ବ୍ରାହ୍ମ ମୁହୂର୍ତ୍ତ ଖବରକାଗଜ

ପୋଲସରା ବିଜ୍ଞାନ ମହାବିଦ୍ୟାଳୟ ଏସ. ଏସ. ବି. ଅଧ୍ୟାପକ ଓ ଅଧ୍ୟାପିକା ମାନଙ୍କ ତରଫରୁ ଗ୍ରେଡ଼ ପେ ବୃଦ୍ଧି ଦାବୀ କୁ ନେଇ ନିରବ ପ୍ରତିବାଦ ସନ୍ତୋଷ କୁମାର ପଣ୍ଡାଙ୍କ ରିପୋର୍ଟ- ପୋଲସରା(ବ୍ରାହ୍ମ ମୁହୂର୍ତ୍ତ):- ଗଞ୍ଜାମ ଜିଲ୍ଲାର ପୋଲସରା ବିଜ୍ଞାନ ମହାବିଦ୍ୟାଳୟର ଏସ୍. ଏସ୍. ବି. ଅଧ୍ୟାପକ/ ଅଧ୍ୟାପିକାମାନଙ୍କ ତରଫରୁ ଗ୍ରେଡପେ  ବୃଦ୍ଧି ନିମନ୍ତେ ଜାତିର ପିତା ମହାତ୍ମା ଗାନ୍ଧୀଙ୍କ ଫଟୋ ଚିତ୍ର ନିକଟରେ ଏକ ନୀରବ ପ୍ରତିବାଦ ସଭା ଅନୁଷ୍ଠିତ ହୋଇଯାଇଅଛି। ସୂଚନା ଥାଉକି ରାଜ୍ୟ ସରକାରଙ୍କ ଉଚ୍ଚଶିକ୍ଷା ବିଭାଗ ଅଧିନରେ ଥିବା ରାଜ୍ୟ ପ୍ରବରଣ ମଣ୍ଡଳୀ ଦ୍ୱାରା ମନୋନୀତ ହୋଇ  ଏସ୍. ଏସ୍. ବି. ଅଧ୍ୟାପକ/ ଅଧ୍ୟାପିକା ମାନେ ୨୦୧୬ ମସିହା ରୁ ୪୬୦୦ ଗ୍ରେଡ ପେ ରେ କାର୍ଯ୍ୟରତ ଅଛନ୍ତି। ଏହି ଅଧ୍ୟାପକ ମଣ୍ଡଳୀ ଯୁକ୍ତ ୨, ଯୁକ୍ତ ୩ ଓ ପି. ଜି. ଶ୍ରେଣୀରେ ଅଧ୍ୟାପନା କରି ଆସୁଥିଲେ ମଧ୍ୟ ସେମାନଙ୍କୁ ପି. ଜି.ଟି. ଶିକ୍ଷକ ଅନୁପାତରେ ଦରମା ଦିଆଯାଉଅଛି, ଯାହାକି ଅତ୍ୟନ୍ତ ଦୁଃଖ ଓ ପରିତାପର ବିଷୟ । ତେଣୁ ଉକ୍ତ ବର୍ଗର ଅଧ୍ୟାପକ ବୃନ୍ଦ ନିଜର ପଦ ମର୍ଯ୍ୟାଦା ବଜାୟ ରଖିବା ସଙ୍ଗେ ସଙ୍ଗେ ସମାନ କାମକୁ ସମାନ ଦରମା ଦାବିରେ ଓ. ପି. ଏସ. ସି. ଦ୍ୱାରା ନିଯୁକ୍ତି ପ୍ରାପ୍ତ ଡିଗ୍ରୀ କଲେଜ ଅଧ୍ୟାପକ ପାଉଥିବା ୫୪୦୦ ଗ୍ରେଡ ପେ ହାରରେ ଦରମା ପ୍ରଦାନ ପାଇଁ ଦୀର୍ଘ ୨୬ ଦିନ ଧରି କଳା ବ୍ୟାଜ୍ ପରିଧାନ ପୂର୍ବକ ଶାନ୍ତିପୂ...

ସୁଦେଶ କୁମାର ଦୋରା - ମାଲକାନଗିରି (ବ୍ରାହ୍ମ ମୁହୂର୍ତ୍ତ ଜିଲ୍ଲା ସ୍ବତନ୍ତ୍ର ପ୍ରତିନିଧି) -: ମାଲକାନଗିରି ପୈାର ପରିଷଦ ଅଧୀନରେ ୧୯ଟି ଓ୍ବାର୍ଡ ରହିଥିଲା ବେଳେ ଏହାର ଜନସଂଖ୍ୟା ହେଉଛି ୩୯ ହଜାରରୁ ଉର୍ଦ୍ଧ୍ଵ। ଏହି ଜନସଂଖ୍ୟା ଅନୁପାତରେ ପ୍ରତିଦିନ ୫୦ ଲକ୍ଷ ଲିଟର ପାଣିର ଆବଶ୍ୟକତା  ରହିଛି। ଜନସ୍ୱାସ୍ଥ୍ୟ ବିଭାଗ ପକ୍ଷରୁ ସତୀଗୁଡା ଜଳ ଭଣ୍ଡାରରେ ଇଣ୍ଟେକ ନିର୍ମାଣ କରି ପାଇପ୍ ଲାଇନ୍ ଯୋଗେ ସହରର ଲୋକଙ୍କ ପାଇଁ ୧୫୦ଟି ଷ୍ଟାଣ୍ଡ ପୋଷ୍ଟ ଓ ଦୁଇ ହଜାର ଘରକୁ ପାନୀୟ ଜଳ ଯୋଗାଣ ନିମନ୍ତେ ପ୍ରତିଦିନ ୨୭ଲକ୍ଷ ୫୦ହଜାର ଲିଟର ପାଣି ସହର ବାସୀଙ୍କୁ ଯୋଗାଇ ଦିଆଯାଇଛି। ଏପରିକି ବହୁ ବର୍ଷ ତଳେ ସହରରେ ନିର୍ମାଣ କରାଯାଇଥିବା ଛୋଟ ପ୍ରକଳ୍ପର ପାଇପ୍ ଲାଇନ୍ ଯୋଗେ କେବେ ପାଣି ଆସୁଛି ତ କେବେ ପାଣି ଜମା ଆସୁନାହିଁ। ଯାହା ଫଳରେ ମାଲକାନଗିରି ସହରରେ ପାନୀୟ ଜଳଯୋଗାଣ ଘୋର ସଙ୍କଟ ଦେଖାଦେଇଥିବା ଲୋକମାନେ ଅଭିଯୋଗ କରିଛନ୍ତି। ନଳକୂପ ଓ ଷ୍ଟାଣ୍ଡ ପୋଷ୍ଟ ନିକଟରେ ପାନୀୟ ଜଳ ପାଇଁ ମହିଳାମାନେ ଗରା ବାଲତି ଧରି ଘଣ୍ଟା ଘଣ୍ଟା ଧାଡ଼ି ବାନ୍ଧି ରହିବା ସହିତ ପାଣି ପାଇଁ ପରସ୍ପର ସହିତ ପାଟିତୁଣ୍ଡ ଠେଲାପେଲା କରୁଥିବା ଦେଖିବାକୁ ମିଳିଛି। ଏପରି ପରିସ୍ଥିତିରେ ଜିଲ୍ଲା ପ୍ରଶାସନ ସହରବାସୀଙ୍କ ସମସ୍ୟା ପ୍ରତି ସଚେତନ ହୋଇ ତୁରନ୍ତ ସମାଧାନ ବାଟ ଫିଟାଇ ଲୋକଙ୍କ ପାଖରେ ସ୍ବଚ୍ଛ ପାନୀୟ ଜଳ ସମସ୍ୟା ସୁଧାରିବା ପାଇଁ ସ୍ଥାନୀୟ ଲ...

 ମହିଳା ଓ ଶିଶୁ ବିକାଶ ବିଭାଗ ଦ୍ଵାରା  ସ୍ବଚ୍ଛତା ହିଁ ସେବା ଦିବସ ପାଳିତ।   ୨୯/୦୯/୨୦୨୩ , ରାୟଗଡ଼ା(ବ୍ରାହ୍ମ ମୁହୂର୍ତ୍ତ ବ୍ୟୁରୋ) ସ୍ବଚ୍ଛତା ହିଁ ସେବା , ଅର୍ଥାତ୍ ନିଜ ଚତୁଃପାର୍ଶ୍ୱକୁ ସ୍ବଛ ଓ ପରିଷ୍କାର ପରିଚ୍ଛନ୍ନ ରଖିବା ହିଁ ଉତ୍ତମ ସେବା ଅଟେ। ମାନନୀୟ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦିଙ୍କ ଆହ୍ବାନରେ ଭାରତ ବର୍ଷରେ ସ୍ବଛ ଭାରତ ଅଭିଯାନ ଅକ୍ଟୋବର ୨ ତାରିଖ ରେ ଆରମ୍ଭ ହୋଇଥିଲା। ଏହି ଦିନ ଆମେ ଗାନ୍ଧୀ ଜୟନ୍ତୀ ପାଳିଥାଉ। ଗାନ୍ଧୀଜୀ ଥିଲେ ସ୍ବଚ୍ଛତା ପ୍ରେମୀ, ତାଙ୍କର  ଲକ୍ଷ୍ୟ ଥିଲା ସାରା ଭାରତକୁ ଆବର୍ଜନାରୁ ମୁକ୍ତ କରି ଏକ ସ୍ବଚ୍ଛ ଭାରତ ଗଠନ କରିବା  , ଏହି ମହତ ଉଦ୍ଦେଶ୍ୟକୁ ଆଗେଇ ନେବା ପାଇଁ ପ୍ରଧାନମନ୍ତ୍ରୀ ଏହାର ଶୁଭାରମ୍ଭ କରିଥଲେ। ସେହିଦିନଠାରୁ ପ୍ରତିବର୍ଷ ଅକ୍ଟୋବର ୨ ତାରିଖ କୁ ସ୍ବଚ୍ଛତା ଦିବସ ରୂପେ ପାଳନ କରାଯାଉଛି। ସୁସ୍ଥ ରହିବା ପାଇଁ ସ୍ବଚ୍ଛ ପରିବେଶ ନିହାତି ଆବଶ୍ୟକ। ଗାନ୍ଧୀଜୀଙ୍କୁ ପ୍ରକୃତ ଶ୍ରଦ୍ଧାଞ୍ଜଳି ଦେବା ସକାଶେ ଆଗେଇ ଆସିଛନ୍ତି ରାୟଗଡ଼ା ଜିଲ୍ଲାର ମହିଳା ଓ ଶିଶୁ ବିକାଶ ବିଭାଗ। ମହିଳା ଓ ଶିଶୁ ବିକାଶ ବିଭାଗ ର ଅଧିକାରୀ  ସିଡିପିଓ ଶ୍ରୀମତୀ ମୀନାକ୍ଷୀ ଦାସଙ୍କ ନେତୃତ୍ବରେ ରାୟଗଡ଼ାର ଭ୍ୟୁ ପଏଣ୍ଟ ରୁ ଆରମ୍ଭ ହୋଇ ଚେକାଗୁଡା ଅଙ୍ଗନବାଡ଼ି କେନ୍ଦ୍ରରେ ଶେଷ ହୋଇଥିଲା ଏହି ଅଭିଯାନ। ଶ୍ରୀମତୀ ଦାସଙ୍କ ସହ ପ୍ରୋଜେକ୍ଟ ର ସ...

ବଣୁଆ ହାତୀ ଗାଆଁ ମୁହାଁ , ଭୟରେ ଆଦିବାସୀ ଗ୍ରାମ ।     ଗୁଣପୁର : ୨୯/୯/୨୩ : (ବ୍ରାହ୍ମ ମୁହୂର୍ତ୍ତ) ଦୀର୍ଘ ଦିନର ବ୍ୟବଧାନ ପରେ ପୁଣି ଆଦିବାସୀ ଇଲାକାରେ ତାଣ୍ଡବ ଜାରି ରଖିଛନ୍ତି ଗଜରାଜ । ଏପରି ଏକ ଘଟଣା ଦେଖିବାକୁ ମିଳିଛି ରାୟଗଡ଼ା ଜିଲ୍ଲା ଗୁଣପୁର ବ୍ଲକ ଅନ୍ତର୍ଗତ ଭୀମପୁର ପଞ୍ଚାୟତର ମଲାପଦର ଗ୍ରାମରେ । ଦୁଇଟି ହାତୀ ଏହି ଅଞ୍ଚଳରେ ବିଚରଣ କରୁଥିବା ଦେଖିବାକୁ ମିଳିଛି । ଆଜି ସକାଳୁ ଏହି ହାତୀ ଦୁଇଟି ଭୀମପୁର ଗ୍ରାମର ପବନ ଶବର ,ବାନର ଶବର , ଲବି ଶବର  ଓ ରାୟଗଉ ଶବର ପ୍ରମୁଖଙ୍କ କପା ବାଡ଼ରେ ପଶି ବ୍ୟାପକ କ୍ଷତି ଘଟାଇଥିବା ସୂଚନା ମିଳିଛି । ହାତୀ ଭୟରେ ଏ ଅଞ୍ଚଳର ଜନସାଧାରଣ ଘରୁ ବାହାରକୁ ବାହାରିବାକୁ ଭୟ କରୁଛନ୍ତି । ଛାତ୍ରଛାତ୍ରୀ ସ୍କୁଲ ଯିବାପାଇଁ ମଧ୍ୟ ଅସୁବିଧା ହେଉଛି । ତେବେ ବନ ବିଭାଗ ଯଥାଶୀଘ୍ର ଏ ଅଞ୍ଚଳରୁ ହାତୀ ଦୁଇଟିକୁ ଅଭୟାରଣ୍ୟକୁ ଘଉଡାଇବା କିମ୍ବା ପ୍ରତିକାର ପାଇଁ ଦାବି ହେଉଛି  ଏବଂ ହାତୀଙ୍କ ଦ୍ଵାରା ହୋଇଥିବା କ୍ଷୟକ୍ଷତି ଶିଘ୍ର ବିଭାଗ ତରଫରୁ ଯୋଗାଇଦେବା ପାଇଁ  ଅନୁରୋଧ କରାଯାଇଛି । ତେବେ କୌଣସି ଅଘଟଣ ଘଟିବା ପୂର୍ବରୁ ଏହି ଗଜରାଜଙ୍କୁ ସୁରକ୍ଷିତ ଭାବେ ଏ ଅଞ୍ଚଳରୁ ଘଉଡାଇବା ପାଇଁ ଅଞ୍ଚଳବାସୀ ଦାବି ରଖିଛନ୍ତି ।

ମୌଳିକ ସମସ୍ୟା ସମାଧାନ ନ ହେଲେ ଭୋଟ ବର୍ଜନ କରିବେ ୨୨ ଖଣ୍ଡ ଗ୍ରାମବାସୀ ଝରିଗା(ବ୍ରାହ୍ମ ମୁହୂର୍ତ୍ତ) ୨୮/୯/୨୩  ନବରଙ୍ଗପୁର ଜିଲ୍ଲା ଝରିଗାଁ ବ୍ଲକ ଚକଲାପଦର ପଂଚାୟତର ୬ଟି ୱାର୍ଡର ୨୨ଟି ଗ୍ରାମରେ ରହୁଥିବା ଲୋକ ମାନେ ବିଭିନ୍ନ ସମସ୍ୟା ନେଇ ବାହାରକରମରି ଠାରେ ଆଜି ଏକ ବୈଠକ କରିଥିଲେ।ପିତାମ୍ବର ଗୋପାଳଙ୍କ ସଭାପତିତ୍ୱରେ ଅନୁଷ୍ଠିତ ବୈଠକରେ ୬ଟି ୱାର୍ଡର ୨୨ଟି ଉପାନ୍ତ ଗ୍ରାମର ମୁଖ୍ୟ ଲୋକ ମାନେ ଉପସ୍ଥିତ ରହିଥିଲେ।ବିଶେଷ କରି ୬ଟି ୱାର୍ଡ ର ୨୨ଟି ଗ୍ରାମ ବିଭିନ୍ନ ସମସ୍ୟା ଘେରରେ ରହିଥିବା ବେଳେ ପ୍ରଶାସନ ପକ୍ଷରୁ କୌଣସି ପଦକ୍ଷେପ ଗ୍ରହଣ କରୁନଥିବା ଅଭିଯୋଗ କରିଥିଲେ।୬ଟି ୱାର୍ଡର ୧୦ଟି ଗ୍ରାମରେ ବିଦ୍ୟୁତ ସେବା ନଥିବା ବେଳେ ୭ଟି ଗ୍ରାମରେ ପାନୀୟ ଜଳ ସମସ୍ୟା ଲାଗି ରହିଥିବା ଅଭିଯୋଗ କରିଛନ୍ତି।ସେହିପରି ୧୫ ଟି ଗ୍ରାମରେ ରାସ୍ତା ନଥିବା ନେଇ ଅଭିଯୋଗ କରିଛନ୍ତି।ପଂଚୟତର ନନ୍ଦନଚୂଆଁ ଗ୍ରାମରେ ପ୍ରଶାସନ ପକ୍ଷରୁ ନୂତନ ନଳକୂପ ଖନନ ହୋଇନଥିବା ବେଳେ ଜିତ୍ରୁପୋଡା,ଜାମକୋଟ,ଅଁଳାଝର,ଲଷ୍ମୀପୁର, କୁସୁମବାହଲ, ଘୁମରମୁଣ୍ଡା ଗ୍ରାମରେ ପ୍ରଶାସନ ପକ୍ଷରୁ ନଳକୂପ ଖନନ ହୋଇଥିବା ବେଳେ ପାନୀୟ ଉପଯୋଗୀ ନଥିବା ଅଭିଯୋଗ କରିଥିଲେ।ସେହିପରି ଜାମକୋଟ,ଜିତ୍ରୁପୋଡା,ଅଁଳାଝର,ଘୁମରମୁଣ୍ଡା,ଲଷ୍ମୀପୁର,ନନ୍ଦନଚୂଆ,କୁସୁମବାହଲ,ଚାର ଡଙ୍ଗରିଆପୋଡା,ରତାଲୁପଡା, ଟିକରପାଣି ଗ୍ରାମରେ ଆଜି ପର୍ଯ୍ୟନ୍ତ ପ୍ରଶାସନ ପକ୍ଷରୁ ବିଦ୍ୟ...

