ବ୍ରାହ୍ମ ମୁହୂର୍ତ୍ତ ଖବରକାଗଜ

ଏମକେସିଜିରେ ବେକରେ ନକଲି ଡାକ୍ତର, ଯୁବକକୁ କାବୁ କଲା ପୁଲିସ। ବ୍ରହ୍ମପୁର( ବ୍ରାହ୍ମ ମୁହୂର୍ତ୍ତ ବ୍ୟୁରୋ): ବ୍ରହ୍ମପୁର ସ୍ଥିତ ଏମକେସିଜି ଭେଷଜ ମହାବିଦ୍ୟାଳୟ ଓ ଚିକିତ୍ସାଳୟରେ ସୁଧୁରିବା ନାଁ ଧରୁନାହିଁ ଦଲାଲରାଜ । ଗତ କିଛି ଦିନ ତଳେ ପୁଲିସ ୬ ଜଣ ଦଲାଲଙ୍କୁ ଗିରଫ କରିଥିବା ବେଳେ ଆଜି ଆଉ ଜଣେ ଯୁବକଙ୍କୁ କାବୁ କରିଛି । ଏହି ଯୁବକଙ୍କ ଠାରୁ ନକଲି ଡାକ୍ତରୀ ପରିଚୟପତ୍ର ମଧ୍ୟ ଜବତ ହୋଇଛି । ସଂପୃକ୍ତ ଯୁବକଙ୍କୁ ଥାନାରେ ଅଟକ ରଖାଯାଇ ପୁଲିସ ଅଧିକ ପଚରା ଉଚରା ଜାରି ରଖିଛି । ସୂଚନାନୁସାରେ ଆଜି ସକାଳୁ ଜଣେ ଯୁବକ ନିଜ ବେକରେ ଏକ ପରିଚୟ ପତ୍ର ପକାଇ ବିଭିନ୍ନ ୱାର୍ଡରେ ବୁଲୁଥିବା ଦେଖିବାକୁ ମିଳିଥିଲା। ଯୁବକ ଜଣଙ୍କ ଜଣେ ରୋଗୀଙ୍କୁ ଧରି ଅସ୍ଥିଶଲ୍ୟ ବିଭାଗ ଇନଡୋରକୁ ଯାଉଥିବା ବେଳେ କୌଣସି କାରଣକୁ କେନ୍ଦ୍ର କରି ସେଠାକାର କର୍ମଚାରୀଙ୍କ ସହ ପାଟିତୁଣ୍ଡ ହୋଇଥିଲା। ଏହା ଦେଖି ସେଠାରେ କାର୍ଯ୍ୟରତ  ସୁରକ୍ଷାକର୍ମୀମାନେ ଘଟଣାସ୍ଥଳରେ ପହଞ୍ଚିଥିଲେ। ଯୁବକ ଜଣଙ୍କ ନିଜ ବେକରେ ଏକ ପରିଚୟପତ୍ର ଝୁଲାଇଥିବାରୁ ସୁରକ୍ଷା କର୍ମୀମାନେ ତାଙ୍କ ପରିଚୟ ପଚାରିଥିଲେ। ଯାଞ୍ଚ ବେଳେ ସେହି ପରିଚୟପତ୍ରରେ ଡାକ୍ତର ଦୀପକ କୁମାର ନାହାକ ବୋଲି ନାଁ ଲେଖା ହୋଇଥିଲା। ସେହିପରି ବର୍ହିବିଭାଗ ସୁପରଭାଇଜର ବୋଲି ତାଙ୍କ ପଦବୀ ଲେଖା ହୋଇଥିଲା। ତେ​‌ବେ ପରିଚୟପତ୍ରରେ ଯେଉଁ ପଦବୀ ଲେଖା ହୋଇଛି ଏମକେସିଜିରେ ସେଭଳି କୌଣସି...

ଗୁଣପୁର ରେ   ଯୁଗ୍ମ ଅଭିଯୋଗ ଅଭିଯୋଗ ଶୁଣାଣି ଅନୁଷ୍ଠିତ।                        ଜିଲ୍ଲା ପ୍ରତିନିଧି ମାଧବ ବିଡିକାଙ୍କ ରିପୋର୍ଟ - ଗୁଣପୁର/ରାୟଗଡ଼ (ବ୍ରାହ୍ମ ମୁହୂର୍ତ୍ତ) :-ତା ୩୧/୧୦-ରିଖ ଦିନ ଗୁଣପୁର ଉପ ଜିଲ୍ଲାପାଳଙ୍କ ସଦ ଭାବନା ସ୍ୱଭାଗୃହ ଠାରେ    ଯୁଗ୍ମ ଅଭିଯୋଗ ଶୁଣାଣି ଅନୁଷ୍ଠିତ ହୋଇଥିଲା । ଏହି ଅଭିଯୋଗ ଶୁଣାଣି ଶିବିରରେ ମୁଖ୍ୟ ଉନ୍ନୟନ ଅଧିକାରୀ ତଥା ନିର୍ବାହୀ ଅଧିକାରୀ, ଗ୍ରାମ୍ୟ ଉନ୍ନୟନ ସଂସ୍ଥା, ରାୟଗଡ  ରବିନାରାୟଣ ତ୍ରିପାଠୀ, ଗୁଣପୁର ଉପ ଜିଲ୍ଲାପାଳ ଶ୍ରୀ ଲୋକନାଥ ଦଳ ବେହେରା, ଉପଖଣ୍ଡ ଆରକ୍ଷୀ ଅଧିକାରୀ, ଗୁଣପୁର ଉପଖଣ୍ଡ ଚିକିତ୍ସା ଅଧିକାରୀ ଶ୍ରୀ ରମେଶ ଚନ୍ଦ୍ର ସାହୁ, ଜିଲ୍ଲା ଶିକ୍ଷା ଅଧିକାରୀ ପୂର୍ଣ୍ଣ ଚନ୍ଦ୍ର ବାରିହା, ଜିଲ୍ଲା ମଂଗଳ ଅଧିକାରୀ ଅଶୋକ କୁମାର ଶତପଥି,ଜିଲ୍ଲା ସମାଜ କଲ୍ୟାଣ ଅଧିକାରୀ ଯlଜ୍ଞସେନି ବେହେରା, ଶିଶୁ ସୁରକ୍ଷା ଅଧିକାରୀ ରମେଶ ଚନ୍ଦ୍ର ନାୟକ, ପ୍ରମୁଖ ଉପସ୍ଥିତ ରହି ମୋଟ ୨୬ଟି ଅଭିଯୋଗ ଶୁଣାଣି କରିଥିଲେ । ଏଥିରେ ୨୩ଟି ବ୍ୟକ୍ତିଗତ ଥିବାବେଳେ ୦୩ଟି ସାମୁହିକ ଦରଖାସ୍ତ ଦାଖଲ ହୋଇଥିଲା । ବିଶେଷ କରି ରାସ୍ତା, ଖାଉଟି କାର୍ଡ, ଚିକିତ୍ସା ଆଦିରେ ଦରଖାସ୍ତ ଦାଖଲ ହୋଇଥିଲା ।  ଅଭିଯୋଗ ଶୁଣାଣି ପ୍ରକୋଷ୍ଠରେ ସମସ୍ତ ଜିଲ୍ଲା ସ୍ତରୀୟ ଅଧିକାର...

 ଦୁର୍ନୀତି ନିବାରଣ ସପ୍ତାହ ପାଳନ ଅବସରରେ ଶପଥ ପାଠ ।।     ମାଧବ ବିଡିକାଙ୍କ ରିପୋର୍ଟ - ଗୁଣପୁର/ ରାୟଗଡ଼:-(ବ୍ରାହ୍ମ ମୁହୂର୍ତ୍ତ): ତା 31/10/ ଦୁର୍ନୀତି ନିବାରଣ ସପ୍ତାହ ପାଳନ ଅବସରରେ ଗୁଣପୁର ଉପ ଜିଲ୍ଲାପାଳଙ୍କ କାର୍ଯ୍ୟାଳୟର ସମସ୍ତ ଅଧିକାରୀ ଓ କର୍ମଚାରୀମାନେ ସାମୁହିକ ଶପଥ ପାଠ କରିଥିଲେ । ସହକାରୀ ଜିଲ୍ଲାପାଳ ଶ୍ରୀ ରାଜେନ୍ଦ୍ର ପ୍ରସାଦ ଚୌଧୁରୀଙ୍କ ଅଧ୍ୟକ୍ଷତାରେ ଶପଥ ପାଠ କରାଯାଇଥିଲା । ଅତିରିକ୍ତ ଜିଲ୍ଲା ମଙ୍ଗଳ ଅଧିକାରୀ ଶ୍ରୀ ଶ୍ରୀନିବାସ ଆଚାରି, ସେକ୍ସନ ଅଧିକାରୀ ମନ ରଂଜନ କାର୍ଜି, ସମସ୍ତ ବରିଷ୍ଠ କିରାଣୀ, କନିଷ୍ଠ କିରାଣୀ ଉପସ୍ଥିତ ରହି ଦୁର୍ନୀତି ନିବାରଣ, ସ୍ୱଚ୍ଛତା କାର୍ଯ୍ୟ କରିବାକୁ ଶପଥ ନେଇଥିଲେ । ଭାରପ୍ରାପ୍ତ ସୂଚନା ଓ ଲୋକ ସମ୍ପର୍କ  ଅଧିକାରୀ ଶ୍ରୀ ଧଂନଜ୍ଞୟ  ବେହେରା ପରିଚାଳନା କରିଥିଲେ ।

"ଆଶ୍ରୟ "ବୌଦ୍ଧ ତରଫରୁ 77ବର୍ଷୀୟା ବୁଢ଼ୀ ମା କୁ ଉଦ୍ଧାର ବୌଦ୍ଧ( ବ୍ରାହ୍ମ ମୁହୂର୍ତ୍ତ ଖବରକାଗଜ) :ବୌଦ୍ଧ ଗଡ଼ ଏନଏସି  ସୂଚନା କ୍ରମେ ଖଲିଆ ବଗିଚା ପ୍ରାଥମିକ ବିଦ୍ୟାଳୟ ନିକଟରୁ "ଆଶ୍ରୟ'' (SUH) ପକ୍ଷ୍ୟରୁ ଜନୈକ 77 ବର୍ଷୀୟl ବୃଦ୍ଧା ମାଆ ଙ୍କୁ ଉଦ୍ଧାର କରାଯାଇ ଆଶ୍ରୟ ସ୍ଥଳ ରେ ରଖା ଯାଇଛି l ଜୈନିକl ମା ଜଣକ ହରଭଙ୍ଗା ବ୍ଲକ ପୁରୁଣାକଟକ ପଂଚାୟତ ପିତାମ୍ବର ପୁର ଗ୍ରାମର ମନ୍ଦୋଦରୀ ନାୟକ ବୋଲି ଚିହ୍ନଟ କରାଯାଇଛି!ଉଦ୍ଧାର କରାଯିବା ସମୟରେ ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରି - ରୀତା କାନ୍ତି ବଳିୟାରସିଂହ  , ଆଶ୍ରୟ ପରିଚାଳକ କୃପାସିନ୍ଧୁ ଷଡଙ୍ଗୀ ଙ୍କ ସମେତ ସ୍ଥାନୀୟ ଜନସାଧାରଣ ଉପସ୍ଥିତ ଥିଲେ l ଆସନ୍ତା କାଲି ଉଦ୍ଧୃତ ମାଆ ଙ୍କ ସମସ୍ୟା ସମ୍ପର୍କରେ ଅବଗତ ହେବା ପରେ ଆବଶ୍ୟକ ସହାୟତା ଯୋଗାଇ ଦିଆଯିବ ବୋଲି ଆଶ୍ରୟ ସ୍ଥଳ ପରିଚାଳକ ସୂଚନା ଦେଇଛନ୍ତି  l ରିପୋର୍ଟର :ବୌଦ୍ଧ ରୁ ସୁଶାନ୍ତ କୁମାର ବେହେରା

ବଙ୍ଗୋପସାଗରରେ ଘୂର୍ଣ୍ଣିବଳୟ କାର୍ତ୍ତିକ ପୂର୍ଣ୍ଣିମା ଯାଏଁ ଶୀତ ନାହିଁ ଭୁବନେଶ୍ବର(ବ୍ରାହ୍ମ ମୁହୂର୍ତ୍ତ ବ୍ୟୁରୋ) : ରାଜ୍ୟ ପାଣିପାଗ କାର୍ଯ୍ୟାଳୟ ପକ୍ଷରୁ ମିଳୁଥିବା ସୂଚନା ଅନୁଯାୟୀ ଆଗାମୀ ନଭେମ୍ବର ୪ ତାରିଖରେ ଦକ୍ଷିଣ-ପୂର୍ବ ବଙ୍ଗୋପସାଗରରେ ଉତ୍ତର ସୁମାତ୍ରା ନିକଟରେ ଏକ ଘୂର୍ଣ୍ଣିବଳୟ ସୃଷ୍ଟି ହେବାର ସମ୍ଭାବନା ରହିଛି। ଏହା ପ୍ରାୟ ସେହି ସ୍ଥାନରେ ୨ରୁ ୩ଦିନ ରହିବ। ବିଷୁବରେଖାର ନିକଟ ହେତୁ ଘନୀଭୂତ ହେବାରେ ବିଳମ୍ବ ହେବ। ଉତ୍ତର-ପଶ୍ଚିମରେ ଗତି କରି ୭ତାରିଖ ସୁଦ୍ଧା ଲଘୁଚାପ ହୋଇପାରେ। କେତେକ ମଡେଲ୍‌ରୁ ଜଣାପଡ଼ୁଛି, ଏହା ଘନୀଭୂତ ହୋଇ ଦେଶର ପୂର୍ବ ଉପକୂଳକୁ ପ୍ରଭାବିତ କରିବ। ତେବେ କେତେ ଘନୀଭୂତ ହେବ ଓ ଗତିପଥ କ’ଣ ରହିବ, ଲଘୁଚାପ ସୃଷ୍ଟି ପରେ ହିଁ ତାହା ସ୍ପଷ୍ଟ ହେବ ବୋଲି ପାଣିପାଗ ବିଶେଷଜ୍ଞ ଡ. ସୁ‌ରେନ୍ଦ୍ରନାଥ ପଶୁପାଳକ କହିଛନ୍ତି।ଅନ୍ୟପକ୍ଷରେ, କାର୍ତ୍ତିକ ପୂର୍ଣ୍ଣିମା ଯାଏ ରାଜ୍ୟ‌ରେ ବିଶେଷ ଶୀତ ହେବାର ସମ୍ଭାବନା ନାହିଁ। ଗତ ୨୪ ଘଣ୍ଟାରେ ଉପକୂଳ ଓ ଆଭ୍ୟନ୍ତରୀଣ ଓଡ଼ିଶାର କିଛି କିଛି ସ୍ଥାନରେ ଦିନ ତାପମାତ୍ରା ସ୍ବାଭାବିକଠାରୁ କମ୍‌ ରହିଥିଲା। କିନ୍ତୁ ଦକ୍ଷିଣ ଆଭ୍ୟନ୍ତରୀଣ ଓ ଦକ୍ଷିଣ ଉପକୂଳ ଓଡ଼ିଶାର ରାତି ତାପମାତ୍ରା ସ୍ବାଭାବିକଠାରୁ କମ୍‌ ରହିଛି। ଆସନ୍ତା ୪ରୁ ୫ଦିନ ପର୍ଯ୍ୟନ୍ତ ରାଜ୍ୟର ତାପମାତ୍ରା ଏହିଭଳି ଜାରି ରହିବ। ସର୍ବୋଚ୍ଚ ଓ ସର୍ବନିମ୍ନ ତାପମାତ୍ରାରେ ବିଶେଷ ପରିବ...

