିଷଦର ସଭାପତି ତଥା ଓଡିଶା ସାହିତ୍ୟ ଏକାଡେମୀ ସଦସ୍ୟ ଶ୍ରୀଯୁକ୍ତ ଲକ୍ଷ୍ମୀକାନ୍ତ ପାଢିଙ୍କ ସଭାପତିତ୍ୱରେ ଆୟୋଜିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ମାନ୍ୟବର ବିଧାୟକ,ଜୟପୁର ଶ୍ରୀଯୁକ୍ତ ତାରା ପ୍ରସାଦ ବାହିନୀପତି ,ମୁଖ୍ୟ ବକ୍ତା ଭାବେ  ବିଶିଷ୍ଟ ସାହିତ୍ୟିକ ଡ.ପ୍ରଦୀପ କୁମାର ମିଶ୍ର, ସମ୍ମାନିତ ଅତିଥି ଭାବେ ବିଶିଷ୍ଟ ଗାଳ୍ପିକ ଡ.ସୁରେଶ ଦାଶ ଏବଂ ଅନ୍ୟତମ ସମ୍ମାନିତ  ଅତିଥି ଭାବେ ଜିଲ୍ଲା ସଂସ୍କୃତି ଅଧିକାରୀ ଶ୍ରୀମତୀ ପ୍ରୀତିସୁଧା ଜେନା ଯୋଗଦାନ କରି ସାହିତ୍ୟ ସମ୍ରାଟ ବିକ୍ରମ ଦେବ ବର୍ମାଙ୍କ  ଜୀବନୀ,ସାରସ୍ୱତ ସୃଷ୍ଟି ସମ୍ଭାର,ତାଙ୍କର ଜନ ହିତକର କାର୍ଯ୍ୟକ୍ରମ, ଉତ୍କଳ ପ୍ରଦେଶ ଗଠନରେ ତାଙ୍କର ଅବଦାନ ବିଷୟରେ ଆଲୋକପାତ କରିଥିଲେ।କାର୍ଯ୍ୟକ୍ରମର ପ୍ରାରମ୍ଭରେ ଯଜ୍ଞେଶ୍ବର ପଣ୍ଡା ସ୍ୱାଗତ ଭାଷଣ  ଓ ଅତିଥି ଆମନ୍ତ୍ରଣ କରିଥିବା ବେଳେ ଛାତ୍ରୀ ମାନଙ୍କଦ୍ୱାରା ପ୍ରାରମ୍ଭିକ ସଙ୍ଗୀତ ଗାନ ଗାନ କରାଯାଇଥିଲା। ବିଜୟଲ...

କୋରାପୁଟ ପାଇଁ ଗୌରବ ଆଣିଲେ ନାଗରାଜୁ  କୋରାପୁଟ : ( ତ୍ରିନାଥ ପଟ୍ଟନାୟକ ): କୋରାପୁଟ ଜିଲ୍ଲା ପାଇଁ ପାଇଁ ଗୌରବ ଆଣିଛନ୍ତି ସ୍ଥାନୀୟ ଭାଣ୍ଡି ସାହିର କେ. ନାଗରାଜୁ l କୋରାପୁଟ ଜିଲ୍ଲାର ପ୍ରଥମ ଆଇ. ଏଫ. ଏସ ହୋଇଛନ୍ତି କେ. ବାଳକୃଷ୍ଣ ରାଓ ଓ କେ. ରୁକ୍ମଣୀ ଦେବୀଙ୍କ ପୁଅ ନାଗରାଜୁ l ଆଜି ୟୁପିଏସସିର ପ୍ରକାଶିତ ଫଳରେ ସେ ସର୍ବଭାରତୀୟ ସ୍ତରରେ 40 ନମ୍ବର ରେଙ୍କ ରଖିଛନ୍ତି l ସେ ଖଡ଼ଗପୁର ଆଇଆଇଟିରୁ ଇଂଜିନିୟରିଂ କରିଥିବା ବେଳେ ବମ୍ବେରେ ଏକ ସଫ୍ଟୱରେ କମ୍ପାନୀରେ ଚାକିରୀ କରୁଥିଲେ l ନାଗରାଜୁ 5 ବର୍ଷ ହେବ ସିଭିଲ ସର୍ଭିସ ପାଇଁ ନିଜକୁ ପ୍ରସ୍ତୁତ କରୁଥିବା ବେଳେ 3 ବର୍ଷ ହେବ ଚାକିରୀ ଛାଡି ଜୋରସୋରରେ ଲାଗି ପଡ଼ିଥିଲେ l ଗତ 5 ବର୍ଷରେ ସେ 4ଥର ପ୍ରିଲିମିନାରୀ ପାସ କରିଥିବା ବେଳେ ୨ ଥର ମେନ୍ ଓ ଇଣ୍ଟରଭ୍ୟୁ ପାଇଁ ଯୋଗ୍ୟ ବିବେଚିତ ହୋଇଥିଲେ l ଗତବର୍ଷ ସେ 24 ମାର୍କ ପାଇଁ ଅକୃତ କାର୍ଯ୍ୟ ହୋଇଥିବା ବେଳେ ଚଳିତ ବର୍ଷ 40 ନମ୍ବର ରେଙ୍କ ରଖି ସର୍ବଭାରତୀୟ ସ୍ତରରେ କୋରାପୁଟର ନାଁକୁ ପ୍ରଶଂସନୀୟ କରିବାରେ ପ୍ରଥମ ଅଟନ୍ତି l ସେ କୋରାପୁଟ କେନ୍ଦ୍ରୀୟ ବିଦ୍ୟାଳୟରୁ 2007 ରେ 10ମ ଶ୍ରେଣୀ ପାସ କରିବା ପରେ ବିଶାଖାପାଟଣାସ୍ଥିତ ଶ୍ରୀ ଚୈତନ୍ୟ କଲେଜରୁ 2009 ରେ ଯୁକ୍ତ ଦୁଇ ବିଜ୍ଞାନରେ କୃତକାର୍ଯ୍ୟ ହୋଇଥିଲେ l ଏହାପରେ ସେ ଆଇଆଇଟି ଖଡ଼ଗପୁରରେ ଯୋଗ ଦେଇଥିଲେ l 2010 ରୁ 2014 ଯାଏ ସେ ଖଡ଼ଗପୁର ଆଇଆଇଟିରେ...

ଓଡ଼ିଶା ଶକ୍ତି ବିଭାଗ ତରଫରୁ ବୌଦ୍ଧ ଅନଲାଇନ୍ କୁଇଜ୍ ପ୍ରତିଯୋଗିତାର ଫଳାଫଳ ଏମିତି ବୌଦ୍ଧ :ଗତ ତା୨୫/୬/୨୨ରିଖରେ ହୋଇଥିବା ଅନ୍ ଲାଇନ କୁଇଜ ପ୍ରତୀଯୋଗିତାରେ ସମସ୍ତ ହାଇସ୍କୁଲର ଶକ୍ତି କ୍ଲବର ଛାତ୍ରଛାତ୍ରୀ ଅଷ୍ଟମ ରୁ ଦଶମ ଶ୍ରେଣୀ ପର୍ଯ୍ୟନ୍ତ ଭାଗ ନେଇଥିଲେ । ଉକ୍ତ ଅନଲାଇନ ପ୍ରତିଯୋଗିତାରେ ବୌଦ୍ଧ ଜିଲ୍ଲାର ଏକ ମାତ୍ର ହାଇସ୍କୁଲ ଘଣ୍ଟାପଡ଼ା ସମଲେଶ୍ଵରୀ ସରକାରୀ ହାଇସ୍କୁଲର ଦୁଇ ଜଣ ଛାତ୍ରଛାତ୍ରୀ ଆସନ୍ତା ତା ୨/୭/୨୨ରିଖରେ ଶକ୍ତି ବିଭାଗ ତରଫରୁ ଭୁବନେଶ୍ଵର ଠାରେ ପ୍ରମାଣପତ୍ର ସହ ପୁରସ୍କାର ରାଶି ବଣ୍ଟନ କାର୍ଯ୍ୟକ୍ରମ ରହିଛି । ଦୁଇ ଜଣ ଛାତ୍ରଛାତ୍ରୀଙ୍କ ମଧ୍ୟରୁ ୯ମ ଶ୍ରେଣୀରୁ ଶ୍ରୀତମ ବକ୍ସି ଓ ଦଶମ ଶ୍ରେଣୀରୁ ସୁଶ୍ରୀ ପ୍ରିତୀପ୍ରଜ୍ଞା ସାହୁ ମନୋନୀତ ହୋଇଥିବାର ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ରିତାକାନ୍ତି ବଳିୟାରସିଂ ସୂଚନା ଦେଇଛନ୍ତି!

ଠିକାଦାରଙ୍କ ହାତରେ ଇନ୍ଦିରା ଆବାସ ଘରର ଭବିଷ୍ୟତ । 29/6/22 (ଲକ୍ଷ୍ମି ନାରାୟଣ ରାଉତରାୟଙ୍କ ରିର୍ପୋଟ ) ଠାକୁରମୁଣ୍ଡା ବ୍ଲକ/ ମୟୁରଭଞ୍ଜ:- କଥାରେ ଅଛି ଭାତହାଣ୍ଡି ରୁ ଗୋଟିଏ ଚିପିଲେ ହାଣ୍ଡି ଟା ସାରା ଭାତର ସ୍ଥିତି ଜଣାପଡେ। ସେହିପରି ମୟୁରଭଞ୍ଜ ଜିଲ୍ଲାର ଠାକୁରମୁଣ୍ଡା ବ୍ଲକ ଅନ୍ତର୍ଗତ ବିଭିନ୍ନ ପଞ୍ଚାୟତରେ ଚାଲିଥିବା ସରକାରୀ ଯୋଜନା ସେବା ଏମିତି। ବ୍ଳକର ତାଳପଦା ଗ୍ରାମ ପଞ୍ଚାୟତର ଗହଣ୍ଡିଆ ଗ୍ରାମର ,ମମତା ପଇଦା ଙ୍କର ଇନ୍ଦିରା ଆବାସ ଯୋଜନାରେ ଏକ ପକ୍କା ଘର ଆସିଥିଲା ।ସେ ଘରକୁ ପଦ୍ମଲୋଚନ ନାଏକ (ଛୁଆ) ନାମକ ଠିକାଦାର ତିଆରି କରୁଥିଲେ କିନ୍ତୁ ଏପର୍ଯ୍ୟନ୍ତ ଘର କାମ ଅଧା ହୋଇ ପଡିରହିଛି ।ଘର ଆସିବାର ଦୁଇ ବର୍ଷ ହେଲାଣି ।ଛାତ ଟଙ୍କାକୁ ଠିକାଦାର ନେଇଯାଇଛି ହେଲେ ଛାତ ପଡିନାହିଁ ।ପଞ୍ଚାୟତ ଅଧିକାରୀ ତରଫରୁ ମମତାଙ୍କୁ ନୋଟିସ୍ ଦେବାପରେ ,ସେ ଠିକାଦାର ଛୁଆଙ୍କ ନାଁରେ କେସ୍ କରିଛନ୍ତି ।ସେଥିପାଇଁ କଥାରେ ଅଛି ନିଜ କାମ ନିଜେ କର ।ଅଧିକାଂଶ ହିତାଧିକାରୀ ଇନ୍ଦିରା ଆବାସ ଘରଗୁଡିକ ନିଜେ ନକରି ଠିକାଦାର ଙ୍କୁ ଦେଇ ଏଭଳି ହଇରାଣ ହେଉଥିବା ଶୁଣିବାକୁ ମିଳୁଛି  ।ଏହକୁ ତଦାରଖ କରୁଥିବା ଅଧିକାରୀ ମାନେ ମଧ୍ୟ ଏବିଷୟରେ ଠିକଭାବରେ ତଦାରଖ କଲେ ଏଭଳି ଅଘଟଣ ହୁଅନ୍ତା ନାହିଁ ବୋଲି ସଚେତନ ନାଗରିକ ମାନେ ଚର୍ଚ୍ଚା କରୁଛନ୍ତିି।

ଜୟପୁର : ରାଜ୍ୟ ସରକାରଙ୍କ ପାଖରେ କୋରାପୁଟ ଜିଲ୍ଲାର ଜୟପୁର ସହର ବହୁ ପୁରାତନ ସମ୍ପର୍କରେ ରହିଛି। ଆଗାମୀ ଦିନରେ ଅର୍ଥାତ୍ ଆସନ୍ତା ୧ତାରିଖ ଦିନ ଉଦଘାଟନ ହେବାକୁ ଥିବା ବିକ୍ରମ ଦେବ ସ୍ବୟଂ ଶାସିତ ମହାବିଦ୍ୟାଳୟର ୭୫ବର୍ଷ ପୂର୍ତ୍ତି ଉତ୍ସବକୁ ନେଇ ଚାଲିଥିଲା ବହୁ ମାନସ ମନ୍ଥନ କିନ୍ତୁ ସବୁକିଛି ର ପୂର୍ଣ୍ଣଛେଦ ପକାଇଥିଲେ ବିଜେଡି ସାଂଗଠନିକ ସମ୍ପାଦକ ତଥା ଯାଜପୁର ବିଧାୟକ ଶ୍ରୀଯୁକ୍ତ ପ୍ରଣବ ପ୍ରକାଶ ଦାସ। ଉଦଘାଟନୀ ଉତ୍ସବରେ କିଏ ମୁଖ୍ୟଅତିଥି ହେବେ ଏହାକୁ ନେଇ ସବୁ ପୁରାତନ ଛାତ୍ରମାନେ ଚିନ୍ତାରେ ପଡ଼ିଥିଲେ । ଉକ୍ତ ଉତ୍ସବର ଉଦଘାଟନୀ ପ୍ରସ୍ତୁତି ବୈଠକରେ ଭାଗ ନେଇ ସେ ଉଚ୍ଚଶିକ୍ଷା ମନ୍ତ୍ରୀ ଇଂ.ରୋହିତ ପୁଜାରୀ ମୁଖ୍ୟଅତିଥି ଭାବେ ଯୋଗ ଦେବେ ବୋଲି ଘୋଷଣା କରିଥିଲେ। ସୂଚନାଯୋଗ୍ୟ, ପୂର୍ବରୁ ମୁଖ୍ୟମନ୍ତ୍ରୀଙ୍କୁ ମୁଖ୍ୟଅତିଥି ଭାବେ ରଖାଯାଇ ଭରଚୁଆଲରେ ଉଦଘାଟନ କରାଯିବାର କାର୍ଯ୍ୟକ୍ରମ ରହିଥିଲା। ତେବେ ମୁଖ୍ୟମନ୍ତ୍ରୀ ବିଦେଶ ଗସ୍ତରେ ଯିବା ପରେ ସେ ଅତିଥି ହେବା ଏକରକମର ଆଶା ମଉଳି ଯାଇଥିଲା। ଉଚ୍ଚଶିକ୍ଷା ମନ୍ତ୍ରୀଙ୍କୁ ମୁଖ୍ୟ ଅତିଥି କରିବାକୁ ଯୋଜନା କରାଯାଇଥିଲା। ୧ତାରିଖ ଦିନ ରଥଯାତ୍ରା ଓ ୨ତାରିଖରେ ବିଧାନସଭା ଆରମ୍ଭ ହେଉଥିବାରୁ ସେ ବି ଏହି କାର୍ଯ୍ୟକ୍ରମରେ ଯୋଗ ଦେବେ ନା ନାହିଁ ତାହାକୁ ନେଇ ସମସ୍ତଙ୍କ ମନରେ ସନ୍ଦେହ ପ୍ରକାଶ ପାଇଥିଲା। କିନ୍ତୁ ପୂର୍ବତନ ମନ୍ତ୍ରୀ ତଥା ବିଜେଡ଼ିର ସାଂ...

