ବ୍ରାହ୍ମ ମୁହୂର୍ତ୍ତ ଖବରକାଗଜ

ଭୁବନେଶ୍ୱର (ବ୍ରାହ୍ମ ମୁହୂର୍ତ୍ତ ବ୍ୟୁରୋ) - ଓଡ଼ିଶା ରାଜ୍ୟ କୁମ୍ଭାର ସମାଜ ପକ୍ଷରୁ ରାଜ୍ୟ ସ୍ତରୀୟ ଏକ ସ୍ବତନ୍ତ୍ର କାର୍ଯ୍ୟକ୍ରମ ରାଜ୍ୟ ରାଜଧାନୀ ଭୁବନେଶ୍ଵର ଠାରେ ଅନୁଷ୍ଠିତ ହେଉଛି। ରାଜ୍ୟର ବିଭିନ୍ନ ଜିଲ୍ଲା ସ୍ତରରେ କୁମ୍ଭାର ସମ୍ପ୍ରଦାୟର  ଲକ୍ଷାଧିକ ସଂଖ୍ୟାରେ ପରିବାର ମାନ ବହୁ ପ୍ରାଚୀନ କାଳରୁ ବସବାସ କରି ଆସୁଛନ୍ତି ଯାହା ରାଜ୍ୟ ସରକାରଙ୍କ ଇତିହାସ କହୁଛି। ରାଜ୍ୟର ଏକ ବହୁ ପୁରାତନ ସମ୍ପ୍ରଦାୟ କୁମ୍ଭାର ସମାଜ ହୋଇଥିଲେ ସୁଧା ଆଜି ପର୍ଯ୍ୟନ୍ତ ସରକାରଙ୍କ କୌଣସି ପ୍ରକାର ସାମାଜିକ ସୁବିଧା ପାଇବାରୁ ବଞ୍ଚିତ ହୋଇଛନ୍ତି କୁମ୍ଭାର ସମାଜ ଲୋକମାନେ। ଭାରତୀୟ ସମ୍ବିଧାନର ନିତୀ ନିୟମ ଅନୁସାରେ ଦେଶର ପ୍ରତିଟି ସୁବିଧା ସମସ୍ତଙ୍କ ପାଇଁ ଯଥାସାଧ୍ୟ ନିୟମ ଅନୁଯାୟୀ ସେମାନଙ୍କ କ୍ଷେତ୍ରରେ ଉପଲବ୍ଧ ହେବା ଆବଶ୍ୟକ। କିନ୍ତୁ କୁମ୍ଭାର ସମାଜ ରାଜ୍ୟ ସରକାରଙ୍କ ପଛୁଆ ବର୍ଗରେ ଆସୁଥିବା ବେଳେ ସେଭଳି କୌଣସି ସମାଜ ପାଇଁ ହିତକାରୀ ସୁବିଧା ଏଯାବତ୍ ପାଇନାହିଁ ବୋଲି ରାଜ୍ୟ ସ୍ତରୀୟ ନେତୃବୃନ୍ଦ ସୂଚନା ଦେଇଛନ୍ତି। ଏଣୁ ଆଗାମୀ ଦିନରେ ସରକାରଙ୍କ ନିକଟରେ ଓଡ଼ିଶା ରାଜ୍ୟ କୁମ୍ଭାର ସମାଜ ପକ୍ଷରୁ ବିଭିନ୍ନ ସମସ୍ୟା ସମାଧାନ ସମ୍ପର୍କୀତ ଦାବି ଉପସ୍ଥାପନ କରିବା ପାଇଁ ସମାଜ ଏକ ସ୍ବତନ୍ତ୍ର କାର୍ଯ୍ୟକ୍ରମ ଆୟୋଜନ କରିବାକୁ ଯାଉଛି। ଏହି କାର୍ଯ୍ୟକ୍ରମରେ ଜିଲ୍ଲା ସ୍ତରୀୟ ନୂତନ କମିଟି ଗଠନ କରିବା ସହିତ ସମାଜର ଉନ୍ନତି ପାଇଁ ଯେ...

ଉମେଶଚନ୍ଦ୍ର ଦାସଙ୍କ ରିପୋର୍ଟ - ବଡବାସିନି/ଉମରକୋଟ (ବ୍ରାହ୍ମ ମୁହୂର୍ତ୍ତ)- ନବରଙ୍ଗପୁର ଜିଲ୍ଲର ଉରକୋଟ ବ୍ଲକ ଅନ୍ତର୍ଗତ ବଡବାସିନି   ବସଷ୍ଟପ ପାଖରେ ଗତ ଗୁରୁବାର ରାତିରେ ଘଟିଥିଲା ଏକ ମର୍ମନ୍ତୁଦ ସଡକ ଦୁର୍ଘଟଣା। ମିଳିଥିବା ସୂଚନା ଅନୁସାରେ ପଡୋଶୀ ରାଜ୍ୟ ଛତିଶଗଡ଼ ନମ୍ବର ଥିବା ଏକ ଘରୋଇ ଗାଡି ଜଗଦଲପୁର ମେଡିକାଲ ରୁ ନିଜ ଘର ଅଞ୍ଚଳା ଫେରୁଥିବା ବେଳେ ଘଟିଛି ଏହି ଦୁର୍ଘଟଣା। ରାତି ପ୍ରାୟ ୧୨ଟା ସମୟର ଘଟଣା । ବଡବାସିନୀ ଛକସ୍ଥିତ ଏକ ତେନ୍ତୁଳି ଗଛରେ ଚାଳକର ଅସାବଧାନତା ଯୋଗୁଁ ଘଟିଛି ଏଭଳି ଦୁର୍ଘଟଣା ବୋଲି ସାଧାରଣରେ ଚର୍ଚ୍ଚା ଚାଲିଛି। ଗାଡ଼ିରେ ଚାଳକ ସମେତ ଆଉ ତିନିଜଣ ଥିଲେ।  ସେମାନଙ୍କ ମଧ୍ୟରୁ ଜଣେ ମହିଳା ଥିଲେ । ସେମାନଙ୍କ ଅବସ୍ଥା ଗୁରୁତର ଥିବାରୁ ଉମରକୋଟ ହସ୍ପିଟାଲ ରେ ନେଇଥିବା ସୂଚନା ମିଳିଛି।ସେଠାରେ ଡାକ୍ତର ତିନିଜଣ ଯୁବକଙ୍କୁ ମୃତ ଘଷଣା କରିବା ସହ ମହିଳାଙ୍କୁ କୋରାପୁଟ ମେଡିକାଲ୍ କୁ ଚିକିତ୍ସା ପାଇଁ ପଠାଇଛନ୍ତି। ତାଙ୍କର ଅବସ୍ଥା ମଧ୍ୟ ଗୁରୁତର ବୋଲି ଜଣା ପଡିଛି। ତେବେ ସ୍ଥାନୀୟ ପୋଲିସ ଘଟଣାସ୍ଥଳରେ ପହଂଚି ତଦନ୍ତ ଆରମ୍ଭ କରିଥିବା ଶୁଣିବାକୁ ମିଳୁଛି। ଉମରକୋଟ ଅଞ୍ଚଳର ପ୍ରତ୍ୟେକ ଟିକିନିଖି ଖବର ପାଇଁ ଆମ ପ୍ରତିନିଧିଙ୍କୁ ଯୋଗାଯୋଗ କରନ୍ତୁ।

ମରିଚଗୁଡା/ପଦ୍ମପୁର -(ବ୍ରାହ୍ମ ମୁହୂର୍ତ୍ତ)- ରାଜ୍ୟ ସରକାର  ଆଦିବାସୀ ସୌରା ସମ୍ପ୍ରଦାୟ ପାଇଁ   ମୁଖ୍ୟମନ୍ତ୍ରୀ ଶ୍ରୀଯୁକ୍ତ ନବୀନ ପଟ୍ଟନାୟକଙ୍କ କ୍ୟାବିନେଟ ବୈଠକରେ ଆଦିବାସୀ ସୌରା ଭାଷାକୁ ସମ୍ବିଧାନର ଅଷ୍ଟମ ଅନୁଛେଦରେ ସ୍ଥାନିତ କରିବା ପାଇଁ  ସରକାର କ୍ୟାବିନେଟ ମୋହର ମାରି କେନ୍ଦ୍ର ସରକାରଙ୍କୁ ସୁପାରିଶ କରିଛନ୍ତି l  ଅକ୍ଷର ବ୍ରହ୍ମ ମନ୍ଦିର ଉନ୍ନତି କରଣ ସକାଶେ ଅର୍ଥ ମଞ୍ଜୁର କରିଛନ୍ତି। ଏହି ଶୁଭ ଅବସରରେ ଆଜି ସୌର ଜନଜାତି ସମ୍ପ୍ରଦାୟ    ମାନ୍ୟବର ମୁଖ୍ୟମନ୍ତ୍ରୀଙ୍କ ଉଦ୍ଦଶ୍ୟରେ ମାତାର ବୁନମ ବିଜ୍ଞାନ ପ୍ରଚାର ଆଶ୍ରମ, ପଦ୍ମପୁର ବ୍ଲକ ଅନ୍ତର୍ଗତ ମରିଚଗୁଡ଼ା ଠାରେ ଏକ ସ୍ବତନ୍ତ୍ର ଧନ୍ୟବାଦ୍ ସଭା ଆୟୋଜନ କରିଥିଲେ l ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଶ୍ରୀ ପ୍ରଦୀପ ମାଝୀ ଉପଦେଷ୍ଠା, ସ୍ବତନ୍ତ୍ର ଉନ୍ନୟନ ପରିଷଦ, ଓଡ଼ିଶା ସରକାର, ସ୍ବତନ୍ତ୍ର ଅତିଥି ଶ୍ରୀ ସୁଧିର ଦାସ ଜିଲ୍ଲା ସଭାପତି, ବିଜୁ ଜନତା ଦଳ , ଉପଦେଷ୍ଠା ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା, ଓଡ଼ିଶା ସରକାର, ସମ୍ମାନନୀୟ ଅତିଥି ଶ୍ରୀ ରଘୁନାଥ ଗମାଙ୍ଗ ମାନ୍ୟବର ବିଧାୟକ ଗୁଣୁପୁର, ସମ୍ମାନୀୟl ଅତିଥି ଶ୍ରୀମତୀ ଅନୁସୁୟା ମାଝୀ, ଅଧ୍ୟକ୍ଷା ସ୍ବତନ୍ତ୍ର ବିକାଶ ପରିଷଦ ରାୟଗଡ଼ା, ସମ୍ମାନୀୟl ଅତିଥି ସୁଶ୍ରୀ ସରସ୍ଵତୀ ମାଝୀ, ଅଧ୍ୟକ୍ଷା ଜିଲ୍ଲା ପରିଷଦ ରାୟଗଡ଼ା,ଶ୍ରୀ ଗଗନ ଆଚାର୍ଯ...

ରୁଗୁଡୁବାଇ/ରାମନାଗୁଡା(ବ୍ରାହ୍ମ ମୁହୂର୍ତ୍ତ):- ରାୟଗଡ଼ା ଜିଲ୍ଲାର ରାମନାଗୁଡା ବ୍ଳକ ଅନ୍ତର୍ଗତ ରୁଗୁଡାବାଇ ଗ୍ରାମରେ ଚଳିତ ବର୍ଷର ବାହୁଡା଼ ଯାତ୍ରା ପରଦିନ ଅର୍ଥାତ୍ ମହାପ୍ରଭୁଙ୍କ ସୁନାବେଶ ଦିନ ବଡ଼ ଏକାଦଶୀ ତିଥିରେ ରାୟଗଡ଼ା ଜିଲ୍ଲାର ଗ୍ରାମାଞ୍ଚଳରେ ପାରମ୍ପରିକ ସନ୍ଧିପୂଜା ପର୍ବ ପାଳନ ଅନୁଷ୍ଠିତ ହୋଇଥାଏ। ଏହି ପୂଜାର ମାହାତ୍ମ୍ୟ ବହୁ ପ୍ରାଚୀନ କାଳରୁ ରହିଛି। ସ୍ଥାନୀୟ ଲୋକଙ୍କ କହିବା ଅନୁସାରେ ସନ୍ଧିପୂଜା ପାଇଁ ଗ୍ରାମର ପ୍ରତ୍ୟେକ ପରିବାର ଘରୁ କିଛି ଶସ୍ୟ ଆଣି ଗ୍ରାମର ଆରାଧ୍ୟ ଠାକୁରାଣୀ ମାଁ ଗ୍ରାମ ଦେବତୀ ନିକଟରେ ଭୋଗ ଲାଗି ଅର୍ପଣ କରାଯାଏ। ପୂଜାର୍ଚ୍ଚନାର ପରେ  ଗାଆଁ ମୁଣ୍ଡରୁ ଶେଷ ଯାଏଁ ପୂଜା ହୋଇଥିବା ଶସ୍ୟକୁ ଗ୍ରାମସାରା ଫୋପାଡ଼ି ଦିଆଯାଏ। ଏହି ପୂଜାର ମାହାତ୍ମ୍ୟ ଏବଂ ବିଶ୍ବାସ ରହିଛି ଗ୍ରାମଦେବତୀ ପାଖରେ ସନ୍ଧିପୂଜା କଲେ ମାଆଙ୍କର ଅପାର କରୁଣା ସବୁବେଳେ ଲୋକଙ୍କ ପାଖରେ ରହିଥାଏ ଯାହା ଫଳରେ ପ୍ରତ୍ୟେକ ଚାଷ ଭଲ ଅମଳ ହେବା ସହ ରୋଗମୁକ୍ତ ଫସଲ ହୋଇଥାଏ ବୋଲି କୁହନ୍ତି ଗାଆଁ ଲୋକେ। ରାମନାଗୁଡା ବ୍ଳକ ପ୍ରତିନିଧି ସୁଶ୍ରୀ ମୈତ୍ରୀ ମାଣ୍ଡାଙ୍ଗୀଙ୍କ ରିପୋର୍ଟ -

ଗୁଣପୁର (ବ୍ରାହ୍ମ ମୁହୂର୍ତ୍ତ ପ୍ରତିନିଧି ପୂର୍ଣ୍ଣ ଚନ୍ଦ୍ର ସବରଙ୍କ ରିପୋର୍ଟ) - ରାୟଗଡ଼ା ଜିଲ୍ଲାର ବହୁ ପୁରାତନ ଶ୍ରୀଜଗନ୍ନାଥଙ୍କ ଶ୍ରୀମନ୍ଦିର ପରିଚାଳନା କମିଟି ପକ୍ଷରୁ ଚଳିତବର୍ଷ ମହାପ୍ରଭୁଙ୍କ ପବିତ୍ର ଶ୍ରୀଗୁଣ୍ଡିଚା ଯାତ୍ରା ଏବଂ ବାହୁଡା଼ ଯାତ୍ରା ଶାନ୍ତି ଶୃଙ୍ଖଳାରେ ଶେଷ ହୋଇଛି। ଆଖପାଖ ଅଞ୍ଚଳର ହଜାର ହଜାର ସଂଖ୍ୟାରେ ଭକ୍ତଙ୍କ ସମାଗମକୁ ସ୍ଥାନୀୟ ପୋଲିସ ପ୍ରଶାସନ ଦୃଷ୍ଟିରେ ରଖି ବ୍ୟାପକ ବ୍ୟବସ୍ଥା ଗ୍ରହଣ କରାଯାଇଥିବା ବେଳେ ଉପଖଣ୍ଡ ପ୍ରଶାସନିକ ଅଧିକାରୀ ମାନଙ୍କ କାର୍ଯ୍ୟର ନିୟମିତ ସମୀକ୍ଷା ପାଇଁ ଚଳିତ ବର୍ଷ ରଥଯାତ୍ରା ଦେଖିବାକୁ ଶୃଙ୍ଖଳା ସହକାରେ ସୁଯୋଗ ପାଇଥିଲେ ଭକ୍ତମାନେ। ବୁଧବାର ଦିନ ତିନି ଠାକୁରଙ୍କ ଭବ୍ୟ ଦିବ୍ୟ ନିତ୍ୟ ଦେବକାର୍ଯ୍ୟ ଶେଷ ହେବା ପରେ ରଥାରୂଢ଼ ଚତୁର୍ଦ୍ଧାମୂର୍ତ୍ତି ବାହୁଡା଼ ଦର୍ଶନ ଦେଇଥିଲେ। ଭକ୍ତମାନଙ୍କ ହୁଳହୁଳି ହରିବୋଲ ଶବ୍ଦରେ ସମଗ୍ର ଅଞ୍ଚଳ ପ୍ରକମ୍ପିତ ହୋଇଥିଲା। ସନ୍ଧ୍ୟାରେ ରଥ ଉପରେ ମହାପ୍ରଭୁ ଶ୍ରୀଜଗନ୍ନାଥ ପ୍ରଭୁ ବଳଭଦ୍ର ଏବଂ ଦେବୀ ସୁଭଦ୍ରାଙ୍କ ପୂଜାର୍ଚ୍ଚନା କରିବା ସହ ଦର୍ଶନ ପାଇଁ ଭିଡ଼ ଦେଖିବାକୁ ମିଳିଥିଲା। ଯାହା ହେଉ ଦୂର ଦୂରଦୂରାନ୍ତରୁ ଆସିଥିବା ଭକ୍ତମାନେ ବାହୁଡା଼ ଯାତ୍ରା ଦିବ୍ୟ କାର୍ଯ୍ୟ କ୍ରମରେ ଯୋଗଦାନ କରି ନିଜକୁ ଧନ୍ୟ ମନେ କରିଥିବା କହିଛନ୍ତି ସ୍ଥାନୀୟ ଶ୍ରଦ୍ଧାଳୁମାନେ। ଗୁଣପୁର ଅଞ୍ଚଳର ଟିକିନିଖି ଖବର ପ୍ରସାରିତ ପାଇଁ ଆମ ଗୁଣପ...

