ବ୍ରାହ୍ମ ମୁହୂର୍ତ୍ତ ଖବରକାଗଜ

ଶିକ୍ଷାର୍ଥୀଙ୍କ ମନୋବଳ ଦୃଢ଼ କରିବା ଉଦ୍ଦେଶ୍ୟରେ ମାରୱାଡି ସମାଜ ତରଫରୁ ମାଟ୍ରିକ ଟପ୍ପରଙ୍କୁ ସମ୍ବର୍ଦ୍ଧନା 01/08/ବୌଦ୍ଧ ଜିଲ୍ଲା ପୁରୁଣାକଟକ ମାରୱାଡି ସମାଜ ତରଫରୁ ବୌଦ୍ଧ ଜିଲ୍ଲା ମାଟ୍ରିକ ଟପର ଙ୍କୁ ସମ୍ବର୍ଦ୍ଧନା ପ୍ରଦାନ କରାଯାଇଛି! ପୁରୁଣାକଟକ ମାରୱାଡି ସମାଜ ସଭାପତି କୈଳାସ ଅଗ୍ରୱାଲ ଙ୍କ ଅଧକ୍ଷତା ରେ ଅନୁଷ୍ଠିତ ତେଜ ଉତ୍ସବ ଅବସରରେ ଏକ ସମ୍ବର୍ଦ୍ଧନା ସଭା ରେ ଚଳିତ ମାଟ୍ରିକ ପରୀକ୍ଷା ରେ ଅନୁଷ୍କା ଅଗ୍ରୱାଲ 587 ମାର୍କ ରଖି  ଜିଲ୍ଲା ଟପର ହୋଇଥିବା ରୁ ତାଙ୍କୁ ମାନପତ୍ର ଓ ଟ୍ରଫି ପ୍ରଦାନ କରାଯାଇଥିଲା !ଏହି କାର୍ଯ୍ୟକ୍ରମ ରେ ମାରୱାଡି ସମାଜ ର ଉପ ସଭାପତି ସଂଜୁ ଅଗ୍ରୱାଲ,ସମ୍ପାଦକ ଟୁଲୁ ଅଗ୍ରୱାଲ ସହ ସମ୍ପାଦିକା ସ୍ୱପ୍ନା ଅଗ୍ରୱାଲ ଓ କୋଷାଧକ୍ଷ ଆନନ୍ଦ ଅଗ୍ରୱାଲ ଙ୍କ ସମେତ ସମସ୍ତ ସଦସ୍ୟ ଉପସ୍ଥିତ ଥିଲେ !ପୁରୁଣାକଟକ ରେ ମାରୱାଡି ସମାଜ ତରଫରୁ ଆଗାମୀ ଦିନରେ ରକ୍ତଦାନ,ବୃକ୍ଷ ରୋପଣ ଓ ଅନ୍ୟାନ୍ୟ ଜନମଙ୍ଗଳ କାର୍ଯ୍ୟକ୍ରମ କରାଯିବ ବୋଲି ସଭାପତି କୈଳାସ ଅଗ୍ରୱାଲ ସୂଚନା ଦେଇଛନ୍ତି!

 ବୌଦ୍ଧରେ ବିଶ୍ଵ ଜନସଂଖ୍ୟା ଦିବସ ପାଳନ, ପ୍ରଶାସନ ଦେଇଥିବା ତଥ୍ୟ କେବଳ କାଗଜ କଲମରେ ସିମୀତ। ତଦନ୍ତ ହେଲେ ସବୁ ସତ୍ୟ ସାମ୍ନାକୁ ଆସିବ। ରିପୋର୍ଟର :ଭରତ ଡାଙ୍ଗ, ବୌଦ୍ଧରେ ଜାତୀୟ ସ୍ବାସ୍ଥ୍ୟ ମିଶନର ଜିଲ୍ଲା ତାଲିମ କେନ୍ଦ୍ରଠାରେ ବିଶ୍ଵ ଜନସଂଖ୍ୟା ଦିବସ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଡା . ଅଭୟ କୁମାର ଦାଶଙ୍କ ଅଧ୍ୟକ୍ଷତାରେ ପାଳିତ ହୋଇଯାଇଛି । ଏହି କାର୍ଯ୍ୟକ୍ରମରେ ଖୋଦ୍ ଜିଲ୍ଲା ମୂଖ୍ୟ ଚିକିତ୍ସାଧିକାରୀ ଏବଂ ତାଙ୍କର ଅଧିନସ୍ଥ କର୍ମକର୍ତାମାନେ ଦେଇଥିବା ତଥ୍ୟ କେତେ ସତ୍ୟତା ରହିଛି ତାହା କେବଳ ଧର୍ମକୁ ଆଖି ଠାର ବୋଲି ଲୋକମାନେ ଅଭିଯୋଗ କରିଛନ୍ତି। ଏହି ସଭା ପୂର୍ବରୁ ଜିଲ୍ଲା ଜନସ୍ବାସ୍ଥ୍ୟ ଅଧିକାରୀ ଡା . ମଦନ ମୋହନ ପ୍ରଧାନ ଜନସଂଖ୍ୟା ଦିବସ ପାଳନର ଉଦ୍ଦେଶ୍ୟ ଓ ଆଭିମୁଖ୍ୟ ସଂପର୍କରେ ସୂଚନା ପ୍ରଦାନ କରିଥିଲେ । ଜିଲ୍ଲା ପ୍ରଜନନ ଓ ଶିଶୁ ସ୍ଵାସ୍ଥ୍ୟ ପରିଚାଳକ ଗିରିଜା ପ୍ରସାଦ ମିଶ୍ର ଦୃଶ୍ୟଶ୍ରାବ୍ୟ ଚିତ୍ର ସହାୟତାରେ ପରିବାର କଲ୍ୟାଣର ବିଭିନ୍ନ ଯୋଜନା ଓ ଏସବୁର ଉପକାରିତା ବିଷୟରେ ବିସ୍ତୃତ ଭାବରେ ଆଲୋଚନା କରିଥିଲେ । ଜିଲ୍ଲାରେ ପରିବାର ନିୟୋଜନ ସେବା ପ୍ରଦାନ କରିବା ନିମନ୍ତେ ଦୁଇଟି ପକ୍ଷ ଭାବରେ ଏହାକୁ ପାଳନ କରାଯାଉଅଛି । ପ୍ରଥମ ପର୍ଯ୍ୟାୟରେ ସଚେତନତା ପକ୍ଷ ଜୁନ୍‌ ୨୭ ତାରିଖଠାରୁ ପାଳନ ହୋଇ ଆସୁଥିବା ବେଳେ ଜୁଲାଇ ୧୧ତାରିଖରୁ ଜୁଲାଇ ୨୪ ତାରିଖ ପର୍ଯ୍ୟନ୍ତ ଜନସଂଖ୍ୟା ସ୍ଥିରତା ...

କେନ୍ଦୁଝର ଜିଲ୍ଲାର ନଦୁଆଁରେ କେନ୍ଦ୍ରମନ୍ତ୍ରୀ ଅର୍ଜୁନ ମୁଣ୍ଡାଙ୍କ କାର୍ଯ୍ୟକ୍ରମ ସୃଷ୍ଟି କରିଛି ରାଜନୈତିକ ଝଡ଼ ! ଆନନ୍ଦପୁର,୩୧/୦୭(ଦୀପକ ରଞ୍ଜନ ପାଣିଗ୍ରାହୀଙ୍କ ଠାରୁ) : ସହିଦଙ୍କୁ ସମ୍ମାନ ଆମ ସରକାରର ଦାୟିତ୍ୱ ଯବାନ ଦେଶର ସୁରକ୍ଷା କରନ୍ତି।ଆବଶ୍ୟକ ପଡିଲେ ଦେଶ ପାଇଁ ନିଜ ଜୀବନକୁ ମଧ୍ୟ ଉତ୍ସର୍ଗ କରନ୍ତି। ଏହା ହିଁ ଶ୍ରେଷ୍ଠ ବଳିଦାନ। ସହିଦ ଯବାନଙ୍କ ପରିବାରର ସୁରକ୍ଷା ଓ ସେମାନଙ୍କୁ ମିଳିବାକୁ ଥିବା ସୁବିଧା ସୁଯୋଗ ପାଇଁ ମୋଦି ସରକାର ସର୍ବଦା ଚେଷ୍ଟିତ ବୋଲି କେନ୍ଦ୍ର ଆଦିବାସୀ ବ୍ୟାପାର ମନ୍ତ୍ରୀ ଅର୍ଜୁନ ମୁଣ୍ଡା ନିଜର ଆନନ୍ଦପୁର ଗସ୍ତ ସମୟରେ କହିଛନ୍ତି କେନ୍ଦ୍ରମନ୍ତ୍ରୀ ଶ୍ରୀ ମୁଣ୍ଡା। ଘଷିପୁରା ବ୍ଲକ ବଳରାମପୁର ପଞ୍ଚାୟତ ନଦୁଆଁ ଗ୍ରାମରେ ସହିଦ ବ୍ରଜମୋହନ ବେହେରାଙ୍କ ପ୍ରତିମୂର୍ତ୍ତୀରେ ମାଲ୍ୟାର୍ପଣ କରିଥିଲେ। ପରେ ଶ୍ରୀ ମୁଣ୍ଡା ସହିଦଙ୍କ ପରିବାରକୁ ଯାଇ ବିଭିନ୍ନ ପ୍ରସଙ୍ଗ ଉପରେ ଆଲୋଚନା କରିଥିଲେ। ଏହି ଅବସରରେ ସହିଦଙ୍କ ପତ୍ନୀ କହିଥିଲେ ଯେ, କେନ୍ଦ୍ର ସରକାର ଆମକୁ ସମସ୍ତ ସୁବିଧା ଯୋଗାଇ ଦିଆଯାଇଥିଲେ ସୁଧା  ମିଳିବାକୁ ଥିବା ଜମି ଏଯାଏଁ ସ୍ଥାନୀୟ ପ୍ରଶାସନ ଦେଉ ନାହିଁ ବୋଲି ଅଭିଯୋଗ କରିଥିଲେ। ଏ ସମ୍ପର୍କରେ ସେ ନିଜେ କେନ୍ଦୁଝର ଜିଲ୍ଲାପାଳଙ୍କ ସହ ଆଲୋଚନା କରିବେ ବୋଲି କେନ୍ଦ୍ରମନ୍ତ୍ରୀ ଅର୍ଜୁନ ମୁଣ୍ଡା ଗଣମାଧ୍ୟମକୁ କହିଛନ୍ତି। ଏହି କାର୍ଯ୍ୟକ୍ରମରେ ସହିଦଙ୍...

 ଯବାନଙ୍କୁ ଶେଷ ଶ୍ରଦ୍ଧାଞ୍ଜଳୀ ଦେଲେ ଅଞ୍ଚଳର ସଚେତନ ନାଗରିକ , ଯୁବଗୋଷ୍ଠୀ ସମେତ ଅଞ୍ଚଳବାସୀ   ବଲାଙ୍ଗୀର/ପାଟଣାଗଡ଼ , ତାରିଖ‐୩୧/୦୭/୨୦୨୨ ( ଜଗନ୍ନାଥ ଧରୁଆ ଙ୍କ ରିପୋର୍ଟ ) ଜିଲ୍ଲାର ତୁରେକେଲା ବ୍ଲକ ଅନ୍ତର୍ଗତ ମହଖଣ୍ଡ ଗ୍ରାମ ପଞ୍ଚାୟତ ର ଗଡ଼ିଆ- ଯୋର ଗ୍ରାମର ଯୁବକ  ଯେକି ୨୦୧୪ ମସିହାରେ ରାଜ୍ୟ OSAP ସେବାରେ ଯୋଗଦେଇ ଯବାନ ଭାବେ କାର୍ଯ୍ୟ କରି ଆସୁଥିଲେ ,ଗତକାଲି ଅର୍ଥାତ୍ ଶନିବାର ଦିନ କିଛି ସମସ୍ୟା ଯୋଗୁଁ ମାଲକାନଗିରି ଜିଲ୍ଲାରେ କାର୍ଯ୍ୟରତ ଥିବା ସମୟରେ ତାଙ୍କର ମୃତ୍ୟୁ ହୋଇଥିଲା । । ଏହି  ଦୁଃଖଦ ଖବର ପ୍ରସାରିତ ହେବା ପରେ ଯବାନଙ୍କ ଜନ୍ମିତ ଗ୍ରାମରେ ଶୋକର ଛାୟା ଖେଳି ଯାଇଥିଲା। ହେଲେ ଗୋଟିଏ କଥା ସଭିଙ୍କ ମନରେ ପ୍ରଶ୍ନ ଉଠିଥିଲା ପ୍ରଶାସନ ପକ୍ଷରୁ ନେଇଥିବା ପଦକ୍ଷେପ ବିରୋଧରେ। ଜଣେ ସହିଦ ଯବାନ ଙ୍କ ମୃତ ଶରୀର କୁ କେବଳ ଚାରିଜଣ ସହକର୍ମୀ ଯବାନ ଆଣି ଘରେ ଛାଡ଼ି ଦେଇ ଯିବା ଓ ବିନା ଗାର୍ଡ ଅଫ ଅନର ସମ୍ମାନ (Guard of Honour) ନଦେଇ ତାଙ୍କର ଶେଷ କୃତ୍ୟ ହେବା ଜଣେ ସହିଦ ଯବାନ ପ୍ରତି ଅସମ୍ମାନ ଅଟେ ବୋଲି ଚର୍ଚାର ବିଷୟ ପାଲଟି ଯାଇଛି । ଏ ଅବସରରେ ଚାଉଳସୁଖା ସମିତି ସଭ୍ଯ ନିଜେ ତାଙ୍କର ଏହି ଦୁଃଖଦ ସମୟରେ ପରିବାର ବର୍ଗ ଙ୍କୁ ଭେଟି ସାନ୍ତ୍ୱନା ଦେଇ ଥିଲେ। ତତ୍ ସହିତ ସରକାରୀ ସୁବିଧା ସୁଯୋଗ  ଯେମିତି  ଅତିଶୀଘ୍ର ମିଳିବ ତାହା ମଧ୍ଯ କଥା ଦେଇଛନ୍ତି...

ରାଜ୍ୟ ବିଜେପି  ଅଜଣା ରୋଗରେ ପୀଡିତ, ବିଶେଷଜ୍ଞ ଙ୍କ ଅଭାବ, ହେତୁ  ମଥୁରା ମଣ୍ଡଳ ବିଜେପି ସଭାପତିଙ୍କ ଇସ୍ତଫା।  ରିପୋର୍ଟ- ସନ୍ତୋଷ କୁମାର ପଣ୍ଡା ।ପୋଲସରା,୩୦/୦୭: ରାଜ୍ୟ ବିଜେପି କୁ ଗ୍ରାସ କରିଛି ଅଜଣା ରୋଗ। ଯାହାର ଚିକିତ୍ସା ପାଇଁ ରାଜ୍ୟ ସ୍ତରରେ ନାହାଁନ୍ତି ଭଲ ବିଶେଷଜ୍ଞ ଡାକ୍ତର। କଥାରେ ଅଛି ଗୋଦରା କୋଡେ ଯେତେ ମାଡେ ସେତେ। ସେହି ଅନୁସାରେ ଦେଖିବାକୁ ମିଳୁଛି ରାଜ୍ୟର ବିଭିନ୍ନ ଜିଲ୍ଲାରେ ଏମିତି କିଛି ଚିତ୍ର। ପୋଲସରା ନିର୍ବାଚନ ମଣ୍ଡଳୀର ମଥୁରା ମଣ୍ଡଳ ବିଜେପି ସଭାପତି ଲଡୁକିଶୋର ସାହୁ ପ୍ରାଥମିକ ସଭ୍ଯ ପଦରୁ ଇସ୍ତଫା ଦେଇଛନ୍ତି। ଶ୍ରୀ ସାହୁ ତାଙ୍କର ଇସ୍ତଫା ପତ୍ର ରାଜ୍ୟ ସଭାପତିଙ୍କ ନିକଟକୁ ପଠାଇଛନ୍ତି। କିଛିଦିନ ପୂର୍ବରୁ ଘୁମୁସର ସାଙ୍ଗଠନିକ ଜିଲ୍ଲାର ଯୁବ ମୋର୍ଚ୍ଚା ଜିଲ୍ଲା ସଭାପତି ପ୍ରମୋଦ କୁମାର ପଣ୍ଡା ଓ ଓବିସି ମୋର୍ଚ୍ଚାର ନେତା ମଧ୍ଯ ବିଜେପିରୁ ଇସ୍ତଫା ଦେଇଛନ୍ତି। ନିକଟରେ ପୋଲସରା ଏନ୍ଏସିର ନବ ନିର୍ବାଚିତ ୫ ଜଣ ବିଜେପି ୱାର୍ଡ ମେମ୍ବର, ଚିରିକିପଡା ଶାସନ ସମିତି ସଭ୍ଯ ଓ ଭାବରଡା ସରପଞ୍ଚ ଶ୍ରମ ମନ୍ତ୍ରୀ ଶ୍ରୀକାନ୍ତ ସାହୁଙ୍କୁ ସୌଜନ୍ୟମୂଳକ ସାକ୍ଷାତ କରିଛନ୍ତି। ସେମାନେ ଆଗାମୀ ଦିନରେ ବିଜେଡିରେ ସାମିଲ ହେବା ନେଇ ଚର୍ଚ୍ଚା ଶୁଣିବାକୁ ମିଳୁଛି। ପୌର ନିର୍ବାଚନରେ ପୋଲସରା ଏନ୍ଏସିରେ ୬ଜଣ ବିଜେପିର ୱାର୍ଡ ମେମ୍ବର ବିଜୟ ହୋଇଥିଲେ। ବର୍ତ୍ତମାନ ୫ଜଣ ଦଳ ଛାଡି...