ଡୁମେରପିଟା ଗ୍ରାମ ପଞ୍ଚାୟତ କାର୍ଯ୍ୟାଳୟ ଠାରେ ସମୀକ୍ଷା ବୈଠକ ଅନୁଷ୍ଠିତ ହୋଇ ଯାଇଛି । ବଲାଙ୍ଗୀର/ପାଟଣାଗଡ଼ , ତାରିଖ‐୨୯/୦୬/୨୦୨୨ ( ଜଗନ୍ନାଥ ଧରୁଆ ଙ୍କ ରିପୋର୍ଟ ) ବଲାଙ୍ଗୀର ଜିଲ୍ଲା ଦେଓଗାଁ ବ୍ଲକ ଡ଼ୁମେରପିଟା ଗ୍ରାମ ପଞ୍ଚାୟତ କାର୍ଯ୍ୟାଳୟ ଠାରେ ଗତକାଲି ସକାଳ ୧୦ ରୁ ସଂଧ୍ଯା ୦୪ ଯାଏ ସରପଞ୍ଚ ବାସନ୍ତୀ ପଟେଲଙ୍କ ଆହ୍ୱାନକ୍ରମେ ଏକ ସମୀକ୍ଷା ବୈଠକ ଅନୁଷ୍ଠିତ ହୋଇଥିଲା l ଉକ୍ତ ବୈଠକରେ ମହାତ୍ମାଗାନ୍ଧୀ ଜାତୀୟ କର୍ମନିଯୁକ୍ତି ଯୋଜନା,ଗାଁ ପରିମଳ, ରେସନକାର୍ଡ ଭତ୍ତା, ଓ କୃଷି ବିଭାଗ, ସମନ୍ୱିତ ଶିଶୁ ବିକାଶ ବିଭାଗ, ସ୍ୱାସ୍ଥ୍ୟ ବିଭାଗ ଉପରେ ଆଲୋଚନା କରାଯାଇଥିଲା l ସମସ୍ତ ବିଭାଗର ସୁଫଳ ଯେମିତି ଜନସାଧାରଣ ପାଇପାରିବେ ସେଥିପ୍ରତି ବିଶେଷ ଧ୍ୟାନଦେବାପାଇଁ ସରପଞ୍ଚ ପ୍ରତ୍ୟେକ ବିଭାଗର କର୍ମଚାରୀ ମାନଙ୍କୁ ନିର୍ଦେଶ ଦେଇଥିଲେ l ଏଥିରେ ସମାଜସେବୀ ବିପିନ କୁଶଳିଆ ସମ୍ମାନିତ ଅତିଥିରୂପେ ଯୋଗଦାନଦେଇ ଡ଼ୁମେରପିଟା ପଞ୍ଚାୟତକୁ ଏକ ଆଦର୍ଶ ପଞ୍ଚାୟତରୂପେ ଗଢିତୋଳିବା ସହିତ ପ୍ରତ୍ୟେକ କାର୍ଯ୍ୟର ସୁଫଳରୁ ଯେମିତି ଲୋକମାନେ ବଞ୍ଚିତନହେବେ ସମସ୍ତଙ୍କୁ ଆହ୍ୱାନ ଦେଇଥିଲେ l ଉକ୍ତ ବୈଠକରେ ପଞ୍ଚାୟତର ନିର୍ବାହୀ ଅଧିକାରୀ, ଜି ଆର ଏସ, ଯୋଗାଣ ସହାୟକ,ନାଏବ ସରପଞ୍ଚ,ୱାର୍ଡ ସଭ୍ୟସଭ୍ୟା, VAW, ANM, ପଞ୍ଚାୟତର ସମସ୍ତ ଅଙ୍ଗନୱାଡି କର୍ମୀ, ଏବଂ ଜନସାଧାରଣ ସମୂହ ଉପସ୍ଥିତଥିଲେ l

ସାମାଜିକ ବାସନ୍ଦ ବିରୁଦ୍ଧରେ ସଚେତନତା ସୃଷ୍ଟି ପାଇଁ ବୈଠକ ଅନୁଷ୍ଠିତ। ପୋଲସରା ୨୯/୦୬/୨୦୨୨:-ଗଞ୍ଜାମ ଜିଲ୍ଲା ବିଶେଷ କରି ପୋଲସରା ଅଞ୍ଚଳ ରେ ନିର୍ଦ୍ଦିଷ୍ଟ କେତେକ ଜାତି ସଂଗଠନ ପକ୍ଷରୁ ସାମାଜିକ ବାସନ୍ଦ କରା ଯାଉଥିବା ରୁ ଏହା ବିରୁଦ୍ଧରେ ସଚେତନତା ସୃଷ୍ଟି କରିବା ପାଇଁ ଆଜି ପୋଲସରା ଥାନା ଅନ୍ତର୍ଗତ ବେଲଗାଁ ଠାରେ ଗୋଟିଏ ବୈଠକ ଅନୁଷ୍ଠିତ ହୋଇଥିଲା। ଗ୍ରାମ ପଞ୍ଚାୟତ କାର୍ଯ୍ୟାଳୟ ଠାରେ ପୋଲିସ ସମିତି ଓ ପଞ୍ଚାୟତ ସମିତି କାର୍ଯ୍ୟାଳୟ ପକ୍ଷରୁ ଆୟୋଜିତ ବୈଠକ ରେ ଭାରପ୍ରାପ୍ତ ଗୋଷ୍ଠୀ ଉନ୍ନୟନ ଅଧିକାରୀ ଧର୍ମରାଜ ପରିଡ଼ା ଓ ଥାନା ଅଧିକାରୀ ଜିତେନ୍ଦ୍ର କୁମାର ମଳିକ ଯୋଗ ଦେଇ ଏହି କୁ ପ୍ରଥା ର ବିଲୋପ କରିବା ପାଇଁ ପରାମର୍ଶ ଦେଇଥିଲେ। ଉଭୟ ପରିଡ଼ା ଓ ମଳିକ ସେମାନଙ୍କ ବକ୍ତବ୍ୟ ରେ କହିଥିଲେ ଯେ ବିଜ୍ଞାନ ଓ ବୈଷୟିକ ଜ୍ଞାନ ର ବିକାଶ ଯୋଗୁଁ ମଣିଷ ଆଜି ଚନ୍ଦ୍ର ରେ ବସତି ସ୍ଥାପନ କରିବା ପାଇଁ ଯାଉଛି। ଏପରି ସ୍ଥଳେ କିଛି ବ୍ୟକ୍ତି ଓ ସଂଗଠନ ସାମନ୍ତବାଦୀ ଯୁଗ ର କୁତ୍ସିତ ଜାତି ପ୍ରଥାକୁ ଆଧାର କରି ଆଇନ କାନୁନ ଓ ସମ୍ବିଧାନ ବିରୋଧୀ ସାମାଜିକ ବାସନ୍ଦ କରୁଛନ୍ତି। ଏହା ଦ୍ୱାରା ବାସନ୍ଦ ହେଉଥିବା ପରିବାର ସାମାଜିକ , ଆର୍ଥିକ ଓ ମାନସିକ ଉତ୍ପିଡନ ଶିକାର ହେଉଛନ୍ତି। ଏହି କାରଣରୁ କେତେକ ଆତ୍ମହତ୍ୟା କରିବା ପାଇଁ ମଧ୍ୟ ବାଧ୍ୟ ହେଉଛନ୍ତି। ଏଣୁ ଏହି କୁ ପ୍ରଥା ର ବିଲୋପ ପାଇଁ ସମାଜର ସଚେତନ ନାଗରିକ ମାନେ ଆଗ...

ବୌଦ୍ଧରେ ଗୋ -ସୁରକ୍ଷା ଓ ଗୋଆଧାରିତ ଜୀବିକା ଉପରେ ତାଲିମ ଶିବିର ଅନୁଷ୍ଠିତ l ବୌଦ୍ଧ -ତା 28/06/22ବୌଦ୍ଧଗଡ଼ ବିଜ୍ଞାପିତ ଅଂଚଳ ପରିଷଦ ବନ୍ୟା ଆଶ୍ରୟ ସ୍ଥଳୀରେ ସୁନ୍ଦରଗଡ଼ ଭୂମିଶ୍ରୀ କୃଷକ ଉତ୍ପାଦଜ କମ୍ପାନୀ ଓ ସାଲୁଙ୍କି କୃଷକ ଉତ୍ପାଦକ କମ୍ପାନୀ ସହାୟତାରେ,ଗ୍ରାମ୍ୟ ବିକାଶ ପରିଷଦ, ଆମଠାପଡା ଆୟୋଜନରେ ଓ ଓଡିଶା ଗୋସେବା ସମିତି, ପୁରୀ ଓ ଶ୍ରୀ ଗୋବିଜ୍ଞାନ ଫାଉଣ୍ଡେସନ, ଓଡିଶା ମାର୍ଗଦର୍ଶନରେ ଗୋ-ସୁରକ୍ଷା ଓ ଗୋ ଆଧାରୀତ ଜୀବିକା ଉପରେ ତାଲିମ ଶିବିର ଅନୁଷ୍ଠିତ ହୋଇଥିଲା l ମାହେଶ୍ୱରୀ ଗୋଶାଳା ଓ ଗ୍ରାମ୍ୟ ବିକାଶ ପରିଷଦର ସମ୍ପାଦକ କୃତ୍ତିବାସ ପଲିଆ ପରିଚାଳନାରେ ମୁଖ୍ୟ ଅତିଥିଭାବେ ବୌଦ୍ଧ ନଗରପାଳ ମୃତ୍ୟୁଞ୍ଜୟ ମିଶ୍ର ଯୋଗଦେଉ ଉଦଘାଟନ କରିଥିଲେ l ମୁଖ୍ୟବକ୍ତା ଭାବେ ଉପଖଣ୍ଡ ପଶୁ ଚିକିତ୍ସା ଅଧିକାରୀ ଡା. ପ୍ରଫୁଲ୍ଲ କୁମାର ନାଏକ ଯୋଗଦେଇ ଗୋ ସୁରକ୍ଷା ଓ ଗୋ ଆଧାରିତ ଜୀବିକା ଉପରେ ଆଲୋକପାତ କରିଥିଲେ l ସଂମ୍ମାନିତ ଅତିଥି ଭାବେ ବିଜ୍ଞାପିତ ଅଂଚଳ ପରିଷଦ ନିର୍ବାହୀ ଅଧିକାରୀ ଇଂ. ମନରଞ୍ଜନ ପଣ୍ଡା ଓ ଜିଲ୍ଲା ସାମ୍ବାଦିକ ସଙ୍ଘ ସମ୍ପାଦଜ ଶଶାଙ୍କ ଶେଖର ମିଶ୍ର, କବିରାଜ ହୃଷିକେଷ ଖେତୀ ଯୋଗଦାନ କରିଥିଲେ l ମୁଖ୍ୟ ପ୍ରଶିକ୍ଷିକା ଭାବେ ସୁନ୍ଦରଗଡ଼ ଭୂମିଶ୍ରୀ କୃଷଜ ଉତ୍ପାଦକ କମ୍ପାନୀର ନିର୍ଦ୍ଧେସିକା ତଥା ବିଶିଷ୍ଟ ଗୋସେବିକା ତାରାକାନ୍ତି ପଟେଲ ଯୋଗଦେଇ ପଞ୍ଚଗବ୍ୟରୁ ବିଭିନ୍ନ ସାମଗ୍ରୀ ପ୍ରସ୍ତୁତ କର...

ମନ୍ତ୍ରୀ ପ୍ରଦୀପ ଅମାତ ଙ୍କ ଦ୍ୱାରା ଶ୍ରୀଜଗନ୍ନାଥ ମନ୍ଦିରର ସୌନ୍ଦର୍ଯ୍ୟକରଣ କାର୍ଯ୍ୟ ଉଦଘାଟିତ ବୌଦ୍ଧ,୨୮ା୬ : ବୌଦ୍ଧର ପ୍ରସିଦ୍ଧ ଶ୍ରୀଜଗନ୍ନାଥ ମନ୍ଦିରର ସୌନ୍ଦର୍ଯ୍ୟକରଣ କାର୍ଯ୍ୟ ପଞ୍ଚାୟତିରାଜ ଓ ପାନୀୟଜଳ,ଜଙ୍ଗଲ ଓ ପରିବେଶ ଏବଂ ସୂଚନା ଓ ଲୋକସମ୍ପର୍କ ମନ୍ତ୍ରୀ ପ୍ରଦିପ କୁମାର ଅମାତଙ୍କ କରକଳମରେ ଉଦଘାଟିତ ହୋଇଯାଇଛି । ଏହି ମନ୍ଦିରର ଉନ୍ନତିକରଣ ପାଇଁ ରାଜ୍ୟ ସରକାର ୧ କୋଟି ଟଙ୍କା ସହାୟତା ରାଶି ଯୋଗାଇଦେଇଥିବାବେଳେ ବିଧାୟକ ପାଣ୍ଠି ଓ ବିଭିନ୍ନ ଅନୁଦାନରୁ ପ୍ରାୟ ୧ କୋଟି ୫୦ ଲକ୍ଷ ଟଙ୍କା ଖର୍ଚ୍ଚ କରାଯାଇ ମନ୍ଦିରର ସୌନ୍ଦର୍ଯ୍ୟକରଣ କାର୍ଯ୍ୟ କରାଯାଇଥିଲା । ରାଜାଙ୍କ ସମୟରେ ନିର୍ମିତ ମନ୍ଦିରର ଉପରି ଭାଗରେ ଅନେକ ଫାଟ ଦେବା ସହିତ ଭିତରେ ପାଣି ଗଳୁଥିବାବେଳେ ଯନ୍ତ୍ରୀମାନଙ୍କ ପରାମର୍ଶକ୍ରମେ  ସଂପୁର୍ଣ୍ଣ ମନ୍ଦିରର ମରାମତି କରାଯାଇଥିଲା । ମନ୍ଦିର ବେଢାର ଉନ୍ନତିକରଣ ସହିତ,ଏକ କଲ୍ୟାଣମଣ୍ଡପ ନିର୍ମାଣ,ମନ୍ଦିର ସମ୍ମୁଖ ମଧ୍ୟ ଉନ୍ନତିକରଣ କରାଯାଇଛି । ଅରୁଣ ସ୍ତମ୍ବ ନିକଟରେ ଶ୍ରଦ୍ଧାଳୁମାନଙ୍କ ପାଦ ଧୋଇ ମନ୍ଦିର ପ୍ରବେଶ କରିବା ବ୍ୟବସ୍ଥା କରାଯାଇଛି । ସେହିପରି ମନ୍ଦିର ବେଢାରେ ବିଭିନ୍ନ ଦେବାଦେବୀଙ୍କ ପାଇଁ ନୂତନ ମନ୍ଦିର ନିର୍ମାଣ ସହିତ ବିଗ୍ରହ ସ୍ଥାପନ ମଧ୍ୟ କରାଯାଇଥିଲା । ରଥଯାତ୍ରା ପୂର୍ବରୁ ସମସ୍ତ କାର୍ଯ୍ୟ ସମାପନ କରାଯାଇ ମାନ୍ୟବର ମନ୍ତ୍ରୀ ଶ୍ରୀଅମାତ ଏହି ସୌନ୍ଦର୍ଯ୍ୟକରଣ କାର୍...

ବାଲିଆପାଳ-ବିଭାଗୀୟ ଅଧିକାରୀ ଓ ଠିକାଦାରଙ୍କ ମଧୁଚନ୍ଦ୍ରିକାରେ ଚାଲିଛି ପୋଲକାମ ?କାମର ସ୍ବଚ୍ଛତା ଓ ମାନଙ୍କୁ ନେଇ ସାଧାରଣରେ ଅସନ୍ତୋଷ ।  ବାଲିଆାପଳ/ବାଲେଶ୍ଵର:-  28/6/22 ରାଜ୍ୟ ସରକାର ଲୋକଙ୍କ ସୁବିଧା ପାଇଁ ବିଭିନ୍ନ ଯୋଜନା ମାନ କରିଥିବାବେଳେ କୋଟି କୋଟି ଟଙ୍କା ଯୋଜନା ବାବଦରେ ଖର୍ଚମଧ୍ୟ କରୁଛନ୍ତି। କିନ୍ତୁ କିଛି ଅସାଧୁ ଅଧିକାରୀ ଓ ଠିକାଦାରଙ୍କ ମଧୁଚନ୍ଦ୍ରିକାରେ ନିମ୍ନ ମାନର କାର୍ଯ୍ୟ କରାଜାଇ ଲକ୍ଷଲକ୍ଷ ସରକାରୀ ଟଙ୍କା ହଡ଼ପ କରୁଥିବାର ନଜରକୁ ମଧ୍ୟ ଆସୁଛି।ଫଳରେ କାର୍ଯ୍ୟ ର ମାନ ସଠିକ୍ ନଥିବାରୁ ଅଳ୍ପ ଦିନରେ ପ୍ରକଳ୍ପ ଭୁଷୁଡି ପଡୁଛି ଆଉ କେଉଁଠି ଲୋକଙ୍କ କାମରେ ମଧ୍ୟ ଆସୁନଥିବା ବେଳେ ସଂପୃକ୍ତ ଅଧିକାରୀ ଓ ଠିକାଦାର କିନ୍ତୁ ମାଲେମାଲ୍ ହେଉଛନ୍ତି। ଏପରି ଏକ ମଧୁଚନ୍ଦ୍ରିକାର ଘଟଣା ଦେଖିବାକୁ ମିଳିଛି ବାଲିଆପାଳ ବ୍ଲକ ବାଲିକୁଟୀ ପଞ୍ଚାୟତରେ ।ସୂଚନାରୁ ପ୍ରକାଶ  ବାଲିଆପାଳ ବ୍ଲକ୍ ବାଲିକୁଟି ପଞ୍ଚାୟତର  ଦକ୍ଷିଣ ମହାଵଳା ଗ୍ରାମର ଶେଷ ଭାଗରେ ବିଲ ମଧ୍ୟରେ ଏକ ପୋଲ ନିର୍ମାଣ ଚାଲିଛି । ତେବେ ସେଠାରେ କୌଣସି ସୂଚନା ଫଳକ ନାହିଁ କିମ୍ବା ବିଭାଗୀୟ ଅଧିକାରୀଙ୍କ ଦେଖାନାହିଁ।ଫଳରେ ଠିକାଦାର ନିଜ ମନମର୍ଜୀରେ କାର୍ଯ୍ୟ କରୁଥିବାର ଦେଖାଯାଉଛି।4mm ରଡ୍ ଓ 6 mm ରଡ୍ କାଦୁଅ ମିସା ବାଲି ଓ କାଦୁଅ ମିସା ମେଟାଲ୍ ଏବଂ ଡେମେଜ ସିମେଣ୍ଟ ରେ ତିଆରି ହେଉଛି ପୋଲ ।ପୋଲ ବାବଦରେ ବଲ...