ଖଲ୍ଲିକୋଟ କଲେଜ Extantion Wing ର ୧୯୭୮ମସିହା କଲେଜ ଛାତ୍ରଙ୍କ ବନ୍ଧୁ ମିଳନ ପର୍ବ - ବ୍ରହ୍ମପୁର ବ୍ରହ୍ମପୁର(ବ୍ରାହ୍ମ ମୁହୂର୍ତ୍ତ ବ୍ୟୁରୋ) : ଗଞ୍ଜାମ ଜିଲ୍ଲାର ପ୍ରସିଦ୍ଧ ମହାବିଦ୍ୟାଳୟ ଖଲ୍ଲିକୋଟ ସ୍ୱୟଂଶାସିତ ମହାବିଦ୍ୟାଳୟ ବ୍ରହ୍ମପୁର ସହରରେ ଏକ ପ୍ରମୁଖ ସ୍ଥାନରେ ରହିଛି। ରାଜ୍ୟର କୋଣ ଅନୁକୋଣରୁ ବହୁ ବିଦ୍ୟାର୍ଥୀ ଏଠାରେ ନିଜ ପରିଚୟ ପ୍ରତିଷ୍ଠା କରିଛନ୍ତି। ସେହି କ୍ରମରେ ଦେଖିବାକୁ ଗଲେ ବ୍ରହ୍ମପୁର ସ୍ଥିତ ଉତ୍କଳ ଆଶ୍ରମ କକ୍ଷରେ ଖଲ୍ଲିକୋଟ କଲେଜ Extantion Wing ର ୧୯୭୮ମସିହା କଲେଜ ଛାତ୍ରଙ୍କ ବନ୍ଧୁ ମିଳନ ପର୍ବ ସଭାପତି ଦୁର୍ଗା ପ୍ରସାଦ ଆଚାର୍ଯ୍ୟଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି।ଉକ୍ତ ବୈଠକରେ ଗଣେଶ ପ୍ରସାଦ ସାହୁ, ପ୍ରଫୁଲ୍ଲ କୁମାର ବିଷୋଇ, ଅଲେଖ ଚନ୍ଦ୍ର ବେହେରା, ପ୍ରଫୁଲ ଜେନା ଓ ଲକ୍ଷ୍ମୀ ନାରାୟଣ ସାହୁ ମଂଚାସିନ ଥିଲାବେଳେ କିଶୋର କପୁର,କାଳୀ ଚରଣ ସ୍ୱାଇଁ,କୈଳାସ ଚନ୍ଦ୍ର ସାବତ ଓ ହିମାଂଶୁ କୁମାର ସାମନ୍ତରାୟଙ୍କ ସହଯୋଗ ଉପସ୍ଥିତ ସମସ୍ତ ପୁରାତନ ଛାତ୍ରଙ୍କୁ ସମ୍ପର୍କର ଡୋରିରେ ଦୀର୍ଘ ସମୟଧରି ମଧୁର ସମ୍ପର୍କ ବୁଝାମଣାରେ ବାନ୍ଧି ରଖିଥିଲା। ଦୀର୍ଘ ବର୍ଷର ବ୍ୟବଧାନ ପରେ ଏମିତି ଏକ ମୁହୂର୍ତ୍ତ ପାଇ ସଭିଏଁ ବ୍ୟାକୁଳ ହୋଇ ଉଠିଥିଲେ। ନିଜ ନିଜ ଛାତ୍ର ଜୀବନର ସହପାଠୀଙ୍କ ଗହଣରେ ଏମିତି ପରିଣତି ବୟସରେ ନିଜ ନିଜର ଦୁଖ ଓ ସୁଖର ଆଦାନ ପ୍ରଦାନ କରିଥିଲେ। ଶେଷରେ ସମସ୍ତଙ୍କ ସହମତି ...

ନିଷ୍ଟ କଲେଜରେ ପାଠ ପଢିବା ପାଇଁ ଠକାମୀର ଶୀକାର - ବ୍ରହ୍ମପୁର ବ୍ରହ୍ମପୁର(ବ୍ରାହ୍ମ ମୁହୂର୍ତ୍ତ ବ୍ୟୁରୋ) : ନିଷ୍ଟ ଇଞ୍ଜିନିଅରିଂ କଲେଜରେ ଜଏନ କରାଇବା ପାଇଁ ଜଣେ ଯୁବକଙ୍କୁ ଠକିଲେ ମହିଳା l ଏହିଭଳି ଏକ ଘଟଣା ଦେଖିବାକୁ ମିଳିଛି ଗଞ୍ଜାମ ଜିଲ୍ଲାର ହିଞ୍ଜିଳିକାଟୁ ଅଂଚଳରେ l ଖବର ଅନୁସାରେ ଗଞ୍ଜାମ ଜିଲ୍ଲା ହିଞ୍ଜିଳିକାଟୁ ସହର ସ୍ଥିତ ବଇଁଛବଣିଆ ଚୈତନ୍ୟମାର୍ଗ ବାସିନ୍ଦା ବସନ୍ତ ପୋଲାଈଙ୍କ ପୁଅ ପଦ୍ମଚରଣ ପୋଲାଈ 2020-21ବର୍ଷରେ ଦ୍ଵାଦଶରେ ପାସ ହେବା ପରେ ବ୍ରହ୍ମପୁର ସ୍ଥିତ ନିଷ୍ଟ କଲେଜରେ ପାଠ ପଢିବା ପାଇଁ ଆଗ୍ରହ ପ୍ରକାଶ କରିଥିଲେ l ଆଗ୍ରହ ପ୍ରକାଶ କରି ଏକ ୱାଟ୍ସଅପ ଵିଜ୍ଞାପନ ଦ୍ୱାରା ପ୍ରଭାବିତ ହୋଇ ଝାଡ଼ଖଣ୍ଡ ଅଂଚଳର ମୌସୁମୀ ସାଗରଙ୍କ ସହ ଆଲୋଚନା କରିବା ସହ ଅଭିଯୁକ୍ତା ମୌସୁମୀଙ୍କ ବ୍ୟାଙ୍କକୁ 8ଗୋଟି କିସ୍ତିରେ 2ଲକ୍ଷ 39ହଜାର 652ଟଙ୍କା ଦେଇଥିଲେ l 8ଗୋଟି କିସ୍ତିରେ ଟଙ୍କା ଛାଡିବା ପରେ ବାପା ବସନ୍ତ ଏବଂ ତାଙ୍କ ପୁଅ ପଦ୍ମଲୋଚନ ନିଷ୍ଟ କଲେଜରେ ଜଏନ ପାଇଁ ଉକ୍ତ ମହିଳା ଜଣକୁ ବାରମ୍ବାର ଯୋଗାଯୋଗ କରିଥିଲେ ମଧ୍ୟ ମହିଳା ଜଣକ ସେମାନଙ୍କ କଥାକୁ ନାକଚ କରିଥିଲେ l ଏ ନେଇ ବାପା ଏବଂ ପୁଅ ଠକାମୀର ଶିକାର ହୋଇଥିବା ଜାଣିବା ପରେ ହିଞ୍ଜିଳି ଥାନାରେ ଅଭିଯୋଗ କରିଥିଲେ l ଅଭିଯୋଗକୁ ଭିତି କରି ହିଞ୍ଜିଳି ପୋଲିସ ଥାନାରେ 647/22 ରେ ଏକ ମାମଲା ରୁଜୁ କରିବା ସହ ଘଟଣାର ତଦନ୍ତ କରି ଝାଡ଼ଖଣ୍ଡ ଅଂଚଳର ମ...

ମା ଶ୍ୟାମା କାଳୀପୂଜା କମିଟି  ବାରଗଡ଼ିଆ ପକ୍ଷରୁ ଏକ ନୃତ୍ୟ ପ୍ରତିଯୋଗିତା କାର୍ଯ୍ୟକ୍ରମ ଅନୁଷ୍ଠିତ କଳିଙ୍ଗନଗର(ବ୍ରାହ୍ମ ମୁହୂର୍ତ୍ତ ବ୍ୟୁରୋ) ୩୦/୧୦ : ଯାଜପୁର ଜିଲ୍ଲା କଳିଙ୍ଗନଗର  ଡୁବୁରୀ ନିକଟସ୍ଥ ରାଧାକୃଷ୍ଣ ମାର୍କେଟ କମ୍ପ୍ଲେକ୍ସ ଠାରେ ମା ଶ୍ୟାମା କାଳୀପୂଜା କମିଟି ପକ୍ଷରୁ ଏକ ନୃତ୍ୟ ପ୍ରତିଯୋଗିତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି ନୃତ୍ୟ ପ୍ରତିଯୋଗିତାରେ ୪୦ ରୁ ଅଧିକ ପ୍ରତିଯୋଗୀ ଅଂଶଗ୍ରହଣ କରିଥିଲେ।ଏହି ନୃତ୍ୟ ପ୍ରତିଯୋଗିତାରେ ସରକାରୀ ଓ ବେସରକାରୀ ବିଦ୍ୟାଳୟର ୫ବର୍ଷ ରୁ ୧୫ବର୍ଷ ବୟସ ସୀମାରେ ଥିବା ଛାତ୍ରଛାତ୍ରୀ ନିଜର ପ୍ରତିଭା ଦେଖାଇଥିଲେ।ନୃତ୍ୟ ର ତାଳେ ତାଳେ କମ୍ପିଉଠିଥିଲା ରଙ୍ଗମଞ୍ଚ।ଏହି କାର୍ଯ୍ୟକ୍ରମ ରେ ବିଚାରକ ଭାବେ ଯାଜପୁରରୋଡ଼ ସ୍ଥିତ କେମ୍ବ୍ରିଜ କିଡ୍ସ ବିଦ୍ୟାଳୟର ଅଧ୍ୟକ୍ଷ ପ୍ରୀତି ଚୋୖରସିଆ ଓ ରାଜ୍ୟସ୍ତରୀୟ ମାନବାଧିକାର କର୍ମୀ ତଥା ବ୍ରାହ୍ମ ମୁହୂର୍ତ୍ତ ଜିଲ୍ଲା ପ୍ରତିନିଧି ଦୀପକ ରଞ୍ଜନ ପାଣିଗ୍ରାହୀ ଯୋଗଦେଇ ଛାତ୍ରଛାତ୍ରୀ ଙ୍କ ପ୍ରତିଭା କୁ ପରଖିଥିଲେ। ଏହି ନୃତ୍ୟ ପ୍ରତିଯୋଗିତାରେ ସ୍ଵୟଂଶ୍ରୀ ଶତପଥୀ ଓ ପ୍ରିନ୍ସେସ ପ୍ରିୟଦର୍ଶିନୀ ଙ୍କୁ ପ୍ରଥମ ସ୍ଥାନ,ଅଙ୍କିତା ଦାସ ଓ ବିଶ୍ୱନାଥ  ଙ୍କୁ ଦ୍ୱିତୀୟ ସ୍ଥାନ, ସିଦ୍ଧି ସ୍ମରଣିକା ଓ ଡି ଦିବ୍ୟଞ୍ଜନ  ଙ୍କୁ ତୃତୀୟ ସ୍ଥାନ ମିଳିଥିବା ବେଳେ ସେମାନଙ୍କୁ ସାର୍ଟିଫିକେଟ ସହ ମେଡାଲ ପ୍ରଦାନ କର...

ଜିଲ୍ଲାସ୍ତରୀୟ ଓଡିଶା ବିପର୍ଯ୍ୟୟ ପ୍ରସ୍ତୁତି ଦିବସ ପାଳିତ    ଯାଜପୁର(ବ୍ରାହ୍ମ ମୁହୂର୍ତ୍ତ ବ୍ୟୁରୋ);୩୦/୧୦ : ସଚେତନତା ହିଁ ସୁରକ୍ଷା ଓ ବିପର୍ଯ୍ୟୟ ପ୍ରସ୍ତୁତିର ମୁଖ୍ୟ ମାଧ୍ୟମ । ଆମେ ବିପର୍ଯ୍ୟୟକୁ ସମ୍ପୂର୍ଣ୍ଣ ରୁପେ ଏଡାଇ ପାରିବା ନାହିଁ ।  ଏଣୁ ସମ୍ଭାବ୍ୟ ବିପଦ ଏବଂ ସେଗୁଡିକର ସମାଧାନ ପାଇଁ ସଚେତନତା ସୃଷ୍ଟି କରି ଜନସାଧାରଣଙ୍କୁ ଅବଗତ କରାଇବା ଆଜିର ଦିବସର ଆଭିମୁଖ୍ୟ ହେବା ଉଚିତ ବୋଲି ଅତିରିକ୍ତ ଜିଲ୍ଲାପାଳ (ରାଜସ୍ୱ) ଅକ୍ଷୟ କୁମାର ମଲ୍ଳ୍ରିକ ମତବ୍ୟକ୍ତି କରିଚ୍ଥନ୍ତି ।  ଆଜି ପୂର୍ବାହ୍ନରେ ଜିଲ୍ଲା ବିପର୍ଯ୍ୟୟ ପରିଚାଳନା କର୍ତ୍ତୃପକ୍ଷ, ଯାଜପୁର ଆନୁକୂଲ୍ୟରେ ସିମିଳିଆ ସ୍ଥିତ ବହୁମୁଖୀ ବାତ୍ୟା ଆଶ୍ରୟ ସ୍ଥଳ ପରିସରରେ ଆୟୋଜିତ ଜିଲ୍ଲା ସ୍ତରୀୟ ଓଡିଶା  ବିପର୍ଯ୍ୟୟ ପ୍ରସ୍ତୁତି ଦିବସ ଏବଂ ଜାତୀୟ ବିପର୍ଯ୍ୟୟ ହ୍ରାସ ଦିବସ ପାଳନ-୨୦୨୨ ଅବସରରେ ମୁଖ୍ୟ ଅତିଥି ଭାବେ ଅତିରିକ୍ତ ଜିଲ୍ଲାପାଳ ଶ୍ରୀ ମଲ୍ଲିକ ଯୋଗଦେଇ କହିଲେ ଯେ, ବିପର୍ଯ୍ୟୟ ପରିଚାଳନା କ୍ଷେତ୍ରରେ ସରକାର ଅନେକ ପଦକ୍ଷେପ  ମାନ ନେଇଚ୍ଥନ୍ତି । ଆଗୁଆ ସତର୍କ ସୂଚନା ଏବଂ ବିପର୍ଯ୍ୟୟ ପରବର୍ତ୍ତୀ ପରିଚାଳନାରେ ଆମେ ଦୃଢତାର ସହ କାର୍ଯ୍ୟ କରି ସାମ୍ଭାବ୍ୟ କ୍ଷୟ କ୍ଷତିକୁ ବହୁ ଗୁଣରେ କମାଇବା ସହ ଧନ ଜୀବନ ହାନୀକୁ ଶୂନ ପତିଶତକୁ ଆଣିବାକୁ ଲକ୍ଷ୍ୟ ରଖିଚ୍ଥୁ ।  ଏଥିପାଇଁ ସେ ସମସ୍ତ ଗୋଷ୍ଠୀ ସ...

ବନ୍ଧାଣ ପର୍ବରେ ଗାଈଗୋରୁଙ୍କ ପୂଜା କଲେ ସାନ୍ତାଳ ଓ କୁଡୁମି ସମ୍ପ୍ରଦାୟର ଲୋକମାନେ। ବୈଶିଙ୍ଗ( ବ୍ରାହ୍ମ ମୁହୂର୍ତ୍ତ):୩୦/୧୦(ଜଗନ୍ନାଥ ହେମ୍ବ୍ରମଙ୍କ ରିପୋର୍ଟ) ମୟୂରଭଞ୍ଜ ଜିଲ୍ଲା ଏକ ଆଦିବାସୀ ଅଧ୍ୟୁଷିତ ଜିଲ୍ଲା। ବିଶେଷ କରି ଏହି ବନ୍ଧାଣ(ସହରାୟ) ପର୍ବକୁ ଆଦିବାସୀ ସାନ୍ତାଳ ଓ କୁଡୁମୀ ସଂପ୍ରଦାୟର ଲୋକମାନେ ଯାକଜମକରେ ପାଳନ କରିଥାନ୍ତି।କୁଡୁମୀ ସଂପ୍ରଦାୟରେ ଏହି ପର୍ବକୁ କାଳୀପୂଜା ସମୟରେ ପାଳନ କରାଯାଉଥିବା ବେଳେ ସାନ୍ତାଳ ସମ୍ପ୍ରଦାୟର ଲୋକ ମାନେ କାଳୀପୂଜା ଅମାବସ୍ୟାରୁ ଆରମ୍ଭ ହୋଇ ପଞ୍ଚୁକ ପୁର୍ଣିମାରେ ଶେଷ ହୋଇଥାଏ। କିନ୍ତୁ ଚଳିତ ବର୍ଷ ଗୋ-ବସନ୍ତ ରୋଗ ଯୋଗୁ ଏହି ବନ୍ଧାଣ ପର୍ବ ଫିକା ପଡ଼ିଯାଇଛି। କିନ୍ତୁ   ଏହି ଜିଲ୍ଲାର ବୈଶିଙ୍ଗା ଥାନା ଅଧିନ ଗଡଦେଉଳିଆ ପଞ୍ଚାୟତର ଭାନୁପୁର ଗ୍ରାମରେ ରବିବାର ଏହି ବନ୍ଧାଣ ପର୍ବ ଅତି ଧୁମଧାମରେ ପାଳନ ହୋଇଛି। ସୂଚନାଯୋଗ୍ୟ ଏହି ବନ୍ଧାଣ ପର୍ବରେ ଗରୁ-ଗାଈ ମାନଙ୍କୁ ପୂଜା କରାଯାଇଥାଏ। ଗୋରୁ ବର୍ଷ ତମାମ ଆମକୁ ଆହାର ଯୋଗାଉଛି। ତେଣୁ ବର୍ଷ ଯାକର ଫସଲ ଅମଳ କରିବା ପୂର୍ବରୁ ପୂଜା କରାଯାଇଥାଏ ଏବଂ ଖୁସି ହାସି ପାଇଁ ପାରମ୍ପାରିକ ବସ୍ତ୍ର ପରିଧାନ ପୂର୍ବକ ନୃତ୍ଯୁଗୀତ ଧୁମଧାମରେ ପାଳନ ହୋଇଥାଏ। ଏହି ପର୍ବକୁ ଉପଭୋଗ କରିବା ପାଇଁ ଆଖପାଖରୁ ଶତାଧିକ ଲୋକ ଉପସ୍ଥିତ ଥିଲେ