ବିଜେପି ଯୁବମୋର୍ଚ୍ଚା ପକ୍ଷରୁ ଅନାଥ ଆଶ୍ରମରେ କେନ୍ଦ୍ରମନ୍ତ୍ରୀଙ୍କ ଜନ୍ମଦିନ ପାଳନ ଅସିତ କୁମାର ଦାସଙ୍କ ରିପୋର୍ଟ - ବ୍ୟାସନଗର/ଯାଜପୁର (ବ୍ରାହ୍ମ ମୁହୂର୍ତ୍ତ) କଥାରେ ଅଛି ଯାହାର କେହି ନଥାନ୍ତି ସେମାନଙ୍କ ପାଇଁ ଭଗବାନଙ୍କ ଅପାର କରୁଣା ସବୁବେଳେ ଝରଣା ସଦୃଶ୍ୟ ବହି ଚାଲିଥାଏ। ଏଭଳି ଏକ ସ୍ବତନ୍ତ୍ର ଦୃଶ୍ୟ ଦେଖିବାକୁ ମିଳିଥିଲା ଯାଜପୁର ଜିଲ୍ଲାର  ବ୍ୟସନଗର ସ୍ଥିତ ବ୍ୟାସଭୂମି ଅନାଥ ଆଶ୍ରମରେ ନିରାଡ଼ମ୍ବର ଭାବେ ପାଳନ ହୋଇଥିବା କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଜନ୍ମଦିନ ଉତ୍ସବରେ। ସେଠାରେ ଥିବା କୁନି କୁନି ପିଲାମାନଙ୍କ ମଧ୍ୟରେ ହସ ଫୁଟାଇବା ପାଇଁ ସେମାନଙ୍କ ଗହଣରେ କେକ କଟାଯାଇ ମାନ୍ୟବର କେନ୍ଦ୍ରମନ୍ତ୍ରୀ ତଥା ଓଡିଶା ରତ୍ନ ଧର୍ମେନ୍ଦ୍ର ପ୍ରଧାନଙ୍କ ୫୪ତମ ଜନ୍ମଦିନ ପାଳନ କରିବା ସହ ଦୀର୍ଘାୟୁ କାମନା କରାଯାଇଥିଲା  l ପିଲାମାନଙ୍କୁ ଏହି ଅବସରରେ ମିଷ୍ଟାନ, ବହି, ଖାତା, କଲମ  ବଣ୍ଟନ କରାଯାଇଥିଲା  l ଏହି କାର୍ଯ୍ୟକ୍ରମରେ ରାଜ୍ୟ ଯୁବମୋର୍ଚ୍ଚା ସମ୍ପାଦକ ବିକ୍ରମ ବିଶ୍ୱାଳ ଉପସ୍ଥିତ ରହି  ପିଲାମାନଙ୍କ ସହ ଭାବ ବିନିମୟ କରିଥିଲେ। ସମାଜରେ ବଞ୍ଚିବା ପାଇଁ ସଭିଙ୍କ ପାଖରେ ସମ୍ମାନ ସହିତ ସମସ୍ତ ପ୍ରକାର ସୁବିଧାର ବ୍ୟବସ୍ଥା ରହିବା ବାଧ୍ୟତାମୂଳକ ସ୍ଥଳେ ମାନବ ସବା  ସର୍ସବୋପରି ମନେକରି ସମୟ ଅତିବାହିତ କରିବା ସହ କେନ୍ଦ୍ରମନ୍ତ୍ରୀ ତଥା ଓଡିଶା ରତ୍ନ ଧର୍ମ...

ମନ୍ତ୍ରୀ ପ୍ରଦିପ ଅମାତଙ୍କ ଦ୍ୱାରା ବିଭିନ୍ନ ପ୍ରକଳ୍ପର ଉଦଘାଟନ ଓ ଭିତିପ୍ରସ୍ତର ସ୍ଥାପନ  ବୌଦ୍ଧ,୨୭ା୬(ବ୍ରାହ୍ମ ମୁହୂର୍ତ୍ତ ବ୍ୟୁରୋ): ଜଙ୍ଗଲ ପରିବେଶ ଓ ଜଳବାୟୁ ପରିବର୍ତନ ପଞ୍ଚାୟତିରାଜ ଓ ପାନୀୟଜଳ ଯୋଗାଣ ଏବଂ ସୂଚନା ଓ ଲୋକସଂପର୍କ ମନ୍ତ୍ରୀ ପ୍ରଦିପ କୁମାର ଅମାତଙ୍କ ଦ୍ୱାରା ମଙ୍ଗଳବାର ଅପରାହ୍ନରେ ବିଭିନ୍ନ ପ୍ରକଳ୍ପର ଉଦଘାଟନ ଓ ଭିତ୍ତିପ୍ରସ୍ତର ସ୍ଥାପନ ଅନୁଷ୍ଠିତ ହୋଇଯାଇଛି । ଜିଲାପାଳ ସତ୍ୟରଂଜନ ସାହୁଙ୍କ ଅଧ୍ୟକ୍ଷତାରେ ଅନୁଷ୍ଟିତ ଏହି କାର୍ଯ୍ୟକ୍ରମ ଅବସରରେ ମର୍ଜାକୁଦଠାରେ ଜିଲାପରିଷଦ ଭବନର ଭିତିପ୍ରସ୍ତର ସ୍ଥାପନ କରାଯାଇଥିବାବେଳେ ବିଜୁ ପଟ୍ଟନାୟକ ଆଦର୍ଶ କୃଷକ ବଜାର ମଧ୍ୟରେ ଏକ ଡାଲି ପ୍ରକ୍ରିୟାକରଣ କେନ୍ଦ୍ରର ଉଦଘାଟନ, ଜିଲା ମୁଖ୍ୟଚିକିତ୍ସାଳୟ ନିକଟରେ ସଖୀ ୱାନଷ୍ଟପ ସେଣ୍ଟର ର ଉଦଘାଟନ କରିଥିଲେ ।  ପରେ ପରେ ଇରିଗେସନ କଲୋନୀ ୱାର୍ଡ ନମ୍ବର ୧ ର ଗାଈଗୋଠ ପଡିଆଠାରେ ବିଜୁ ଆଦର୍ଶ କଲୋନୀ ସ୍ଥିତ ବୁଦ୍ଧଦେବ ସାହି (ନୂତନ ବସତି ବାସସ୍ଥାନ) ର ଉଦଘାଟନ କରିବା ସହିତ ହିତାଧିକାରୀମାନଙ୍କୁ ପ୍ରଧାନମନ୍ତ୍ରୀ ଆବାସ ଯୋଜନାରେ ଘର,ବିଦ୍ୟୁତ,ପାନୀୟଜଳ ଓ ରାସ୍ତା ଆଦି ସୁବିଧା ଯୋଗାଇ ଦିଆଯାଇଥିବାରୁ ବସ୍ତିବାସିନ୍ଦାମାନେ ନିଜେ ରହୁଥିବା ପରିବେଶର ପରିଷ୍କାର ପରିଛନ୍ନତା ରଖିବାକୁ ପରାମର୍ଶ ଦେଇଥିଲେ । ଏହି ଉଦଘାଟନୀ ଓ ଭିତିପ୍ରସ୍ତର ସ୍ଥାପନ କାର୍ଯ୍ୟକ୍ରମ ଅବସରରେ ଅତିରିକ୍ତ ଜିଲାପାଳ...

ମହିଳା ,ଶିଶୁ ବିକାଶ ଓ ମିଶନ ଶକ୍ତି ବିଭାଗ ମନ୍ତ୍ରୀ ବାସନ୍ତୀ ହେମ୍ବ୍ରମଙ୍କ ଦୁଇଦିନିଆଁ  ବୌଦ୍ଧଗସ୍ତ, ବିଭାଗୀୟ କାର୍ଯ୍ୟକ୍ରମ ସମୀକ୍ଷା  ବୌଦ୍ଧ,୨୭ା୬ (ବ୍ରାହ୍ମ ମୁହୂର୍ତ୍ତ ବ୍ୟୁରୋ)  : ମହିଳା ,ଶିଶୁ ବିକାଶ ଓ ମିଶନ ଶକ୍ତି ବିଭାଗ ମନ୍ତ୍ରୀ ବାସନ୍ତୀ ହେମ୍ବ୍ରମ ଦୁଇଦିନିଆଁ  ବୌଦ୍ଧଗସ୍ତରେ ଆସି, ବିଭାଗୀୟ କାର୍ଯ୍ୟକ୍ରମର ସମୀକ୍ଷା କରିଛନ୍ତି । ଗତକାଲି ଜିଲାପାଳଙ୍କ ସମ୍ମିଳନୀ କକ୍ଷରେ ଜିଲାରେ ମହିଳା,ଶିଶୁ ବିକାଶ ଓ ମିଶନ ଶକ୍ତି କାର୍ଯ୍ୟକ୍ରମ ସଂପର୍କରେ ପୁଙ୍ଖାନୁପୁଙ୍ଖ ସମୀକ୍ଷା କରିଥିଲେ । ଅତିରିକ୍ତ ଜିଲାପାଳ ଦାରିଦ୍ର‌୍ୟଭଞ୍ଜନ ମଦନ ମୋହନ ପାତ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସମୀକ୍ଷା ବୈଠକରେ ଜିଲା ସମାଜ ମଙ୍ଗଳ ଅଧିକାରୀ ସୁବାଷ ଚନ୍ଦ୍ର ସାମଲ , ତିନି ବ୍ଲକର ସିଡିପିଓ, ମମତା ସଂଯୋଜକ ଆଶିଷ ମହାନ୍ତି,ମିଶନ ଶକ୍ତି ସଂଯୋଜକ ରଶ୍ମିରଂଜନ ସେଠୀ ଏବଂ ମହିଳା ଶିଶୁ ବିକାଶ ଓ ମିଶନ ଶକ୍ତି ବିଭାଗର ବ୍ଲକସ୍ତରୀୟ ଅଧିକାରୀମାନେ ଉପସ୍ଥିତ ଥିଲେ । ପରେ ମନ୍ତ୍ରୀ ଶ୍ରୀମତୀ ହେମ୍ବ୍ରମ ଆଦର୍ଶ କୃଷକ ବଜାର ମଧ୍ୟରେ ସ୍ୱୟଂସହାୟକ ମହିଳା ଗୋଷ୍ଠୀଙ୍କ ଦ୍ୱାରା ପରିଚାଳିତ ମିଶନ ଶକ୍ତି କାଫେ ଓ ମିଲେଟ ମିଶନ କାଫେ ପରିଦର୍ଶନ କରି ସେମାନଙ୍କ ବ୍ୟବସାୟ ସଂପର୍କରେ ପଚାରି ବୁଝିଥିଲେ । ବିନା ସୁଧରେ ମିଶନ ଶକ୍ତି ଲୋନ ପାଞ୍ଚ ଲକ୍ଷ ପର୍ଯ୍ୟନ୍ତ ବ୍ୟାଙ୍କ ମାଧ୍ୟରେ ନେଇ ନିଜର ବ୍ୟବସାୟ ବ...

ନନ୍ଦପୁରରେ ଗୌଡ଼ ଗର୍ଜନ ସମାବେଶ ୨୩/୬/୨୩(ବ୍ରାହ୍ମ ମୁହୂର୍ତ୍ତ)- କୋରାପୁଟ ଜିଲ୍ଲା ନନ୍ଦପୁର ବ୍ଲକ ମୂଖ୍ୟାଳୟ ଠାରେ ଗୌଡ଼ ଗର୍ଜନ ସମାବେଶ ଅନୁଷ୍ଠିତ ହୋଇଯାଇଛି। ବହୁ ସଂଖ୍ୟାରେ ଗୌଡ଼  ସମାଜର ଲୋକ ନନ୍ଦପୁର ରାଜରାସ୍ତାରେ ବିଭିନ୍ନ ଦାବି ନେଇ ଗର୍ଜନ କରିଥିଲେ । ପ୍ରଥମେ ଶୋଭାଯାତ୍ରାରେ ବାହାରି ବ୍ଲକ କାର୍ଯ୍ୟାଳୟରେ ପହଂଚି ସମାଜ ପକ୍ଷରୁ ଦାବିପତ୍ର ପ୍ରଦାନ କରାଯାଇଥିଲା। ପୁଣି ଶୋଭାଯାତ୍ରାରେ ତହସିଲଦାରଙ୍କ କାର୍ଯ୍ୟାଳୟରେ ପହଞ୍ଚିଥିଲା। ସେଠାରେ ମଧ୍ୟ ଏକ ଦାବିପତ୍ର ପ୍ରଦାନ କରାଯାଇଥିଲା । ଦାବି ମଧ୍ୟରେ ଗିରିଜନ ମାନ୍ୟତା, ଜଙ୍ଗଲ ଜମି ଅଧିକାର, ଗୋଚର ଜମି ଜବରଦଖଲ ମୁକ୍ତ, ଗୌଡ଼ ଆବାସିକ ବିଦ୍ୟାଳୟ ପ୍ରତିଷ୍ଠା, ଗୋ ସେବା ଆୟୋଗ ଗଠନ, ଗୌଡ଼ ଉନ୍ନୟନ ପରିଷଦ ଗଠନ ରହିଥିବା ଜଣାଯାଇଛି ।  ପରେ ବ୍ଲକ ସଭାପତି ଗୋବର୍ଦ୍ଧନ ବୈରାଗିଙ୍କ ନେତୃତ୍ବରେ ଆଇବି ଠାରେ  ଏକ ବୈଠକର ଆୟୋଜନ କରାଯାଇଥିଲା । ଏହି ବୈଠକରେ ମୁଖ୍ୟ ଅତିଥି ଭାବେ ଜିଲ୍ଲା ସାଧାରଣ ସମ୍ପାଦକ ରାଜେନ୍ଦ୍ର କୁମାର ଗୌଡ଼, ସମ୍ମାନୀୟ ଅତିଥି ରୂପେ ଜିଲ୍ଲା ପରିଷଦ ସଭ୍ୟ ପୂର୍ଣ୍ଣଚନ୍ଦ୍ର ପାଙ୍ଗି ଏବଂ ନକୁଳ ଗୌଡ଼ ଯୋଗ ଦେଇଥିଲେ । ଲମତାପୁଟ ବ୍ଲକ ସଭାପତି ଅର୍ଜୁନ ହନ୍ତାଳ ସ୍ୱାଗତ ଭାଷଣ ପ୍ରଦାନ କରିଥିଲେ । ବିଭିନ୍ନ ବକ୍ତା କହିଥିଲେ ଯେ, ଗତ ୧୬-୦୪-୨୦୨୩ରେ ଜୟପୁର ଦଶହରା ପଡ଼ିଆରେ ଯେଉଁ "ଗୌଡ଼ ଅଧିକାର ସମାବେଶ" ଅନୁଷ୍ଠିତ ହୋ...

ସୁଶ୍ରୀ ମୈତ୍ରୀ ମାଣ୍ଡାଙ୍ଗୀଙ୍କ ରିପୋର୍ଟ - ଗୁଣପୁର (ବ୍ରାହ୍ମ ମୁହୂର୍ତ୍ତ) - ମହାପ୍ରଭୁ ଶ୍ରୀଜଗନ୍ନାଥଙ୍କ ରଥଯାତ୍ରା ଶେଷ ହେବା ତିନି ଦିନ ପରେ ଅର୍ଥାତ୍ ହେରାପଞ୍ଚମୀ ଦିନ ଗୁଣପୁରର ସ୍ଥାନୀୟ ଗୁଣ୍ଡିଚା ମନ୍ଦିର ଠାରେ ମୂଖ୍ୟ ଅତିଥି ଭାବେ ବିଧାୟକ ଶ୍ରୀ ରଘୁନାଥ ଗମାଙ୍ଗଙ୍କ ନେତୃତ୍ବରେ  ଗୁଣପୁର ଶ୍ରୀଜଗନ୍ନାଥ ମନ୍ଦିର ପରିଚାଳନା କମିଟିର ସଭାପତି ଡ଼ଃ ସତ୍ୟପ୍ରକାଶ ପଣ୍ଡା ସମ୍ପାଦକ ନିରଞ୍ଜନ ପାଢୀ ଏବଂ ଅନ୍ୟ ପରିଚାଳନା କମିଟି ସଦସ୍ୟ ମାନଙ୍କ ଉପସ୍ଥିତିରେ ଏକ ସ୍ବତନ୍ତ୍ର ଆଲୋଚନା ବୈଠକ ଅନୁଷ୍ଠିତ ହୋଇଯାଇଛି। ଆଗାମୀ ଦିନରେ ଗୁଣପୁର ବ୍ଳକ ସମେତ ମହାପ୍ରଭୁଙ୍କ ମନ୍ଦିର ଉନ୍ନତିକରଣ ପାଇଁ ଯଥାସମ୍ଭବ ପ୍ରୟାସ କରିବାକୁ ବୈଠକରେ ନିଷ୍ପତ୍ତି ନିଆଯାଇନଥିବା ସୂଚନା ମିଳିଛି। ସ୍ଥାନୀୟ ଜଣାଶୁଣା ସମାଜସେବୀ ତଥା ରାଜନେତା ସୁଧୀର ଦାସ ଅଞ୍ଚଳର ବିକାଶ କ୍ଷେତ୍ରରେ ଉଲ୍ଲେଖନୀୟ ସୁଧାର ଆଣିବାକୁ ବିଧାୟକ ଶ୍ରୀଯୁକ୍ତ ରଘୁନାଥ ଗମାଙ୍ଗଙ୍କ ଦୃଷ୍ଟି ଆକର୍ଷଣ କରିଥିଲେ। ମନ୍ଦିର ପରିଚାଳନା ଭାର ନେଇଥିବା ସମସ୍ତ କମିଟି ସଦସ୍ୟ ମାଧ୍ୟମରେ ଆଗାମୀ ଯୋଜନା କାର୍ଯ୍ୟକାରୀ କରିବା ଦାୟିତ୍ଵ ନିର୍ବାହରେ ହିଁ ସଫଳତାର ମୂଳମନ୍ତ୍ର ବିକାଶ ରେ ରୂପାନ୍ତରିତ ହୋଇପାରିବ ବୋଲି ମତପ୍ରକାଶ ପାଇଥିଲା। ତତ୍ ସହିତ ମନ୍ଦିରର ବିଭିନ୍ନ ସ୍ଥାନରେ ପୁନଃ ନିର୍ମାଣ ବା ମରାମତି କାର୍ଯ୍ୟ ପ୍ରତି ଆଗ୍ରହ ପ୍ରକାଶ କରିଥିଲେ। ରାମନାଗୁଡା ପ୍ର...