ଅପ୍ରତିଦ୍ବନ୍ଦି ପ୍ରେସିଡେଣ୍ଟ ଶୈଳେନ୍ଦ୍ର ପ୍ରଧାନ - ସମବାୟ ନିର୍ବାଚନ ହରଭଙ୍ଗା.27/06/ବୌଦ୍ଧ ଜିଲ୍ଲା ରେ ସେବାସମବାୟ ସମିତି ଲିଃ ର ନିର୍ବାଚନୀ ପ୍ରକ୍ରିୟା ଦୁଇଟି ପର୍ଯ୍ୟୟରେ ଶେଷ ହୋଇଥିବା ବେଳେ ଆଜି ଲୁଣିବାହାଲ ସମବାୟ ସମିତି ର ସଭାପତି ଭାବେ ଶ୍ରୀଯୁକ୍ତ ଶୈଳେନ୍ଦ୍ର ପ୍ରଧାନ ଅପ୍ରତିଦ୍ବନ୍ଦି ବିଜୟ ଲାଭ କରିଛନ୍ତି!ସମିତି ଟି 15ଟି ଜୋନ ନେଇ ତିଆରି ହୋଇଥିବା ବେଳେ ଜୋନ ନଂ 1ରୁ ସୁବାସ କୁମାର ପ୍ରଧାନ,2ରୁ ଶୈଳେନ୍ଦ୍ର ପ୍ରଧାନ,3ରୁ ସନ୍ତୋଷ ପ୍ରଧାନ,4ରୁ ନର୍ମଦା ଅମାତ,5ରୁ ନିର୍ମଳ ପ୍ରଧାନ,6ରୁ ପ୍ରଫୁଲ୍ଲ ନାୟକ,7ମମତା ପ୍ରଧାନ,8ରୁ କବିରାଜ ପ୍ରଧାନ,9ରୁ ନନ୍ଦୀ ବେହେରା,10ରୁ ମହେନ୍ଦ୍ର କୁମାର ବେହେରା,11ରୁ ଅମ୍ବିକା ନାୟକ,12ରୁ ଗିରିଶ ଚନ୍ଦ୍ର ମହାକୁଡ଼,13ରୁ କେଶବ ଭୋକ୍ତା,14ରୁ ନୀଳାମ୍ବର ବେହେରା ଅପ୍ରତିଦ୍ବନ୍ଦି ବିଜେତା ହୋଇଥିବା ବେଳେ 15ନଂ ନିର୍ବାଚନୀ ମଣ୍ଡଳୀରୁ କେହି ଜଣେବି ନାମାଙ୍କନ ପତ୍ର ଦାଖଲ କରିନ ଥିଲେ!14ଜଣ ଅପ୍ରତିଦ୍ବନ୍ଦି  ଡାଇରେକ୍ଟର ଶ୍ରୀମାନ ଶୈଳେନ୍ଦ୍ର ପ୍ରଧାନ ଙ୍କୁ ସମିତି ପ୍ରେସିଡେଣ୍ଟ ଭାବେ ଅପ୍ରତିଦ୍ବନ୍ଦି ଭାବେ ମନୋନୀତ କରିଥିଲେ!ଆଜି ଶ୍ରୀମାନ ପ୍ରଧାନ ଙ୍କୁ ନିଜ ସମିତିର ସମ୍ପାଦଜ ସଂଜିପ ପ୍ରଧାନ ଫୁଲ ତୋଡ଼ା ଦେଇ ସ୍ୱାଗତ କରିଛନ୍ତି "

ଗୁଦୁଲିଆ ସେବା ସମିତି ସଭାପତି ଓ ସଦସ୍ୟ ପଦ ପାଇଁ ନିର୍ଦ୍ଵନ୍ଦରେ ନିର୍ବାଚନ ଅନୁଷ୍ଠିତ ରିପୋର୍ଟର:ଭରତ ଡାଙ୍ଗ ବୌଦ୍ଧ ଜିଲ୍ଲା ସଦର ବ୍ଳକ ଗୁଦୁଲିଆ ସେବା ସମିତି ସଭାପତି ଓ ସଦସ୍ୟ ପଦ ପାଇଁ ୨ୟ ପର୍ଯ୍ୟାୟରେ ନିର୍ବାଚନ ଅନୁଷ୍ଠିତ ହୋଇଯାଇଛି । ୧୫ଜଣ ନିର୍ଦ୍ଦେଶକ ଓ ସଭାପତି ପାଇଁ ଏହି ନିର୍ବାଚନ ଅନୁଷ୍ଠିତ ହୋଇଥିଲା । ଏଥିରେ ସଭାପତି ଭାବେ ପୂର୍ଣ୍ଣଚନ୍ଦ୍ର ପୋଢ଼ ନିର୍ବାଚିତ ହୋଇଛନ୍ତି । ନିର୍ଦ୍ଦେଶକ ପାଇଁ ଯଥାକ୍ରମେ ଧନେଶ୍ବର ଦେହୁରୀ , ସୁମନ୍ତ ବିଶ୍ବାଳ , ସତ୍ୟାନନ୍ଦ ପ୍ରଧାନ , ମିଲୁ ମହାଳିକ , ବିମଳ ମାଝୀ , ଗରୁଡଧ୍ୱଜ ମଲ୍ଲିକ , ରାଜକିଶୋର ନାଏକ , କପିଲ ପ୍ରଧାନ , ସୁମନ୍ତ କହଁର , କହ୍ନେଇ ରଣା , ନାରାୟଣ ନାରାୟଣ ବେହେରା , ଦାନ ମଲ୍ଲିକ , ମାନସୀ ସାହୁ ଓ ଅଷ୍ଟମୀ ଝାଙ୍କର ନିର୍ଦ୍ଵନ୍ଦରେ ନିର୍ବାଚିତ ହୋଇଥବା ନିର୍ବାଚନ ଅଧିକାରୀ ଦିଲ୍ଲୀପ ବିଶି ସୂଚନା ଦେଇଛନ୍ତି । ସରପଞ୍ଚ  ଧବଳେଶ୍ବର ସିଂଙ୍କ ତତ୍ତ୍ଵାବଧାନରେ ନିର୍ଦ୍ଦେଶକଙ୍କ ସମେତ ସଭାପତି ନିର୍ଦ୍ଵନ୍ଦରେ  ନିର୍ବାଚିତ ହୋଇଛନ୍ତି ।

ବୌଦ୍ଧ:ତିଲେଇମାଲ ଗ୍ରାମରେ ନିର୍ବାଚନ ପରବର୍ତ୍ତୀ ହିଂସା, ଦୁଇ ଗୋଷ୍ଠୀ ମଧ୍ୟରେ ସଂଘର୍ଷ । ୬ ଆହତ।  ରିପୋର୍ଟର: ପ୍ରଶାନ୍ତ କୁମାର ପ୍ରଧାନ   ବୌଦ୍ଧ : ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ରେଙ୍ଗାଲି ପଞ୍ଚାୟତ  ତିଳେଇମାଲ ଗ୍ରାମରେ ଗତ ପଞ୍ଚାୟତ ନିର୍ବାଚନକୁ ନେଇ ସ୍କୁଲରେ ସରପଞ୍ଚଙ୍କ ଗୋଷ୍ଠୀ କିଛିଦିନ ପୁର୍ବେ ତାଲା ପକାଇବା ପରେ ଆଜି ଅପରାହ୍ନ ୪ଟା ସମୟରେ  ଉଭୟ ଗୋଷ୍ଠୀ ମଧ୍ୟରେ ଗଣ୍ଡଗୋଳ ହୋଇ ୬ ଜଣ ଆହତ ହୋଇଥିବା ଜଣାପଡିଛି। ସୂଚନା ଅନୁସାରେ ତିଲେଇମାଲ ଗ୍ରାମରେ ଗତ ପଞ୍ଚାୟତ ନିର୍ବାଚନରେ ଗ୍ରାମର ପ୍ରାର୍ଥୀଙ୍କୁ ସମର୍ଥନ ନ ଜଣାଇବାରୁ ସରପଞ୍ଚଙ୍କ ସ୍ବାମୀଊଊ ପ୍ରମୋଦ ରଣା ଓ ତାଙ୍କର କେତେକ ସମର୍ଥକ କୁନି ରଣାଙ୍କ ପରିବାରକୁ ବିସ୍ଥାପିତ କରି ତାଙ୍କର ରୟତି ଜମିରେ ସ୍କୁଲ ନିର୍ମାଣ କରିବାକୁ ମସୁଧା ଚଳାଇ ଆଜି ଅପରାହ୍ନ ୪ଟା ସମୟରେ ଗ୍ରାମର ପ୍ରମୋଦ ରଣା, ଗୟା ରଣା, ଆନନ୍ଦ ରଣା, ଉମେଶ ରଣା, ବଲ୍ଲଭ ରଣା, ପ୍ରେମାନନ୍ଦ ରଣା, ନରସିଂହ ରଣା, ପୁରନ୍ଦର ରଣା ଓ ବୀର ରଣା ମିଶି ମାଡ଼ ମାରିଥିବା କୁନି ଆଜି ରାତି ୮ଟାରେ କଣ୍ଟାମାଳ ଥାନାରେ ଲିଖିତ ଅଭିଯୋଗ କରିଛନ୍ତି ।କୁନି ରଣାଙ୍କ ସ୍ଵାମୀ ଅଧି ରଣା, ପୁଅ ରାମ କୁମାର ରଣା, ଏକାମ୍ର ରଣା, କାହ୍ନୁ ରଣା ଏହି ଗଣ୍ଡଗୋଳରେ ଆହତ ହୋଇ କଣ୍ଟାମାଳ ଡାକ୍ତରଖାନାରେ ଚିକିତ୍ସିତ ହେଉଛନ୍ତି।ଗ୍ରାମର ଅନ୍ୟ ଏକ ଯୁବକ ପ୍ରକାଶ ରଣାଙ୍କ ହାତ ଭାଙ୍...

ଜିଲ୍ଲାପାଳ ଓ ଆରକ୍ଷୀ ଅଧିକ୍ଷକଙ୍କ ଯୁଗ୍ମ ଜନ ଅଭିଯୋଗ ଶୁଣାଣୀ ଶିବିର ଅନୁଷ୍ଠିତ l ହରଭଙ୍ଗା : 27.06.ବୌଦ୍ଧ ଜିଲ୍ଲାପାଳ ଲଲାଟେନ୍ଦୁ ମିଶ୍ର ଓ ଆରକ୍ଷୀ ଅଧିକ୍ଷକ ଜ୍ଞାନ ରଞ୍ଜନ ମହାନ୍ତିଙ୍କ  ଯୁଗ୍ମ ଅଭିଯୋଗ ଶୁଣାଣୀ ଶିବିର ଅନୁଷ୍ଠିତ ହୋଇଯାଇଛି । ଏହି ଶିବିରରେ ସମୁଦାୟ  47ଗୋଟି ଆପତ୍ତି ଅଭିଯୋଗ ଆସିଥିବା ମଧ୍ୟରେ ସେଥିମଧ୍ୟରୁ 45 ଗୋଟି ବ୍ୟକ୍ତିଗତ ମାମଲା ହୋଇଥିବାବେଳେ 2 ଗୋଟି ବିଭିନ୍ନ ଗ୍ରାମର ସାମୁହିକ ମାମଲା ଆସିଥିଲା । ଅଭିଯୋଗ ଗୁଡିକ ମଧ୍ୟରୁ 20 ଗୋଟି ଅଭିଯୋଗକୁ ତଥକାଳ ଫଇସଲା କରାଯାଇଥିବା ବେଳେ 7 ଗୋଟି ଅଭିଯୋଗ  ସଂପର୍କରେ ଅନୁଧ୍ୟାନ କରାଯାଇ ତୁରନ୍ତ ମୁଖ୍ୟମନ୍ତ୍ରୀ ରିଲିଫ ପାଣ୍ଠିରୁ 65000 ହଜାର ଟଙ୍କାର ଆର୍ଥିକ ସହାୟତା ଯୋଗାଇଦିଆଯାଇଥିଲା । ଏହି ଶିବିରରେ ପ୍ରକଳ୍ପ ନିର୍ଦ୍ଦେଶକ ଅଶ୍ୱିନୀ କୁମାର ମେହେର, ଉପଜିଲ୍ଲାପାଳ ସନତ କୁମାର ନାଏକ, ବିଡ଼ିଓ ସ୍ମିତା ରଥ, ତହସିଲଦାର ଶମ୍ଭୁ ମିଶ୍ର,ଅତିରିକ୍ତ ତହସିଲଦାର ହରିଓ଼ମ ଭୋଇ, ସିଡିପିଓ ନିରୁପମା ପାଣି, ଟିଆରଓ ମହାପାତ୍ର କୁଲଦୀପ ମହାନ୍ତି, ଭିସିପିଓ ରାହୁଲ ପ୍ରଧାନ, ଜିଲ୍ଲା ସାମ୍ବାଦିକ ସୁରକ୍ଷା ଅଧିକାରୀ ସୁଦ୍ଧାଂଶୁ ଶେଖର ପୂଝାରୀ , ପିଡିୱାଟରସେଡ ପ୍ରଦୀପ୍ତ କୁମାର ମହାନ୍ତି ଏବଂ ସମସ୍ତ ବିଭାଗୀୟ ଅଧିକାରୀ ଯୋଗ ଦେଇଥିଲେ l  ଶିବିରକୁ ଜିଲ୍ଲା ଜରୂରୀକାଳୀନ ଅଧିକାରୀ ଅବନୀକାନ୍ତ ସାହୁ, ସରପଞ୍ଚ ଶକୁନ୍ତଳା ବେ...

ସାନ୍ତାଳି ଭାଷା "ଅଲଚିକି "କୁ ଓଡ଼ିଶାରେ ସଂଖ୍ୟାଲଘୁ ଭାବେ ସରକାରୀ ମାନ୍ୟତା ପାଇବା ଦାବିରେ ବିଶାଳ ରାଲି। ଏହିପରି ଘଟଣା ଦେଖିବାକୁ ମିଳିଛି ମୟୂରଭଞ୍ଜ ଜିଲ୍ଲା ବାରିପଦା ଷ୍ଟେସନ ବଜାରଠାରୁ ଜିଲ୍ଲପାଳ କାର୍ଯ୍ୟାଳୟ ପର୍ଯ୍ୟନ୍ତ।ସୂଚନା ମୁତାବକ ମୟୂରଭଞ୍ଜ ଜିଲ୍ଲା ପେସା କୋ-ଅଡ଼ିନେସନ କମିଟିର ରାଜ୍ୟସଭାପତି ପାଣ୍ଡୁରାମ ହେମ୍ବ୍ରମ୍‌ଙ୍କ  ପୌରାହତ୍ୟରେ ସମବାର ଜିଲ୍ଲାର ୨୬ ଗୋଟି ବ୍ଲକରୁ ହାରାହାରି ଦୁଇହଜାରରୁ ଅଧିକ ଲୋକଙ୍କୁ ନେଇ  ବିଶାଳ ରାଲିରେ ବାହାରି ଜିଲ୍ଲାପାଳଙ୍କ ମାଧ୍ୟମରେ ମୂଖ୍ୟମନ୍ତ୍ରୀ ଓ ରାଜ୍ୟପାଳଙ୍କୁ ଦାବିପତ୍ର ପ୍ରଦାନ କରାଯାଇଛି। ଏହି ରାଲିରେ ସାନ୍ତାଳ ସମ୍ପ୍ରଦାୟର ଲୋକମାନେ ନିଜ ନିଜର ପାରମ୍ପରିକ ବସ୍ତ୍ର ପରିଧାନ କରିଥିବା ଦେଖିବାକୁ ମିଳିଥିଲା।

ବରଗଡ:- ତା ୨୭.୬.୨୨ରିଖ ସୋମବାର ଦିନ ଓଡ଼ିଶା ଅଭିଭାବକ ମହାସଙ୍ଘ, ବରଗଡ଼‌ ଜିଲ୍ଲାର  ଏକ ପ୍ରତିନିଧି ଦଳ ଯେଉଁଥିରେ ଜିଲ୍ଲା ଆବାହକ ବିମଳ କୁମାର ଦାଶଙ୍କ ନେତୃତ୍ୱରେ ବରଗଡ଼ ବ୍ଲକ ର ଦେଓଗାଁପ୍ରାଥମିକ ଓ ଉଚ୍ଚ ବିଦ୍ୟାଳୟ କୁ ପରିଦର୍ଶନ ରେ ଯାଇ ଥିଲେ, ସ୍କୁଲ ପରିଦର୍ଶନ ସମୟ ରେ ଛାତ୍ର ଛାତ୍ରୀ ପରିପୂର୍ଣ୍ଣ ଥିବା ଶ୍ରେଣୀରେ ଶିକ୍ଷକ ଅଭାବ ବାରି ହୋଇ ପଡୁଥିଲା, ଉପସ୍ଥିତ ଶିକ୍ଷକଙ୍କ ଠାରୁ ଜାଣିବା କୁ ପାଇଲେ ଯେ ଆଜିକୁ ଆଠ ବର୍ଷ ହେଲା ପ୍ରାଥମିକ ବିଦ୍ୟାଳୟରେ ପ୍ରଧାନ ଶିକ୍ଷକ ନାହାନ୍ତି ତତ୍  ସଙ୍ଗେ ଆହୁରି ଦି ଜଣ ଶ୍ରେଣୀ ଶିକ୍ଷକ ପଦବୀ ଖାଲି ଅଛି।ଏହା ପରେ ଆଜି ମଧ୍ୟ ଶ୍ରେଣୀ ଗୃହ ଖପର ଘର ଅଛି ବର୍ଷା ଦିନେ ପାଣି ଗଳୁ ଥିବାରୁ ଶିକ୍ଷା ଦାନ ରେ ବ୍ୟାଘାତ ସୃଷ୍ଟି ହୁଏ।ଏହାପରେ ଉଚ୍ଚ ବିଦ୍ୟାଳୟ କୁ ଯାଇ ଦେଖାଗଲା ଯେ ପ୍ରଧାନ ଶିକ୍ଷକ ସହିତ ସାହିତ୍ୟ, ଗଣିତ ଓ ଅନ୍ୟାନ୍ୟ ବିଷୟର ଶିକ୍ଷକ ପଦବୀ ଖାଲି ଅଛି ଓ ଯେଉଁ ଶିକ୍ଷକ ଅଛନ୍ତି ସେମାନେ ଆସନ୍ତା ଦୁଇ ବର୍ଷ ମଧ୍ୟରେ ଅବସର ନେବେ। ଯାହାଦ୍ବାରା କି ସ୍କୁଲ ତାଲା ବନ୍ଦ ହୋଇ ଯିବ।ଏ ପ୍ରକାର ପରିସ୍ଥିତି ଦେଖି ପ୍ରତିନିଧି ଦଳ ଘୋର ଅସନ୍ତୋଷ ପ୍ରକାଶ କରିଥିଲେ, ଶୀଘ୍ର ଯୁଦ୍ଧ କାଳୀନ ଭିତ୍ତି ରେ ଉପରୁକ୍ତ ଶିକ୍ଷକ ପଦବୀ ପୂରଣ କରିବା ପାଇଁ ଓ ଶ୍ରେଣୀ ଗୃହ ଛାତ ପାଇଁ ଜିଲ୍ଲା ଶିକ୍ଷା ଅଧିକାରୀ, ଜିଲ୍ଲା ପ୍ରଶାସନ ଓ ରାଜ୍ୟ ସରକାରଙ୍କ ଠାରେ ଦାବି ଉପ...