ପୋଲସରା ବିଜ୍ଞାନ ମହାବିଦ୍ୟାଳୟ ରେ, ଜାତୀୟ ସେବା ଯୋଜନା ପକ୍ଷରୁ ରକ୍ତଦାନ ଶିବିର ଅନୁଷ୍ଠିତ । ସନ୍ତୋଷ କୁମାର ପଣ୍ଡାଙ୍କ ରିପୋର୍ଟ- ପୋଲସରା 29.09.2023. ଗଞ୍ଜାମ ଜିଲ୍ଲା ପୋଲସରା ବିଜ୍ଞାନ ମହାବିଦ୍ୟାଳୟରେ ସେପ୍ଟେମ୍ବର 28. ତାରିଖ ଦିନ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଛି | ମହାବିଦ୍ୟାଳୟ ଅଧକ୍ଷ ଶ୍ରୀ ବନମାଳୀ ବେହେରାଙ୍କ ତତ୍ତ୍ଵବଧାନରେ ମହାବିଦ୍ୟାଳୟର  ଜାତୀୟ ସେବା ଯୋଜନା (ଏନ ଏସ ଏସ, ଏବଂ ଏନ ସି ସି ) ଜାତୀୟ ସମର ଶିକ୍ଷାର୍ଥୀ, ଯୁବ ରେଡ଼କ୍ରସ (ୟ. ର ଏସ ) ଓ ଆମ ଓଡିଶା ପକ୍ଷରୁ ମିଳିତ ଭାବେ ଏହି ରକ୍ତଦାନ ଶିବିର ଅନୁଷ୍ଠିତ ହୋଇ 43. ୟୁନିଟ ରକ୍ତ ସଂଗୃହିତ ହୋଇଛି |  ଏହି କାର୍ଯ୍ୟକ୍ରମକୁ ମହାବିଦ୍ୟାଳୟ ପରିଚାଳନା ସମିତି ସଭାପତି, ଶ୍ରୀ ଦୁର୍ଗାପ୍ରସଦ ମିଶ୍ର,  ପ୍ରଦୀପପ୍ରଜ୍ବଳନ ଉଦଘାଟନ କରିଥିଲେ | ମହାବିଦ୍ୟାଳୟ ଅଧକ୍ଷ ଶ୍ରୀ ବେହେରା ପ୍ରଥମେ  ରକ୍ତଦାନ କରି ମାନବ ସମାଜର ଆଗଧାଡିର ଜଣେ ସେବକ ଭାବେ ନିଜକୁ ଖୁସି ଅନୁଭବ କରିଥିଲେ | ପ୍ରାଧ୍ୟପକ, ପ୍ରମୋଦ କୁମାର ରଥ, ଏବଂ ସମସ୍ତ ଅଧ୍ୟାପକ ଅଧ୍ୟାପିକା, ସମସ୍ତ କର୍ମଚାରୀ ଓ ସମସ୍ତ ଛାତ୍ର, ଛାତ୍ରୀ ମାନଂକୁ ଉତ୍ସାହିତ କରିଥିଲେ ମହାବିଦ୍ୟାଳୟ, ଅଧ୍ୟାପକ, ବିରଞ୍ଚିନାରାୟଣ ରଥ, ବିଶ୍ୱନାଥ ଚୌଧୁରୀ, ଅନିଲ କୁମାର ଦାସ, କିଶୋର ଚନ୍ଦ୍ର ଜେନା,ବିଭୁତିଭୂଷଣ ସାହୁ, ଏବଂ ଦୀପକ ରଞ୍ଜନ ଜେନା, ଗୋପୀନାଥ ପାଣିଗ୍ରାହୀ, ଟୁ...

ଘାଟିରେ ଓଲଟିଲା ସ୍କୁଲ ବସ |ଜଣଙ୍କ ମୃତ୍ୟୁ ଘଟିଥିବା ବେଳେ 20ରୁ ଉର୍ଦ୍ଧ ଛାତ୍ରଛାତ୍ରୀ ଗୁରୁତର | ଝରୀଗାଁ(ବ୍ରାହ୍ମ ମୁହୂର୍ତ୍ତ ବ୍ୟୁରୋ) 27/09-ଉମରକୋଟ ଅଂଚଳରେ ଶୋକାକୁଳ ପରିବେଶ, ସ୍କୁଲର ପିଲାଙ୍କୁ ନେଇ ଯାଉଥିବା ସ୍କୁଲ ବସ୍ ଘାଟିରେ କେମିତି କାହିଁକି ଓଲଟିଲା ସେନେଇ ଆଲୋଚନା ପର୍ଯ୍ୟାଲୋଚନା ଜୋର୍ ଧରୁଛି। ସ୍କୁଲ  ଛାତ୍ରଛାତ୍ରୀ ମାନଙ୍କୁ ନେଇ ଚନ୍ଦାହାଣ୍ଡି ଅଭିମୁଖେ ବାହାରିଥିବା ବସ (ଗାଡି ନଂ OD 24 2979) ଭାରସାମ୍ୟ ହରେଇ ଘାଟି ଉପରେ ଓଲଟି ପଡିବାରୁ ଜଣେ ପିଟି ଶିକ୍ଷକଙ୍କ ମୃତ୍ୟୁ ଘଟିଥିବା ବେଳେ 20ରୁ ଉର୍ଦ୍ଧ ଛାତ୍ରଛାତ୍ରୀ ଗୁରୁତର ହୋଇ ଝରୀଗାଁ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଚିକିତ୍ସିତ ହେଉଥିବା ସୂଚନା ମିଳିଛି |ମିଳିଥିବା ସୂଚନା ମୁତାବକ, ଚନ୍ଦାହାଣ୍ଡି ଠାରେ ଛାତ୍ରଛାତ୍ରୀ ମାନଙ୍କ ଜିଲ୍ଲା ସ୍ତରୀୟ କ୍ରୀଡା ପ୍ରତି ଯୋଗିତାର ଆୟୋଜନ କରାଯାଇଥିଲା, ଯେଉଁ ପ୍ରତିଯୋଗିତା ରେ ଭାଗ ନେବା ପାଇଁ ଉମରକୋଟ ଅଂଚଳର ବିଭିନ୍ନ ସ୍କୁଲର ଛାତ୍ରଛାତ୍ରୀ ମାନେ ଏକ ବସରେ ଯାଉଥିଲେ |ହେଲେ ଚନ୍ଦାହାଣ୍ଡି ଘାଟି ଉପରେ ରେ ବସଟି ଭାରସାମ୍ୟ ହରେଇ ଓଲଟି ପଡିଥିଲା |ସୂଚନା ପାଇ ଝରୀଗାଁ ଅଗ୍ନିଶମ ବିଭାଗ, ଓ ଆମ୍ବୁଲାନ୍ସ ଘଟଣା ସ୍ଥଳରେ ପହଂଚି ଆହତ ଛାତ୍ରଛାତ୍ରୀ ମାନଙ୍କୁ ଉଦ୍ଧାର କରି ଝରୀଗାଁ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ଆଣି ଭର୍ତି କରିଥିବା ସୂଚନା ରହିଛି |ଦୁର୍ଘଟଣାରେ ଉମରକୋଟ ସ୍ୱାମୀ ବିବେକାନ...

ବିଜେପି ପକ୍ଷରୁ 'ମୋ ମାଟି ମୋ ଦେଶ' କାର୍ଯ୍ୟକ୍ରମ।  ବୈାଦ୍ଧ(ବ୍ରାହ୍ମ ମୁହୂର୍ତ୍ତ ବ୍ୟୁରୋ):- ଜିଲ୍ଲାର ବୈାଦ୍ଧ ସଦର ବ୍ଲକ ରକ୍ସl ଗ୍ରାମପଞ୍ଚାୟତ  ମହେଶ୍ୱରପିଣ୍ଡା, ଅମୁର୍ଡlଓ  ଚଉଁରିଆପଦର୍  ଗ୍ରାମ ମାନଙ୍କରେ," ମୋ ମାଟି ମୋ ଦେଶ" କାର୍ଯ୍ୟକ୍ରମ ଘରକୁ ଘର ବୁଲି ମାଟି ସଂଗ୍ରହ କଳସ ଯାତ୍ରା ଅନୁଷ୍ଠିତ ହୋଇଥିଲା। ଗ୍ରାମମାନଙ୍କରେ ସୁବ୍ୟବସ୍ଥିତ ଭାବରେ ସମସ୍ତ ଜନସାଧାରଣ ଏକ ବିଶେଷ ପଟୁଆରରେ ଘରକୁ ଘର ବୁଲି ଗ୍ରାମ ମାନଙ୍କରେ ଥିବା ସ୍ଵାଧୀନତା ସଂଗ୍ରାମୀ ମାନଙ୍କ ବଂଶଧର ଉତ୍ତରାଧିକାରୀ ମାନଙ୍କୁ ସମ୍ମାନିତ କରିବା ସହିତ  ସହିଦ ସ୍ଵାଧୀନତା ସଂଗ୍ରାମୀ  ସର୍ବସ୍ରୀ ବଂଶୀଧର ଦାଶ, ପୂର୍ଣ୍ଣଚନ୍ଦ୍ର ପଶାୟତ, ସାନୁ ସିଂହ ଙ୍କ ଫୋଟୋ ଚିତ୍ର ରେ ମାଲ୍ୟାର୍ପଣ  କରି ତାଙ୍କର ଦେଶ ଭକ୍ତିକୁ ସମସ୍ତେ ମନେପକାଇ ଶ୍ରଦ୍ଧାଂଜଳି ପ୍ରଦାନ କରିଥିଲେ ।         ଆଜିର ଏହି ତିନୋଟି ଗ୍ରାମ ମାନଙ୍କରେ ହୋଇଥିବା କାର୍ଯ୍ୟକ୍ରମରେ ବିଜେପି ମଣ୍ଡଳ ସଭାପତି ଶ୍ରୀ  ପଞ୍ଚମନ ଜଗଦଲାଙ୍କ ନେତୃତ୍ବରେ  ଜିଲ୍ଲା ବିଜେପି ସଭାପତି ଶ୍ରୀ ବିପ୍ର ଚରଣ ମହାନ୍ତି ଙ୍କ ସହିତ କଣ୍ଟାମାଳ ବିଧାନସଭାର ୨୦୧୯ ପ୍ରାର୍ଥୀ ତଥା ରାଜ୍ୟ ବିଜେପି  କାର୍ଯ୍ୟକାରିଣୀ ସଦସ୍ୟ ଶ୍ରୀ କହ୍ନlଇ ଚରଣ ଡାଙ୍ଗ ଉପସ୍ଥିତି ରେ ସମସ୍ତ କାର୍ଯ୍ୟକୁ ସମ୍ପନ୍ନ କରାଯାଇଥିଲା।  ...

ରାୟଗଡ଼ା ର କୁମ୍ଭିକୋଟା‌ ସେକ୍ଟର ରେ ପାଳିତ ହେଲା ପୋଷଣ ମାହା ।          ରାୟଗଡ଼ା/କୁମ୍ଭିକୋଟା: ରାୟଗଡ଼ା ଜିଲ୍ଲାର "ମହିଳା ଓ ଶିଶୁ ବିକାଶ ବିଭାଗ" ରାୟଗଡ଼ା ପ୍ରୋଜେକ୍ଟର କୁମ୍ଭିକୋଟା ସେକ୍ଟର ରେ ପାଳିତ ହେଲା ପୋଷଣ ମାହା।  ସେକ୍ଟର ସୁପରଭାଇଜର କ୍ରିଷ୍ଣାବେଣୀ ଲିମା ଙ୍କ ସହ ସେକ୍ଟର ଅନ୍ତର୍ଗତ ସମସ୍ତ ଅଙ୍ଗନବାଡ଼ି କର୍ମୀ, ଗର୍ଭବତୀ ଓ ପ୍ରସୂତି, କିଶୋର/କିଶୋରୀ ଓ ଶିଶୁ ଯୋଗ ଦେଇଥିଲେ। ଆଲୋଚ୍ୟ ପ୍ରସଙ୍ଗର ୫ଟି ସୂତ୍ର ହେଲା ପ୍ରଥମ ପର୍ଯ୍ୟାୟରେ ୧୦୦୦  ଦିନର ଗୁରୁତ୍ବ ଦ୍ବିତୀୟରେ ପୃଷ୍ଟିକର ଖାଦ୍ୟ ତୃତୀୟରେ ରକ୍ତହୀନତା କୁ ରୋକିବା ଚତୁର୍ଥରେ ଡାଇରିଆ କୁ ରୋକିବା ପଞ୍ଚମରେ ପରିଷ୍କାର ପରିଚ୍ଛନ୍ନତା ଗୁରୁତ୍ୱପୂର୍ଣ୍ଣ ଅଟେ । ଗର୍ଭାବସ୍ଥା ରୁ ଆରମ୍ଭ ହୋଇ ଶିଶୁ କୁ ୨ବର୍ଷ ହେବାଯାଏଁ ୧୦୦୦ ଦିନ ର ସମୟ କାହିଁକି ଗୁରୁତ୍ବପୂର୍ଣ୍ଣ ତାହା ବୁଝାଯାଇଥିଲା। ମହିଳା ଓ ଶିଶୁ ଙ୍କ ସ୍ବାସ୍ଥ୍ୟ ଓ ପୃଷ୍ଟି ର ଯତ୍ନ କିପରି ନେବେ କୁହାଯାଇଥିଲା। ସ୍ବାସ୍ଥ୍ୟ ପୃଷ୍ଟି ରେ ଅବହେଳା ହେଲେ ବିକାଶ ରେ ବାଧାପ୍ରାପ୍ତ ହୁଏ । ଏଣୁ ପୋଷଣ କିପରି ଭାବରେ ଏକ ସ୍ବାସ୍ଥ୍ୟବାନ ଶରୀର  ପାଇଁ ଆବଶ୍ୟକ ତାହା ସଂକ୍ଷେପରେ ବୁଝାଇଥିଲେ ଉପସ୍ଥିତ କର୍ମକର୍ତ୍ତାମାନେ।ରାୟଗଡ଼ା ରୁ ଦୁର୍ଗା ପ୍ରସାଦ ମାଣ୍ଡାଙ୍ଗି ଙ୍କ ରିପୋର୍ଟ ବ୍ରାହ୍ମ ମୁହୂର୍ତ୍ତ

 ଗୁଣପୁର ବ୍ଳକ ଜଗନ୍ନାଥପୁର ହସ୍ପିଟାଲରେ କାଣି ବିଲେଇର ଗେରସ୍ତ ପଣିଆ ପାଇଁ ହଇରାଣ ହେଉଛନ୍ତି ରୋଗୀ  ଗୁଣୁପୁର ( ବ୍ରାହ୍ମ ମୁହର୍ତ୍ତ ):- ରାୟଗଡା ଜିଲ୍ଲା ଗୁଣୁପୁର ବ୍ଳକ ଅନ୍ତର୍ଗତ ଜଗନ୍ନାଥପୁର ମେଡିକାଲର ଅବ୍ୟବସ୍ଥା ଦିନକୁ ଦିନ ବଡ଼ିବାରେ ଲାଗିଛି l ଶୁଣିବାକୁ ମିଳେ ଏଠାରେ କୁଆଡେ ଦୀର୍ଘ ସମୟ ଧରି ହସ୍ପିଟାଲରେ କାର୍ଯ୍ୟରତ ଗୋଟିଏ କାଣି ବିଲେଇ ତା'ର ସାଥୀ ମାନଙ୍କ ସହିତ ମିଶି ସାଧାରଣ ଲୋକଙ୍କ ସେବା କରିବା ସ୍ଥାନରେ କୁଆଡେ ସବୁବେଳେ ହଇରାଣ ହରକତ କରୁଥିବା ଲୋକମାନେ ଅଭିଯୋଗ କରିଛନ୍ତି। ମୃତ୍ୟୁ ପ୍ରମାଣପତ୍ର ହେଉ କିମ୍ବା ଜନ୍ମ ପ୍ରମାଣପତ୍ର ପାଇଁ ମାସ ମାସ ଅପେକ୍ଷା କରିବାକୁ ପଡୁଛି l ଏହି ଜଗନ୍ନାଥପୁର ମେଡିକାଲ ଉପରେ ଟଲଣ, ଭିମୁପୁର,ଗୋଠଳପଦର ଏପରି ବିଭିନ୍ନ ପଞ୍ଚାୟତର ପାଖାପାଖି ଦଶ ହଜାରରୁ ଉର୍ଦ୍ଧ୍ବ  ଲୋକେ ନିର୍ଭର କରିଥାନ୍ତି। ସରକାରୀ ବାବୁମାନେ ନିଜ ଗେରସ୍ତ ପଣିଆର ଅଧିକାର ନିରୀହ ଲୋକମାନଙ୍କ ଉପରେ ଦେଖାଇ ଗୋଟିଏ କାମ ପାଇଁ ବାରମ୍ବାର ଦଉଡାଇବା ଅତ୍ୟନ୍ତ ଦୁଃଖଦ ଖବର ବୋଲି ସାଧାରଣରେ ଆଲୋଚନା ହେଉଛି। ଯେଉଁଥିପାଇଁ ଲୋକଙ୍କୁ ବିଭିନ୍ନ ସମୟରେ ଅଯଥା ହଇରାଣ ହେବାକୁ ପଡୁଥିବା ଲୋକମାନେ ଅଭିଯୋଗ କରିଛନ୍ତି। ବହୁ ଦୂର ଦୁରାନ୍ତରୁ ଲୋକେ ବିଭିନ୍ନ ପ୍ରକାରର ପ୍ରମାଣପତ୍ର ପାଇଁ ଏଠାକୁ ଆସି ନିରାଶ ହେଇ ଫେରିବାକୁ ବାଧ୍ୟ ହେଉଛିନ୍ତି l ସରକାରଙ୍କ ବିକଶିତ ଜନ ହିତକାରୀ ଯୋଜନା ...

ଅଲ୍ ଓଡିଶା ଜେଲ୍ କର୍ମଚାରୀ ସଂଘର ଆମରଣ ଅନଶନ    ଗୁଣପୁର :( ବ୍ରାହ୍ମ ମୁହୂର୍ତ୍ତ) : ଦିନରାତି କଏଦୀ ମାନଙ୍କ ଦେଖାରଖା କରୁଥିବା ଜେଲ କର୍ମଚାରୀ ଏବେ ଆମରଣ ଅନଶନ ଜାରି ରଖିଛନ୍ତି । ଦୀର୍ଘ ଦିନ ହେଲା ସରକାର ଓ ଡ଼ିଜିଙ୍କ ନିକଟରେ କେତେକ ଦାବି ରଖିଥିଲେ ମଧ୍ୟ ଅତ୍ୟାଵଧି ତାହା ପୂରଣ ହୋଇପାରିଲା ନାହିଁ । ଦୀର୍ଘ ଛଅ ମାସ ତଳେ ଡ଼ିଜିଙ୍କ ନିକଟରେ ଜେଲ କର୍ମଚାରୀ ସଂଘ ପାଞ୍ଚଟି ଦାବି ଉପସ୍ଥାପନ କରିଥିଲା , ଏହି ଦାବି ଗୁଡ଼ିକ ପୂରଣ କରାଯିବ ବୋଲି ଆଶ୍ଵାସନା ମଧ୍ୟ ମିଳିଥିଲା । କିନ୍ତୁ ଦାବି ଗୁଡ଼ିକ ଫାଇଲ ତଳେ ଚାପିହୋଇ ରହିଯାଇଛି । ତେଣୁ ସେପ୍ଟେମ୍ବର ୧୩ ତାରିଖରୁ କଳା ବ୍ୟାଚ ପରିଧାନ କରି ଜେଲ କର୍ମଚାରୀ ମାନେ କାର୍ଯ୍ୟ କରୁଛନ୍ତି । ତଥାପି ସରକାର କି ତିଜିଙ୍କର ନିଦ ନ  ଭାଙ୍ଗିବାରୁ  ଆଜିଠାରୁ ସମସ୍ତ ଜେଲ କର୍ମଚାରୀ କାର୍ଯ୍ୟକରିବା ସହ ଆମରଣ ଅନଶନ ଜାରି ରଖିଛନ୍ତି । ଆଜି ଗୁଣପୁର ଉପ କାରାଗାର ଠାରେ ଗୁଣପୁର ଜେଲ କର୍ମଚାରୀ ସଂଘର ପାଞ୍ଚ ଦଫା ଦାବିରେ ଆମରଣ ଅନଶନ ଜାରି ରହିଛି । ଆଜିର ଏହି ଆମରଣ ଅନଶନ ସମ୍ପର୍କରେ ଆମେ କାରାରକ୍ଷି/ସଵ କମିଟି ଗୁଣପୁରର ସଭାପତି ବିଶ୍ଵନାଥ ପଣ୍ଡାଙ୍କ ପ୍ରତିକ୍ରିୟା ନେଇଥିଲୁ , ଶ୍ରୀ ପଣ୍ଡାଙ୍କ କହିବା ଅନୁସାରେ  ତାଙ୍କର ମୂଖ୍ୟ ପାଞ୍ଚଗୋଟି ଦାବି ମଧ୍ୟରେ ରହିଛି । ଗ୍ରେଡ ପେ ଟ ୧୯୦୦/- ରୁ  ଟ ୨୦୦୦/_(କାରାରକ୍ଷି) ଓ ଟ ୨୦୦୦/ ...