ମନରେଗା ଟଙ୍କାରେ ଉପଜିଲ୍ଲାପାଳ କୋଟିପତି ଦିନ ମଜୁରିଆ ନାଁରେ ମେସିନ୍ - ନବରଙ୍ଗପୁର  ଝରୀଗାଁ (ବ୍ରାହ୍ମ ମୁହୂର୍ତ୍ତ) 23/06- ନବରଙ୍ଗପୁର ଜିଲ୍ଲା ଉପଜିଲ୍ଲାପାଳ ଘରେ କୋଟି କୋଟି ଟଙ୍କା ଦେଖି ଭିଜିଲାନ୍ସ ଟେରା ହୋଇଥିଲା ବେଳେ ଏବେ ଜିଲ୍ଲା ସାଧାରଣ ଲୋକଙ୍କ ମନରେ ଉଙ୍କି ମାରୁଛି ଅନେକ ପ୍ରଶ୍ନ। କେନ୍ଦ୍ର ସରକାରଙ୍କ ମନରେଗା ଯୋଜନାରେ ଯେଉଁଠି ମେସିନ୍ କାମ କରୁଛି ସେଠାରେ ସାଧାରଣ ଲୋକଙ୍କ ଅବସ୍ଥା କିପରି ଥିବ ସହଜରେ ଅନୁମାନ କରାଯାଉଛି। ସରକାର ଗ୍ରାମାଞ୍ଚଳ ରେ ବସବାସ କରୁଥିବା ଗରିବ ଖଟିଖିଆ ଲୋକେ ବାହାର ରାଜ୍ୟ କୁ ନଯାଇ ଯେମିତି ନିଜ ଅଂଚଳରେ ଖଟି ବର୍ଷକୁ ଶହେ ଦିନର କାମ ପାଇ ପାରିବେ ଓ ନିଜ ପରିବାର ସହିତ ଖୁସିରେ ରହିବେ, ସେଥିପାଇଁ ମହାତ୍ମା ଗାନ୍ଧୀ ନିଶ୍ଚିତ କର୍ମ ନିଯୁକ୍ତି ଯୋଜନାର ବ୍ୟବସ୍ଥା କରିଛନ୍ତି ଓ ଖଟିଖିଆ ଶ୍ରମିକ ମାନଙ୍କୁ ଶ୍ରମିକ କାର୍ଡ ବା ଜବ କାର୍ଡ ଗୋଟିଏ ଲେଖାଏ ଦିଆ ଯାଇଛି |କିନ୍ତୁ ସ୍ଥାନୀୟ ପ୍ରଶାସନ ସେମାନଙ୍କୁ କାମ ଦେବା ପରିବର୍ତ୍ତେ ଜେସିବି, ହିଟାଚି, ଟ୍ରାକ୍ଟର, ଟ୍ରକ ଆଦି ଲଗେଇ କାମ ଶେଷ କରିଦେଉଛନ୍ତି ଓ ଶ୍ରମିକ ମାନଙ୍କ ଠାରୁ ପାସବହି ସବୁ ସଂଗ୍ରହ କରି ଗାଆଁ ଟାଉଟର କୁଜି ନେତାମାନେ ବିଲ ଉଠେଇ ଜିଲ୍ଲାର ଉପଜିଲ୍ଲାପାଳ ଠାରୁ ପଞ୍ଚାୟତ ସ୍ତରୀୟ କର୍ମଚାରୀ ମାନେ ରାତାରାତି କୋଟିପତି ଲକ୍ଷପତି ହୋଇଥିବା ଉଦାହରଣ ସୃଷ୍ଟି କରିଛି ନବରଙ୍ଗପୁର ଜିଲ୍ଲା । ଏଠାରେ...

ନବୀନ ସରକାର ସମୟରେ ସବୁଠୁ ବଡ ଦୁର୍ନୀତି ଓ ବିଫଳତା ହେଉଛ ନକଲି ଶିକ୍ଷକ ନିଯୁକ୍ତି  !!   ପୋଲସରା ତା - ୨୨.୦୬.୨୦୨୩ (ହୃଷିକେଶ ନାୟକ ରିପୋର୍ଟ)  ନବୀନ ପଟ୍ଟନାୟକଙ୍କ ଶାସନ କାଳରେ ରାଜ୍ୟର କେବଳ ଯେ, ଶିକ୍ଷା ବିଭାଗ ନୁହେଁ ବରଂ କୃଷି, ସ୍ବାସ୍ଥ୍ୟ, ଜଳ ସମ୍ପଦ, ଏବଂ ମହିଳା ଓ ଶିଶୁ କଲ୍ୟାଣ ବିଭାଗ , ଜଙ୍ଗଲ ଓ ପରିବେଶ ଭଳି ଗୁରୁତ୍ୱପୂର୍ଣ୍ଣ ବିଭାଗ ମଧ୍ୟରୁ ଇତିହାସ କହୁଛି ସବୁଠୁ ବଡ ଦୁର୍ନୀତି ଓ ବିଫଳତା ହେଉଛି ନକଲି ଶିକ୍ଷକ ନିଯୁକ୍ତି। ଦୀର୍ଘ ୨୩ ବର୍ଷର ଆତ୍ମ ଘୋଷିତ ସୁଶାସନ ଭିତରେ ଜାଲ୍ ସାର୍ଟିଫିକେଟ ନିଯୁକ୍ତି ଏକ ବଡ ଘୋଟଲା। ଶିକ୍ଷିତ ଯୁବକ ଓ ଯୁବତୀ ମାନେ ନିଯୁକ୍ତି ନପାଇ ବେକାର ହୋଇ ବସିଥିବା ବେଳେ ଜାଲ୍ ସାର୍ଟିଫିକେଟ ମଧ୍ଯମରେ ଅଯୋଗ୍ଯ ମାନେ ଚାକିରି ହାତେଇଛନ୍ତି। ଧର୍ମକୁ ଆଖିଠାର ନିତୀରେ ସରକାର ଜାଲ ସାର୍ଟିଫିକେଟ ତଦନ୍ତ ହେବ ବୋଲି ନିର୍ଦ୍ଦେଶ ଦେଇଛନ୍ତି । କିନ୍ତୁ ସେ ନିର୍ଦ୍ଦେଶକୁ ତଳସ୍ତରର ମାନୁଛି କିଏ ? ଜାଲ୍ ସାର୍ଟିଫିକେଟ ତଦନ୍ତ କରିବା ପାଇଁ ସମୟ ସୀମା କଣ ? ଅଭିଯୋଗର କେତେ ଦିନ ପରେ ତଦନ୍ତ ସରିବ ? ତଦନ୍ତରେ ଅବହେଳା ଓ ସୁରକ୍ଷା ଦେଉଥିବା ଅଧିକାରୀଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ କ'ଣ ? ଅଭିଯୋଗ ପରେ ଚାକିରି ଛାଡିଥିବା ଶିକ୍ଷକ ଶିକ୍ଷୟିତ୍ରୀଙ୍କ ସାର୍ଟିଫିକେଟ ତଦନ୍ତ ହୋଇ ଥାନାରେ ମାମଲା ରୁଜ୍ଜୁ କାହିଁକି ହୋଇନାହିଁ ? ଏଭଳି ଅନେକ ପ୍ରଶ୍ନ ଉଠୁଛି।...

ସାମ୍ବାଦିକଙ୍କୁ ଆକ୍ରମଣ ଘଟଣା ନେଇ ଥାନରେ ଏତଲା । ଝରିଗାଁ ( ବ୍ରାହ୍ମ ମୁହୂର୍ତ୍ତ)- ଗତକାଲି ପୁରୀଠାରେ ଅନୁଷ୍ଠିତ ବିଶ୍ୱ ପ୍ରସିଦ୍ଧ ରଥଯାତ୍ରା ସମୟରେ କାର୍ଯ୍ୟରତ news7ର ଦୁଇଜଣ ସାମ୍ବାଦିକ ଚିତ୍ତରଞ୍ଜନ ମହାନ୍ତି ଓ ଚନ୍ଦ୍ରଶେଖର ପାତ୍ରଙ୍କୁ ଦୁଇଜଣ ସେବାୟତ ମାଧବ ମହାପାତ୍ର ଓ ମାଧବ ପୂଜାପଣ୍ଡା ମରଣାନ୍ତକ ଆକ୍ରମଣ କରିବା ସହ ହତ୍ୟାଧାମକ ଦେଇଛନ୍ତି ଏବଂ ସାମ୍ବାଦିକ ଚିତ୍ତରଞ୍ଜନ ପିନ୍ଧିଥିବା ସୁନା ଚେନ ମଧ୍ୟ ଟାଣି ନେଇଛନ୍ତି।ଏହି ଘଟଣାକୁ ତୀବ୍ର ନିନ୍ଦା କରି ନବରଙ୍ଗପୁର ଜିଲ୍ଲା ଝରିଗାଁ ,ଚନ୍ଦାହାଣ୍ଡି ,ରାଇଘର ଉମରକୋଟ ର ସାମ୍ବାଦିକ ସଂଘ ପକ୍ଷରୁ ଉକ୍ତ ଥାନା ମାନଙ୍କ ରେ ଏକ ଏତେଲା ପ୍ରଦାନ କରାଯାଇଛି।ସାମ୍ବାଦିକଙ୍କୁ ଆକ୍ରମଣ କରିଥିବା ଦୁଇଜଣ ସେବାୟତଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରି ତୁରନ୍ତ ଗିରଫ କରିବାପାଇଁ ଦାବି କରିଛି ସମସ୍ତ ସାମ୍ବାଦିକ ସଂଘ।ବାରମ୍ବାର ସାମ୍ବାଦିକଙ୍କ ଉପରେ ଆକ୍ରମଣ ଘଟଣା ବଢୁଥିବାବେଳେ ସରକାର ଖୁବଶୀଘ୍ର ଏହି ଦିଗରେ ସାମ୍ବାଦିକ ଆଇନ ପ୍ରଣୟନ କରିବାପାଇଁ ମଧ୍ୟ ସାମ୍ବାଦିକ ସଂଘ ଦାବୀ କରିଛି।

ସମର୍ପଣ ସୋସିଆଲ ଫାଉଣ୍ଡେସନ ତରଫରୁ ଦହି ପାନୀୟ ଜଳ ବଣ୍ଟନ ବାଉଁଶୁଣି / ବୈ।ଦ୍ଧ (ବ୍ରାହ୍ମ ମୁହୂର୍ତ୍ତ)- କଥାରେ ଅଛି ଜଳଦାନ ମହାପୁଣ୍ୟ । ଏହାକୁ ଆଖି ଆଗରେ ରଖି ଆଜି ବାଉଁଶୁଣି ଜଗନ୍ନାଥ ମନ୍ଦିର ସାମ୍ନାରେ ସମପର୍ଣ ସୋସିଆଲ ଫାଉଣ୍ଡେସନ ବାଉଁଶୁଣୀ ତରଫରୁ ଲୋକମାନଙ୍କୁ ଥଣ୍ଡା ଲେମ୍ବୁପାଣି, ଦହି ପାଣି ପ୍ରଦାନ କରାଯାଇଛି । ଆଜି ବାଉଁଶୁଣୀ ଛକ ନିକଟରେ ରଥଯାତ୍ରାର ସମ୍ଭାବ୍ୟ ଜନ ଗହଳିକୁ ଦୃଷ୍ଟିରେ ରଖି ସ୍ଥାନୀୟ ଅଗ୍ରଣୀ ସଂଗଠନ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଥିଲା। ଫାଉଣ୍ଡେସନ ର ସଭାପତି ସୁଜିତ୍ ମେହେର ଏବଂ ସମ୍ପାଦକ ବିକାଶ ଅଗ୍ରୱାଲଙ୍କ ସମେତ ଅନ୍ୟ ସମସ୍ତ ସଦସ୍ୟ ମଧ୍ୟ ରେ ସର୍ବଶ୍ରୀ ପ୍ରଶାନ୍ତ ଚନ୍ଦ୍ର ପଣ୍ଡା, ଅଶୋକ ମେହେର, ସୁରଜିତ ସାହୁ, ଚକ୍ରଧର ମେହେର, ମନୋଜ ଗାଇଗୌରିଆ , ଘନଶ୍ୟାମ ମେହେର ,ଶାଶ୍ୱତ କୁମାର ସାହୁ, ପରମେଶ୍ବର ମେହେର ପ୍ରମୁଖ ଅଂଶଗ୍ରହଣ କରିଥିଲେ। ଫାଉଣ୍ଡେସନ ର ଅନ୍ୟ ସମସ୍ତ ସଭ୍ୟ ସହଯୋଗ କରିବା ସହିତ ଯେମିତି ସମସ୍ତେ ଏହି ଅସହ୍ୟ ଗରମ ରେ ତୃଷା ମେଣ୍ଟାଇ ପାରିବେ ସେ ଦିଗରେ କାର୍ଯ୍ୟ କରିଥିଲେ । ଏହି କାମ ଦେଖି ଆଖ ପାଖ ଅଞ୍ଚଳର ଲୋକମାନେ ଫାଉଣ୍ଡେସନ କୁ ପ୍ରଶଂସା କରୁଛନ୍ତି । ଆଗାମୀ ସମୟରେ ଅନେକ ସାମାଜିକ କାର୍ଯ୍ୟକ୍ରମ ହାତକୁ ନିଆଯିବାର ପ୍ରସ୍ତାବ ରହିଥିବା କଥା ଫାଉଣ୍ଡେସନ ତରଫରୁ ଘୋଷଣା କରାଯାଇଛି।

କାଣ୍ଟୁ ଦଣ୍ଡାସିଙ୍କ ରିପୋର୍ଟ - କଲ୍ୟାଣସିଂହପୁର / ରାୟଗଡ଼ (ବ୍ରାହ୍ମ ମୁହୂର୍ତ୍ତ) - ପାହାଡ଼ ଜଙ୍ଗଲ ଘେରା ଆଦିବାସୀ ଅଧ୍ୟୁଷିତ ଜିଲ୍ଲା ରାୟଗଡ଼ର କଲ୍ୟାଣସିଂହପୁର ଠାରେ ଚଳିତ ବର୍ଷ ରଥଯାତ୍ରା ଶହ ଶହ ସଂଖ୍ୟାରେ ଭକ୍ତଙ୍କ ସମାଗମରେ ସ୍ଥାନୀୟ ବଡ଼ଦାଣ୍ଡ ଉଚ୍ଛୁଳି ପଡିଥିଲା। ପାଗର ଅନୁକୂଳ ବାତାବରଣ ପାଇଁ ଆଖପାଖ ଅଞ୍ଚଳର ଭକ୍ତ ମାନେ ବହୁ ସଂଖ୍ୟାରେ ମହାପ୍ରଭୁଙ୍କ ଦର୍ଶନ ପାଇଁ ଭିଡ଼ ଦେଖିବାକୁ ମିଳିଥିଲା। ଭକ୍ତ ମାନଙ୍କ ଗହଳି ଭିତରେ ଶ୍ରୀଜିଉମାନେ ରଥାରୂଢ଼ ହେବାପରେ ସ୍ଥାନୀୟ ଦେବୋତ୍ତର ବିଭାଗ କର୍ମଚାରୀ ଏବଂ ମନ୍ଦିର ପରିଚାଳନା କମିଟି ସଦସ୍ୟ ମାନେ ଉପସ୍ଥିତିରେ ଅବକାଶ ସକାଳ ଧୂପ ମଙ୍ଗଳ ଆଳତି ଖେଚୁଡ଼ି ଭୋଗ ଲାଗି ହେବା ପରେ ସେବାୟତ ଓ ମନ୍ଦିର ପୂଜକମାନେ ତିନି ଦିଅଁଙ୍କୁ ସୁସଜ୍ଜିତ କରିଥିଲେ। ପରବର୍ତୀ ସମୟରେ ପୁରୋହିତ ନରସିଂହ ତ୍ରିପାଠୀ ରଥ ପ୍ରତିଷ୍ଠା ମଙ୍ଗଳାରୋପଣ କରାଇବା ପରେ ଅପରାହ୍ନରେ ଶ୍ରୀଜିଉମାନଙ୍କୁ ଗୋଟି ପହଣ୍ଡି କରି ରଥାରୂଢ଼ କରିଥିଲେ। ନନ୍ଦିଘୋଷ ରଥ ଉପରେ ମହାପ୍ରଭୁ ଶ୍ରୀଜଗନ୍ନାଥ ଦର୍ଶନ ଦେବା ପରେ ରଥଟଣା ଆରମ୍ଭ ହୋଇଥିଲା। ହଜାର ହଜାର ସଂଖ୍ୟାରେ ଭକ୍ତଙ୍କ ସମାବେଶକୁ ଦୃଷ୍ଟିରେ ରଖି ସ୍ଥାନୀୟ ପୋଲିସ ପ୍ରଶାସନ ପକ୍ଷରୁ ସିଆରପିଏଫ ଯବାନ ଏବଂ ପୋଲିସ ପ୍ରଶାସନ ଉଭୟେ ଶାନ୍ତି ଶୃଙ୍ଖଳା ରକ୍ଷା କରିଥିଲେ। ସନ୍ଧ୍ୟା ବେଳକୁ ବଡ଼ ଠାକୁର ବଳଭଦ୍ର ଓ ଭଉଣୀ ସୁଭଦ୍ରାଙ୍କ ସହିତ ମାଉସୀ ମାଆ ...