ପୁଆ ନୋଡାଲ ଉଚ୍ଚ ପ୍ରାଥମିକ ବିଦ୍ୟାଳୟ ରୁ  ଶିକ୍ଷକ ବଦଳି  ପ୍ରତିବାଦ ରେ ମୁଖ୍ୟ ଫାଟକରେ ତାଲା ପକାଇ ଧାରଣା ଦେଲେ ଛାତ୍ର,ଛାତ୍ରୀ ଓ ଅଭିଭାବକ । ତରଭା ରୁ ମନୋଜ କୁମାର ମନହିରା  ଙ୍କ ରିପୋର୍ଟ ତରଭା,୩୦/୭/୨୨ ସୁବର୍ଣ୍ଣପୂର ଜିଲ୍ଲା ତରଭା ବ୍ଳକ ଅନ୍ତର୍ଗତ ପୁଆ ନୋଡାଲ ଉଚ୍ଚ ପ୍ରାଥମିକ ବିଦ୍ୟାଳୟ ରେ ଆଜି ଶିକ୍ଷକ  ବଦଳିକୁ ନେଇ ବିଦ୍ୟାଳୟ ଗେଟ୍ ରେ ତାଲା ମାରି ଅଭିଭାବକ,  ଛାତ୍ର,ଛାତ୍ରୀ, ଧାରଣା ରେ ବସିଥିଲେ। ବିଦ୍ୟାଳୟ ରେ ମୋଟ ଅଠଟି ଶ୍ରେଣିପାଇଁ ମୋଟ ଆଠଜଣ ଶିକ୍ଷକ ଥିବାବେଳେ ସେଥି ମଧ୍ୟରୁ ଗତକାଲି ତରବରିଆ  ଭାବେ ଜଣେ ଶିକ୍ଷକଙ୍କୁ ଅନ୍ୟ ସ୍କୁଲ କୁ ଡେପୁଟେଶନ ରେ ପଠାଇ ଦେଇଥିଲେ । ଏହାକୁ ନେଇ ଅଭିଭାବକ, ଛାତ୍ର, ଛାତ୍ରୀ,ମାନେ ଅଶନ୍ତୋସ ହୋଇ ସ୍କୁଲ ଗେଟ୍ ସମ୍ପୁଖରେ ଧାରଣାରେ ବସିଥିଲେ ।   ତରଭା ଗୋଷ୍ଟି ଶିକ୍ଷାଧିକାରି ବାଧ୍ୟହୋଇ ସଂପୃକ୍ତ   ଶିକ୍ଷକଙ୍କୁ ଡେପୁଟେସନ ରୁ ବାତିଲ କରିଥିବା ରୁ ଛାତ୍ର, ଛାତ୍ରୀ, ଅଭିଭାବକ ମାନେ ଧାରଣାରୁ ଉଠି  ଥିବା ସହ ସ୍କୁଲର ମୁଖ୍ୟ ଫାଟକ ଖୋଲିଥିବା ସୂଚନା ମିଳିଛି ।

ଭାରସାମ୍ୟ ହରାଇ ଜଳଖିଆ ଦୋକାନକୁ ଧକ୍କା ଦେଲା କାର ହରଭଙ୍ଗା :30/07. 57ନଂ ଖୋର୍ଦ୍ଧା -ବଲାଙ୍ଗୀର ଜାତୀୟ ରାଜପଥ ପୁରୁଣା କଟକ ଠାରେ ଆଜି ଏକ କାର ଦୁର୍ଘଟଣା ଗ୍ରସ୍ତ ହୋଇଥିବାର ସୂଚନା ମିଳିଛି!ସୂଚନା ଅନୁଯାଇ ପୁରୁଣାକଟକ( ଏଟିଏମ ଛକ )ଧଳାପୁର - ପୁରୁଣାକଟକ ଛକରେ ଆଜି ପ୍ରାୟ 5ସମୟରେ ଧଳପୁର ପଟୁ ଏକ ଧଳlରଙ୍ଗର କାର (OD 27C8970)ବୌଦ୍ଧ ଅଭିମୁଖେ ଯିବା ସମୟରେ ରାସ୍ତାର ବାମପାର୍ଶ୍ୱରେ ଥିବା ଏକ ଜଳଖିଆ କେବିନକୁ ଧକ୍କା ଦେଇଥିଲା!ଦୁର୍ଘଟଣା ରେ ପାର୍ଶ୍ଵରେ ଥିବା ବକ୍ତ୍ୟ ମାନେ ଅଳ୍ପକେ ବର୍ତ୍ତିଯାଇଥିଲେ!ଘଟଣା ସ୍ଥଳରେ ପୁରୁଣାକଟକ ପୋଲିସ ପହଂଚି ଦୁର୍ଘଟଣା ର ତଦନ୍ତ ଜାରି ରଖିଛି!

ପୁଅର ଚିକିତ୍ସା ପାଇଁ ଅର୍ଥ ସାଜିଛି ବାଧକ ସରକାରୀ ସହାୟତା ନିବେଦନ କଲେ ପରିବାର ବସ୍ତା, ବଲିଆପାଳ -30/7/22 ବୟସ ମାତ୍ର ଆଠ। ଦ୍ବିତୀୟ ଶ୍ରେଣୀରେ ପିଲାଟି ପାଠ ପଢେ। ତେବେ ସ୍କୁଲ ଯିବାପାଇଁ ବାହାରୁ ଥାଏ ହଠାତ୍  ଛାତିରେ ଯନ୍ତ୍ରଣା ଅନୁଭବ କଲା ଛୋଟ ଝିଅଟି। ତେବେ ଆଖ ପାଖ ଦୋକାନରୁ ଯନ୍ତ୍ରଣା ପାଇଁ ଔଷଧ ଆଣି ଖାଇଲା ପରେ ବାଲେଶ୍ୱର ମୂଖ୍ୟ ଚିକିତ୍ସାଳୟ କୁ ଚିକିତ୍ସା ପାଇଁ ନେଇଥିଲା ବେଳେ ଡାକ୍ତର କିନ୍ତୁ ଭୂବନେଶ୍ବର ରେଫର୍ କରିଥିବା ବେଳେ ଆର୍ଥିକ ଖର୍ଚକୁ ଦେଖି ପରିବାର ଲୋକେ ଭୟଭୀତ ଅବସ୍ଥାରେ ରହିଥିବା ବେଳେ ବାପା ମା ଘରେ ଥିବା ଦୁଇଟି ଛେଳିକୁ ବିକ୍ରୀକରି ପିଲାକୁ ଭୂବନେଶ୍ବର ନେଇଯାଇଥିଲା ବେଳେ ସେଠାରୁ ପୁଣି  ହାଇଦ୍ରାବାଦ ନେଇଯାଇଛନ୍ତି । ବନ୍ଧୁ ବାନ୍ଧବ ଆଜକୁ ଚାରି ଦିନ ହେଲା ଚାହିଁ ରହିଛନ୍ତି ଫେରିବା ବାଟକୁ। ସେଠାରେ ଡାକ୍ତର କହୁଛି ଅପେକ୍ଷା କର କାଲି ଦେଖିବା ଏ ପର୍ଯ୍ୟନ୍ତ କିଛି ଫଳ ନାହିଁ । ବାଲେଶ୍ଵର ଜିଲ୍ଲାର ବସ୍ତା ବ୍ଲକ ଅନ୍ତର୍ଗତ ଭେଲୋରା ଗ୍ରାମ ପଞ୍ଚାୟତର ଗଙ୍ଗାଧରପୁର ଗ୍ରାମର ନଟବର ସାହୁଙ୍କ ଝିଅ ମଧୁସ୍ମିତା।  ତା ହାର୍ଟରେ କଣା ହୋଇଥିବା ଡାକ୍ତର ପରୀକ୍ଷା କରି ଜାଣିଥିବା ବେଳେ କୁନି ଝିଅର ଅପରେସନ୍ ନିହାତି ଜରୁରୀ ହୋଇପଡିଥିବା ବେଳେ ଘରର ଆର୍ଥିକ ଅବସ୍ଥା ଭଲ ନାହିଁ। ତେବେ ଦୁନିଆଁ ଦେଖିବା ଆଗରୁ ଝଡି ପଡିବାକୁ ଥିବା କୁନି ଝିଅର ଜୀବନ ବଞ୍ଚିବାକୁ ହେଲେ...

ସୂର୍ଯ୍ୟମୁଣ୍ଡା ଝାଡାବାନ୍ତିରେ ଜଣେ ମହିଳାଙ୍କ ମୃତ୍ୟୁ, ପୁଣି ୫ଆକ୍ରାନ୍ତ  ତରଭା, ୨୯/୭ (ସମିସ) ସୁବର୍ଣ୍ଣପୁର ଜିଲ୍ଲା ତରଭା ବ୍ଲକ ଦୁବୁଲା ପଞ୍ଚାୟତ ଅନ୍ତର୍ଗତ ସୂର୍ଯ୍ୟମୁଣ୍ଡା ଗ୍ରାମରେ ବ୍ୟାପିଥିବା ଝାଡାବାନ୍ତି ରୋଗରେ ଶୁକ୍ରବାର ସନ୍ଧ୍ୟା ୬ଟା ସୁଦ୍ଧା ୫୧ ଜଣ ଆକ୍ରାନ୍ତ ହେଲେଣି।ଏମାନଙ୍କ ମଧ୍ୟରୁ ଜଣେ ମହିଳା ଧନଦେଇ ସାହୁ (୩୨)ଙ୍କ ଗୁରୁବାର ରାତ୍ର ୧୧ଟାରେ ବୁର୍ଲା ଡାକ୍ତରଖାନାରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଯାଇଛି।ତାଙ୍କର ମର ଶରୀରକୁ ସୂର୍ଯ୍ୟମୁଣ୍ଡା ଗ୍ରାମକୁ ଆଣି ଏକ ଶୋକାକୁଳ ପରିବେଶରେ ଶେଷକୃତ୍ୟ ସମ୍ପନ୍ନ କରାଯାଇଛି।ସ୍ୱାମୀ ପାର୍ଥ ସାହୁ ମୁଖାଗ୍ନି ଦେଇଥିଲେ।ମୃତ ମହିଳାଙ୍କ ଗୋଟିଏ ୫ବର୍ଷର ଝିଅ ଓ ଅଢେଇ ବର୍ଷର ଏକ ପୁଅ ଅଛନ୍ତି। ଗତ ୨୪ତାରିଖରୁ ସୂର୍ଯ୍ୟମୁଣ୍ଡା ଗ୍ରାମରେ ଝାଡାବାନ୍ତି ରୋଗ ବ୍ୟାପିଲାଣି।ଗୁରୁବାର ସନ୍ଧ୍ୟା ସୁଦ୍ଧା ଏଥିରେ ଗ୍ରାମର ୪୬ଜଣ ଆକ୍ରାନ୍ତ ହୋଇ ଚିକିତ୍ସିତ ହେଉଥିଲେ।ଏମାନଙ୍କ ମଧ୍ୟରୁ ୨୫ଜଣ ସୁସ୍ଥ ହୋଇ ସାରିଥିବା ବେଳେ ଅନ୍ୟ ମାନଙ୍କ ଚିକିତ୍ସା ଚାଲିଥିଲା।ଶୁକ୍ରବାର ପୁଣି ୫ଜଣ ନୂଆ ରୋଗୀ ବାହାରିବା ପରେ ଆକ୍ରାନ୍ତଙ୍କ ସଂଖ୍ୟା ୫୧ରେ ପହଞ୍ଚିଲାଣି।ସୂର୍ଯ୍ୟମୁଣ୍ଡାରେ ଲାଗି ରହିଥିବା ଝାଡାବାନ୍ତି ରୋଗକୁ ରୋକିବାରେ ଜିଲ୍ଲା ପ୍ରଶାସନ ସକ୍ଷମ ହୋଇପାରୁନାହିଁ ଫଳରେ ପ୍ରତିଦିନ ନୂଆ ରୋଗୀ ବାହାରୁଛନ୍ତି। ଶୁକ୍ରବାର ତରଭା ବିଡ଼ିଓ (ଦାୟିତ୍ୱ) ନିରଞ୍ଜନ...

ଗାନ୍ଧିକେନାଲ ଅବସ୍ଥା ଶୋଚନୀୟ,ପାଣିପାଇଁ ଚାଷୀଙ୍କ ମନରେ ଅସନ୍ତୋଷ। ହରଭଙ୍ଗା :28/07. ଚାରି ଚାରିଥର କୃଷି କର୍ମଣ ପୁରସ୍କାର ବିଜେତା ଆମ ଓଡ଼ିଶା। କୃଷି ପାଇଁ ଚାଷୀ ଜମିରେ ପାଣି ଟୋପାଏ ପହଞ୍ଚାଇବାକୁ ସବୁବେଳେ ଆମ ସରକାର ଚେଷ୍ଟା କରୁଛନ୍ତି। ତେବେ ଏମିତି କିଛି ଜିଲ୍ଲା ଅଛି ଯେଉଁଠି ଆଖିଆଗରେ ଜଳ ଥାଇ ମଧ୍ୟ ଚାଷପୋଯୋଗୀ ହୋଇନପlରିବା କେତେଯେ ବିସ୍ମୟ କର ତାହା ହୃଦୟଙ୍ଗମ କରିଥିବେ ସରକାର। ଏଭଳି ଚିତ୍ର ଜିଲ୍ଲାର ହରଭଙ୍ଗା ବ୍ଲକ ରେ ଦେଖିବାକୁ ମିଳିଛି।ଚିର ସ୍ରୋତ ଲଷ୍ମୀନାଲ ରୁ ଚାଷ ଜମିପାଇଁ ଜଳ ବିନିଯୋଗ କରିବାପାଇଁ ତିଲେଶ୍ୱର ପଂଚାୟତ ମୂଷାଢ଼ ଠାରେ 2011ମସିହାରେ ଏକ କେନାଲ ନିର୍ମାଣ କରାଯାଇଥିଲା ଯେଉଁ କେନାଲଟି ଗାନ୍ଧୀ କେନାଲ ନାମରେ ନାମିତ।ଏହି କେନାଲ ରୁ ତିଲେଶ୍ୱର ପଂଚାୟତ ର ମୂଷାଢ଼, ତାକୁଡ଼, ଖଜୁରିଆ, ଛେଲ ଲେଣ୍ଡି, ମାଣିକ ପୁର, କୁଟୁଣିଆପଡା, ରାମଗଡ ପଂଚାୟତ ର ମହିବାହାଲ, କୋଇଲିସୁତା, ରାମଗଡ ଆଦି ଗ୍ରାମର ହଜାର ହଜାର ଏକର ଜମିରେ ପାଣି ମଡ଼ାଇ ଚାଷ କରିବା ପାଇଁ ନିର୍ଦ୍ଧାରିତ କରା ଯାଇଛି!କିନ୍ତୁ ଚାଷୀ ଙ୍କ ଦୁର୍ଭାଗ୍ୟ ପ୍ରତି ବର୍ଷ ଜଳକର ଦେଉଥିଲେ ବି ତଳ ମୁହଁl ରେ ଥିବା ରାମଗଡ ପଂଚାୟତ ଓ ତିଲେଶ୍ୱର ପଂଚାୟତ କିଛି ଗ୍ରାମ କହିବାକୁ ଗଲେ 80%ଜମିରେ ପାଣି ମିଳୁନି!ଏହାର କlରଣ ଇରିକେସନ ବିଭାଗ ଯାଣି ଚୁପ!ବିଗତ 13ବର୍ଷ ରେ ଥରେ ବି ସଂପୁର୍ଣ କେନାଲ କୁ ସଫା କରାଯାଇନି!ବିଭିନ୍ନ ସ୍ଥାନର...

 ସାମାନ୍ୟ କଥାରେ ସ୍ବାମୀ ସ୍ତ୍ରୀ କୁ ଭାତରନ୍ଧା ଚଟୁରେ ମୁଣ୍ଡକୁ ବାଡ଼େଇ ମାରିବା ପରେ ଥାନାରେ ଆତ୍ମ ସମର୍ପଣ। ମ ବୈଶିଙ୍ଗା:୨୯/୦୭(ଜଗନ୍ନାଥ ହେମ୍ବ୍ରମଙ୍କ ରିପୋର୍ଟ)ମୟୁରଭଞ୍ଜ ଜିଲ୍ଲା ବୈଶିଙ୍ଗା ଥାନା ଅଧିନ ମେର୍ଦା ପଞ୍ଚାୟତ ଅଧୀନ ସାତପଉଟିଆ ଗ୍ରାମରେ ଗୁରୁବାର ବିଳମ୍ବିତ ରାତିରେ ଘଟିଯାଇଥିବା ଜଘନ୍ୟ ହତ୍ୟାକାଣ୍ଡ ଘଟଣାରେ ଶୁକ୍ରବାର ହତ୍ୟାକାଣ୍ଡ ଜନିତ ମାମଲା ରୁଜୁ କରି  ସାଇଣ୍ଟିଫିକ ଟିମ ସହାୟତାରେ ହତ୍ୟାକାଣ୍ଡ ସ୍ଥାନରେ ସରଜମିନ ତଦନ୍ତ କଲା ବୈଶିଙ୍ଗା ପୁଲିସ। ମୃତା ମହିଳା ଜଣକ ହେଉଛନ୍ତି କାର୍ତ୍ତିକ ସିଂର ସ୍ତ୍ରୀ ମାଳତୀ ସିଂ(୩୫)। ସୂଚନାଯୋଗ୍ୟ,ପାରିବାରିକ କଳହକୁ କେନ୍ଦ୍ର କରି ପିଶାଚ ସ୍ୱାମୀ ଏକ ଭାତରନ୍ଧା ଚଟୁ ସାହାଯ୍ୟରେ ମାଳତୀଙ୍କ ମୁଣ୍ଡରେ ବାରମ୍ବାର ପ୍ରହାର କରି ଚାଲିବାରୁ ମାଳତୀଙ୍କର ଘଟଣା ସ୍ଥଳରେ ହିଁ ମୃତ୍ୟୁ ଘଟିଥିଲା। ତେବେ ହତ୍ୟା କରିବା ପରେ ବୈଶିଙ୍ଗା ଥାନାରେ ଆତ୍ମସମର୍ପଣ କରିଛି ଅଭିଯୁକ୍ତ ସ୍ୱାମୀ କାର୍ତ୍ତିକ ସିଂ। କୌଣସି କଥାକୁ ନେଇ କାର୍ତ୍ତିକ ସିଂ ଉତ୍ତ୍ୟକ୍ତ ହୋଇ ଭାତରନ୍ଧା ପାଇଁ ବ୍ୟବହୃତ ଏକ ବଡ ଆଲୁମିନିଅମ୍ ଚଟୁ ସାହାଯ୍ୟରେ ମାଳତୀର ମୁଣ୍ଡରେ ବାରମ୍ବାର ପ୍ରହାର କରି ଚାଲିଥିଲା। ପ୍ରବଳ ରକ୍ତସ୍ରାବ ହେବା ସହିତ ଘଟଣାସ୍ଥଳରେହିଁ ମାଳତୀଙ୍କ ମୃତ୍ୟୁ ଘଟିଥିବା ବେଳେ ଅଭିଯୁକ୍ତ କାର୍ତ୍ତିକ ରାତି ୨.୩୦ମିନିଟ୍‌ ପାଖାପାଖି ସମୟରେ ବୈଶିଙ୍ଗା ଥାନାକୁ ଆସି...