ମାଧବ ବିଡିକାଙ୍କ ରିପୋର୍ଟ - ରାୟଗଡ (ବ୍ରାହ୍ମ ମୁହୂର୍ତ୍ତ):- ଭାରତୀୟ ପ୍ରଶାସନିକ ସେବା ଏମିତି ଏକ ସର୍ବୋଚ୍ଚ ମର୍ଯ୍ୟାଦାପୂର୍ଣ୍ଣ ପଦବୀ ଯାହା ଆମ ଦେଶର ଭାଗ୍ୟ ନିର୍ଣ୍ଣୟ କରିଥାଏ। ଏହି ପଦବୀ ପାଇଁ ମନୋନୀତ ଯୋଗ୍ୟ ପ୍ରାର୍ଥୀ ମାନଙ୍କର କାର୍ଯ୍ୟ ଦକ୍ଷତା ହିଁ ବିକାଶର ଭାଷା ସଂସ୍କୃତି ଆତିଥ୍ୟ ପର୍ଯ୍ୟଟନ ଶିକ୍ଷା ସ୍ୱାସ୍ଥ୍ୟ କୃଷି ଶିଳ୍ପ ପରିବହନ ଆଦି ଅନେକ ବିଭାଗର ଭିତ୍ତିଭୂମୀକୁ ନିୟନ୍ତ୍ରଣ କରିବା ସହ ଦେଶକୁ ସମୃଦ୍ଧ କରିବାରେ ପ୍ରମୁଖ ଭୂମିକା ଗ୍ରହଣ କରିଥାନ୍ତି। ଏହିଭଳି ଚିତ୍ର ଦେଖିବାକୁ ମିଳିଛି ରାଜ୍ୟର ଆଦିବାସୀ ଅଧ୍ୟୁଷିତ ଜିଲ୍ଲା ରାୟଗଡରେ। ଅବିଭକ୍ତ କୋରାପୁଟ ଜିଲ୍ଲାରୁ ନବେ ଦଶକରେ ସ୍ବତନ୍ତ୍ର ପରିଚୟ ପାଇ ଆସିଥିବା ରାୟଗଡ଼ ଜିଲ୍ଲାରେ ବହୁ ପ୍ରଶାସନିକ ଅଧିକାରୀ ଯୋଗ ଦେଇ ଜିଲ୍ଲାର ଭିତ୍ତିଭୂମି ବ୍ୟବସ୍ଥାକୁ ଦେଖିଛନ୍ତି କିନ୍ତୁ ଜିଲ୍ଲାର ବିକାଶ ସମ୍ପର୍କରେ ଦୃଷ୍ଟି ନଦେବା ଦୁର୍ଭାଗ୍ୟଜନକ ବୋଲି ଜିଲ୍ଲାବାସୀ ମନେ କରନ୍ତି। ଯାହାବି ହେଉ ଜିଲ୍ଲାର ଅଧିଷ୍ଠାତ୍ରୀ ଦେବୀ ମା ମଝିଘରିଆଣୀଙ୍କ ଅପାର କରୁଣାରୁ ଚଳିତ ବର୍ଷରେ ଜିଲ୍ଲାର ବିଭିନ୍ନ ସ୍ଥାନରେ ବିକାଶର ମନ୍ତ୍ର ଶୁଣିବାକୁ ମିଳିଛି। ଜଣେ ଦକ୍ଷତା ସମ୍ପନ୍ନ ପ୍ରଶାସନିକ ଅଧିକାରୀ ଜିଲ୍ଲାର ଭାର ସମ୍ଭାଳିଛନ୍ତି। ଆମେ ଏଠାରେ ଜିଲ୍ଲାପାଳ ସ୍ବଧାସିଂଙ୍କ କାର୍ଯ୍ୟ ଦକ୍ଷତାର ବିଭିନ୍ନ ପ୍ରକାରର ସରକାରୀ କାର୍ଯ୍ୟକ୍ରମ କିଭଳି ଜୀବନ୍ୟାସ ପାଇ ଲୋ...

ରାଜ୍ୟ ସରକାରଙ୍କ ଉଦ୍ଦେଶ୍ୟରେ  ବୌଦ୍ଧ ଜିଲ୍ଲlପାଳଙ୍କ କାର୍ଯ୍ୟାଳୟ ସମ୍ମୁଖରେ  ଶତାଧିକ ଜାତୀୟ ପେନସନ ଭୁକ୍ତ ଶିକ୍ଷକଙ୍କ ଶୋଭାଯାତ୍ରା ବୌଦ୍ଧ(ବ୍ରାହ୍ମ ମୁହୂର୍ତ୍ତ) :- 29/10(ସୁଶାନ୍ତ କୁମାର ବେହେରା ): ବିଭିନ୍ନ ଦାବି ନେଇ ବୌଦ୍ଧ ଜ଼ିଲ୍ଲା ପ୍ରାଥମିକ ଶିକ୍ଷକ ସଂଘ 4 ଦଫା ସମ୍ବଳିତ ଦାବି ପତ୍ର ଏକ ବିଶାଳ ଶୋଭାଯାତ୍ରା ରେ ଯାଇ ମୁଖ୍ୟମନ୍ତ୍ରୀ, ଅର୍ଥମନ୍ତ୍ରୀ ଓ ଗଣଶିକ୍ଷା ମନ୍ତ୍ରୀ ଙ୍କ ଉଦ୍ଦେଶ୍ୟରେ ଜିଲ୍ଲାପାଳଙ୍କୁ ଦାବିପତ୍ର ପ୍ରଦାନ କରିଛି  l ଦାବିଗୁଡିକ ହେଲା ପ୍ରାଥମିକ ଶିକ୍ଷକଙ୍କୁ ନିଯୁକ୍ତି (2001)ଠାରୁ ସ୍ବେଛାସେବୀ ଶିକ୍ଷା ସହାୟକ, ଶିକ୍ଷା ସହାୟକ, ଜୁନିୟର ଟିଚର contractual ଭାବେ ବିଭିନ୍ନ ନାମରେ ନିୟୋଜନ ହୋଇଥିବା ଶିକ୍ଷକ ଙ୍କ ଚୁକ୍ତି ଭିତ୍ତିକ ଅବଧିକୁ ମୂଳ ଚାକିରୀରେ ଗଣନା ସହ 6 ଟି increment ପ୍ରଦାନ କରାଯାଉ l ଜାତୀୟ ପେନସନ ଯୋଜନାକୁ ଉଛେଦ କରି ପୁରୁଣା ପେନସନ ଲାଗୁ କରାଯାଉ l ପ୍ରାଥମିକ ଶିକ୍ଷକଙ୍କୁ 2800 ଗ୍ରେଡ଼ ପେ ପ୍ରଦାନ କରାଯାଉ l Ex-cadre ଉଛେଦ କରାଯାଉ l ଉପୋରକ୍ତ ସମସ୍ତ ଦାବିନେଇ ଶତାଧିକ ଶିକ୍ଷକ ପୂର୍ତ୍ତ ବିଭାଗ ଡାକ ବଙ୍ଗଳା ଠାରୁ ବାହାରି ଜ଼ିଲ୍ଲାପାଳଙ୍କ କାର୍ଯ୍ୟାଳୟ ପର୍ଯ୍ୟନ୍ତ ଶୋଭାଯାତ୍ରା ରେ ଯାଇଥିଲେ l ବୌଦ୍ଧ ଜ଼ିଲ୍ଲାପାଳ ଙ୍କ କାର୍ଯ୍ୟାଳୟ ସମ୍ମୁଖ ରେ NPS ସଂଘ ର ବ୍ଲକ ସଭାପତି ରାଜକୁମାର ପ୍ରଧାନ ଙ୍କ ଅଧ୍ୟକ୍ଷତା ରେ ଏକ ପ୍ର...

ଲୌହ ମାନବ ସର୍ଦ୍ଦାର ବହ୍ଲଭ ଭାଇ ପଟେଲଙ୍କ ଜନ୍ମଦିନ ପାଳନ ପାଇଁ ବୌଦ୍ଧ ଜିଲ୍ଲା ରେ ବିଭିନ୍ନ କାର୍ଯ୍ୟକ୍ରମ  ବୌଦ୍ଧ( ବ୍ରାହ୍ମ ମୁହୂର୍ତ୍ତ):- ଦେଶର ପ୍ରଥମ ଉପମୂଖ୍ୟମନ୍ତ୍ରୀ ଏବଂ ପ୍ରଥମ ଗୃହମନ୍ତ୍ରୀ ତଥା ମହାନ୍ ଜନନାୟକ ସର୍ଦ୍ଦାର ବହ୍ଲଭ ଭାଇ ପଟେଲଙ୍କ ଅକ୍ଟୋବର ୩୧ ତାରିଖରେ ସମଗ୍ର ଦେଶରେ ପାଳିତ ହେବାକୁଥିବା ଜନ୍ମଦିନ ଉପଲକ୍ଷେ ବୌଦ୍ଧ କେନ୍ଦ୍ରୀୟ ବିଦ୍ୟାଳୟ ପକ୍ଷରୁ  ବିଭିନ୍ନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି ଉପଲକ୍ଷେ ସକାଳୁ ଏକ ସାଇକେଲ ଶୋଭାଯାତ୍ରା ବାହାରି ସହର ପରିକ୍ରମା କରିବା ସହିତ ବିଭିନ୍ନତା ମଧ୍ୟରେ ଏକତା ବାର୍ତା ଦେଇ ଏକ ପଥପ୍ରାନ୍ତ ନାଟକ ପ୍ରଦର୍ଶିତ ହୋଇଥିଲା । କାର୍ଯ୍ୟକ୍ରମରେ କେନ୍ଦ୍ରୀୟ ବିଦ୍ୟାଳୟର ଶିକ୍ଷୟିତ୍ରୀ ଶାନ୍ତି ଭୋଇ,ଅକ୍ଷୟ କୁମାର ପ୍ରଧାନ,ଶିବାନନ୍ଦ ମିଶ୍ର ପ୍ରମୁଖ ସକ୍ରିୟ ସହଯୋଗ କରିଥିଲେ ।  ଏହି ଉପଲକ୍ଷେ ୩୧ ଅକ୍ଟୋବର ଦିନ ରାଷ୍ଟ୍ରୀୟ ଏକତା ପର୍ବ ,ଏକତା ପାଇଁ ଗଣଦୌଡ ପ୍ରଭୃତି ଅନୁଷ୍ଠିତ ହେବ ବୋଲି କେନ୍ଦ୍ରୀୟ ବିଦ୍ୟାଳୟର ଅଧ୍ୟକ୍ଷା ରାଜଲକ୍ଷ୍ମୀ ବିଶ୍ୱାଳ ସୂଚନା ଦେଇଛନ୍ତି । ରିପୋର୍ଟର :ବୌଦ୍ଧ ରୁ ସୁଶାନ୍ତ କୁମାର ବେହେରା!

ଜିଲ୍ଲା ପ୍ରଶାସନ ନିଦ ଭାଙ୍ଗିଲା - ୩ ବେଆଇନ କ୍ଲିନିକକୁ ସିଲ କଲା  ବୌଦ୍ଧ( ବ୍ରାହ୍ମ ମୁହୂର୍ତ୍ତ):-  (ସୁଶାନ୍ତ କୁମାର ବେହେରା )  ଦୀର୍ଘ ଦିନ ପରେ ବୌଦ୍ଧ ଜିଲା ପ୍ରଶାସନର ଚେଇଁ ଶୋଇବା ଅଭିନୟ ରହସ୍ୟ ପଦାକୁ ଆସିଛି। ମିଳିଥିବା ସୂଚନାନୁସାରେ ହଠାତ୍ ଶନିବାର ଦିନ ପ୍ରଶାସନ ନିଜ ଦକ୍ଷତା ଦେଖାଇଛନ୍ତି। ସେହି କ୍ରମରେ ବେଆଇନ ଭାବେ ଚାଲିଥିବା ସହରର ୩ ଗୋଟି କ୍ଳିନିକକୁ ସିଲ କରାଯାଇଥିବା ଜଣାପଡିଛି । ମିଳିଥିବା ସୂଚନା ମୁତାବକ ସହରର ନଟରାଜ ଡାଇଗ୍ନୋଷ୍ଟିକ,  ପ୍ରଧାନ ଡେଣ୍ଟାଲ କ୍ଳିନିକ ଓ ଶ୍ରୀସାଇ ଡେଣ୍ଟାଲ କ୍ଳିନିକ୍ କୁ  ପ୍ରଶାସନ ପକ୍ଷରୁ ସିଲ କରାଯାଇଛି । ଉକ୍ତ କ୍ଳିନିକ ଗୁଡିକ ସରକାରଙ୍କ ନିୟମ ଅନୁଯାୟୀ ଚଳାଉନଥିବା ଯୋଗୁଁ  ସିଲ କରାଯାଇଥିବା ଜଣାପଡିଛି । ଚଢାଉ ସମୟରେ ଉପଜିଲ୍ଲାପାଳ ସନତ କୁମାର ନାଏକ,ଅତିରିକ୍ତ ତହସିଲଦାର ମହମ୍ମଦ ରାଜେରସୁଲ, ଡା .ବିଜୟ କୁମାର ଦାଶ, ଜିଲ୍ଲା ଡ୍ରଗ ଇନିସପେକଟର ସନ୍ତୋଷ କୁମାର ପ୍ରଧାନ ଓ ପୋଲିସ କର୍ମଚାରୀମାନେ ସାମିଲ ଥିଲେ । ଏନେଇ ଜିଲ୍ଲା ଡ୍ରଗ ଇନିସପେକଟର ଶ୍ରୀ ପ୍ରଧାନଙ୍କୁ ପଚାରିବାରୁ  ସରକାରଙ୍କ ନିୟମ ଅନୁଯାୟୀ ଆବଶ୍ୟକୀୟ କାଗଜପତ୍ର (କ୍ଲିନିକାଲ ଏଷ୍ଟାବ୍ଲିସମେଣ୍ଟ୍ ପଂଜିକରଣ ପ୍ରମାଣପତ୍ର) ନଥିବାରୁ କ୍ଲିନିକ୍ ଗୁଡିକୁ ସିଲ କରାଯାଇଥିବା ସୁଚନା ଦେଇଛନ୍ତି । ତେବେ ଏଠାରେ ପ୍ରଶାସନର ପଦକ୍ଷେପ ଗ୍ରହଣ ନେଇ ସ୍ଥ...

କୁଣ୍ଡୁଳି ପଞ୍ଚାୟତର କାଳୀପୂଜା କମିଟି ଆନୁକୂଲ୍ୟରେ- ରକ୍ତଦାନ ଶିବିର ଅନୁଷ୍ଠିତ। ବାଲିଆପାଳ/ବାଲେଶ୍ଵର (ବ୍ରାହ୍ମ ମୁହୂର୍ତ୍ତ ବ୍ୟୁରୋ) 29/10/22:- ରକ୍ତଦାନ ମହାପୁଣ୍ୟ । ଭଗବାନଙ୍କ ସୃଷ୍ଟିରେ ମଣିଷର ଶରୀରକୁ  ରକ୍ତମାଂସ ରେ ଏଭଳି ତିଆରି କରିଛନ୍ତି ଯାହାର ବର୍ଣ୍ଣନା ପାଇଁ ଆମ ପାଖରେ ଭାଷା ଅଭାବ ରହିଛି। କିନ୍ତୁ ଆଜିର ବୈଜ୍ଞାନିକ ପଦ୍ଧତିରେ ଏହି ରକ୍ତମାଂସ କୁ  କୃତ୍ରିମ ଉପାୟରେ ସୃଷ୍ଟି କରିବାରେ ସକ୍ଷମ ହୋଇନଥିବା ବେଳେ ରକ୍ତ ଅଭାବରୁ ପ୍ରତିଦିନ ବହୁ ମଣିଷଙ୍କ ଜୀବନ ହାରିବାକୁ ପଡୁଛି। ତେବେ ଜଣେ ମଣିଷ ଚାହିଁଲେ ଅନ୍ୟକୁ ରକ୍ତଦେଇ ଜୀବନ ବଞ୍ଚାଇପାରିବ । ତେବେ ସମାଜରେ ରକ୍ତର ଅଭାବ କୁ ଦୃଷ୍ଟିରେ ରଖି ସରକାରୀ ତଥା ବେସରକାରୀ, ସାମାଜିକ ସଂଗଠନ ମାନେ ରକ୍ତଦାନ ଶିବିର ମାନ ଆୟୋଜନ କରୁଥିବା ବେଳେ ଆଜି ବାଲିଆପାଳ ବ୍ଲକ କୁଣ୍ଡଳୀ ପଞ୍ଚାୟତର ମହାମାୟା କାଳିପୂଜା କମିଟି ପକ୍ଷରୁ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି।ଏହି ଶିବିରଟି କୁଣ୍ଡଳୀ ହାଟପଦା ଠାରେ ଅନୁଷ୍ଠିତ ହୋଇଥିବା ବେଳେ ମୋଟ୍ ୩୦ ୟୁନିଟ ରକ୍ତ ସଂଗୃହୀତ ହୋଇ ଥିବା ସୂଚନା ମିଳିଛି। ତେବେ ଏହି ରକ୍ତଦାନ ଶିବିରଟି କମିଟିର ସଦସ୍ୟ ଭୀଷ୍ମ ଚରଣ ମଲ୍ଲିକ ଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଅନୁଷ୍ଠିତ ହୋଇଥିଲା।