ରିପୋର୍ଟ - ମୈତ୍ରୀ ମାଣ୍ଡାଙ୍ଗୀ (ରାମନାଗୁଡା ପ୍ରତିନିଧି) ଗୁମୁଡା/ରାୟଗଡ଼ (ବ୍ରାହ୍ମ ମୁହୂର୍ତ୍ତ):- ବିଶ୍ଵ ନିୟନ୍ତା ମହାପ୍ରଭୁ ଶ୍ରୀଜଗନ୍ନାଥଙ୍କ ପବିତ୍ର ଶ୍ରୀଗୁଣ୍ଡିଚା ଯାତ୍ରା ଆଜିର ଦିନରେ ସମଗ୍ର ବିଶ୍ବ  ପାଳନ କରିଆସୁଛି। ସେହି କ୍ରମରେ ଦେଖିବାକୁ ମିଳିଛି ରାୟଗଡ଼ ଜିଲ୍ଲା ଗୁମୁଡା ଗ୍ରାମରେ ଚଳିତ ବର୍ଷର ରଥଯାତ୍ରା। ବହୁ ସଂଖ୍ୟାରେ ଉପସ୍ଥିତ ଭକ୍ତଙ୍କ ସମାଗମରେ ରଥଯାତ୍ରା ଅନୁଷ୍ଠିତ ହୋଇଯାଇଛି। ମିଳିଥିବା ସୂଚନା ଅନୁସାରେ ଗୁମୁଡା ଗ୍ରାମରେ ଥିବା ଶ୍ରୀଜଗନ୍ନାଥ ମହାପ୍ରଭୁଙ୍କର ଶ୍ରୀମନ୍ଦିରରୁ ମହାପ୍ରଭୁ ପୂର୍ବ ପ୍ରସ୍ତୁତି ଅନୁଯାୟୀ ରଥାରୂଢ଼ ହେବାପରେ ଭକ୍ତଙ୍କ ଭିଡ଼ ମଧ୍ୟରେ ଅପରାହ୍ନ ସମୟରେ ରଥଟଣା ଆରମ୍ଭ ହୋଇଥିଲା। ସନ୍ଧ୍ୟା ବେଳକୁ ମାଉସୀମା ମନ୍ଦିରରେ ପହଞ୍ଚି ଥିଲେ। ରାଧାକୃଷ୍ଣ ପାଣିଗ୍ରାହୀ ରଥରେ ଛେରାପହଁରା କରିଥିଲେ। ରାମନାଗୁଡା ପ୍ରତିନିଧି ମୈତ୍ରୀ ମାଣ୍ଡାଙ୍ଗୀଙ୍କ ରିପୋର୍ଟ -

ଉଦଘାଟନର ୨ ବର୍ଷ ପରେ ବି କାର୍ଯ୍ୟରେ ଆସୁନି ଦେୟମୁକ୍ତ ଶୌଚାଳୟ ପ୍ରତ୍ୟେକ ଦିନ ହନ୍ତସନ୍ତ ହେଉଛନ୍ତି ଯାତ୍ରୀ। ସତ କହିଲେ ବ୍ରହ୍ମ ବିନ୍ଧୁଛି..ଆଉ ଚୁପ୍ ରହିଲେ ..? ଝରିଗାଁ(ବ୍ରାହ୍ମ ମୁହୂର୍ତ୍ତ)18/06/23 ଗ୍ରାମାଞ୍ଚଳର ବିକାଶ ପାଇଁ ଯୋଜନା ନାଁରେ ଲକ୍ଷାଧିକ ଟଙ୍କା ଖର୍ଚ୍ଚ ହୋଇ ନିର୍ମାଣ ଚାଲିଛି ଛୋଟବଡ଼ କାର୍ଯ୍ୟ l କିନ୍ତୁ କୌଣସି କାରଣ ନଥାଇ କାହିଁକି ଉକ୍ତ କାର୍ଯ୍ୟଟି ସାଧାରଣ ଲୋକଙ୍କ ପାଇଁ କାର୍ଯ୍ୟକାରୀ ହେଉନାହିଁ ସେନେଇ ଏବେ ବିରୋଧୀ ଠାରୁ ଆରମ୍ଭ କରି ଗଣମାଧ୍ୟମ ସବୁଠି ଚର୍ଚ୍ଚାର ଖବର ହୋଇଛି।   ନବରଙ୍ଗପୁର ଜିଲ୍ଲା ଝରିଗାଁ ବ୍ଲକ କାର୍ଯ୍ୟାଳୟ ଠାରୁ ଅଳ୍ପ ଦୂରରେ ଅର୍ଥାତ୍ ଝରିଗାଁ ବସଷ୍ଟାଣ୍ଡ ନିକଟବର୍ତୀ ରହିଥିବା ବେଳେ ଯାତ୍ରୀ ବିଶ୍ରାମାଗାର ପାଖରେ ଗତ ୨୦୧୯-୨୦ ଆର୍ଥିକ ବର୍ଷରେ ଦୁଇ ଲକ୍ଷ ଟଙ୍କା ଅଟକଳରେ  ଏକ ଶୌଚାଳୟ ନିର୍ମିତ କରାଯାଇଥିଲା l ଉକ୍ତ ଶୌଚାଳୟଟି ୨୦୨୦ର ନଭେମ୍ବର ମାସ ତା ୬ ରିଖରେ ସିନିଅର ମାଝୀ ତଥା ନବରଙ୍ଗପୁର ସାଂସଦ ରମେଶ ଚନ୍ଦ୍ର ମାଝୀ ଏବଂ ଜୁନିଅର ମାଝୀ ଅର୍ଥାତ୍ ସ୍ଥାନୀୟ ଝରିଗାଁ ବିଧାୟକ ପ୍ରକାଶ ଚନ୍ଦ୍ର ମାଝୀଙ୍କ କରକମଳରେ  ଉଦ୍ଘାଟିତ  ହୋଇଥିଲା l ଇତି ମଧ୍ୟରେ ଉଦଘାଟନର ୨ ବର୍ଷ ୭ ମାସ ବିତିଲାଣି ହେଲେ ଆଜି ପର୍ଯ୍ୟନ୍ତ ସାର୍ବଜନିକ ଦେୟମୁକ୍ତ ଶୌଚାଳୟଟି କାର୍ଯ୍ୟକାରିତା ହୋଇପାରିଲା ନାହିଁ l ସାଧାରଣ ଜନତାଙ୍କ ବାରମ୍ବାର ଦାବି...

 ଗଞ୍ଜାମ ଜିଲ୍ଲା ଉଦ୍ୟାନ କୃଷିରେ ବଡ଼ ଧରଣର ଦୁର୍ନୀତି ଅଭିଯୋଗ , ଉଦ୍ୟାନ ସାଥୀଙ୍କ ବୈଠକରେ ଆଲୋଚନା।   ସନ୍ତୋଷ କୁମାର ପଣ୍ଡାଙ୍କ ରିପୋର୍ଟ - ପୋଲସରା (ବ୍ରାହ୍ମ ମୁହୂର୍ତ୍ତ):-  ଶାନ୍ତସୀ ମା କଲ୍ୟାଣ ମନ୍ଦାପଠାରେ  ଭାରତୀୟ ବିକାଶ ପରିଷଦ ଆନୁକୂଲ୍ୟରେ ସଭାପତି ସୁରେନ୍ଦ୍ର ପାଣିଗ୍ରାହୀ ଙ୍କ ସଭାପତିତ୍ୱରେ  ଏକ ବୈଠକ ଗଞ୍ଜାମ ଜିଲ୍ଲା ଉଦ୍ୟାନ ସାଥିମାନଙ୍କର ଅନୁଷ୍ଠିତ ହେଇଯାଇଛି। ଉକ୍ତ ବୈଠକରେ ଗଞ୍ଜାମ ଜିଲ୍ଲାରେ  କୃଷି ବିଭାଗ ( ହର୍ଟିକଲଚର୍ ) ଉପବିଭାଗ ଦାୟିତ୍ୱରେ ଥିବା ଉଦ୍ୟାନ ସାଥି ମାନେ ଉପସ୍ଥିତ  ଉପସ୍ଥିତ ରହି ଆଲୋଚନା କରି ରହସ୍ୟମୟ ତଥ୍ଯ ସାମ୍ନାକୁ ଆଣିଛନ୍ତି। ମିଳିଥିବା ସୂଚନାନୁସାରେ ଦୀର୍ଘ ଛଅ ମାସରୁ ଉର୍ଦ୍ଧ ହେଲା ସେମାନଙ୍କୁ ତାଙ୍କ ମାସିକ ପ୍ରାପ୍ୟ ଦିଆଯାଇନାହିଁ, ଏହି ଯୋଜନାରେ ଆଗକୁ ବର୍ଦ୍ଧିତ କରିବାପାଇଁ କୌଣସି ନୂତନ ପ୍ରୋଜେକ୍ଟ ହାତକୁ ନେବାପାଇଁ ଅତିରିକ୍ତ ଉଦ୍ୟାନ କୃଷି ଅଧିକାରୀ ମାନେ ଧ୍ୟାନ ଦେଉନାହାନ୍ତି, କିନ୍ତୁ ମହାତ୍ମା ଗାନ୍ଧି ନିଶ୍ଚିତ କର୍ମ ନିଯୁକ୍ତି ଯୋଜନା ମଧ୍ୟରେ ଓଡ଼ିଶାରେ ଅନ୍ୟ ଉପଯଜନl ବିଫଳ ହେହୁଥିବା ବେଳେ ମିଥ୍ୟା ବିଲ ପ୍ରସ୍ତୁତ କରି ବ୍ଲକ ଓ ପଂଚାୟତ କର୍ମଚାରୀ ମାନେ କୋଟି କୋଟି ଟଙ୍କା ଆତ୍ମସାତ କରୁଥିବା ସ୍ପଷ୍ଟ ହୋଇଥିବା ଶୁଣିବାକୁ ମିଳୁଛି।  ଉଦ୍ୟାନ ସାଥି ମାନଙ୍କ ଦ୍ୱାରା ପ୍ରୋଜେକ୍ଟ ପ୍ରସ...

ପୋଲସରା ବ୍ଳକ ଟପ୍ପର ଛାତ୍ର ଜୀବନ ପ୍ରଧାନ ସ୍ବେଚ୍ଛାସେବୀଙ୍କ ଦ୍ଵାରା ସମ୍ବର୍ଦ୍ଧିତ।  ସନ୍ତୋଷ କୁମାର ପଣ୍ଡାଙ୍କ ରିପୋର୍ଟ -  ପୋଲସରା (ବ୍ରାହ୍ମ ମୁହୂର୍ତ୍ତ):-  CBSE ଦଶମ ଶ୍ରେଣୀ ବୋର୍ଡ ପରୀକ୍ଷା  ଫଳାଫଳ ଅନୁସାରେ ଗଂଜାମ ଜିଲ୍ଲା ପୋଲସରା ବ୍ଳକର, କଳମ୍ବ ଗ୍ରାମ ପଞ୍ଚାୟତ, ଡିହସାହି ବାସିନ୍ଦା  ଯିଏକି ଜଣେ ରେଳୱେ କର୍ମଚାରୀ , ସୁଶାନ୍ତ ପ୍ରଧାନ ଙ୍କ ସୁପୁତ୍ର , ଜୀବନ କୁମାର ପ୍ରଧାନ ମୋଟ 500 ରୁ 479 ଅର୍ଥାତ ଶତକଡା 95.8% ,ଏ ଗ୍ରେଡ ମାର୍କ ରଖି ସମଗ୍ର ଗ୍ରାମ ସହିତ ପୋଲସରା  ବ୍ଳକ ପାଇଁ ସୁନାମ ଅର୍ଜନ କରିଛନ୍ତି। ସେ ଗତ ୨୦୨୨-୨୩  ଶିକ୍ଷା ବର୍ଷରେ ଜବାହର ନବୋଦୟ ବିଦ୍ୟାଳୟ, ସୁରଙ୍ଗୀ, ଗଞ୍ଜାମ  ସ୍ଥିତ  ପ୍ରତିଷ୍ଠିତ ଶିକ୍ଷା କ୍ଷେତ୍ରରେ     ଶିକ୍ଷା ଗ୍ରହଣ  କରିଥିବା ଜୀବନ କୁମାର ପ୍ରଧାନ ଏକକ କୃତିତ୍ୱ ହାସଲ ଯୋଗୁଁ ସମଗ୍ର ପୋଲସରା ବ୍ଳକ ରେ ସୁନାମ ଅର୍ଜନ ହୋଇଥିବା କୁ ନେଇ ଆଜି ପୋଲସରା ବ୍ଳକର, କଳମ୍ବ ଗ୍ରାମର ଅଧ୍ୟାପକ ମନୋଜ ସାହୁଙ୍କ ଉପସ୍ଥିତି ରେ ସନ୍ତୋଷ କୁମାର ସାହୁ ,  ଶଙ୍କରର୍ଷଣ ପ୍ରଧାନ , ନାରାୟଣ ସାହୁ, ଅଜୟ ସାହୁ , ଲିପୁ ନାହାକ, କଳମ୍ବ ପୂର୍ବତନ ସରପଞ୍ଚ ପ୍ରଶାନ୍ତ ପ୍ରଧାନ ପ୍ରମୁଖ ଯୁବ ସ୍ଵେଚ୍ଛାସେବୀଙ୍କ ଏକତ୍ରିତ ହୋଇ ଜୀବନଙ୍କ ବାସଗୃହ ଯାଇ ଜେଜେବାପା,ବଡ଼ ବାପା, ବଡ଼ ମା, ମା ଓ ପରି...

ମା'ଶାଙ୍କୁଳେଇଙ୍କ ପୀଠରେ ପିପୁଲସ୍ ହାଇସ୍କୁଲର ୧୯୮୨ର (ଏକାଦଶ)ମେଟ୍ରିକ ଛାତ୍ରଙ୍କ ବନ୍ଧୁ ମିଳନ । ସନ୍ତୋଷ କୁମାର ପଣ୍ଡାଙ୍କ ରିପୋର୍ଟ - ପୋଲସରା ତା.୧୩.୦୬/ଗଞ୍ଜାମ ଜିଲ୍ଲା ବୁଗୁଡ଼ା ବ୍ଲକ ଅନ୍ତର୍ଗତ ଅନ୍ତରପଡା ଗ୍ରାମ ନିକଟସ୍ଥ ମା'ଶାଙ୍କୁଳାଇଙ୍କ ପୀଠ କଲ୍ୟାଣ ମଣ୍ଡପରେ ପିପୁଲସ୍ ହାଇସ୍କୁଲରେ ୧୯୮୨ ସାଲରେ ଅଧ୍ୟୟନ କରୁଥିବା (ଏକାଦଶ) ମେଟ୍ରିକ ଛାତ୍ରଙ୍କ ବନ୍ଧୁ ମିଳନ ଉତ୍ସବ ଅନୁଷ୍ଠିତ ହୋଇଯାଇଛି । ଏହି ଅବସରରେ ହରପ୍ରସାଦ ଦାଶଙ୍କ ତତ୍ବାବଧାନରେ ଚିନାରି. କେଦାରନାଥ ଚୌଧୁରୀ,ପଦ୍ମଚରଣ ପ୍ରଧାନ,ଅଶୋକ ପାଢୀ,ତ୍ରିଲୋଚନ ପଣ୍ଡା,ଗୌର ପ୍ରସାଦ ରାଉତ,ପ୍ରଶାନ୍ତ କୁମାର ଦାଶ,ସିମାଞ୍ଚଳ ଖଟାଇ,ସୁରେନ୍ଦ୍ର ନାଥ ପାଣି ପ୍ରମୁଖ ଅଂଶଗ୍ରହଣ କରିଥିବା ବେଳେ ଉକ୍ତ କାର୍ଯ୍ୟକ୍ରମକୁ କେଦାରନାଥ ଦାଶ, ଉ.ଗଣେଶ ପାତ୍ର,ଉ.ସିମାଞ୍ଚଳ ପାତ୍ର,ସୁଶାନ୍ତ କୁମାର ଜେନା,ଅବନୀ କୁମାର ସାହୁ,ଡି.ସନ୍ତୋଷ କୁମାର ପାତ୍ର,ପ୍ରଭାକର ନାୟକ,ରାଜେନ୍ଦ୍ର କୁମାର ପାତ୍ର ଉକ୍ତ କାର୍ଯ୍ୟକ୍ରମକୁ ସୁପରିଚାଳନା କରିଥିଲେ । ସର୍ବପ୍ରଥମେ ୧୯୮୨ ବ୍ୟାଚ୍ ରେ ଅଧ୍ୟୟନ କରୁଥିବା ଛାତ୍ରମାନଙ୍କ ମଧ୍ୟରୁ ଯେଉଁମାନେ ଆମ ଗହଣରୁ ଆମକୁ ଛାଡି ସବୁଦିନ ପାଇଁ ପରପାରିକୁ ଚାଲିଯାଇଛନ୍ତି ସେମାନଙ୍କ ଅମର ଆତ୍ମାର ସଦ୍ ଗତି କାମନା କରିବା ଉଦ୍ଦେଶ୍ଯରେ ଦୁଇ ମିନିଟ୍ ନିରବ ପ୍ରାର୍ଥନା କରିବା ସହ ମହାମୃତ୍ୟୁଞ୍ଜୟ ମନ୍ତ୍ର ପାଠ କରିଥିଲେ । ତା'ପରେ...

ଝରିଗାଁ ବ୍ଳକ ଅନ୍ଧ ପ୍ରଶାସନର ବତୀପେଲା ନୀତି ଆଗରେ ଲଂଠନ ଦେଖାଇ ଚର୍ଚ୍ଚାରେ ଗ୍ରାମବାସୀ !  ଝରୀଗାଁ(ବ୍ରାହ୍ମ ମୁହୂର୍ତ୍ତ)   ତା 12/06-ରାଜ୍ୟ ସରକାରଙ୍କ ବିକାଶ ବାଟରେ ବାଧକ ହୋଇଛି ଝରିଗାଁ ବ୍ଳକ ପ୍ରଶାସନ। ଗାଆଁର ବିକାଶ ପାଇଁ କେନ୍ଦ୍ର ସରକାରଙ୍କ ଅମୃତ ସରୋବର ଯୋଜନା ନାଁରେ ଲକ୍ଷାଧିକ ଟଙ୍କା ବରାଦ କରିଛନ୍ତି। ତେବେ ନବରଙ୍ଗପୁର ଜିଲ୍ଲାର ଝରିଗାଁ ବ୍ଳକ ପ୍ରଶାସନର କିଛି ଦାୟିତ୍ବହୀନ ଅଧିକାରୀ ଏବଂ ବତୀପେଲା କର୍ମଚାରୀଙ୍କ ସହିତ ହାତ ମିଶାଇ କିଛି ସ୍ଥାନୀୟ କୁଜି ନେତାମାନଙ୍କ ବତୀଲିଭା କାର୍ଯ୍ୟ ପାଇଁ ସାଧାରଣ ଲୋକଙ୍କୁ ଲଂଠନ ଦେଖାଇ ରାଜକୋଷକୁ ଲୁଟିବାକୁ ଲାଗିଛନ୍ତି ବୋଲି ସଚେତନ ନାଗରିକ ମହଲରେ ଚର୍ଚ୍ଚା ଚାଲିଛି। ମିଳିଥିବା ସୂଚନା ଅନୁସାରେ ବ୍ଳକର ଏମିତି କିଛି ଗାଁରେ ପୋଖରୀର ବିଶୁଦ୍ଧ ଜଳ ପାଇଁ ନାନାପ୍ରକାର ରୋଗରେ ଲୋକମାନେ ଆକ୍ରାନ୍ତ ହେଉଛନ୍ତି ବୋଲି ଶୁଣାଯାଏ। ଗ୍ରାମାଞ୍ଚଳର ବିକାଶ ପାଇଁ ଉଭୟ କେନ୍ଦ୍ର ଓ ରାଜ୍ୟ ସରକାର ଲକ୍ଷାଧିକ ଟଙ୍କା ଗ୍ରାମାଞ୍ଚଳରେ ଖର୍ଚ୍ଚ କରୁଥିବା ବେଳେ ଝରିଗାଁ ବ୍ଳକ ଅନ୍ତର୍ଗତ ବେଲଗାଁ ପଞ୍ଚାୟତର କିର୍ମରା ଗାଆଁରେ ଏହାର ଗନ୍ଧ ବାସନା ନାହିଁ ବୋଲି କୁହନ୍ତି ଗାଆଁ ଲୋକେ। ଗାଁ ପୋଖରୀ ସଫା କରିବା ପାଇଁ ବାରମ୍ବାର ଝରିଗାଁ ବ୍ଳକ ପ୍ରଶାସନକୁ ଜଣେଇବି ଅନ୍ଧ ପ୍ରଶାସନ ଗ୍ରାମବାସୀ ଙ୍କ କଥାକୁ କର୍ଣ୍ଣପାତ କଲାନାହିଁ, ଶେଷରେ ଗ୍ରାମର ସଚେତନ ମହିଳା ...