ବରଗଡ଼ ଜିଲ୍ଲା ପଦ୍ମପୁରରେ ଉଜ୍ୱଳ ଭାରତ ଉଜ୍ୱଳ ଭବିଷ୍ୟତ ବିଜୁଳି ମହୋତ୍ସବ ବରଗଡ଼:-( ବ୍ରାହ୍ମ ମୁହୂର୍ତ୍ତ ବ୍ୟୁରୋ) ଜିଲ୍ଲାର ପଦ୍ମପୁର ଅଞ୍ଚଳ କଲେଜଠାରେ ଉଜ୍ୱଳ ଭାରତ ଉଜ୍ୱଳ ଭବିଷ୍ୟତ ବିଜୁଳି ମହୋତ୍ସବଆୟୋଜିତ ହୋଇଯାଇଛି । ଭାରତ ସରକାରଙ୍କ ଶକ୍ତି ମନ୍ତ୍ରଣାଳୟ ଓ ରାଜ୍ୟ ସରକାରଙ୍କ ଶକ୍ତି ବିଭାଗ ପକ୍ଷରୁ ଆଜି ଆୟୋଜିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବରଗଡ଼ ଜିଲ୍ଲା ପରିଷଦ ଅଧ୍ୟକ୍ଷା ମାନିନୀ ଭୋଇ ଓ ସମ୍ମାନିତ ଅତିଥି ରୂପେ ବରଗଡ଼ ଅତିରିକ୍ତ ଜିଲ୍ଲାପାଳ ମିର୍ଦ୍ଧା ଟପ୍ପୋ ଯୋଗଦେଇ ଜୀବନରେ ବିଜୁଳିର ମହତ୍ଵପୂର୍ଣ୍ଣ ଭୂମିକା ତଥା ଭବିଷ୍ୟତ ପାଇଁ ଶକ୍ତି ସଂଚୟ ଉପରେ ଗୁରୁତ୍ୱାରୋପ କରିଥିଲେ । ସେହିପରି କେନ୍ଦ୍ର ଓଡ଼ିଶା ସରକାରଙ୍କ ଶକ୍ତି ବିଭାଗ ପକ୍ଷରୁ ଉପଭୋକ୍ତାଙ୍କୁ ଦିଆଯାଉଥିବା ସୁବିଧା ଏବଂ ଏହାର ସଦ୍‌ବିନିଯୋଗ ଉପରେ ଆଲୋଚନା କରିଥିଲେ । ଅଧ୍ୟାପିକା ଶ୍ରୀମତୀ ସଂଘମିତ୍ରା ମିଶ୍ରଙ୍କ ସଂଯୋଜନାରେ ଆୟୋଜିତ କାର୍ଯ୍ୟକ୍ରମରେ ଅନ୍ୟ ଅତିଥିମାନଙ୍କ ମଧ୍ୟରେ ପଦ୍ମପୁର ବିଜ୍ଞାପିତ ଅଞ୍ଚଳ ପରିଷଦର ଅଧ୍ୟକ୍ଷା ଶ୍ରୀମତୀ ସାବିତ୍ରୀ ଭୋଇ, ଅଞ୍ଚଳ କଲେଜର ଅଧ୍ୟକ୍ଷ ଡ଼ଃ ଲଲାଟେନ୍ଦୁ ନାୟକ, ଟିପିଡବ୍ଲୁଓଡିଏଲ୍‌ର ଅଧିକ୍ଷଣ ଯନ୍ତ୍ରୀ ସୁରେନ୍ଦ୍ର କୁମାର ହୋତା, ଏନ୍‌ଟିପିସିର ଅଧିକାରୀ ବିଦ୍ୟାଭୂଷଣ ମହାପାତ୍ର, ଓପିଟିସିଏଲ୍‌ର ଅଧିକାରୀ ରାଜା ମଣି ବାରିକ ଯୋଗଦେଇ ଥିଲେ । ଏହି ଅବସରରେ ଜନ ସଚେତନତା ସୃଷ...

ଭିଜିଲାନ୍ସ୍ ଜାଲରେ ଅମ୍ବାଭୋନା ତହସିଲକାର୍ଯ୍ୟାଳୟର ରେଭେନ୍ୟୁ ଆସିଷ୍ଟାଣ୍ଟ ବରଗଡ଼:-(ବ୍ରାହ୍ମ ମୁହୂର୍ତ୍ତ ବ୍ୟୁରୋ)  ଲାଞ୍ଚ କାରବାରରେ ରାଜ୍ୟରେ ଭିଜିଲାନ୍ସ୍ ହାତରେ ଧରାପଡୁଛନ୍ତି ଲାଞ୍ଚୁଆ ଅଧିକାରୀ । ବରଗଡ ଜିଲ୍ଲାର ଅମ୍ବାଭୋନା ତହସିଲ କାର୍ଯ୍ୟାଳୟରେ ଆଜି 5000 ଟଙ୍କା ଲାଞ୍ଚ ନେଲା ବେଳେ ଭିଜିଲାନ୍ସ ହାତରେ ଧରା ପଡିଲେ ଅମ୍ବାଭୋନା ତହସିଲ କାର୍ଯ୍ୟାଳୟ ସିନିୟର ରେଭେନ୍ୟୁ ଆସିସଟେଣ୍ଟ ବଳରାମ କଲାରୀ, ଡୁଙ୍ଗୁରି ଗାଁର ନୀତେଶ ପ୍ରଧାନଙ୍କ ଏକ ଜମି ମ୍ୟୁଟେସନ କରିବା ପାଇଁ ପାଞ୍ଚ ହଜାର ଟଙ୍କା ଲାଞ୍ଚ ନେଲା ବେଳେ ଧରାପଡ଼ିଲେ ସିନିୟର ରେଭେନ୍ୟୁ ଆସିଷ୍ଟାଣ୍ଟ। ଭିଜିଲାନ୍ସ ବିଭାଗ ପକ୍ଷରୁ ଖୋଳତାଡ଼ ଜାରି, ଅଭିଯୁକ୍ତ ଅଟକ ରଖି ଖୋଲତାଡ ଜାରୀ ରହିଥିବାର ସୂଚନା ରହିଛି ।

ଧାନ ରୋଇବା ସମୟରେ ବଜ୍ରପାତ,ଟଳି ପଡିଲେ ମହିଳା । (ବିଜାତାଳ ବ୍ଳକରୁ ଯଦୂନାଥ ଟୁଡୁଙ୍କ ରିପୋର୍ଟ) ବିଶୋଇ/ମୟୂରଭଞ୍ଜ:- "କପାଳ ଲିଖନ କେ କରିବ ଆନ", ସବୁଦିନ ଭଳି ଶୁକ୍ରବାର ଦିନ ଧାନ ରୋଇବା ପାଇଁ ଘରୁ ବାହାରିଥିଲେ ଲୁହାକାନୀ ଗ୍ରାମ ପଞ୍ଚାୟତର କରଞ୍ଜେଇ ଗ୍ରାମର ମାଇନ ହେମ୍ବ୍ରମ (୫୮)। ଅପରାହ୍ନ ଗୋଟାଏ ତିରିଶି ମିନିଟ ସମୟ ହେବ ସ୍ବାମୀ ଦୁର୍ଗା ହେମ୍ବ୍ରମ ଏବଂ ସ୍ତ୍ରୀ ମାଇନ ହେମ୍ବ୍ରମ ଧାନ ବିଲରେ କାର୍ଯ୍ୟରତ ଥିବା ବେଳେ ହଠାତ୍ ଘଡ଼ଘଡ଼ି ଗର୍ଜି ଉଠି ଥିଲା। ହେଲେ କିଏ ଜାଣିଥିଲା ଯେ,ମାଇନ ହେମ୍ବ୍ରମର କାଳ ସାଜି ଆସିଥିଲା ସେହି ଘଡ଼ଘଡ଼ି। କିଛି ବୁଝିବା ପୂର୍ବରୁ ବଜ୍ରାଘାତରେ ଯେଉଁଠି ଠିଆ ହୋଇ ଧାନ ରୋଉଥିଲେ ମାଇନ ସେହି ସ୍ଥାନରେ ହିଁ ଟଳି ପଡ଼ି ଥିଲେ। ସଙ୍ଗେସଙ୍ଗେ ତାଙ୍କୁ ବିଜାତାଳ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ନେଇଥିଲେ କିନ୍ତୁ ଡ଼ାକ୍ତର ତାଙ୍କୁ ମୃତ ଘୋଷଣା କରିଥିଲେ।ଶବ ବ୍ୟବଚ୍ଛେଦ ପାଇଁ ରାଇରଙ୍ଗପୁର ପଠାଯାଇଥିବା ବେଳେ ଅଞ୍ଚଳରେ ଶୋକର ଛାୟା ଖେଳି ଯାଇଥିଲା।

ବୌଦ୍ଧ: ବୌଦ୍ଧ ଜିଲ୍ଲା ପାଣ ଗଣ୍ଡା ବିକାଶ ପରିଷଦ ତରଫରୁ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ। ରିପୋର୍ଟର: ପ୍ରଶାନ୍ତ କୁମାର ପ୍ରଧାନ ବୌଦ୍ଧ: ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ରାଧାନଗର ପଞ୍ଚାୟତ ଅନ୍ତର୍ଗତ ଗାନ୍ଧି ଗ୍ରାମରେ ବୌଦ୍ଧ ଜିଲ୍ଲା ପାଣ ଗଣ୍ଡା ବିକାଶ ପରିଷଦ ପକ୍ଷରୁ ଆଜି ଏକ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।ଏହି କାର୍ଯ୍ୟକ୍ରମଟି ରାଧାନଗର୍ ପଞ୍ଚାୟତ ସରପଞ୍ଚ ଗଣେଶ ବେହେରା ଓ ମଥୁରା ଗ୍ରାମ ପଞ୍ଚାୟତ ସରପଞ୍ଚ ପ୍ରତିପ କହଁର ଙ୍କ ତତ୍ତ୍ୱାବଧାନରେ ଅନୁଷ୍ଠିତ ହୋଇଥିଲା।ଏହି କାର୍ଯ୍ୟକ୍ରମରେ ସମୁଦାୟ ୫୦ ଗୋଟି ଆମ୍ବ ଗଛ ଚାରା ରୋପଣ କରାଯାଇଛି। ପାଣ ଗଣ୍ଡା ବିକାଶ ପରିଷଦ ସଂଗଠନ ର ସମ୍ପାଦକ ସୁଧାଂଶୁ ଡ଼ାଙ୍ଗ,ଉପ ସଭାପତି ରୋହିତ କହଁର ,ସଂଗଠନର କାର୍ଯ୍ୟକାରିଣୀ ସଦସ୍ୟ ପ୍ରମୋଦ ସାହାଣୀ,ସଂଗଠନର ମାର୍ଗ ଦର୍ଶକ ଶମ୍ଭୁନାଥ ମହାନନ୍ଦିଆ ଏବଂ ବିଚିତ୍ର କହଁର ଉପସ୍ଥିତ ଥିଲେ।ଅନ୍ୟ ମାନଙ୍କ ମଧ୍ୟରେ ଗ୍ରାମ୍ୟ ସଭାପତି ବନେଇ କହଁର ,ରଧାନଗର ପଞ୍ଚାୟତ ସଭାପତି ଚିତ୍ରସେନ ବେହେରା ,ବ୍ଲକ କୋଡ଼ିନେଟର ଉଗ୍ରସେନ ହାତୀ,ସମ୍ପୋଚ ପଞ୍ଚାୟତ ବ୍ଲକ କୋଡ଼ିନେଟର ଭୀମସେନ କହଁର ସରସରା ପଞ୍ଚାୟତ ସମ୍ପାଦକ ପଙ୍କଜ କହଁର,ଏବଂ ସମାଜସେବୀ ଡାକ୍ତର ବେହେରା,ଅଶୋକ ମହାନନ୍ଦିଆ ହିମାଂଶୁ ବେହେରା,ଗଣେଶ ବେହେରା ,ପ୍ରଶାନ୍ତ କହଁର ନିହାର ରଞ୍ଜନ ମହାନନ୍ଦିଆ,ସୁରେଶ ବେହେରା,ବ୍ରହ୍ମ ପୋଢ଼,ବିଜୟ କହଁର,ଉମେଶ କହଁର,ସ...

ବୀରମହାରାଜପୁର ରେ ଉପଖଣ୍ଡ ସ୍ତରୀୟ ବିଦ୍ୟୁତ ମହୋତ୍ସବ ପାଳନ, ଶକ୍ତି  କ୍ଷେତ୍ରରେ ଭିଜନ 2047 ସାକାର କରିବା ସଂକଳ୍ପ l ବୀରମହାରାଜପୁର ,ତା 29/07/22 ଆଜାଦୀ କା ଅମୃତ ମହୋତ୍ସବ ଉପଲକ୍ଷେ ସାରା ଦେଶରେ ଉଜ୍ୱଳ ଭାରତ-ଉଜ୍ଜ୍ଵଳ ଭବିଷ୍ୟତ କାର୍ଯ୍ୟକ୍ରମ ପାଳନ ହେଉଛି। ଏହି କ୍ରମରେ ଆଜି ବୀରମହାରାଜପୁର ରେ ଉପଖଣ୍ଡ ସ୍ତରୀୟ ବିଦ୍ୟୁତ ଉତ୍ସବସ୍ଥାନୀୟ କଲ୍ୟାଣମଣ୍ଡପ ଠାରେ ବ୍ଲକ ପ୍ରଶାସନ ଆନୁକୂଲ୍ୟରେ କେନ୍ଦ୍ର ଓ ରାଜ୍ୟର  ଶକ୍ତି ବିଭାଗ ପକ୍ଷରୁ ଏନ ଟି ପି ସି, ଓ ପି ଟି ସି ଏଲ, ଟି ପି ଓ ଡବ୍ଲୁ ଡି ଏଲ ଙ୍କ ସହଯୋଗରେ ଆୟୋଜିତ ହୋଇ ଯାଇଛି l ଅନୁଷ୍ଠିତ ଉତ୍ସବରେ ମୁଖ୍ୟ ଅତିଥି ଭାବରେ ଜିଲ୍ଲାପରିଷଦ ଅଧ୍ୟକ୍ଷା ଶ୍ରୀମତୀ ସୁପାର ଠେଲା ସମ୍ମାନିତ  ଅତିଥି ଭାବେ ଜିଲ୍ଲାପରିଷଦ ଉପାଧ୍ୟକ୍ଷ ଶ୍ରୀ ଝସକେତନ ବଘାର ,  ବୀରମହାରାଜପୁର ବ୍ଲକ ଅଧ୍ୟକ୍ଷl  ଶାନ୍ତି ଲୁହା,  ଜିଲ୍ଲା  ପରିଷଦ  ଜୋନ ଏକ ସଦସ୍ୟ ଲବ କୁମାର ସାହୁ, ଏମ୍ ପି ନୋମିନି ନଳିନୀ ପଣ୍ଡା, ବ୍ଲକ  ଉପାଧ୍ୟକ୍ଷ ନାରାୟଣ ଲୁହା ପ୍ରମୁଖ ଯୋଗଦାନ କରିଥିଲେ l ପ୍ରାରମ୍ଭ ରେ  ଗୋଷ୍ଠୀ ଉନ୍ନୟନ ଅଧିକାରୀ ମୋତିଲାଲ ଶୁଲିଆ  ସଭାର ଉଦ୍ଦେଶ୍ଯ  ସମ୍ବନ୍ଧରେ  ଆଲୋକପାତ କରିଥିଲେ I ଏବେ ଦେଶରେ ଉଭୟ ରାଜ୍ୟ  ଏବଂ କେନ୍ଦ୍ର ସରକାରଙ୍କ  ପ୍ରଚେଷ୍ଟାରେ ଏବଂ ଜନସାଧାରଣଙ୍କ  ...

ଗରିବସେନା ତରଫରୁ ଜିଲ୍ଲାପାଳ କାର୍ଯ୍ୟାଳୟ ଘେରାଉ ଓ ବିକ୍ଷୋବ ପ୍ରଦର୍ଶନ । ପୁଲିସ ଓ ପ୍ରଦର୍ଶନ କାରୀ ମଧ୍ୟରେ ଧସ୍ତା ଧସ୍ତି । ନୂଆପଡା (  ବ୍ରାହ୍ମ ମୁହୂର୍ତ୍ତ ବ୍ୟୁରୋ)୨୭/୭ ଆଜି ଗରିବସେନା ଆବାହକ ରବି ମଙ୍ଗରାଜ ଙ୍କ ନେତୃତ୍ୱରେ ଶତାଧିକ ଆବାସ ଯୋଜନାରେ ସାମିଲ ଥିବା ଓ ନ ଥିବା ହିତାଧିକାରୀ ଜିଲ୍ଲାପାଳ କାର୍ଯ୍ୟାଳୟ ସମ୍ମୁଖରେ ଉପସ୍ଥିତ ହୋଇ ବିକ୍ଷୋବ ପ୍ରଦର୍ଶନ କରିବା ସଙ୍ଗେ ସଙ୍ଗେ କାର୍ଯ୍ୟାଳୟ ପରିସର ଭିତରକୁ ଧସେଇ ପଶିବାକୁ ଚେଷ୍ଠା କରଥିଲେ ସେଭଳି ପୁଲିସ ଓ ଆନ୍ଦୋଳନକାରୀ ମଧ୍ୟରେ ୨୦ମିନିଟ ଧରି ଧସ୍ତାଧସ୍ତି ହୋଇଥିଲା । ପୁଲିସ ଅଟକାଇବାକୁ ଯାଇ ପୋଲିସ ପ୍ରଶାସନକୁ ନାକେଦମ ହେବାକୁ ପଡିଥିଲା। ପରେ ନୂଆପଡା ଏସଡିପିଓ ପ୍ରଶାନ୍ତ ପଟ୍ଟନାୟକ ଙ୍କ ହସ୍ତକ୍ଷେପ ତଥା ଶ୍ରୀ ମଙ୍ଗରାଜଙ୍କ ଅନୁରୋଧ କ୍ରମେ ବିକ୍ଷୋବ କାରୀ ଶାନ୍ତ ହୋଇଥିଲେ। ପରେ ଏକ ପାଞ୍ଚ ଦଫା ଦାବି ପତ୍ର ମୁଖ୍ୟ ମନ୍ତ୍ରୀଙ୍କ ଉଦ୍ୟେସରେ ଜିଲ୍ଲାପାଳ ଙ୍କ ଅନୁପସ୍ଥିତ ରେ ଉପଜିଲ୍ଲାପାଳ ଙ୍କୁ ପ୍ରଦାନ କରିଥିଲେ। ପ୍ରଦତ୍ତ ୫ ଦଫା ଦାବି ପତ୍ର ଅନୁଯାୟୀ ସମସ୍ତ ଯୋଗ୍ୟ ହିତାଧିକାରୀ ଙ୍କୁ ଆବାସ ଘର ପ୍ରଦାନ, ଅଟକଳ ରେ ୫୦୦୦୦ ଟଙ୍କା ବୃଦ୍ଧି, ଘର ନିର୍ମାଣ ସାରିଲାପରେ ବକେୟା ମନରେଗା ପାଉଣା ପ୍ରଦାନ, ପୁନର୍ବାର ସର୍ଭେ କରି ପ୍ରକୃତ ହିତାଧିକାରୀଙ୍କ ନାମ ପଞ୍ଜିକରଣ, ସରକାରଙ୍କ ଦ୍ୱାରା ନିର୍ଦ୍ଧାରିତ ମରାମତି ଟଙ୍କା ତୁରନ୍ତ ପ୍ରଦାନ ଆଦି...