ଭିଜିଲାନ୍ସ ହାତରେ ଧରାପଡିଲେ ଆଉଜଣେ Rwss  କୋଟିପତି ଯନ୍ତ୍ରୀ। ଭୁବନେଶ୍ୱର (ବ୍ରାହ୍ମ ମୁହୂର୍ତ୍ତ ବ୍ୟୁରୋ) : ଭିଜିଲାନ୍ସ ହାତରେ ଧରାପଡିଲେ ଆଉଜଣେ କୁବେର ଯନ୍ତ୍ରୀ। ରାଜ୍ୟ ସରକାରଙ୍କ ବିଭିନ୍ନ ବିଭାଗରେ କାର୍ଯ୍ୟ କରୁଥିବା ବହୁ ସରକାରୀ କର୍ମଚାରୀ ଦୁର୍ନୀତିରେ ଲିପ୍ତ ରହି ବିପୁଳ ପରିମାଣର ଆୟ ବହୁର୍ଭୂତ ସମ୍ପତ୍ତି ଠୁଳ କରିବା ସହ ଜନତାଙ୍କ ଟଙ୍କାରେ ବିଳାସମୟ ଜୀବନ ବିତାଉଛନ୍ତି। ଇତିମଧ୍ୟରେ ଅନେକ ଦୁର୍ନୀତିଗ୍ରସ୍ତ ବାବୁ ଭିଜିଲାନ୍ସ ଜାଲରେ ପଡିବା ପରେ ସେମାନଙ୍କ କଳାଟଙ୍କାର ଗୁମର ପଦାକୁ ଆସିଛି।ବିଶେଷ କରି ଗ୍ରାମ୍ୟ ନିର୍ମାଣ ବିଭାଗ ରେ ସର୍ବୋଚ୍ଚ ଯନ୍ତ୍ରୀ ପ୍ରଦୀପ ସାମଲ କୋଟି କୋଟି ଟଙ୍କା ଲୁଟ କରି ଭିଜିଲାନ୍ସକୁ ପକେଟ ରେ ରଖିଛି ବୋଲି କହି ନିର୍ବାହୀ ଯନ୍ତ୍ରୀ ମାନଙ୍କ ଠାରୁ ମୋଟା ଅଙ୍କର ଅର୍ଥ ଆଦାୟ କରିଚାଲିଛନ୍ତି l ସମାଜ ଆଇନା ହାତରେ ଅନେକ ଯନ୍ତ୍ରୀଙ୍କ କଳା ସାମ୍ରାଜ୍ୟ ର ତଥ୍ୟ ଲାଗିଛି ଓ ସେମାନଙ୍କ ମୁଖା ମଧ୍ୟ ଖୋଲିଛି l ଅନ୍ୟ ସରକାରୀ ବିଭାଗ ରେ ଅଫିସର ମାନେ ଲାଞ୍ଚ ନେବା ଅଭ୍ୟାସ ଛାଡ଼ୁନାହାନ୍ତି l RWSS ,RD, PWD, PHD,olip, Mi ଆଦି ବିଭାଗର ଏହି ଯନ୍ତ୍ରୀଙ୍କର ମୁଖା ଅଧିକାଂଶ ସମୟରେ ସାପ୍ତାହିକ ଗଣମାଧ୍ୟମ ପ୍ରାୟତଃ ଖୋଲିଥିଏ l ଏବେ ଯେଉଁ ଏହି କୁବେରପତି ଅଫିସର ଭିଜିଲାନ୍ସ ହାତରେ ଧରାପଡ଼ିଛନ୍ତି ସେ ହେଉଛନ୍ତି ଗ୍ରାମ୍ୟ ଜଳଯୋଗାଣ ଓ ପରିମଳ ବିଭାଗ (ଆର୍‌ଡବ୍ଲ୍ୟୁଏସ୍‌ଏସ...

ହାତୀ ଶାବକ ସୁରକ୍ଷା ପାଇଁ ଜଗି ରହିଛନ୍ତି ୬୦ରୁଉର୍ଦ୍ଧ୍ବ ହାତୀ  ବୈଶିଙ୍ଗା:୨୮/୧୦(ଜଗନ୍ନାଥ ହେମ୍ବ୍ରମଙ୍କ ରିପୋର୍ଟ) କିଛି ଦିନ ପୂର୍ବେ ଝାଡଖଣ୍ଡ ଦଲମା ଜଙ୍ଗଲରୁ ଶତାଧିକ  ହାତୀ ଓଡିଶାରେ ପ୍ରବେଶ କରି ଚାରିଆଡେ ଖେଳି ଯାଇଥିଲେ। ସେଥି ମଧ୍ୟରୁ ୬୨ ଟିକିଆ ହାତୀପଲ ବେତନଟୀ ରେଞ ର ଫୁଲଝୁରୀ ଓ ନଡପୁର ଜଙ୍ଗଲରେ ରହି ବ୍ୟାପକ କ୍ଷୟକ୍ଷତି ଘଟାଇ ଚାଲିଥିବା ବେଳେ ଗୁରୁବାର ରାତିରେ କ୍ଷୀରପଦା ଜଙ୍ଗଲ ଦେଇ ମୋହନପୁର ଅଭିମୂଖେ ଆସୁଥିବା ବେଳେ ଜଙ୍ଗଲ ଭିତରେ ଏକ ଗାଉଁଲି ରାସ୍ତା ପାର୍ଶରେ   ଏକ ହାତୀ ଛୁଆ ଜନ୍ମ ଦେଇଛି। ମାଆ ଓ ଛୁଆ ହାତୀକୁ ସୁରକ୍ଷା ଦେବାକୁ ହାତୀପଲ ଜଗି ରହିବା ସହିତ ଉଗ୍ର ରୂପ ହୋଇ ଉଠିଛନ୍ତି। ତେବେ ବନ ବିଭାଗ ହାତୀ ପଲ ଉପରେ ତୀକ୍ଷ୍ଣ ନଜର ରଖିଥିବା ବେଳେ ଲୋକ ମାନଙ୍କୁ ହାତୀର ନିକଟତର ନ ହେବାକୁ ପରାମର୍ଶ ଦିଆଯାଇଛି।ଶାବକ ହାତୀ ସମ୍ପୂର୍ଣ୍ଣ ଭାବେ ନ ଚାଲିବା ପର୍ଯ୍ୟନ୍ତ ହାତୀ ପଲ ଜଙ୍ଗଲ ଛାଡି ଯିବାର ସମ୍ଭାବନା ନ ଥିବାରୁ ଶାବକ ହାତୀକୁ ସୁରକ୍ଷା ଦେବା ଆଳରେ ଗୋଠରେ ଥିବା ଅନ୍ୟ ହାତୀ ମାନେ ଆକ୍ରମଣାତ୍ମକ ଢଙ୍ଗରେ ଅଛନ୍ତି। ତେଣୁ କ୍ଷୀରିପଦା,ମୋହନପୁର ଅଞ୍ଚଳରେ ଏକ ପ୍ରକାର ଭୟର ବାତାବରଣ ଖେଳିଯାଇଛି।

ଥଇଥାନ ନିମନ୍ତେ ଶାନ୍ତିପୂର୍ଣ୍ଣ ବନ୍ଦ ଆନ୍ଦୋଳନ କଣିହାଁ କ୍ଷେତିଗ୍ରସ୍ତ ପ୍ରଜା ପ୍ରଶାନ୍ତ ବେହେରାଙ୍କ ରିପୋର୍ଟ  କଣିହାଁ/ଅନୁଗୋଳ:-24/10/2022ରିଖ ଠାରୁ କଣିହାଁ ଖୋଲାଖଣି ଟାଇମ ଅଫିସ ସମ୍ମୁଖରେ ଶାନ୍ତିପୂର୍ଣ୍ଣ ଭାବରେ  ଆନ୍ଦୋଳନ କରିଛନ୍ତି କଣିହାଁ ଗ୍ରାମର କ୍ଷେତିଗ୍ରସ୍ତ ପ୍ରଜା* ଅନୁଗୋଳ ଜିଲ୍ଲା କଣିହାଁ ବ୍ଲକ, କଣିହାଁ ଖୋଲା କୋଇଲା ଖଣି କତୃପକ୍ଷ ତିନୋଟି ପ୍ରଯ୍ୟାୟରେ ଜମି ଅଧିଗ୍ରହଣ କରିଥିଲେ, ପ୍ରଥମ ଓ ଦ୍ୱିତୀୟ ପ୍ରଯ୍ୟାୟକୁ ନେଇ 21ଜଣକୁ ନିଯୁକ୍ତି ଦେଇଛନ୍ତି,କିନ୍ତୁ ବଡ଼ ଦୁଃଖର ବିଷୟ ଆଜି ପ୍ରଯ୍ୟନ୍ତ ଦ୍ୱିତୀୟ ଓ ତୃତୀୟ ପ୍ରଯ୍ୟାୟକୁ ନେଇ ପାଇବାକୁ ଥିବା ନିଯୁକ୍ତି, ପରିବାର ଗୁଡିକ ବାରମ୍ବାର ଦାବି ଆପତି ଜଣାଇ ଆସୁଥିଲେ ମଧ୍ୟ ଏ ପ୍ରଯ୍ୟନ୍ତ କଣିହାଁ ଗ୍ରାମ ବାସି କୋଣସି ସୁଫଳ ପାଇପାରୁ ନାହାନ୍ତି, ଏଠି ପ୍ରଶ୍ନ ଉଠୁଛି ଖଣି କତୃପକ୍ଷ ଓ ଜିଲ୍ଲା ପ୍ରଶାସନ ବିତିରିଆ ମଧୁଚନ୍ଦ୍ରିକା ଯୋଗୁଁ କଣିହାଁ ଗ୍ରାମର କ୍ଷେତିଗ୍ରସ୍ତ ନାହିଁ ନ ଥିବାର ଅସୁବିଧାର ସମ୍ମୁଖୀନ ହେଉଛନ୍ତି,ଜମିବାଡ଼ି ସବୁଗଲା ବଡ଼ ପରିତାପର ବିଷୟ ଉପ ଜିଲ୍ଲାପାଳଙ୍କ ଅଧକ୍ଷାତାରେ ମହାପ୍ରବନ୍ଧକଙ୍କ ସହିତ ବୈଠକ କରିବାକୁ ଧର୍ଯ୍ୟକରି ଏହାକୁ ବାରମ୍ବାର କାହିଁକି ରଦ କରାଯାଉଛି ଏହା ଏକ ବଡ଼ ଦୁଃଖର ବିଷୟ,ଜିଲ୍ଲା ପ୍ରଶାସନ ଓ ଖଣି କତୃପକ୍ଷ ମଧୁ ଚନ୍ଦ୍ରିକା ଯୋଗୁଁ କଣିହାଁ ଜମିହରା ପ୍ରଜା କଣିହାଁ ଗ୍ରାମବାସି କୋଣସି...

ଭୁବନେଶ୍ୱର (ବ୍ରାହ୍ମ ମୁହୂର୍ତ୍ତ ବ୍ୟୁରୋ):- ରାଜଧାନୀ ଭୁବନେଶ୍ୱରର ପ୍ରମୁଖ ଖଟି ମାନଙ୍କରେ ଏବେ ଦେଖିବାକୁ ମିଳୁଛି ଧାମନଗର ଉପନିର୍ବାଚନ ନେଇ ନାନା ଆଲୋଚନା। ଏସବୁ ସ୍ଥାନରେ ବିଶେଷ କରି ଏମିତି କିଛି ରାଜନେତା ନିଜ ଭାଷଣ ବାଜି ଚାଲୁ ରଖିଛନ୍ତି ଯେଉଁମାନେ ଦଳୀୟ ନିମନ୍ତ୍ରଣ ପାଇବାକୁ ଯୋଗ୍ୟତା ପର୍ଯ୍ୟାୟ ପାଇଁ ଉପଯୁକ୍ତ ନୁହନ୍ତି, କେବଳ ରାଜଧାନୀର ବିଭିନ୍ନ ସ୍ଥାନରେ ଲୋକଦେଖାଣିଆ ଚାହା ଗ୍ଲାସରୁ ଓଠ ମଧ୍ୟରେ ଥିବା ଦୂରତାକୁ ଅନୁଭବ କରି ଚାହିଁ ରହିଛନ୍ତି ନିଜ ନେତାଙ୍କ ସ୍ବୀକୃତି ଅପେକ୍ଷାରେ। ସେହିପରି ଏହିସବୁ ପଛଚଲା ନେତାଙ୍କ ଆଲୋଚନା ସହିତ ନିଜ ମନୋଭାବକୁ ସାମିଲ୍ କରି ଧାମନଗର ଉପନିର୍ବାଚନରେ କେଉଁ ଦଳର କିପରି ରହିଛି ପ୍ରସ୍ତୁତି ତାଉପରେ ମନ୍ତବ୍ୟ ଦେଉଛନ୍ତି ରାଜନୈତିକ ପଣ୍ଡିତମାନେ। ଧାମନଗର ଉପନିର୍ବାଚନ ପାଇଁ ବିଭିନ୍ନ ଗଣମାଧ୍ୟମ ପ୍ରତିନିଧିଙ୍କ ମହଲରେ ବିଶେଷ କରି ଅଧିକ ଚର୍ଚ୍ଚା ଚାଲିଛି ଧାମନଗର ଉପନିର୍ବାଚନରେ ରାଜ୍ୟ ଶାସକ ଦଳ ଶଙ୍ଖ ଚିହ୍ନ ପ୍ରାର୍ଥୀ ଅବନ୍ତୀ ଦାସଙ୍କ ରିପୋର୍ଟ କାର୍ଡକୁ ନେଇ। ଆଉ କିଛି କହୁଛନ୍ତି ଦେଶର କ୍ଷମତାରେ ବସିଥିବା ତଥା ରାଜ୍ୟର ପ୍ରମୁଖ ବିରୋଧୀ ଦଳ ପଦ୍ମ ଚିହ୍ନ ତଥା ବିଜେପି ଦଳ ପ୍ରାର୍ଥୀ ସୂରଜଙ୍କ ସ୍ଥିତି ନେଇ। ରାଜ୍ୟ କଂଗ୍ରେସ ଦଳ କଥା ସଭିଙ୍କ ଠାରୁ ଭିନ୍ନ ରହିଛି। ଦେଶର ନିର୍ବାଚନ କମିଶନଙ୍କ ନିର୍ଦ୍ଧାରିତ ସୂଚନା ଅନୁସାରେ ଦେଶର ଛଅ ଗୋଟି ରାଜ୍ୟରେ ବିଧାନସଭା ଉପନିର୍ବ...

ଆନ୍ତଃରାଜ୍ୟ ଡକାୟତ ଦଳକୁ ଗିରଫ କରିଛି ବୈଶିଙ୍ଗା ପୋଲିସ।  ବୈଶିଙ୍ଗା: (ବ୍ରାହ୍ମ ମୁହୂର୍ତ୍ତ)୨୫/୧୦(ଜଗନ୍ନାଥ ହେମ୍ବ୍ରମଙ୍କ ରିପୋର୍ଟ) ପଶ୍ଚିମବଙ୍ଗ ମୁର୍ଶିଦାବାଦ ଅଞ୍ଚଳରୁ ଆସି ମୟୂରଭଞ୍ଜ ଜିଲ୍ଲା ବୈଶିଙ୍ଗାରେ ଜଣଙ୍କ ଘରୁ ଚୋରି କରିଥିବା ଅଭିଯୋଗରେ ଛଅ ଜଣଙ୍କୁ ଗିରଫ କରିଛି ପୁଲିସ। ଗତ ୧୭ ତାରିଖରେ ବୈଶିଙ୍ଗା ଥାନା ଅନ୍ତର୍ଗତ ଆଗ୍ରିଆ-ବିଶ୍ରାମପୁର ରାସ୍ତାର ପାର୍ଶରେ ଥିବା ମନୋଜ କୁମାର ମହାନ୍ତିଙ୍କ ଘରର ଝରକା ଭାଙ୍ଗି ଏହି ଚୋର ମାନେ ଟଙ୍କା ଓ ସୁନା ଅଳଙ୍କାର ଚୋରି କରିଥିଲେ। ଏନେଇ ମନୋଜ ବୈଶିଙ୍ଗା ଥାନାରେ ଅଭିଯୋଗ କରିବା ପରେ ତଦନ୍ତ ଆରମ୍ଭ କରିଥିଲା ପୁଲିସ। ମଙ୍ଗଳବାର ଏହି ଚୋର ମାନଙ୍କୁ ଧରିବାରେ ସଫଳ ହୋଇଛି ବୈଶିଙ୍ଗା ପୁଲିସ। ତେବେ ଏହି ଚୋର ମାନେ ବୈଶିଙ୍ଗା ଥାନା ଅଞ୍ଚଳ ବ୍ୟତିତ ଝାରପୋଖରିଆ,ଉଦଳା,ବାଲେଶ୍ବର ଅଞ୍ଚଳରେ ମଧ୍ୟ ଚୋରି କରିଥିବା ପୋଲିସ ନିକଟରେ ସତ ମାନିଛି। ଏନେଇ ଉପଖଣ୍ଡ ପୁଲିସ ଅଧିକାରୀ ସୁଦର୍ଶନ ଦାଶ ପ୍ରେସମିଟ କରି ସୂଚନା ଦେଇଛନ୍ତି।