ମା ମହାଦେଇ କ୍ରିକେଟ ଟୁର୍ନାମେଣ୍ଟ ଉଦଯାପିତ ଝରୀଗାଁ(ବ୍ରାହ୍ମ ମୁହୂର୍ତ୍ତ) ତା 12/06-ଝରୀଗାଁ ବ୍ଲକ ଅନ୍ତର୍ଗତ ଗୁରୁସିଙ୍ଗା ପଂଚାୟତ କୁସୁମୀ ଗ୍ରାମ ଠାରେ ଗତ ମାସ ତା 31/05/023ରିଖ ଉଦଘାଟିତ ମା ମହାଦେଇ କ୍ରିକେଟ ଟୁର୍ନାମେଣ୍ଟ ଆଜି ଉଦଯାପିତ ହୋଇ ଯାଇଛି |ଆଜିର ଏହି ଉଦଯାପନୀ ଦିବସରେ ମୁଖ୍ୟ ଅତିଥିଭାବେ ଝରୀଗାଁ ବିଧାୟକ ଶ୍ରୀ ପକାଶ ଚନ୍ଦ୍ର ମାଝୀ ଯୋଗ ଦେଇଥିବା ବେଳେ ସମ୍ମାନିତ ଅତିଥିମାନଙ୍କ ମଧ୍ୟରେ ଝରୀଗାଁ ବ୍ଲକ ଅଧ୍ୟକ୍ଷ ଶ୍ରୀ ଦୁର୍ଗା ପ୍ରସାଦ ମାଝୀ, ସାଂସଦ ପ୍ରତିନିଧି ଶ୍ରୀ ପ୍ରିୟ ରଞ୍ଜନ ଦାସ, ମୋହନ ମାଝୀ, ଜିଲ୍ଲା ପରିଷଦ ଯମୁନା ଗଣ୍ଡ ଓ ଅନ୍ୟ ଜନ ପ୍ରତିନିଧି ଓ କର୍ମୀ ସବୁ ଉପସ୍ଥିତ ରହିଥଲେ |ମା ମହାଦେଇ କ୍ରିକେଟ ଟୁର୍ନାମେଣ୍ଟ ଟି ମୋଟ 13ଦିନ ଧରି ଚାଲି ରହିଥିବା ବେଳେ ଏହି ଟୁର୍ନାମେଣ୍ଟ ରେ ମୋଟ 16ଟି ଦଳ ଭାଗ ନେଇଥିଲେ |ଶେଷ ଦିନ ରେ ଫାଇନାଲ ମ୍ୟାଚ ଟି କଟିଧରା ଏବଂ ଭାଲୁକନାଡି ମଧ୍ୟରେ ହୋଇଥିଲା |କଟିଧରା ଟିମ ଟସ ଜିତି ପ୍ରଥମେ ବ୍ୟାଟିଂ ର ନିଷ୍ପତି ନେଇଥିଲେ ଓ 12ଓଭର ଖେଳି 117ରନ ସଂଗ୍ରହ କରିଥିବା ବେଳେ ଭାଲୁକନାଡି ଦଳ 11ଓଭର 3ବଲ ଖେଳି କେବଳ 87ରନ ସଂଗ୍ରହ କରିପାରିଥିଲେ |ବିଜୟୀ ଦଳକୁ ବିଧାୟକ ଙ୍କ ହସ୍ତରେ ଟ୍ରଫି ସହିତ 17000ଟଙ୍କା ପ୍ରଦାନ କରାଯାଇଥିବା ବେଳେ ରଂନର୍ସ ଦଳ କୁ ବ୍ଲକ ଅଧ୍ୟକ୍ଷ ଙ୍କ ହସ୍ତରେ ଟ୍ରଫି ସହିତ 10000ଟଙ୍କା ପ୍ରଦାନ  କରାଯାଇଥିଲା ଓ ଉପସ୍ଥିତ...

ସ୍ବେଛାସେବୀଙ୍କ ପକ୍ଷରୁ ବ୍ଳକ ଟପ୍ପର ଛାତ୍ରୀ ଝରଣା ଭୂୟାଁ ସମ୍ବର୍ଦ୍ଧିତ  ସନ୍ତୋଷ କୁମାର ପଣ୍ଡାଙ୍କ ରିପୋର୍ଟ -  ପୋଲସରା,ତା,୧୦/୦୬/୨୦୨୩/(ବ୍ରାହ୍ମ ମୁହୂର୍ତ୍ତ) ପ୍ରକାଶ ପାଇଛି ଦ୍ଵାଦଶ ଶ୍ରେଣୀ ପରୀକ୍ଷାଫଳ କଳା କ୍ଷେତ୍ରରେ  ପ୍ରକାଶିତ ଫଳାଫଳ ଅନୁସାରେ ଗଂଜାମ ଜିଲ୍ଲା ପୋଲସରା ବ୍ଳକର, ଘୋଡ଼ା ପଲାଣ ଗ୍ରାମ ପଞ୍ଚାୟତ, କରାତଳି ଗ୍ରାମର ବାସିନ୍ଦା  ଯିଏକି ଜଣେ ପ୍ରବାସୀ ଶ୍ରମିକ କୁମର ଭୂୟାଁଙ୍କ ସୁକନ୍ୟା ଝରଣା ଭୂୟାଁ ମୋଟ ୫୧୯ ଏ ଗ୍ରେଡ ମାର୍କ ରଖି ସମଗ୍ର ଗ୍ରାମ ସହିତ ପୋଲସରା  ବ୍ଳକ ସୁନାମ ଅର୍ଜନ କରିଛନ୍ତି ସେ ଗତ ୨୦୨୨ - ୨୩  ଶିକ୍ଷା ବର୍ଷରେ ପୋଲସରା ସ୍ଥିତ  ପ୍ରତିଷ୍ଠିତ ଶିକ୍ଷା କ୍ଷେତ୍ରରେ   କ୍ଷ୍ୟାତିତ୍ବ ଅର୍ଜନ କରିଥିବା ପୋଲସରା ବିଜ୍ଞାନ ମହାବିଦ୍ୟାଳୟ ରେ  ଶିକ୍ଷା ଗ୍ରହଣ  କରିଥିଲେ ଝରଣା ଭୂୟାଁ ଏକକ କୃତିତ୍ୱ ହାସଲ ଯୋଗୁଁ ସମଗ୍ର ପୋଲସରା ବ୍ଳକ ଜିଲ୍ଲା ସ୍ତରରେ ସୁନାମ ଅର୍ଜନ ହୋଇଥିବା କୁ ନେଇ ଆଜି ପୋଲସରା ବ୍ଳକର, କରାତଳି ଗ୍ରାମର ଶିକ୍ଷକ, ଦୀପକ କୁମାର ସାହୁଙ୍କ ଉପସ୍ଥିତି ରେ ସନ୍ତୋଷ କୁମାର ସ୍ବାଇଁ,  ଶଙ୍କରର୍ଷଣ ପ୍ରଧାନ, ନାରାୟଣ ସାହୁ, ସିମାଞ୍ଚଳ ଡାକୁଆ, , କବିରାଜ ଗୌଡ଼, ଶଙ୍କର ପ୍ରଧାନ, ପ୍ରମୁଖ ଯୁବଗୋଷ୍ଠୀଙ୍କ ନେଇ ଗଠିତ ସ୍ଵେଚ୍ଛାସେବୀ ମାନଙ୍କ ମିଳିତ ପ୍ରୟାସରେ ଝରଣା ଭୂୟାଁଙ୍କ ବାସଗୃହ ଯାଇ ...

ବାଲ୍ୟ ବିବାହ ଓ ଯୌନ ଶୋଷଣରୁ ଶିଶୁଙ୍କ ସୁରକ୍ଷା ସମ୍ପର୍କିତ କର୍ମଶାଳା ରିପୋଟ- ଜ୍ଞାନେନ୍ଦ୍ର ପ୍ରଧାନ ଜିଲ୍ଲା ପ୍ରତିନିଧି  ଦେବଗଡ଼(ବ୍ରାହ୍ମ ମୁହୂର୍ତ୍ତ) :   ଦେବଗଡ ଜିଲ୍ଲାପରିଷଦ ସଭା କକ୍ଷରେ ଜିଲ୍ଲା ଶିଶୁ ସୁରକ୍ଷା ବିଭାଗ ପକ୍ଷରୁ ୭୦ ଗୋଟି ପଞ୍ଚାୟତର ଜେଣ୍ଡର ସିଆରପି ତଥା ଓଡିଶା ଜୀବିକା ମିଶନର ବ୍ଲକ ଓ ଜିଲ୍ଲା ସ୍ତରିୟ କର୍ମକର୍ତାଙ୍କ ପାଇଁ “ ବାଲ୍ୟ ବିବାହ ଓ ଯୌନ ଶୋଷଣରୁ ଶିଶୁଙ୍କ ସୁରକ୍ଷା ଅଧିନିୟମ” ସମ୍ପର୍କରେ ଏକ ଜିଲ୍ଲା ସ୍ତରୀୟ ସଚେତନତା ସଭା ଆୟୋଜିତ ହୋଇଯାଇଛି । ସୁରକ୍ଷା ଅଧିକାରୀ ଚିନ୍ମୟ ସ୍ଵାଇଁଙ୍କ ଆବାହକତ୍ଵରେ ତଥା ଜିଲ୍ଲା ଶିଶୁ ସୁରକ୍ଷା ଅଧିକାରୀ ରୋମିଓ ମହାପାତ୍ରଙ୍କ ସଭାପତିତ୍ଵରେ ଆୟୋଜିତ ହୋଇଥିବା ଏହି କର୍ମଶାଳାକୁ ମୁଖ୍ୟ ଅତିଥି ଭାବେ ଯୋଗଦେଇ ଜିଲ୍ଲା ପରିଷଦର ମୁଖ୍ୟ ଉନ୍ନୟନ ଅଧିକାରୀ ତଥା ପିଡ଼ି ଡିଆରଡିଏ ଲୁକାଶ ପ୍ରଧାନ ବାଲ୍ୟ ବିବାହ ଭଳି କୁପ୍ରଥା ଓ ଯୌନ ଶୋଷଣରୁ ଶିଶୁଙ୍କ ସୁରକ୍ଷାରେ ପଞ୍ଚାୟତିରାଜ ଅନୁଷ୍ଠାନ ଗୁଡିକର ଭୂମିକା ସମ୍ପର୍କରେ ଆଲୋକପାତ କରିଥିଲେ । ଏହି କର୍ମଶାଳାରେ ସ୍ଵତନ୍ତ୍ର ଅତିଥି ଭାବେ ଓଡିଶା ଜୀବିକା ମିଶନର ଜିଲ୍ଲା ଅଧିକାରୀ ସ୍ମରଣିକା ମହାପାତ୍ର , ଶିଶୁ ମଙ୍ଗଳ କମିଟିର ସଦସ୍ୟ ଟିକେଶ୍ଵର ଧଳ , ସୁଷମା ମଞ୍ଜରି ମହାପାତ୍ର  ଓଏଲଏମ  ଜିଲ୍ଲା ସଂଯୋଜିକା ରଶ୍ମିରେଖା ସାହୁ ଅଂଶ ଗ୍ରହଣ କରିଥିଲେ। ୟୁନିସେଫର ଜିଲ୍ଲା...

ଚନ୍ଦ୍ରଗିରି/କାଶୀପୁର (ବ୍ରାହ୍ମ ମୁହୂର୍ତ୍ତ):- ରାୟଗଡ଼ା ଜିଲ୍ଲାର କାଶିପୁର ବ୍ଲକ ଅନ୍ତର୍ଗତ ଚାନ୍ଦଗିରି  ଗ୍ରାମରେ ଶୁକ୍ରବାର ଦିନ ସକାଳ ସମୟରେ ଜମିଜମା ସଂପର୍କିତ ବିଷୟକୁ ନେଇ ପ୍ରଥମେ ପାଟିତୁଣ୍ଡ ପରେ ଲୋମ ହର୍ଷଣକାରୀ ବର୍ବର ହତ୍ୟାକାଣ୍ଡ ଘଟି ଯାଇଥିବା ନେଇ ସମଗ୍ର ଅଞ୍ଚଳରେ ଭିନ୍ନ ଏକ ବାତାବରଣ ସୃଷ୍ଟି ହୋଇଛି। ମିଳିଥିବା ସୂଚନା ଅନୁସାରେ ଚାନ୍ଦଗିରି  ଗ୍ରାମର ବାଘ ଗୈାଡଙ୍କ ଟାଙ୍ଗିଆ ଚୋଟରେ କାଶୀପୁର ଗ୍ରାମର ଗଜେନ୍ଦ୍ର ନାଏକ (ବୁଲୁ)ର ମୃତ୍ୟୁ ହୋଇଥିବା ପରିବାର ପକ୍ଷରୁ ଥାନାରେ ଅଭିଯୋଗ କରିଛନ୍ତି। ଘଟଣା ସ୍ଥଳରେ ସ୍ଥାନୀୟ ପୋଲିସ ପହଞ୍ଚି ଘଟଣାର ଅନୁଧ୍ୟାନ କରୁଛି। କାଶୀପୁର ବ୍ଲକରୁ ପବିତ୍ର ନାଏକଙ୍କ ରିପୋର୍ଟ -

ରାଜେନ୍ଦ୍ର ହନ୍ତାଳଙ୍କ କୃଷି ଅଧିକାରୀଙ୍କ ସହ ସାକ୍ଷାତକାର ଆଲୋଚନା -  କୋରକୁଣ୍ଡା/ମାଲକାନଗିରି (ବ୍ରାହ୍ମ ମୁହୂର୍ତ୍ତ):- ଜିଲ୍ଲାର ସମସ୍ତ ବ୍ଳକ ଗୁଡିକ ଅପେକ୍ଷା କୋରକୁଣ୍ଡା ବ୍ଳକ କୃଷି ଉପରେ ନିର୍ଭରଶୀଳ ସମସ୍ତ ସରକାରୀ ସୁବିଧା ସବୁକୁ ଚାଷୀ ମାନଙ୍କ ପାଖରେ ପହଞ୍ଚେଇବାରେ ଏବଂ କାର୍ଯ୍ୟକ୍ଷମ କରାଇବାରେ ପ୍ରମୁଖ ଭୂମିକା ଗ୍ରହଣ କରିଥିବା ଖବର ଏବେ ରାଜ୍ୟ ରାଜଧାନୀ ଭୁବନେଶ୍ୱରର ବୁଦ୍ଧିଜୀବୀ ମହଲରେ ଚର୍ଚ୍ଚା ଚାଲିଛି। କୋରକୁଣ୍ଡା ବ୍ଳକ କୃଷି ଅଧିକାରୀଙ୍କ ସହ ସାକ୍ଷାତକାର ସମୟରେ ବ୍ରାହ୍ମ ମୁହୂର୍ତ୍ତ ଖବରକାଗଜ ସ୍ଥାନୀୟ ପ୍ରତିନିଧି ରାଜେନ୍ଦ୍ର ହନ୍ତାଳ କିଛି ଗୁରୁତ୍ଵପୂର୍ଣ୍ଣ ପ୍ରସଙ୍ଗକୁ ନେଇ ଆଲୋଚନା କରିଥିଲେ। ଯେଉଁଥିରେ ସରକାରଙ୍କ କୃଷି ବିଭାଗ ଅଧିନରେ ଚାଷୀ ଓ ଚାଷ ପାଇଁ କେଉଁ ସବୁ ଯୋଜନା କିପରି କାର୍ଯ୍ୟକାରୀ କରାଯାଉଛି ସେ ସମ୍ପର୍କିତ ସୂଚନା ଦେଇଥିଲେ କୋରକୁଣ୍ଡା ବ୍ଳକ କୃଷି ଅଧିକାରୀ ଶ୍ରୀ ଦିଲିପ କୁମାର ମାଝୀ। ବିଶେଷ କରି ବ୍ଳକ ଅନ୍ତର୍ଗତ ସମସ୍ତ ଗ୍ରାମ ପଞ୍ଚାୟତ ମାନଙ୍କରେ ଆତ୍ମା (NFSM)ଏନଏଫଏସଏମ ଷ୍ଟେଟ ପ୍ଳାନ, Risefallow management, ବଳରାମ, କାଳିଆ, ପିଏମ କିଷାନ, PKVY, Soil Health Card ଯୋଜନା କାର୍ଯ୍ୟକାରୀ ହେଉଛି ବୋଲି ସୂଚନା ଦେଇଛନ୍ତି। ରାଜ୍ୟ ସରକାରଙ୍କ ଯୁଗାନ୍ତକାରୀ ପଦକ୍ଷେପ ଗ୍ରହଣ କରିବା ହେତୁ ଆଜି ବ୍ଳକ ଅନ୍ତର୍ଗତ ଗ୍ରାମମାନଙ୍କରେ ଥିବା ଭୂମିହୀନ ଚାଷ...