ବାଉଁଶୁଣୀ ଥାନାରେ ନୂତନ ଆଇଆଇସି ଙ୍କୁ ସାକ୍ଷାତ କଳା ୱେବ୍ ମିଡିଆ ସଂଘ ଓ ବିଭିନ୍ନ ସମସ୍ୟା ଉପରେ ଆଲୋଚନା କରିଥିଲେ ।   ବୌଦ୍ଧ(ବ୍ରାହ୍ମ ମୁହୂର୍ତ୍ତ): ୨୪/୯ : ବୌଦ୍ଧ ଜିଲ୍ଲା ବାଉଁଶୁଣୀ ଥାନାରେ ନୂତନ ଆଇଆଇସି ଭାବରେ ଅଞ୍ଜଳୀ ବିଶ୍ୱାଳ ଗତ ସୋମବାର ଯୋଗଦାନ କରିଛନ୍ତି । ନୂତନ ଥାନା ଅଧିକାରୀ ଅଞ୍ଜଳି ବିଶ୍ବାଳଙ୍କୁ ଆଜି ବୌଦ୍ଧ ଜିଲ୍ଲା ୱେବ୍ ମିଡିଆ ସଂଘର ସମ୍ପାଦକ ପ୍ରଶାନ୍ତ କୁମାର ପ୍ରଧାନଙ୍କ ତତ୍ତ୍ଵାବଧାନରେ ସମସ୍ତ ୱେବ୍ ମିଡିଆ ସଂଘର ସାମ୍ବାଦିକ ସାକ୍ଷାତ କରିବା ସହ ସ୍ଥାନୀୟ ଅଞ୍ଚଳର ସମସ୍ତ ସମସ୍ୟାକୁ ସୁଧାରିବା ନେଇ ଆଲୋଚନା କରିଥିଲେ ।ପ୍ରାୟ ଏକ ବର୍ଷ ଧରି ବାଉଁଶୁଣୀ ଥାନାରେ  ଆଇଆଇସି ପଦବୀ ଖାଲି ରହିଥିଲା l  ଆଇଆଇସି ଥିବା ସୁବାଷ ଚନ୍ଦ୍ର ରାୟଗୁରୁଙ୍କ ବଦଳି ହେବା ପରେ ସବ୍ ଇନ୍ସପେକ୍ଟର ସସ୍ମିତା ମଗର, ଅରୁଣ ସିଂ ଓ ବିକ୍ରମ ଦେହୁରୀ କିଛି ମାସ ଲେଖାଏଁ ଭାରପ୍ରାପ୍ତ ଅଧିକାରୀ ଭାବରେ ଦାୟୀତ୍ବ ନିର୍ବାହ କରିଥିଲେ | ବାଉଁଶୁଣୀ ବୌଦ୍ଧ ଜିଲ୍ଲାର ଏକ ପ୍ରମୁଖ ଅଂଚଳ ହୋଇଥିବା ଦୃଷ୍ଟିରୁ ନୂତନ ଆଇଆଇସି ଭାବରେ ଅଞ୍ଜଳୀ ବିଶ୍ୱାଳ ଯୋଗଦାନ କରିବା ପରେ ଥାନା ଅଞ୍ଚଳରେ ଆଇନ ଶୃଙ୍ଖଳା ପରିସ୍ଥିତି, ଅପରାଧ ଓ ବାଉଁଶୁଣୀ ଅଞ୍ଚଳରେ କଡାକୁଡ଼ି ପେଟ୍ରୋଲିଂ ବ୍ୟବସ୍ଥା ଓ ଟ୍ରାଫିକ ସମସ୍ୟାରେ ସୁଧାର ଆସିବ ବୋଲି ଜନସାଧାରଣ ଆଶା କରିଛନ୍ତି | ଆଜିର ଏହି ସାକ୍ଷାତ ସମୟରେ ସଂଘର ସଭାପତି ଅକୁର...

ବଜ୍ରାଘାତରେ ମହିଳା ମୃତ ଅଞ୍ଚଳରେ ଶୋକାକୁଳ ପରିବେଶ ଝରୀଗାଁ(ବ୍ରାହ୍ମ ମୁହୂର୍ତ୍ତ ବ୍ୟୁରୋ)  /09-ଆଜି ଅପରାହ୍ନ ସମୟରେ ବର୍ଷା ସାଙ୍ଗକୁ ଘଡଘଡି ଯୋଗୁଁ ବଜ୍ରାଘାତରେ ଜଣେ ମହିଳାଙ୍କ ମୃତ୍ୟୁ ହୋଇଥିବା ସୂଚନା ମିଳିଛି |ମିଳିଥିବା ସୂଚନା ପ୍ରକାରେ ଝରୀଗାଁ ବ୍ଲକ ବକଡାବେଡା ପଞ୍ଚାୟତ ଅନ୍ତର୍ଗତ ଟେଣ୍ଡକାଗୁଡା ଗ୍ରାମର କୁଳଧର ଭତରାଙ୍କ ସ୍ତ୍ରୀ ନବୀନା ଭତରା (35) ଆଜି ସକାଳେ ଗ୍ରାମର ଦୁଇ ମହିଳାଙ୍କୁ ସାଙ୍ଗରେ ଧରି ନିଜ ଜମିକୁ ଘାସ ବାଛିବାକୁ ଯାଇଥିଲେ |ଅପରାହ୍ନ 4ଘଂଟିକା ସମୟରେ ବର୍ଷା ସାଙ୍ଗକୁ ଜୋର ଘଡଘଡି ହୋଇଥିଲା |ବର୍ଷା ସାଙ୍ଗକୁ ଘଡଘଡି ହେଉଥିବାରୁ ସାଙ୍ଗରେ ଯାଇଥିବା ଦୁଇ ମହିଳା ତରବରିଆ ହୋଇ ଘରକୁ ଫେରିଯାଇଥିବା ବେଳେ ନମିନା ଭତରା ପଛରେ ଆସୁଥିଲେ | ନବରଙ୍ଗପୁର -ଉମରକୋଟ ମୁଖ୍ୟ ରାଜପଥ ରେ ପୂର୍ଲାଛକ ନିକଟରେ ପହଂଚିଥାନ୍ତି କି ହଠାତ ତାଙ୍କ ଉପରେ ଚଡକ ପଡିଯିବାରୁ ଘଟଣା ସ୍ଥଳରେ ହିଁ ମୃତ୍ୟୁ ହୋଇଥିବା ସୂଚନା ମିଳିଛି |ଖବର ପାଇ ଉମରକୋଟ ପୋଲିସ ଘଟଣା ସ୍ଥଳରେ ପହଂଚି ଶବ ଜବତ କରିବା ସହ ବ୍ୟବଚ୍ଛେଦ ପାଇଁ ଡାକ୍ତରଖାନା ପଠେଇଥିବା ସୂଚନା ରହିଛି |

ଗୁଣୁପୁର ମହାବିଦ୍ୟାଳୟ ଜାତୀୟ ସେବା ଯୋଜନା ଦ୍ୱାରା ୨୨ ୟୁନିଟ୍ ରକ୍ତ ସଂଗୃହୀତ ।      ଗୁଣୁପୁର(ବ୍ରାହ୍ମ ମୁହୂର୍ତ୍ତ ବ୍ୟୁରୋ) : ୨୩/୯/୨୩ : ଆଜି ଗୁଣପୁର ମହାବିଦ୍ୟାଳୟର ଜାତୀୟ ସେବା ଯୋଜନା ଶାଖା ନଂ ୧ ଓ ୨  ଦ୍ବାରା ଆଜି ଗୁଣପୁର ରକ୍ତ ଭଣ୍ଡାରଠାରେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମକୁ ମହାବିଦ୍ୟାଳୟର ଅଧ୍ୟକ୍ଷ ଡଃ ଶଶୀ ଭୂଷଣ ମହାନ୍ତି ଉଦ୍ଘାଟନ କରିଥିବା ବେଳେ ଜାତୀୟ ସେବା ଯୋଜନାର କାର୍ଯ୍ୟକ୍ରମ ଅଧିକାରି ସୁଶ୍ରୀ ଦେବୀଶ୍ରୀ ମହାପାତ୍ର ଏହି ଶିବିରକୁ ପରିଚାଳନା କରିଥିଲେ । ଏହି ଶିବିରରେ ୨୨ ୟୁନିଟ୍ ରକ୍ତ ସଂଗ୍ରହ କରାଯାଇଥିଲା । ରକ୍ତ ଭଣ୍ଡାରର ଡଃ ଅଶ୍ଵିନୀ ଦାସ, ଲ୍ୟାବ ଟେକ୍ନିସିଆନ ସୁରୁଚିରାଣୀ ପ।ତ୍ର ଓ ଚନ୍ଦ୍ର ଶେଖର ପାତ୍ର ଉପସ୍ଥିତ ରହି ଜାତୀୟସେବା ଯୋଜନାର ସ୍ୱେଚ୍ଛାସେବୀଙ୍କ ଠାରୁ ରକ୍ତ ସଂଗ୍ରହ କରିଥିଲେ । ଜାତୀୟ ସେବା ଯୋଜନାର ଉପଦେଷ୍ଟା ଡକ୍ଟର ସୂର୍ଯ୍ୟନାରାୟଣ ପଣ୍ଡା ଓ ଅଧ୍ୟାପକ  ତାମିଲା ପାରାସେଟ ଉପସ୍ଥିତ ରହି ସ୍ୱେଚ୍ଛାସେବୀଙ୍କୁ ଉତ୍ସାହିତ କରିଥିଲେ । ରାହୁଲ,ପ୍ରଭାକର, ବିଷ୍ନୁ,ଦୀନେଶ,ସାଗର, ସମୀର,ରଞ୍ଜନ,ରୋହିତ୍ ରଞ୍ଜନ, ରାଜା, ଶେଖର, ହେମନ୍ତ, ନିରଞ୍ଜନ,ଧର୍ମେନ୍ଦ୍ର ,କୃଷ୍ଣ ,ରବୀନ୍ଦ୍ର,ସଂଗ୍ରେସ,ପ୍ରମୁଖ ରକ୍ତ ଦାନ କରିଥିଲେ ।

ତେଲିଆ ମୁଣ୍ଡରେ ତେଲ-  ଝରିଗାଁ ବ୍ଳକ କର୍ମଚାରୀଙ୍କ ପାଖରେ ଦୁଇ ଦୁଇଟା ଆବାସ ! ରାମଦାସ ଭତ୍ରାଙ୍କ ରିପୋର୍ଟ- ଝରୀଗାଁ/ନବରଙ୍ଗପୁର (ବ୍ରାହ୍ମ ମୁହୂର୍ତ୍ତ):- କଥାରେ ଅଛି ସତ ଦେଖି ଦେଖେଇଲେ କେତେବେଳେ କାହାର କ'ଣ ସବୁ ହୋଇଯାଉଛି ?? ସେହିପରି ଢଙ୍ଗରେ ଦେଖିବାକୁ ମିଳେ ଝରିଗାଁ ବ୍ଳକ କର୍ମଚାରୀଙ୍କ କ୍ଷେତ୍ରରେ। ଏଠାରେ ଗରିବ ଗୁରୁବା ମାନଙ୍କ ମୁଣ୍ଡ ଉପରେ ଚାଳ ନଥିବା ବେଳେ ବ୍ଳକ କାର୍ଯ୍ୟାଳୟ ସରକାରୀ କର୍ମଚାରୀ ମାନଙ୍କୁ ମିଳୁଛି ଦୁଇ ଦୁଇଟି ଲେଖାଏଁ ଇନ୍ଦିରା ଆବାସ ଯୋଜନା ଏହା କେମିତି ସମ୍ଭବ ତା'ର ତଦନ୍ତ ହିଁ ଆବଶ୍ୟକ ବୋଲି ଲୋକେ ଅଭିଯୋଗ କରିଛନ୍ତି। ତେବେ ଆସନ୍ତୁ ଚିହ୍ନନ୍ତୂ ଏହି ସରକାରୀ ଯୋଜନା ହଡପି ମାନଙ୍କ ପ୍ରକୃତ ପରିଚୟ କ'ଣ ହୋଇପାରେ !! ମିଳିଥିବା ସୂଚନା ଅନୁସାରେ ସରକାର ଗରିବ ଶ୍ରେଣୀର ଜନସାଧାରଣଙ୍କୁ ଘର ଖଣ୍ଡେ ଖଣ୍ଡେ ଯୋଗାଇ ଦେବା ଉଦେଶ୍ୟରେ ପ୍ରଧାନମନ୍ତ୍ରୀ ଗ୍ରାମୀଣ ଆବାସ ଯୋଜନା କରିଛନ୍ତି |ହେଲେ ସରକାରଙ୍କ ସବୁ ଯୋଜନା ଭଳି ଏହି ଯୋଜନା ମଧ୍ୟ ଝରୀଗାଁ ବ୍ଲକରେ ବାଟବଣା ହେଉଥିବା ଦେଖିବାକୁ ମିଳୁଛି |ପ୍ରକୃତ ହିତାଧିକାରୀ ମାନେ ଏହି ଯୋଜନାରୁ ବଞ୍ଚିତ ରହି ବର୍ଷ ବର୍ଷ ଧରି ଝାଟିମାଟି କୁଡ଼ିଆ ଓ ଜରି ଛାଉଣୀରେ ଜୀବନ ଅତିବାହିତ କରୁଥିବା ବେଳେ, ସରକାରୀ କର୍ମଚାରୀ, ଧନୀ ଓ ମଧ୍ୟମ ଶ୍ରେଣୀର ଲୋକେ ଘର ସବୁ ପାଉଛନ୍ତି |ଯାହାର ଏକ ଜ୍ୱଳନ୍ତ ଉଦାହରଣ ପାଲଟିଛନ୍ତି ଖୋଦ ଝରୀ...

 ରାୟଗଡ଼ା ଜିଲ୍ଲା ଗୁମ୍ମା ସେକ୍ଟରରେ ପାଳନ ହେଲା ରାଷ୍ଟ୍ରୀୟ ପୋଷଣ ମାସ ଗୁମ୍ମା/ରାୟଗଡ଼ା: (ବ୍ରାହ୍ମ ମୁହୂର୍ତ୍ତ) ଦୈନନ୍ଦିନ ଜୀବନରେ ସଠିକ ପୋଷଣ ରହିବା ନିହାତି ଆବଶ୍ୟକ। ପଛୁଆ ଶ୍ରେଣୀ ର ଲୋକଙ୍କ ପାଖରେ ପୋଷଣୀୟ ତଥ୍ୟ ପହଞ୍ଚାଇବାର କାର୍ଯ୍ୟଭାର ନେଇଛନ୍ତି ମହିଳା ଓ ଶିଶୁ ବିକାଶ ବିଭାଗ। ଗତ  ତା ୨୧/୦୯/୨୦୨୩ ରିଖ ଗୁରୁବାର ଦିନ ରାୟଗଡ଼ା ଜିଲ୍ଲା ରାୟଗଡ଼ା ପ୍ରୋଜେକ୍ଟ ର ଗୁମ୍ମା ସେକ୍ଟରର ଗୁମ୍ମା ସେଣ୍ଟରରେ ପାଳନ ହୋଇଛି ରାଷ୍ଟ୍ରୀୟ ପୋଷଣ ମାସ। ଉକ୍ତ ଦିବସରେ ସେକ୍ଟର ର ମଣ୍ଡଳ ପରିଦର୍ଶୀକା (ସୁପରଭାଇଜର) ଶ୍ରୀମତୀ କ୍ରିଷ୍ଣାବେଣୀ ଲିମାଙ୍କ ସହ ସେକ୍ଟର ଅନ୍ତର୍ଗତ ସମସ୍ତ ଅଙ୍ଗନବାଡ଼ି କେନ୍ଦ୍ରର ଅଙ୍ଗନବାଡ଼ି କର୍ମୀ ଙ୍କ ସହ ଗର୍ଭବତୀ  ଓ ପ୍ରସୂତି ମା, କିଶୋର/କିଶୋରି ଓ ଶିଶୁ ଯୋଗ ଦେଇଥିଲେ। ଉପସ୍ଥିତ ଥିବା ସମସ୍ତ ସଦସ୍ୟ ଙ୍କୁ  ନିତିଦିନିଆ ଜୀବନରେ ଉପୁଜୁଥିବା ଶାରୀରିକ ଅସୁସ୍ଥତା ର କାରଣ ସହ ପୋଷଣ ର ଉପକାରିତା ସଂପର୍କରେ ଅବଗତ କରାଯାଇଥିଲା। ପୃଷ୍ଟିକର ଖାଦ୍ୟ ଓ ପ୍ରୁଷ୍ଟିହୀନ ଖାଦ୍ୟ ମଧ୍ୟରେ ପାର୍ଥକ୍ୟ ବୁଝାଯାଇଥିଲା। ଦୁର୍ଗା ପ୍ରସାଦ ମାଣ୍ଡାଙ୍ଗି ଙ୍କ ରିପୋର୍ଟ ବ୍ରାହ୍ମ ମୁହୂର୍ତ୍ତ ‌।