ଅନ୍ତର୍ଜାତୀୟ ଯୋଗ ଦିବସ ଉଦଯାପିତ  ବୌଦ୍ଧ, .27.6.         ଅନ୍ତର୍ଜାତୀୟ ଯୋଗ ଦିବସ  ତା.21 ଠାରୁ 27.6.2023ରିଖ  ଦୀର୍ଘ 7ଦିନ ବ୍ୟାପୀ ଦିବ୍ୟ ଜୀବନ ସଂଘ  ଓ ଯୋଗ ବୁଦ୍ଧମ ର ମିଳିତ ଆନୁକୁଲ୍ୟରେ ଏହି ଯୋଗ ଶିବିର   ବୌଦ୍ଧ ଠାରେ  ଅନୁଷ୍ଠିତ ହୋଇ ଯାଇଛି l ଉଦଘାଟନୀ ଉତ୍ସବ ରେ ଆରକ୍ଷୀ ଅଧିକ୍ଷକ ଶ୍ରୀ ଜ୍ଞାନ ରଞ୍ଜନ ମହାନ୍ତି  ମୁଖ୍ୟ ଅତିଥି  ଭାବେ ଯୋଗ ଦେଇ ଏହି ଶିବିର ର ଶୁଭ ଉଦଘାଟନ କରିଥିଲେ l ଉଦଯାପନୀ ଉତ୍ସବ ରେ  ଅତିରିକ୍ତ ଜ଼ିଲ୍ଲାପାଳ ବବିତା ରାଣୀ  ଦଳବେହେରା ମୁଖ୍ୟ ଅତିଥି  ଭାବେ  ଯୋଗ ଦେଇ ଯୋଗ ରେ ଅଂଶ ଗ୍ରହଣ କରିଥିବା  ଶିକ୍ଷାନୁଷ୍ଠା ନ ଛାତ୍ର, ଛାତ୍ରୀ  ଙ୍କୁ ପ୍ରମାଣ ପତ୍ର ଓ ପୁରସ୍କାର ପ୍ରଦାନ କରି  ସେମାନଙ୍କୁ ଉତ୍ସାହିତ କରିଥିଲେ l ଏହି ଶିବିରରେ ମୁଖ୍ୟ ପ୍ରଶିକ୍ଷକ ବିକାଶ ମାହାର  ଓ ସହ  ପ୍ରଶିକ୍ଷକ ସୁଶ୍ରୀ ଅନିମା ପଟ୍ଟନାୟକ ପ୍ରଶିକ୍ଷଣ ପ୍ରଦାନ କରିଥିଲେ ଏବଂ ସହ ପ୍ରଶିକ୍ଷକ ଭାବେ  ମନରଞ୍ଜନ ମହାପାତ୍ର ଓ ସୁବାସ ଭୋଇ  ସହଯୋଗ  କରିଥିଲେ l ଏହି ଶିବିରରେ ବିଭିନ୍ନ ଶିକ୍ଷାନୁଷ୍ଟାନ ର 200 ଛାତ୍ର, ଛାତ୍ରୀ ଅଂଶ ଗ୍ରହଣ କରିଥିଲେ l

ରାମଚନ୍ଦ୍ରପୁର ତ୍ରିଖୁଟ୍ ଛକରୁ ଶିଆଳବନ୍ଧ ରାସ୍ତା - ମରଣଯନ୍ତା ବଲାଙ୍ଗୀର ଜିଲ୍ଲାରଦେଓଗାଁ ବ୍ଲକ ଅନ୍ତର୍ଗତ ରାମଚନ୍ଦ୍ରପୁର ଗ୍ରାମ ଓ ପାଟଣାଗଡ଼ ବ୍ଲକର ସିଆଲବନ୍ଧ ଗ୍ରାମକୁ ସଂଯୋଗ କରୁଥିବା ରାସ୍ତାର ଅବସ୍ଥା ଅତ୍ୟନ୍ତ ଶୋଚନୀୟ । ଏହି ରାସ୍ତା  କେବଳ ରାମଚନ୍ଦ୍ରପୁର ଓ ସିଆଲବନ୍ଧକୁ ସଂଯୋଗ କରିଥାଏ ତାହା ନୁହେଁ । ଏହି ରାସ୍ତା ରାମଚନ୍ଦ୍ରପୁର ଗ୍ରାମପଞ୍ଚାୟତ ଓ ଏହାର ବିଭିନ୍ନ  ପଡୋଶୀ ଗ୍ରାମପଞ୍ଚାୟତ ମାନଙ୍କୁ ପାଟଣାଗଡ଼ ସହିତ ସଂଯୋଗ କରିଥାଏ । ତେଣୁ ଦେଓଗାଁ ବ୍ଲକ ସୀମାରେ ଥିବା ରାମଚନ୍ଦ୍ରପୁର,ଡୁମେରପିଟା, ସିଂହାମୁଣ୍ଡା ଓ ଦେଶଣ୍ଢ ଗ୍ରାମପଞ୍ଚାୟତର ସମସ୍ତ ଗ୍ରାମର ଗ୍ରାମବାସୀ ନିଜର ଦୈନନ୍ଦିନ କିଣାବିକା ତଥା ଶିକ୍ଷା, ସ୍ୱାସ୍ଥ୍ୟ ଭଳି ବିଭିନ୍ନ ମୌଳିକ ଆବଶ୍ୟକତା ପାଇଁ ପାଟଣାଗଡ଼ ଉପରେ ନିର୍ଭର କରିଥାନ୍ତି । ପ୍ରତିଦିନ ଶହ ଶହ ଲୋକ ଏହି ରାସ୍ତା ଦେଇ ପାଟଣାଗଡ଼କୁ ଯିବା ଆସିବା କରିଥାନ୍ତି । ମୋଟ ଉପରେ କହବାକୁ ଗଲେ ଏହି ରାସ୍ତା ରାମଚନ୍ଦ୍ରପୁର ଓ ଏହାର ପଡୋଶୀ ଗ୍ରାମପଞ୍ଚାୟତ ବାସୀଙ୍କ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । କିନ୍ତୁ ଏହି ରାସ୍ତାର ତୀରଖୁଟ ଛକ ଠାରୁ ସିଆଲବନ୍ଧ ଗ୍ରାମ ପର୍ଯ୍ୟନ୍ତ ପ୍ରାୟ ୧.୫ କିମି ରାସ୍ତାର ଅବସ୍ଥା ସମ୍ପୂର୍ଣ୍ଣ ଶୋଚନୀୟ । ରାସ୍ତା ଅନେକ ଛୋଟ ବଡ଼ ଖାଲ ଢ଼ିପରେ ପରିପୂର୍ଣ୍ଣ । ବର୍ଷା ହେଲେ ଖାଲ ଗୁଡିକରେ ପାଣି ଜମି ରହୁଥିବା ଦେଖିବାକୁ ମିଳୁଛି ଓ ରାସ...

ବିଚ୍ ରାଜରାସ୍ତାରେ ବୁଲିଲା ଦନ୍ତା। ପ୍ରଶାସନ ଏଠାରେ ଧୃତରାଷ୍ଟ୍ର ସାଜିଛନ୍ତି ! ମୟୂରଭଞ୍ଜ ଜିଲ୍ଲା ବେତନଟୀ :( ଜଗନ୍ନାଥ ହେମ୍ବ୍ରମଙ୍କ ରିପୋର୍ଟ):-ଜିଲ୍ଲାର ବେତନଟୀ  ରେଞ ଅଧିନ ବୈଶିଙ୍ଗା ଥାନା ଅନ୍ତର୍ଗତ ବୈଶିଙ୍ଗା-ଉଦଳା ରାଜ୍ଯ ରାଜପଥ ଉପରେ  ଅଧିକାଂଶ ସମୟରେ ଦନ୍ତା ବୁଲୁଥିବାର ଦୃଶ୍ୟ ଦେଖିବାକୁ ମିଳୁଛି। କିଛି ଦିନ ହେଲା ଏକ ଗୋଠ ଛଡା ଦନ୍ତା ସ୍ଥାନୀୟ ଅଞ୍ଚଳରେ ଏଣେତେଣେ ବୁଲାବୁଲି କରୁଛି। ବିଭିନ୍ନ ସ୍ଥାନରେ ଫସଲ,ପଣସ,କଦଳୀ ଖାଇବା ସହ ଘର ଭାଙ୍ଗୁଛି। ରବିବାର ସକାଳେ ହାତୀଟିକୁ ବୈଶିଙ୍ଗା-ଉଦଳା ରାଜ୍ଯ ରାଜପଥର ମାନଗୋବିନ୍ଦପୁର ନିକଟରେ ଦେଖିବାକୁ ମିଳିଥିଲା। ଏହି ରାସ୍ତାରେ ଚାଲିଚାଲି କ୍ଷୀରପଦା ପ୍ରାୟ ୬ କି.ମି. ପର୍ଯ୍ୟନ୍ତ ଆସିଥିଲା। ଏହି ସମୟରେ ରାସ୍ତାରେ ଗାଡିମୋଟର ଚଳାଚଳ ଦୀର୍ଘ ସମୟ  ଧରି ବାଧାପ୍ରାପ୍ତ ହୋଇପଡିଥିଲା। ବନବିଭାଗ ହାତୀ ଘଉଡ଼ାଇବା ପାଇଁ ଯେତେ ଚେଷ୍ଟା କଲେ ମଧ୍ୟ ବିଫଳ ହେଉଛନ୍ତି। ହାତୀଟି ଏହି ଆଖପାଖ ଅଞ୍ଚଳ ଛାଡି ଯାଉନଥିବାରୁ ସ୍ଥାନୀୟ ଲୋକଙ୍କ ମନରେ କୋକୁଆ ଭୟ ସୃଷ୍ଟି ହୋଇଛି। ଏପରିକି ବିଭିନ୍ନ ସମୟରେ ଲୋକଙ୍କୁ ଆକ୍ରମଣ କରି ଜୀବନ ହାନି ହେଉଛି ଅଞ୍ଚଳବାସୀ ବାରମ୍ବାର ଅଭିଯୋଗ କରି ଆସୁଥିଲେ ମଧ୍ୟ ବିଭାଗୀୟ ଅଧିକାରୀଙ୍କ ଅଣଦେଖା କରୁଥିବା ଲୋକମାନେ କହିଛନ୍ତି।

ଜରିପାଲ ତଳେ କିଶୋର ପ୍ରଧାନ ଙ୍କ ପରିବାର ,  ଆବାସ ଯୋଜନା ସାତସପନ ।                                ବରଗଡ,ତା ୨୭ ୵ ୬ ସରକାର ଯୋଜନା ଉପରେ ଯୋଜନା ତଥା ପ୍ରଧାନମନ୍ତ୍ରୀ ଆବାସ,ବିଜୁ କାର୍ଯ୍ୟକାରୀ କରୁଛନ୍ତି ହେଲେ ଯୋଗ୍ୟ ହିତାଧିକାରୀଙ୍କ ପାଖକୁ ପହଞ୍ଚି ପାରୁନାହିଁ । ଯାହା ଫଳରେ କି ଅନେକ ଯୋଗ୍ୟ ହିତାଧିକାରୀ ଯୋଜନା ରୁ ବଞ୍ଚିତ ହୋଉଥିବା ବେଳେ ଜରିତଳେ ଜୀବନ ବିତାଉଥିବା ଦୃଶ୍ୟ ଦେଖିବାକୁ ମିଳିଛି । ସୂଚନା ଯେ ପଦ୍ମପୁର ଉପଖଣ୍ଡ ପାଇକମାଲ ବ୍ଳକ ମାଣ୍ଡିଆଢିପା ଗ୍ରାମ ପଞ୍ଚାୟତ ନୂଆଗାଁ ବଇଦପାଲି କିଶୋର ପ୍ରଧାନ ତାଙ୍କର ପରିବାରରେ ୪ ଜଣ ସଦସ୍ୟ ଅଛନ୍ତି । କିଶୋର ଜଣେ ଭୂମିହୀନ । ସେ ଅନ୍ୟ ଘରେ ଆଶ୍ରୟ ନେଇଥିବା ବେଳେ ଅନ୍ୟର ମୂଳ ଲାଗି ନିଜର ପରିବାର ପ୍ରତିପୋଷଣ କରୁଛନ୍ତି । କିଶୋର ଖରା ବର୍ଷା ଶିତ କାକରରେ ଜରିତଳେ ଜୀବନ ବିତାଉଛନ୍ତି । ପ୍ରଧାନମନ୍ତ୍ରୀ ଆବାସ ଯୋଜନାରେ ଘର ଖଣ୍ଡିଏ ପାଇବା ପାଇଁ ପ୍ରଶାସନଙ୍କ ପାଖରେ ବାରମ୍ବାର ହାରିଗୁହାରି କଲେ ମଧ୍ୟ କୌଣସି ସୁଫଳ ମିଳିନାହିଁ ବୋଲି କିଶୋର କୋହଭରା କଣ୍ଠରେ କହିଛନ୍ତି । ଏଥିପ୍ରତି ଜିଲ୍ଲାପାଳ ଦୃଷ୍ଟି ଦେଇ ଗରିବ କିଶୋର ଙ୍କୁ ପ୍ରଧାନମନ୍ତ୍ରୀ ଆବାସ ଯୋଜନାରେ ଘର ଯୋଗାଇ ଦେବାକୁ ଗ୍ରାମବାସୀ ଦାବି କରିଛନ୍ତି ।

ବୌଦ୍ଧ: ବିଳାସ ପୁର ପଞ୍ଚାୟତର ନୂତନ ସରପଞ୍ଚ ଙ୍କ ସ୍ଵାମୀ ,ପୁଅ ଓ ସହଯୋଗୀ ଙ୍କ ଦବଂଗ ଗିରି , ପଞ୍ଚାୟତରେ ଲୋକେ ଭୟଭୀତ। ରିପୋର୍ଟର: ପ୍ରଶାନ୍ତ କୁମାର ପ୍ରଧାନ। ବୌଦ୍ଧ: ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ଅନ୍ତର୍ଗତ ବିଳାସ ପୁର ପଞ୍ଚାୟତ ସେବା ସମବାୟ ସମିତି ର ନିର୍ବାଚନକୁ ନେଇ ଘଟିଛି ହିଂସା କାଣ୍ଡ।ଅନ୍ୟପଟେ ପଞ୍ଚାୟତ ନିର୍ବାଚନ ବେଳରୁ  ନିଆଁ କୁହୁଲୁଥିବା ସୁବେଦର ଲଳିତ ସାହୁ କହିଛନ୍ତି।ବିଳାସ ପୁର ପଞ୍ଚାୟତର ନୂତନ ସରପଞ୍ଚ ଅମ୍ବିକା ସୁନା ଙ୍କ ସ୍ଵାମୀ ଗରିବ ସୁନା ତାଙ୍କର ଦୁଇ ପୁଅ ରୋହିତ ସୁନା,ପୁରୋହିତ ସୁନା ଓ ତାଙ୍କର ଦୃଢ଼ ସହଯୋଗୀ ରବି ସାହୁ ବିକାଶ ସାହୁ, ବିଜନ ସାହୁ,ପଦ୍ମନାଭ ସାହୁ, ପ୍ରଦୁମ୍ନ ସାହୁ,ସମସ୍ତେ କୋଶଳ ସଂଗ୍ରାମୀ ଲଳିତ ସାହୁ ଙ୍କ ଘରକୁ ଯାଇ ଭଙ୍ଗାରୁଜା କରିବା ସହ ଜୀବନରେ ମାରିଦେବାକୁ ଧମକ ଦେଇଛନ୍ତି ବୋଲି ଶ୍ରୀ ଯୁକ୍ତ ସାହୁ କହିଛନ୍ତି।ଶନିବାର ଦିନ ବିଲାସ ପୁର ହାଟ ପଦା ନିକଟରେ ଦୁଇ ଚାରି ଜନଙ୍କୁ ସଂଘବଦ୍ଧ ଭାବେ ଆକ୍ରମଣ କରି ଲହୁଲୁହାନ କରିଥିବା ମଧ୍ୟ ଥାନାରେ ଅଭିଯୋଗ ହୋଇଛି। ସେବା ସମବାୟ ନିର୍ବାଚନରେ ସରପଞ୍ଚ ଙ୍କ ସହଯୋଗୀ ରବି ସାହୁ ଙ୍କ ଓ ତାଙ୍କ ସମର୍ଥକ ମାନଙ୍କ ନାମାଙ୍କନ ପତ୍ର ନାକଚ ହେବା ଯୋଗୁଁ ଗତ କିଛି ଦିନ ହେବ ପି ଇ ଓ ହିମାଂଶୁ ପ୍ରଧାନ ତାଙ୍କ ମନ ମୁଣ୍ଡା ସ୍ଥିତ ଭଡ଼ାଘରେ ରହୁଥିବା ତାଙ୍କ ବାସଭବନ କୁ ଆସି ମଧ୍ୟ ହତ୍ୟା ଧମକ ଦେଇଥିବା ଉକ୍ତ ବ୍ୟକ୍ତି...