ବାଲିମାଫିଆ ଉପରେ ପୋଲିସ ର କାର୍ଯ୍ୟାନୁଷ୍ଠାନ.... .ଆକ୍ସନ ମୋଡ଼ରେ ପୋଲିସ... ହରଭଙ୍ଗା (ବ୍ରାହ୍ମ ମୁହୂର୍ତ୍ତ):(ସୁଶାନ୍ତ କୁମାର ବେହେରା )ହରଭଙ୍ଗା ପୋଲିସ ଦ୍ୱାରା ଚଢ଼ାଉ କରାଯାଇ ତିନିଟି ହାଇୱା ଜବତ କରାଯାଇଥିବା ସୂଚନା ମିଳିଛି l 23 ଓ 24 ତାରିଖ ଚଢ଼ାଉ କରାଯାଇ ବେଆଇନ ବାଲି ଚାଲାଣ କରାଯାଉଥିବା ହାଇୱା କୁ ଜବତ କରାଯାଇଛି l ହରଭଙ୍ଗା ପୋଲିସ କେ୍ସ ନମ୍ବର 97,98 ଓ 99 ତା.24/10/22 W/S 479 IPC r/ w ସେକ୍ସନ 21 ଏମ ଏମ ଡି ଆର ଆକ୍ଟ ସେକସନ 51 ମାଇନର ମିନେରାଲ କଂସେସନ ରୁଲ 16 ଅନୁସାରେ ଚାରିଜଣଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି l ସେହିପରି ପୁରୁଣାକଟକ ଥାନା ଅଂଚଳରୁ ଚୋରା ବାଲି ଲୋଡ଼ ହୋଇଥିବା ଦୁଇଟି ହାଇୱା କୁ ମଧ୍ୟ ଜବତ କରାଯାଇଛି l ପୁରୁଣାକଟକ ପୋଲିସ କେ୍ସ ନମ୍ବର 59 ତା.24/10/22 ରେ ମାମଲା ରୁଜୁ କରାଯାଇ ସମ୍ପୃକ୍ତ ଦୁଇ ଜଣଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଥିବା ପୋଲିସ ସୂତ୍ରରୁ ପ୍ରକାଶ l

ଭୁବନେଶ୍ୱର (ବ୍ରାହ୍ମ ମୁହୂର୍ତ୍ତ ବ୍ୟୁରୋ):- ଶୀର୍ଷକ ପାଠ କଲେ ମନ ଭିତରକୁ ନାଗକଥା ଛୁଇଁ ଯାଏ, କିନ୍ତୁ ଏଠାରେ ସେମିତି କିଛି ନାହିଁ ବରଂ ଦେଶର ରାଜନୈତିକ ପାଣିପାଗର ସ୍ଥିତି ଏବଂ ବିଗତ କୋଡିଏ ବର୍ଷ ଭିତରେ ଏଭଳି କିଛି ପରିସ୍ଥିତି ନେଇ ଲୋକଙ୍କ ପାଖରେ ପରିଚୟ ସୃଷ୍ଟି କରିଛି ଯାହା ଆଗରୁ ବାଇକୋଠୀରେ ଯେମିତି ସମ୍ଭ୍ରାନ୍ତ ଲୋକଙ୍କ ପାଇଁ  ରଙ୍ଗୀନ ରାତିର ମନଲୋଭା ବେଶକୁ ଦେହର କ୍ଷୁଧା ମେଂଟା ତୃଷ୍ଣା ରକ୍ତବିକୃତି ପରିସ୍ଥିତି ଦେଖିବାକୁ ମିଳୁଥିଲା ସେଭଳି କିଛି ରାଜନୈତିକ ପାଣିପାଗର ପ୍ରଭାବକୁ ଦୃଷ୍ଟିରେ ରଖି ଏକ ସ୍ବତନ୍ତ୍ର ପରିଚୟ ଉପରେ ପ୍ରଶ୍ନ ଉଠିଛି।। ଏଠାରେ ଏମିତି କିଛି ଭାଷା ଅଭାବକୁ ପୂରଣ କରିବାକୁ ପଛାଉ ନାହିଁ ଯାହା ଦୀର୍ଘ ବର୍ଷ ଧରି ଆମ ଭଳି ସାଧାରଣ ଲୋକଙ୍କ ପାଇଁ ସବୁବେଳେ ଅହରହ ସ୍ବପ୍ନ ବିକ୍ରି କରି ନିଜର ପରିଚୟ ସୃଷ୍ଟି କରିପାରିଥିବା ନେତାଙ୍କ ନୀତି ଅନୁସାରେ ସମ୍ଭବ ହୋଇଛି। ସେହିପରି ନେତାଙ୍କ ଚିନ୍ତାଧାରା ଉପରେ ଗଭୀର ସାଧନା କରି ଶେଷରେ କାଉଁରିଆ କାଠିରେ ଅଗ୍ନି ସଂଯୋଗ କରିଦେବା ପୂର୍ବରୁ ନିଜ ପୂର୍ବ ପୁରୁଷମାନଙ୍କର କଥାକୁ ସ୍ମରଣ କରି ଆଜିର ଆଧୁନିକ ଯୁଗରେ ଶସ୍ତା ଲୋକପ୍ରିୟତା ପାଇବାକୁ ନେତାଙ୍କ ଚିନ୍ତାଧାରା ଉପରେ ଏହା ଜ୍ଵଳନ୍ତ ଉଦାହରଣ ଖାସ କରି ଆମ ଓଡ଼ିଶାର ରାଜନୈତିକ ମଲମ ଲଗେଇ ଶାସନ କ୍ଷମତା ହାସଲ କରି ଆସୁଥିବା ବିଜେଡି ଦଳର ସହଭାଗିତା ଭିତ୍ତିରେ ଉଭୟ କଂଗ୍ରେସ ଓ ବ...

ଆଇଟିଡିଏ ଅଧୀନ ଆଦିବାସୀ ଛାତ୍ରୀନିବାସରେ ଖାଇବାକୁ ନପାଇ ରାସ୍ତାରେ କାନ୍ଦିଲେ ୯୪ ଛାତ୍ରୀ। ଠାକୁରମୁଣ୍ଡା/ ମୟୁରଭଞ୍ଜ: ( ବ୍ରାହ୍ମ ମୁହୂର୍ତ୍ତ ବ୍ୟୁରୋ)- ସରକାରଙ୍କ ଦ୍ୱାରା ସଫଳତା ଶୀର୍ଷକୁ ଛୁଇଁବା ଚିତ୍ରର ପ୍ରଚାର ପ୍ରସାର ମଧ୍ୟରୁ ଗଳି ପଡୁଛି ମିଛୁଆ ଭଣ୍ଡାମୀକୁ ଜପାମାଳି କରି ରାଜଦାଣ୍ଡରେ ବୁଲୁଥିବା ରାଧୁଆମାନଙ୍କ ଅସଲି ଚରିତ୍ର ପ୍ରକୃତରେ କ'ଣ ? ଜିଲ୍ଲାର ଆଦିବାସୀ ଛାତ୍ରାବାସରେ ରହୁଥିବା ଛାତ୍ରୀମାନଙ୍କୁ ଖାଇବାକୁ ନମିଳିବାରୁ ରାସ୍ତାକୁ ଓହ୍ଲାଇ କାନ୍ଦି କାନ୍ଦି ପ୍ରଶାସନ ପାଖରେ ସମସ୍ତ ଘଟଣାର ସତ୍ୟତା ସମ୍ପର୍କରେ ଅବଗତ କରାଇବା ସରକାରଙ୍କ ସ୍ବଚ୍ଛତା ପ୍ରତି ଅଙ୍ଗୁଳି ନିର୍ଦ୍ଦେଶ କରିଛି। ଦୁଈଦିନ ହେବ ଭୋକ ବିକଳ ରେ ଖାଇବାକୁ ନପାଇ ଚାଲିଚାଲି ଯାଇ ବ୍ଲକର ଦ୍ଵାରସ୍ଥ ହୋଇଥିଲେ ଠାକୁରମୁଣ୍ଡା ବ୍ଲକ ଅଧୀନ  ଆବାସିକ ଆଦିବାସୀ ବିଦ୍ୟାଳୟ ହଷ୍ଟେଲ ରେ ରହୁଥିବା ଛାତ୍ରୀ ମାନେ। ଖାଇବାକୁ ନ ପାଇ ବ୍ଲକ କାର୍ଯ୍ୟାଳୟ ରେ ପହଞ୍ଚି କାନ୍ଦୁଥିବା ଘଟଣା  ସରକାର ଙ୍କ ଆଦିବାସୀ ପ୍ରୀତି ର ଅସଲ ମୁଖା ଖୋଲିଦେଇଛି, ଯାହା ସାଧାରଣ ରେ ଚର୍ଚ୍ଚା ର ବିଷୟ ହୋଇଛଯାଇଛି।ଏପରି ଘଟଣା ଦେଖିବାକୁ ମିଳିଛି ମୟୁରଭଞ୍ଜ ଜିଲ୍ଲା ଠାକୁରମୁଣ୍ଡା ଠାରେ ଥିବା ସମ୍ମନିତ ଆଦିବାସୀ ଉନ୍ନୟନ ସଂସ୍ଥା ଦ୍ୱାରା ପରିଚାଳିତ ଅନୁସଚିତ ଜାତି ଓ ଜନଜାତି ଛାତ୍ରୀ ହଷ୍ଟେଲରେ। ଏହି ହଷ୍ଟେଲରେ  ୯୪ ଜଣ ଛାତ୍ରୀ  ଭୋକ ବ...

ଆମ ପର୍ଯ୍ୟଟନ                  ଓଡିଶାର ପ୍ରୟାଗରାଜ-ତ୍ରିବେଣୀ ସଂଗମ : ଶ୍ରୀ ମିନାଝୋଲା                                                                            ମାଧବ ବିଡିକI, ଜିଲ୍ଲା ପ୍ରତିନିଧି ରାୟଗଡା , ବ୍ରାହ୍ମ ମୁହୂର୍ତ୍ତ ଖବରକାଗଜ।           କେଉଁଠି ଅଛି ମୀନାଝୋଲା ? -  ଆଦିମ ଜନଜାତି ତଥା ଅନୁସୂଚିତ ଜାତି ଓ ଜନଜାତି ବହୁଳ ଅଭିଭକ୍ତ କୋରାପୁଟ ଜିଲ୍ଲା ଏବଂ  ବିଭକ୍ତି ରାୟଗଡା ଜିଲ୍ଲାର ମୁନିଗୁଡା ଠାରୁ ୪୨ କିମି ଦୂର ଚନ୍ଦ୍ରପୁର , ସେଠାରୁ ଠାରୁ ୨୨ କିମି ଏବଂ ଗୁଡାରି ଠାରୁ ୩୦ କିମି ଦୂରରେ ଏକ ପ୍ରାକୃତିକ ପରିବେଶ ମଧ୍ୟରେ ଓଡିଶାର ପ୍ରୟାଗରାଜ –ତ୍ରିବେଣୀ ସଂଗମ ଶ୍ରୀ ମିନାଝୋଲା ଅବସ୍ଥିତ | ଚନ୍ଦ୍ରପୁର ମୁଖ୍ୟ ରାସ୍ତା ଠାରୁ ରାଇବିଜି ଛକରୁ ଦକ୍ଷିଣ ପାର୍ଶ୍ଵରେ ମାତ୍ର ୬ କିମି ଦୂରରେ ରହିଛି ଉତ୍ତରଘାଟ ପର୍ବତ ମାଳାରୁ ନିଷ୍କୃତ ତିନୋଟି ନଦୀ ମାତୃକା ବଂଶଧାରା ଫଳଫଳିଆ ଏବଂ ଚାଉଳଧୁଆ ଯାହା ଗଙ୍ଗା,ଯମୁନା ,ସରସ୍ଵତୀ ସଦୃଶ୍...

୭୫ବର୍ଷୀୟ ମାଆ ଦୁଇ ଭେଣ୍ଡିଆ ପୁଅଙ୍କ ପାଇଁ ବୋଝ ! ସଉତୁଣୀ ହେଲା ସାହାରା। -  ଦିଲିପ କୁମାର ଜେନାଙ୍କ ରିପୋର୍ଟ:- ଲଙ୍ଗଳେଶ୍ଵର( ବ୍ରାହ୍ମ ମୁହୂର୍ତ୍ତ):-  22/10/22- ମାଆ ଭଗବାନଙ୍କ କୃପା ଲାଭ କରି ଦୁଇଟି ପୁଅ ପାଇଥିଲେ, ଭାବିଥିଲେ ବୃଦ୍ଧ ବୟସରେ ସାହାରା ହେବେ, କିନ୍ତୁ ଫଳ ଓଲଟା ହେଲା। ଦୁଇ ଦୁଇଟି ଭେଣ୍ଡିଆ ପୁଅ ଏବଂ ତାଙ୍କ ସ୍ତ୍ରୀ ବୋହୁ, ନାତି ଓ ନାତୁଣୀଙ୍କ ପାଇଁ ବୋଝ ସାଙ୍ଗକୁ ଅଦରକାରୀ ସାଜିଛନ୍ତି 75 ବର୍ଷ ର ବୁଢ଼ୀମା'।ସେ ଏବେ ନିଜ ଘର ପାଇଁ ଅଲୋଡ଼ା ଅଚିହ୍ନା ଠିକଣା ସଦୃଶ୍ୟ ଏବେ କେବିନରେ କରୁଛନ୍ତି ବସବାସ l ସୂଚନାରୁ ପ୍ରକାଶ ବାଲିଆପାଳ ପଞ୍ଚାୟତ ସମିତି ଅନ୍ତର୍ଗତ ଅସ୍ତି ଗ୍ରାମର ସ୍ୱର୍ଗତ ହରେକୃଷ୍ଣ ପରିଡା ଙ୍କ ଧର୍ମପତ୍ନୀ ଶାନ୍ତିଲତା ପରିଡା ବୟସ 75 ବର୍ଷ l ମାଉସୀ ଙ୍କ ଘରେ ଦୁଇଟି ପୁଅ ଅଛନ୍ତି କିନ୍ତୁ ପାଖରେ କେହି ପୁଅ ନାହାନ୍ତି l ଶିକ୍ଷିତ ସମାଜରେ ଏମିତି ପୁଅଙ୍କ ଅଭାବକୁ ପୁରଣ କରିଛନ୍ତି ଅସ୍ତି ଗାଆଁର ଏହି ଦୁଇ ଭାଇ। ଏମିତି ପୁଅଙ୍କ ପାଇଁ ଏହି ଆଧୁନିକ ଯୁଗରେ ମଧ୍ୟ ସବୁ ପରେବି ଏମିତି ଏକ ଦୁଃଖଦ ଘଟଣା ଦେଖିବାକୁ ମିଳୁଛି l ମାଉସୀର ସବୁ ଅଛି କିନ୍ତୁ କିଛି ନାହିଁ l ମାଉସୀ ଜଣଙ୍କ ଏବେ ଦେଉଳା ଗ୍ରାମ ରେ ଗୋଟିଏ କେବିନରେ ରହିବା ଖାଇବା  ଶୋଇବା ମଧ୍ୟ ସବୁ ସେହି କେବିନରେ କରୁଛନ୍ତି l ଦୁଇ ପୁଅ ମାଆ ପାଖରୁ ଜାଗା ବାଡ଼ି ନିଜ ନାମିତ କରିନେବା ପରେ ମ...

ଥରେ ନୁହେଁ ଚାରି ଚାରିଥର  ଅଧ୍ୟାପିକାଙ୍କ ସ୍କୁଟିକୁ ପଛପଟୁ ଧକ୍କା ଦେଇ ଦୃତ ଗତିରେ ଚାଲିଯାଉଛି ବାଇକ୍ ଚାଳକ , କାହିଁକି କେଉଁ ଉଦ୍ଦେଶ୍ୟରେ ?? ଦିଲିପ କୁମାର ଜେନାଙ୍କ ରିପୋର୍ଟ-:  ଲଙ୍ଗଳେଶ୍ଵର(ବ୍ରାହ୍ମ ମୁହୂର୍ତ୍ତ) 22/10/22 କାହିଁକି କେଉଁ ଉଦ୍ଦେଶ୍ୟରେ ବାଇକ୍ ଚାଳକ ଥରେ ନୁହେଁ କି ଦୁଇଥର ବରଂ ଚାରି ଚାରିଥର ଅଧ୍ୟାପିକାଙ୍କ ସ୍କୁଟି ପଛରୁ ଧକ୍କା ଦେଇ ଦୃତ ଗତିରେ ଚାଲିଯାଉଛି। କ'ଣ ତାର ଉଦ୍ଧେଶ ସେନେଇ ଖୋଳତାଡ଼ ଆରମ୍ଭ ହୋଇଛି। ମିଳିଥିବା  ସୂଚନାରୁ ଗତ ଦୁଇ ବର୍ଷ ମଧ୍ୟରେ ଜଣେ କାର୍ଯ୍ୟରତ ଅଧ୍ୟାପିକାଙ୍କୁ ପାଞ୍ଚଥର ଜୀବନରୁ ମାରିଦେବାକୁ ଉଦ୍ୟମ ହୋଇଥିବା ଜଣାପଡିଛି। ତେବେ କାହିଁକି କେଉଁ କାରଣରୁ ଏଭଳି ପରିସ୍ଥିତି ଉପୁଜୁଛି ତାହାହିଁ ସାଧାରଣ ଲୋକଙ୍କ ପାଇଁ ସନ୍ଦେହ ସୃଷ୍ଟି କରିଛି। ପ୍ରାପ୍ତ ସୂଚନା ଅନୁଯାୟୀ ସିଂଲା ଥାନା ଅଧୀନ ରାଇପୁର ଗ୍ରାମର ପୁଷ୍ପାଞ୍ଜଳି ଆଚାର୍ଯ୍ୟ ବାଲିଆପାଳ ଲକ୍ଷ୍ମୀପ୍ରିୟା କନିଷ୍ଠ ମହିଳା ମହାବିଦ୍ୟାଳୟରେ ଦୀର୍ଘ କୋଡିଏ ବର୍ଷ ଧରି ସାହିତ୍ୟ ବିଭାଗରେ ଅଧ୍ୟାପନା କରି ଆସୁଛନ୍ତି। ତେବେ ସେ ପ୍ରତ୍ୟେକ ଦିନ ନିଜ ରାଇପୁର ଗ୍ରାମରୁ ସ୍କୁଟି ଯୋଗେ ଦିର୍ଘ କୋଡିଏ କିଲୋମିଟର ମହାବିଦ୍ୟାଳୟ କୁ ଯାଇଥାନ୍ତି। ତେବେ ଗତ ଦୁଇବର୍ଷ ହେବ ଘରକୁ ସ୍କୁଟୀରେ ଆସୁଥିବା ବେଳେ ପାଞ୍ଚଥର ଦୁର୍ଘଟଣା ର ଶିକାର ହୋଇଥିଲେ ମଧ୍ୟ ଅଳ୍ପକେ ମୃତ୍ୟୁମୁଖରୁ ବଞ୍ଚିଯାଇଛନ୍ତି। ତେବ...