ଗୁଡ଼ାରୀ/ରାୟଗଡା (ବ୍ରାହ୍ମ ମୁହୂର୍ତ୍ତ):- ଭାଦ୍ରବ ମାସ ଶୁକ୍ଳ ଚତୁର୍ଥୀ ତିଥିରେ ଧରାପୃଷ୍ଠକୁ ଓହ୍ଲାଇ ଆସନ୍ତି ଦେବତାଙ୍କ ମଧ୍ୟରେ ପ୍ରଥମ ଦେବ ଅଗ୍ରପୂଜ୍ୟ ମହାବିନାୟକ ଶ୍ରୀଗଣେଶ। ରାୟଗଡ଼ ଜିଲ୍ଲାର ବିଭିନ୍ନ ବ୍ଳକ ଅନ୍ତର୍ଗତ ଶିକ୍ଷାନୁଷ୍ଠାନ ଏବଂ ଗ୍ରାମର ଯୁବଗୋଷ୍ଠୀ ମଧ୍ୟରେ ଏହି ଭଳି ପୂଜା ପାର୍ବଣ ଆୟୋଜନ କରାଯାଇଥାଏ ବହୁ ଗାଆଁରେ। ଏହି କ୍ରମରେ ଦେଖିବାକୁ ମିଳିଥିଲା ଗୁଡ଼ାରୀ ବ୍ଳକ ଅନ୍ତର୍ଗତ    ଅସଡା ଗ୍ରାମ ପଞ୍ଚାୟତର ସିଲିମି ଗ୍ରାମରେ। ଗ୍ରାମର ଯୁବଗୋଷ୍ଠୀ ମାନଙ୍କ ଦ୍ଵାରା ଆୟୋଜିତ ଚଳିତ ବର୍ଷର ଶ୍ରୀଗଣେଶ ପୂଜା ବହୁତ ଭବ୍ୟ ଏବଂ ଦିବ୍ୟତା ଉପରେ ଆଧାରିତ ଥିଲା। ପ୍ରତି ବର୍ଷ ଭଳି ଚଳିତ ବର୍ଷର ବିଶେଷ କାର୍ଯ୍ୟକ୍ରମ ଗୁଡିକୁ ମନଭରି ଉପଭୋଗ କରିଥିଲେ ଉପସ୍ଥିତ ଭକ୍ତ ମାନେ। 

ଭୁବନେଶ୍ୱର (ବ୍ରାହ୍ମ ମୁହୂର୍ତ୍ତ ବ୍ୟୁରୋ):- ରାଜ୍ୟ ରାଜଧାନୀ ଭୁବନେଶ୍ୱରରୁ ପ୍ରକାଶିତ ବହୁଳ ସଂଖ୍ୟାରେ ପ୍ରସାରିତ ନିରପେକ୍ଷ ନିର୍ଭିକ ନିର୍ଭରଯୋଗ୍ୟ ଓଡ଼ିଆ ସାପ୍ତାହିକ ବ୍ୟଙ୍ଗ ଭାଷା ରେ ସମାଲୋଚନା ମୂଳକ ଖବର ପ୍ରକାଶିତ ଏକମାତ୍ର ଲୋକପ୍ରିୟ ଖବରକାଗଜ ବ୍ରାହ୍ମ ମୁହୂର୍ତ୍ତ ପକ୍ଷରୁ ରାଜ୍ୟର ୩୦ ଗୋଟି ଜିଲ୍ଲାକୁ ନେଇ ଗଠିତ ଛଅଟି ଜୋନ୍ ଯେଉଁଥିରେ ପ୍ରତି ୫ଟି ଜିଲ୍ଲା ଅନ୍ତର୍ଭୁକ୍ତ ହୋଇ ଗୋଟିଏ ଗୋଟିଏ ଜୋନ୍ ଗଠନ କରାଯାଇଛି ସେଥିମଧ୍ୟରୁ, ସମ୍ବଲପୁର, ଦେବଗଡ଼ , ଅନୁଗୋଳ, ଢେଙ୍କାନାଳ ଜିଲ୍ଲା ଏବଂ କେଉଁଝର ଆଦି ୫ଟି ଜିଲ୍ଲାକୁ ନେଇ ଗଠିତ ଉତ୍ତର ପଶ୍ଚିମ ଜୋନର କାର୍ଯ୍ୟ ନିର୍ବାହ ସମ୍ପାଦକ ମଣ୍ଡଳୀର ଗୁରୁତ୍ୱପୂର୍ଣ୍ଣ ଦାୟିତ୍ବ ଗ୍ରହଣ କରିଛନ୍ତି ଅନୁଗୋଳ ଜିଲ୍ଲା ତାଳଚେର ଅଞ୍ଚଳର ବରିଷ୍ଠ ସାମ୍ବାଦିକ ଶ୍ରୀ ରଞ୍ଜିତ କୁମାର ଦାସ। ଚଳିତ ସେପ୍ଟେମ୍ବର ମାସ ତା୧୯/୦୯/୨୦୨୩ ରିଖ ଦିନ ବ୍ରାହ୍ମ ମୁହୂର୍ତ୍ତ ଖବରକାଗଜ କାର୍ଯ୍ୟାଳୟ ପକ୍ଷରୁ ବିଧିବଦ୍ଧ ଭାବେ ଘୋଷିତ ଚିଠି ଅନୁସାରେ ଶ୍ରୀଯୁକ୍ତ ଦାସ ନିଜ କାର୍ଯ୍ୟ ସୂଚାରୁରୂପେ ପରିଚାଳନା କରିବା ପାଇଁ ସହମତି ଜଣାଇଥିବା ଜଣାପଡ଼ିଛି। ପବିତ୍ର ସନାତନ ଧର୍ମର ମହାନ୍ ପରମ୍ପରା ଅନୁଯାୟୀ ପାଳିତ ହେଉଥିବା ଶ୍ରୀଗଣେଶଙ୍କର ପୂଜା ଅବସରରେ ସମସ୍ତ ପଶ୍ଚିମ ଓଡ଼ିଶାର ଜନ ସାଧାରଣଙ୍କୁ ଗଣପର୍ବ ନୂଆଖାଇ ଅବସରରେ ହୃଦୟରୁ ଶୁଭେଚ୍ଛା ଓ ଅଭିନନ୍ଦନ ଜଣାଇଛନ୍ତି ଶ୍ରୀ ଦାସ। ଏହି ଅବ...

ଭୁବନେଶ୍ୱର/କଣ୍ଟାମାଳ (ବ୍ରାହ୍ମ ମୁହୂର୍ତ୍ତ ବ୍ୟୁରୋ):- ୨୦୨୪ ସାଧାରଣ ନିର୍ବାଚନ ସମୟ ଯେତିକି ପାଖେଇ ଆସୁଛି ରାଜ୍ୟ ରାଜନୈତିକ ଉଷ୍ମତା ସେତିକି ସରଗରମ ହେବାକୁ ଲାଗିଛି। କିନ୍ତୁ ରାଜ୍ୟର ସମସ୍ତ ୧୪୭ ବିଧାନ ସଭା ନିର୍ବାଚନ ମଣ୍ଡଳୀ ଗୁଡ଼ିକ ମଧ୍ୟରେ ଏଭଳି କେତୋଟି ହାତ ଗଣତି ନିର୍ବାଚନ ମଣ୍ଡଳୀ ରହିଛି ଯେଉଁଠି ରାଜନୈତିକ ପରିସ୍ଥିତି ସମ୍ପର୍କରେ ଆଲୋଚନା ଏଭଳି ସ୍ଥିତିରେ ସ୍ଥାନୀୟ ଲୋକମାନେ ପାଖରେ ଚହଳ ସୃଷ୍ଟି କରୁଛି ଯାହାକୁ ନେଇ ଦଳୀୟ କାର୍ଯ୍ୟାଳୟରେ ଆଗାମୀ ନିର୍ବାଚନ ଫଳାଫଳ ସୂଚନା ସମ୍ପର୍କରେ ରେକର୍ଡ ନୂତନତ୍ବ ଆଡ଼କୁ ମୁହଁ କରି ଲୋକଙ୍କୁ ଉତ୍ସାହିତ କରିଛି। ଆମେ ଏଠାରେ ରାଜ୍ୟର ଏସବୁ ବିଧାନ ସଭା ଆସନ ଉପରେ ଚର୍ଚ୍ଚା କରିବାକୁ ଚାହୁଁଛନ୍ତି ଯେଉଁଠି ଲଗାତାର ହାଟ୍ରିକ ବା ତୃତୀୟ ଥର ପାଇଁ ରଣନୀତି ପ୍ରସ୍ତୁତ କରିଛି। ସବୁଠାରୁ ଅଧିକ ଦଳୀୟ କର୍ମୀଙ୍କୁ ପ୍ରଭାବିତ ଏବଂ ନେତାଙ୍କ ନେତୃତ୍ୱରେ ବିକଶିତ ହୋଇ ଉଠିଥିବା ଆସନ ମଧ୍ୟରେ ଅନ୍ୟତମ ହେଉଛି ବୌଦ୍ଧ ଜିଲ୍ଲାର କଣ୍ଟାମାଳ ବିଧାନ ସଭା ଆସନ। ଏହି ଆସନରୁ ଲଗାତାର ଦୁଇ ଥର ହେଲା ବିପୁଳ ସଂଖ୍ୟାର ବ୍ୟବଧାନରେ ପ୍ରତପକ୍ଷ ପ୍ରତିନିଧିଙ୍କୁ ପରାଜିତ କରି ଆସିଥିବା ବିଜେଡି ବିଧାୟକ ଶ୍ରୀ ମହିଧର ରଣା କଣ୍ଟାମାଳ ଆସନରୁ ଆଗାମୀ ନିର୍ବାଚନରେ ତୃତୀୟ ଥର ପାଇଁ ବିଜୟୀ ହୋଇ ହାଟ୍ରିକ ରେକର୍ଡ କରୁଥିବା ଚର୍ଚ୍ଚା ଜିଲ୍ଲା ଠାରୁ ଆରମ୍ଭ କରି ରାଜଧାନୀ ଭୁବନେଶ୍ବର ପର...

AIF ଦ୍ଵାରା ବିକଶିତ ଆଦର୍ଶ ଅଙ୍ଗନୱାଡି କେନ୍ଦ୍ର ମହିଳା ଓ ଶିଶୁ ବିକାଶ ମନ୍ତ୍ରୀଙ୍କ ଦ୍ଵାରା ଉଦଘାଟିତ ଠାକୁରମୁଣ୍ଡା/ମୟୁରଭଞ୍ଜ (ବ୍ରାହ୍ମ ମୁହୂର୍ତ୍ତ ବ୍ୟୁରୋ):- ରାଜ୍ୟ ସରକାରଙ୍କ ମହିଳା ଓ ଶିଶୁ କଲ୍ୟାଣ ବିଭାଗର ମାନ୍ୟବର ମହିଳା ଓ ଶିଶୁ ବିକାଶ ମନ୍ତ୍ରୀ ଶ୍ରୀମତୀ ବସନ୍ତୀ ହେମ୍ବ୍ରମ ଶୁକ୍ରବାର ଠାକୁରମୁଣ୍ଡାର ତାଲପଦା ଠାରେ ଆଦର୍ଶ ଅଙ୍ଗନୱାଡି କେନ୍ଦ୍ରର ଉଦଘାଟନ କରିଛନ୍ତି। ଉଦ୍ଘାଟନୀ କାର୍ଯ୍ୟକ୍ରମରେ ଆମେରିକାନ ଇଣ୍ଡିଆ ଫାଉଣ୍ଡେସନ୍ ଟ୍ରଷ୍ଟର - ବରିଷ୍ଠ ରାଜ୍ୟ କାର୍ଯ୍ୟକ୍ରମ ପରିଚାଳକ - ଶ୍ରୀ ରାଜ କମଲ ଶର୍ମାଙ୍କ ସହ ଶ୍ରୀ ଅକ୍ଷୟ ପିଲ୍ଲାଇ (ଭା.ପୋ.ସେ.) ଉପସ୍ଥିତ ଥିଲେ। ଭବିଷ୍ୟତର ଅଙ୍ଗନୱାଡ଼ି କେନ୍ଦ୍ର ନିମନ୍ତେ ଆଦର୍ଶ ଅଙ୍ଗନୱାଡି କେନ୍ଦ୍ର ଏକ ଉଦାହରଣ ସ୍ଵରୂପ ହେବ | ଏଠାକୁ ଆସୁଥିବା ପିଲାମାନଙ୍କ ପାଇଁ ଏକ ମନୋରମ ପରିବେଶ ସୃଷ୍ଟି କରିବାକୁ ମାତ୍ର 15 ଦିନ ମଧ୍ୟରେ ଏହି ଅଙ୍ଗନୱାଡ଼ି କେନ୍ଦ୍ରକୁ ବିକଶିତ କରାଯାଇଛି| ପିଲାମାନଙ୍କ ପାଇଁ ସମସ୍ତ ମୌଳିକ ସେବା ଯୋଗାଇବା ପାଇଁ ଏହି ଆଦର୍ଶ କେନ୍ଦ୍ର ବିକଶିତ ହୋଇଛି; ବସିବା ବ୍ୟବସ୍ଥା, ଅଧ୍ୟୟନ ପାଇଁ ଟେବୁଲ୍, ଶିଖିବା ପାଇଁ ଟିଭି, ଫ୍ଲାଶ୍ ସିଷ୍ଟମ୍ ସହି, ହାତ ଧୋଇବା ପାଇଁ ନିମ୍ନ ଉଚ୍ଚତା ବେସିନ୍, ଜଳ ସେବା ପାଇଁ ଟ୍ୟାଙ୍କରେ ଜଳ ସଂରକ୍ଷଣ ପାଇଁ ମୋଟର ପମ୍ପ ଏବଂ ବିଜୁଳି ପାଇଁ ସୋଲାର ପ୍ରଣାଳୀ ଉପଲବ୍ଧ ଅଛି | ପିଲାମାନେ ଗରମ ରନ୍ଧା ଖାଦ୍ୟ ...

୩୭୯ କୋମଳମତି ଶିଶୁଙ୍କ ଭବିଷ୍ୟତ ସହ ଖେଳ ଖେଳୁଛନ୍ତି ସରକାର ସନ୍ତୋଷ କୁମାର ପଣ୍ଡାଙ୍କ ରିପୋର୍ଟ- ହିଞ୍ଜିଳିକାଟୁ (ବ୍ରାହ୍ମ ମୁହୂର୍ତ୍ତ)- ସୂଚନା ଥାଉକି,ବିଗତ ୩ ବର୍ଷ ହେବ ଓଡ଼ିଶାର ପ୍ରତ୍ୟେକ ସରକାରୀ ବିଦ୍ୟାଳୟଗୁଡ଼ିକୁ ୫T ଅନ୍ତର୍ଗତ କରାଇ ବିଦ୍ୟାଳୟର ଶୈଖିକ ବାତାବରଣ କୁ ସ୍ୱଚ୍ଛ ତଥା ସୁନ୍ଦର କରିବା ପାଇଁ ଓଡ଼ିଶା ସରକାର ଅନେକ ପଦକ୍ଷେପ ଗ୍ରହଣ କରିଛନ୍ତି।ଆଉ ଏହା ଦ୍ଵାରା ଅନେକ ଛାତ୍ରଛାତ୍ରୀ ମଧ୍ୟ ଉପକୃତ ହେଉଛନ୍ତି।କିନ୍ତୁ; ଦୁଃଖ ଓ ବିଡ଼ମ୍ବନାର ବିଷୟ ଯେଉଁ ଜିଲ୍ଲା ତଥା ଯେଉଁ ଅଞ୍ଚଳରେ ୫T ବିଦ୍ୟାଳୟର ମୂଳଦୁଆ ପ୍ରଥମେ ସ୍ଥାପିତ ହୋଇଥିଲା,ସେହି ସ୍ଥାନରେ ଆଜି ପିଲାଙ୍କ ଭବିଷ୍ୟତ ସହ ଖେଳ ଖେଳୁଛନ୍ତି ସରକାର।କହିବାର ତାତ୍ପଯ୍ୟ ଏହା ଯେ, ଖୋଦ୍ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିଜ ନିର୍ବାଚନ ମଣ୍ଡଳୀରେ ଶିକ୍ଷା ବ୍ୟବସ୍ଥା ସମ୍ପୂର୍ଣ୍ଣ ଭାବେ ଭୁଶୁଡ଼ି ଯାଇଛି।ହିଞ୍ଜିଳିକାଟୁ ବ୍ଲକ୍ ଅନ୍ତର୍ଗତ ରାଳବ ଗ୍ରାମରେ ଏକ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ବହୁ ପୁରାତନ ବିଦ୍ୟାଳୟ ଭାବେ ଅଞ୍ଚଳରେ ଖୁବ୍ ପ୍ରସିଦ୍ଧି ଲାଭ କରିଛି।କିନ୍ତୁ; ଲଜ୍ଜ୍ୟା ର ବିଷୟ ୩୭୯ ପିଲାଙ୍କୁ ନିଜ କୋଳରେ ଧାରଣ କରି ଶିକ୍ଷାଦାନ ବ୍ୟବସ୍ଥାକୁ ଗତିଶୀଳ କରୁଥିବା ବିଦ୍ୟାଳୟଟି ଆଜି ସମ୍ପୂର୍ଣ୍ଣ ଭାବେ ଅସହାୟ ହୋଇ ପଡ଼ି ରହିଛି।ଏଠାରେ ପ୍ରଥମ ରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ପିଲାଙ୍କୁ ଶିକ୍ଷାଦାନ ଦିଆଯାଉଥିବା ବେଳେ ମୋଟ ୮...