ବାଇକ୍ ରୁ ଖସି ବୃଦ୍ଧାଙ୍କ ମୃତ୍ୟୁ। ଜୟପୁର/ବୈପାରିଗୁଡା-(ବ୍ରାହ୍ମ ମୁହୂର୍ତ୍ତ) :-   କୋରାପୁଟ ଜିଲ୍ଲା ବୈପାରିଗୁଡା ବ୍ଲକ ଅନ୍ତର୍ଗତ ମସୀ ଗାଁ  ନିକଟସ୍ଥ ଦିଗାପୁର ଏବଂ କଲିଆରି ପୁଟ ମଧ୍ୟରେ ଥିବା ଡାଇନିଯୋଡି ପୋଲ ନିକଟରେ ମଶୀ ଗାଁ ଗ୍ରାମପଞ୍ଚାୟତର କୁଲୁମୁଲି ଗ୍ରାମର ଯମୁନା ଗୈାଡ (୭୦) ନିଜ ପୁଅ ଚକ୍ର ଗୈାଡ ସହିତ ଜୟପୁର ନିକଟସ୍ଥ ବାଲିଆ ପଞ୍ଚାୟତର ପାଲିଗୁଡା ଠାରେ ତାଙ୍କ ଭଣଜା ଘରକୁ ଯାଇଥିଲେ। ସେଠାରୁ ଫେରୁଥିବା ବେଳେ କରିଆରିପୁଟ ଏବଂ ଦିଗାପୁର ମଧ୍ୟରେ ଥିବା ଡାଇନିଯୋଡି ପୋଲ ନିକଟରେ ଚଳନ୍ତା ବାଇକ୍ ରୁ ଯୋମୁନା ଗୈଡ ଖସି ପଡ଼ିଥିଲେ। ଯାହା ଫଳରେ ଯମୁନା ଗୈାଡଙ୍କ ଶରୀରର ବିଭିନ୍ନ ସ୍ଥାନରେ ଆଘାତ ଲାଗିଥିବା ବେଳେ ତାଙ୍କ ମୁଣ୍ଡରେ ମଧ୍ୟ ଶକ୍ତ ଆଘାତ ଲାଗିଥିଲା। ଯମୁନା ଗୈାଡଙ୍କୁ ଚିକିତ୍ସା ନିମନ୍ତେ ଜୟପୁର ଜିଲ୍ଲା ମୂଖ୍ୟ ଚିକିତ୍ସାଳୟ ଠାରେ ସ୍ଥାନୀୟ ଲୋକ ଆଣି ଭର୍ତ୍ତି କରିଥିଲେ। ସେଠାରେ ତାଙ୍କର ସ୍ୱାସ୍ଥ୍ୟ ଅବସ୍ଥାରେ କୈାଣସି ଉନ୍ନତି ପରିଲକ୍ଷିତ ନ ହେବାରୁ ତାଙ୍କୁ କୋରାପୁଟ ମେଡିକାଲକୁ ସ୍ଥାନାନ୍ତରିତ କରାଯାଇଥିଲା। ସେଠାରେ ଚିକିତ୍ସାଧୀନ ଅବସ୍ଥାରେ ଯମୁନା ଗୈାଡଙ୍କ ମୃତ୍ୟୁ ହୋଇଥିଲା। ବୈପାରିଗୁଡା ପୋଲିସ ମୃତ ଶରୀରର ବ୍ୟବଚ୍ଛେଦ ପରେ ତାଙ୍କ ପରିବାର ବର୍ଗଙ୍କୁ ହସ୍ତାନ୍ତର କରିଥିଲେ। ଏନେଇ ବୈପାରିଗୁଡା ଥାନାରେ ଏକ ମାମଲା ରୁଜୁ କରି ପୋଲିସ ତଦନ୍ତ ଆରମ୍ଭ କରିଥିବା...

ଜୟପୁର ରଥଯାତ୍ରା ଉପଲକ୍ଷେ ଦ୍ବିତୀୟ ପ୍ରସ୍ତୁତି ବୈଠକ। ଜୟପୁର(ବ୍ରାହ୍ମ ମୁହୂର୍ତ୍ତ): -କୋରାପୁଟ ଜିଲ୍ଲା ଜୟପୁର ଉପଖଣ୍ଡ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମିଳନୀ କକ୍ଷରେ  ଜୟପୁର ଉପଜିଲ୍ଲାପାଳ ଶ୍ରୀଯୁକ୍ତ ବେଦବର ପ୍ରଧାନଙ୍କ ଅଧ୍ୟକ୍ଷତାରେ ରଥଯାତ୍ରା ପାଇଁ ଦ୍ବିତୀୟ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ଏହି ବୈଠକରେ ହେବାକୁ ଥିବା ରଥଯାତ୍ରା ପର୍ବ କିପରି ଶାନ୍ତି ଶୃଙ୍ଖଳାରେ ପାଳନ ହେବ ଶ୍ରଦ୍ଧାଳୁ କିପରି ଭଗବାନଙ୍କୁ ଦର୍ଶନ କରିବେ  ସେ ନେଇ ସମସ୍ତ ବିଭାଗୀୟ ମୁଖ୍ୟ ଅଧିକାରୀ ମାନଙ୍କୁ ନେଇ  ଆଲୋଚନା କରାଯାଇଥିଲା । ଏଥିରେ କେଉଁ କେଉଁ ବିଭାଗର ଅଧିକାରୀ ମାନେ ଯେଉଁସବୁ  ଦାୟିତ୍ବରେ ରହିବେ ତାର ପୂର୍ବ ଖସଡ଼ା ପ୍ରସ୍ତୁତି କରାଯାଇଥିଲା।ଚଳିତ ବର୍ଷ ରଥଯାତ୍ରାରେ ଅଧିକରୁ  ଅଧିକ ଲୋକ ସମାଗମ ହେବାର ସମ୍ଭାବନା ରହିଥିବା ହେତୁ ଜୟପୁର ରଥଯାତ୍ରା ଉପଲକ୍ଷେ ଏହି ଗୁରୁତ୍ୱପୂର୍ଣ୍ଣ ବୈଠକ ହୋଇଥିଲା । ବୈଠକରେ  ରଥ ଟାଣିବା ଏବଂ ନିର୍ଦ୍ଧିଷ୍ଟ ସ୍ଥାନ ଏବଂ ଠିକ୍ ସମୟରେ ପହଞ୍ଚିବା ବିଷୟରେ ପ୍ରାଧାନ୍ୟ ଗୁରୁତ୍ୱ ଦିଆଯାଇଥିଲା । ସୁରକ୍ଷା ବ୍ୟବସ୍ଥା ନିମନ୍ତେ ୫ ଗୋଟି ପୋଲିସ୍ ପ୍ଲାଟୁନ୍ ମୁତୟନ ରହିବା ନିମନ୍ତେ ନିଷ୍ପତି ନିଆଯାଇଛି । ଆଜିର ଏହି ବୈଠକକୁ ତହସିଲଦାର ଶ୍ରୀମତୀ ସୁଶ୍ରୀ ସାଗରୀକା ଷଡ଼ଙ୍ଗୀ ପରିଚାଳନା କରିଥିଵା ବେଳେ ଜୟପୁର ଉପଖଣ୍ଡ ଆରକ୍ଷୀ ଅଧିକ୍ଷକ ହରିଶ ...

ମିଶନ ବାତ୍ସଲ୍ୟ ସମ୍ପର୍କିତ ଜିଲ୍ଲା ସ୍ତରୀୟ ସଚେତନତା ଶିବିର ରିପୋର୍ଟ - ଜ୍ଞାନେନ୍ଦ୍ର ପ୍ରଧାନ, ଜିଲ୍ଲା ପ୍ରତିନିଧି ଦେବଗଡ଼  ଦେବଗଡ଼(ବ୍ରାହ୍ମ ମୁହୂର୍ତ୍ତ) : ଜିଲ୍ଲା ଶିଶୁ ସୁରକ୍ଷା ବିଭାଗ ପକ୍ଷରୁ ଆଜି ସ୍ଥାନୀୟ ଜିଲ୍ଲା ପରିଷଦ ସଭାକକ୍ଷରେ ମିଶନ ବାତ୍ସଲ୍ୟ ଓ ବିପଦରେ ଥିବା ଶିଶୁମାନଙ୍କ ଚିହ୍ନଟକରଣ ପ୍ରକ୍ରିୟା ସମ୍ପର୍କରେ ଏକ ଜିଲା ସ୍ତରୀୟ ସଚେତନତା ଶିବିର ଆୟୋଜିତ ହୋଇଥିଲା । ଏହି ଶିବିରରେ ମହିଳା ଶିଶୁ ବିକାଶ ବିଭାଗର ସମସ୍ତ ସୁପରଭଇଜର , ପୋଷଣ ପ୍ରକଳ୍ପର ଜିଲ୍ଲା ସଂଯୋଜକ , ସରପଞ୍ଚ , ସାକ୍ଷୀକେନ୍ଦ୍ର ଓ ଶିଶୁ ଗୃହର କର୍ମକର୍ତ୍ତା ସ୍ନେହାର କର୍ମକର୍ତ୍ତା ସହ ଅନେକ ସ୍ବେଛାସେବୀ ଅନୁଷ୍ଠାନର ପ୍ରତିନିଧିମାନେ ଏହି ସଚେତନତା ଶିବିରରେ ଯୋଗ ଦେଇଥିଲେ । ସୁରକ୍ଷା ଅଧିକାରୀ କ୍ରାନ୍ତିମଞ୍ଜରି ଧଉନଳିଆଙ୍କ ଅବାହକତ୍ଵ ଓ ଜିଲ୍ଲା ଶିଶୁ ସୁରକ୍ଷା ଅଧିକାରୀ ରୋମିଓ ମହାପାତ୍ରଙ୍କ ସଭାପତିତ୍ଵରେ ଆୟୋଜିତ ହୋଇଥିବା ଏହି ଶିବିରରେ ମୁଖ୍ୟ ଅତିଥିଭାବେ ଜିଲ୍ଲା ସମାଜ ମଙ୍ଗଳ ଅଧିକାରୀ ନରହରି ସିଂ , ସି.ଡବ୍ଲୁ.ସି ଅଧକ୍ଷ୍ୟା ପିଙ୍କିରାଣୀ ନନ୍ଦ , ସଦସ୍ୟ ରମା ସାହୁ ଓ କୁମୁଦ ଶତପଥି ଓ ରମ୍ଭେଇ ସରପଞ୍ଚ ରଶ୍ମିତ ପ୍ରଧାନ ସ୍ଵତନ୍ତ୍ର ଅତିଥି ଭାବେ ଯୋଗ ଦେଇ ଥିଲେ । ସୁରକ୍ଷା ଅଧିକାରୀ ଚିନ୍ମୟ ସ୍ଵାଇଁ ଓ ଇଉନିସେଫ ଜିଲ୍ଲା ପରାମର୍ଶ ଦାତା ଗୋପାଳକୃଷ୍ଣ ବେହେରା “ମିଶନ ବାତ୍ସଲ୍ୟ” ସମ୍ପର୍କରେ ତାଲିମ ଦେଇଥ...

ରାସ୍ତା କଡରେ ଦୁର୍ଘଟଣା ଗ୍ରସ୍ତ ବାଛୁରୀକୁ ଉଦ୍ଧାର କଲେ ଗୋ-ସେବାକାରୀ  ଯୁବଗୋଷ୍ଠୀ  ରିପୋର୍ଟ - ଜ୍ଞାନେନ୍ଦ୍ର ପ୍ରଧାନ , ଜିଲ୍ଲା ପ୍ରତିନିଧି ଦେବଗଡ  ଦେବଗଡ଼:(ବ୍ରାହ୍ମ ମୁହୂର୍ତ୍ତ)-  ଗୁରୁବାର ସକାଳ ପ୍ରାୟ ୧୦ ଟା ସମୟରେ ଦେବଗଡ଼ ଏନଏଚ- ୪୯ ରାସ୍ତା କଡ଼ରେ ଦୁର୍ଘଟଣା ଗ୍ରସ୍ତ ପିଡୀତ  ଏକ ବାଛୁରୀ ଛୁଆକୁ କିଛି ଯୁବ ଗୋଷ୍ଠୀ ଙ୍କ ସହାୟତା ରେ ଉଦ୍ଧାର କରି ଚିକିତ୍ସା କରାଇଛନ୍ତି ଗୋପ୍ରେମୀ ଯୁବକ ନିବେଶ ନାୟକ । ମିଳିଥିବା ସୂଚନା ଅନୁସାରେ ଦେବଗଡ଼ ଏନଏଚ-୪୯ ରାସ୍ତା ରେ କୈାଣସି ଅଜଣା ଗାଡ଼ି ଧକ୍କାରେ ଏକ ବାଛୁରୀ ଛୁଆ ଗୁରୁତର ଭାବେ ଆହତ ହୋଇ ନିକଟସ୍ଥ କାଦୁଅ ଜମିରେ ପଡ଼ି ରହିଥିବା ଦେଖିବାକୁ ପାଇଥିଲେ ନିଲେଶ। ପ୍ରଥମେ ପାଖ ନଳକୂଅରୁ ବାଲଟିରେ ପାଣି ଆଣି ବାଛୁରୀ ଛୁଆ କୁ ପିଆଇଥିଲେ । ବାଛୁରୀ ଛୁଆକୁ ଏକୁଟିଆ ସେଠାରୁ ଉଠାଇବା ସହଜ ନ ଥିଲା ତେଣୁ ପାଖାପାଖି ଦୁଇ ଘଣ୍ଟା ପରେ ଦେବଗଡ଼ ର କିଛି ଗୋପ୍ରେମୀ ଯୁବକ ଜଗନ୍ନାଥ, ସୁମନ୍ତ, ଆଲୋକ, ବଳିଆ, ବଳ  ସୁଧିର କୁମାର ବ୍ରହ୍ମା ଙ୍କ ସହାୟତାରେ ବାଛୁରୀକୁ ଉଦ୍ଧାର କରିଥିଲେ ନିଲେଶ। ବୁଲା ଗୋରୁଗାଈ ଓ ପଶୁଙ୍କ ଚିକିତ୍ସା ଓ ଉଦ୍ଧାର ନିମନ୍ତେ ଏକ ମୋବାଇଲ୍ ଭ୍ୟାନ୍ ର ଆବଶ୍ୟକତା ରହିଥିବା ବେଳେ ଜିଲ୍ଲା ପ୍ରାଣୀଧନ ବିଭାଗୀୟ ଅଧିକାରୀ (ସିଡିଭିଓ) ଓ ଦେବଗଡ଼ ଜିଲ୍ଲା ପ୍ରଶାସନ ନୀରବଦ୍ରଷ୍ଟା ସାଜିଛି ବୋଲି ସାଧାରଣରେ ଚର୍ଚ...

ଯାଜପୁର ରୋଡ଼ (ବ୍ରାହ୍ମ ମୁହୂର୍ତ୍ତ) :- ପୁଣି ଏକ ରେଳ ଦୁର୍ଘଟଣା ପାଇଁ ଚାଲିଗଲା ଜୀବନ। ଏମିତି କିଛି ଘଟଣା ପାଇଁ ସମଗ୍ର ଅଞ୍ଚଳରେ ଶୋକାକୁଳ ପରିବେଶ ସୃଷ୍ଟି ହୋଇ ଥିଲା। ଏଭଳି ଏକ ମର୍ମନ୍ତୁଦ ଦୁର୍ଘଟଣା ଦେଖିବାକୁ ମିଳିଛି ଯାଜପୁର ରୋଡ଼ ରେଳଷ୍ଟେସନ ଠାରେ। ମିଳିଥିବା ସୂଚନା ଅନୁସାରେ ବୁଧବାର ଦିନ କାଳବୈଶାଖୀ ବର୍ଷା ପବନ ଦାଉରୁ ନିଜକୁ ରକ୍ଷା କରିବା ପାଇଁ ଷ୍ଟେସନ ଠାରେ ଠିଆ ହୋଇ ଥିବା ରେଳ ତଳେ ସାତଜଣ ଲୋକ ଆଶ୍ରୟ ନେଇଥିଲେ। କିନ୍ତୁ କିଏ ଜାଣିଥିଲା ଆଶ୍ରୟସ୍ଥଳ ହିଁ କାଳ ରୂପେ ଚାହିଁ ରହିଥିଲା ବୋଲି। ସାତଜଣ ଲୋକ ରେଳଗାଡ଼ି ତଳେ ବର୍ଷା ପବନ ଦାଉରୁ ନିଜକୁ ବଞ୍ଚେଇ ରଖିବା ପାଇଁ ଆଶ୍ରୟ ନେଇଥିବା ବେଳେ ହଠାତ୍ ରେଳ ଛାଡ଼ିଦେଇ ଥିଲା, ଯାହା ଫଳରେ ଘଟଣାସ୍ଥଳରେ ହିଁ ଚାରିଜଣ ରେଳ ଚକାତଳେ କଟି ମୃତ୍ୟୁ ବରଣ କରିଥିଲେ। ବାକି ତିନିଜଣ ଗୁରୁତର ଆହତ ହୋଇଥିଲେ। ଆହତମାନଙ୍କୁ ସ୍ଥାନୀୟ ଡ଼ାକ୍ତରଖାନାରେ ଚିକିତ୍ସା ଚାଲିଥିବା ସୂଚନା ମିଳିଛି। ଖବର ଲେଖାଯିବା ପର୍ଯ୍ୟନ୍ତ ଦୁର୍ଘଟଣାରେ ମୃତ୍ୟୁ ବରଣ କରିଥିବା ବ୍ୟକ୍ତି ମାନଙ୍କର ପରିଚୟ ମିଳିନଥିବା ବେଳେ ଘଟଣା ସମ୍ପର୍କରେ ପୋଲିସ ଛାନଭିନ ଆରମ୍ଭ କରିଥିବା ଶୁଣିବାକୁ ମିଳିଛି।  କୋରେଇ ବ୍ଲକ ପ୍ରତିନିଧି ଅସୀତ କୁମାର ଦାସଙ୍କ ରିପୋର୍ଟ - 