ଅବକାରୀ ପୋଲିସ କର୍ମଚାରୀ ର ମହିଳାଙ୍କ ପ୍ରତି ଅଶାଳୀନ ବ୍ୟବହାର ନେଇ ଥାନାରେ ଏତଲା।  ସତ କହିଲେ ବ୍ରହ୍ମ ବିନ୍ଧୁଛି...ଆଉ ନକହିଲେ..? ନୂଆଗାଁ/ବାସୁଦେବପୁର( ବ୍ରାହ୍ମ ମୁହୂର୍ତ୍ତ ବ୍ୟୁରୋ) :- ସେଦିନ ଘରେ ଏକୁଟିଆ ମହିଳା ଦେଖି ମହାପାପୀ ରାବଣ ସୀତାଙ୍କୁ ଅପହରଣ କରିଥିଲା। ସେହିପରି ଆଜିର ଆଧୁନିକ ଯୁଗରେ ସରକାରଙ୍କ ଏଭଳି କିଛି ଅମଣିଷ ପଣିଆରେ ଡହଳବିକଳ ହେଉଥିବା ଲୋଭୀ ମଣିଷ ରହିଛନ୍ତି ଯେକି କାମକ୍ରୋଧ ଭଳି ନିଆଁରେ ଗରମ ଲାଳଟିକକୁ ନିଜ ଭିତରେ ରଖି ନପାରି କ'ଣ ସବୁ ନୀନ୍ଦନୀୟ କୁତ୍ସିତ କାର୍ଯ୍ୟ କରିବାକୁ ପଛାଉ ନାହାନ୍ତି ତା'ର ପ୍ରମାଣ ସ୍ବରୂପ ଘଟଣା ଦେଖିବାକୁ ମିଳିଛି ଭଦ୍ରକ ଜିଲ୍ଲାର ନୂଆଗାଁ ଠାରେ। ମିଳିଥିବା ସୂଚନାନୁସାରେ ବାସୁଦେବପୁର ବ୍ଲକ ଅନ୍ତର୍ଗତ ନୂଆଗାଁ ଗ୍ରାମର ବ୍ରହ୍ମାନନ୍ଦ ଦାସଙ୍କ ସ୍ତ୍ରୀ ଶ୍ରୀମତୀ ସୁକାନ୍ତି ଦାସ ନିଜ ଘରେ ଶନିବାର ସନ୍ଧ୍ୟାରେ ଏକୁଟିଆ ଥିବାର ସୁଯୋଗ ନେଇ ସ୍ଥାନୀୟ ଅବକାରୀ ବିଭାଗର କାର୍ଯ୍ୟରତ କର୍ମଚାରୀ ଭବେଶ ଗୃହ ଭିତରେ ପ୍ରବେଶ କରି ନାନା ପ୍ରକାର ଅସଭ୍ୟ ଭାଷାରେ ଗାଳିଗୁଲଜ କରିବା ସହ ମହିଳାଙ୍କୁ ଟଣାଓଟରା କରିବା ସହ ନାନା ଧମକପୂର୍ଣ୍ଣ ମିଥ୍ୟା କେଶ୍ ଦାଏର କରି ଫସାଇ ଦେବାପାଇଁ  ଧମକାଇ ଥିବାବେଳେ ମହିଳା ଜଣଙ୍କ ଅବକାରୀ କର୍ମଚାରୀଭବେଶର ସମସ୍ତ କଳାକାରନାମା ପ୍ରତି ସଜାଗ ହୋଇ ଟଣାଓଟରା କରିଥିଲା। କିନ୍ତୁ ଅବଳା ଦୁର୍ବଳା ମହିଳା ଟିଏ କ'ଣ ଅବା...

ସୁନ୍ଦରଗଡ଼ ଜିଲ୍ଲା ପ୍ରଶାସନର ଓସିଏଲ ପ୍ରେମ । ଆଦିବାସୀଙ୍କ ଗୁହାରି ଶୁଣିଲେନି ଜିଲ୍ଲାପାଳ ସୁନ୍ଦରଗଡ(ବ୍ରାହ୍ମ ମୁହୂର୍ତ୍ତ ବ୍ୟୁରୋ):- ରାଜ୍ୟ ସରକାର ଲୋକ ଦେଖାଣିଆ ଭାବେ ବିଭିନ୍ନ ସମୟରେ ଆଦିବାସୀ ଆଦିବାସୀ ବୋଲି ଡିମଡିମି ଅହରହ ପିଟି ଚାଲୁଥିବା ବେଳେ ଆଜି ସୁନ୍ଦରଗଡ ଜିଲ୍ଲାର ଆଦିବାସୀ ମା ଭଉଣୀ ମାନେ ଛୋଟ ଛୋଟ ଶିଶୁଙ୍କୁ ଧରି ଖରା ତରାରେ ଯେଉଁ ଭଳି ଭାବେ ଜିଲ୍ଲାପାଳଙ୍କ କାର୍ଯ୍ୟଳୟ ପରିସରରେ ବସି ରହିଛନ୍ତି ତାହାକୁ ଦେଖିବା ପରେ ଏଠି ପ୍ରଶ୍ନ ଉଠିବା ସ୍ଵାଭାବିକ ଯେ ରାଜ୍ୟ ସରକାରଙ୍କ ଠାରୁ ଆରମ୍ଭ କରି କେନ୍ଦ୍ର ସରକାରଙ୍କ ଯାଏ ଆଦିବାସୀ କାର୍ଡ ଖେଳିଥିବା ଏକ ସ୍ବତନ୍ତ୍ର ଅଭିନୟ ବୋଲି ଆଦିବାସୀ ଜନ ସଚେତନ  ପକ୍ଷରୁ ମତପ୍ରକାଶ ପାଉଛି | ଅତି ନିକଟରେ ଦେଶର ସର୍ବୋଚ୍ଚ ପଦବୀରେ ରାଜ୍ୟ ସରକାରଙ୍କ ସମର୍ଥନ ଏବଂ କେନ୍ଦ୍ର ସରକାରଙ୍କ ସମର୍ଥନ ଦ୍ଵାରା ଜଣେ ଆଦିବାସୀ ମହିଳାଙ୍କୁ ଦେଶର ମହାମହିମ ରାଷ୍ଟ୍ରପତି ପଦବୀରେ ବସାଇବା ପରେ ଦେଶର ସବୁ ଆଦିବାସୀଙ୍କ ମନରେ ଗୋଟିଏ ଗର୍ବ ଅନୁଭବ ହୋଇଥିଲା ଯେ ଆଗାମୀ ଦିନରେ ସରକାରଙ୍କ ପ୍ରତ୍ୟେକ ଆଭିମୁଖ୍ୟ ଆଦିବାସୀଙ୍କ ମଙ୍ଗଳ ପାଇଁ କିନ୍ତୁ ବର୍ତମାନ ଜିଲ୍ଲାର ଆଦିବାସୀଙ୍କୁ ଏହା ଅଭିଶାପ ହେବା ଭଳି ଲକ୍ଷଣ ଦେଖାଯାଇଛି ବୋଲି ଆଦିବାସୀ ମାନଙ୍କ ମହଲରେ ଚର୍ଚ୍ଚା ଚାଲିଛି  | ମିଳିଥିବା ସୂଚନାନୁସାରେ ରାଜଗାଙ୍ଗପୁରରେ ଅବସ୍ଥାପିତ ଥିବା ଓସିଏଲ ସିମେଣ୍ଟ କାରଖ...

ବାବା ଚମ୍ପେଶ୍ୱରମନ୍ଦିରରେ କ୍ଷୀରlଭିଷେକ। ବୌଦ୍ଧ :-( ବ୍ରାହ୍ମ ମୁହୂର୍ତ୍ତ ପ୍ରତିନିଧି ସୁଶାନ୍ତ କୁମାର ବେହେରାଙ୍କ ରିପୋର୍ଟ )ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ବିରନରସିଂହ ପୁର ପଂଚାୟତ ଅନ୍ତର୍ଗତ କରଡ଼ି ଗ୍ରାମରେ ବାବା ଚାମ୍ପେଶ୍ଵର ମନ୍ଦିରରେ କ୍ଷୀରା ଭିଷେକ ଅନୁଷ୍ଠିତ ହୋଇ ଯାଇଛି l ମନ୍ଦିରରେ ହଜାର ହଜାର ଶ୍ରାଦ୍ଧଳୁ ଙ୍କ ଭିଡ ପରିଲକ୍ଷିତ ହୋଇଥିଲା, କରଡ଼ି ର ଅlଖପାଖ ପଂଚାୟତ ତଥା ଗ୍ରାମରୁ ଭକ୍ତଙ୍କ ସୁଅ ଛୁଟିବାକୁ ଲାଗିଥିଲା, ମନ୍ଦିର ଭିତରେ ଭକ୍ତଙ୍କ ଗହଣ ରେ ନାମ ସଂକୀର୍ତନ ଓ ପାରାୟଣ ଠାବେ ଠାବେ ଦେଖିବାକୁ ମିଳିଥିଲା  l ଏଥିରେ ମନ୍ଦିର ପରିଚାଳନା କମିଟି କ୍ଷୀରସାଇ ରେ ସହଯୋଗ କରିଥିବା ବେଳେ ଡ୍ରାଇଭର ସଂଘ ଭଲୁଣ୍ଟାରୀ ଭାବରେ ପlର୍କିଙ୍ଗ ତଥା ଶାନ୍ତି ଶୃଙ୍ଖଳା ର ଦାୟିତ୍ୱ ନେଇଥିଲେ l ସମସ୍ତ ଭକ୍ତଙ୍କ ପାଇଁ ପ୍ରସାଦ ଭୋଜନ ର  ମଧ୍ୟ ବ୍ୟବସ୍ତା କରାଯାଇଥିଲା l ଉକ୍ତ କ୍ଷୀରସାଇ ରେ କମିଟି ର ସଭାପତି ମୃତ୍ୟୁଞ୍ଜୟ ମିଶ୍ର ସମ୍ପାଦକ ହରି ଅର୍ଜୁନ ସାହୁ କୋଷାଧକ୍ଷ ପୂର୍ଣ୍ଣ ଚନ୍ଦ୍ର ମହାକୁଳ, ସଭ୍ୟ -ବିଶ୍ୱଜିତ ମିଶ୍ର, ନରେନ୍ଦ୍ର ସାହୁ, କିଶ୍ବର ସାହୁ, ଧରଣୀଧର ସାହୁ, ପୂର୍ଣ୍ଣ ଚନ୍ଦ୍ର ଗାଈଗୌରୀଆ, ରାଜୁ ଅଗ୍ରୱାଲ, ବାବାଜୀ ପାତ୍ର, ନାରାୟଣ ସାହୁ, ପରିଚାଳନା କରିଥିଲେ! ଡ୍ରାଇଭର ମହାସଂଘ ବିରାନରସିଂ ପୁର ମଧ୍ୟ ଉପସ୍ଥିତ ଥିଲେ!

ବିଷମକଟକ ବିଧାନସଭା ମଣ୍ଡଳୀରେ ଆପ୍ ର କାର୍ଯ୍ଯକର୍ତ୍ତା ସମ୍ମିଳନୀ    ବିଷମକଟକ/ ରାୟଗଡ଼ ( ବ୍ରାହ୍ମ ମୁହୂର୍ତ୍ତ ବ୍ୟୁରୋ):- ସ୍ଥାନିୟ PWD ଡାକ ବଙ୍ଗଳା ରେ ଆପ୍ ର କାର୍ଯ୍ୟକର୍ତ୍ତା ସମ୍ମିଳନୀ ଅନୁଷ୍ଠିତ ହୋଇଯାଇଛି। ଆପ୍ ର ରାଷ୍ଟ୍ରିୟ ବା ଜାତିୟ ଆବାହକ ଶ୍ରୀଯୁକ୍ତ ଅରବିନ୍ଦ କେଜରିୱାଲଙ୍କ ଶିକ୍ଷା,ସ୍ୱାସ୍ଥ୍ୟ,ବିଜୁଳି,ପାଣି,ରୋଜଗାର ଦେଶର ରାଜଧାନୀ ଦିଲ୍ଲୀରେ ତିନି ତିନି ଥର ସଫଳତା ପାଇ ସରକାର ଗଠନ କଲା ପରେ । ବର୍ତ୍ତମାନ ପଞ୍ଜାବ ରେ ଆପ୍ ଦଳ ସରକାର ଗଠନ କରିଛି। ଏବେ ଗୁଜୁରାଟ ରେ ଆପ୍ ତାର ସ୍ଥତି ଜାହିରି କରିବା ପାଇଁ ଅଣ୍ଟା ଭିଡୁଛି। ସେହିଭଳି ଆମ ଓଡିଶାରେ କେଜରିୱାଲ ଙ୍କ ଦିଲ୍ଲୀ ମଡେଲ ରାଜ୍ଯ ସଭାପତି ଶ୍ରୀଯୁକ୍ତ ନିଶିକାନ୍ତ ମହାପାତ୍ର ଙ୍କ ମାଧ୍ୟମ ରେ ସାରା ଓଡିଶାରେ  ଶିକ୍ଷା, ସ୍ବାସ୍ଥ୍ୟ,ବିଜୁଳି,ପାଣିଓ ରୋଜଗାର ର ରାଜନୀତି କୁ ରାୟଗଡା ଜିଲ୍ଲାରେ ପ୍ରତେକ ବିଧାନସଭା ଏବଂ ବ୍ଲକ୍, ପଞ୍ଚାୟତ, ଗାଁ କୁ ପହଞ୍ଚାଇ ବା ପାଇଁ ରାୟଗଡା ଆପ୍ ର ସଭାପତି ଶ୍ରୀଯୁକ୍ତ ଜନ୍ମେଜୟ ସ୍ବାଇଁ( ରାଜ୍ଯ ସଂପାଦକ ତଥା ମୁଖପାତ୍ର, ଓଡିଶା )  ସଙ୍ଗଠନ କାମ ଆରମ୍ଭ କରିଛନ୍ତି। ଆଜି ବିଷମକଟକ ବିଧାନସଭା ବୌଠକ ରେ ଶ୍ରୀ ସ୍ବାଇଁ ବିଜେଡି ର 23 ବର୍ଷ ର ଶାସନରେ ଏବେ ମଧ୍ଯ ବିଷମକଟକ ର ଅନେକ ଗାଁ କୁ ରାସ୍ତା, ପାଣୀ। ପହଞ୍ଚିନାହିଁ କହିଥିଲେ। ଦେଶ  ସ୍ବାଧୀନ ହୋଇ 75  ବର୍ଷ ହେଲେ...