ପୋଲସରା ପ୍ରାଥମିକ ଶିକ୍ଷକ ମହାସଂଘ ଗଠିତ ସନ୍ତୋଷ କୁମାର ପଣ୍ଡାଙ୍କ ରିପୋର୍ଟ- ପୋଲସରା/ଗଞ୍ଜାମ (ବ୍ରାହ୍ମ ମୁହୂର୍ତ୍ତ)- ବ୍ଳକ୍ ଅନ୍ତର୍ଗତ ସମସ୍ତ ବର୍ଗର ପ୍ରାଥମିକ ଶିକ୍ଷକଙ୍କୁ ନେଇ ପ୍ରାଥମିକ ଶିକ୍ଷକ ମହାସଂଘ ଗଠିତ ହୋଇଯାଇଛି। ଏୟୁପିଟିଏଫ୍ ସଭାପତି ସୂର୍ଯ୍ୟନାରାୟଣ ପୃଷ୍ଟିଙ୍କ ଆବାହକତ୍ବରେ ଅନୁଷ୍ଠିତ ବୈଠକରେ ଏୟୁପିଟିଏଫ୍, ପିଷ୍ଟା, କନିଷ୍ଠ ଶିକ୍ଷକ, ଏକ୍ସ୍ କ୍ଯାଡ଼ର୍ ଶିକ୍ଷକ, ଗଣଶିକ୍ଷକ ଓ ପାର୍ଟ୍ ଟାଇମ୍ ଶିକ୍ଷକ ସଂଘର ଶତାଧିକ ସଦସ୍ୟ ଯୋଗ ଦେଇ ମହାସଂଘ ଗଠନ ସପକ୍ଷରେ ମତଦାନ କରିଥିଲେ। ଶିକ୍ଷା, ଶିକ୍ଷକ ଓ ଶିକ୍ଷାୟତନର ବହୁବିଧ ସମସ୍ୟାର ସମାଧାନ ଏବଂ ଶିକ୍ଷକମାନଙ୍କ ମଧ୍ୟରେ ଏକତା ଓ ଭ୍ରାତୃତ୍ବର ସୁରକ୍ଷା ନିମନ୍ତେ ଗଠିତ ଉକ୍ତ ମହାସଂଘର କର୍ମକର୍ତ୍ତା ଭାବରେ ପ୍ରତ୍ୟେକ ସଂଘର ସଭାପତି ଓ ସମ୍ପାଦକ ତଥା ଆବାହକ ଭାବରେ ଏୟୁପିଟିଏଫ୍ ସଭାପତି ସୂର୍ଯ୍ୟନାରାୟଣ ପୃଷ୍ଟି ସର୍ବସମ୍ମତି କ୍ରମେ ମନୋନୀତ ହୋଇଥିବା ବେଳେ କୋଷାଧ୍ୟକ୍ଷ ଭାବରେ ବସନ୍ତ କୁମାର ମହାରଣା ମନୋନୀତ ହୋଇଥିଲେ। ବିଇଓ ଅଫିସ୍ ଆଗରେ ଚାଲିଥିବା ଗଣଧାରଣାକୁ ବଳବତ୍ତର ରଖି ଏୟୁପିଟିଏଫ୍ ରାଜ୍ୟ ସଂଘ ନେତୃତ୍ବରେ ପରିଚାଳିତ ସମୂହ ଛୁଟି ବା କାର୍ଯ୍ୟବନ୍ଦ ଆନ୍ଦୋଳନକୁ ଶତ ପ୍ରତିଶତ ସମର୍ଥନ ଜଣାଇ କାଲିଠାରୁ ପୋଲସରା ବ୍ଳକ୍‌ର ସମସ୍ତ ପ୍ରାଥମିକ ବିଦ୍ୟାଳୟର ଶିକ୍ଷକ ସମୂହ ଛୁଟି ନେବାକୁ ନିଷ୍ପତ୍ତି ଗ୍ରହଣ କରାଯାଇଛି। ତିନି ଦଫା ଦାବି ପୂର...

ଭୁବନେଶ୍ବର(ବ୍ରାହ୍ମ ମୁହୂର୍ତ୍ତ ବ୍ୟୁରୋ) : ପୂର୍ବତନ ବୁଗୁଡ଼ା ତହସିଲଦାରଙ୍କ ଘରେ  ଆୟ ବହିର୍ଭୂତ ସଂପତ୍ତି ଠୁଳ ଅଭିଯୋଗରେ ରାଜସ୍ୱ ଓ ବିପର୍ଯ୍ୟୟ ପରିଚାଳନା ବିଭାଗ ଅଧିକାରୀ ସଂଗ୍ରାମ କେଶରୀ ଜେନାଙ୍କ ଘରେ ଭିଜିଲାନ୍ସ ଚଢ଼ାଉ କରିଛି। ପୂର୍ବରୁ ସେ ଗଞ୍ଜାମ ଜିଲ୍ଲାର ବୁଗୁଡା ତହସିଲଦାର ଭାବେ କାମ କରୁଥିଲେ।ରାଜଧାନୀ ଭୁବନେଶ୍ବର ଭିଜିଲାନ୍ସର ସ୍ବତନ୍ତ୍ର ବିଚାରପତି ଏକ ୱାରେଣ୍ଟ୍‌ ଜାରି କରିବା ପରେ ଚଢ଼ାଉ କାର୍ଯ୍ୟ ଅ‌ାରମ୍ଭ ହୋଇଛି।  ଏହି ଚଢ଼ାଉରେ ୩ ଜଣ ଡିଏସ୍‌ପି, ୧୦ ଜଣ ଇନ୍‌ସ୍ପେକ୍ଟର ଏବଂ ଅନ୍ୟ କର୍ମଚାରୀ ନିୟୋଜିତ ଅଛନ୍ତି। ଭିଜିଲାନ୍ସ ଟିମ୍‌ ସଂଗ୍ରାମ କେଶରୀଙ୍କର ବିଭିନ୍ନ ସ୍ଥାନରେ ଚଢ଼ାଉ କରିଛି। କେଉଁ କେଉଁ ସ୍ଥାନରେ ଚଢ଼ାଉ ହୋଇଛି ତାହା ନିମ୍ନରେ ଉଲ୍ଲେଖ କରାଯାଇଛି। ଏହି ଚଢ଼ାଉ ଖୋର୍ଦ୍ଧା ଜିଲ୍ଲାର ବିଭିନ୍ନ ସ୍ଥାନରେ ହୋଇଛି।ବାଲୁଗାଁରେ ଥିବା ଜେନାଙ୍କ ତିନି ମହଲା ବିଶିଷ୍ଟ କୋଠାରେ, ଟାଙ୍ଗୀ ଥାନାର ହରିପୁରରେ ଥିବା ତାଙ୍କର ଏକ ବିଲ୍ଡିଂରେ, ବାଲୁଗାଁର ଚୁଡ଼ା ମିଲ୍‌ ନିକଟରେ ଥିବା ତାଙ୍କର ଜଣେ ସଂପର୍କୀୟଙ୍କ ଘରେ, ବାଣପୁରର ଛୋଟରାୟପୁରଶାସନରେ ଥିବା ୩ଟି ପ୍ଲଟ୍‌ରେ  ଏକକାଳୀନ ଭିଜିଲାନ୍ସ ଚଢ଼ାଉ ହେଉଥିବା ସୂଚନା ରହିଛି। ଶ୍ରୀ ଜେନାଙ୍କ ବ୍ୟତୀତ ଆହୁରି କିଛି ସ୍ବତନ୍ତ୍ର ଖବର ଆଗାମୀ ଦିନରେ ସାମ୍ନାକୁ ଆସିବ ଯାହା ଏହିଭଳି କିଛି ରାଜସ୍ବ ବିଭାଗରେ କାର୍ଯ୍ୟ କରିବା...

 ଟ୍ରାକ୍ଟର ଧକ୍କା ରେ ମହିଳା ମୃତ। ସନ୍ତୋଷ କୁମାର ପଣ୍ଡାଙ୍କ ରିପୋର୍ଟ- ପୋଲସରା ୧୩/୦୯/୨୦୨୩ (ବ୍ରାହ୍ମ ମୁହୂର୍ତ୍ତ)  ଆଜି ପୋଲସରା ମୂଖ୍ୟ  ସଡ଼କ କଡ଼ ରେ ଥିବା ଜାଭିୟର ବିଦ୍ୟାଳୟ ନିକଟରେ ଘଟିଥିବା ଏକ  ଦୁର୍ଘଟଣାରେ ଜଣେ ମହିଳାଙ୍କ ମୃତ୍ୟୁ ହୋଇଥିବା ବେଳେ ତାଙ୍କର ପୁଅ ଓ ଭାଇ ଆହତ ହୋଇଛନ୍ତି। ମିଳିଥିବା ସୂଚନା ଅନୁସାରେ ଆଜି କବିସୂର୍ଯ୍ୟନଗର ଥାନା ଅନ୍ତର୍ଗତ ଏ ବରିଡା ଗ୍ରାମ ର ମିନତି ସାହୁ (୪୦ ବର୍ଷ) ପୋଲସରା ଥାନା ଅନ୍ତର୍ଗତ ଚିରିକିପଡା ଶାସନ ନିଜ ବାପ ଘରକୁ ଆସିଥିଲେ। ମଧ୍ୟାହ୍ନ ୧୨ ଘଣ୍ଟା ସମୟରେ ମିନତି ନିଜ ଭାଇ ଗଦାଧର ସାହୁ ଙ୍କ ମୋପେଡ ଗାଡି ରେ ବସି ବରିଡା ଫେରିବା ସମୟରେ ବେଲଗାଁ ଛକ ନିକଟରେ ଗୋଟିଏ ଟ୍ରାକ୍ଟର ସହିତ ଧକ୍କା ହେବାରୁ ମିନତି ମୋପେଡ ଗାଡି ରୁ ଖସି ପଡ଼ି ଗୁରୁତର ଆହତ ହୋଇଥିଲେ। ଗୁରୁତର ଆହତ ମିନତି ଙ୍କୁ ଚିକିତ୍ସା ନିମନ୍ତେ ସଂଗେ ସଂଗେ ସ୍ଥାନୀୟ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର କୁ ଅଣାଯାଇଥିଲା। ମାତ୍ର ସେତେବେଳକୁ ତାଙ୍କ ର ମୃତ୍ୟୁ ହୋଇ ଯାଇଥିଲା। ଏହି ଦୁର୍ଘଟଣାରେ ମିନତି ଙ୍କ ଭାଇ ଓ ପୁଅ ମଧ୍ୟ ଆହତ ହୋଇଛନ୍ତି।

 ବେଲଗାଁ ବିଦ୍ୟାଳୟ ଠାରେ ଆମେ ଜାଣିବା ଆମେ ଜିତିବା କାର୍ଯ୍ୟକ୍ରମ ଅନୁଷ୍ଠିତ | ଝରୀଗାଁ(ବ୍ରାହ୍ମ ମୁହୂର୍ତ୍ତ ବ୍ୟୁରୋ)  13/09-ଅନୁସୂଚିତ ଜନଜାତି ଓ ଅନୁସୂଚିତ ଜାତି ଉନ୍ନୟନ ବିଭାଗର ନିର୍ଦେଶକ୍ରମେ ଆଜି ନବରଙ୍ଗପୁର ଜିଲ୍ଲା ଝରୀଗାଁ ବ୍ଲକ ବେଲଗାଁ ପଞ୍ଚାୟତ ସଦର ମହକୁମା ସ୍ଥିତ ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟ ଠାରେ ଆମେ ଜାଣିବା, ଆମେ ଜିତିବା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି |ଉକ୍ତ କାର୍ଯ୍ୟକ୍ରମରେ ବିଦ୍ୟାଳୟର ଅଧ୍ୟକ୍ଷ ଅସିତ କୁମାର ମହାନ୍ତି ଅଧ୍ୟକ୍ଷତା କରି ଛାତ୍ରଛାତ୍ରୀ ଓ ତାଙ୍କ ଅବିଭାବକ ମାନଙ୍କୁ "ଆମେ ଜାଣିବା, ଆମେ ଜିତିବା "କାର୍ଯ୍ୟକ୍ରମ ର ଲକ୍ଷ୍ୟ ଓ ଉଦେଶ୍ୟ ଉପରେ ବୁଝେଇଥିଲେ |ପ୍ରତ୍ୟେକ ପିଲା ସ୍ୱତନ୍ତ୍ର, ଏ କଥା ତା 'ବାପା ମା 'ଭଲ ଭାବରେ ଜାଣିବା ଆବଶ୍ୟକ, ନିଜ ପିଲାଙ୍କୁ ଅନ୍ୟ ସହ ତୁଳନା କରି ତାର ମାନସିକ ଚାପ ବଢେଇବା ପରିବର୍ତ୍ତେ ତାର ନିଜସ୍ୱ ପ୍ରତିଭା, ବ୍ୟକ୍ତିତ୍ୱ ତଥା ସାମଗ୍ରିକ ବିକାଶ ଉପରେ ସମୁଚିତ ଧ୍ୟାନ ଦେବା ଦରକାର |ପିଲାର ଆତ୍ମବିଶ୍ୱାସ ବୃଦ୍ଧି ପାଇଲେ, ସେ ଭବିଷ୍ୟତ ଜୀବନରେ ଯେକୌଣସି ପରିସ୍ଥିତିକୁ ଦୃଢ଼ତାର ସହିତ ସାମ୍ନା କରିପାରିବ ବୋଲି ସମସ୍ତ ଅବିଭାବକ ମାନଙ୍କୁ ଜଣେଇଥିଲେ |ଅନ୍ୟ ମାନଙ୍କ ମଧ୍ୟରେ ଅଧ୍ୟାପକ ସର୍ବେଶ୍ୱର ମହାନ୍ତି, ଅଧ୍ୟାପିକା ଲୋପାମୁଦ୍ରା ବଳ, ଅଧ୍ୟାପିକା ଏସ୍ମିତା ମଣ୍ଡଳ ଏବଂ ଅଧ୍ୟାପିକା ଭାରତୀ ବେହେରା ମଞ୍...

.ହରଭଙ୍ଗା  ବ୍ଲକ୍ ସ୍ତରୀୟ ସଂସାଧନ କର୍ମୀଙ୍କ  ଦୁଇ ଦିନିଆ ପ୍ରଶିକ୍ଷଣ ଶିବିରର ଶୁଭ ଉଦଘାଟନ ବୌଦ୍ଧ(ବ୍ରାହ୍ମ ମୁହୂର୍ତ୍ତ ବ୍ୟୁରୋ) ଆଜି ହରଭଙ୍ଗା ପଞ୍ଚାୟତ ସମିତି ସମ୍ମିଳନୀ କକ୍ଷରେ ଓଡ଼ିଆ ଭାଷା ସାହିତ୍ୟ ଓ ସଂସ୍କୃତି ବିଭାଗ ଏବଂ ଜିଲ୍ଲା ସୂଚନା ଓ ଲୋକସଂପର୍କ ବିଭାଗ  ଓଡ଼ିଶା ସରକାର ଙ୍କ ଦ୍ଵାରା ଆୟୋଜିତ ଦୁଇ ଦିନିଆ ପ୍ରଶିକ୍ଷଣ ଶିବିର କୁ ମୁଖ୍ୟ ଅତିଥଭାବେ ବ୍ଲକ୍ ଅଧକ୍ଷା ଶ୍ରୀମତୀ ସ୍ନେହଲତା ପ୍ରଧାନ  ମା ଭୈରବୀଙ୍କ ଫୋଟୋରେ  ପ୍ରଦୀପ ପ୍ରଜ୍ଵଳନ କରି ଶୁଭ ଉଦ୍ଘାଟନ କରି ସରକାରଙ୍କ ଲୋକାଭିମୁଖୀ ଯୋଜନାର ବାର୍ତ୍ତାକୁ ଲୋକଙ୍କ ପାଖରେ ପହଞ୍ଚେଇବାକୁ ଆହ୍ଵାନ କରିଥିଲେ ଏବଂ କଳାକାରଙ୍କୁ ଦେବଦୂତ ବୋଲି କହିଥିଲେ ।  ଜିଲ୍ଲା ସୂଚନା ଓ ଲୋକସଂପର୍କ ଅଧିକାରୀ ସୁଶ୍ରୀ  ରିତା କାନ୍ତି ବଳିଆର ସିଂ ଅତିଥି ପରିଚୟ ଓ ସ୍ଵାଗତ ଭାଷଣ ଦେଇ ସରକାରଙ୍କ ଆଠଗୋଟି ଯୋଜନା  ସମ୍ବନ୍ଧୀୟ  କାର୍ଯକ୍ରମର  ନିର୍ଦ୍ଧାରଣ ଓ ତଥ୍ୟ ପ୍ରେରଣ  ବିଷୟରେ ପୁଙ୍ଖାନୁପୁଙ୍ଖ ଆଲୋଚନା କରିଥିଲେ ।  ସମ୍ମାନିତ ଅତିଥି ଭାବେ  ବ୍ଲକ୍ ଉପାଧକ୍ଷ ଶ୍ରୀଯୁକ୍ତ ସରୋଜ କୁମାର ପ୍ରଧାନ   ସମସ୍ତ କଳାକାର ମାନଙ୍କୁ ଉତ୍ସାହିତ କରିବା ସହିତ ବ୍ଲକ୍ ପ୍ରଶାସନ ତରଫରୁ ସମସ୍ତ ସୁବିଧା ସୁଯୋଗ ଯୋଗାଇ ଦେବାକୁ ପ୍ରତିଶ୍ରୁତି ଦେଇ ଥିଲେ । ଅନ୍ୟତମ ସମ୍ମାନିତ ଅତିଥ...

ପୋଲସରା ବ୍ଲକ ପ୍ରାଥମିକ ଶିକ୍ଷକ ସଂଘ ର ଗଣ ଧାରଣା ଆରମ୍ଭ  ସନ୍ତୋଷ କୁମାର ପଣ୍ଡାଙ୍କ ରିପୋର୍ଟ-  ପୋଲସରା(ବ୍ରାହ୍ମ ମୁହୂର୍ତ୍ତ ବ୍ୟୁରୋ) -12/ 09/ 23ପୋଲସରା  ରାଜ୍ୟରେ କାର୍ଯ୍ୟରତ ଲକ୍ଷାଧିକ ପ୍ରାଥମିକ ଶିକ୍ଷକ ମାନଙ୍କ ଠିକା ନିଯୁକ୍ତି ଉଛେଦ କନିଷ୍ଟ ଶିକ୍ଷକଙ୍କ ଚାକିରୀ ନିୟମିତ କେନ୍ଦ୍ରୀୟ ହାରରେ ବେତନ ସୁବିଧା ଓ ନୂତନ ପେନସନ ପ୍ରଥା ଉଛେଦ କରି ପୁରୁଣା ପେନସନ ପ୍ରଥା ପୁନଃ ପ୍ରଚଳନ ସମେତ ଆହୁରି ଅନେକ  ଦଫା ଦାବୀ ନେଇ ପୋଲସରା ବ୍ଲକ ପ୍ରାଥମିକ ଶିକ୍ଷକଙ୍କ ତରଫରୁ ସ୍ଥାନୀୟ ଗୋଷ୍ଠି ଶିକ୍ଷା ଅଧିକାରୀଙ୍କ କାର୍ଯ୍ୟଳୟ ହତା ମଧ୍ୟରେ ଗଣଧାରଣା ଆରମ୍ଭ କରାଯାଇଛି l ମିଳିତ ସଙ୍ଘର ଶତାଧିକ ସଂଖ୍ୟାରେ ଶିକ୍ଷକ ଓ ଶିକ୍ଷୟତ୍ରୀ ମାନେ ପ୍ରତିଦିନ ଦାବୀ ପୂରଣ ନ ହେବା ପର୍ଯ୍ୟନ୍ତ ସକାଳ 10ଟା ରୁ ଅପରାହ୍ନ 4ଘଣ୍ଟ ପର୍ଯ୍ୟନ୍ତ କାର୍ଯ୍ୟକ୍ରମେ ପ୍ରତୀକ ଧାରଣା ଦେବେ ବୋଲି ସଂଘ ତରଫରୁ କୁହାଯାଇଛି l ଗଣମାଧ୍ୟମ କୁ କହିବା ପ୍ରକାରରେ ଏହି ଶାନ୍ତିପୂର୍ଣ୍ଣ ଗଣଧାରଣା କାର୍ଯ୍ୟକ୍ରମ କୁ ନେଇ ଚଳିତ ସେପ୍ଟେମ୍ବର ମାସ 7ତାରିଖ ଗୁରବାର ଦିନ ଗୋଷ୍ଠି ଶିକ୍ଷା ଅଧିକାରୀଙ୍କ ସମେତ ସ୍ଥାନୀୟ ପୋଲିସ ଷ୍ଟେସନ ଲିଖିତକlର ଭାବେ ଜଣାଇ ଦିଆଯାଇଥିଲା l ତେବେ ସାରା ରାଜ୍ୟରେ ଶିକ୍ଷକ ସଂଘ ତରଫରୁ ମୁଖ୍ୟତଃ ତିନି ଦଫା ଦାବୀ ନେଇ ଆରମ୍ଭ କରାଯାଇଥିବା ଧାରଣା କୁ ନେଇ ଅଭିଭାବକ ଓ ବୁଦ୍ଧିଜୀବୀ ମହଲ ରେ ପିଲାମା...