ଖବର ପ୍ରକାଶ ପରେ ଚେତା ପଶିଲା: ଦ୍ରୌପଦୀ ମୁର୍ମୁଙ୍କ ଗାଁରେ ଜଳିବ ବିଜୁଳି    ରାଇରଙ୍ଗପୁର,୨୫।୬(ଡି.ଏନ୍‌.ଏ.): ଭାଜପା ସମର୍ଥିତ ରାଷ୍ଟ୍ରପତି ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କ ଗାଁରେ ଜଳିବ ବିଜୁଳି। ଆଜିଯାଏ ବିଜୁଳି ସାତସପନ ପାଲଟିଥିବା ଏହି ଗାଁରେ ଏବେ ଖୁଣ୍ଟ ପୋତା ଆରମ୍ଭ ହୋଇଛି। ଅନ୍ଧାରରେ ରାଷ୍ଟ୍ରପତି ପ୍ରାର୍ଥୀଙ୍କ ଗାଁ ନେଇ ଖବର ପ୍ରକାଶ ପାଇବା ପରେ ଜିଲା ପ୍ରଶାସନର ଚେତା ପଶିଛି। ଶନିବାର ବିଦ୍ୟୁତ ବିଭାଗ ଗାଁକୁ ଯାଇ ସ୍ଥିତି ଅନୁଧ୍ୟାନ କରିଛି। ପ୍ରକାଶ ଯେ, ମୟୂରଭଞ୍ଜ ଜିଲ୍ଲା କୁସୁମୀ ବ୍ଲକ ଉପରବେଡା ପଞ୍ଚାୟତ ଉପରବେଡା ଡୁଙ୍ଗୁରିସାହି ଗାଁରେ ଜନ୍ମ ଗ୍ରହଣ କରିଥିଲେ ରାଷ୍ଟ୍ରପତି ପ୍ରାର୍ଥୀ ଦ୍ରୌପଦୀ ମୁର୍ମୁ। ହେଲେ ଏହି ଗାଁରେ ବିଜୁଳି ପହଞ୍ଚି ପାରି ନ ଥିଲା। ଗାଁର ଶତାଧିକ ଆଦିବାସୀ ପରିବାର ଅନ୍ଧକାରରେ ରହି ଆସୁଥିଲେ। ଏନେଇ ବିଭିନ୍ନ ଗଣମାଧ୍ୟମରେ ଖବର ପ୍ରକାଶ ପାଇବା ପରେ ତତ୍ପର ହୋଇଛି ପ୍ରଶାସନ। ଶନିବାର ରାଇରଙ୍ଗପୁର ବିଦ୍ୟୁତ ବିଭାଗ ର୍ନିବାହୀ ଅଧିକାରୀ ଚିନ୍ମୟ କୁମାର ବେହେରା, କୁସୁମୀ ବ୍ଲକ ବିଦ୍ୟୁତ ବିଭାଗ ଏସ୍‌ଡିପିଓ ବିରସିଂ ସରେନ ଓ ଅନ୍ୟ କର୍ମଚାରୀମାନେ ଡୁଙ୍ଗୁରି ସାହିକୁ ଯାଇ ପହଞ୍ଚି ସ୍ଥିତି ସମୀକ୍ଷା କରିଛନ୍ତି। ସାରୁ ବିଦ୍ୟୁତ ଖୁଣ୍ଟ ପୋତା ଆରମ୍ଭ ହୋଇଛି। ତେବେ ଖୁବ୍‌ଶୀଘ୍ର ଏହି କାମ ସରିବ ବୋଲି ଗ୍ରାମବାସୀ ଆଶା କରିଛନ୍ତି

ଦୟନୀୟ ଅବସ୍ଥାରେ ଦିବ୍ୟାଙ୍ଗ ବାଳକ କ୍ଷୀରସିନ୍ଧୁ ( ସରକାରୀ ସହାୟତା ପାଇବାରୁ ବଞ୍ଚିତ) ବଲାଙ୍ଗୀର/ପାଟଣାଗଡ଼ , ତାରିଖ‐୨୬/୦୬/୨୦୨୨ ( ଜଗନ୍ନାଥ ଧରୁଆ ଙ୍କ ରିପୋର୍ଟ ) ସଂସାରରେ ମଣିଷ୍ୟଟିଏ ଜନ୍ମନିଏ ହସ ଖୁସିରେ ବଞ୍ଚିବା ପାଇଁ କିନ୍ତୁ କାହାର ସୁଖ ହୋଇଥାଏ ତ କାହାର ଦୁଃଖ ହୋଇଥାଏ l ଏପରି ଏକ ଦୁଃଖର ପାହାଡ଼ରେ ଭାଙ୍ଗି ପଡିଛନ୍ତି  ବଲାଙ୍ଗୀରଜିଲ୍ଲା ଦେଓଗାଁ ବ୍ଲକର ରାମଚନ୍ଦ୍ରପୁର ଗ୍ରାମପଞ୍ଚାୟତ ଅଧିନସ୍ତ ଲୁହାଖାନ ଗ୍ରାମର  ସୁଶୀଲ ନନ୍ଦଙ୍କ ପରିବାର l ତାଙ୍କର ଏକୋଇରବଲା ବିସିକେଶନ କିନ୍ତୁ ଭାଗ୍ୟର ବିଡମ୍ବନା ଜନ୍ମରୁ ଦିବ୍ୟାଙ୍ଗ l ନା ଚାଲି ପାରୁଛି ନା ଖାଇ ପାରୁଛି ମାଁ ଯାହା ଖୁଆଇ ଦେଲେ ଖାଉଛି l ପୁଅଟି କୁ ଭଲ କରିବା ପାଇଁ ଅନେକ ଡାକ୍ତରଖାନା ବୁଲେଇ ସାରିଲେଣି ହେଲେ ଭଲ ହେଉ ନାହିଁ l ଆଉ ବଡ ଡାକ୍ତରଖାନାକୁ ନେବାକୁ ହେଲେ ଅର୍ଥ ଦରକାର l ହେଲେ ନିରୀହ ଗରିବ ପରିବାର ଟଙ୍କା ଆସିବ କେଉଁଠୁ l ତଥାପି ଭାଙ୍ଗି ନ ପଡି ଚିକିତ୍ସା ଚଳାଇଛନ୍ତି l ଏ ପରିପ୍ରେକ୍ଷୀରେ ସରକାରଙ୍କ ସାହାଯ୍ୟ ପାଇଁ ଗୁହାରି କରୁଛନ୍ତି ଏହି ପରିବାର l ଖାଲି ସରକାରୀ ସହାୟତା କହିଲେ ଭତ୍ତାଟିଏ ଓ ହୁଇଲ ଚେୟାର ଟିଏ ପାଇଛି କିନ୍ତୁ ଚିକିତ୍ସା ପାଇଁ ଅର୍ଥ ବାଧକ ସାଜିଛି l କିଛି ସରକାରୀ ସହାୟତା ପାଇଁ ଅନେକ ଅଫିସକୁ ଦୌଡ଼ିଦୌଡ଼ି ହତାଶ ହେଲେଣି କେହି ଶୁଣୁ ନାହାନ୍ତି ବୋଲି କହୁଛନ୍ତି l ତେଣୁ ଗଣମାଧ୍ୟମ ଜରିଆରେ ତ...

ମୟୂରଭଞ୍ଜ ଜିଲ୍ଲା ବୈଶିଙ୍ଗା ଥାନା ଅଞ୍ଚଳରେ ପୁଣି ଆଉ ଏକ ଲଜ୍ୟା ଜନକ ଘଟଣା ଦେଖିବାକୁ ମିଳିଛି। ଚିକିତ୍ସକ ଓ ରୋଗୀ ସମ୍ପର୍କରେ ଲାଗିଛି କଳଙ୍କର କାଳିମା। ଗାଁର ବୈଦ ଜଣେ ରୋଗିଙ୍କୁ ଦୁଷ୍କର୍ମ କରିଥିବାର ସଙ୍ଗିନ ଅଭିଯୋଗ ହୋଇଛି | ଏହିଭଳି ଏକ ଅଭାବନୀୟ ଘଟଣା ଘଟିଛି ବୈଶିଙ୍ଗା ଥାନା ଅଧିନ ମିରିଗିଦାରୀ ଗ୍ରାମରେ। ସୂଚନା ମୁତାବକ,ମିରିଗିଦାରୀ ଗ୍ରାମର ଜଣେ ହରିଶ୍ଚନ୍ଦ୍ର ମହାନ୍ତ (୫୫)ସ୍ଥାନୀୟ ଅଞ୍ଚଳରେ ଜଣେ ଖୁବ ଜଣାଶୁଣା ବୈଦ ବା କବିରାଜ ଭାବେ ପରିଚିତ। ସ୍ଥାନୀୟ ଅଞ୍ଚଳରେ ରୋଗିଙ୍କୁ ଚିକିତ୍ସା କରୁଥିବା ବେଳେ ଗୁଣିଗାରେଡି କାମ ପାଇଁ ମଧ୍ୟ ବେଶ ଭିଡ ଜମିଥାଏ। ଗତ ୨୩ ତାରିଖ ରାତି ପ୍ରାୟ ୧୦ ଘଟିକା ସମୟରେ ବାଲେଶ୍ବର ଜିଲ୍ଲା ରୂପ୍ସା ଥାନା ଅଞ୍ଚଳରୁ ବୃଦ୍ଧର ଜଣେ ସମ୍ପର୍କିୟ ବିବାହିତା ମହିଳା ମଧ୍ୟ ନିଜର ଚିକିତ୍ସା ନିମନ୍ତେ ବୈଦଙ୍କ ନିକଟରେ ପହଞ୍ଚିଥିଲେ। ହେଲେ ହରିଶ୍ଚନ୍ଦ୍ର ମହିଳାଙ୍କ କୌଣସି ରୋଗ ନଥିବା ସ୍ଥଳେ ତାଙ୍କ ଶାଶୁ ଓ ସ୍ଥାନିୟ କିଛି ମହିଳା ମିଶି ଗୁଣିଗାରେଡି କରି ତାଙ୍କୁ ଓ ତାଙ୍କର ସ୍ୱାମୀଙ୍କୁ ମାରିବାକୁ ପ୍ରୟାସ କରିଛନ୍ତି ବୋଲି କହି ଭୟଭୀତ କରାଇଥିଲା। ପରେ ମହିଳା ଓ ତାଙ୍କ  ସ୍ୱାମୀ ଏହାର ପ୍ରତିକାର କରିବାରୁ ସେ ମଧ୍ୟ ରାତ୍ରରେ ଏକ ପୂଜାର ଆୟୋଜନ କରାଯାଇଥିଲା। ରାତ୍ର ପ୍ରାୟ ସାଢ଼େ ତିନି ଘଟିକା ସମୟରେ ମହିଳା ଓ ତାଙ୍କ ସ୍ୱାମୀଙ୍କୁ ନିଦ ଉଠାଇ ଗ୍ରାମ ପୋଖରୀ ନିକଟରେ ଥି...

ସମବାୟ ସମିତି ଦ୍ୱିତୀୟ ପର୍ଯ୍ୟାୟ  ନିର୍ବାଚନ-  ନିର୍ବାଚନ ପ୍ରକ୍ରିୟା ଜାରି ,ଜନ ମତ ବିଗତ ପଂଚାୟତ ନିର୍ବାଚନ ରୁ ଅଧିକ ସଂଘର୍ଷ ସମବାୟ ନିର୍ବାଚନ ! ବୌଦ୍ଧ :26/06. ସମବାୟ ସମିତି ଲିଃ. ର ଆଜି ଦ୍ୱିତୀୟ ପର୍ଯ୍ୟାୟ ନିର୍ବାଚନ!ଜନମତ ପ୍ରକାଶ ବୌଦ୍ଧ ଜିଲ୍ଲା ର ପ୍ରଥମ ପର୍ଯ୍ୟାୟ ନିର୍ବାଚନ ରୁ ଦ୍ୱିତୀୟ ପର୍ଯ୍ୟାୟ ନିର୍ବାଚନ ବହୁ ଜଟିଳ, ସଂଘର୍ଷ ମୟ!ସକାଳ 7ଟାରୁ ସନ୍ଧ୍ୟା 4ଟା ପର୍ଯ୍ୟନ୍ତ ନିର୍ବାଚନୀ ପ୍ରକ୍ରିୟା ଜାରିରହିଥିବା ବେଳେ ହରଭଙ୍ଗା ବ୍ଲକ ହରଭଙ୍ଗା ଓ ରାମଗଡ ସେବାସମବାୟ ନିର୍ବାଚନ ଆଜି ସଂଘର୍ଷ ମୟ ମତଦାନ ପ୍ରକ୍ରିୟା ଜାରିରହିଥିବା ଦେଖିବାକୁ ମିଳିଛି !1262ଭୋଟର ନେଇ ରାମଗଡ ସମବାୟ ସମିତି ଲିଃ 15ଗୋଟି ନିର୍ବାଚନୀ ମଣ୍ଡଳୀ ଥିବାବେଳେ ପ୍ରତି ମଣ୍ଡଳୀ ରୁ 2ଜଣ ଲେଖାଏଁ ପ୍ରତିଦ୍ବନ୍ଦୀ ନିର୍ବାଚନୀ ମୈଦାନ ରେ ଓହ୍ଲେଇ ଛନ୍ତି!ଶାନ୍ତି ଶୃଙ୍ଖଳା ସହିତ ନିର୍ବାଚନ ଚାଲିଥିବା ବେଳେ ବିଜେପି ପ୍ରାଥୀଙ୍କ ବିଜୟୀ ହେବ ବୋଲି ଜନ ମତ ଆସୁଛି!ନିର୍ବାଚନୀ ଶେଷ ପ୍ରକ୍ରିୟା କୁ ଜନସାଧାରଣ ଜନ ମତ କେତେଦୂର ଠିକ ଫଳାଫଳ ପରେ ଜଣାପଡିବ! ରିପୋର୍ଟ :ବୌଦ୍ଧ ରୁ ଜିଲ୍ଲା ପ୍ରତିନିଧି ସୁଶାନ୍ତ କୁମାର ବେହେରା ଙ୍କ ରିପୋର୍ଟ ବ୍ରାହ୍ମ ମୁହୂର୍ତ୍ତ