:ଜିଲ୍ଲା ପାଣଗଣ୍ଡା ସମାଜ ର କାର୍ଯ୍ୟକାରିଣୀ ବୈଠକ..... ବୌଦ୍ଧ :( ବ୍ରାହ୍ମ ମୁହୂର୍ତ୍ତ ପ୍ରତିନିଧି ସୁଶାନ୍ତ କୁମାର ବେହେରାଙ୍କ ରିପୋର୍ଟ )ସ୍ବାଧୀନ ହେବାର ୭୫ ବର୍ଷ ପରେ ମଧ୍ୟ ଆମ ଦେଶରେ ଜାତି ପ୍ରଥା ଏବଂ ଛୁଆଁ ଅଛୁଆଁ ଭେଦଭାବ ପବିତ୍ର ଶିକ୍ଷାନୁଷ୍ଠାନ , ଅଙ୍ଗନୱାଡ଼ି କେନ୍ଦ୍ର , ବିଭିନ୍ନ ଦେବାଳୟ , ହୋଟେଲ , ସେଲୁନ ମାନଙ୍କରେ ଆଜି ମଧ୍ୟ ବଳବତ୍ତର ରହିବା ଅତି ଦୁଃଖ ଓ ପରିତାପର ବିଷୟ । ଆଜି ମଧ୍ୟ ବୌଦ୍ଧ ଜିଲ୍ଲାରେ ଶହ ଶହ ଭୂମି ହୀନ, ଡିହ ହୀନ ଥିବା ବେଳେ ଶତାଧିକ ଦଳିତ ବସ୍ତିକୁ ସବୁଦିନିଆ ସରକାରୀ ରାସ୍ତା ନାହିଁ ।  ଅଗ୍ରଣୀ ସାମାଜିକ ସଂଗଠନ ବୌଦ୍ଧ ଜିଲ୍ଲା ପାଣ - ଗଣ୍ଡା ସମାଜ ବିକାଶ ପରିଷଦ ପକ୍ଷରୁ  ଜିଲ୍ଲାପାଳଙ୍କ ଉଦ୍ଦେଶ୍ୟରେ ଜିଲ୍ଲାର ତିନୋଟି ବିଡିଓ ଏବଂ ତହସିଲଦାର ମାନଙ୍କ ଜରିଆରେ ଦାବୀପତ୍ର ପ୍ରଦାନ କରାଯିଵାର ପ୍ରାୟ ଚାରି ମାସ ବିତି ଯାଇଥିଲେ ସୁଦ୍ଧା ପ୍ରଶାସନ  କୌଣସି ପଦକ୍ଷେପ ନେଇ ନାହାନ୍ତି । ଏହି ପରିପ୍ରେକ୍ଷୀରେ ଅଗ୍ରଣୀ ସାମାଜିକ ସଂଗଠନ ର ପଞ୍ଜୀକରଣ ଦିବସ ଅବସରରେ ବହିରା ବନ୍ୟା ଆଶ୍ରୟ ସ୍ଥଳୀ ଠାରେ ଏକ  ଗୁରୁତ୍ବପୂର୍ଣ୍ଣ  କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହୋଇଯାଇଛି । ସଂଗଠନ ର ଜିଲ୍ଲା ସଭାପତି ବଟକୃଷ୍ଣ ପ୍ରଧାନଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ଜିଲ୍ଲା ସାଧାରଣ ସଂପାଦକ ସୁଧାଂଶୁ ଡାଙ୍ଗ ସମାଜ ର ସାମାଜିକ ଏକତା , ସାମାଜିକ ସଂସ୍କା...

ବ୍ଲକ ସ୍ତରୀୟ ଜନଶୁଣାଣୀ କାର୍ଯ୍ୟକ୍ରମ..... ହରଭଙ୍ଗା :( ବ୍ରାହ୍ମ ମୁହୂର୍ତ୍ତ ପ୍ରତିନିଧି ସୁଶାନ୍ତ କୁମାର ବେହେରାଙ୍କ ରିପୋର୍ଟ )ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ପରିସରରେ ଅଶ୍ୱିନୀ କୁମାର ମେହେର ଙ୍କ ଅଧକ୍ଷତା ରେ MGNREGS,NSAF, ଓ 15th FC ଯୋଜନା ର ସାମାଜିକ ସମୀକ୍ଷା ବ୍ଲକ ସ୍ତରୀୟ ଜନଶୁଣାଣୀ ଶିବିର ଅନୁଷ୍ଠିତ ହୋଇଯାଇଛି!ଏହି ଶିବିରରେ ହରଭଙ୍ଗା BDO ରବୀନ୍ଦ୍ର କହଁର ସ୍ୱାଗତ ଭାଷଣ ଦେଇ କାର୍ଯ୍ୟକ୍ରମ ର ଶୁଭାରମ୍ଭ କରିଥିଲେ!ଜିଲ୍ଲା ସାମାଜିକ ସମୀକ୍ଷକ ପ୍ରବୀର ମେହେର ସାମାଜିକ ସମୀକ୍ଷାର ରିପୋର୍ଟ ଉପସ୍ଥାପନା କରିଥିଲେ!22ଟି ପଂଚାୟତ ର 256ଟି ପ୍ରକଳ୍ପ ର ଜନଶୁଣାଣୀ ହୋଇଥିଲା!ଏହି ଶିବିରରେ ସମସ୍ତ ପଂଚାୟତ ର ହିତାଧିକାରୀ ମlନେ ଯୋଗଦାନ ଦେଇଥିଲେ ତତ ସହିତ ସମସ୍ତ VRS, GRS, VLW ଓ ବିଦ୍ୟୁତ ଅଧିକାରୀ ମlନେ ଉପସ୍ଥିତ ରହିଥିଲେ!ସାମାଜିକ ସମୀକ୍ଷାରେ ଚିହ୍ନଟ ହୋଇଥିବା ସମସ୍ତ ଅଭିଯୋଗ କୁ 7ଦିନ ମଧ୍ୟରେ ସମୀକ୍ଷା କରି ରିପୋର୍ଟ ପ୍ରଦାନ କରିବାକୁ ଜିଲ୍ଲା ପରିଷଦ ମୁଖ୍ୟ ଶ୍ରୀ ଅଶ୍ୱିନୀ ମେହେର ସମସ୍ତ ବିଭାଗକୁ ନିର୍ଧେଶ ଦେଇଥିଲେ!ଶେଷରେ ବ୍ଲକ ଉପାଧ୍ୟକ୍ଷ ସରୋଜ ପ୍ରଧାନ ଧନ୍ୟବାଦ ଅର୍ପଣ କରିଥିଲେ!

ଏଲ କେ ବି କେ ଅନୁଷ୍ଠାନ  ତରଫରୁ ବାଲ୍ୟବିବାହ ନିଷେଧ ସଚେତନତା କାର୍ଯ୍ୟକ୍ରମ । ବୌଦ୍ଧ ( ବ୍ରାହ୍ମ ମୁହୂର୍ତ୍ତ ପ୍ରତିନିଧି  ସୁଶାନ୍ତ କୁମାର ବେହେରାଙ୍କ ରିପୋର୍ଟ )ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ୍ ର କୁଲତାଯୋର୍  ଠାରେ ଲୋକ କଳା ବିକାଶ କେନ୍ଦ୍ର ତରଫରୁ ବାଲ୍ୟବିବାହ ନିଷେଧ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ପ୍ରତି ଭାଗି ଭାବରେ ସ୍ଥାନୀୟ ଆଶା , ଅଙ୍ଗନୱାଡ଼ି , କିଶୋରୀ ବାଳିକା ୪୦ ଜଣ ଅଂଶ ଗ୍ରହଣ କରିଥିଲେ । ଲୋକ କଳା ବିକାଶ କେନ୍ଦ୍ରର କର୍ମୀ  ଶିଳ୍ପାରାଣୀ ବେହେରା ସମସ୍ତଙ୍କୁ ସ୍ଵାଗତ ଜଣେଇ ଥିଲେ  । ଅତିଥି ଭାବରେ   ଶିଶୁ ମଙ୍ଗଳ ସମିତି ବୌଦ୍ଧ ର  ସଦସ୍ୟ ଶ୍ରୀଯୁକ୍ତ ସୀତାକାନ୍ତ ସାହୁ , ସ୍ଥାନୀୟ ଏଏନଏମ ଉପସ୍ଥିତ ଥିଲେ ।ଲୋକ କଳା ବିକାଶ କେନ୍ଦ୍ରର ସମ୍ପାଦିକା ପୁନର୍ବାର ସମସ୍ତଙ୍କୁ ସ୍ଵାଗତ ଜଣେଇ ବୈଠକ ପରିଚାଳନା କରିଥିଲେ।   ବାଲ୍ୟ ବିବାହ ନିଷେଧ ଆଇନ ,ବାଲ୍ୟ ବିବାହ କଣ  ସେ ବିଷୟରେ ସମ୍ପାଦିକା ମହାଶୟା ନିଜର ମତବ୍ୟକ୍ତ କରିଥିଲେ।  ଶିଶୁ ର ଉପଯୁକ୍ତ ବୟସ ଆଇନ ଅନୁସାରେ ଝିଅ କୁ ୧୮ଓ ପୁଅ କୁ ୨୧ ବର୍ଷ  ପରେ ହେଉଛି ବିବାହ ପାଇଁ ସଠିକ୍ ବୟସ ବୋଲି  ଶିଶୁ ମଙ୍ଗଳ ସମିତି ର ସଦସ୍ୟ ଶ୍ରୀଯୁକ୍ତ ସୀତାକାନ୍ତ ସାହୁ  ମତବ୍ୟକ୍ତ କରିଥିଲେ । ଯିଏ ଏହି ନିୟମ ଅମାନ୍ୟ  କ...

ବିଦେଶାଗତ ପକ୍ଷୀଙ୍କ ମହାନଦୀ ମୁଁହା..... ବୌଦ୍ଧ :( ବ୍ରାହ୍ମ ମୁହୂର୍ତ୍ତ ପ୍ରତିନିଧି ସୁଶାନ୍ତ କୁମାର ବେହେରାଙ୍କ ରିପୋର୍ଟ )ବୌଦ୍ଧ ଜିଲ୍ଲା କୁ ପ୍ରକୃତିର ବରଦାନ ଅପାର! ଜିଲ୍ଲାରେ ପ୍ରବାହିତ ମହାନଦୀର ବିସ୍ତିର୍ଣ୍ଣ ଜଳରାଶି ଏବଂ ନଦୀର ମାଛ ଓ ମନୋରମ ପରିବେଶ ବିଦେଶାଗତ ପକ୍ଷୀଙ୍କୁ ବୌଦ୍ଧ ଆସିବା ପାଇଁ ଆନମନା କରେ । ଶୀତ ଆରମ୍ଭ ହେବା ମାତ୍ରକେ ହଜାର ହଜାର କିଲୋମିଟର ଦୂରରୁ ଏଠାକୁ ଚାଲି ଆସନ୍ତି ବିଭିନ୍ନ ପ୍ରଜାତିର ବିରଳ ପକ୍ଷୀ । ମହାନଦୀ ର ବୌଦ୍ଧ ସହରଠୁ ଆରମ୍ଭ କରି  ବିଭିନ୍ନ ଟାପୁ ଏବଂ ସତକୋଶିଆ ଗଣ୍ଡ ପର୍ଯ୍ୟନ୍ତ ଦେଖାଯାନ୍ତି ଜାତି ଜାତିର ପକ୍ଷୀ । ନୂଆ ନୂଆ ପ୍ରଜାତିର ବିଦେଶୀ ପକ୍ଷୀ ଆସି ଅତି ଆନନ୍ଦରେ ମହାନଦୀକୁ ଘର କରି ନିଅନ୍ତି । ତେବେ ଶୀତର ପ୍ରକୋପ ଯେତିକି ବଢେ, ମହାନଦୀରେ ବିଦେଶାଗତ ପକ୍ଷୀଙ୍କ ସଂଖ୍ୟା ସେତିକି ବୃଦ୍ଧି ପାଏ । ସାତ ଦରିଆ ତେର ନଈ ପାରି ହୋଇ ସୁଦୂର ସାଇବେରିଆ, ଆମେରିକା, ମାଙ୍ଗୋଲିଆ ଆଦି ସ୍ଥାନରୁ ଉଡି ଆସି ବୌଦ୍ଧ ମହାନଦୀକୁ ଏମାନେ ଆପଣାର କରି ନିଅନ୍ତି ।

ବ୍ୟାଙ୍କ ଅଫ ବରୋଦା ର ନୂତନ ଶାଖା ଉଦ୍ଘାଟନ..... ହରଭଙ୍ଗା (ବ୍ରାହ୍ମ ମୁହୂର୍ତ୍ତ ପ୍ରତିନିଧି ସୁଶାନ୍ତ କୁମାର ବେହେରା )ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ୍ ଲୁଣିବାହାଲ ଠାରେ ମଙ୍ଗଳବାର ବ୍ୟାଙ୍କ ଅଫ୍ ବରୋଦା ବୌଦ୍ଧ ଶାଖା ତରଫରୁ ଏକ ନୂତନ ଗ୍ରାହକ ସେବା କେନ୍ଦ୍ର ଉଦଘାଟିତ ହୋଇଯାଇଛି। ଏହି କାର୍ଯ୍ୟକ୍ରମ ରେ  ମୁଖ୍ୟ ଅତିଥି ଭାବେ ଲୁଣିବାହାଲ ସରପଞ୍ଚ ଚନ୍ଦ୍ରମା ପ୍ରଧାନ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ବ୍ୟାଙ୍କ ଅଫ୍ ବରୋଦା ବୌଦ୍ଧ ଶାଖା ର ସହକାରୀ ପରିଚାଳକ ବ୍ରଜ ବିହାରୀ ନାଏକ ଯୋଗ ଦେଇଥିଲେ। ଗ୍ରାହକ ସେବା କେନ୍ଦ୍ର ର ପରିଚାଳକ ଧୀରେନ୍ ପ୍ରଧାନ ଏହା ହେବା ଦ୍ଵାରା ଗ୍ରାହକ ମାନେ ସୁବିଧାରେ ବ୍ୟାଙ୍କ ର ସମସ୍ତ ସେବା ପାଇପାରିବେ ବୋଲି ପ୍ରକାଶ କରିଛନ୍ତି  । ଏହି ଉଦଘାଟନୀ ଉତ୍ସବରେ ଲୁଣିବାହାଲ ଗ୍ରାମ ପଞ୍ଚାୟତର ଗ୍ରାହକ ଏବଂ ସ୍ଵୟଂ ସହାୟକ ଗୋଷ୍ଠୀର ମହିଳା ମାନେ ଯୋଗ ଦେଇଥିଲେ।

ପଞ୍ଚାୟତିରାଜ ଓ ପାନୀୟଜଳ ବିଭାଗର ସମୀକ୍ଷା କଲେ ମନ୍ତ୍ରୀ ଶ୍ରୀଯୁକ୍ତ ପ୍ରଦିପ କୁମାର ଅମାତ ବୌଦ୍ଧ, (ବ୍ରାହ୍ମ ମୁହୂର୍ତ୍ତ ବ୍ୟୁରୋ)(ସୁଶାନ୍ତ କୁମାର ବେହେରା )ବୌଦ୍ଧ ଜିଲାପାଳଙ୍କ କାର୍ଯ୍ୟାଳୟ ସଭାଗୃହଠାରେ ପଞ୍ଚାୟତିରାଜ ଓ ପାନୀୟଜଳ ବିଭାଗ ପକ୍ଷରୁ ଜିଲାରେ ଚାଲିଥିବା ବିଭିନ୍ନ ଯୋଜନାର କାର୍ଯ୍ୟକାରୀତା ସଂପର୍କରେ ବିଭାଗୀୟ ମନ୍ତ୍ରୀ ପ୍ରଦିପ କୁମାର ଅମାତ ସମୀକ୍ଷା କରିଛନ୍ତି । ଜିଲାପାଳ ସତ୍ୟ ରଞ୍ଜନ ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସମୀକ୍ଷା ବୈଠକରେ ଜିଲାପରିଷଦ କାର୍ଯ୍ୟନିର୍ବାହୀ ଅଧିକାରୀ ଅଶ୍ୱିନୀ କୁମାର ମେହେର ପ୍ରାରମ୍ଭିକ ସୂଚନା ପ୍ରଦାନ କରିଥିଲେ । ପାୱାର ପଏଣ୍ଟ ମାଧ୍ୟମରେ ପଞ୍ଚାୟତିରାଜ ବିଭାଗ ପକ୍ଷରୁ ଜିଲାରେ ଚାଲିଥିବା ମହାତ୍ମାଗାନ୍ଧୀ କର୍ମ ନିଯୁକ୍ତି ଯୋଜନା,ଗ୍ରାମୀଣ ଆବାସ ଯୋଜନା, ଗ୍ରାମ୍ୟ ପାନୀୟଜଳ ଯୋଗାଣ ନେଇ ସମୀକ୍ଷା କରାଯାଇଥିଲା । ମନ୍ତ୍ରୀ ଶ୍ରୀଅମାତ ସମସ୍ତ ଅସମ୍ପୁର୍ଣ୍ଣ ପ୍ରକଳ୍ପଗୁଡିକୁ ତୁରନ୍ତ ସଂପୁର୍ଣ୍ଣ କରିବା ପାଇଁ ଗୁରୁତ୍ୱ ଦେବା ସହିତ ବିଭାଗୀୟ ଅଧିକାରୀ ଓ ଦାୟିତ୍ୱରେ ଥିବା କର୍ମଚାରୀମାନେ ଯତ୍ନବାନ ହେବାକୁ ନିର୍ଦ୍ଦେଶ ଦେଇଥିଲେ । ବୈଠକରେ ଜିଲାରେ କେତେ ହିତାଧିକାରୀ ଜବକାର୍ଡ ପାଇଛନ୍ତି ଏବଂ ସେମାନଙ୍କୁ କେତେଦିନର କାର୍ଯ୍ୟ ଯୋଗାଇଦିଆଯାଇଛି ସମୀକ୍ଷା କରାଯିବା ସହିତ ଗ୍ରାମୀଣ ଆବାସ ଯୋଜନାରେ କାର୍ଯ୍ୟାଦେଶ ପାଇଥିବା ହିତାଧିକାରୀମାନେ ୧୫ ଦିନ ଦିନ ...