   ପୋଲସରା ପଲଟିକ୍ସ - ପଚିଶି ରୁ ଉର୍ଦ୍ଧ୍ବ ପଞ୍ଚାୟତ ସରପଞ୍ଚ ସମିତି ସଭ୍ୟ ଶପଥ ନେଲେ।  ପୋଲସରା/ଗଞ୍ଜାମ (ବ୍ରାହ୍ମ ମୁହୂର୍ତ୍ତ ବ୍ୟୁରୋ) ଗଞ୍ଜାମ ଜିଲ୍ଲାର ରାଜନୈତିକ ପଣ୍ଡିତମାନେ ଅନେକ ଆଲୋଚନା ପର୍ଯ୍ୟାଲୋଚନା କରିବା ପରେ ମାନସିକ ଦୁଶ୍ଚିନ୍ତା କଷ୍ଟକୁ ସୁଧାରିବା ନିମନ୍ତେ ଶେଷରେ ଯେଉଁ ନିଷ୍କର୍ଷ ବାହାର କରି ଥାଆନ୍ତି ତାହା ରାଜ୍ୟ ରାଜନୀତିରେ ଉଦାହରଣ ସୃଷ୍ଟି କରିଥାଏ। ଏହାର ବହୁତ ଦୃଷ୍ଟାନ୍ତମୂଳକ ଉଦାହରଣ ବହୁବର୍ଷ ଧରି ଦେଖିବାକୁ ମିଳିଛି। ଆଜିର ଆଧୁନିକ ଯୁଗରେ ଲୋକମାନେ ଅନେକ ଆଲୋଚନା ପର୍ଯ୍ୟାଲୋଚନା କରିବା ପରେ ବିତିଲା ଦିନକୁ ପୁଣି ଥରେ ମନେ ପକେଇ ତା'ର ଏଭଳି ସରଳ ସୁତ୍ର ବାହାର କରିଛନ୍ତି ଯାହା ଆଗାମୀ ଦିନରେ ସଭିଙ୍କ ପାଇଁ ଗ୍ରହଣୀୟ ହେବ। ମିଳିଥିବା ସୂଚନା ଅନୁସାରେ ପୋଲସରା ସହରର ଜଗନ୍ନାଥ ସାହି ସଭାଗୃହରେ  ଦିବଂଗତ ମନ୍ତ୍ରୀ ଶ୍ରୀ ରାମକୃଷ୍ଣ ପଟ୍ଟନାୟକଙ୍କ ଅନୁଗାମୀ ମାନଙ୍କ ଏକ ଆଲୋଚନା ଚକ୍ର ଅନୁଷ୍ଠିତ ହୋଇଯାଇଛି |ବରିଷ୍ଠ ନେତା ତଥା ପୂର୍ବତନ ସରପଞ୍ଚ କାମଦେବ ପ୍ରଧାନଙ୍କ ସଭାପତିତ୍ୱରେ ଆୟୋଜିତ ଏହି ବୈଠକରେ ସ୍ଥାନୀୟ ବିଜେପି ନେତା କିଛି କର୍ମୀଙ୍କୁ  ଅଣଦେଖା କରୁଥିବାରୁ କ୍ଷୋଭ ପ୍ରକାଶ ପାଇଥିଲା | ନେତାଙ୍କ ଏ ପ୍ରକାର ମାନସିକତାରେ ପରିବର୍ତନ ନହେଲେ ଆଗାମୀ ଦିନରେ ତାଙ୍କୁ ଦୃଢ ବିରୋଧ କରାଯିବ ବୋଲି ନିଷ୍ପତ୍ତି ନିଆଯାଇଥିଲା | ନେତାମାନଙ୍କ ଅଣଦେଖା...

ଠେମରା ଲକ୍ଷ୍ମୀପୂଜା ପଡିଆଠାରେ ସାପ୍ତାହିକି ବଜାର ଉଦଘାଟିତ।  ବଙ୍ଗୋମୁଣ୍ଡା(ବ୍ରାହ୍ମ ମୁହୂର୍ତ୍ତ):- ଦୀର୍ଘ ବର୍ଷ ଧରି ଅପେକ୍ଷାର ଅନ୍ତ ଘଟିଛି। ଅଞ୍ଚଳ ବାସୀଙ୍କ ଦୈନନ୍ଦିନ ଜୀବନରେ ଦେଖିବାକୁ ମିଳୁଥିବା ବିଭିନ୍ନ ସମୟର ଗୁଜୁରାଣ ମେଣ୍ଟାଇବା ନିମନ୍ତେ ନିତିଦିନିଆ ହାଟର ବହୁତ ଜରୁରୀ ହୋଇଥାଏ।ଆଉ ଏହି ହାଟ ମାଧ୍ୟମରେ ଗାଆଁରେ ବସବାସ କରୁଥିବା ଲୋକମାନେ ନିଜ ଦ୍ୱାରା ଉତ୍ପାଦିତ ବିଭିନ୍ନ ପ୍ରକାରର ଖାଦ୍ୟ ପଦାର୍ଥ କିଣା ବିକା କାର୍ଯ୍ୟ ସୁରୁଖୁରୁରେ ଚଳାଇବା ପାଇଁ ହାଟ ବଜାର ଉପରେ ନିର୍ଭର କରିଥାନ୍ତି। ଏହି କ୍ରମରେ ଦେଖିବାକୁ ଗଲେ ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ବ୍ଲକ ଠେମରା ଗ୍ରାମପଞ୍ଚାୟତ ଅଧିନସ୍ଥ ଠେମରା ଓ ଜାମତରା ଗ୍ରାମ ଲକ୍ଷ୍ମୀପୂଜା ପଡିଆ ଠାରେ ଧରଣିପେନୁ ଆନୁକୂଲ୍ୟ ରେ ଏକ ସାପ୍ତାହିକ ବଜାର ଅନୁଷ୍ଠିତ ହୋଇଯାଇଛି।  ଏହି ବଜାର ପ୍ରତି ସପ୍ତାହର ମଙ୍ଗଳବାର ଦିନ ବସିବା ପାଇଁ ଧାର୍ଯ୍ୟ କରାଯାଇଛି । ଏହି ବଜାର କୁ ଠେମରା ଗ୍ରାମପଞ୍ଚାୟତ ସମିତି ସଭ୍ୟା ଙ୍କ ପ୍ରତିନିଧି ପ୍ରଦୀପ କୁମାର ଭୋଇ ଉଦଘାଟନ କରିଥିଲେ। ଏଥିରେ ସମସ୍ତ ବଜାର କମିଟି ସଦସ୍ୟ ଉଭୟ ଗ୍ରାମବାସୀ ଏବଂ ଧରଣିପେନୁ କର୍ମକର୍ତ୍ତା ଉପସ୍ଥିତ ଥିଲେ l

କେନ୍ଦ୍ରାଞ୍ଚଳ ସୂଚନା ଓ ଲୋକ ସମ୍ପର୍କ ଉପ ନିର୍ଦ୍ଦେଶକ ଯାଜପୁର ଜିଲ୍ଲା ସୂଚନା ଓ ଲୋକ ସମ୍ପର୍କ କାର୍ଯ୍ୟାଳୟ ପରିଦର୍ଶନ ଓ ସମୀକ୍ଷା   ଯାଜପୁର ;୦୮/୦୯(ବ୍ରାହ୍ମ ମୁହୂର୍ତ୍ତ ) :  ଶୁକ୍ରବାର ପୂର୍ବାହ୍ନରେ କେନ୍ଦ୍ରାଞ୍ଚଳ ସୂଚନା ଓ ଲୋକ ସମ୍ପର୍କ ଉପ ନିର୍ଦ୍ଦେଶକ ବରିଷ୍ଠ ଓଡ଼ିଶା ସୂଚନା ସେବା ଅଧିକାରୀ ଶ୍ରୀ ହେମନ୍ତ କୁମାର ନାୟକ ଏକ ଦିନିକିଆ ଯାଜପୁର ଜିଲ୍ଲା ଗସ୍ତରେ ଆସି ଜିଲ୍ଲା ସୂଚନା ଓ ଲୋକ ସମ୍ପର୍କ କାର୍ଯ୍ୟାଳୟ ପରିଦର୍ଶନ କରିବା ସହ କାର୍ଯ୍ୟାଳୟର ବିଭିନ୍ନ କାର୍ଯ୍ୟକ୍ରମ ଉପରେ ସମୀକ୍ଷା କରିଥିଲେ । ପୂର୍ବାହ୍ନରେ  ଜିଲ୍ଲା ପଦକ୍ଷଣ ଭବନ ଠାରେ ଶ୍ରୀ ନାୟକ ପହଞ୍ଚିଲା ପରେ ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ଏବଂ କର୍ମଚାରୀ ବୃନ୍ଦ ସ୍ୱାଗତ କରିଥିଲେ । କାର୍ଯ୍ୟ।ଳୟର ବରିଷ୍ଠ ରାଜସ୍ଵ ସହାୟକ ଶ୍ରୀ ସୁବ୍ରତ କୁମାର କାନୁନଗୋ, ନିକ୍ଷେପକ ଶ୍ରୀ ଶାନ୍ତନୁ କୁମାର ସାହୁ , କନିଷ୍ଠ ଭଣ୍ଡାର ରକ୍ଷକ ଶ୍ରୀ ସତ୍ୟଜିତ ନାୟକ ଓ ଯାନ ଚାଳକ ଶ୍ରୀ ସୁରେନ୍ଦ୍ରନାଥ ସାହୁ ପ୍ରମୁଖ ନିର୍ବାହ କରୁଥିବା ଦାୟିତ୍ଵ  ସମ୍ବନ୍ଧରେ ଉପ ନିର୍ଦ୍ଦେଶକ ସମୀକ୍ଷା କରିଥିଲେ । ଜିଲ୍ଲା ସୂଚନା ଓ ଲୋକ ସମ୍ପର୍କ କାର୍ଯ୍ୟାଳୟର ପ୍ରତିଷ୍ଠାନ ବିଭାଗ କାଗଜାତ ପତ୍ର, ସାଧାରଣ ଭଣ୍ଡାର, ଡାକବାଜି ଯନ୍ତ୍ର ଭଣ୍ଡାର, ସୂଚନା କେନ୍ଦ୍ର ପାଠାଗାର, ଯାଜପୁର ଟାଉନ ଓ ଯାଜପୁର ରୋଡ଼  କାର୍ଯ୍ୟକାରିତା...

ବ୍ୟାସନଗର ଅଞ୍ଚଳରେ  କମୁନି ଚୋରୀ, ମାତିଛନ୍ତି ମୋବାଇଲ ,ବାଇକ,ସାଇକେଲ ଲୁଟେରା ବ୍ୟାସନଗର;୦୮/୦୯ (ବ୍ରାହ୍ମ ମୁହୂର୍ତ୍ତ ): ବ୍ୟାସନଗର ଅଞ୍ଚଳରେ ଦିନକୁ ଦିନ ବଢି ଚାଲିଛି ମୋବାଇଲ ବାଇକ,ସାଇକେଲ ଲୁଟେରା ଙ୍କ ରାଜ।ପୋଲିସ ପ୍ରଶାସନ କୁ ଖାତିରି ନକରି ଚୋରୀ ପରେ ଚୋରୀ କରିଚାଲିଛନ୍ତି।ଚିନ୍ତାରେ ସାଧାରଣ ଜନତା। ପୂର୍ବ ବର୍ଷ ଠିକ୍ ସେପ୍ଟେମ୍ବର ମାସ ପ୍ରଥମ ସପ୍ତାହରେ  ଫେରୋକ୍ରୋମ କଲୋନୀ ଗେଟ ଆଖଣ୍ଡଳମଣି ମଣୀ ମନ୍ଦିର ନିକଟରେ ଥିବା ନୀଳ ରଙ୍ଗର କୋଠା ଘରୁ ଦୁର୍ବୁତ୍ତ ମାନେ ଲୁଟିନେଇଥିଲେ ଏକାଧିକ ମୋବାଇଲ ଫୋନ। ଜଣକର ଝରକା ଖୋଲା ଥିବାବେଳେ ଚୋର ଦୁଇଜଣ ଅତି ସାବଧାନ ସହକାରେ ଲମ୍ବା ବାଉଁଶର ସହାୟତାରେ ଟାଣି ନେଇଥିଲେ ମୋବାଇଲ ଆଉ ଜଣକର ଝରକା ଜାଲି କୁ ମଧ୍ୟ କାଟି ନେଇଯାଇଥିଲେ। ପୁଣି ଏହି ଘଟଣାର ପୁନରାବୃତ୍ତି ଘଟିଛି ଗତ କାଲି ରାତିରେ ଏହି ପରିସରରୁ ଏକ ସାଇକେଲ ଚୋରୀ ହୋଇଥିବା ସୂଚନା ମିଳିଛି। ଏକ ସପ୍ତାହ ପୂର୍ବରୁ ଏହି ଅଞ୍ଚଳରୁ ଏକ ସ୍କୁଟି ଚୋରୀ ହେଉଥିବା ବେଳେ ଲୋକ ଦକା ଡାଲି ହେବା ବେଳକୁ  ଚୋର ଟି ଦୌଡ଼ି ପକାଇଥିଲା। ଭୟ ବୋଲି କିଛି ଅଛି ବୋଲି ତାହା ଏଠାକାର ଚୋର ଙ୍କ ଠାରୁ ଲୋପ ପାଇଥିବା ଜଣାପଡିଛି ଏହାର କାରଣ ପୋଲିସ ପ୍ରଶାସନ ଏଥିପ୍ରତି ଆଦୌ ଦୃଷ୍ଟି ଦେଉ ନାହିଁ। ଏହି କଲୋନିରୁ ଗତ ଦୁଇ ବର୍ଷ ପୂର୍ବେ ଗୋଟିଏ ମୋଟରସାଇକେଲ ଚୋରି ହୋଇଥିଲା ଘର ମାଲିକ ପୋଲିସ କୁ ଜଣାଇଥିଲେ ଓ ଗା...

ଅବ୍ୟବସ୍ଥା ମଧ୍ୟରେ ଗୁଣପୁର ପେଟ୍ରୋଲ ପମ୍ପ ଗୁଣପୁର (ବ୍ରାହ୍ମ ମୁହୂର୍ତ୍ତ ): ୮/୯/୨୩ :ଜନସାଧାରଣଙ୍କୁ ସୁବିଧାରେ ଵିଶୁଦ୍ଧ ଇନ୍ଧନ ତୈଳ ସଠିକ୍ ଦରରେ ଯୋଗାଇ ଦେବା ପାଇଁ ଗୁଣପୁର ସହରରେ ରହିଛି ଚାରିଗୋଟି ପେଟ୍ରୋଲ ପମ୍ପ । କିନ୍ତୁ ଉକ୍ତ ତୈଳ କେନ୍ଦ୍ର ମାଲିକଙ୍କ ବେପରୁଆ ମନୋଭାବ ଯୋଗୁଁ ତୈଳ କେନ୍ଦ୍ରକୁ ଯାଉଥିବା ଗ୍ରାହକ ନାନା ଅସୁବିଧାର ସମ୍ମୁଖୀନ ହେଉଛନ୍ତି । ଏଭଳି ଚିତ୍ର ଦେଖିବାକୁ ମିଳିଛି ଗୁଣପୁର ସହରରେ ଥିବା ଚାରୋଟି ଯାକ ପେଟ୍ରୋଲ ଓ ଡିଜେଲ ପମ୍ପରେ । ପ୍ରତ୍ୟେକ ଦିନ ହଜାର ହଜାର ଗ୍ରାହକ ଉକ୍ତ ପମ୍ପ ଗୁଡିକ ଉପରେ ନିର୍ଭର କରିଥାନ୍ତି । କିନ୍ତୁ ସରକାରଙ୍କ ନିର୍ଦ୍ଦେଶନାମାକୁ ଖୋଲାଖୋଲି ଭାବେ ଏହି ପେଟ୍ରୋଲ ପମ୍ପ ଗୁଡ଼ିକରେ ଉଲଂଘନ କରାଯାଉଛି । ଦୈନିକ ତୈଳଦର ଗ୍ରାହକ ଜାଣିପାରୁନାହାନ୍ତି। ପ୍ରତ୍ୟେକ ପେଟ୍ରୋଲ ପମ୍ପରେ ମାଗଣାରେ ଯାନ ବାହାନ ଚକର ପ୍ରେସର ମାପିବା ପାଇଁ ମେସିନ ବ୍ୟବସ୍ଥା କରାଯାଇଛି । କିନ୍ତୁ ଏଠାରେ ଦୀର୍ଘ ଦିନ ଧରି ପ୍ରେସର ମେସିନ କାର୍ଯ୍ୟରେ ଆସୁନି । ସର୍ବସାଧାରଣଙ୍କ ନିମନ୍ତେ ରହିଥିବା ଶୌଚାଳୟରେ ସବୁବେଳେ ତାଲା ଝୁଲୁଥିବା ଦେଖିବାକୁ ମିଳିଛି । ଫାଷ୍ଟ ଏଡ୍ ବକ୍ସ ମଧ୍ୟ ତାଲା ପକାଇ ରଖିଥିବା ସୂଚନା ମିଳିଛି । ପେଟ୍ରୋଲ ପମ୍ପ ଗୁଡ଼ିକରେ ଏହି ସବୁ ଅବ୍ୟବସ୍ଥା ନଜରକୁ ଆସିବା ପରେ ଭାରତୀୟ ମାନବାଧିକାର ସୁରକ୍ଷା ପରିଷଦର ରାଜ୍ୟ କର୍ମଚାରୀ ପ୍ରଭାକର ପୋଣ୍ଟୁରୁ (ଚେୟାରମେନ...