ଚିତ୍ତଜ୍ଞାନୀ ଚାଟିଟେବଲ ଟ୍ରଷ୍ଟ ପକ୍ଷରୁ ମାଗଣା ସ୍ୱାସ୍ଥ୍ୟ ସେବା ଶିବିର ବୌଦ୍ଧ :26/06.ଆଜି ହରଭଙ୍ଗା ଆଞ୍ଚଳିକ ପଂଚାୟତ ମହାବିଦ୍ୟାଳୟ ଠାରେ କେବଳ ବରିଷ୍ଟ ନାଗରିକ ଓ କୀଡୀନି ରୋଗୀଙ୍କ ପାଇଁ ମାଗଣା ସ୍ୱାସ୍ଥ୍ୟ ସେବା ଶିବିର ଅନୁଷ୍ଠିତ ହୋଇଯାଇଛି।ଏହି ସ୍ୱାସ୍ଥ୍ୟ ସେବା ଶିବିର ଚିତ୍ତଜ୍ଞାନୀ ଚାରିଟେବଲ ଟ୍ରଷ୍ଟ ପକ୍ଷରୁ ଅନୁଷ୍ଠିତ ହୋଇଛି।ଏହି ଶିବିରରେ ୮ସହ ରୁ ଉର୍ଦ୍ଧ ବରିଷ୍ଠ ନାଗରିକ ଓ କୀଡୀନି ରୋଗୀ ଯୋଗଦେଇ ତାଙ୍କ ସ୍ୱାସ୍ଥ୍ୟ ପରୀକ୍ଷା କରାଯାଇଥିଲା।ଏହି ଶିବିରରେ କଟକ, ଭୁବନେଶ୍ୱର ଓ ବୁର୍ଲା  ମେଡିକାଲ କଲେଜ ଓ ସମ୍ ଡାକ୍ତରଖାନାର ବିଶେଷଜ୍ଞ ଚିକିତ୍ସକ ମାନଙ୍କ ଦ୍ୱାରା ଅତ୍ୟାଧୁନିକ ପଦ୍ଧତି ଅନୁସରଣରେ ଯଥା -ଇ.ସି.ଜି, ଏକ୍ସ-ରେ ଓ ବିଭିନ୍ନ ରୋଗର ରକ୍ତ, ପରିସ୍ରା ଆଦି ପରୀକ୍ଷା କରାଯାଇ ମାଗଣାରେ ଔଷଧ ପ୍ରଦାନ କରାଯାଇଥିଲା।ଏହି ଶିବିରକୁ ମୁଖ୍ୟ ଅତିଥି ଭାବେ ଜଙ୍ଗଲ ଓ ପରିବେଶ, ପଂଚାୟତରାଜ,ସୂଚନା ଓ ଲୋକସମ୍ପର୍କ ବିଭାଗ ମନ୍ତ୍ରୀ ପ୍ରଦୀପ କୁମାର ଅମାତ,ଅତିଥି ଭାବେ ବୌଦ୍ଧ ଜିଲ୍ଲାପାଳ ଲଲାଟେନ୍ଦୁ ମିଶ୍ର ଯୋଗ ଦେଇ ଶିବିରକୁ ଉଦଘାଟନ କରିଥିଲେ।ଏହି ଶିବିରରେ ବୌଦ୍ଧ C.D.M.O ଅଭୟ ଦାସ, ଡ଼ କିଶର ପଟ୍ଟନାୟକ ଯୋଗଦେଇ ଥିଲେ। ମୁଖ୍ୟ ଅତିଥି ଶ୍ରୀ ଅମାତ କହିଲେ ଯେ ଚିତ୍ତଜ୍ଞାନୀ ଚାରିଟେବଳେ ଟ୍ରଷ୍ଟ ପକ୍ଷରୁ ୪୨ତମ ସ୍ୱାସ୍ଥ୍ୟ ସେବା ଶିବିର ଆଜି ହରଭଙ୍ଗା ଠାରେ ହୋଇଯାଇଛି।ଏହି ଅନୁଷ୍ଠାନର ସେବ...

ଭଗବାନ ଙ୍କ ଭରସାରେ ଖପ୍ରାଖୋଲ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ବଲାଙ୍ଗୀର/ପାଟଣାଗଡ଼ , ତାରିଖ‐୨୬/୦୬/୨୦୨୨ ( ଜଗନ୍ନାଥ ଧରୁଆ ଙ୍କ ରିପୋର୍ଟ ) ବଲାଙ୍ଗୀର ଜିଲ୍ଲା ଖପ୍ରାଖୋଲ ବ୍ଲକ୍ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ବହୁତ ଅବ୍ୟବସ୍ଥା ଘେରରେ ଚାଲିଛି । ଏହି ସ୍ବାସ୍ଥ୍ୟ କେନ୍ଦ୍ର ଉପରେ ଅଞ୍ଚଳର ୨୧ ପଞ୍ଚାୟତ ର ୧୩୨ ଗାଁ ଏବଂ ବେଲପଡା ବ୍ଲକ୍ ର କିଛି ଗାଁ ର ଲୋକ ନିର୍ଭର କରନ୍ତି । ଏହି ସ୍ବାସ୍ଥ୍ୟକେନ୍ଦ୍ରରେ ବହୁ ବିଶେଷଜ୍ଞ ଡାକ୍ତର ପଦବୀ ସହ ଅନେକ ପଦବୀ ଖାଲି ପଡ଼ି ରହିଛି । ତା ଉପରେ ବୋଝ ଉପରେ ନଳିତା ବିଡା ସଦୃଶ୍ୟ ସ୍ବାସ୍ଥ୍ୟ କେନ୍ଦ୍ରରେ ଡାକ୍ତର ଓ ଷ୍ଟାଫ୍ ଅନୁପସ୍ଥିତ ରହୁଥିବା ଅଭିଯୋଗ ହେଉଛି । ଲୋକଙ୍କ ଅଭିଯୋଗ କୁ ଭିତ୍ତି କରି ଆମେ ସ୍ବାସ୍ଥ୍ୟକେନ୍ଦ୍ରର ହାଲ୍ ଚାଲ୍ ଜାଣିବା ପରିଦର୍ଶନ ରେ ଯାଇଥିଲୁ । ସେଠାରେ ଆମେ ଦିନ ଗୋଟାଏ ବେଳେ ପହଞ୍ଚି ଯାହା ଦେଖିଲୁ ଆଶ୍ଚର୍ଯ୍ୟ ଚକିତ ହୋଇଗଲୁ ଏତେ ବଡ ଡାକ୍ତରଖାନାରେ ଚାରିଆଡେ ଖାଁ ଖାଁ ଲାଗୁଥିଲା ଏତେବଡ ଡାକ୍ତରଖାନା କୁ କେବଳ ଜଣେ ଷ୍ଟାଫ୍ ନର୍ସ ଓ ଜଣେ ସୁରକ୍ଷାକର୍ମୀ ଙ୍କ ଦାୟିତ୍ଵ ରେ ଛାଡି ଦେଇ ରୋଗୀ ଙ୍କ ଭଗବାନ ଡାକ୍ତର ବାବୁ ମାନେ ନିଜ ଘରେ ଆରାମ କରୁଥିଲେ । ଡ୍ୟୁଟି ରେ ଥିବା ଷ୍ଟାଫ୍ ନର୍ସ ଙ୍କ ପ୍ରତିକ୍ରିୟା ନେବାରୁ ତାଙ୍କ କହିବା ମୁତାବକ ଡାକ୍ତର ଖାଇବାକୁ ଯାଇଛନ୍ତି । ଯଦି କୈାଣସି ଗୁରୁତର ରୋଗୀ ଆସନ୍ତି ତା'ହେଲେ ସେ ଆସିବେ । ଯଦି ଡାକ୍ତର...

ଲୁଣିବାହାଲ ପଞ୍ଚାୟତ ଯୋଗାଣ ଦୁର୍ନୀତି ର ମହା ଗୁମର ଭୁତ ଖାଇଗଲା ରାସନ ସାମଗ୍ରୀ !  ମହିଳା ଯୋଗାଣ ସହାୟକାଙ୍କ ନାଁରେ ମହା ଦୁର୍ନୀତି ଅଭିଯୋଗ  ବୌଦ୍ଧ :ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ଲୁଣିବାହାଲ ପଂଚାୟତ ଯୋଗାଣ ସାମଗ୍ରୀ ର ମହାଦୁର୍ନୀତି ଏବେ ଚର୍ଚ୍ଚା ର ବିଷୟ ପାଲଟିଛି!ପୁଣି ଗୋଟିଏ ଗୋଟିଏ ଦୁର୍ନୀତି ର ଗୁମର ଫିଟୁଛି!ଏହି ପଂଚାୟତ ର ଯୋଗାଣ ସାମଗ୍ରୀ ହେର ଫେର ଦୁର୍ନୀତି କୁ ନେଇ ନୀଳମ୍ବିତ ହୋଇଥିବା ଯୋଗାଣ ସହାୟିକା ବଲ୍ଲବୀ ପ୍ରଧାନ ଙ୍କ ନାମରେ ଗୋଟିଏ ପରେ ଗୋଟିଏ ଯୋଗାଣ ଦୁର୍ନୀତି ର ଛାପ ଲାଗୁଛି!ସୂଚନା ମତେ ନିଲମ୍ବିତ ବଲ୍ଲବୀ ପ୍ରଧାନ ଯୋଗାଣ ଥିବା ସମୟରେ ଏକ ମୃତ ବ୍ୟକ୍ତି ଙ୍କ ନାମରେ ରାସନ ସାମଗ୍ରୀ ଉଠାଣ କରି ଚଳୁ କରୁଥିବା ଅଭିଯୋଗ ଆସିଛି!ଲୁଣିବାହାଲ ପଂଚାୟତ ଝାରକଟା ଗ୍ରାମର ଦଇମତି ଭୋକ୍ତା ରାସନ ନଂ (06021011541)ଗତ 14/01/2020. ରେ ମୃତ୍ୟୁ ବରଣ କରିଥିଲେ!ତାଙ୍କ ନାମରେ ରାସନ ସାମଗ୍ରୀ 19/10/2021ରୁ 25/03/2022. ପର୍ଯ୍ୟନ୍ତ ରାସନ ସାମଗ୍ରୀ ଉଠାଣ ହୋଇ ତାଙ୍କ ପରିବାର କୁ ହସ୍ତାନ୍ତର ନ କରି ନିଜେ ଯୋଗାଣ ସହାୟିକା ଚଳୁ କରିଥିବାର ଅଭିଯୋଗ ଆଣିଛନ୍ତି ମୃତା ଦଇମତି ଭୋକ୍ତା ଙ୍କ ସ୍ୱାମୀ ସୁବାସ ଭୋକ୍ତା!ଏବଂ ସେ ତାଙ୍କ ସ୍ତ୍ରୀ ନାମରେ  ହଡ଼ପ ହୋଇଥିବା ରାସନ ସାମଗ୍ରୀ ଉଚିତ ତଦନ୍ତ କରାଯାଇ ଉଚିତ ନ୍ୟାୟ ପ୍ରଦାନ କରାଯାଉ ବୋଲି ବ୍ଲକ ପ୍ରଶାସନ କୁ ଅଭିଯୋଗ ଆଣିଛନ୍ତ...

ବିନିକା/ସୁବର୍ଣ୍ଣପୁର:- (ମିଥୁନ ବାରିକଙ୍କ ରିପୋର୍ଟ)  ଆମ ସରକାର  ଗ୍ରାମାଞ୍ଚଳରେ ଛୋଟ ପିଲା ମାନଙ୍କ ଖେଳକୁଦ ପାଇଁ  ପ୍ରତ୍ୟେକ ପଞ୍ଚାୟତ ସ୍ତରରେ ମନରେଗା ଯୋଜନା ପାଣ୍ଠି ରୁ ଗ୍ରାମୀଣ ଉଦ୍ୟାନ ନିର୍ମାଣ ପାଇଁ ଅନୁଦାନ ଯୋଗାଇଦେଇଛନ୍ତି । କିନ୍ତୁ ପଞ୍ଚାୟତ କର୍ତ୍ତୃପକ୍ଷଙ୍କଅବହେଳା ଯୋଗୁଁ ବିଭିନ୍ନ ସ୍ଥାନରେ ଜିଲ୍ଲା ଉଦ୍ୟାନ ଗୁଡ଼ିକ ଆବଶ୍ୟଳାୟ ରକ୍ଷଣାବେକ୍ଷଣ ଅଭାବରୁ ଅବହେଳିତ ଅବସ୍ଥାରେ ପଡ଼ି ରହିଛି । ବିନିକା ବ୍ଲକ ବାବୁପାଲି ପଞ୍ଚୟତ ଅନ୍ତର୍ଗତ ବଗଡ଼ିଆ ସ୍କୁଲ ନିକଟରେ ନିର୍ମାଣ ହୋଇଥିବା ଗ୍ରାମ ଉଦ୍ୟାନ ଆବଶ୍ୟକ ରକ୍ଷଣାବେକ୍ଷଣ ଅଭାବରୁ ବ୍ୟବହାର ଅନୁପଯୋଗୀ ହୋଇପଡିଥିବା ନେଇ ଅଭିଯୋଗ ହୋଇଛି । ଗତ 2020-୨୧ ଆର୍ଥିକ ବର୍ଷରେ ମନରେଗା ପାଣ୍ଠିରୁ ଛଅ ଲକ୍ଷ ଟଙ୍କା ବ୍ୟୟ ଅଟକଳରେ ବାଗଡ଼ିଆଗ୍ରାମରେ ଉଦ୍ୟାତ ନିର୍ମାଣ ଆରମ୍ଭ ହୋଇଥିଲା ।କିନ୍ତୁ ଆରମ୍ଭ ହେବାର ପାଖାପାଖି ଦୁଇବର୍ଷବିଚିଯାଇଥିଲେ ମଧ୍ୟ ଉକ୍ତ ଇଦ୍ୟାନ ଭଲଭାବେକାର୍ଯ୍ୟକ୍ଷମ ହୋଇପାରିନାହିଁ । ଉଦ୍ୟାନ ଭିତରେ ଯାବତୀୟ ଗୁଳ୍ମଲତା ଭଳି ହାଜା ଫୁଲଗଛ ଗୁଡ଼ିକ ନଷ୍ଟ ହେବାକୁ ବସିଥିବା ବେଳେ ସରୀସୃପ ଓଅନ୍ୟାନ୍ୟ ଜୀବଜନ୍ତୁ ଆଡ୍ଡାସ୍ଥଳୀ ପାଲଟିଛି । ଫଳରେ ଛୋଟ ଛୋଟ ପିଲାଙ୍କ ପାଇଁ ସବୁବେଳେ ବିପଦପୂର୍ଣ୍ଣ ପରିସ୍ଥିତି ସୃଷ୍ଟି ହେଉଥିବା ଗ୍ରାମବାସୀ ଅଭିଯୋଗ କରିଛନ୍ତି । ଏଠାରେ ଦିଆଯାଇଥିବା ସୂଚନାଫଳକରେ କାର୍ଯ୍ୟ ଆରମ୍ଭ କିମ୍ବା...

ଶ୍ରୀ ଜଗନ୍ନାଥ ଜୀଉଙ୍କ ପବିତ୍ର ରଥଯାତ୍ରା ଉପଲକ୍ଷେ ୨ୟ ପର୍ଯ୍ୟାୟ ପ୍ରସ୍ତୁତି ବୈଠକ ଅନୁଷ୍ଠିତ ଯାଜପୁର, ୨୫/୦୬(ଦୀପକ ରଂଜନ ପାଣିଗ୍ରାହୀଙ୍କ ଠାରୁ) : ଯାଜପୁର ସହରରେ ଅବସ୍ଥିତ ଶ୍ରୀ ଜଗନ୍ନାଥ ଜୀଉଙ୍କ ପବିତ୍ର ରଥଯାତ୍ରାକୁ ଶୃଙ୍ଖଳିତ କରିବା ପାଇଁ ଗୁର୍ରୁବାର ଅପରାହ୍ନରେ ଟ୍ରଷ୍ଟ ବୋର୍ଡର ମ୍ୟାନେଜିଂ ଟ୍ରଷ୍ଟି  ତଥା ତହସିଲଦାର ଜ୍ୟୋତିକାନ୍ତ ଭୁଜବଳଙ୍କ ଅଧ୍ୟକ୍ଷତାରେ ଦ୍ୱିତୀୟ ପର୍ଯ୍ୟାୟ ପ୍ରସ୍ତୁତି ବୈଠକ ତହସିଦାରଙ୍କ କାର୍ଯ୍ୟାଳୟ ପ୍ରକୋଷ୍ଠରେ ଅନୁଷ୍ଠିତ ହୋଇଥିଲା ।ପ୍ରାରମ୍ଭରେ ଯାଜପୁର ମ୍ୟାନେଜିଂ ଟ୍ରଷ୍ଟି  ତଥା ତହସିଲଦାର ଉପସ୍ଥିତ ସମସ୍ତ ସଦସ୍ୟ ମାନଙ୍କୁ ସ୍ୱାଗତ କରିବା ସହ ବୈଠକର ଉଦ୍ଦେଶ୍ୟ ସଂପର୍କରେ ଅବଗତ କରାଇଥିଲେ ।  ପାରମ୍ପରିକ ରୀତି ନୀତି ଅନୁସାରେ ବିଗତ ବର୍ଷ ମାନଙ୍କରେ ଯେପରି ରଥଯାତ୍ରା ପାଳିତ ହେଉଥିଲା, ସେହିପରି ଭାବେ ଚଳିତ ବର୍ଷ ମଧ୍ୟ ରଥଯାତ୍ରା ନୀତି ସମ୍ପନ୍ନ ହେବ ।  ପୂର୍ବ ବୈଠକର ନିଷ୍ପତି ଅନୁଯାୟି ଦେବୀ ଶୁଭଦ୍ରାଙ୍କ ରଥ କେବଳ ମହିଳା ମାନେ ଟାଣିବେ ।  ଏହାର ସୁ ସମ୍ପାଦନ ନିମନ୍ତେ ଯାଜପୁର ପୈାର ପାଳିକାର ଅଧ୍ୟକ୍ଷା ରଞ୍ଜୁଲତା ହୋତା ଙ୍କୁ  ଅନୁରୋଧ କରା ଯାଇଥିଲା । ଊକ୍ତ ଦିନ ରଥଯାତ୍ରାର ସିଧା ପ୍ରସାରଣ ପାଇଁ ସ୍ଥାନୀୟ କେବୁଲ ଅପରେଟର ମା ଟିଭି ଏବଂ ବିରଜା କେବୁଲ୍  ଆନୁସଙ୍ଗିକ ବ୍ୟବସ୍ଥା ଗ୍ରହଣ କରିବେ ।  ରଥଟଣା ଦ...