ରାଜେନ୍ଦ୍ର ହନ୍ତାଳଙ୍କ ରିପୋର୍ଟ -  କୋରକୁଣ୍ଡା/ ମାଲକାନଗିରି ( ବ୍ରାହ୍ମ ମୁହୂର୍ତ୍ତ) - ରାଜ୍ୟ ସରକାରଙ୍କ ମହିଳା ଓ ଶିଶୁ କଲ୍ୟାଣ ବିଭାଗ ପକ୍ଷରୁ କାର୍ଯ୍ୟକାରୀ କରାଯାଉଛି ପୁଷ୍ଟିସାର ଯୁକ୍ତ ଖାଦ୍ୟ ଯୋଗାଣ କାର୍ଯ୍ୟକ୍ରମ। ପ୍ରତ୍ୟେକ ଜିଲ୍ଲାରେ ବ୍ଳକ ସ୍ତରରେ ନିଯୁକ୍ତି ପ୍ରାପ୍ତ ସମ୍ବନୀତ ଶିଶୁ ବିକାଶ ଅଧିକାରୀ (ସିଡିପିଓ) ଙ୍କ ଅଧୀନରେ ଗ୍ରାମ ପଞ୍ଚାୟତ ମାନଙ୍କରେ ଥିବା ଅଙ୍ଗନବାଡ଼ି କେନ୍ଦ୍ର କର୍ମୀ ସମସ୍ତ ଶିଶୁ ମାନଙ୍କ ସେବାରେ ନିୟୋଜିତ ଅଛନ୍ତି। ବର୍ଷର ପ୍ରତ୍ୟେକ ମାସରେ ଶିଶୁ ମାନଙ୍କ ସ୍ବାସ୍ଥ୍ୟ ପରୀକ୍ଷା ସହ ଓଜନରେ କମ୍ ବୃଦ୍ଧି ସମ୍ପର୍କରେ ସୂଚନା ରଖି ସରକାରଙ୍କୁ ସମସ୍ୟା ସମ୍ପର୍କରେ ଅବଗତ କରାଉଛନ୍ତି। ଏହି କ୍ରମରେ ଦେଖିବାକୁ ମିଳିଛି ମାଲକାନଗିରି ଜିଲ୍ଲା କୋରକୁଣ୍ଡା ବ୍ଳକ ସିଡିପିଓଙ୍କ ଅଧୀନରେ ଥିବା ସମୁଦାୟ ୧୭୮ ଗୋଟି ଅଙ୍ଗନବାଡ଼ି କେନ୍ଦ୍ର ଅର୍ଥାତ୍ (୧୫୫ ପୂର୍ଣ୍ଣ+୨୩ମିନି ଅଙ୍ଗନବାଡ଼ି ) ରହିଛି। ସମସ୍ତ ଅଙ୍ଗନବାଡ଼ି କେନ୍ଦ୍ର ମାଧ୍ୟମରେ ପୁଷ୍ଟିକର ଖାଦ୍ୟ ପାଉଥିବା ଶିଶୁମାନଙ୍କ ସଂଖ୍ୟା ୯ହଜାର ୯୬୨ ବୋଲି ସ୍ଥାନୀୟ ସମ୍ବନୀତ ଶିଶୁ ବିକାଶ ଅଧିକାରୀ ନୀଳିମାରାଣୀ ମଣ୍ଡଳ କହିଛନ୍ତି। ତତ୍ ସହିତ ଗର୍ଭବତୀ ମହିଳା ଓ କିଶୋରୀଙ୍କ ସଂଖ୍ୟା ଯଥାକ୍ରମେ ( ୮୫୩ + ୨୬୬୨ ) ରହିଛି। ସରକାରଙ୍କ ପକ୍ଷରୁ ଯୋଗାଇ ଦିଆଯାଉଥିବା ପୁଷ୍ଟିସାର ଯୁକ୍ତ ଖାଦ୍ୟ ମଧ୍ୟରେ ପ୍ରତି ମାସରେ ଅଣ୍ଡା, ଛତୁ...

ବିପର୍ଯ୍ୟସ୍ତ ପ୍ରଶାସନିକ ବ୍ୟବସ୍ଥାରେ ତ୍ରୁଟି ଦାୟୀ କରି ଫରଓ୍ବାର୍ଡ ବ୍ଳକ ପକ୍ଷରୁ ଦାବିପତ୍ର ପ୍ରଦାନ  ସନ୍ତୋଷ କୁମାର ପଣ୍ଡାଙ୍କ ରିପୋର୍ଟ - ପୋଲସରା(ବ୍ରାହ୍ମ ମୁହୂର୍ତ୍ତ)୦୬/୦୬: ଗଞ୍ଜାମ ଜିଲ୍ଲାରେ ବିକାଶ ଯେଉଁ ମାତ୍ରାରେ ବଢିବା କଥା ସେହି ଅନୁଯାଇ ହୋଇ ନାହିଁ । ଗଞ୍ଜାମ ଜିଲ୍ଲାରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପ୍ରତିନିଧିତ୍ବ କରୁଛନ୍ତି । ଗଞ୍ଜାମ ଜିଲ୍ଲାରେ ଦୁର୍ନୀତି ବଢିବା ସହିତ ବ୍ଯବସ୍ଥାରେ ମଧ୍ଯ ବିଭ୍ରାଟ ଦେଖା ଦେଇଛି। ଆଇନ ଶୃଙ୍ଖଳା ବିପର୍ଯ୍ୟସ୍ତ, ଶିକ୍ଷା ବ୍ଯବସ୍ଥା ବିପର୍ଯ୍ଯସ୍ତ ହୋଇପଡିଛି। ବିଭିନ୍ନ ଦାବିରେ ଅଲ୍ ଇଣ୍ଡିଆ ଫରୱାର୍ଡ ବ୍ଲକ୍ ପକ୍ଷରୁ ଛତ୍ରପୁର ଅପର ବସଷ୍ଟାଣ୍ଡ ଠାରୁ ଏକ ଶୋଭାଯାତ୍ରା ବାହାରି ଜିଲ୍ଲାପାଳଙ୍କ କାର୍ଯ୍ଯାଳୟ ସମ୍ମୁଖରେ ପହଞ୍ଚି ବିକ୍ଷୋଭ ସହିତ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ଯରେ ଦାବିପତ୍ର ପ୍ରଦାନ କରାଯାଇଛି। ଏଆଇଏଫବି ଜିଲ୍ଲା ସାଧାରଣ ସମ୍ପାଦକ ସନ୍ତୋଷ କୁମାର ସାହୁ, କୋଷାଧ୍ୟକ୍ଷ ସପ୍ନେଶ୍ବର ପାଣିଗ୍ରାହୀ ଯୋଗେନ୍ଦ୍ର ସ୍ବାଇଁ ,ଜଗନ୍ନାଥ ପ୍ରଧାନ ପ୍ରମୁଖ ନେତୃତ୍ବ ନେଇଥିଲେ। ଏଆଇଏଫବି ଦେଇଥିବା ଅଭିଯୋଗ ଗୁଡିକ ହେଲା, ଗଞ୍ଜାମ ଜିଲ୍ଲାରେ ଶିକ୍ଷା ବ୍ଯବସ୍ଥାର ପରିବର୍ତ୍ତନ , ବିଭିନ୍ନ ସମୟରେ ଜାଲ୍ ସାର୍ଟିଫିକେଟ ଦେଇ ନିଯୁକ୍ତି ପାଇଥିବା ଶିକ୍ଷକ ଶିକ୍ଷୟିତ୍ରୀଙ୍କୁ ଚିହ୍ନଟ କରି ଆଇନଗତ କାର୍ଯ୍ଯାନୁଷ୍ଠାନ ଗ୍ରହଣ କରିବା। ଡିପିସି ଓ ଡିଇଓ କାର୍ଯ...

ଏସଡିସି ଉପଦେଷ୍ଟା ପ୍ରଦୀପ ମାଝୀ ଝରିଗାଁ ବ୍ଳକ ଗସ୍ତ ସମୟରେ ଏମିତି ସବୁ ହେଲା।  ଝରିଗାଁ ତା ୬/୬/୨୩ (ବ୍ରାହ୍ମ ମୁହୂର୍ତ୍ତ) ଆଗକୁ ଓଡ଼ିଶା ସରକାର ପାଇଁ ସାଧାରଣ ନିର୍ବାଚନ ବେଳ ଯେତିକି ପାଖେଇ ଆସୁଛି ଶାସକ ବିଜେଡି ଦଳରେ ସେତିକି ତପ୍ତରତା ଦେଖିବାକୁ ମିଳିଛି। ଏହି କ୍ରମରେ ଦେଖିବାକୁ ମିଳିଛି ଦକ୍ଷିଣ ଓଡ଼ିଶାର ଚର୍ଚ୍ଚାରେ ରହି ଆସିଥିବା ନେତା ତଥା ସ୍ୱତନ୍ତ୍ର ଉନ୍ନୟନ ପରିଷଦ ଉପଦେଷ୍ଟା ପୂର୍ବତନ ସାଂସଦ ଶ୍ରୀ ପ୍ରଦୀପ ମାଝୀଙ୍କ ନବରଙ୍ଗପୁର ଜିଲ୍ଲା ଗସ୍ତ। ମିଳିଥିବା ସୂଚନାନୁସାରେ ଶ୍ରୀମାଝୀ ଝରିଗାଁ ବ୍ଲକର ବିଭିନ୍ନ ଅଞ୍ଚଳକୁ ତୋଫାନି ଗସ୍ତ କରିଛନ୍ତି।   ଅଂଚଳବାସୀ ଙ୍କ ସମସ୍ୟା ବୁଝିବା ସହିତ ଗ୍ରାମ ଗୁଡିକରେ ଥିବା ଗ୍ରାମ ଠାକୁରାଣୀ ମନ୍ଦିର ମାନଙ୍କ ରେ ନଡ଼ିଆ ଭାଙ୍ଗି ପୂଜାର୍ଚନା କରିବା ସହ ମନ୍ଦିର ନବୀକରଣ ପାଇଁ ଓଡିଶା ସ୍ୱତନ୍ତ୍ର ଉନ୍ନୟନ ପରିଷଦ ପାଣ୍ଠି ରୁ ଆର୍ଥିକ ଅନୁଦାନ ପ୍ରଦାନ କରିଛନ୍ତି |ଆଦିବାସୀ, ହରିଜନ, ଗିରିଜନ, ମୂଳ ନିବାସୀ ମାନଙ୍କ ସର୍ବାଙ୍ଗୀନ ଉନ୍ନତି ସହ ସେମାନଙ୍କ ପରମ୍ପରା, ପର୍ବପର୍ବାଣି, ରୀତିନୀତି, ଧାର୍ମିକ ପ୍ରଣାଳୀ ସହ ମୌଳିକ ବୃତ୍ତି କୁ ବଂଚେଇ ରଖିବାକୁ ଅଂଚଳବାସୀ ଙ୍କୁ ପରାମର୍ଶ ଦେଇଛନ୍ତି |ଶ୍ରୀ ମାଝୀ ପ୍ରଥମେ ନିଜ ବାସ ଭବନ ରୁ ବାହାରି  ତେଲନଦୀ ପଞ୍ଚାୟତ ଓ ପରେ ଚିତାବେଡା ପଞ୍ଚାୟତରେ ପହଂଚି ଖ୍ରୀଷ୍ଟିୟ ପରିବାର ମାନଙ୍କୁ ସାକ୍ଷାତ ...

ପ୍ଲାଷ୍ଟିକ ମୁକ୍ତ ଅଭିଯାନ କାର୍ଯ୍ୟକ୍ରମ ଆରମ୍ଭ ।  ଜୟପୁର(ବ୍ରାହ୍ମ ମୁହୂର୍ତ୍ତ) -କୋରାପୁଟ ଜିଲ୍ଲା ଜୟପୁର ପୌରପାଳିକା ଏବଂ ଆଞ୍ଚଳିକ ପ୍ରଦୂଷଣ ବୋର୍ଡ଼ ଙ୍କ ଦ୍ୱାରା ମିଳିତ ଆନୁକୂଲ୍ୟରେ ପ୍ଲାଷ୍ଟିକ ମୁକ୍ତ ଅଭିଯାନ କାର୍ଯ୍ୟକ୍ରମ ଜୟପୁର ଠାରେ ଅନୁଷ୍ଠିତ ହୋଇଯାଇଛି । ଜୟପୁର ସହର ସ୍ଥିତ ପଞ୍ଚାନନ ମନ୍ଦିର ନିକଟରେ କୋରାପୁଟ ଆଞ୍ଚଳିକ ପ୍ରଦୂଷଣ ବୋର୍ଡ ର ସଦସ୍ୟ ଓ ଜୟପୁର ପୌରପାଳିକା ର ସମସ୍ତ ଅଧିକାରୀ ଏବଂ ସ୍ୱଚ୍ଛ ସାଥି ମାନେ ଏକତ୍ରିତ ହୋଇ ଆଜିର ଏହି କାର୍ଯ୍ୟକ୍ରମରେ ପ୍ରଥମେ ଶପଥ ପାଠ ଗ୍ରହଣ କରି କାର୍ଯ୍ୟକ୍ରମ ଆରମ୍ଭ କରିଥିଲେ । ପୌର ନିର୍ବାହୀ ଅଧିକାରୀ ଶ୍ରୀ ସିଦ୍ଧାର୍ଥ ପଟ୍ଟନାୟକଙ୍କ ନେତୃତ୍ୱରେ ଏହି କାର୍ଯ୍ୟକ୍ରମରେ ପୌର ଅଧ୍ୟକ୍ଷ ଶ୍ରୀ ନରେନ୍ଦ୍ର କୁମାର ମହାନ୍ତି,ପୌର ଉପାଧ୍ୟାକ୍ଷା ବି ସୁନିତା, ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଅରୁଣ ପାଢ଼ୀ,ଆଞ୍ଚଳିକ ପ୍ରଦୂଷଣ ବୋର୍ଡ ଅଧିକାରୀ ଶ୍ରୀ ଦିତେଶ ବିଶ୍ୱାଳ ଏବଂ ଜୟପୁର ପୌରପାକିକାର ସମସ୍ତ ୱାର୍ଡ କାଉନସିଲର ଏବଂ ସମସ୍ତ କର୍ମଚାରୀଙ୍କ ସମେତ ସମସ୍ତ ସ୍ୱଚ୍ଛ ସାଥି ମାନେ ମଧ୍ୟ ଉପସ୍ଥିତ ରହିଥିଲେ । ଆଞ୍ଚଳିକ ପ୍ରଦୂଷଣ ବୋର୍ଡ ଅଧିକାରୀ ଶ୍ରୀ ଦିତେଶ ବିଶ୍ୱାଳ ଉପସ୍ଥିତ ଥିବା ସମସ୍ତ ଜୟପୁର ପୌରପାଳିକା ସଦସ୍ୟ ମାନଙ୍କୁ କହିଥିଲେ ଯେ ଭାରତର  ଲୋକ ପ୍ରିୟ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦି ଙ୍କ ମିଶନ୍ ଲାଇଫ୍ ୨୦୨୨ ରୁ ୨୦୨୭ ମଧ୍ୟ...

ଇଭାଞ୍ଜଲିକାଲ୍ ଲୁଥରାନ୍ ଚର୍ଚ୍ଚରେ ଟ୍ରେନ ଦୁର୍ଘଟଣା ଗ୍ରସ୍ତଙ୍କ ପାଇଁ  ଶ୍ରଦ୍ଧାଞ୍ଜଳୀ ସହ ପ୍ରାର୍ଥନା  ଜୟପୁର(ବ୍ରାହ୍ମ ମୁହୂର୍ତ୍ତ) -କୋରାପୁଟ ଜିଲ୍ଲା ଜୟପୁର ସ୍ଥିତ ସ୍ଥାନୀୟ ଐତିହ୍ୟ ଜୟପୁର ଇଭାଞ୍ଜଲିକାଲ୍ ଲୁଥରାନ୍ ଚର୍ଚ୍ଚରେ ବାଲେଶ୍ଵର ଜିଲ୍ଲା ବାହାନଗା ଠାରେ କରମଣ୍ଡଳ ଏକ୍ସପ୍ରେସ ଟ୍ରେନ ଦୁର୍ଘଟଣାରେ ମୃତକଙ୍କ ଆତ୍ମାର ସଦଗତି ଏବଂ ବିଭିନ୍ନ ହସ୍ପିଟାଲରେ ଚିକିତ୍ସିତ ହେଉଥିବା ଆହତ ଯାତ୍ରୀମାନଙ୍କ ଆଶୁ ଆରୋଗ୍ୟ କାମନା ପାଇଁ ଏକ ପ୍ରାର୍ଥନା ସଭାର ଆୟୋଜନ କରାଯାଇଥିଲା। ଏବଂ ପ୍ରାର୍ଥନା ସଭା ପରେ ସମସ୍ତ ଖ୍ରୀଷ୍ଟିଆନ ଧର୍ମାବଲମ୍ବୀ ମାନେ କ୍ୟାଣ୍ଡେଲ୍ ଜାଳି ଶ୍ରଦ୍ଧାଞ୍ଜଳୀ ଅର୍ପଣ କରିଥିଲେ। ଏହି ପ୍ରାର୍ଥନା ସଭାକୁ ଜୟପୁର ଲୁଥରାନ ମଣ୍ଡଳୀର ଡିନ୍ ରେଭ୍ ହିମାଂଶୁ ଚାନ୍ଦ୍ ପରିଚାଳନା କରିଥିବା ବେଳେ ରେଭ୍ ନିର୍ମଳା ଖୋସଲା ସହଯୋଗ କରିଥିଲେ। ଏହି ପ୍ରାର୍ଥନା ସଭାରେ ଜୟପୁର ମଣ୍ଡଳୀର ପଞ୍ଚାୟତ ସଭାପତି ସୁଧାଂଶୁ ସିତାରାମ, ଉପସଭାପତି ତଥା ୫ ନମ୍ବର ୱାର୍ଡର କାଉନସିଲର ପ୍ରଣବ କିଶୋର ନାୟକ,ମଳୟ ଛିଞ୍ଚାଣି, ବରିଷ୍ଠ ନାଗରିକ, ଯୁବକ ସଭାପତି ସିଦ୍ଧାର୍ଥ ନାୟକ,ମିଖାଏଲ୍ ଟାକ୍ରୀ ଶ୍ରୀମତୀ ଅନିତା ନାୟକ, ସଞ୍ଜୟ ମହାନ୍ତି ପ୍ରମୁଖ ଉପସ୍ଥିତ ରହିଥିଲେ।