କଣ୍ଟାମାଳ ବ୍ଲକ୍ ରେ ସଂସାଧନ ସଭ୍ୟଙ୍କ ପ୍ରଶିକ୍ଷଣ ଶିବିର ଉଦଜ୍ଜାପିତ  ବୌଦ୍ଧ(ବ୍ରାହ୍ମ ମୁହୂର୍ତ୍ତ ):-ଜିଲ୍ଲା ସୂଚନା ଓ ଲୋକ ସମ୍ପର୍କ ବିଭାଗ ଓ ଜିଲ୍ଲା ସଂସ୍କୃତି ବିଭାଗର ମିଳିତ ଆନୁକୁଲ୍ୟରେ  ବ୍ଲକ୍ ସମ୍ମିଳନୀ କକ୍ଷରେ କଣ୍ଟାମାଳ ବ୍ଲକ୍ ସ୍ତରୀୟ ସଂସାଧନ ସଭ୍ୟଙ୍କ ଦୁଇଦିନିଆ ପ୍ରଶିକ୍ଷଣ ଶିବିରର ଉଦଜ୍ଜାପନୀ ଉତ୍ସବ ଅନୁଷ୍ଠିତ ହୋଇଯାଇଛି । କାର୍ଯ୍ୟକ୍ରମ ର ମୁଖ୍ୟ ଅତିଥି ଭାବେ  ବ୍ଲକ୍ ଉପାଧକ୍ଷ ମହେନ୍ଦ୍ର ରଣା ମହେନ୍ଦ୍ର ରଣା, ସମ୍ମାନିତ ଅତିଥି ଭାବେ ସମନ୍ୱିତ ଶିଶୁ ବିକାଶ ଅଧିକାରୀ ଜ୍ଜୋସ୍ନା ରାଣୀ ପାଢ଼ୀ,  ସଭାପତି ଭାବେ ବିଡ଼ିଓ କଣ୍ଟାମାଳ କଳକୃଷ୍ଣ ପ୍ରଧାନ ପ୍ରଶିକ୍ଷଣ ଶିବିରର  ଉଦ୍ଦେଶ୍ୟ ଜ୍ଞାପନ, ଗୁଣାତ୍ମକ ମାନର କଳା ପ୍ରଦର୍ଶନ, କଳା, ସାହିତ୍ୟ, ସଂସ୍କୃତି ଓ ପରମ୍ପରା କ୍ଷେତ୍ରରେ ବୌଦ୍ଧର ବିକାଶ, ସରକାରଙ୍କ ବିଭିନ୍ନ ଯୋଜନା ସମ୍ପର୍କିତ ବାର୍ତ୍ତା ଲୋକକଳା ମାଧ୍ୟମରେ ସମସ୍ତ ଗ୍ରାମରେ ପହଞ୍ଚାଇବା ପାଇଁ କଳାକାରମାନଙ୍କୁ ଆହ୍ଵାନ କରିଥିଲେ ।  ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ  ରିତାକାନ୍ତି ବଳିୟାର ସିଂହ  ପୂର୍ବଦିନର କାର୍ଯ୍ୟକ୍ରମ ର ସମୀକ୍ଷା,  ଶିବିରର ଲକ୍ଷ୍ୟ ଓ ଉଦ୍ଦେଶ୍ୟ ଉପରେ ଆଲୋଚନା କରିବା ସହ ଆସନ୍ତା ସେପ୍ଟେମ୍ବର ତା. ୧୫ ରୁ ୩୦ ରିଖ ମଧ୍ୟରେ ପାଲା, ଦାସକାଠିଆ, ଘୋଡା ନାଚ, ଫୋକ ସଂଗୀତ ଓ ନୃତ୍ୟ ମାଧ୍ୟମରେ...

ବୌଦ୍ଧ ଅଧିଷ୍ଠାତ୍ରୀ ଦେବୀ ମା’ ଭୈରବୀଙ୍କ ଠାରେ ନୂଆଖାଇ ପାଇଁ ଲଗ୍ନ ଧାର୍ଯ୍ୟ  ବୌଦ୍ଧ(ବ୍ରାହ୍ମ ମୁହୂର୍ତ୍ତ ):-ପଶ୍ଚିମ ଓଡିଶାର ଗଣପର୍ବ ନୂଆଖାଇ ପାଇଁ ପରମ୍ପରା ଅନୁସାରେ ବୌଦ୍ଧର ଅଧିଷ୍ଠାତ୍ରୀ ଦେବୀ ମା’ ଭୈରବୀଙ୍କ ନବାନ୍ନ ଲଗ୍ନ ଧାର୍ଯ୍ୟ କରାଯାଇଛି । ସେପ୍ଟେମ୍ବର ମାସ ୨୦ ତାରିଖ ବୁଧବାର ଦିନ ଭାଦ୍ରବ ଶୁକ୍ଳ ପକ୍ଷ ପଂଚମୀ ସକାଳ ୮ ଟା ୦୩ ମିନିଟ ରୁ ୮ ଟା ୧୭ ମିନିଟ ମଧ୍ୟେ ଅଧିଷ୍ଠାତ୍ରୀ ଦେବୀ ମା ଭୈରବୀଙ୍କ ଠାରେ ନବାନ୍ନ ଭୋଗ ଲାଗିବ । ପଣ୍ଡିତ ମାନଙ୍କ ମଧ୍ୟରେ ଆଲୋଚନା କରାଯାଇ ଲଗ୍ନ ଧାର୍ଯ୍ୟ ସଂପର୍କିତ ମତାମତ ନିଆଯିବା ପରେ ସର୍ବସମ୍ମତି କ୍ରମେ ଲଗ୍ନ ଧାର୍ଯ୍ୟ  କରାଯାଇଥିବା ନେଇ ପଣ୍ଡିତ ପିତାମ୍ବର ଆଚାର୍ଯ୍ୟ ସୂଚନା ଦେଇଥିଲେ । ମାଁ ଭୈରବୀଙ୍କ ପୀଠରେ ପ୍ରଥମେ ନବାନ୍ନ ଲାଗି ହେବା ପରେ ଅନ୍ୟ ଦେବାଦେବୀଙ୍କ ଠାରେ ନବାନ୍ନ ଅର୍ପଣ ହେବ, ତାପରେ ଲୋକେ ନିଜ ନିଜ ଇଷ୍ଟ ଦେବାଦେବୀଙ୍କ ଠାରେ ନବାନ୍ନ ଅର୍ପଣ କରି ନିଜେ ନବାନ୍ନ ଗ୍ରହଣ କରିବେ ବୋଲି ମୁଖ୍ୟ ପୂଜକ ଗୌରୀ ଶଙ୍କର ବଡମାଳୀ ପ୍ରକାଶ କରିଛନ୍ତି । ପରମ୍ପରା ପ୍ରକାରେ ମା’ ଭୈରବୀଙ୍କ ନିକଟରେ ନବାନ୍ନ ଲାଗି କରାଯିବା ପରେ ମା ଭୈରବୀଙ୍କ ପୀଠରେ ଭକ୍ତମାନଙ୍କୁ ନବାନ୍ନ ଭୋଗ ବିତରଣ କରାଯିବ । ଏହି ଅବସରରେ ବ୍ରାହ୍ମଣ ସମାଜର ସଭାପତି ଗୁରୁପ୍ରସାଦ ଦାସ, ସଂପାଦକ ଦେବାଶିଷ ପୁରୋହିତ, ପଣ୍ଡିତ ପ୍ରଦ୍ୟୁମ୍ନ କୁମାର ମିଶ୍ର, ସିଦ୍ଦେଶ୍ୱର ...

ବେଲଗାଁ ପଞ୍ଚାୟତରେ ହରିଶ୍ଚନ୍ଦ୍ର ଯୋଜନା ବାଟବଣା | ଝରୀଗାଁ(ବ୍ରାହ୍ମ ମୁହୂର୍ତ୍ତ )07/09-ସରକାର ଗରିବ ଲୋକମାନଙ୍କ ପାଇଁ ମାଳମାଳ ଯୋଜନା କରିଛନ୍ତି |ତହିଁ ମଧ୍ୟରେ ହରିଶ୍ଚନ୍ଦ୍ର ଯୋଜନା ମଧ୍ୟ ଏକ ପ୍ରମୁଖ ଯୋଜନା | ପରିବାର ର କୌଣସି ବ୍ୟକ୍ତିର ମୃତ୍ୟୁ ହେଲେ ତାର ଶବ ସତ୍କାର ନିମନ୍ତେ ସରକାରଙ୍କ ତରଫରୁ ସହାୟତା ରାଶି ପ୍ରଦାନ କରାଯାଉଛି |ସହରାଞ୍ଚଳ ପାଇଁ 4000ଟଙ୍କା ଆର୍ଥିକ ରାଶି ଧାର୍ଯ୍ୟ କରାଯାଇଥିବା ବେଳେ ଗ୍ରାମାଞ୍ଚଳ ପାଇଁ 3000ଟଙ୍କା ସହାୟତା ରାଶି ଧାର୍ଯ୍ୟ ରହିଛି |ମୃତ୍ୟୁର ସାତ ଦିନ ମଧ୍ୟରେ ପଞ୍ଚାୟତ ଅଧିକାରୀମାନେ ଏହି ରାଶି ଶୋକାତୁର ପରିବାର ନିକଟରେ ପହଞ୍ଚି ପ୍ରଦାନ କରିବାର ନିୟମ ରହିଛି |ହେଲେ ମାସ ମାସ ବର୍ଷ ବର୍ଷ ବିତିଯାଉଥିଲେ ମଧ୍ୟ ସହାୟତା ରାଶି ପ୍ରଦାନ କରୁନାହାନ୍ତି ପଞ୍ଚାୟତ ଅଧିକାରୀମାନେ |ପଚାରିଲେ କହୁଛନ୍ତି ଟଙ୍କା ଆସିନି |ଯାହାକୁ ନେଇ ସାଧାରଣରେ ଦିନକୁ ଦିନ ଅସନ୍ତୋଷ ବୃଦ୍ଧିପାଉଛି |ବେଲଗାଁ ପଞ୍ଚାୟତର ଘଳଘଳିଆଗୁଡା ଅର୍ଜୁନ ଭତରା କର୍ମରୀ ଗ୍ରାମର ରଘୁ ଭତରା, ବେଲେଣ୍ଡିଆ ଗୁଡା ର ପିତାମ୍ବର ଭତରା ରୁକ ଭତରା ,ମହଣ୍ଡି ର ବାଦୁ ଗଣ୍ଡଙ୍କୁ ମରିକି 6ମାସ ଉପରେ ହୋଇଯାଇଥିଲେ ମଧ୍ୟ ଆଜିଯାଏ ତାଙ୍କ ପରିବାର ଲୋକେ ହରିଶ୍ଚନ୍ଦ୍ର ସହାୟତା ରାଶି ପାଇନଥିବା ଅଭିଯୋଗ କରିଛନ୍ତି |ହରିଶ୍ଚନ୍ଦ୍ର ଯୋଜନାକୁ ନେଇ ଦିନକୁ ଦିନ ଜନ ଅସନ୍ତୋଷ ବଢ଼ିବାରେ ଲାଗିଛି |ପ୍ରଶାସନ ତୁରନ୍ତ ଏଦିଗ...

ମାଳୀ ଓ ରଣା ସମ୍ପ୍ରଦାୟ ଆଦିବାସୀ ମାନ୍ୟତାକୁ ବିରୋଧ କରି ଝରିଗାଁ ବ୍ଲକ ଜନଜାତି ସୁରକ୍ଷା ମଞ୍ଚର ମେଳି  | ଝରିଗାଁ(ବ୍ରାହ୍ମ ମୁହୂର୍ତ୍ତ )06/09-ଓଡ଼ିଶାର ୪ ଟି ଜିଲ୍ଲା ର ମାଳୀ ଓ ରଣା ସମ୍ପ୍ରଦାୟ କୁ ଆଦିବାସୀ ମାନ୍ୟତା ପ୍ରଦାନ ପାଇଁ ରାଜ୍ୟ ଆଦିବାସୀ ପରାମର୍ଶ ଦାତା କମିଟି ପକ୍ଷରୁ କେନ୍ଦ୍ର ସରକାର ଙ୍କୁ ସୁପାରିଶ କରାଯାଇଛି।ଏହାକୁ ବିରୋଧ କରି ଝରିଗାଁ ବ୍ଲକ ଜନଜାତି ସୁରକ୍ଷା ମଞ୍ଚ ପକ୍ଷରୁ ଦେଉଳକଣା ଶୈବପୀଠ ଠାରେ ଏକ ବୈଠକ ଅନୁଷ୍ଠିତ ହୋଇଥିଲା।ଝରିଗାଁ ବ୍ଲକ ଜନଜାତି ସୁରକ୍ଷା ମଞ୍ଚ ସଭାପତି ଘନ ମାଝୀଙ୍କ ସଭାପତିତ୍ୱରେ ଅନୁଷ୍ଠିତ ଏହି ବୈଠକରେ ମୁଖ୍ୟ ଅତିଥି ଭାବେ ଜିଲ୍ଲା ଜନଜାତି ସୁରକ୍ଷା ମଞ୍ଚ ସଂଯୋଜକ ରାଜମନ ଭତ୍ରା ଯୋଗ ଦେଇ ସଂଗଠନକୁ ସୁଦୃଡ଼ କରିବା ପାଇଁ ଆହ୍ୱାନ ଦେବା ସହ ମାଳୀ ଓ ରଣା ସମ୍ପ୍ରଦାୟକୁ ଆଦିବାସୀ ମାନ୍ୟତା ପ୍ରଦାନକୁ ତୀବ୍ର ବିରୋଧ କରିବା ସହ ଜିଲ୍ଲା ଭିତ୍ତିକ ଶିକ୍ଷକ ନିଯୁକ୍ତି ପାଇଁ ଦାବି କରିଥିଲେ।ସେହିପରି ସମ୍ମାନୀତ ଅତିଥି ଭାବେ ଉମରକୋଟ ବ୍ଲକ ରାଜଗଣ୍ଡ ସମାଜ ସଭାପତି ଭଦୁରୁ ମାଝୀ,ଝରିଗାଁ ବ୍ଲକ କର୍ମଚାରୀ ସଭାପତି ମାଧବ ଭତ୍ରା,ଉପ ସଭାପତି ରବି ଜାନୀ, ସମ୍ପାଦକ ଧର୍ମୁ ମାଝୀ, ଭତ୍ରା ସମାଜ ମୁଖ୍ୟ ଶୁକଚନ୍ଦ ମାଝୀ,ବଂଜରା ସମାଜ ମୁଖ୍ୟ ରିଖିରାମ ବଂଜରା,ରାଜଗଣ୍ଡ ସମାଜ ମୁଖ୍ୟ ଚକ୍ର ଧର ମାଝୀ,ମୁରିଆ ସମାଜ ମୁଖ୍ୟ ଲଷ୍ମୀ ଚନ୍ଦ୍ର ଚାଲାଣ,ଧ୍ରୁବ ଗଣ୍ଡ ସମାଜ ମୁଖ୍ୟ...

ଝରୀଗାଁ ସମିତି ସଭ୍ୟସଭ୍ୟା ସଙ୍ଘ ତରଫରୁ ବିଧାୟକଙ୍କୁ ଦାବୀପତ୍ର ପ୍ରଦାନ  ଝରୀଗାଁ(ବ୍ରାହ୍ମ ମୁହୂର୍ତ୍ତ )ତା 06/09-ନବରଙ୍ଗପୁର ଜିଲ୍ଲା ଝରୀଗାଁ ବ୍ଲକର ସମସ୍ତ ସମିତି ସଭ୍ୟ/ସଭ୍ୟା ଏକତ୍ରିତ ହୋଇ ଝରୀଗାଁ ବିଧାୟକ ଇଂ ପ୍ରକାଶ ଚନ୍ଦ୍ର ମାଝୀଙ୍କୁ ଏକ ବାର ଦଫା ଦାବୀପତ୍ର ପ୍ରଦାନ କରିଛନ୍ତି |ଉକ୍ତ ଦାବୀପତ୍ରରେ ଉଲ୍ଲେଖ ରହିଛି କି,ସମିତି ସଭ୍ୟ ପାଣ୍ଠି କୋଡିଏ ଲକ୍ଷ କୁ ବୃଦ୍ଧି କରିବା,ପ୍ରତି ପଞ୍ଚାୟତ ସମିତି ସଭ୍ୟ/ସଭ୍ୟା ମାନଙ୍କ ପାଇଁ ଅଫିସ ଗୃହ ସାଙ୍ଗକୁ ନାମ ଫଳକ ର ବ୍ୟବସ୍ଥା କରିବା,ପ୍ରତି ପଞ୍ଚାୟତର ସମସ୍ତ ବୈଠକରେ ସମିତି ସଭ୍ୟ ମାନଙ୍କ ଯୁଗ୍ମ ସ୍ଵାକ୍ଷର ରହିବାର ବ୍ୟବସ୍ଥା କରିବା,ଏନ ଆର ଇ ଜି ଏସ କାର୍ଯ୍ୟ ସବୁର ସ୍ୱଚ୍ଛତା ପାଇଁ ସମିତି ମାନଙ୍କ କାଉଣ୍ଟର ସାଇନ ର ବ୍ୟବସ୍ଥା କରିବା,ସରକାରଙ୍କ ସମସ୍ତ ଉନ୍ନୟନ ମୂଳକ କାର୍ଯ୍ୟପାଇଁ ଆସୁଥିବା ଚିଠିର ଏକ ନକଲ ସମିତି ସଭ୍ୟ ମାନଙ୍କୁ ପ୍ରଦାନ କରିବା,ସମିତି ବୈଠକରେ ସମିତି ମାନେ ହିଁ ସ୍ଥାୟୀ ସଦସ୍ୟ ରହିବା ଦରକାର,ସରପଞ୍ଚଙ୍କ ଭଳି ସବୁ ପ୍ରମାଣପତ୍ରରେ ସମିତି ମାନେ ମଧ୍ୟ ଦସ୍ତଖତ କରିବାର ଅଧିକାର ରହିବା,ପଂଚାୟତ ସମିତି ରେ ହେଉଥିବା ସବୁ ବୈଠକରେ ସମିତି ମାନଙ୍କୁ ଡାକିବା ବାଧ୍ୟତା ମୂଳକ କରାଯାଉ,ସମିତି ମାନଙ୍କ ପ୍ରୋତ୍ସାହନ ଭତ୍ତା କୋଡିଏ ହଜାର ଟଙ୍କା ଓ ଅବସର ପରେ ଦଶ ହଜାର ଟଙ୍କା ଭତ୍ତାର ବ୍ୟବସ୍ଥା କରାଯିବା,ଦଶ ଲକ୍ଷ ଜୀବନ ବୀମା ଓ ଦଶ ଲକ...