ଏଇଏସ କଲେଜରେ କ୍ରିକେଟ ଟୁର୍ଣ୍ଣାମେଣ୍ଟ ତରଭା ରୁ ମନୋଜ କୁମାର ମନହିରା ଙ୍କ ରିପୋର୍ଟ ତରଭା, ୨୫/୬  ତରଭା ଏଇଏସ କଲେଜରେ ଚାଲିଥିବା ଦୁଇ ଦିନିଆ କ୍ରିକେଟ ଟୁର୍ଣ୍ଣାମେଣ୍ଟର ଶନିବାର ଆୟୋଜିତ ଫାଇନାଲ ମ୍ୟାଚରେ ଓଡ଼ିଆ ଅନର୍ସ ଦଳକୁ ୨୯ରନରେ ପରାସ୍ତ କରି ରାଜନୀତି ବିଜ୍ଞାନ ଅନର୍ସ ଦଳ ଚମ୍ପିୟାନ ହୋଇଛି।ରାଜନୀତି ବିଜ୍ଞାନ ଦଳ ପ୍ରଥମେ ବ୍ୟାଟିଂ କରି ୮ ଓଭରରେ  ୫  ଉଇକେଟ ବିନିମୟରେ ୯୪ ରନ ସଂଗ୍ରହ କରିଥିଲେ।ଏହାର ଜବାବରେ ଓଡ଼ିଆ ଅନର୍ସ ଦଳ ୮ଓଭରରେ ୬ ଉଇକେଟ ବିନିମୟରେ ୬୫ ରନ କାରିବାକୁ ସକ୍ଷମ ହୋଇଥିଲେ।ବାଳକ ହାଇସ୍କୁଲ ଖେଳ ପଡିଆରେ ଶୁକ୍ରବାର ଆୟୋଜିତ ଏହି ଟୁର୍ଣ୍ଣାମେଣ୍ଟକୁ ଅଧ୍ୟକ୍ଷା ମିନତୀ ମିଶ୍ର ଉଦଘାଟନ କରିଥିଲେ।ଟୁର୍ଣ୍ଣାମେଣ୍ଟରେ ଓଡ଼ିଆ ଅନର୍ସ,ଏଜୁକେସନ,ରାଜନୀତି ବିଜ୍ଞାନ  ଅନର୍ସ,ଇତିହାସ ବିଭାଗ,ଯୁକ୍ତ୨ ଦଳ ଓ କଲେଜ ଅଧ୍ୟାପକ ଓ ଅଣ ଶିକ୍ଷକ ଏଭଳି ମୋଟ ୬ଟି ଦଳ ଯୋଗ ଦେଇଥିଲେ। ଖେଳକୁଦ ବିଭାଗ ଦାୟିତ୍ୱରେ ଥିବା ଅଧ୍ୟାପିକା ଡ଼ ସରୋଜିନୀ ପ୍ରଧାନ ଓ ଅଧ୍ୟାପକ ଦେବାଶିଷ ଶତପଥୀଙ୍କ ତତ୍ୱବାଧାନରେ ଆୟୋଜିତ ଏହି ଟୁର୍ଣ୍ଣାମେଣ୍ଟରେ କ୍ରୀଡା ଶିକ୍ଷକ ସଞ୍ଜୀବ ସାହୁ,ବରିଷ୍ଠ କ୍ରିକେଟ ଖେଳାଳି ନବାବ ଖାଁ,ଇଶାକ ମହମ୍ମଦ, ନୌଶାଦ ମହମ୍ମଦ ଅମ୍ପାୟାର ଦାୟିତ୍ଵ ତୁଲାଇଥିଲେ । ଅଧ୍ୟକ୍ଷା ମିନତୀ ମିଶ୍ରଙ୍କ ଅଧ୍ୟକ୍ଷତାରେ ଆୟୋଜିତ ଉଯାପନି ଉତ୍ସବରେ ଅଧ୍ୟାପକ କୃଷ୍ଣଚନ୍ଦ୍ର ମିଶ୍ର,ଅଧ୍...

ମୂଖ୍ୟମନ୍ତ୍ରୀଙ୍କ ଜିଲ୍ଲାରେ ରୋଗୀଙ୍କ ସେବାରେ ସିକ୍ୟୁରିଟି ଗାର୍ଡ -ପୋଲସରା/ଗଞ୍ଜାମ (ମାଙ୍କଡ଼ ହାତରେ ଶାଳଗ୍ରାମ) ପୋଲସରା/ ଗଞ୍ଜାମ:-( ବ୍ରାହ୍ମ ମୁହୂର୍ତ୍ତ ବ୍ୟୁରୋ)  ସ୍ବାସ୍ଥ୍ୟ ହିଁ ସମ୍ପଦ ଏହି କଥାଟି ସବୁବେଳେ ଏମିତି ଭୂମିକା ଗ୍ରହଣ କରିଥାଏ, ତାକୁ ପାଳନ କରିବା ପାଇଁ ରାଜ୍ୟ ଏବଂ କେନ୍ଦ୍ର ସରକାର ଉଭୟଙ୍କର ଅହରହ ନାନା ପ୍ରକାର ଯୋଜନା ଆରମ୍ଭ କରିଛନ୍ତି। ହେଲେ ମାଙ୍କଡ ହାତରେ ଶାଳଗ୍ରାମ ଧରାଇଲେ ଯାହା ହୁଏ ସେମିତି ପରିସ୍ଥିତି ସୃଷ୍ଟି ହୋଇଛି ଗଞ୍ଜାମ ଜିଲ୍ଲାର ପୋଲସରା ଡାକ୍ତରଖାନା ରେ।ତା-୨୪/୦୬/୨୦୨୨ ରିଖ ଦିନ ଅପରାହ୍ନ ୫ଘଣ୍ଟା ସମୟ ବେଳକୁ ସ୍ଥାନୀୟ ବ୍ରାହ୍ମଣ ସାହିର ଜୈନିକ ପ୍ରାୟ ୭୫.ବର୍ଷ ବୃଦ୍ଧଙ୍କ ସ୍ୱାସ୍ଥ୍ୟ ଅତି ଗୁରୁତର ହୋଇପଡିଥିବାରୁ ପରିବାର ଲୋକେ ପୋଲସରା  ସରକାରୀ ଡାକ୍ତର ଖାନାରେ ଭର୍ତ୍ତି କରାଇଥିଲେ ।ଗୁରୁତର ବ୍ୟକ୍ତିଙ୍କ ନାମ ଭଗବାନ ପୃଷ୍ଟି ଅଟେ ।ସେତେବେଳେକୁ ଉକ୍ତ ବ୍ୟକ୍ତିଙ୍କର ନିଶ୍ୱାସ ପ୍ରଶ୍ୱାସ ନେବାରେ କଷ୍ଟ ଅନୁଭଵ ହେଉଥିବା ଜାଣି ଡ୍ୟୁଟିରେ ଥିବା ଡାକ୍ତର ରାଓଙ୍କୁ ତୁରନ୍ତ ଅକ୍ସିଜେନ ଯୋଗାଇଦେବାକୁ ପରିବାର ଲୋକେ ଅନୁରୋଧ କରିଥିଲେ । କିନ୍ତୁ ନିଜ କର୍ତ୍ତବ୍ୟ ପାଳନରେ ଅବହେଳା କରି ଡାକ୍ତର ରାଓ ନିଜ ଦାୟିତ୍ୱ ସିକୁରିଟି ଗାର୍ଡଙ୍କୁ ହସ୍ତାନ୍ତର କରିବା ସହ ରୋଗୀର ବ୍ଲଡ଼ ପ୍ରେସର  ପରୀକ୍ଷା କରିବାକୁ କହିଥିଲେ ତାପରେ ଡାକ୍ତର ରୋଗୀଙ୍କୁ ଅକ୍ସୀଜ...

ଆଞ୍ଚଳିକ ପଂଚାୟତ ମହାବିଦ୍ୟାଳୟ ହରଭଙ୍ଗା ଠାରେ ମାଗଣା ସ୍ୱାସ୍ଥ୍ୟ ଶିବିର.... ବୌଦ୍ଧ.25/06.ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ରେ  ଆସନ୍ତା ରବିବାର ଦିନ ହରଭଙ୍ଗା ଆଞ୍ଚଳିକ ପଞ୍ଚାୟତ (ଜୁନିୟର) କଲେଜ  ପ୍ରାଙ୍ଗଣରେ ଚିତଜ୍ଞାନୀ ଚାରିଟେବୁଲ ଟ୍ରଷ୍ଟ ଆନୁକୂଲ୍ୟରେ ଏକ ମାଗଣା ସ୍ୱାସ୍ଥ୍ୟ ଶିବିର ଅନୁଷ୍ଠିତ ହେବାକୁଯାଉଛି । ଏହି ଶିବିରରେ ୬୦ବର୍ଷରୁ ଊର୍ଦ୍ଧ୍ୱ ବରିଷ୍ଠ ନାଗରିକଙ୍କ ସହିତ କିଡନୀ ରୋଗୀଙ୍କ ମାଗଣା ସ୍ୱାସ୍ଥ୍ୟ ପରୀକ୍ଷା କରାଯିବ । ଏହି କାର୍ଯ୍ୟକ୍ରମରେ କଟକ, ବୁର୍ଲ୍ଲା ଏବଂ ଭୂବନେଶ୍ୱର ମେଡିକାଲ କଲେଜର ଚିକିତ୍ସକ ବିଶେଷଜ୍ଞ ମାନଙ୍କ ଦ୍ୱାରା ଅତ୍ୟାଧୁନିକ ଇ.ସି.ଜି, ଏକ୍ସରେ ସହିତ ରକ୍ତ ପରୀକ୍ଷା କରାଯାଇ ରୋଗ ନିରୂପଣ ସାଙ୍ଗକୁ ଚିକିତ୍ସା କରାଯିବ । ଏ ନେଇ ଆଜି ଡାକବାଜି ଯନ୍ତ୍ର ସାହାଯ୍ୟରେ ଗାଁ ଗାଁ ବୁଲି ପ୍ରଚାର କରାଯାଇଛି । ସକାଳ ୮ଟାରୁ ୧୨ଟା ମଧ୍ୟରେ ବରିଷ୍ଠ ନାଗରିକମାନେ ବୟସ ପ୍ରମାଣ ପତ୍ର ସହ ପଞ୍ଜୀକରଣ କରି ମାଗଣା ସ୍ୱାସ୍ଥ୍ୟସେବାର ସୁଯୋଗ ନେବାକୁ ପ୍ରଶାସନ ପକ୍ଷରୁ କୁହାଯାଇଛି ।

ଅଙ୍ଗନବାଡି ରେ ପଢ଼ୁଥିବା ପିଲାମାନଙ୍କୁ ଖାଇବାକୁ ଦିଆଯାଉଛି ନିମ୍ନ ମାନର ଖାଦ୍ୟ ! ସନ୍ଦେହରେ ଅଙ୍ଗନବାଡ଼ି କର୍ମଚାରୀଙ୍କ ଭୂମିକା। ବାଲିଆପାଳ 24/6/22 ବାଲେଶ୍ବର:- ସରକାର ଅପପୁଷ୍ଟି ରୋକିବା ପାଇଁ ବ୍ୟାପକ ପ୍ରସ୍ତୁତି କରିଛନ୍ତିି। ହେଲେ ବାଲେଶ୍ଵର ଜିଲ୍ଲାର ବାଲିଆପାଳ ବ୍ଲକ କୁଣ୍ଡୁଳି ଗ୍ରାମ ପଞ୍ଚାୟତ ଇନ୍ଦିପଡ଼ା ଏକ ନମ୍ବର ଅଙ୍ଗନବାଡି କେନ୍ଦ୍ର ରେ ପିଲାମାନଙ୍କ ପାଇଁ ବ୍ୟବହୃତ ହେଉଥିବା ପୁଷ୍ଟିସାର ଜାତୀୟ ଖାଦ୍ୟ ଏତେ ନିମ୍ନମାନର ଯେ ତାକୁ ନେଇ ଏବେ ଅଭିଭାବକ ମହଲରେ ଅସନ୍ତୋଷ ବଢୁଛି, ମିଳିଥିବା ସୂଚନାନୁସାରେ ଏହି ଅଙ୍ଗନବାଡ଼ି କେନ୍ଦ୍ରରେ ନିମ୍ନ ମାନର ଖାଦ୍ୟ ଖାଇବାକୁ ଦିଆଯାଉଛି ବୋଲି ଅଭିଯୋଗ ହେଉଛି l ଅଭିଯୋଗ କାରି ହେଉଛନ୍ତି ସେହି ଅଙ୍ଗନବାଡି ରେ ପଢ଼ୁଥିବା ପିଲାର ଅଭିଭାବକ, ୱାର୍ଡ ମେମ୍ବର ଓ ଗ୍ରାମର ଲୋକେ l  ଯେଉଁଠି ପାଠ ପଢା ହେଉଛି ସେଇଠି ରୋଷେଇ ହେଉଛି lପ୍ରତ୍ୟକ୍ଷଦର୍ଶୀ   ପ୍ରଦୀପ କୁମାର ଦାସ ନିଜ ପିଲାଟିକୁ ଆଣିବାକୁ ଯାଇଥିଲେ ଆଉ କେନ୍ଦ୍ରରେ ଦେଖିବାକୁ ପାଇଲେ ଅଙ୍ଗନବାଡି ରେ ବର୍ତମାନ ଯୋଗରେ ଗ୍ୟାସ ବଦଳରେ ନଡ଼ିଆ ଗଛର ବାହୁ ରେ ରୋଷେଇ ହେଉଛି l ପିଲାମାନେ ସେହି ଧୁଆଁ ରେ ପ୍ରଦୁଷିତ କୋଠରୀରେ   ଆଉଟୁ ପାଉଟୁ ହେବା ଦେଖି ଗ୍ରାମରେ କିଛିଲୋକ ଓ ୱାର୍ଡ ମେମ୍ବର ଙ୍କୁ ଡାକିଥିଲେ l ରୋଷେଇ ହେଉଥିବା ସାମଗ୍ରୀ ଭିତରେ ଦୁଇସହ ଗ୍ରାମ ଆଳୁ, ପିଆଜ ଦେଖାନ...

ବୌଦ୍ଧ:ଚର୍ଚ୍ଚାରେ ଏ ଆର୍ ଆଇ ଶରତ ବେହେରା ବାଲି ଚୋରା ଚାଲାଣ ରୋକିବାକୁ ନେଇଛନ୍ତି ପଦକ୍ଷେପ। ରିପୋର୍ଟର: ପ୍ରଶାନ୍ତ କୁମାର ପ୍ରଧାନ   ବୌଦ୍ଧ  : ବୌଦ୍ଧ ଜିଲ୍ଲା କଣ୍ଟାମାଳ ତହସିଲ ମନମୁଣ୍ଡା  ତେଲନଦୀ ମାଉଲି ମନ୍ଦିର ନିକଟ ବାଲିଘାଟରୁ ବେଆଇନ ବାଲି ଉଠାଣ ହେଉଥିବା ଗତ ୩ଦିନ ହେଲା ଅଭିଯୋଗ ହୋଇ ଆସୁଥିଲା। ଆଜି ସନ୍ଧ୍ଯା ୬ଟା ସମୟରେ   ମନମୁଣ୍ଡା ଭାରପ୍ରାପ୍ତ ରାଜସ୍ବ ନିରୀକ୍ଷକ ଶ୍ରୀଯୁକ୍ତ ଶରତ ବେହେରା ଅଫିସ କର୍ମଚାରୀଙ୍କୁ ସାଙ୍ଗରେ ଧରି ଉକ୍ତ ବାଲିଘାଟରେ ଚଢାଉ କରିଥିଲେ। ଚଢାଉ ସମୟରେ ୩ ଗୋଟି ଟ୍ରାକ୍ଟରରେ ବାଲି ଚାଲାଣ ପାଇଁ ପ୍ରସ୍ତୁତି ଚାଲିଥିଲା।ସେହି ସମୟରେ ଭାରପ୍ରାପ୍ତ ରାଜସ୍ବ ନୀରିକ୍ଷକ ଓ ସମସ୍ତ ଷ୍ଟାଫ୍ ପହଞ୍ଚି ବାଲି ଚୋରା ଚାଲାଣ କରୁଥିବା ତିନୋଟି ଟ୍ରାକ୍ଟର କୁ ଜବତ କରି ପାଞ୍ଚ ହଜାର ଟଙ୍କା ଲେଖାଏଁ ଫାଇନ ଆଦାୟ କରିବା ସହ ବାଲି ଚୋରାଚାଲାଣ ନ କରିବାକୁ ସମସ୍ତ ଗାଡ଼ି ମାଲିକ ମାନଙ୍କୁ ତାଗିଦ୍ କରିଛନ୍ତି।ଫାଇନ ଆଦାୟ ହୋଇଥିବା ଗାଡ଼ି ଗୁଡ଼ିକ ହେଲା ପଞ୍ଚାନନ ମେହେରଙ୍କ ଓଡି୧୭ଏ ୧୯୬୮, ସଚ୍ଚିଦାନନ୍ଦ ବିଶିଙ୍କ ଓଡି୩୧କେ ୦୮୨୫, ବିବେକାନନ୍ଦ ସାହୁଙ୍କ ୩ଗୋଟି ଟ୍ରାକ୍ଟରରୁ ୫ ହଜାର ଲେଖାଏଁ ୧୫ହଜାର ଟଙ୍କା ଫାଇନ ଆଦାୟ କରାଯାଇଥିବା ଭାରପ୍ରାପ୍ତ ରାଜସ୍ବ ନିରୀକ୍ଷକ ଶ୍ରୀଯୁକ୍ତ ବେହେରା ସୂଚନା ଦେଇଛନ୍ତି । ଅନ୍ୟପଟେ ବାଲି ଚୋରା ଚାଲାଣ ଓ ରାଜସ୍ବ ହାନି...