ବୌଦ୍ଧ:ଅବସର ନେବାକୁ ୩ଦିନ ବାକି,ଜିଲ୍ଲାପାଳ ଭୁଲିଗଲେ ନିଜର ପ୍ରତିଶ୍ରୁତି,ଅବ୍ୟବସ୍ଥା ଘେରରେ ମନମୁଣ୍ଡା।ଜିଲ୍ଲାପାଳ ଙ୍କୁ ଘାରିଛି ଅନୁକୂଳ ଓ ଉଦ୍ଘାଟନୀ ନିଶା। ରିପୋର୍ଟର: ପ୍ରଶାନ୍ତ କୁମାର ପ୍ରଧାନ। ବୌଦ୍ଧ- ସରକାର ଗରିବ ଜନସାଧାରଣ ଙ୍କ ପ୍ରିୟ ଭାଜନ ହେବାପାଇଁ ବିଭିନ୍ନ ଯୋଜନା ପ୍ରଣୟନ କରି କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି ।ହେଲେ ବିଭାଗୀୟ ଅଧିକାରୀଙ୍କ ଆନ୍ତରିକତା ଅଭାବ କିମ୍ବା ଖାମଖିଆଲି ମନୋଭାବ ପାଇଁ ପ୍ରାୟ ହିତାଧିକାରୀମାନେ ଯୋଜନାର ସୁଫଳ ପାଇବାରୁ ବଞ୍ଚିତ ହେଉଛନ୍ତି ।ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ମନମୁଣ୍ଡା ସହରଟି ବିଭିନ୍ନ ପ୍ରକାର ଅବ୍ୟବସ୍ଥା ଘେରରେ ରହିଥିବା  ମନମୁଣ୍ଡା ଅଞ୍ଚଳବାସୀ ପ୍ରଶାସନ ନିକଟରେ ବିଭିନ୍ନ ସମୟରେ ଅଭିଯୋଗ କରି ଆସୁଛନ୍ତି ।ସେହି ଅଭିଯୋଗ ଗୁଡିକ ଆଖି ଆଗରେ ରଖି ଜିଲ୍ଲାପାଳ ଲଲାଟେନ୍ଦୁ ମିଶ୍ର ମନମୁଣ୍ଡା ଅବ୍ୟବସ୍ଥାକୁ ସୁଧାରିବାକୁ  ଅନେକ ପ୍ରତିଶ୍ରୁତି ଦେଇଥିଲେ ।ଏହି ମନମୁଣ୍ଡା ସହର ଦେଇ ଖୋର୍ଦ୍ଧା - ବଲାଙ୍ଗୀର ୫୭ନମ୍ବର ଜାତୀୟ ରାଜପଥ ଯାଇଛି ।ସେଥିପାଇଁ ମନମୁଣ୍ଡା ଠାରେ ଅତ୍ୟାଧୁନିକ ବସ ଷ୍ଟାଣ୍ଡ ନିର୍ମାଣ କରିବା,ଅସୁରଗଡ ଠାରେ ପାର୍କ ନିର୍ମାଣ ,ଗାନ୍ଧୀ ଛକ ଠାରେ ଗୋଲେଇକରଣ କରି ଛକ ନିର୍ମାଣ ,ବର୍ଷା ଆରମ୍ଭ ହେବା ପୂର୍ବରୁ ବୌଦ୍ଧ ମୂର୍ତ୍ତି କାମ ସମ୍ପୂର୍ଣ୍ଣ ସହ ବୁଦ୍ଧ ପାର୍କ କାମ ଶେଷ  କରିବାକୁ ସହରବାସୀଙ୍କୁ ପ୍ରତିଶ୍ରୁତି ଦ...

ବଡ଼ଭାଇର ମୃତ୍ୟୁ ଖବରପାଇ, ବିଷ ପିଇଦେଲା ସାନଭାଇ ବଲାଙ୍ଗୀର/ପାଟଣାଗଡ଼ , ତାରିଖ‐୨୮/୦୭/୨୦୨୨ ( ଜଗନ୍ନାଥ ଧରୁଆ ଙ୍କ ରିପୋର୍ଟ ) ବଲାଙ୍ଗୀରଜିଲ୍ଲା ବେଲପଡା ଥାନା ଅନ୍ତର୍ଗତ ବାଗଦୋର ପଞ୍ଚାୟତ କୁମ୍ଭାରଖୁନି ଗାଁରେ ଘଟିଛି ଦୁଃଖଦ ଘଟଣା ! ବଡ଼ଭାଇ ପାଣିରେ ମାଛ ଧରୁଥିବା ସମୟରେ ବୁଡି ମୃତ୍ୟୁ ହୋଇଥିବା ଖବର ପାଇ ସାନ ଭାଇ ବିଷ ପିଇ ଦେଲା ! ସୂଚନା ଅନୁଯାୟୀ ଡମ୍ବରୁ ପୁଟେଲ ତାଙ୍କ ଗାଁର ଗାଧାର ପ୍ରଜେକ୍ଟ କେନାଲକୁ ତିନି ସାଙ୍ଗ ସହିତ ମାଛ ଧରିବା ପାଇଁ ଯାଇ ଥିବା ବେଲେ ପାଣିରେ ବୁଡି ମୃତ୍ୟୁ ହୋଇ ଯାଇ ଥିଲା ! ତାଙ୍କ ପରିବାରକୁ ଖବର ଦେଲା ପରେ ତାଙ୍କ ସାନ ଭାଇ ବିଶ୍ୱଜିତ ମୃତ୍ୟୁ ଖବର ପାଇ ଦୁଃଖରେ ଭାଙ୍ଗିପଡି ବିଷ ପିଇ ଆତ୍ମ ହତ୍ୟା ଉଦ୍ୟମ କରିଥିଲେ ! ସେ ବେଶି ଗୁରୁତର ଅସୁସ୍ଥ ହେବାରୁ ସଙ୍ଗେସଙ୍ଗେ ବେଲପଡା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଚିକିତ୍ସା କରି ଥିଲେ ପରେ ବେଶି ଗୁରୁତର ହେବାରୁ ପାଟଣାଗଡ଼ ମୁଖ୍ୟ ଡାକ୍ତରଖାନାକୁ ଆଣି ଭର୍ତ୍ତି କରିଥିଲେ ! ଡାକ୍ତର ବଲାଙ୍ଗୀର ଭୀମଭୋଇ ମେଡିକାଲକୁ ରେଫର କରୁଥିଲେ କିନ୍ତୁ ରାଜ୍ୟସଭା ସଦସ୍ୟ ନିରଞ୍ଜନ ବିଶିଙ୍କ ହସ୍ତକ୍ଷେପ ପରେ ପାଟଣାଗଡ଼ ଡାକ୍ତରଖାନାରେ ହିଁ ଚିକିତ୍ସିତ ହେଉଛି !

ମହଙ୍ଗା ପଡିଲା ବୁଢ଼ା ବୟସରେ ନାବାଳିକା ସହ ପ୍ରେମ ସମ୍ପର୍କ ରଖିବା, ଏବେ ଜେଲର ଅନ୍ଧାରୀ କୋଠରୀରେ। ବୈଶିଙ୍ଗା:୨୮/୦୭(ଜଗନ୍ନାଥ ହେମ୍ବ୍ରମଙ୍କ ରିପୋର୍ଟ)ମୟୁରଭଞ୍ଜ ଜିଲ୍ଲା ବୈଶିଙ୍ଗା ଥାନା ଅଞ୍ଚଳର ଜୈନକା ୧୫ ବର୍ଷିୟା ନାବାଳିକାଙ୍କୁ ସେହି ଗ୍ରାମର ସମ୍ପର୍କୀୟ ଅଜା ସହଦେବ ମାଝୀ ଦୁଇମାସ ଧରି ବାରମ୍ବାର ଦୁଷ୍କର୍ମ କରିଥିବାର ଅଭିଯୋଗ ହୋଇଥିବା ଜଣାଯାଇଛି। ସୂଚନାଯୋଗ୍ୟ ନାବାଳିକାଟି ଦୁଇବର୍ଷ ପୂର୍ବେ ବାପାଙ୍କୁ ହରାଇବା ପରେ କିଛିଦିନ ଅନ୍ତରରେ ତା'ର ମାଆ ଅନ୍ୟତ୍ର ପଳାଇଥିଲା।ଏହାର ସୁଯୋଗ ନେଇ ସେହି ଗ୍ରାମର ସମ୍ପର୍କୀୟ ଅଜା ସହଦେବ ମାଝୀ (୬୧) ନାବାଳିକାଟିକୁ ଏକ ମୋବାଇଲ ଫୋନ ଦେଇଥିଲା। ଏକୁଟିଆ ଥିବା ବେଳେ ଫୋନ ଯୋଗେ ନାବାଳିକାଟିକୁ ନିଜ ଘରକୁ ଡାକି ବାରମ୍ବାର ଦୁଷ୍କର୍ମ କରି ଆସୁଥିଲା। କିଛିଦିନ ପରେ ନାବାଳିକାଟିକୁ ଫୋନ୍ କରିବା ପରେ  ସେ ନ ଆସିବାରୁ ସହଦେବର ଜ୍ୱାଇଁକୁ ପଠାଇ ନାବାଳିକା ଠାରୁ ଫୋନଟିକୁ ଜୋର ଜବରଦସ୍ତ ନେଇ ଆସିଥିଲା। ଏହାପରେ ନାବାଳିକାଟି ବଡ ବାପା ଓ ବଡ ମାଆଙ୍କୁ ସମସ୍ତ ବିଷୟ କହିଥିଲା। ଏ ନେଇ ଗ୍ରାମରେ  ବୈଠକ ବସି ବିଚାର କରାଯାଇଥିଲା। ସେ ବିଚାରକୁ ସହଦେବ ନ ମାନିବାରୁ ବୈଶିଙ୍ଗା ଥାନାରେ ଅଭିଯୋଗ କରାଯାଇଥିଲା। ଅଭିଯୋଗ ପାଇ ବୁଧବାର ରାତିରେ ବୈଶିଙ୍ଗା ଥାନାର ଅଧିକାରୀ ପ୍ରଭାଂଶୁ ଶେଖର ମିଶ୍ର,ଏସ୍‌ଆଇ ଅନିତା ସ୍ୱାଇଁ,ଏଏସଆଇ ଭାଗିରଥି ମହାନ୍ତଙ୍କ ସମେତ ଦଳବଳ ନ...

ବୈଶିଙ୍ଗା ପୋଲିସ ପାଖରେ ମୁଣ୍ଡ ନୁଆଁଇଲେ ଦାଦାଗିରି କରୁଥିବା ମାଗଣା ଖିଆ ମାନେ। ବୈଶିଙ୍ଗା:୨୮/୦୭(ଜଗନ୍ନାଥ ହେମ୍ବ୍ରମଙ୍କ ରିପୋର୍ଟ )ମୟୁରଭଞ୍ଜ ଜିଲ୍ଲା ବୈଶିଙ୍ଗା ଥାନା ଅଧିନ ୧୮ନଂ ଜାତୀୟ ରାଜପଥ ପାର୍ଶ୍ବର  ଗଡଦେଉଳିଆ ଠାରେ ଥିବା ମ୍ୟାନେଜର ସିଂ ଢାବାରେ ଏକ ମାସ ପୂର୍ବେ ଖାଇ ସାରିବା ପରେ ଟଙ୍କା ମାଗିବାରୁ ହୋଟେଲ କର୍ମଚାରୀଙ୍କୁ ସଂଘବଦ୍ଧ ଭାବେ ଆକ୍ରମଣ ହୋଇଥିଲା। ଏହି ଘଟଣାର ମୂଖ୍ୟ ଅଭିଯୁକ୍ତ କୁହାଯାଉଥିବା ଜିତ ପଟ୍ଟନାୟକଙ୍କୁ ଗୁରୁବାର ଗିରଫ କରି କୋର୍ଟ ଚାଲାଣ କରିଛି ବୈଶିଙ୍ଗା ପୁଲିସ। ସୂଚନା ମୁତାବକ ଏକ ବାହାଘର ଭୋଜିରୁ ଫେରିବା ବାଟରେ ଏହି ଢାବାରେ ଖାଇସାରି ଟଙ୍କା ନଦେଇ ଓଲଟା ଢାବା କର୍ମଚାରୀଙ୍କୁ ଆକ୍ରମଣ କରଯାଇଥିଲା। ଏଥିରେ ଢାବା ମାଲିକଙ୍କ ଭାଇ ବିପିନ ସିଂ,କର୍ମଚାରୀ ବେତନଟୀ ଅଞ୍ଚଳର ସୁରଜ ସିଂ,ଜଙ୍ଖରାଇ ଗ୍ରାମର ଏସ୍‌କେ ଜାକିର ହୁସେନ୍‌ ଓ ହାତୀଝୁରି ଗ୍ରାମର ଲିଟୁ ମହାନ୍ତ ଆହତ ହୋଇଥିଲେ। ଏ ନେଇ ୧୭୨/୨୨ ରେ ଥାନାରେ ମାମଲା ରୁଜୁ ହୋଇଥିଲା। ହେଲେ ଅଭିଯୁକ୍ତମାନେ ଘଟଣା ପରଠାରୁ ଫେରାର ଥିବା କହୁଥିଲା ପୁଲିସ। ବୁଧବାର ରାତିରେ ବିଶେଷ ସୂତ୍ରରୁ ଖବର ପାଇ ଥାନା ଅଧିକାରୀ ପ୍ରଭାଂଶୁ ଶେଖର ମିଶ୍ରଙ୍କ ଏକ ଟିମ ବାରିପଦା ଅଞ୍ଚଳରେ ଚଢ଼ାଉ କରି ଅଭିଯୁକ୍ତ ଜିତ ପଟ୍ଟନାୟକଙ୍କୁ ଗିରଫ କରିଥିଲା ପୁଲିସ।

ବୌଦ୍ଧ: କୋଶଳ ରାଜ୍ୟ ଦାବିରେ ୨ ଘଣ୍ଟିଆ ବନ୍ଦ ଡାକରା ଶାନ୍ତିର ସହ ସମାପନ। ରିପୋର୍ଟର: ପ୍ରଶାନ୍ତ କୁମାର ପ୍ରଧାନ ବୌଦ୍ଧ: କୋଶଳ ରାଜ୍ୟ ଦାବିରେ ଆଜି kmm କୋଶଳ ମାଟି ମଞ୍ଚ ତରଫରୁ ୨ ଘଣ୍ଟିଆ ବନ୍ଦ ଡାକରା ଶାନ୍ତିର ସହ ଶେଷ ହୋଇଛି। ପଶ୍ଚିମ ଓଡ଼ିଶା କୁ ଅଣଦେଖା କରୁଥିବା ରାଜ୍ୟ ସରକାର ଙ୍କ ଠାରୁ ଆମର ମାଟିର ମହକ ଛଡ଼ାଇବାକୁ ପ୍ରସ୍ତୁତ ବୋଲି କୁହନ୍ତି ଆନ୍ଦୋଳନକାରୀ।ଗତ ଜୁଲାଇ ୫ ତାରିଖ ରେ କୋଶଳ ସଂଗ୍ରାମୀ ତଥା ପଶ୍ଚିମ ଓଡ଼ିଶାର ପ୍ରତ୍ୟେକ କୋଣ ଅନୁକୋଣ ରୁ ଅନେକ କୋଶଳ ସଂଗ୍ରାମୀ ଭୁବନେଶ୍ୱର ଠାରେ ଏକାଠି ହୋଇ ବିଧାନ ସଭା ସମ୍ମୁଖରେ ଜୋରଦାର ଆନ୍ଦୋଳନ କରିଥିବା ବେଳେ ଏପର୍ଯ୍ୟନ୍ତ ରାଜ୍ୟ ସରକାର କୋଶଳ ରାଜ୍ୟ ଉପରେ କିଛି ବି ଆଲୋଚନା କରିନାହାନ୍ତି। ସମସ୍ତ ରାଜ୍ୟ ରାଜପଥ ଓଡ଼ିଶାକୁ ସଂଯୋଗ କରୁଥିବା ସ୍ଥାନ ମାନଙ୍କରେ ଏହି ବନ୍ଦ କରାଯାଇଥିବା ବେଳେ ତେଣୁ କରି ଆଜି ବୌଦ୍ଧ ଜିଲ୍ଲା  ଦେଇ ଯାଇଥିବା ୫୭ ନମ୍ୱର ଜାତୀୟ ରାଜପଥ ମନ ମୁଣ୍ଡା ଠାରେ କୋଶଳ ମଞ୍ଚ ତରଫରୁ ମିଳିତ ଭାବେ ଏକାଠି ହୋଇ ସକାଳ ୧୦ ଘଣ୍ଟାରୁ ୧୨ ଟା ଯାଏଁ ସମସ୍ତ ଯାନ ବାହନ କୁ ସମ୍ପୂର୍ଣ୍ଣ ରୂପେ ବନ୍ଦ୍ କରିଥିବା ଦେଖିବାକୁ ମିଳିଥିଲା। ଆଜିର ଏହି ବନ୍ଦ୍ ପାଳନ ଅର୍ଥନୈତିକ ଅବରୋଧ ମାତ୍ର ଆଉ କ୍ଷୀର ଠୁ ନିର ସବୁ ବନ୍ଦ କରି ଦିଆଯିବ ବୋଲି ନାରାବାଜି ଦେଉଥିବା ବେଳେ ଜୟ କୋଶଳ ରେ କମ୍ପି ଉଠିଥିଲା ରାସ୍ତା ଅବରୋଧ କରିଥିବା ସ୍ଥାନ। ଆଗକ...