ଏସ୍ ଆର୍ ମଲ୍ ପରିସରରେରକ୍ତଦାନ ଶିବିର ଅନୁଷ୍ଠିତ। ଜୟପୁର(ବ୍ରାହ୍ମ ମୁହୂର୍ତ୍ତ) -କୋରାପୁଟ ଜିଲ୍ଲା ଜୟପୁର  ସହରର ଏସ୍ ଆର୍ ମଲ୍ ପରିସରରେ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ଏସ୍ ଆର୍ ମଲ୍ ମାଲିକ ଶ୍ରୀ ସୁବାଷ ରାଉତଙ୍କ ଆୟୋଜିତ ଶିବିରରେ ୧୦୫ ୟୁନିଟ ରକ୍ତ ସଂଗ୍ରହ ହୋଇଥିଲା । ବାଲେଶ୍ୱର ଜିଲ୍ଲାରେ  ନିକଟରେ ଘଟିଯାଇଥିବା ରେଳ ଦୁର୍ଘଟଣାରେ ଆହତ ହୋଇଥିବା ବ୍ୟକ୍ତି ମାନଙ୍କ ନିମନ୍ତେ ଏହି ରକ୍ତଦାନ ଶିବିର ଅନୁଷ୍ଠିତ ହୋଇଥିଲା । ଏହି ଶିବିର ରେ ପୁରୁଷ ବିଭାଗ ରୁ ୭୦ ୟୁନିଟ ଏବଂ ମହିଳା ବିଭାଗ ରୁ ୩୫ ୟୁନିଟ ଏହି ପରି ସର୍ବମୋଟ ୧୦୫ ୟୁନିଟ ରକ୍ତ ସଂଗ୍ରହ ହୋଇଥିଲା । ଶ୍ରୀ ସୁବାଷ ରାଉତ ଜୟପୁର ସହରର ଜଣେ ବଡ଼ ଉଦ୍ୟୋଗପତି ଏବଂ ଓଡିଶା କ୍ରିକେଟ ଇତିହାସର ଜଣେ ରଣଜିଟ୍ରୋଫି ଖେଳାଳୀ ଭାବେ ଜଣାଶୁଣା ବ୍ୟକ୍ତି ହୋଇଥିବା ହେତୁ,  ଆଜି ରକ୍ତଦାତା ମାନେ  ସ୍ୱଇଛାରେ ରକ୍ତଦାନ କରିଥିଲେ । ଏହା ୨୦୨୨ଏବଂ ୨୩ ର ସର୍ବାଧିକ ରକ୍ତ ସଂଗ୍ରହ ହୋଇଛି ବୋଲି ମେଡିକାଲ କତୃପକ୍ଷ କହିଥିଲେ ।ଏହି ଶିବିରରେ ସବୁବର୍ଗର ଲୋକ ଆସି ରକ୍ତଦାନ କରିଥିଲେ ଏବଂ ଗଣମାଧ୍ୟମର ପ୍ରତିନିଧି ମାନେ ମଧ୍ୟ ରକ୍ତଦାନ କରିଥିବା ଜଣା ପଡିଛି । ଏଥି ସହ ଜୟପୁର ରକ୍ତ ଭଣ୍ଡାରରେ ୧୦ ଗୋଟି, ଫାର୍ମା ଛାତ୍ରଙ୍କ ୧୭ ଏବଂ ଚିରଞ୍ଜୀବ ସଂସ୍କୃତିକ ସଂଗଠନ ପକ୍ଷରୁ ୨୦ ଟି ଜୟପୁର ବିଭିନ୍ନ ସ୍ଥାନରେ ସର୍ବମୋଟ ଆଜି ୧୫୨ ୟୁନିଟ ର...

କୁସୁମୀ ଗ୍ରାମରେ କବୀର ଜୟନ୍ତୀ ପାଳିତ  ବ୍ରାହ୍ମମୁହୂର୍ତ୍ତ ବ୍ୟୁରୋ -  ଝରୀଗାଁ 04/06/23 ନବରଙ୍ଗପୁର ଜିଲ୍ଲା ଝରିଗାଁ ବ୍ଲକ ଅନ୍ତର୍ଗତ କୁସୁମୀ ଗ୍ରାମ ଠାରେ ନବରଙ୍ଗପୁର ଜିଲ୍ଲା ମାନିକପୂରୀ  ପନକା  କବୀରପନ୍ଥି ସମାଜ ତରଫରୁ ସତ୍ୟ କବୀର ଙ୍କ ଜୟନ୍ତୀ ମହା ସମାରୋହ ରେ ପାଳିତ ହୋଇଯାଇଛି। ଜୟନ୍ତୀ ପାଳନ ଅବସରରେ ଜିଲ୍ଲା ର ଝରିଗାଁ ବ୍ଲକ ସମେତ ଉମରକୋଟ, ରାଇଘର , ଡ଼ାବୁଗାଁ , ପାପଡ଼ାହାଣ୍ଡି ଓ କୋଷାଗୁମୁଡ଼ା ବ୍ଲକ ର ବିଭିନ୍ନ ଗ୍ରାମ ରୁ କବୀରପନ୍ଥି ସମାଜର ଶ୍ରଦ୍ଧାଳୁଗଣ ଆସି ଯୋଗଦେଇଥିଲେ । ଜୟନ୍ତୀ ପାଳନ କାର୍ଯ୍ୟକ୍ରମ ସକାଳ ୭.୦୦ ଘଟିକା ଠାରୁ ଆରମ୍ଭ ହୋଇଥିଲା। ସକାଳ ୭.୦୦ ଟା ରୁ ୮.୦୦ ଗୁରୁ ମହିମା ପାଠ ମହନ୍ତ, ଦିୱାନ୍ ଓ ସନ୍ଥ ମାନଙ୍କ ଦ୍ଵାରା କରାଯାଇଥିଲା । ପରେ ମହିଳା ଓ ପୁରୁଷମାନେ କଳସ ଯାତ୍ରାରେ ଗ୍ରାମ ପରିକ୍ରମା କରିଥିଲେ ଓ ୧.୦୦ ଘଟିକା ସମୟ ରେ ଜଳ ଚୌଂକା ମହନ୍ତ ବେଣୁ ଦାସ ଓ ଦିୱାନ୍ ରମେଶ ଦାସ ଙ୍କ ଦ୍ଵାରା ସମାପନ ହୋଇଥିଲା। ପରେ କୁସୁମୀ କବୀର କୁଟୀର ଠାରେ ମହନ୍ତ ରାମଚନ୍ଦ୍ର ଦାସ,  ମହନ୍ତ ପ୍ରେମ ଦାସ, ମହନ୍ତ, ମହନ୍ତ ଗରିବ ଦାସ, ମହନ୍ତ ପ୍ରେମ ଦାସ, ମହନ୍ତ ଖଗ ଦାସ ଓ ମହନ୍ତ ବେଣୁ ଦାସ ଙ୍କ ଦ୍ଵାରା ପ୍ରବଚନ ପ୍ରଦାନ କରାଯାଇଥିଲା। ଅପରାହ୍ନ ୩.୦୦ ଟା ଠାରୁ କବୀର ସାହେବ୍ ଙ୍କ ଚୌକା ଆରତୀ ଖଗ ଦାସ ମହନ୍ତ ଓ ପୂର୍ଣ୍ଣ ଦାସ ଦିୱାନ୍ ଙ୍କ ଦ୍ଵାରା ସମ...

କୋଟି ହୃଦୟର ଦେବୀ ମାଁ ମଝିଘରିୟାଣୀ ଙ୍କ ମନ୍ଦିର ପ୍ରତିଷ୍ଠା ଜମାଦେଇପେଣ୍ଠ ଠାରେ ଅନୁଷ୍ଠିତ ହୋଇଯାଇଅଛି। ପ୍ରସାଦ ନାଥ ପାଲ୍ ଙ୍କ ରିପୋର୍ଟ-  ରାୟଗଡ଼ା(ବ୍ରାହ୍ମ ମୁହୂର୍ତ୍ତ ବ୍ୟୁରୋ) : ରାୟଗଡ଼ା ବ୍ଳକ ଅନ୍ତର୍ଗତ ଜେମାଦେଇପେଣ୍ଠ ଠାରେ ମାଁ ମଝିଘରିୟାଣୀ ମାଁଙ୍କ ନୂତନ ମନ୍ଦିର ସହ ମାଁ ମଝିଘରିୟାଣୀ ମାଁଙ୍କ ପ୍ରତିମୂର୍ତ୍ତି ପ୍ରତିଷ୍ଠା ଉତ୍ସବ ୫ ଦିନ ବ୍ୟାପୀ ଅନୁଷ୍ଠିତ ହୋଇଯାଇଛି।  ପାଞ୍ଚ ଦିନ ଧରି ଅନୁଷ୍ଠିତ ପ୍ରତିଷ୍ଠା ଉତ୍ସବରେ ରୀତିକାନ୍ତିର ସହ ୧୦୮ କଳସଯାତ୍ରାରେ ହଜାର ହଜାର ଶ୍ରଦ୍ଧାଳୁ ଯୋଗଦେଇଥିଲେ । ପ୍ରଥମ ଦିନରେ ଅଙ୍କୁରାପୋପଣ ଦୀକ୍ଷା ଗ୍ରହଣ, କଳସ ସ୍ଥାପନା, ଅଗ୍ନି ସ୍ଥାପନା, କୁଠ ସଂସ୍କାର ସ୍ଥାପନା, କୁଠ ସଂସ୍କାର ଯଜ୍ଞ ମଠପରେ ପୂଜାର୍ଚ୍ଚନା, ଦ୍ୱିତୀୟ ଦିନରେ ସ୍ତମ୍ଭପୂଜା, ବନଜାଗ, ଇନ୍ଦ୍ରଇଦ୍ରାଣୀପୁଜା, ଦୀକ୍ଷା ଗ୍ରହଣ ରତ୍ନମୁଦ, ସୂର୍ଯ୍ୟପୂଜା, କାରୁଶାଳା, ନ୍ୟାସ ହୋମ ଶେଷ ଦିନରେ ସୂର୍ଯ୍ୟପୂଜା, ଷୋଡଶ ଉପଚାର ପୂଜା, ଗୋ ପୂଜା, ଦେବତା ପ୍ରବେଶ, ମହାଧ୍ବକ ଉତ୍ତୋଳନ, ରତ୍ନମୁଦ ପୂଜା, ପାର୍ଶ୍ଵ ଦେବତା ସ୍ଥାପନ, ବିଗ୍ରହଙ୍କ ପ୍ରାଣ ପ୍ରତିଷ୍ଠା ସହ ପୂର୍ଣ୍ଣାହୂତି, ଗାଁ ବନ୍ଧନ, ପୁଷ୍ପଞ୍ଜଳି ଆଦି ବିଧିବଦ୍ଧ ଭାବେ ଅନୁଷ୍ଠିତ କରାଯାଇଥିଲା । ଏଥିସହ ସମସ୍ତ ଭକ୍ତମାନଙ୍କ ପାଇଁ ପ୍ରସାଦ ସେବନର ବ୍ୟବସ୍ଥା କରାଯାଇଥିଲା । ସମସ୍ତ ଶ୍ରଦ୍ଧାଳୁ ଭକ୍ତଗଣ ମାନଙ୍କ ସହଯୋଗରେ ଏହି ମ...

ମାଲକାନଗିରି/ବାଲିମେଳା (ବ୍ରାହ୍ମ ମୁହୂର୍ତ୍ତ):- ବେଙ୍ଗ କହେ ବେଙ୍ଗୁଲି ଲୋ ପୃଥିବୀ କ୍ଷଣ କ୍ଷଣେ ଆନ। ଏହି ଉକ୍ତି ଅନୁସାରେ ମଣିଷ ଜୀବନ ସଦା ସର୍ବଦା ପରିବର୍ତ୍ତନଶୀଳ । ମନୁଷ୍ୟର ଅଜସ୍ର ପରିଶ୍ରମ ଓ ଇଛାଶକ୍ତି ତାକୁ ଶ୍ରେଷ୍ଠ ରୁ ଶ୍ରେଷ୍ଠତର ପାଇଁ କର୍ତ୍ତବ୍ୟ ପଥରେ ଆଗେଇ ନେଇଥାଏ ପ୍ରବଳ ଇଚ୍ଛାଶକ୍ତି ସହିତ ।  ପରିସ୍ଥିତି ଯେ ପଙ୍କରେ ପଦ୍ମର ସମ୍ଭାବନା ସୃଷ୍ଟି କରିପାରେ ତାହା କେବଳ ଆଜି ନୁହେଁ ବରଂ ପ୍ରାଚୀନ କାଳରୁ ପ୍ରମାଣ ମିଳିଛି । ଅଦମ୍ୟ ସାହସ , ଅହରହ ଉଦ୍ୟମ , ଅକ୍ଲାନ୍ତ ପରିଶ୍ରମ , ଅବିରତ ସଂଘର୍ଷ କେବଳ ଦାରିଦ୍ର୍ୟର ବେଡି ଭାଙ୍ଗି ସମସ୍ତ ଘାତ ପ୍ରତିଘାତ କୁ ପଛରେ ପକାଇ ସ୍ବପ୍ନ ସାକାରରେ ସହାୟ ହୁଏ ତାହା ଆଜି ପ୍ରମାଣ କରିଛନ୍ତି ବାଲିମେଳା ବିଜ୍ଞାପିତ ଅଞ୍ଚଳ ପରିଷଦର ଓସିସି କଲୋନୀର ଚିନ୍ମୟ ଗୌଡ । ୧୨ନଂ ୱାର୍ଡ଼ର କୁନି ଗୌଡ଼ଙ୍କ ଏକ ମାତ୍ର ପୁଅ ଚିନ୍ମୟ ଯେତେବେଳେ ଦେଢ଼ ବର୍ଷ ବୟସର ହୋଇଥାଏ ସେତେବେଳେ ବାପା ବିପିନ୍ ଗୌଡ଼ ଘର ଛାଡି କୁଆଡ଼େ ଚାଲି ଯାଆନ୍ତି । ବହୁତ୍ ଖୋଜାଖୋଜି ପରେ ସୁଦ୍ଧା ବିପିନ୍ ଙ୍କ ସନ୍ଧାନ ମିଳେନି । ଦୁନିଆକୁ  ଆଖି ଖୋଲି ଦେଖିବା ପୂର୍ବରୁ , ସମାଜର ଚାଲି ଚଳଣିକୁ ବୁଝିବା ପୂର୍ବରୁ ବାପାଙ୍କ ଦୂରେଇ ଯିବାର ଦୁଃଖ ଓ ବାପାଙ୍କ ଅନୁଶାସନରୁ ବଞ୍ଚିତ ଚିନ୍ମୟ ଚଲାପଥରେ ପ୍ରତିବନ୍ଧକ ହୋଇ ପାରିଲା ନାହିଁ। ମାଆଙ୍କ ସ୍ନେହ , ଆଦର ଓ ଯତ୍ନରେ ଛୋଟରୁ ବଡ଼ ହୋଇ ଅ...

ସ୍ବେଚ୍ଛାସେବୀ ସଙ୍ଗଠନ ପକ୍ଷରୁ ବ୍ଳକ ଟପ୍ପର ସୋମନାଥ ପାତ୍ରଙ୍କୁ ସମ୍ବର୍ଦ୍ଧିତ। ସନ୍ତୋଷ କୁମାର ପଣ୍ଡାଙ୍କ ରିପୋର୍ଟ - ପୋଲସରା,ତା,୧/୦୬/୨୦୨୩/_ଚଳିତ ଦ୍ଵାଦଶ ଶ୍ରେଣୀ ପରୀକ୍ଷା ବିଜ୍ଞାନ  ପ୍ରକାଶିତ ଫଳାଫଳ ଅନୁସାରେ ଗଂଜାମ ଜିଲ୍ଲା ପୋଲସରା ବ୍ଳକର , ଜିଲୁଣ୍ଡା ଗ୍ରାମର ବାସିନ୍ଦା ସଞ୍ଜୟ କୁମାର ପାତ୍ର ଙ୍କ ସୁପୁତ୍ର, ସୋମନାଥ ପାତ୍ର ମୋଟ ୫୨୮,ଏ ଗ୍ରେଡ ମାର୍କ ରଖି ସମଗ୍ର ଗ୍ରାମ ସହିତ ପୋଲସରା  ବ୍ଳକ ସୁନାମ ଅର୍ଜନ କରିଛନ୍ତି ସେ ଗତ ୨୦୨୨-୨୩  ଶିକ୍ଷା ବର୍ଷରେ ପୋଲସରା ସ୍ଥିତ  ପ୍ରତିଷ୍ଠିତ ଶିକ୍ଷା କ୍ଷେତ୍ରରେ   କ୍ଷାତି ଅର୍ଜନ କରିଥିବା ପୋଲସରା ବିଜ୍ଞାନ ମହାବିଦ୍ୟାଳୟ ରେ  ଶିକ୍ଷା ଗ୍ରହଣ  କରିଥିଲେ ସୋମନାଥ ପାତ୍ର ଏକକ କୃତିତ୍ୱ ହାସଲ ଯୋଗୁଁ ସମଗ୍ର ପୋଲସରା ବ୍ଳକ ଜିଲ୍ଲା ସ୍ତରରେ ସୁନାମ ଅର୍ଜନ ହୋଇଥିବା କୁ ନେଇ ଆଜି ପୋଲସରା ବ୍ଳକର ସନ୍ତୋଷ କୁମାର ସ୍ବାଇଁ, ନାରାୟଣ ସାହୁ,  ଶଙ୍କର ର୍ଷଣ ପ୍ରଧାନ,ସିମାଞ୍ଚଳ ଡାକୁଆ, , କବିରାଜ ଗୌଡ଼, ଶଙ୍କର ପ୍ରଧାନ, ରବୀନ୍ଦ୍ର ବଢେଇ, ପ୍ରମୁଖ ଯୁବ ସ୍ଵେଚ୍ଛାସେବୀମାନେ ମିଳିତ ଭାବେ ସୋମନାଥ ପାତ୍ର  ବାସଗୃହ ଯାଇ ପିତା ମାତା ଓ ପରିବାର ସଦସ୍ୟଙ୍କ ଉପସ୍ଥିତିରେ ପୁଷ୍ପଗୁଚ୍ଛ ଓ ଉତ୍ତୋରିଅ ରେ ସମ୍ବର୍ଦ୍ଧତ କରିବା ସହ ଏବଂ ସ୍ବାମୀ ବିବେକାନନ୍ଦଙ୍କ ଫୋଟ ଚିତ୍ର ପ୍ରଦାନ କରିଥିବାକୁ ନେଇ ବୁଦ୍ଧିଜୀବ...