ଖପ୍ରାଖୋଲବ୍ଲକ ତେଲେନପାଲି ଗ୍ରାମରେ ରାଣୀ ଦୂର୍ଗାବତୀଙ୍କ ୪୫୮ତମ ବଳିଦାନ ଦିବସ ପାଳିତ ହୋଇ ଯାଇଛି  ବଲାଙ୍ଗୀର/ପାଟଣାଗଡ଼ , ତାରିଖ‐୨୫/୦୬/୨୦୨୨ ( ଜଗନ୍ନାଥ ଧରୁଆ ଙ୍କ ରିପୋର୍ଟ ) ଗତକାଲି ତା.୨୪/୦୬/୨୦୨୨ ଶୁକ୍ରବାର ଦିନ ୪ ଟା ସମୟରେ ବଲାଙ୍ଗୀର ଜିଲ୍ଲା ଖପ୍ରାଖୋଲ ବ୍ଲକ ଅଧୀନ ତେଲେନପାଲି ବଜାର ପ୍ରାଙ୍ଗଣରେ ଗୋଣ୍ଡୱାନା ସାମ୍ରାଜ୍ୟର ମହାନ ବିରଙ୍ଗନା ରାଣୀ ଦୁର୍ଗାବତୀଙ୍କର ୪୫୮ତମ ବଳିଦାନ ଦିବସ ପାଳିତ ହୋଇଯାଇଛି | ଉକ୍ତ ସହୀଦ ଦିବସରେ ଗୋଣ୍ଡୱାନା ଛାତ୍ର ସଂଗଠନ ( GSU ) ଖପ୍ରାଖୋଲ ବ୍ଲକ ସଭାପତି ତନ୍ତ୍ର ଧରୁଆ ଙ୍କ  ଅଧକ୍ଷତାରେ ବଳିଦାନ ଦିବସ ଅବସରରେ ମୁଖ୍ୟ ଅତିଥି ରୂପେ ଖପ୍ରାଖୋଲ ବ୍ଲକ ଗୋଣ୍ଡ ସାଂସ୍କୃତିକ ସମାଜ ସଭାପତି ଚଉବନ ମାଝୀ, ସମ୍ମାନିତ ଅତିଥି ରୂପେ କ୍ଷୀରଧର ମାଝୀ, ହେମକାନ୍ତି ନାଏକ, ଲୋଭାବତୀ ଧରୁଆ,ପୂର୍ଣ୍ଣଚନ୍ଦ୍ର ଭୋଇ, ଟିକେଶ୍ୱର ଧରୁଆ,ବିପ୍ର ବିଶି, ସତ୍ୟାନନ୍ଦ ଭୋଇ, ଗୁପ୍ତେଶ୍ୱର କୁଅଁର,ଅଷ୍ଟମୁ ମାଝୀ, ଶଶିକାନ୍ତ ବିଶି  ପ୍ରମୁଖ ଉପସ୍ଥିତ ରହିଥିବା ବେଳେ ଧରମ ସିଂ ଧରୁଆ ମୁଖ୍ୟବକ୍ତା ଭାବରେ ଯୋଗ ଦେଇ ରାଣୀ ଦୁର୍ଗାବତୀଙ୍କର ବଳିଦାନ, ତ୍ୟାଗ ଇତିହାସ ଏବଂ ଜଣେ ନାରୀ ହିସାବରେ କେମିତି ଗୋଣ୍ଡୱାନା ସାମ୍ରାଜ୍ୟ କୁ ମୋଗଲ ମାନଙ୍କ ଠାରୁ ସୁରକ୍ଷିତ ରଖି ପାରିଥିଲେ ଏବଂ ବିରଙ୍ଗନା ଦୁର୍ଗାବତୀ ଜଣେ ସାହସୀ, ମହିୟସୀ କ୍ରାନ୍ତିକାରୀ ମହିଳା ଥିଲେ ସେଥିପାଇଁ ତାଙ୍କର ...

ଓଡ଼ିଆ ସିନେ ଜଗତରୁ ସମ୍ପର୍କଛିନ୍ନ କରି ଆଉ ଏକ ଦୁନିଆରେ   ଓଲିଉଡ ଅଭିନେତା ରାଇମୋହନ  ଭୁବନେଶ୍ୱର: ଓଲିଉଡ ସିନେ ଜଗତର ଚର୍ଚ୍ଚିତ ଅଭିନେତା ରାଇମୋହନ ପରିଡ଼ାଙ୍କର ପରଲୋକ । ପ୍ରାଚୀ ବିହାର ଘରୁ ରାଇମୋହନଙ୍କ ଝୁଲନ୍ତା ମୃତଦେହ ଠାବ ହୋଇଛି । ଅଭିନେତା ରାଇମୋହନ ଆତ୍ମହତ୍ୟା କରିଥିବା ସୂଚନା ମିଳିଛି । ଅଭିନେତା ଜଣକ କାହିଁକି ଆତ୍ମହତ୍ୟା କଲେ ବୋଲି ବର୍ତ୍ତମାନ ସୁଦ୍ଧା କାରଣ ଜଣାପଡିନି ।ଅନ୍ୟପଟେ ରାଇମୋହନ ମାନସିକ ଦୁଶ୍ଚିନ୍ତାରେ ଥିଲେ ବୋଲି ଜଣାପଡିଛି । ତାଙ୍କ ମୃତ୍ୟୁ ଖବର ଶୁଣି ସମସ୍ତ ପ୍ରଶଂସକ ସ୍ତବ୍ଧ ହୋଇଛନ୍ତି । ଚଳଚ୍ଚିତ୍ର ଜଗତରେ ଶୋକର ଛାୟା ଖେଳିଯାଇଛି । ତେବେ ରାଇମୋହନ ପରିଡ଼ା ୧୯୬୩, ଜୁଲାଇ ୧୦ରେ କେନ୍ଦୁଝରରେ ଜନ୍ମ ହୋଇଥିଲେ। ପିଲାବେଳୁ ହିଁ ତାଙ୍କର ଅଭିନୟ ପ୍ରତି ଦୁର୍ବଳତା ରହିଥିଲା। ତା’ପରେ ସ୍କୁଲ ଓ କଲେଜରେ ପଢ଼ିବା ବେଳେ ନାଟକରେ ଭାଗ ନେଉଥିଲେ। ତାଙ୍କର ଅଭିନୟ ପ୍ରତି ଭଲ ପାଇବା ଦେଖି ତାଙ୍କ ବାପା ତାଙ୍କୁ ଭୁବନେଶ୍ୱର ଉତ୍କଳ ସଙ୍ଗୀତ ମହାବିଦ୍ୟାଳକୁ ପଠାଇଥିଲେ। ଏହାପରେ ରାଇମୋହନଙ୍କର ବିଧିବଦ୍ଧ ଭାବେ ଅଭିନୟ ଜୀବନ ଆରମ୍ଭ ହୋଇଥିଲା। ଫିଲ୍ମ, ସିରିଏଲ, ଡ୍ରାମା, ମେଗା ସିରିଏଲ ଆଦିରେ ଅଭିନୟ କରି ଆଜି ଏକ ଭିନ୍ନ ଛାପ ଛାଡ଼ିଛନ୍ତି ସେ।

ଖପ୍ରାଖୋଲ ବ୍ଲକ ରେ  ଖାଦ୍ୟ ସୁରକ୍ଷା ଆଇନ୍ ବାଟବଣା  । ରାସନ କାର୍ଡ ଥାଇ ମଧ୍ୟ ରାସନ ସାମଗ୍ରୀ ପାଇବାରୁ ବଞ୍ଚିତ କାହିଁକି ? ସନ୍ଦେହ ଘେରରେ କତୃପକ୍ଷ !   -ବଲାଙ୍ଗୀର                         ବଲାଙ୍ଗୀର/ପାଟଣାଗଡ଼ , ତାରିଖ‐୨୪/୦୬/୨୦୨୨  ( ଜଗନ୍ନାଥ ଧରୁଆ ଙ୍କ ରିପୋର୍ଟ ) କେନ୍ଦ୍ର ଓ ରାଜ୍ୟ  ସରକାର ଗରିବି ହଟାଓ ଭଲି ଅନେକ ଯୋଜନା ଉପରେ ଯୋଜନା କାର୍ଯ୍ୟକାରୀ କରୁଛନ୍ତି ହେଲେ କାହା ଭାଗ୍ୟରେ ରେ କ୍ଷୀରି ପୁରୀ ତ କାହା ଭାଗ୍ୟରେ ଶୁଖା ମୁରି ସଦୃଶ  ଅନ୍ୟ ପକ୍ଷରେ କାହାର ପୌଷ ମାସ ତ କାହାର ସର୍ବ ନାଶ ହେଉଛି । ସରକାର ଙ୍କ ଯୋଜନା ର ଲାଭ ଉଠାଉଥିବା ବେଳେ କାହ ର ଭାଗ୍ୟ ଜୁଟୁନାହିଁ । ଯୋଜନା ରୁ ବର୍ଷ ବର୍ଷ ଧରି ବଞ୍ଚିତ ହେଉଛନ୍ତି । ସରକାର ଙ୍କ  ଜାତୀୟ ଖାଦ୍ୟ ସୁରକ୍ଷା ଯୋଜନାରେ ରାସନ୍ ସାମଗ୍ରି ଯୋଗାଇ ଦେଉଥିବା ବେଳେ ଏହି ଯୋଜନାରେ ଅନ୍ତର୍ଭୁକ୍ତ ହୋଇ ନାଁ ରେ ରାସନ୍ କାର୍ଡ ଅଛି ହେଲେ ରାସନ୍ ମିଳୁନି ନ ଥିବା ଅଭିଯୋଗ ହେଉଛି । ଅଭିଯୋଗ ଅନୁଯାୟୀ ପାଟଣାଗଡ଼ ଉପଖଣ୍ଡ ଖପ୍ରାଖୋଲ ବ୍ଳକ ଚଙ୍ଗରିଆ ପଞ୍ଚାୟତ ରେଙ୍ଗାଲଜୁରୀ ଗ୍ରାମ ର ଗରିବ ଆଦିବାସୀ ଶୁକୃ ବରିହା ଙ୍କ ସହ  ତାଙ୍କ ସ୍ତ୍ରୀ  ପ୍ରେମ ବରିହା , ଝିଅ ବୈଦେହୀ ବରିହା , ପୁଅ  ସହଦେବ ବରିହା ,...

" ସଂଯୁକ୍ତ କିଷାନ୍ ମୋର୍ଚ୍ଚା ଆହ୍ୱାନ ରେ ୨୪ ଜୁନ୍ ଅଗ୍ନିପଥ ଯୋଜନା ବାତିଲ୍ ଦାବି ଦିବସ " କୋରାପୁଟ/ଜୟପୁର:- କେନ୍ଦ୍ର ସରକାରଙ୍କ ଦ୍ବାରା ପ୍ରସ୍ତାବିତ ଅଗ୍ନିପଥ ଯୋଜନା କୁ ନେଇ ଏବେ ମଧ୍ୟ ଦେଶର ବିଭିନ୍ନ ସ୍ଥାନରେ ଦେଖିବାକୁ ମିଳିଛି ନାହିଁ ନଥିବା ବିରୋଧ ପ୍ରଦର୍ଶନ। ସେହି କ୍ରମରେ ରାଜ୍ୟର କୋରାପୁଟ ଜିଲ୍ଲା ସଦର ମହକୁମା ଜୟପୁର ମୁଖ୍ୟ ଟ୍ରାଫିକ ଛକ ଠାରେ ଅଗ୍ନିପଥ ଯୋଜନା ବାତିଲ୍ ଦାବି ରେ ସଂଯୁକ୍ତ କିଷାନ୍ ମୋର୍ଚ୍ଚା ଦେଇଥିବା ଦେଶବ୍ୟାପୀ ବିକ୍ଷୋଭ ସମାବେଶ ଭାରତୀୟ କମ୍ୟୁନିଷ୍ଟ ପାର୍ଟି ର ଯୁବ ଛାତ୍ର ଆବାହକ ଶ୍ରୀ ସତ୍ୟବ୍ରତ ନନ୍ଦ ଙ୍କ ନେତୃତ୍ବ ରେ ଅନୁଷ୍ଠିତ ହୋଇଯାଇଛି । ଏହି ବିକ୍ଷୋଭ ରେ ଅନେକ ଛାତ୍ର,ଯୁବକ, ଅଭିଭାବକ ଓ କୃଷକ ଏବଂ ଭାରତୀୟ କମ୍ୟୁନିଷ୍ଟ ପାର୍ଟି ର ଜିଲ୍ଲା ସମ୍ପାଦକ ଯୁଧିଷ୍ଟିର ରାଉଳ ପ୍ରମୁଖ ଯୋଗ ଦେଇଥିଲେ ।‌ ଅଗ୍ନିପଥ ଯୋଜନା ଦେଶରେ ଏକ ଘରୋଇ ସେନାବାହିନୀ କମ୍ପାନୀ ସୃଷ୍ଟି କରିବା ଏବଂ ସେନାବାହିନୀ କୁ ଦୁର୍ବଳ କରିବା ପାଇଁ ଏକ ଷଡ଼ଯନ୍ତ୍ର । ଆମ ଦେଶର ସେନା ବାହିନୀ ରେ ପ୍ରତି ବର୍ଷ ୬୦/୭୦ ହଜାର ସେନା ୩୫ ରୁ ୪୦ ବର୍ଷ ରେ ଅବସର ଗ୍ରହଣ କରନ୍ତି । ଆମ ସେନା ସବୁଠୁ ଯୁବକ । ପ୍ରତି ବର୍ଷ ୬୦ ହଜାର ସେନା ରେ ଯୁବକ ମାନେ ନିଯୁକ୍ତି ପାଉଥିବାବେଳେ କୋରୋନା ମହାମାରୀ ପାଇଁ ତାହା ବନ୍ଦ ରହିଛି । ବର୍ତ୍ତମାନ ସରକାର ଯେଉଁ ୨୩ ବର୍ଷ ବୟସ ସୀମା ରଖିଛନ୍ତି ତା ଉପରକ...

ବିପୁଳ ପରିମାଣର କଫ ସିରଫ ଜବତ ସହ ଜଣେ ଗିରଫ -ବରଗଡ ବରଗଡ ଜିଲ୍ଲା ଅନ୍ତର୍ଗତ ଗର୍ଭଣା ଗ୍ରାମରେ ବିପୁଳ ପରିମାଣର କଫ ସିରଫ ଗଚ୍ଛିତ ଥିବା ବିଶ୍ବସ୍ତ ସୂତ୍ରରୁ ଖବର ପାଇ ଅବକାରୀ କମିଶନର ଆଶିଷ ସିଂ ଙ୍କ ନିର୍ଦ୍ଦେଶକ୍ରମେ ବରଗଡ ଅବକାରୀ ଏସ.ପି ପ୍ରଦୀପ ପଟ୍ଟନାୟକ ଓ ଇନ୍ସପେକ୍ଟର ରଶ୍ମିତା ଲାକ୍ରା ଙ୍କ ନେତୃତ୍ଵରେ ଏକ ସ୍ବତନ୍ତ୍ର ଟିମ ଗର୍ଭଣା ଗ୍ରାମରେ ଅତର୍କିତ ଚଢ଼ାଉ କରି ୮୯୦ ବୋତଲ କଫ ସିରଫ ଜବତ କରିବା ସହ ମୂଖ୍ୟ ଅଭିଯୁକ୍ତ ଗର୍ଭଣା ଗ୍ରାମର ଶରତ ଚନ୍ଦ୍ର ଆଚାର୍ଯ୍ୟ ବୟସ ୬୦ କୁ ଗିରଫ କରିବା ସହ ଏକ୍ସସାଇଜ କେଶ ନମ୍ୱର ୧୧୫/୨୨/୨୩ ଏଡପିଏସ ଆକ୍ଟ ରେ ମାମଲା ରୁଜ୍ଜୁ କରି ଅଭିଯୁକ୍ତ କୁ କୋର୍ଟ ଚାଲାଣ କରାଯାଇଥିବା ଜଣାପଡ଼ିଛି । ଏହି ଚଢାଉ ରେ ଏସ.ଆଇ ମୋହନ ପ୍ରଧାନ ଙ୍କ ସମେତ ଉଷାବତୀ ଗୈାଡ, ଅଶୋକ କୁମାର ପଟେଲ, ମୋବାଇଲ ଟିମ୍ ସହ ବରଗଡ ଅବକାରୀ ବିଭାଗ ଏହି ଚଢଉ ରେ ସାମିଲ ଥିଲେ