ବୌଦ୍ଧ;ବ୍ୟାଙ୍କ୍ କୁ ଯିବା ବାଟରେ ଛାତ୍ର ନିଖୋଜ ହେବା ଘଟଣା ୧୨ ଦିନ ପରେ ଫେରିପାଇଲେ ପରିବାର ଲୋକେ। ରିପୋର୍ଟର: ପ୍ରଶାନ୍ତ କୁମାର ପ୍ରଧାନ ବୌଦ୍ଧ: ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ମନ ମୁଣ୍ଡା ଥାନା  ଅନ୍ତର୍ଗତ ରାବୀଡି ଗ୍ରାମର ନରେନ୍ଦ୍ର ଭୋଇ ଙ୍କ ପୁତ୍ର ସମ୍ରାଟ ଭୋଇ (୧୭) ତା ୧୬/୭/୨୨ ଶନିବାର ସକାଳ ପ୍ରାୟ ୧୧ ଘଣ୍ଟା ସମୟରେ ସୋନପୁର ଜିଲ୍ଲା ସଦର ପଞ୍ଜାବ ନେସନାଲ ବ୍ୟାଙ୍କ୍ କୁ ଯାଉଛି କହି ନିଜ ବାଇକ୍ ଯୋଗେ ନିଜ ଘର ରାବିଡୀ ରୁ ବାହାରିଥିଲେ।ସୁରେଶ୍ଵରୀ ମନ୍ଦିର ନିକଟସ୍ଥ ନିଜ ସମ୍ପର୍କୀୟ ଭଡ଼ାରେ ରହୁଥିବା ବେଳେ ତାଙ୍କ ଘରକୁ ଯାଇ ନିଜର ବାଇକ୍ ଓ ବାଇକ୍ ଚାବି ,ମୋବାଇଲ ସ୍ୱିଚ ଅଫ କରି ରଖିଦେଇ ବ୍ୟାଙ୍କରୁ ଆସୁଛି କହି ଆଉ ଫେରିନଥିଲେ ।ସନ୍ଧ୍ୟା ହେବା ପର୍ଯ୍ୟନ୍ତ ସମ୍ରାଟ ଘରକୁ ନ ଆସିବାରୁ ପରିବାର ଲୋକ ଖୋଜା ଖୁଜି କରି ପାଇନଥିଲେ ପରେ ସୋନପୁର ରେ ଥିବା ସମ୍ପର୍କୀୟ ଘରକୁ ଆସି ପଚାରିବାରୁ ବାଇକ୍ ଓ ମୋବ ରଖିଦେଇଥିବା ବେଳେ ପରିବାର ଲୋକଙ୍କ  ସମ୍ରାଟ କୁଆଡେ ଚାଲିଯାଇଥିବା ନେଇ ମନ ମୁଣ୍ଡା ଥାନାରେ ଲିଖିତ ଅଭିଯୋଗ କରିଥିଲେ।ସେ ପ୍ଲସ ଟୁ ଶ୍ରେଣୀର ଦ୍ୱିତୀୟ ବର୍ଷ ଛାତ୍ର ଥିବା ବେଳେ ଅନୁଗୁଳ ସ୍ଥିତ ଅଟୋ ନମସ କଲେଜ ର ଛାତ୍ର ଥିଲେ।ଯଦି କେହି ସହୃଦୟ ବ୍ୟକ୍ତି ସମ୍ରାଟ ଭୋଇଙ୍କ ବାବଦରେ କିଛି ସୁରାକ ପାଆନ୍ତି କି ଦେଖନ୍ତି ତାହା ହେଲେ 91249 94842,93481 48894 ରେ ଯୋଗାଯୋଗ କରିବାକ...

ଜଙ୍ଗଲ ସଂରକ୍ଷଣ ନିୟମାବଳୀ-୨୦୨୨ ନାମରେ ସଂଶୋଧନ ପ୍ରତ୍ୟାହାର ଦାବିରେ ପ୍ରତିବାଦ ବିକ୍ଷୋଭ ଭୁବନେଶ୍ୱର, ତା ୨୮/୦୭ : ଗତ ୨୮ ଜୁନ ୨୦୨୨ ଦିନ କେନ୍ଦ୍ର ଜଙ୍ଗଲ ପରିବେଶ ଏବଂ ଜଳବାୟୁ ପରିବର୍ତ୍ତନ ମନ୍ତ୍ରଣାଳୟ ଦ୍ୱାରା ଜାରି କରାଯାଇଥିବା ବିଜ୍ଞପ୍ତି ଅନୁଯାୟୀ ଜଙ୍ଗଲ ସଂରକ୍ଷଣ ଆଇନ -୧୯୮୦ ର ପରିବର୍ତ୍ତନ କରିବା ପାଇଁ ଜଙ୍ଗଲ ସଂରକ୍ଷଣ ନିୟମାବଳୀ -୨୦୨୨ ଆଦିବାସୀ ଓ ପରିବେଶ ବିରୋଧୀ ବୋଲି ମର୍ଯ୍ୟାଦାର ସହ ବଞ୍ଚିବାର ଅଭିଯାନ (ସି.ଏସ୍.ଡି) ପକ୍ଷରୁ ଅଭିଯୋଗ କରାଯାଇଛି ।  ଆଜି ବିଧାନସଭା ସମ୍ମୁଖରେ ଆୟୋଜିତ ଏକ ବିକ୍ଷୋଭ ତଥା ରାଜ୍ୟପାଳ ଓ ମୁଖ୍ୟମନ୍ତ୍ରୀଙ୍କୁ ସ୍ମାରକପତ୍ର ମଧ୍ୟମରେ ଏହି ଜନବିରୋଧୀ ତଥା ଆଦିବାସୀ ବିରୋଧୀ ସଂଶୋଧନ ଅବିଳମ୍ବେ ପ୍ରତ୍ୟାହାର କରିବାକୁ ସଂଗଠନ ପକ୍ଷରୁ ଦାବି କରାଯାଇଛି । ସଂଗଠନର ନେତୃବୃନ୍ଦ କହିଛନ୍ତିଯେ ଏହି ନିୟମାବଳୀର  ସଂଶୋଧନ  ଅନୁମୋଦନ ହୋଇଗଲେ ଜଙ୍ଗଲ ଭିତରେ ଜୀବନ ଜୀବିକା ପାଇଁ ବସବାସ କରୁଥିବା ଆଦିବାସୀ ଓ ବନବାସୀ ମାନଙ୍କ ପାଇଁ ଜଙ୍ଗଲ ଅଧିକାର ଆଇନ-୨୦୦୬ ଦେଇଥିବା ଆଇନଗତ କ୍ଷମତା ଆଉ ରହିବ ନାହିଁ। ଜଙ୍ଗଲ ଅଧିକାର ଆଇନ ରେ ଥିବା ପ୍ରାବଧାନ ମୁତାବକ ଜଙ୍ଗଲ ଅଧିକାର ସ୍ବୀକୃତି ଓ ପ୍ରକ୍ରିୟା ଶେଷ ନହେବା ଯାଏଁ ଆଦିବାସୀ ଏବଂ ପାରମ୍ପରିକ ବନବାସୀ ସେମାନେ ଭୋଗଦଖଲ କରୁଥିବା ଜଙ୍ଗଲଜମିରୁ ଉଚ୍ଛେଦ କିମ୍ବା ବିତାଡିତ ହେବେ ନାହିଁ। ଆହୁରି ମଧ୍ୟ ଜଙ୍ଗଲଜମି...

ଦାଦନଖଟି ଯାଇ ଶ୍ରମିକର ମୃତ୍ୟୁ ! ସହାୟତା ଦାବିରେ ରାସ୍ତାରୋକ ବଲାଙ୍ଗୀର/ପାଟଣାଗଡ଼ , ତାରିଖ‐୨୭/୦୭/୨୦୨୨ ( ଜଗନ୍ନାଥ ଧରୁଆ ଙ୍କ ରିପୋର୍ଟ ) ପେଟପାଟଣା ପାଇଁ ବାହାର ରାଜ୍ୟକୁ ଯାଇ ଶବହୋଇ ଫେରିଛି ଶ୍ରମିକ ! ଏମିତି ଦୁଃଖଦ ଘଟଣା ଘଟିଛି ବଲାଙ୍ଗୀର ଜିଲ୍ଲା ପାଟଣାଗଡ଼ ଥାନା ଅନ୍ତର୍ଗତ ବରପଦର ଗାଁରେ ! ସୂଚନାଅନୁଯାୟୀ ସନ୍ତୋଷ କୁମ୍ଭାର ତାଙ୍କ ସ୍ତ୍ରୀ ମେନକା କୁମ୍ଭାର ସହିତ ଗତ ଦୁଇମାସ ତଳେ ଆନ୍ଧ୍ରପ୍ରଦେଶର ପ୍ରକାଶମଜିଲ୍ଲା କୁନୁକୁପାଡୁ ଅଞ୍ଚଳକୁ ଯାଇ କାଲାମ ଟେକ୍ସଟାଇଲ କମ୍ପାନୀରେ ଶ୍ରମିକ ଭାବରେ କାର୍ଯ୍ୟକରୁଥିଲେ ! ଦୁର୍ଭାଗ୍ୟବଶତଃ କାର୍ଯ୍ୟ କରୁଥିବା ସମୟରେ ବଇଲର ମେସିନଠାରେ ପଡିଯାଇ ମୃତ୍ୟୁ ବରଣ କଲେ ! ତାଙ୍କ ଶବ ଗାଁକୁ ଆମ୍ବୁଲାନ୍ସ ଯୋଗେ ପହଞ୍ଚିଲା ପରେ ଗାଁରେ ଶୋକାକୁଳ ପରିବେଶ ସୃଷ୍ଟି ହୋଇଥିଲା ! ଜନମଞ୍ଚ ସିଭିଲ ସୋସିଆଟିର ସଭାପତି ଡିଙ୍ଗର କୁମ୍ଭାରଙ୍କ ନେତୃତ୍ୱରେ ମୃତକର ସହାୟତା ଦାବିରେ ବରପଦର ପେଟ୍ରୋଲ ପମ୍ପ ନିକଟ ରାସ୍ତା ଉପରେ ଶବ କୁ ରଖି ପାଟଣାଗଡ଼ -ଦମକିପାଲି ରାଜରାସ୍ତା ଅବରୋଧ କରିଥିଲେ ! ଘଟଣାସ୍ଥଳରେ ଶ୍ରମ ଅଧିକାରୀ ପହଞ୍ଚି ପରିବାର ଲୋକଙ୍କ ସହ ଆଲୋଚନା କରିଥିଲେ ଏବଂ ଶ୍ରମ ବିଭାଗ ତରଫରୁ ନିଶ୍ଚିତ ଭାବରେ କମ୍ପାନୀ ନାମରେ ଆଇନ ଗତ ମାମଲା ରୁଜୁ କରାଯିବ ଓ କମ୍ପାନୀ ସହାୟତା ରାଶି ବହନ କରିବ ବୋଲି ପ୍ରତିଶୃତି ଦେଇଥିଲେ ! ଖବର ପାଇ ପାଟଣାଗଡ଼ ବିଡ଼ିଓ ନୀଳମାଧବ ସୁନା ଓ ଜି...

ଛାତ୍ର କୁ ସ୍କୁଲରେ ମାଡ଼ମାରିଥିବା ଶିକ୍ଷକ ନିଳମ୍ବିତ..... ହରଭଙ୍ଗା :28/07. ସ୍କୁଲ ଗୁଡିକୁ ଦଣ୍ଡମୁକ୍ତ ଅଂଚଳରେ ସରକାର ଘୋଷଣା କରିଥିବା ବେଳେ ଏହାର ବ୍ୟତିକ୍ରମ କରି ଚତୁର୍ଥ ଶ୍ରେଣୀ ଛାତ୍ର କୁ ଗତ କିଛି ଦିନ ତଳେ ସ୍କୁଲ ଭିତରେ ଲହୁ ଲୁହାଣ କରି ମାଡ଼ ମାରିଥିବା ପ୍ରଧାନ ଶିକ୍ଷକ ଚାକିରିରୁ ନିଳମ୍ବିତ ହୋଇଛନ୍ତି! ସୂଚନା ଅନୁଯାଇ ହରଭଙ୍ଗା ଥାନା ଅନ୍ତର୍ଗତ ଛତ୍ରଙ୍ଗ ପଂଚାୟତ ଝାରଖମଣ ପ୍ରାଥମିକ ବିଦ୍ୟାଳୟ ର ପ୍ରଧାନ ଶିକ୍ଷକ ପରମାନନ୍ଦ ସାହୁ ଗତ ଶୁକ୍ରବାର ଦିନ ଚତୁର୍ଥ ଶ୍ରେଣୀ ଛାତ୍ର ବିକାଶ ବେହେରା ଙ୍କୁ ଗୀତ ଲେଖି ନ ଅଣିଥିବାରୁ ଲହୁ ଲୁହାଣ କରି ମାଡ଼ ମାରିଥିଲେ!ଏଥିନେଇ ଅଭିଭାବକ ମହଲରୁ ହରଭଙ୍ଗା ଥାନାରେ ଏକ ମାମଲା ରୁଜୁ ହୋଇଥିଲା!ଏହି ମାମଲାକୁ ଭିତ୍ତି କରି ବୌଦ୍ଧ ଜିଲ୍ଲା ଶିକ୍ଷାଧିକାରି ଉଦୟନାଥ ମାଝୀ ପ୍ରଧାନ ଶିକ୍ଷକ ଙ୍କୁ ଚାକିରିରୁ ନିଲମ୍ବିତ କରିଥିବା ଜଣାପଡିଛି!

ଉପସଭାପତି ଭାବେ ନିର୍ଦ୍ବନ୍ଦ ରେ ବିଜେତା ନମିତା ସାହୁ ହରଭଙ୍ଗା :26/07. ହରଭଙ୍ଗା ବ୍ଲକ ଆଡ଼େଣିଗଡ଼   ସେବା ସମବାୟ ସମିତି ଲିଃ ର ଉପ ସଭାପତି ଭାବେ ଶ୍ରୀମତୀ ନମିତା ସାହୁ ନିର୍ଦ୍ୱନ୍ଦ ରେ ନିର୍ବାଚିତ ହୋଇଛନ୍ତି!ଉକ୍ତ ସମିତି 14ଟି ଜୋନ ନେଇ ଗଠିତ ହୋଇଥିବା ବେଳେ ପ୍ରଥମ ପର୍ଯ୍ୟାୟ ରେ ନିର୍ବାଚନ ହୋଇଥିଲା!ସଭାପତି ପଦ ପାଇଁ ଯୁଗୋଳ ଭୋଇ ଓ ଜର୍ମାନୀ ଯାନୀ ପ୍ରତିଦ୍ବନ୍ଦୀ କରିଥିଲେ!ଏହି ପ୍ରତିଦ୍ବନ୍ଦୀ ରେ ଶ୍ରୀ ଭୋଇ 6ଖଣ୍ଡ ଭୋଟ ପାଇଥିବା ବେଳେ ନିକଟତମ ପ୍ରତିଦ୍ବନ୍ଦୀ ଜର୍ମାନୀ ଯାନୀ 8ଖଣ୍ଡ ଭୋଟ ପାଇଁ ସଭାପତି ପଦରେ ବିଜେତା ହୋଇଥିଲେ!ଉପସଭାପତି ପଦ ପାଇଁ ସମିତି ର ସମସ୍ତ ବିଜେତା ସଭ୍ୟ ସର୍ବ ସମ୍ମତି କ୍ରମେ ଶ୍ରୀମତି ନମିତା ସାହୁ ଙ୍କୁ ମନୋନୀତ କରାଯାଇଥିବାର ସୂଚନା ମିଳିଛି!

ଧଳପୁର ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର ରେ ମାନସିକ ରୋଗୀ ଚିକିତ୍ସା କାର୍ଯ୍ୟକ୍ରମ ହରଭଙ୍ଗା :ସ୍ୱାସ୍ଥ୍ୟ ସେବାର ଉନ୍ନତି ଆଣିବା ପାଇଁ  ଆଜି ଧଳପୁର PHC ଠାରେ ଜିଲ୍ଲା ସ୍ବାସ୍ଥ୍ୟ ବିଭାଗ ପକ୍ଷରୁ ଏକ ରୋଗୀ ଚିହ୍ନଟ ଏବଂ ଚିକିତ୍ସା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା! ଉକ୍ତ କାର୍ଯ୍ୟକ୍ରମରେ 30 ଜଣ ମାନସିକ ରୋଗୀଙ୍କୁ  ମାନସିକ ରୋଗ ବିଶଷଜ୍ଞ Dr. Swati Mishra ମାନସିକ ଅସୁସ୍ଥ ବ୍ୟକ୍ତି ଙ୍କୁ ଚିକିତ୍ସିତ କରିଥିଲେ!ଉକ୍ତ କାର୍ଯ୍ୟକ୍ରମ କୁ ସଫଳତା ର ସହ ଆୟୋଜନ କରିବା ପାଇଁ YCDA ସ୍ଵେଚ୍ଛାସେବୀ ଅନୁଷ୍ଠାନ ବୌଦ୍ଧ ପକ୍ଷ ରୁ ମାନସିକ ସ୍ବାସ୍ଥ୍ୟ କାର୍ଯ୍ୟକ୍ରମ ର କାର୍ଯ୍ୟରତ 9 ଜଣ ସ୍ଵେଚ୍ଛାସେବୀ ଙ୍କ ସମେତ କାର୍ଯ୍ୟକ୍ରମ ସଂଯୋଜକ  ରଞ୍ଜିତ ସିଂହ ଯୋଗଦେଇ ମାନସିକ ଅସୁସ୍ଥ ବ୍ୟକ୍ତିଙ୍କ ଉପଯୁକ୍ତ ସେବା ପ୍ରଦାନ ପାଇଁ ରୋଗୀ ମାନଙ୍କୁ ସହଯୋଗ କରିଥିଲେ । PHC ରେ ଔଷଧ ପର୍ଯ୍ୟାପ୍ତ ପରିମାଣରେ ନ ରହୁଥିବାରୁ ରୋଗୀ ମାନେ ଅନେକ ସମୟରେ ଉପଯୁକ୍ତ ଚିକିତ୍ସା ରୁ ବଞ୍ଚିତ ହେଉଛନ୍ତି!ଏହାକୁ ଆଖିଆଗରେ ରଖି  PHC ରେ ନିୟମିତ ସେବା ଜାରି ରଖିବା ଏବଂ ମାନସିକ ରୋଗୀ ର ସମସ୍ତ ଔଷଧ ଗଚ୍ଛିତ ରଖିବା ନିମନ୍ତେ ରୋଗୀ ପରିବାର ଏବଂ ସ୍ଵେଚ୍ଛାସେବୀ ମାନେ ମତ ରଖିଥିଲେ।