ପଂଚାୟତ ପ୍ରତିନିଧି ମାନଙ୍କର ତିନିଦିନିଆ କର୍ମଶାଳା ଅନୁଷ୍ଠିତ l  ହରଭଙ୍ଗା(ବ୍ରାହ୍ମ ମୁହୂର୍ତ୍ତ ବ୍ୟୁରୋ) ,(ସୁଶାନ୍ତ କୁମାର ବେହେରା )ଜିଲ୍ଲା ଗ୍ରାମ୍ୟ ଉନ୍ନୟନ ଓ ପଞ୍ଚାୟତି ରାଜ ପ୍ରତିଷ୍ଠାନ ପଞ୍ଚାୟତିରାଜ ଓ ପାନୀୟ ଜଳ ବିଭାଗ,ଓଡ଼ିଶା ତରଫରୁ ଲୋକ କଳା ବିକାଶ କେନ୍ଦ୍ର  ସରସରା ଠାରେ , ବୌଦ୍ଧ ଜିଲ୍ଲାର ପଞ୍ଚାୟତ ସମିତି ସଭ୍ୟା,ସଭ୍ୟା ଙ୍କର ତିନିଦିନିଆ କର୍ମଶାଳା ଅନୁଷ୍ଠିତ ହୋଇଯାଇଛି।  ଏହି କାର୍ଯ୍ୟକ୍ରମ ଦୀପ ପ୍ରଜ୍ବଳନ ପୂର୍ବକ କାର୍ଯ୍ୟକ୍ରମର ଆରମ୍ଭ ହୋଇଥିଲା  ।ଲୋକ କଳା ବିକାଶ କେନ୍ଦ୍ରର ସମ୍ପାଦିକା ଶ୍ରୀମତୀ ପୁଷ୍ପିତା ପ୍ରଧାନ ସମସ୍ତଙ୍କୁ ସ୍ଵାଗତ ଜଣାଇବା ସହିତ ଅତିଥି ପରିଚୟ ପ୍ରଦାନ କରିଥିଲେ।  ଅତିଥି ଭାବରେ  ତାଲିମ ପ୍ରକଳ୍ପ ଅଧିକାରୀ  ଅମ୍ରିତା ପ୍ରିୟଦର୍ଶିନୀ ପଣ୍ଡା    ,ଶିଶୁ ମଙ୍ଗଳ ସମିତି ର ସଦସ୍ୟ ଶ୍ରୀଯୁକ୍ତ ସୀତାକାନ୍ତ ସାହୁ, ତାଲିମ ଦାତା ଭାବରେ   ଶ୍ରୀଯୁକ୍ତ ସୂର୍ଯ୍ୟମଣି ପଣ୍ଡା,ସନ୍ତୋଷ କୁମାର ପ୍ରଧାନ ଏହି କର୍ମଶାଳାରେ ଯୋଗଦାନ କରିଥିଲେ। ତିନିଦିନ ଧରି ତାଲିମ ଦାତା  ଭାବରେ ଏମାନେ  ତାଲିମ ପ୍ରଦାନ କରିବେ ।  ପ୍ରତିଭାଗି  ଭାବରେ ଏହି କର୍ମଶାଳା ରେ   ବୌଦ୍ଧ ଜିଲ୍ଲାର ପଞ୍ଚାୟତ ସମିତି ସଭ୍ୟ, ସଭ୍ୟା ଅଂଶଗ୍ରହଣ କରିଥିଲେ। ତାଲିମ ପ୍ରକଳ୍ପ ଅଧିକାରୀ ଶ୍ରୀମତୀ ଅମ୍...

ଗୁଣପୁର ଉପଜିଲ୍ଲାପାଳଙ୍କ ଦିପାବଳୀ ପାଳନ ନିମନ୍ତେ ଜରୁରୀ ବୈଠକ  ।                 ମାଧବ ବିଡିକାଙ୍କ ରିପୋର୍ଟ       ଗୁଣପୁର/ରାୟଗଡ଼, (ବ୍ରାହ୍ମ ମୁହୂର୍ତ୍ତ ବ୍ୟୁରୋ):- ତା 18,10,22ରିଖ ଦିନ ଗୁଣପୁର ଉପ ଜିଲ୍ଲାପାଳ ଶ୍ରୀ ଲୋକନାଥ ଦଲବେହେରାଙ୍କ ଅଧ୍ୟକ୍ଷତାରେ ଦୀପାବଳି ପାଇଁ ପାଲନ ନିମନ୍ତେ ଜରୁରୀ ବୈଠକ  ଅନୁଷ୍ଠିତ ହୋଇଥିଲା ।  ରାୟଗଡା ଜିଲ୍ଲାପାଳ  ସ୍ୱାଧୀ ଦେବ ସିଂ ଙ୍କ ନିର୍ଦ୍ଧେଶ କ୍ରମେ  ଗୁଣୁପୁର  ଉପଖଣ୍ଡ ର  ସାତୋଟି  ତହସିଲର ର  ତହସିଲଦାର  ଥାନା ଅଧିକାରୀ  ଅଗ୍ନିଶମ ବିଭାଗ ର ଅଧିକାରୀ ଏବଂ ବାଣ ଦୋକାନୀ  ଉପସ୍ଥିତ ଥିଲେ   ଏହି ଜରୁରୀ ବୈଠକ ରେ  ଜିଲ୍ଲାର  ପ୍ରଦୂଷଣ ବୈଜ୍ଞାନିକ  ଗୌରୀ ଶଙ୍କର ଦାସ  ଯୋଗ ଦେଇ ବାଣ ଦୋକାନୀ ଙ୍କ ସହ ବିଭାଗୀୟ ଅଧିକାରୀ ମାନେ  ଭାରତ ସରକାର ଙ୍କ  ନୀତି ଏବଂ ନିୟମ କୁ କିଭଳି ମାନିବେ  ଏବଂ ଗ୍ରୀନ ଫାୟାର ପ୍ରଡ଼କ୍ଟ ଉପରେ ଗୁରୁତ୍ୱ ଦେବାକୁ ଜଣାଇଥିଲେ    ରାତି ଆଠ ଟା ଠାରୁ  ରାତି ଦଶ ଘଣ୍ଟା ଯାଏଁ  ବାଣ ଫୁଟାଇବା ସହ  ପୋଲିସ ଏବଂ ଅଗ୍ନିଶମ ବିଭାଗ ଯଥେଷ୍ଟ ଗୁରୁତ୍ୱ ଦେବାକୁ  ଉପଜିଲ୍ଲାପାଳ ଲୋକନାଥ ଦଳ ବେହେ...

ନାଗନଗୁଣୀଙ୍କ ମହୁଫେଣା ଶୋଷଣ ବିରୁଦ୍ଧରେ ଆମ ରାଜନୀତି  ଭୁବନେଶ୍ୱର (ବ୍ରାହ୍ମ ମୁହୂର୍ତ୍ତ ବ୍ୟୁରୋ):- ରାଜ୍ୟର ରାଜଧାନୀ ଭୁବନେଶ୍ୱରରେ ରାଜନେତାଙ୍କ ରାଜଧର୍ମ ବିପକ୍ଷରେ ପ୍ରେମକାଙ୍ଗାଳ ଭଳି ସନ୍ଧିପାଣି ପିଇବା ପାଇଁ ନିଜ ସବୁକିଛି ଦାଣ୍ଡରେ ଥୋଇ ନାଗ ସହିତ ମଧୁର ସମ୍ପର୍କ ବୁଝାମଣାରେ କେତେ ତଳକୁ ଖସି ଯାଇପାରନ୍ତି ତାହା ଆଜିକାର ଗଣମାଧ୍ୟମର ପ୍ରମୁଖ ଖବର। ନେତାଙ୍କ କଣ୍ଡୁ ଦୋଷ କେବଳ ରାଜଧାନୀର ରଙ୍ଗୀନ ଆଲୋକରେ ସିମୀତ ଅବା ନିଜ ନିର୍ବାଚନ ମଣ୍ଡଳୀର ଏଭଳି କୌଣସି ଅନ୍ଧାରିଆ କୋଠରୀ ମଧ୍ୟରେ ରହିଛି ବୋଲି ସଚେତନ ନାଗରିକ ମହଲରେ ନାନା ପ୍ରକାର ଆଲୋଚନା ଶୁଣିବାକୁ ମିଳୁଛି।ନାଗ ଚର୍ଚ୍ଚା ଦିନକୁ ଦିନ ବୃଦ୍ଧି ପାଉଥିବା ବେଳେ ରାଜ୍ୟ ସରକାରଙ୍କ ମନ୍ତ୍ରୀ ବିଧାୟକ ଅଫିସର ମାନେ ନାଗର ସାଜି ନାଗୀନ ଠାରୁ ମହୁଶୋଷି ବିଷ ଝରାଇବା ଆଜିର ଦିନରେ ଘଟିଥିବା ଘଟଣା ସମ୍ପର୍କରେ ବଡ଼ ଧରଣର ରହସ୍ୟ। ଆଉ ମାସ କେତୋଟି ପରେ ସାଧାରଣ ନିର୍ବାଚନ ଆସୁଛି, ଏଣୁ ରାଜ୍ୟ ଶାସନ କ୍ଷମତା ହାସଲ ପାଇଁ ଉଦ୍ୟମ ଆରମ୍ଭ ହୋଇଯାଇଛି ତିନି ପ୍ରମୁଖରାଜନୈତିକ ଦଳ ଭିତରେ। ବିଶେଷ କରି ବିଜେଡି ସରକାରରେ ବଡ଼ ବଡ଼ ପଦପଦବୀରେ ରହିଥିବା ନେତାଙ୍କ କୁକର୍ମ ପାଇଁ ଏବେ ଚିନ୍ତାରେ ସୁପ୍ରିମୋ। ରାଜ୍ୟ ସରକାରଙ୍କ ପୁରୁଣା ଏବଂ ନୂଆ ନେତା ସମେତ ମନ୍ତ୍ରୀଙ୍କ ଗଡ଼ରେ ବିରୋଧୀଙ୍କ  ଯୁଦ୍ଧଂଦେହି ଡାକରାର ବାଜା ବାଜିବା ଶୁଣିବାକୁ ମିଳୁଛି । ଏହି ...

ରାୟଗଡ( ଜିଲ୍ଲା ପ୍ରତିନିଧି ମାଧବ ବିଡିକାଙ୍କ ରିପୋର୍ଟ):-କଥାରେ ଅଛି ଚୋର ଯାଉଛି ଯେଉଁ ବାଟେ ରାତି ପାହିଲା ସେହି ବାଟରେ। ଏମିତି କିଛି ରହସ୍ୟ ଖବର ଏବେ ସମଗ୍ର ରାଜ୍ୟରେ ଚର୍ଚ୍ଚାରେ ରହିଛି। ମିଳିଥିବା ସୂଚନାନୁସାରେ ରାଜ୍ୟର ରାୟଗଡ଼ା ଜିଲ୍ଲାର ଜଣେ ବରିଷ୍ଠ ଅଧିକାରୀ ଧରା ପଡ଼ିଛନ୍ତି ଭିଜିଲାନ୍ସ ହାତରେ।ସେ ଅଧିକାରୀ ଜଣକ ଆଉ କେହି ନୁହନ୍ତି ବରଂ ସବୁବେଳେ ଜିଲ୍ଲାର ଗଣମାଧ୍ୟମ ପ୍ରତିନିଧି ମାନଙ୍କୁ କହୂଥିବା ଅବକାରୀ ବିଭାଗ ଅଧିକାରୀଣି ନୀନା ବେଉରା।ସେ କୁହନ୍ତି -"  ଦୁର୍ନିତି କୁ ମୁଁ ପ୍ରଶୟ ଦିଏ ନାହିଁ। ଦୁର୍ନୀତି ମ କାର୍ଯ୍ୟାଳୟ ରେ କେହି କରିବାକୁ ସାହସ କରନ୍ତି ନାହିଁ। ମୁଁ କୈାଣସି ଖବର କୁ ସେଥିପାଇଁ ଖାତର କରେ ନାହିଁ"। ଏମିତି ଗଣମାଧ୍ୟମ ର ଲେଖାରେ ଉତ୍ତର ରଖୁଥିବା ଜିଲ୍ଲା ଅବକାରୀ ବିଭାଗର ଅଧିକ୍ଷକ ଆଜି ଭିଜିଲାନ୍ସ ହାବୁଡ଼ରେ ଧରା ପଡିଛନ୍ତି। ରାୟଗଡ଼ ଏକ ଆଦିବାସୀ ଅଧ୍ୟୁଷିତ ଜିଲ୍ଲା ହୋଇଥିବା ବେଳେ ଏଠାକାର ଲୋକେ ଅଧିକାଂଶ ଆଦିବାସୀ ଅଟନ୍ତି।ଆଉ ସେମାନେ ଦୁର୍ନୀତି କ'ଣ ତାହା ବି ଜାଣିନାହାନ୍ତି। ଦେଶରେ ସ୍ବାଧିନତା ଦିବସ ପାଳିତ ହେଉଛି ସତ କିନ୍ତୁ ଆଜିବି ଏମାନେ ସ୍ବାଧୀନତାର ଅସଲି ସ୍ଵାଦ ଚାଖି ପାରି ନାହାଁନ୍ତି। ଯାହା ପାଇଁ ଦେଶି ମଦ ଅନେକ ଗାଁ ଗାଁ ରେ ବିକ୍ରି ହେଉଛି । ଯାହାର ପ୍ରଭାବରେ କାହାର ପରିବାର ଅଶାନ୍ତ ରହୁଥିବା ବେଳେ କାହାର ମୁଣ୍ଡ ଗୁଞ୍ଜିବାକୁ କୁଡି...

ଭୀମଭୋଇ ଭିନ୍ନକ୍ଷମ ସାମର୍ଥ୍ୟ ଅଭିଯାନ, ବେତନଟୀ ବେତନଟୀ:୨୧/୦୭(ଜଗନ୍ନାଥ ହେମ୍ବ୍ରମଙ୍କ ରିପୋର୍ଟ)ମୟୁରଭଞ୍ଜ ଜିଲ୍ଲାର ବେତନଟୀ ଏମ.ପି.ସି ପରିସରରେ ବେତନଟୀ ବ୍ଲକ ପ୍ରଶାସନ ପକ୍ଷରୁ ଗୁରୁବାର ଭୀମଭୋଇ ଭିନ୍ନକ୍ଷମ ସାମର୍ଥ୍ୟ ଅଭିଯାନ କାର୍ଯ୍ଯକର୍ମ ଆୟୋଜିତ ହୋଇଯାଇଛି। ଏହି ଅବସରରେ ବେତନଟୀ ବ୍ଲକର ସମସ୍ତ ପଞ୍ଚୟତରୁ ଆସିଥିବା ୮୭୯ ଜଣଙ୍କର ନାମ ପଞିକୃତ ହୋଇଯାଇଥିଲା। ୪୫୭ ଜଣଙ୍କ ନାମ ଭିନ୍ନକ୍ଷମ ପ୍ରମାଣପତ୍ର ପ୍ରଦାନ କରାଯାଇଥିବା ବେଳେ ସର୍ଜରି ପାଇଁ ୧୯ ଜଣଙ୍କୁ ଡାକ୍ତରି ଟିମ୍ ଚୟନ କରିଥିଲେ। ଏଚଆଇଭି ଆକ୍ରାନ୍ତ ୨୨୯ ଜଣ ଚିହ୍ନଟ କରାଯାଇ ଥିବା ବେଳେ ୩୮୭ ଜଣଙ୍କୁ ବସ୍‌ ପାଶ୍‌ ପ୍ରଦାନ କରାଯାଇଥିଲା। ୩୬୨ ଜଣଙ୍କୁ ବାର୍ଷିକ ଆୟ ପ୍ରମାଣପତ୍ର,୩୨ ଜଣଙ୍କୁ ଦକ୍ଷତା ବିକାଶ ତାଲିମ ପାଇଁ ଚୟନ କରାଯାଇଥିଲା। ୫୧ ଜଣଙ୍କୁ ପ୍ରଧାନମନ୍ତ୍ରୀ ଆବାସ ଯୋଜନା ଘର ପ୍ରଦାନ କରାଯାଇଥିବା ବେଳେ ୩୪ ଜଣ ବାଣୀଶ୍ରୀ ମେଧାବୃତ୍ତି ଦିଆଯାଇଥିଲା। ସେହିଭଳି ୫ ଜଣଙ୍କୁ ଜାତୀୟ ସ୍କଲାରସିପ,୨୩ ଜଣଙ୍କୁ ଡିଆରଆଇ,୪୫ ଜଣଙ୍କୁ ପେନସନ୍‌ ପାଇଁ ଚିହ୍ନଟ କରାଯାଇଛି। ୨୮୨ ଜଣଙ୍କୁ ବାର୍ଦ୍ଧକ୍ୟ ଭତ୍ତା,୭ ଜଣ ଭିନ୍ନକ୍ଷମ ଛାତ୍ରଛାତ୍ରୀଙ୍କୁ ମେଧାବୃତ୍ତି ପ୍ରଦାନ କରାଯାଇଥିବା ବେଳେ ୭ ଜଣଙ୍କୁ ମିଶନ କ୍ଷମତା ଏବଂ ୨ ଜଣଙ୍କୁ ବାହାଘର ଇନ୍‌ସେଟିଭ୍‌ ପ୍ରଦାନ କରାଯାଇଥିଲା। ବିଡିଓ ସଂଗ୍ରାମ କେଶରୀ ପରିଡାଙ୍କ ପ୍ରତ୍ୟେକ ତତ୍ୱାବଧାନରେ ସମସ୍ତ ...