ଆଜାଦି କା ଅମୃତ ମହୋତ୍ସବ ଅବସରରେ ଯାଜପୁର ଜିଲ୍ଲାରେ ବିଜୁଳି ମହୋତ୍ସବ ଅନୁଷ୍ଠିତ  ଯାଜପୁର, ୨୭/୦୭ (ନି ପ୍ର ) : ଆଜାଦି କା ଅମୃତ ମହୋତ୍ସବ ଅନ୍ତର୍ଗତ ୨୫ ଜୁଲାଇ ୨୦୨୨ ରିଖ ଠାରୁ ତା ୩୦ ଜୁଲାଇ ୨୦୨୨ ରିଖ ପର୍ଯ୍ୟନ୍ତ ଦେଶର ପ୍ରତ୍ୟେକ ଜିଲ୍ଳାରେ “ଊଜ୍ୱଳ ଭାରତ – ଊଜ୍ୱଳ ଭବିଷ୍ୟତ, ପାୱାର  ୨୦୪୭” କାର୍ଯ୍ୟକ୍ରମ (ବିଜୁଳି ମହୋତ୍ସବ) ପାଳନ କରାଯାଊଅଚ୍ଥି ।  ଏହି ପରିପ୍ରେକ୍ଷୀରେ ଭାରତ ସରକାରଙ୍କ ଶକ୍ତି ମନ୍ତ୍ରଣାଳୟ, ରାଜ୍ୟ ସରକାରଙ୍କ ଶକ୍ତି ବିଭାଗ ଓ ଯାଜପୁର ଜିଲ୍ଳ୍‌ା ପ୍ରଶାସନର ମିଳିତ ଆନୁକୂଲ୍ୟରେ ଜିଲ୍ଲା ସ୍ତରୀୟ ବିଜୁଳି ମହୋତ୍ସବ ବୁଧବାର ପୂର୍ବାହ୍ନରେ ମଙ୍ଗଳପୁରସ୍ଥ ସାଧୁ ଗୈାଡେଶ୍ୱର ମହାବିଦ୍ୟାଳୟ ସମ୍ମିଳନୀ କକ୍ଷରେ ମହା ସମାରୋହରେ ପାଳିତ ହୋଇଯାଇଚ୍ଥି ।  ଇଂ.ଦୁର୍ଗା ଚରଣ ଜେନାଙ୍କ ସଭାପତିତ୍ୱରେ ଅନୁଷ୍ଠିତ ଏହି ଊତ୍ସବରେ ଜିଲ୍ଲା ଗ୍ରାମ୍ୟ ଊନ୍ନୟନ ସଂସ୍ଥାର ପ୍ରକଳ୍ପ ନିର୍ଦ୍ଦେଶକ ଅଶୋକ କୁମାର ବେଊରିଆ ମୁଖ୍ୟ ଅତିଥି ଭାବେ ଯୋଗଦେଇ କହିଲେ ଯେ, ସ୍ୱାଧୀନତାର ୭୫ ବର୍ଷ ଭିତରେ ଦେଶ ଆଜି ଅନେକ ସୋପାନ ଅତିକ୍ରମ କରି ବିଦ୍ୟୁତ୍ କ୍ଷେତ୍ରରେ ଏକ ବୈପ୍ଳବିକ ପରିବର୍ତ୍ତନ ଆଣିପାରିଚ୍ଥି ।  ଆଜି ଆଊ ଲୋ ଭୋଲ୍ଟେଜର ସମସ୍ୟା ନାହିଁ ।  ନୂଆ ନୂଆ ବୈଷୟିକ ଜ୍ଞାନ କୈାଶଳ ପ୍ରୟୋଗ ପଂଳରେ ଆଜି ପ୍ରତି ଘରେ ବିଜୁଳି ପହଞ୍ଚି ପାରୁଚ୍ଥି ।  ମାନ୍ୟବର ବିଧାୟକ, ଯ...

ବୌଦ୍ଧ:ଜିଲ୍ଲାପାଳ ଓ ଏସ ପି ଙ୍କ ଯୁଗ୍ମ ଜନଶୁଣାଣୀ ଶିବିରରେ ଅସନ୍ତୁଷ୍ଟ ବ୍ୟକ୍ତ କଲେ ହିତାଧିକାରୀ। ରିପୋର୍ଟର: ପ୍ରଶାନ୍ତ କୁମାର ପ୍ରଧାନ। ବୌଦ୍ଧ:   ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ଅନ୍ତର୍ଗତ ଗୁଡଭେଲି ପଦର ଗ୍ରାମ ପଞ୍ଚାୟତ କାର୍ଯ୍ୟାଳୟରେ ଆଜି ଜନ ଶୁଣାଣି ଶିବିର ଅନୁଷ୍ଠିତ ହୋଇ ଯାଇଛି | ଜିଲ୍ଲାପାଳ ଲଲାଟେନ୍ଦୁ ମିଶ୍ର,ପ୍ରକଳ୍ପ ନିର୍ଦ୍ଦେଶକ ଅଶ୍ଵିନୀ ମେହେର, ଜିଲ୍ଲା ଆରକ୍ଷୀ ଅଧିକ୍ଷକ ଜ୍ଞାନରଞ୍ଜନ ମହାନ୍ତି, ଉପ ଜିଲ୍ଲାପାଳ ସନତ ନାଏକ , ଜିଲ୍ଲା ଯୋଗାଣ ଅଧିକାରୀ ବିଭୁ ପ୍ରସନ୍ନ ଆଚାର୍ଯ୍ୟ, ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଡାକ୍ତର  ଅଭୟ ସାହୁ,ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ରୀତାକାନ୍ତି ବଳିଆରସିଂ, ବିଡ଼ିଓ କଳାକୃଷ୍ଣ ପ୍ରଧାନ ଙ୍କ ସହିତ ଜିଲ୍ଲା ସ୍ତରୀୟ ଅଧିକାରୀ ଯୋଗଦାନ କରି ଲୋକଙ୍କ ସମସ୍ୟା ବୁଝିଥିଲେ |  ସମୁଦାୟ ୨୬୮ ଟି ମାମଲା ପଞ୍ଜୀକୃତ ହୋଇଥିବା ବେଳେ ୨୫୬ ଟି ବ୍ୟକ୍ତିଗତ ,୧୨ଟି ଗୋଷ୍ଠୀ ଭିତ୍ତିକ ମାମଲା ହୋଇଥିବା ବେଳେ  ୧୩୮ ଟି ମାମଲାର ତୁରନ୍ତ ସମାଧାନ କରାଯାଇଥିଲା | ମୁଖ୍ୟମନ୍ତ୍ରୀ ରିଲିଫ ଫଣ୍ଡରୁ ୧୪ଜଣକୁ ୧ଲକ୍ଷ ୩୦ ହଜାର ଟଙ୍କା ପ୍ରଦାନ କରାଯାଇଥିଲା |  ଉକ୍ତ ଶିବିରରେ ଆତ୍ମାହୁତି,ଝିଅ ବିକ୍ରି,ଅସହାୟ ଶିଶୁଙ୍କୁ ସରକାରୀ ସହାୟତା ଓ ରାଜନୈତିକ ଆକ୍ରୋଶ ଆଦି ଅନେକ ମାମଲାକୁ ନେଇ  ଜନ ଶୁଣାଣି ଶିବିର ଅନୁଷ୍ଠିତ ହୋଇ ଯାଇଛ...

ମୟୁରଭଞ୍ଜ ଜିଲ୍ଲାର ବେତନଟୀ ଥାନା ଅଞ୍ଚଳରେ ଦୀର୍ଘ ଦିନ ଧରି ଠକି ଚାଲିଥିବା ଠକ ଏବେ ପୋଲିସ ହାତରେ। ବେତନଟୀ:୨୬/୦୭(ଜଗନ୍ନାଥ ହେମ୍ବ୍ରମଙ୍କ ରିପୋର୍ଟ)ମୟୁରଭଞ୍ଜ ଜିଲ୍ଲା ବେତନଟୀ ଥାନା ଅଞ୍ଚଳରେ ଜୈନିକ ଯୁବକ ଲୋକଙ୍କୁ ଚାକିରି ଓ ମୀଗଣା ଉଜ୍ଜଳା ଯୋଜନାରେ ଗ୍ୟାସ ସଂଯୋଗ ଦେବାକୁ କହି ଲକ୍ଷାଧିକ ଟଙ୍କା ଠକି ନେଇଥିବା ଅଭିଯୋଗ ହୋଇଛି। ଯୁବକ ଜଣକ ହେଲେ ପ୍ରଶାନ୍ତ ଦାଶ ଓରଫ ଅଜୁ। ତେବେ ଲୋକେ ପ୍ରଶାନ୍ତଙ୍କ ଠକାମି ସଂମ୍ପର୍କରେ ଜାଣିବା ପରେ ମଙ୍ଗଳବାର ତାଙ୍କୁ କାବୁ କରି ରେଳଧାରଣାରେ ବାନ୍ଧି ନିସ୍ତୁକ ମାଡ ମାରିଥିଲେ।ଖବର ପାଇ ବେତନଟୀ ପୁଲିସ ପହଞ୍ଚି ଅଜୁଙ୍କୁ ଉତ୍ତ୍ୟକ୍ତ ଲୋକଙ୍କ କବଳରୁ ଉଦ୍ଧାର କରି ଥାନାକୁ ଆଣିଛି। ପ୍ରଶାନ୍ତ ଏକାଧିକ ଲୋକଙ୍କ ପାଖରୁ ୯ ଲକ୍ଷରୁ ଅଧିକ ଟଙ୍କା ଠକି ନେଉଥିବା କୁହାଯାଉଛି। ତାଙ୍କ ବିରୋଧରେ କିଛି ଅଭିଯୋଗକାରୀ ଥାନାରେ ଲିଖିତ ଅଭିଯୋଗ କରିବା ପରେ ପୁଲିସ ଘଟଣାର ଅଧିକ ତଦନ୍ତ ଆରମ୍ଭ କରିଛି।

ବିଚ୍ ରାଜରାସ୍ତାରେ ଅଚିହ୍ନା ଲୋକର ରକ୍ତଭିଜା ମୃତ ଦେହ ,ଛାନଭିନ୍ କରୁଛି ପୋଲିସ  ବଲାଙ୍ଗୀର/ପାଟଣାଗଡ଼ , ତାରିଖ‐୨୭/୦୭/୨୦୨୨ ( ଜଗନ୍ନାଥ ଧରୁଆ ଙ୍କ ରିପୋର୍ଟ ) ବଲାଙ୍ଗୀର ଜିଲ୍ଲା ଟିଟିଲାଗଡ଼ ନିକଟବର୍ତ୍ତୀ ଆଜି ସକାଳୁ  କଣ୍ଟାବାଞ୍ଜି ରାସ୍ତା ବେଲପଦର ଛକ ରାସ୍ତା ଉପରେ ରକ୍ତ ଜୁଡୁବୁଡୁ ଅଚିହ୍ନା ଶବ ପଡିଥିବାର ଦେଖିବାକୁ ପାଇଥିଲେ ଗ୍ରାମବାସୀ  ଏବଂ ପୋଲିସ କୁ ଖବର କରିଥିଲେ। ତେବେ ପାଖରେ କୌଣସି ଦୁର୍ଘଟଣା ଜନିତ ଗାଡି କିମ୍ବା ଦୁର୍ଘଟଣାର ଚିହ୍ନ ନ ଥିବା ଏବଂ ଶବ ର ବେକ ପାଖରେ ତଣ୍ଟି କାଟିବା ଚିହ୍ନ ଥିବାରୁ ଗ୍ରାମବାସୀ ହତ୍ୟା ସନ୍ଦେହ କରିଛନ୍ତି। ତେବେ ଟିଟିଲାଗଡ ପୋଲିସ ପହଞ୍ଚି ଶବ ଜବତ କରିବା ସହିତ ପାରିପାର୍ଶ୍ବିକ ସ୍ଥିତି ଦେଖି ଅନୁସନ୍ଧାନ ଚଳାଇଛି।ତେବେ ଟିଟିଲାଗଡ ରେ ଦିନକୁ ଦିନ ଅପରାଧ ବଢି ଚାଲିଥିବା ବେଳେ ଟିଟିଲାଗଡ ପୋଲିସ ଧ୍ୟାନ ଦେବାକୁ ଅଞ୍ଚଳ ବାସୀ ଦାବି କରୁଛନ୍ତି।

ବୌଦ୍ଧ: ବାଉଁଶୁନି ଥାନା ଅଂଚଳରେ କଡ଼ା କଡି ପେଟ୍ରୋଲଲିଙ୍କ କରିବାକୁ ଦାବି। ରିପୋର୍ଟର: ପ୍ରଶାନ୍ତ କୁମାର ପ୍ରଧାନ ବୌଦ୍ଧ: ବୌଦ୍ଧ ଜିଲ୍ଲା ସଦର ବୌଦ୍ଧ ବ୍ଲକ ର ବାଉଁଶୁଣି ଥାନା ବାଉଁଶୁଣୀ ଦେଇ ମୁଖତଃ ୫୭ ନମ୍ୱର ଜାତୀୟ ରାଜପଥ ଯାଇଥିବା ବେଳେ ଅନ୍ୟପଟେ ଶଗଡା ଠାରୁ ଗୁନ୍ଦୁଲିଆ ରାସ୍ତାଦେଇ ବାଉଁଶୁନୀ ଠାରେ ସଂଯୋଗ ହୋଇଥିବା ବେଳେ ରାସ୍ତାରେ ଆଲୋକିକରଣ ବ୍ୟବସ୍ଥା ନଥିବାରୁ ଦିନକୁ ଦିନ ଚୋରି ଡକାୟତି ସହ ଲୁଟ୍ ପାତ ମାମଲା ବଢ଼ିବାରେ ଲାଗିଛି।ଅନ୍ୟପଟେ ଗଞ୍ଜେଇ ଚୋରା ଚାଲାଣ ମୁଖ୍ୟତଃ ଉକ୍ତ ରାସ୍ତା ମାନଙ୍କରେ ଅତ୍ୟଧିକ ପରିମାଣରେ ହେଉଥିବାରୁ ବାହାର ଦେଶରୁ ଲୋକଙ୍କ ଗମନା ଗମନ ବଢ଼ିବାରେ ଲାଗିଛି।ଯାହା ଦ୍ଵାରା ସାଧାରଣ ଜନତା ହଇରାଣ ରେ ପଡ଼ୁଥିବା ଅଭିଯୋଗ ହେଉଛି।ମୁଖ୍ୟ ରାସ୍ତା ମାନଙ୍କରେ ମଦୁଆ ଆଡ୍ଡା ଜମାଇଛନ୍ତି।ରାତିରେ ଉକ୍ତ ଅଂଚଳରେ ଲୋକେ ନିଜକୁ ସୁରକ୍ଷିତ ମଣୁ ନଥିବା ମଧ୍ୟ ପ୍ରକାଶ କରିଛନ୍ତି।ତେଣୁ ଉକ୍ତ ଅଂଚଳରେ ପୋଲିସ ପେଟ୍ରୋଲଲିଙ୍କ୍ କଡ଼ା କୁଡ଼ି କରିବାକୁ ଜନସାଧାରଣ ଦାବି କରିଛନ୍ତି।

ଭିକ୍ଷା ବୃତ୍ତିରୁ ନିବୃତ ରହି ସ୍ୱାବଲମ୍ବୀ ହେବାର ନିଆରା ବାର୍ତ୍ତା ଦେଲା ସଂକଳ୍ପ ପରିବାର ବରଗଡ଼ ୨୬/୦୭:-   ଭିକ୍ଷା ବୃତ୍ତି କରି ଜୀବନ କାଟୁଥିବା  ଅସହାୟ ବିକଳାଙ୍ଗ ବୃଦ୍ଧଙ୍କୁ ସ୍ୱାବଲମ୍ବୀ କରିବାର ପ୍ରୟାଶ କଲା ସ୍ବେଛାସେବୀ ସଙ୍ଗଠନ ସଂକଳ୍ପ ପରିବାର l ବରଗଡ଼ ବ୍ଲକ ଅନ୍ତର୍ଗତ ଦେଓଗାଁ ପଞ୍ଚାୟତ ଚଣ୍ଡୀପାଲି ଗ୍ରାମର ଜଣେ ବିକଳାଙ୍ଗ ବୃଦ୍ଧ ପେଟପାଟଣା ପାଇଁ ବହୁକଷ୍ଟରେ  ଗାଁ ଗାଁ ଯାଇ ବିଭିନ୍ନ ଯାତ୍ରା ମାନଙ୍କରେ ଭିକ୍ଷା ସଂଗ୍ରହ କରି ଗୁଜୁରାଣ ମେଣ୍ଟାଉଥିବା ଦେଖି ସଂକଳ୍ପ ପରିବାର ଉକ୍ତ ବିକଳାଙ୍ଗ ବୃଦ୍ଧଙ୍କୁ ସାହାଯ୍ୟର ହାତ ବଢ଼ାଇଥିଲା l  ବିକଳାଙ୍ଗ ବୃଦ୍ଧଙ୍କ ପରିବାର କହିଲେ ଘରେ କେବଳ ତାଙ୍କର ବୃଦ୍ଧା ପତ୍ନୀଙ୍କୁ ଛାଡିଦେଲେ ତାଙ୍କର ଆଉ କେହି ନିଜର ନାହାନ୍ତି l ବୟସର ଅପରାହ୍ନରେ ଭିକ୍ଷା ବୃତ୍ତି ପାଇଁ ମଧ୍ୟ ସଂଘର୍ଷ କରୁଥିବା ଏହି ବିକଳାଙ୍ଗ ବୃଦ୍ଧଙ୍କ ଅବସ୍ଥା ଦେଖି ସଂକଳ୍ପ ପରିବାର ଉକ୍ତ ବୃଦ୍ଧଙ୍କ ପାଇଁ ପ୍ରଥମେ ବିକଳାଙ୍ଗ ପ୍ରମାଣ ପତ୍ର କରାଇଥିଲା ଓ ପରେ ବରଗଡ଼ ବ୍ଲକ ଉପାଧ୍ୟକ୍ଷ ଶ୍ରୀ ଉମେଶ ପଣ୍ଡାଙ୍କ  ସହାୟତାରେ ଏକ ଟ୍ରାଇ ସାଇକେଲ ପ୍ରଦାନ କାରାଯାଇଥିଲା ଏବଂ  ଉକ୍ତ ବୃଦ୍ଧଙ୍କୁ ସ୍ୱାବଲମ୍ବୀ କରିବାକୁ କିଛି ବେଲୁନ ଯୋଗେଇଦିଆଯାଇଥିଲା, ବିଭିନ୍ନ ଯାତ୍ରାକୁ ଯାଇ ସେ ପୂର୍ବ ପରି ଆଉ ଭିକ୍ଷା ନ ମାଗି ଏହି ବେଲୁନ ବିକ୍ରୀ କରି ନିଜର ପରିବା...

ଜମିବାଡିକୁ ନେଇ ଭାଇଙ୍କୁ ହତ୍ୟା କଲା ଭାଇ ବଲାଙ୍ଗୀର/ପାଟଣାଗଡ଼ , ତାରିଖ‐୨୬/୦୭/୨୦୨୨ ( ଜଗନ୍ନାଥ ଧରୁଆ ଙ୍କ ରିପୋର୍ଟ ) ବଲାଙ୍ଗୀର ଜିଲ୍ଲା ପାଟଣାଗଡ଼ ବ୍ଲକ କେନ୍ଦୁମୁଣ୍ଡି ପଞ୍ଚାୟତ ଅନ୍ତର୍ଗତ ଫୁଡକୁପଡା ଗାଁରେ ଜମିବାଡି କୁ ନେଇ ଭାଇଙ୍କୁ ବିଭତ୍ସ ହତ୍ୟା କଲା ଭାଇ ! ସୂଚନା ଅନୁଯାୟୀ ଜମିବାଡିକୁ ନେଇ  ଦୁଇ ପରିବାର ମଧ୍ୟରେ ଝଗଡା ହୋଇଥିଲା କିନ୍ତୁ ଝଗଡା ଏତେ ଉଗ୍ରରୂପ ନେଇଥିଲା ଯେ ସନ୍ତୋଷ ଧରୁଆ ଓ ତାଙ୍କ ପୁଅ ନବୀନ ଧରୁଆ ନିଜ ଚାଷଜମିରେ ହଳ କରୁଥିବା ବେଲେ ତାଙ୍କ ସମ୍ପର୍କୀୟ ଭାଇ କଳାକାହ୍ନୁ ମାଝୀ, ଡିଲେ ମାଝୀ, ଚମାର ମାଝୀ ଓ ଅନନ୍ତ ମାଝୀ ଏହି ୪ ଜଣ ମିଶି ସନ୍ତୋଷକୁ ଟାଙ୍ଗିଆରେ ତାର ଡାହାଣ ହାତ କାଟି ଦେଇଥିଲେ ! କଟାହାତ ଧରି ସନ୍ତୋଷକୁ ତାଙ୍କ ପରିବାର ଲୋକେ ପାଟଣାଗଡ଼ ଡାକ୍ତରଖାନାକୁ ଆଣି ପାଟଣାଗଡ଼ ଥାନାରେ ଏତଲା ଦେଇଥିଲେ ! ଏହି ଖବର ପାଇବା ପରେ ପାଟଣାଗଡ଼ ଥାନାଧିକାରୀ ଅନନ୍ତ ପଧାନ ୪ ଜଣ ଅଭିଯୁକ୍ତକୁ ଅଟକରଖି ପଚରାଉଚୁରା କରୁଥିବା ଜଣାପଡିଛି ! ପାଟଣାଗଡ଼ ଡାକ୍ତରଖାନାରେ ସ୍ୱାସ୍ଥ୍ୟବସ୍ଥା ଶଙ୍କଟାପୂର୍ଣ୍ଣ ହେବାରୁ ଅଧିକ ଚିକିତ୍ସା ପାଇଁ ବଲାଙ୍ଗୀର ଭିମଭୋଇ ମେଡିକାଲ କଲେଜ ହସପିଟାଲକୁ ସନ୍ତୋଷକୁ ନେଇଥିବା ବେଲେ ସେଠାରେ ଡାକ୍ତର ତାଙ୍କୁ ମୃତ  ଘୋଷଣା କରିଥିଲେ !

ଫସଲ ବୀମା ପାଇଁ ତହସିଲ କାର୍ଯ୍ୟାଳୟ ଠାରେ ତାଲା ପକାଇଲେ ଶତାଧିକ ଚାଷୀ ବଲାଙ୍ଗୀର/ପାଟଣାଗଡ଼ , ତାରିଖ‐୨୬/୦୭/୨୦୨୨ ( ଜଗନ୍ନାଥ ଧରୁଆ ଙ୍କ ରିପୋର୍ଟ ) ବଲାଙ୍ଗୀର ଜିଲ୍ଲା ସଇଁତଲା ବ୍ଲକ ଅନ୍ତର୍ଗତ ଡେଙ୍ଗ ପଞ୍ଚାୟତ ର ବିଭିନ୍ନ ଶତାଧିକ ଚାଷୀ ତଥା B.J.P ବରିଷ୍ଠ ନେତା ମହେନ୍ଦ୍ର କୁମାର ଠାକୁର ନେତୃତ୍ୱ ରେ ଶତାଧିକ ଚାଷୀ ମାନେ ସାମିଲ ହୋଇ ତହସିଲ କାର୍ଯ୍ୟାଳୟ ଘେରାଉ କରିଥିଲେ କିନ୍ତୁ ଗତ ବର୍ଷ 2021 ମସିହା ରେ ଉକ୍ତ ପଞ୍ଚାୟତ ରେ ଅଳ୍ପ ବୃଷ୍ଟିପାତ ଜଗୁ ଆଜି ପର୍ଯ୍ୟନ୍ତ ପଞ୍ଚାୟତ ର ଶତାଧିକ ଚାଷୀ ମାନଙ୍କୁ ବୀମାରାଶି ପ୍ରଦାନ କରାଯାଇ ନାହିଁ ତେବେ ଡେଙ୍ଗ୍ ପଞ୍ଚାୟତ ର ଶତାଧିକ ଚାଷୀ ମାନଙ୍କୁ ପ୍ରଶାସନ ୩୦ ତାରିଖ ମଧ୍ୟରେ ତୁରନ୍ତ ବୀମା ରାଶି ପ୍ରଦାନ ନକରେ ତାହାଲେ ରାଜରାସ୍ତା କୁ ଉଲ୍ହାଇ ଅବରୋଧ କରାଯିବ ବଳି ଚାଷୀମାନେ ଚେତାବନି ଦେଇ ସଇଁନ୍ତଳା ତହସିଲ ଦାର ଙ୍କୁ  ଦାବି ପତ୍ର ପ୍ରଦାନ୍ କରିଥିଲେ.. ତେବେ ଫସଳ ବୀମା ର ଏଜୁକେଟିଭ୍ ଅଫିସର ବାକି ରହିଯାଇଥିବା ସମସ୍ତ ଚାଷୀ ଙ୍କୁ ଫସଳ ବୀମା ମିଳିବ ବୋଲି ପ୍ରତିଶ୍ରୁତି ଦେଇଛନ୍ତି !

ଜିଲ୍ଲା ସ୍ବାସ୍ଥ୍ୟ ବିଭାଗ ଅବହେଳାର ପ୍ରକୃତ ଚିତ୍ର, ଦାବୀରେ ତୁଷୁରା ବନ୍ଦ ବଲାଙ୍ଗୀର/ପାଟଣାଗଡ଼ , ତାରିଖ-୨୬.୦୭.୨୦୨୨ ( ଜଗନ୍ନାଥ ଧରୁଆ ଙ୍କ ରିପୋର୍ଟ ) କଥାରେ ଅଛି ଲୁଚିଛି ନାଁ ଗୋଡ଼ ଦୁଇଟା ଦିଶୁଛି। ଏମିତି କିଛି ଚିତ୍ର ଦେଖିବାକୁ ମିଳିଛି ବଲାଙ୍ଗୀର ଜିଲ୍ଲା ସ୍ବାସ୍ଥ୍ୟ ବିଭାଗରେ। ବଲାଙ୍ଗିର ଜିଲ୍ଲାର ସର୍ବପୁରାତନ ଶତାୟୁ ଡାକ୍ତରଖାନା ତୁଷୁରା ଏବେ ଡାକ୍ତରଶୁନ୍ୟ ହୋଇଛି। ଗୋଟିଏ ସପ୍ତାହରେ ଚାରିଜଣ ଡାକ୍ତର ଇସ୍ତଫା ଦେଇଛନ୍ତି। ଡାକ୍ତରମାନଙ୍କ ଇସ୍ତଫା ନେଇ ସଚେତନ ନାଗରିକ ମହଲରେ ଉଠିଛି ନାନା ପ୍ରକାର ଆଲୋଚନା ଯେଉଥି ପାଇଁ ରୋଗୀ ହନ୍ତସନ୍ତ ହେଉଛନ୍ତି। ସାମାନ୍ୟ ଜ୍ବର ହେଲେ ଯିବାକୁ ପଡୁଛି ବଲାଙ୍ଗିର ଭୀମଭୋଇ ମେଡିକାଲ। ତୁଷୁରା ଡାକ୍ତରଖାନାରେ ୪ ଜିଲ୍ଲାର ରୋଗୀ ନିର୍ଭର କରୁଥିଲେ ବି ସ୍ବାସ୍ଥ୍ୟବିଭାଗ କିମ୍ବା ରାଜ୍ୟସରକାରଙ୍କ ନଜର ପଡୁନି। ଡାକ୍ତରପଦବୀ ପୁରଣ ଦାବୀରେ ତୁଷୁରା ରେ ୧୨ ଘଣ୍ଟିଆ ବନ୍ଦ ଡାକରା ଦେଇଛି ତୁଷୁରା ୟୁଥ ଆକ୍ସନ କମିଟି। ଦେଖିବାକୁ ରହିଲା ରାଜ୍ୟ ସରକାର ଓ ଜିଲ୍ଲା ପ୍ରଶାସନ ଏଦିଗରେ କେବେ ପଦକ୍ଷେପ ନେଉଛନ୍ତି !

ବେତନଟୀ ବ୍ଲକ ବୈଶିଙ୍ଗା ବିଜେପି ପକ୍ଷରୁ ବିଜୟ ଉତ୍ସବ ପାଳନ। ବୈଶିଙ୍ଗା:୨୫/୦୭(ଜଗନ୍ନାଥ ହେମ୍ବ୍ରମଙ୍କ ରିପୋର୍ଟ)ଭାରତୀୟ ଜନତା ପାର୍ଟି ପକ୍ଷରୁ ସୋମବାର ସନ୍ଧ୍ୟା ସମୟରେ ମୟୂରଭଞ୍ଜ ଜିଲ୍ଲା ବେତନଟୀ ବ୍ଲକର ବୈଶିଙ୍ଗା ବଜାରରେ ବିଜୟ ଉତ୍ସବକୁ ବହୁ ଧୁମଧାମରେ ପାଳନ କରାଯାଇଛି। ଆଦିବାସୀ ନୃତ୍ଯୁ ସାଙ୍ଗକୁ ଆଦର୍ଶବାଦୀ ପରିବେଶ ପ୍ରକମ୍ପିତ ହେବା ସହିତ ମିଷ୍ଟାନ୍ନ ବଣ୍ଟନ କରାଯାଇ ବିଜୟ ଉତ୍ସବ ପାଳନ କରାଯାଇଥିଲା। ଏହି ବିଜୟ ଉତ୍ସବରେ ଭାରତୀୟ ଜନତା ପାର୍ଟି ପକ୍ଷରୁ ୩୬ନଂ ଜୋନ୍‌ର ପ୍ରାକ୍ତନ ଜିଲ୍ଲା ପରିଷଦ ସଦସ୍ୟ ବ୍ରଜମୋହନ ବେହେରା,ମଣ୍ଡଳ ସଭାପତି ରାଜକିଶୋର ଶାହା,ସାଂସଦ ପ୍ରତିନିଧି ପ୍ରଦୀପ ପରିଡା,ଚନ୍ଦ୍ରହାସ୍ୟ ପାଣିଗ୍ରାହୀ,ମଣ୍ଡଳ ସଭାପତି ରତିକାନ୍ତ ମହାନ୍ତ,ସୁଦର୍ଶନ ନାୟକ,ଅନୁପମା ଦଣ୍ଡପାଟ,ଇନ୍ଦ୍ରାବତୀ ମୁର୍ମୁ ପ୍ରମୂଖଙ୍କ ସହିତ ଶତାଧିକ ଦଳିୟ କର୍ମକର୍ତ୍ତା ତଥା ଜନସାଧାରଣ ଉପସ୍ଥିତ ରହି ଏକ ବିଶାଳ ଶୋଭାଯାତ୍ରାରେ ବୈଶିଙ୍ଗା ଉପକଣ୍ଠ କେନ୍ଦୁଆ ଶିବମନ୍ଦିର ପ୍ରାଙ୍ଗଣରୁ ବାହାରି ରୂପସା ଛକ ନିକଟରେ ପହଞ୍ଚିଥିଲେ। ଏଥି ସହିତ ଦଳଗତ ନିର୍ବିଶେଷରେ ହଜାର ହଜାର ଅଞ୍ଚଳବାସୀ ଏହି ବିଜୟ ଉତ୍ସବରେ ନିଜକୁ ସାମିଲ କରିଥିବାର ଦେଖିବାକୁ ମିଳିଛି।

ବୌଦ୍ଧ:ଜିଲ୍ଲାପାଳ ଓ ଏସ ପି ଙ୍କ ଯୁଗ୍ମ ଜନଶୁଣାଣୀ ଶିବିରରେ ଅସନ୍ତୁଷ୍ଟ ବ୍ୟକ୍ତ କଲେ ହିତାଧିକାରୀ। ରିପୋର୍ଟର: ପ୍ରଶାନ୍ତ କୁମାର ପ୍ରଧାନ। ବୌଦ୍ଧ:   ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ଅନ୍ତର୍ଗତ ଗୁଡଭେଲି ପଦର ଗ୍ରାମ ପଞ୍ଚାୟତ କାର୍ଯ୍ୟାଳୟରେ ଆଜି ଜନ ଶୁଣାଣି ଶିବିର ଅନୁଷ୍ଠିତ ହୋଇ ଯାଇଛି | ଜିଲ୍ଲାପାଳ ଲଲାଟେନ୍ଦୁ ମିଶ୍ର,ପ୍ରକଳ୍ପ ନିର୍ଦ୍ଦେଶକ ଅଶ୍ଵିନୀ ମେହେର, ଜିଲ୍ଲା ଆରକ୍ଷୀ ଅଧିକ୍ଷକ ଜ୍ଞାନରଞ୍ଜନ ମହାନ୍ତି, ଉପ ଜିଲ୍ଲାପାଳ ସନତ ନାଏକ , ଜିଲ୍ଲା ଯୋଗାଣ ଅଧିକାରୀ ବିଭୁ ପ୍ରସନ୍ନ ଆଚାର୍ଯ୍ୟ, ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଡାକ୍ତର  ଅଭୟ ସାହୁ,ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ରୀତାକାନ୍ତି ବଳିଆରସିଂ, ବିଡ଼ିଓ କଳାକୃଷ୍ଣ ପ୍ରଧାନ ଙ୍କ ସହିତ ଜିଲ୍ଲା ସ୍ତରୀୟ ଅଧିକାରୀ ଯୋଗଦାନ କରି ଲୋକଙ୍କ ସମସ୍ୟା ବୁଝିଥିଲେ |  ସମୁଦାୟ ୨୬୮ ଟି ମାମଲା ପଞ୍ଜୀକୃତ ହୋଇଥିବା ବେଳେ ୨୫୬ ଟି ବ୍ୟକ୍ତିଗତ ,୧୨ଟି ଗୋଷ୍ଠୀ ଭିତ୍ତିକ ମାମଲା ହୋଇଥିବା ବେଳେ  ୧୩୮ ଟି ମାମଲାର ତୁରନ୍ତ ସମାଧାନ କରାଯାଇଥିଲା | ମୁଖ୍ୟମନ୍ତ୍ରୀ ରିଲିଫ ଫଣ୍ଡରୁ ୧୪ଜଣକୁ ୧ଲକ୍ଷ ୩୦ ହଜାର ଟଙ୍କା ପ୍ରଦାନ କରାଯାଇଥିଲା |  ଉକ୍ତ ଶିବିରରେ ଆତ୍ମାହୁତି,ଝିଅ ବିକ୍ରି,ଅସହାୟ ଶିଶୁଙ୍କୁ ସରକାରୀ ସହାୟତା ଓ ରାଜନୈତିକ ଆକ୍ରୋଶ ଆଦି ଅନେକ ମାମଲାକୁ ନେଇ  ଜନ ଶୁଣାଣି ଶିବିର ଅନୁଷ୍ଠିତ ହୋଇ ଯାଇଛ...

ରାସ୍ତା ଅବସ୍ଥା ଶୋଚନୀୟ ବେଙ୍ଗ ମୁତୀଲେ  ଆଣ୍ଠୁଏ ପାଣି। ବାଲିଆପାଳ ,ଲୋଙ୍ଗଳେଶ୍ବେର  -25/7/22-ବାଲେଶ୍ୱର ଜିଲ୍ଲା ବାଲିଆପାଳ ବ୍ଲକ ବଣିଆଡିହା ଗ୍ରାମ ପଂଚାୟତ ବଣିଆଡିହା ଗ୍ରାମ ରାସ୍ତା ରେ ଆଣ୍ଠୁଏ ପାଣି ଦେଖିବାକୁ ମିଳିଛି l ଏହି ରାସ୍ତାଟି ଲଙ୍ଗଳେଶ୍ୱର ରୁ ବାଲେଶ୍ୱର କୁ ଯିବା ପାଇଁ ମୁଖ୍ୟ ରାସ୍ତା  ହୋଇ ଥିବାରୁ ପ୍ରେତେକ ଦିନ ସହ ସହ ମଟର ଗାଡି, ବସ, ଭାରି ଜାନ ସହିତ ସ୍କୁଲ କଲେଜ କୁ ବହୁତ ପିଲା ପାଠ ପଢିବାକୁ ଯିବାର ମୁଖ୍ୟ ରାସ୍ତା ଅଟେ ଏହି ରାସ୍ତାରେ ପ୍ରେତେକ ଦିନ କିଛି ନା କିଛି ଦୁର୍ଘଟଣା ଦେଖିବାକୁ ମିଳିଛି  ଗ୍ରାମ ବାସୀଙ୍କ କହିବା ଅନୁସାରେ ୬ ମାସ ପୂର୍ବରୁ ରାସ୍ତା ଟି ଭଲ ଥିଲା କିନ୍ତୁ ଏକ ମାସ ପୂର୍ବରୁ ରାସ୍ତା କାମ ପାଇଁ ଆସିଥିବା କଣ୍ଟ୍ରାକ୍ଟର ଏମିତି ରାସ୍ତା କାମ  କଲେ ଯାହା ଫଳ ରେ ରାସ୍ତା ଅବସ୍ଥା  ଏତେ ଶୋଚନୀୟ  ହୋଇ ପଡିଛି।  ତାହା ଆପଣ ମାନେ ଦେଖି ପାରୁ ଥିବେ କହିବାକୁ ଗଲେ ଗଂଜା ଗ୍ରାମରୁ ଭାନୁପୁରଗ୍ରାମ  ପର୍ଯ୍ୟନ୍ତ ଯାଇ ଥିବା ରାସ୍ତା ରେ ଗୋଟିଏ ଜାଗାରେ  ଖାଲ ତ 100 ମିଟର ଦୂରରେ ଗୋଟିଏ ଢିପ ହେଇ ଥିବାରୁ ରାସ୍ତାରେ ଯାଉ ଥିବା ଲୋକ ମାନଙ୍କୁ ବିଭିନ୍ନ ସମସ୍ୟା ପଢୁ ଥିବାର ଦେଖିବାର ମିଳୁଛୁ, ତେଣୁ କରି ରାସ୍ତାରେ ପାଣି ଜମୁଛି ରାସ୍ତା ପାଖରେ ଯାଇଥିବା ଡ୍ରେନ ରେ କାଦ ଅଳିଆ ଜମା ହେବାରୁ ଡ୍ରେନ ଟି ସମ୍ପୂର...

ବରଗଡ଼:- ଯୁକ୍ତ ତିନି ପଞ୍ଚମ ସେମିଷ୍ଟାର୍ ର ମୂଲ୍ୟାଙ୍କନ ରେ ତୃଟି କୁ ପୂନଃ ପନ୍ଦର ଦିନ ମଧ୍ୟରେ  ମୂଲ୍ୟାୟନ କରି ରେଜଲ୍ଟ ପ୍ରକାଶ କରିବା ପ୍ରତିଶୃତି ଦେବା ସତ୍ତ୍ବେ, ଦୀର୍ଘ ଦିନ ହେଲା ରେଜଲ୍ଟ ପ୍ରକାଶ ପାଇ ପାରିନାହିଁ । ଏହି ସମସ୍ୟା ର ସମାଧାନ ନିମନ୍ତେ ବରଗଡ଼ ଜିଲ୍ଲା ଛାତ୍ର କଂଗ୍ରେସ ବାରମ୍ବାର  ବିଶ୍ବ ବିଦ୍ୟାଳୟ ଏବଂ ସରକାର ଙ୍କ ଧ୍ୟାନ ଆକର୍ଷଣ କରିବାକୁ ପ୍ରୟାସ କରୁଛି । ପଶ୍ଚିମ ଓଡିଶା ର ଏକମାତ୍ର ସାଙ୍ଗଠନିକ ବିଶ୍ଵ ବିଦ୍ୟାଳୟ ର ଅବହେଲା କୁ ବିରୋଧ କରି । ଆଜି ତା- 25/07/2022ରିଖ ରେ ବରଗଡ଼ ଜିଲ୍ଲା ଛାତ୍ର କଂଗ୍ରେସ ବରଗଡ଼  ସହରର ଗାନ୍ଧୀ ଛକ ରେ ଅଭିନବ ଭାବରେ ପ୍ରତିବାଦ କରିଥିଲା । ହିନ୍ଦୁ ରିତି ନିତି ଅନୁସାରେ ବିଶ୍ବ ବିଦ୍ୟାଳୟ ର କୂଳପତି ସଂଜୀବ ମିତ୍ତଲ୍, ଉଚ୍ଚଶିକ୍ଷା ମନ୍ତ୍ରୀ ରୋହିତ୍ ପୂଜାରୀ ଏବଂ ମୁଖ୍ୟମନ୍ତ୍ରୀ ମାନଙ୍କ ସତବୁଦ୍ଧି ନିମନ୍ତେ  ଏକ ହୋମଜଜ୍ଞ ର ଆଯୋଜନ କରି ସମ୍ବଲପୁର ବିଶ୍ଵ ବିଦ୍ୟାଳୟ ର କୂଳପତି ସଂଜୀବ ମିତ୍ତଲ୍ ଏବଂ ଉଚ୍ଚଶିକ୍ଷା ମନ୍ତ୍ରୀ ରୋହିତ୍ ପୂଜାରୀ ଙ୍କ କୁଶ ପୁତ୍ତଳିକା ଦାହ କରିବା ସହ ତୁରନ୍ତ ପଞ୍ଚମ ସେମିଷ୍ଟାର୍ ର ନୂତନ ମୂଲ୍ୟାୟନ ପ୍ରକାଶ କରିବାକୁ ଏକ ଦାବି ପତ୍ର ସରକାର ଙ୍କ ଉଦ୍ଦେଶ୍ୟ ରେ ଏକ ସ୍ମାରକ ପତ୍ର ADM ଙ୍କ ଜରିଆରେ ପ୍ରଦାନ କରିଛି । ସୂଚନା ଯୋଗ୍ୟ ଯେ ଦାବି ଯଥାଶିଘ୍ର ପୁରଣ ନ ହେଲେ ଆନ୍ଦୋଳନ ଉଗ୍ରରୂପ ନେବ ଛ...

 ମାଗଣା ଚକ୍ଷୁ ଚିକିତ୍ସା ଶିବିରରେ ଡ଼ାକ୍ତରଙ୍କ ଦ୍ବାରା ସଫଳ ପରୀକ୍ଷଣ ଓ ଚିକିତ୍ସା ଯାଜପୁର ; ୨୫/୦୭ (ବସନ୍ତ କୁମାର ପାତ୍ର ଙ୍କ ଠାରୁ):  ରବିବାର ଦିନ ୯ ଘଟିକା ଠାରୁ ୧ଘଟିକା ପର୍ଯ୍ୟନ୍ତ ଯହଳ ଗ୍ରାମର ବାତ୍ୟା ସ୍ଥଳୀ ଠାରେ ଏକ ମାଗଣା ଚକ୍ଷୁ ଶିବିର ଅନୁଷ୍ଠିତ ହୋଇଯାଇଛି। ଏହି ଶିବିରରେ ଆଖପାଖ ଗାଁ ମଧ୍ୟରୁ ଜଗତପୁର,ନିତ୍ୟାନନ୍ଦ ପୁର,ଅମ୍ପାର, ହସିନପୁର,ଚିନ୍ତା ପଲ୍ଲୀ, ଓ ବେରୁଦା ପ୍ରମୁଖ ଗାଁ ରୁ ୩୬ ଜଣ ଲୋକ ନିଜ ନିଜ ଆଖି ପରୀକ୍ଷା କରିଥିଲେ। ତାଙ୍କ ମଧ୍ୟରୁ ୮ଜଣ ମୋତିଆ ବିନ୍ଦୁ ରୋଗୀ ଚିହ୍ନଟ ହୋଇ ଚଣ୍ଡିଖୋଲ ସାଇନେତ୍ର ମନ୍ଦିର ଚକ୍ଷୁ ଚିକିତ୍ସାଳୟକୁ ଯାଇଥିଲେ। ମେଡିକାଲ ତରଫରୁ ରୋଗୀ ମାନଙ୍କ ପାଇଁ ଗାଡ଼ିରେ ଯିବା ଆସିବା,ରହିବା, ଖାଇବା, ଔଷଧ,ଅପରେସନ, ଚଷମା, ପ୍ରଭୁତି ସମ୍ପୂର୍ଣ୍ଣ  ମାଗଣା ଦିଆଯାଇଛି। ଏହି ଶିବିରରେ ମେଡିକାଲ ତରଫରୁ ଡାକ୍ତର ଶ୍ରୀମନ୍ତ କୁମାର ସାହୁ,ଟେକ୍ନିସିଆନ ଗାୟତ୍ରୀ ରାଉତ, ସହଯୋଗୀ ଚିତ୍ତରଞ୍ଜନ ମିଶ୍ର ଓ ଜହଲ ଗ୍ରାମର ସମାଜ ସେବି ସଞ୍ଜୟ କୁମାର ରୁଦ୍ର,ବିକାଶ କୁମାର ମହାରଣା ପ୍ରମୁଖ ସହଯୋଗ କରିଥିଲେ। ଏଭଳି ସେବା କାର୍ଯ୍ୟକ୍ରମକୁ ବୁଦ୍ଧିଜୀବୀ ମହଲରେ ପ୍ରଶଂସା କରାଯାଇଛି।

କଣ୍ଟାମାଳ:କଣ୍ଟାମାଳ ବ୍ଲକ ରେ ବିକାଶର ନଗ୍ନ ଚିତ୍ର,ଗାଁକୁ ଗଲାନାହିଁ ଆମ୍ବୁଲାନ୍ସ କାନ୍ଧରେ ବୁହାହେଲେ ରୋଗୀ। ରିପୋର୍ଟ: ପ୍ରଶାନ୍ତ କୁମାର ପ୍ରଧାନ କଣ୍ଟାମାଳ: କଣ୍ଟାମାଳ ବ୍ଲକ ରେ ବିକାଶର ନଗ୍ନ ଚିତ୍ର,ଗାଁକୁ ଯାଇପାରିଲାନି ଆମ୍ବୁଲାନ୍ସ କାନ୍ଧରେ ବୁହାହେଳେ ରୋଗୀ। ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ସବୁବେଳେ ବିକାଶର ବାହାରେ ।କେତେବେଳେ କେଉଁ ଗାଁର ଲୋକେ ଅନ୍ଧାରରେ ତା କେତେ ବେଳେ କେଉଁ ଗାଁକୁ ଆମ୍ବୁଲାନ୍ସ ନଯିବା ଘଟଣା ଏବେ ଲୋକଙ୍କୁ ବ୍ୟସ୍ତ ବହୁଳ କରୁଥିବା ବେଳେ କେତେବେଳେ 5T ସ୍କୁଲ ର ରୁପାନ୍ତିକରଣରେ ଠିକାଦାର ଓ ବିଭାଗୀୟ ଯନ୍ତ୍ରୀଙ୍କ ମଧୁଚନ୍ଦ୍ରିକା ଦେଖିବାକୁ ମିଳିଛି।ସରକାରଙ୍କ ମାଳ ମାଳ ଯୋଜନା ଖାତା ଓ ଫାଇଲ ରେ ସବୁ ପୋତି ହୋଇଥିବା ବେଳେ ତାହାର ଫାଇଦା ଉଠାଉଛନ୍ତି କିଛି ଠିକାଦାର ଓ ବିଭାଗୀୟ ଅଧିକାରୀ ମାନେ। ବାରମ୍ବାର ଲୋକ ଯାହାବି ଅଭିଯୋଗ କରୁଛନ୍ତି ନଦେଖିଲା ପରୀ ଅଭିନୟ ହେଉଥିବା ଅଭିଯୋଗ ହୋଇଛି।ମିଳିଥିବା ସୂଚନା ଅନୁଯାୟୀ ଗତକାଲି ବରଗାଁ ପଞ୍ଚାୟତ ଅନ୍ତର୍ଗତ ସାହଜ ପିଟା ଗ୍ରାମର ରଶ୍ମିତା ମନହିରା ଙ୍କୁ ପ୍ରବଳ ଜ୍ଵର ହେବାରୁ ପରିବାର ଲୋକ 108 ଆମ୍ବୁଲାନ୍ସ କୁ ଫୋନ୍ କରି ଡାକିଥିଲେ।ରାସ୍ତା ଖରାପ ଥିବାରୁ ଆମ୍ବୁଲାନ୍ସ ଏକ କିଲୋମିଟର ଦୂରରେ ରହିଥିଲା।ଗ୍ରାମବାସୀଙ୍କ ସହାୟତାରେ ପରିବାର ଲୋକେ ରଶ୍ମିତା ଙ୍କୁ ୧କିମି କାନ୍ଧରେ ବୁହି ଆମ୍ବୁଲାନ୍ସ ପାଖକୁ ଆଣିଥିଲେ।ଏହି ରାସ୍ତାଟି ...

ସିରସା/ସାରସକଣା/ମୟୁରଭଞ୍ଜ:- ଆଜିର ଆଧୁନିକ ଯୁଗରେ ଏଭଳି କିଛି ବିଚିତ୍ର ପ୍ରକାରର ଘଟଣା ମାନ ଦେଖିବାକୁ ମିଳେ ଯାହା ସମାଜ ପାଇଁ ଏକ ବ୍ୟାଧି ବୋଲି ବିବେଚନା କରାଯାଏ। ଆମେ ଶୁଣିଛେ ବାପାମାଆ କୋଳରେ ପୁଅଟିଏ ପାଇବା ପାଇଁ କେତେ ବ୍ରତ ଓଷା ପାଳନ କରିଥାନ୍ତି। ଠାକୁରଙ୍କ କୃପାରୁ କୋଳରେ ପୁଅଟିଏ ପାଇବା ପରେ ସ୍ବାମୀ ସ୍ତ୍ରୀ ଦୁହିଁଙ୍କ ଆଖିରେ ନାନା ସ୍ବପ୍ନ ରହିଥାଏ। ଆଉ ସେହି କଅଁଳା ଶିଶୁ ଯେତେବେଳେ ଧିରେ ଧିରେ ପାଠପଢି ବଡ ହୁଏ ଏବଂ ଚାକିରୀ ଖଣ୍ଡେ ପାଇ ନିଜକୁ ସୁନେଲି ସ୍ବପ୍ନ ଦେଖି ଏକ ଅଚିହ୍ନା ସୁନ୍ଦର ଯୁବତୀର ସ୍ପର୍ଶ ପାଏ ସେତେ ବେଳକୁ ଜନ୍ମ କଲା ବାପା ମା'ଙ୍କ ସ୍ନେହ ମମତା ଭୁଲି ନିଜ ପାଇଁ ବୋଝ ମନେକରି ବହୁ ଦୂରକୁ ଚାଲିଯାଏ। ଆମେ ଏଠାରେ କୌଣସି କାହାଣୀ ବର୍ଣ୍ଣନା କରିବାକୁ ଚାହୁଁ ନାହୁଁ ବରଂ ଏହା ଏକ ସତ୍ୟ ଘଟଣା ଯାହା ଦେଖିବାକୁ ମିଳିଛି ରାଜ୍ୟର ମୟୂରଭଞ୍ଜ ଜିଲ୍ଲା ଅନ୍ତର୍ଗତ ସାରସକଣା ବ୍ଳକ,ଝାରପୋଖରିଆ ଥାନା ଅଧୀନ ସିରସା ଗାଆଁରେ। ଏହି ଗ୍ରାମର ମିଲନ ପ୍ରକାଶ ରଣାଙ୍କ କ୍ଷେତ୍ରରେ ଏଭଳି ପରିସ୍ଥିତି ଉପୁଜିବା ନେଇ ଏବେ ରାଜଧାନୀ ଭୁବନେଶ୍ଵରରେ ବିଭିନ୍ନ ଗଣମାଧ୍ୟମରେ ଚର୍ଚ୍ଚିତ ଖବର ହୋଇଛି। ଯାହାକୁ ନେଇ ବାପା ପୁଅର ସଂପର୍କ ଭିତରେ ସୃଷ୍ଟି ହୋଇଛି ମତଭେଦ। ପକ୍ଷାଘାତ ରୋଗରେ ପୀଡିତ ବୃଦ୍ଧ ବାପା ଏକ ସରକାରୀ ହସ୍ପିଟାଲରେ ଅସହାୟ ଅବସ୍ଥାରେ ନିଜ ଭାଗ୍ୟକୁ ନିନ୍ଦିତ ଆଖିରୁ ଅହରହ ଲୁହ ଝରାଇ...

 ଭିଜିଲାନ୍ସ ସ୍କାନରରେ ପରିମଳ ବିଭାଗର ଯନ୍ତ୍ରୀ ! ଲକ୍ଷ ଲକ୍ଷ ଟଙ୍କା ଲୁଟି ବିଭାଗୀୟ ଅଧିକାରୀ ଏବେ କୁବେର, ହରଭଙ୍ଗା 24/07:-  ଗ୍ରାମ ପଞ୍ଚାୟତର ବିକାଶ ପାଇଁ ସରକାରଙ୍କ ନୂଆ ଯୋଜନା ସେବା ଏମିତି ଅଛି।ସରକାରଙ୍କ  ପରିମଳ ବିଭାଗ 2021/022ନଳକୂପ ମରାମତି ନୂତନ ଯୋଜନା ବାଟମାରଣା ହେବ ସହିତ ନିମ୍ନ ମାନର କାର୍ଯ୍ୟ ଦେଖିବାକୁ ମିଳିଛି ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ରେ। 22ଗୋଟି ପଂଚାୟତ ରେ କେତୋଟି ନଳକୂଅ କାର୍ଯ୍ୟକ୍ଷମ ଅଛି ଏବଂ କେତୋଟି ଅଚଳ ଅବସ୍ଥା ରେ ଅଛି ତାହାର ହିସାବ ନାହିଁ ସରକାରୀ ବାବୁ ମାନଙ୍କ ପାଖରେ। ଏପଟେ ବର୍ଷା ଦିନ ଥିବାରୁ ବାହ୍ୟ ପାଣି ବ୍ୟବହାର ସ୍ୱାସ୍ଥ୍ୟ ପକ୍ଷେ କ୍ଷତି କାରକ ହେଉଥିବାବେଳେ ଚଳନ୍ତି ନଳକୂଅ ଗୁଡିକ ର ପାଣି ପରିଷ୍କାର କରାଯଉନି। ସେପଟେ ନଳକୂଅ ମରାମତି ପାଇଁ ସରକାରଙ୍କ ନୂଆଯୋଜନା ଫେଲ ମାରିଛି ଲୁଣିବାହାଲ ପଂଚାୟତ ରେ, ନଳକୂଅ ର ନୂତନ ଚାନ୍ଦିନୀ ସହିତ ପାଣିଟାଙ୍କି ପାଇଁ ଆସୁଥିବା 16000/-ଟଙ୍କା ରେ ନାମକୁମାତ୍ର କାମ ହେଉଛି!ଏହାର ଏକ ନଗ୍ନ ଚିତ୍ର ଏହି ପଂଚାୟତ ର ବଡ଼ବନ୍ଧ ପୋଷ୍ଟାଲ ଛକ ରେ ଥିବା ନଳକୂଅ କୁ ଦେଖିଲେ ଜଣାପଡୁଛି!ଯୋଜନା ରେ ଥିବା ମାପରୁ ବହୁ ଛୋଟ କରି ଚାନ୍ଦିନୀ ଓ ମୁକୁଳା ପାଣିଟାଙ୍କି କରାଯାଇଛି!କାର୍ଯ୍ୟ କରୁଥିବା ସମୟରେ କୋଣସି ସରକାରୀ ବାବୁ, ଯନ୍ତ୍ରୀ ବା ଇଞ୍ଜିନିଅର କାର୍ଯ୍ୟର ତଦନ୍ତ ନ କରି କେବଳ ଠିକାଦାର ଦେଉଥିବା ଫୋଟୋ କ...