କଣ୍ଟାମାଳ ବ୍ଲକ୍ ରେ ସଂସାଧନ ସଭ୍ୟଙ୍କ ପ୍ରଶିକ୍ଷଣ ଶିବିର ଉଦଜ୍ଜାପିତ l ବୌଦ୍ଧ(ବ୍ରାହ୍ମ ମୁହୂର୍ତ୍ତ ):- ଜିଲ୍ଲା ସୂଚନା ଓ ଲୋକ ସମ୍ପର୍କ ବିଭାଗ ଓ ଜିଲ୍ଲା ସଂସ୍କୃତି ବିଭାଗର ମିଳିତ ଆନୁକୁଲ୍ୟରେ  ବ୍ଲକ୍ ସମ୍ମିଳନୀ କକ୍ଷରେ କଣ୍ଟାମାଳ ବ୍ଲକ୍ ସ୍ତରୀୟ ସଂସାଧନ ସଭ୍ୟଙ୍କ ଦୁଇଦିନିଆ ପ୍ରଶିକ୍ଷଣ ଶିବିରର ଉଦଜ୍ଜାପନୀ ଉତ୍ସବ ଅନୁଷ୍ଠିତ ହୋଇଯାଇଛି । କାର୍ଯ୍ୟକ୍ରମ ର ମୁଖ୍ୟ ଅତିଥି ଭାବେ  ବ୍ଲକ୍ ଉପାଧକ୍ଷ ମହେନ୍ଦ୍ର ରଣା ମହେନ୍ଦ୍ର ରଣା, ସମ୍ମାନିତ ଅତିଥି ଭାବେ ସମନ୍ୱିତ ଶିଶୁ ବିକାଶ ଅଧିକାରୀ ଜ୍ଜୋସ୍ନା ରାଣୀ ପାଢ଼ୀ,  ସଭାପତି ଭାବେ ବିଡ଼ିଓ କଣ୍ଟାମାଳ କଳକୃଷ୍ଣ ପ୍ରଧାନ ପ୍ରଶିକ୍ଷଣ ଶିବିରର  ଉଦ୍ଦେଶ୍ୟ ଜ୍ଞାପନ, ଗୁଣାତ୍ମକ ମାନର କଳା ପ୍ରଦର୍ଶନ, କଳା, ସାହିତ୍ୟ, ସଂସ୍କୃତି ଓ ପରମ୍ପରା କ୍ଷେତ୍ରରେ ବୌଦ୍ଧର ବିକାଶ, ସରକାରଙ୍କ ବିଭିନ୍ନ ଯୋଜନା ସମ୍ପର୍କିତ ବାର୍ତ୍ତା ଲୋକକଳା ମାଧ୍ୟମରେ ସମସ୍ତ ଗ୍ରାମରେ ପହଞ୍ଚାଇବା ପାଇଁ କଳାକାରମାନଙ୍କୁ ଆହ୍ଵାନ କରିଥିଲେ ।  ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ  ରିତାକାନ୍ତି ବଳିୟାର ସିଂହ  ପୂର୍ବଦିନର କାର୍ଯ୍ୟକ୍ରମ ର ସମୀକ୍ଷା,  ଶିବିରର ଲକ୍ଷ୍ୟ ଓ ଉଦ୍ଦେଶ୍ୟ ଉପରେ ଆଲୋଚନା କରିବା ସହ ଆସନ୍ତା ସେପ୍ଟେମ୍ବର ତା. ୧୫ ରୁ ୩୦ ରିଖ ମଧ୍ୟରେ ପାଲା, ଦାସକାଠିଆ, ଘୋଡା ନାଚ, ଫୋକ ସଂଗୀତ ଓ ନୃତ୍ୟ ମାଧ୍ୟମରେ ପ୍ରତ...

ସାପ କାମୁଡାରେ ଜଣେ ତେର ବର୍ଷୀୟ ଛାତ୍ରର ମୃତ | ଝରୀଗାଁ (ବ୍ରାହ୍ମ ମୁହୂର୍ତ୍ତ )05/09-ସାପ କାମୁଡାରେ ଜଣେ  ତେର ବର୍ଷୀୟ ଛାତ୍ରର ମୃତ୍ୟୁ ଖବର ଅଂଚଳରେ ଶୋକର ଛାୟା ଖେଳେଇ ଦେଇଛି |ନବରଙ୍ଗପୁର ଜିଲ୍ଲା ଝରୀଗାଁ ବ୍ଲକ ବେଲଗାଁ ପଂଚାୟତ ଅନ୍ତର୍ଗତ କରମରି ଗ୍ରାମର  ଯଦୁ ପନକା ଓ ଲକ୍ଷ୍ମୀ ପନକା ଙ୍କ ଦ୍ଵିତୀୟ ପୁତ୍ର ଦୁର୍ଯ୍ୟୋଧନ ପନକା, ବୟସ ମାତ୍ର 13ବର୍ଷ |କୁସୁମୀ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ନବମ ଶ୍ରେଣୀରେ ପଢୁଥିଲା |ରାତି ପ୍ରାୟ 4ଘଣ୍ଟିକା ସମୟରେ ସୋଇଥିବା ଅବସ୍ଥାରେ ଏକ କରାଟି ସାପ କାମୁଡିବାରୁ ପରିବାରଲୋକେ ତାକୁ ପ୍ରଥମେ ଝରୀଗାଁ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଓ ପରେ ନବରଙ୍ଗପୁର ଜିଲ୍ଲା ସ୍ୱାସ୍ଥ୍ୟକେନ୍ଦ୍ରକୁ ସ୍ଥାନାନ୍ତର କରାଯାଉଥିଲା |ହେଲେ ଛାତ୍ର ଜଣକ ଅତି ଡହଳ ବିକଳ ହେବାରୁ ତାକୁ ନବରଙ୍ଗପୁର ଜିଲ୍ଲା ସ୍ୱାସ୍ଥ୍ୟକେନ୍ଦ୍ର ପରିବର୍ତ୍ତେ ଡାବୁଗାଁ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନେଇଯିବା ପାଇଁ ନିଷ୍ପତି ନିଆଯାଇ ଡାବୁଗାଁ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ନେଇ ଭର୍ତି କରାଯାଇଥିଲା |ହେଲେ ମେଡିକାଲରେ ପହଞ୍ଚିଲା ପରେ ଡାକ୍ତର ତାଙ୍କୁ ପରୀକ୍ଷା ନିରୀକ୍ଷା କରି ମୃତ ଘୋଷଣା କରିଥିଲେ |ଦୁର୍ଯ୍ୟୋଧନଙ୍କ ଅକାଳ ବିୟୋଗ ଯୋଗୁଁ ପରିବାର ମଧ୍ୟରେ ଏକ ପ୍ରକାର ଶୋକର ବାତାବରଣ ସୃଷ୍ଟି ହୋଇଛି |

ରାମସା ସରକାରୀ ଉନ୍ନୀତ ଉଚ୍ଚ ପ୍ରାଥମିକ ବିଦ୍ୟାଳୟରେ ଗୁରୁ ଦିବସ ପାଳିତ | ଝରୀଗାଁ  05/09-(ବ୍ରାହ୍ମ ମୁହୂର୍ତ୍ତ )ଆଜି ହେଉଛି ସେପ୍ଟେମ୍ବର ପାଞ୍ଚ ତାରିଖ |ଆଜିର ଦିନଟି ପ୍ରତ୍ୟେକ ଭାରତୀୟଙ୍କ ପାଇଁ ଅବିସ୍ମରଣୀୟ ଦିନ |କାରଣ, ଆଜିର ଦିନରେ ହିଁ ସ୍ୱାଧୀନ ଭାରତର ଦ୍ଵିତୀୟ ରାଷ୍ଟ୍ରପତି ତଥା ପ୍ରଥମ ଉପ ରାଷ୍ଟ୍ରପତି ଡ଼. ସର୍ବପଲ୍ଲୀ ରାଧାକ୍ରିଷ୍ଣନ ଜନ୍ମଗ୍ରହଣ କରିଥିଲେ ଓ ନିଜର ଜନ୍ମଦିନକୁ ଗୁରୁ ଦିବସ ଭାବେ ପାଳନ କରିବାକୁ ସ୍ୱୀକୃତି ପ୍ରଦାନ କରିଥିଲେ |ସେ ଏକା ଧାରରେ ଶିକ୍ଷକ, ଦାର୍ଶନିକ ଓ ରାଜନୀତିଜ୍ଞ ଥିଲେ |ଦେଶପ୍ରତି ତାଙ୍କର ଅବଦାନ ଅତୁଳନୀୟ |ଗୁରୁମାନଙ୍କୁ ଏକ ସୁଉଚ୍ଚ ଆସନରେ ଅଳଙ୍କୃତ କରିବାରେ ରହିଛି ତାଙ୍କର ଏକ ଗୁରୁତ୍ୱପୂର୍ଣ୍ଣ ଅବଦାନ |ଏକ ସୁସ୍ଥ ସମାଜ ଗଠନରେ ଗୁରୁ ମାନଙ୍କ ରହିଛି ଗୁରୁତ୍ୱପୂର୍ଣ୍ଣ ଭୂମିକା |ଗୁରୁବିନା ଜୀବନଟା ଅନ୍ଧକାରମୟ |ସମାଜରେ  ମଣିଷ ପରି ମଣିଷଟିଏ ଗଢି ଠିଆ କରିବାରେ ଯଦି କେହି ସକ୍ଷମ ମଣିଷ   ରହିଥାନ୍ତି, ତେଵେ ସେ ହେଉଛନ୍ତି ଗୁରୁ |ଗୁରୁଙ୍କ ବିଷୟରେ ଯେତିକି ବର୍ଣ୍ଣନା କଲେ ବି ତାହା କମ ପଡିବ |ଶାସ୍ତ୍ର ମାନଙ୍କରେ ମଧ୍ୟ ଗୁରୁଜନ ମାନଙ୍କୁ ପରଂବ୍ରହ୍ମ ସହିତ ତୁଳନା କରାଯାଇଛି |ଗୁରୁ ହେଉଛନ୍ତି ସମାଜ ର ଆଲୋକ ସଦୃଶ |ଏକଥା କୁ ସେ ମର୍ମେ ମର୍ମେ ହୃଦୟଙ୍ଗମ କରିଥିଲେ ଓ ନିଜ ଜନ୍ମଦିନକୁ ଗୁରୁଦିବସ ଭାବେ ପାଳନ କରି ଗୁରୁମାନଙ୍କୁ ଯଥେଷ...

ଗୁଣପୁର/ରାୟଗଡ଼(ବ୍ରାହ୍ମ ମୁହୂର୍ତ୍ତ)-: ଜିଲ୍ଲାର ବିଭିନ୍ନ ବ୍ଳକ ଅନ୍ତର୍ଗତ ଗ୍ରାମ ପଞ୍ଚାୟତ ସ୍ତରରେ ଥିବା ବିଦ୍ୟାଳୟ ପକ୍ଷରୁ ସେପ୍ଟେମ୍ବର ମାସ ୫ତାରିଖ ଦିନଟିକୁ ଜାତୀୟ ସ୍ବାକ୍ଷର ଦିବସ ବା ଗୁରୁ ଦିବସ ରୂପେ ପାଳନ କରାଯାଏ।  ଏହି ଅବସରରେ ଗୁଣପୁର ବ୍ଲକ ଅନ୍ତର୍ଗତ ଭୀମପୁର ଗ୍ରାମରେ ଥିବା ସରକାରୀ ପ୍ରାଥମିକ ବିଦ୍ୟାଳୟ ଛାତ୍ରଛାତ୍ରୀମାନଙ୍କ ଭିତରେ ଦେଖିବାକୁ ମିଳିଥିଲା ଉତ୍ସାହ ସହକାରେ ପାଳନ କରିଥାନ୍ତି ଗୁରୁ ଦିବସ। ଭାରତର ରାଷ୍ଟ୍ରପତି ସର୍ବପଲ୍ଲୀ ରାଧାକ୍ରିଷ୍ଣନଙ୍କ ଜନ୍ମଦିନ ପାଳନ ଅବସରରେ ଦେଶର କୋଣ ଅନୁକୋଣରେ ଛାତ୍ରଛାତ୍ରୀମାନଙ୍କ ଭିତରେ ଗୁରୁଶିଷ୍ୟର ମହାନ୍ ପରମ୍ପରା ଅନୁଯାୟୀ ଏହି ପବିତ୍ର ଦିନରେ ସମସ୍ତ ସରକାରୀ ବେସରକାରୀ ଶିକ୍ଷା ଅନୁଷ୍ଠାନ ମାନଙ୍କରେ ଗୁରୁ ଦିବସ ପାଳନ କରାଯାଏ।।

ପାଞ୍ଚମାସ ହେଲା ପେନସନ ରୁ ବଞ୍ଚିତ ଅଛନ୍ତି ସତୁରି ବର୍ଷୀୟା ବୃଦ୍ଧା | ଝରୀଗାଁ(ବ୍ରାହ୍ମ ମୁହୂର୍ତ୍ତ )ପାଞ୍ଚମାସ ହେଲା ପେନସନ ରୁ ବଞ୍ଚିତ ଅଛନ୍ତି ଜଣେ 70ବର୍ଷୀୟା ବୃଦ୍ଧା  |ନବରଙ୍ଗପୁର ଜିଲ୍ଲା ଝରୀଗାଁ ବ୍ଲକ ଗୁରୁସିଂଗା ପଞ୍ଚାୟତ ଅନ୍ତର୍ଗତ ନୁଆଗାଁ ଗ୍ରାମର  ସ୍ବର୍ଗତ ବିଜୟ ମାଝୀ  ଙ୍କ ବିଧବା ସ୍ତ୍ରୀ ରୁକ୍ମଣୀ ମାଝୀ (70)ପାଞ୍ଚମାସ ହେଲା ପେନସନ ପାଉନଥିବା ପରିବାର ଲୋକ ଅଭିଯୋଗ କରିଛନ୍ତି |ପରିବାର ଲୋକଙ୍କ କହିବାନୁସାରେ ବାପାଙ୍କ ମୃତ୍ୟୁପରେ ରୁକ୍ମଣୀ ଲଗାତାର ଭାବେ ବିଧବା ଭତ୍ତା ପାଇଆସୁଥିଲେ |ହେଲେ ଗତ 5ମାସ ହେବ ସେ  ରୋଗରେ ଆକ୍ରାନ୍ତ ହୋଇ ବର୍ତମାନ ବିଛଣାରୁ ଉଠିପାରୁନାହାନ୍ତି |ପରିବାରଲୋକେ ଶୋଇଲା ସ୍ଥାନରୁ ହିଁ ରୁକ୍ମଣୀର ସେବା ଶୁଶ୍ରୁଷା କରୁଛନ୍ତି |ସରକାର ଙ୍କ ଅନଲାଇନ ପେନସନ ବ୍ୟବସ୍ଥା ଯୋଗୁଁ ସେ ଆଉ ବ୍ୟାଙ୍କକୁ ଯାଇ ପଇସା ଉଠାଇ ପାରୁନାହାନ୍ତି |ସରକାର ଚଲାବୁଲା କରିବାକୁ ଅସମର୍ଥ ହିତାଧିକାରୀ ମାନଙ୍କୁ ପଞ୍ଚାୟତ ଅଧିକାରୀମାନେ ତାଙ୍କ ଘରେ ଘରେ ପହଞ୍ଚି ପେନସନ ପ୍ରଦାନ କରିବାକୁ ନିର୍ଦେଶ ଦେଇଥିଲେ ମଧ୍ୟ ପାଞ୍ଚମାସ ହେବ କୌଣସି ଅଧିକାରୀ ତାଙ୍କ ପାଖରେ ପହଞ୍ଚି ନଥିବା ପରିବାର ଲୋକେ ଅଭିଯୋଗ କରିଛନ୍ତି |ପ୍ରଶାସନ ଏଦିଗରେ ତୁରନ୍ତ ପଦକ୍ଷେପ ନେଇ ଶୁକମନିଙ୍କୁ ପେନସନ ଯୋଗାଇ ଦେବାକୁ ପରିବାରଲୋକେ ଓ ଅନ୍ୟାନ୍ୟ ଗ୍ରାମବାସୀ ଦାବୀ କରିଛନ୍ତି |

ବହୁ ପ୍ରତିକ୍ଷିତ ସଉରା ଲିପି ସରକାରୀ ମାନ୍ୟତା ପାଇବା ପରେ ସରକାରଙ୍କ ତତ୍ପରତା  ଗୁଣପୁର(ବ୍ରାହ୍ମ ମୁହୂର୍ତ୍ତ ): ୪/୯/୨୩ : ଦୀର୍ଘ ୮୫ ବର୍ଷର ସଂଘର୍ଷ ପରେ ଆଜି ନିଜର ପରିଚୟ ପାଇଛି ସଉରା ଲିପି । ସରକାର ଏହି ପୁରାତନ ଲିପିକୁ ସରକାରୀ ମାନ୍ୟତା ପ୍ରଦାନ କରିଛନ୍ତି । ରାଜ୍ୟର ଦକ୍ଷିଣାଞ୍ଚଳ ରାୟଗଡ଼ା , ଗଜପତି , ପଡୋଶୀ ଆନ୍ଧ୍ର , ଝାଡ଼ଖଣ୍ଡ , ମଧ୍ୟପ୍ରଦେଶ, ମହାରାଷ୍ଟ୍ରର ପୂର୍ବଘାଟ ପର୍ବତମାଳାରେ ଦେଖିବାକୁ ମିଳେ ଏହି ସଉରା ସମ୍ପ୍ରଦାୟ । ଏହି ଅଞ୍ଚଳରେ ପ୍ରାୟ ୩ ରୁ ୪ ଲକ୍ଷ ଏହି ସଉରା ଭାଷାରେ ନିଜ ନିଜ ମଧ୍ୟରେ ଭାବର ଆଦାନ ପ୍ରଦାନ କରିଥାନ୍ତି ।                  କିମ୍ବଦନ୍ତୀ ଅନୁଯାୟୀ, ଏକ ଅଲୌକିକ ଘଟଣା କ୍ରମରେ ରାୟଗଡ଼ା ଜିଲ୍ଲା ଗୁଣପୁର ଉପଖଣ୍ଡରେ ଅବସ୍ଥିତ *ମରିଚଗୁଡା* ଗ୍ରାମରେ ଜନ୍ମଗ୍ରହଣ କରିଥିଲେ ପଣ୍ଡିତ ମାଙ୍ଗେଇ ଗମାଙ୍ଗ । ସେ ୧୯୩୬ ମସିହାରେ ସଉରା ଲିପିର ସନ୍ଧାନ ପାଇଁ ୨୧ ଦିନ ତପସ୍ୟା କରିବା ପରେ ଅକ୍ଷର ବ୍ରହ୍ମ ପ୍ରାପ୍ତ ହୋଇଥିଲେ । ଓଡ଼ିଆ ଭାଷା ସହିତ ସାମଞ୍ଜସ୍ୟ ଥିବା ୨୪ ଟି ଅକ୍ଷର ଓ ୧୦ ଟି ସଂଖ୍ୟା କଳ୍ପିତ ହୋଇ ପଥରରେ ଖୋଦା ହୋଇଥିବା ତାଙ୍କୁ ସ୍ବପ୍ନାଦେଶ ହୋଇଥିଲା । ଏହି ଅକ୍ଷରକୁ ସ୍ଥାନୀୟ ଭାଷାରେ ସୋରାଙ୍ଗ ସମ୍ପେଙ୍ଗ କୁହାଯାଏ । ଯାହା ବର୍ତ୍ତମାନ ମରିଚଗୁଡା ଗ୍ରାମରେ ଅକ୍ଷର ବ୍ରହ୍ମ ରୂପରେ ପୂଜା ପାଉଛି ...

ଡ୍ରାଇଭର ଦିବସ ପାଳନ କଲେ ଗୁଣପୁର ଡ୍ରାଇଭର ମହାସଂଘ ରିପୋର୍ଟ - ପୂର୍ଣ୍ଣ ଚନ୍ଦ୍ର ଶବର    ଗୁଣପୁର : ୧/୯/୨୩ (ବ୍ରାହ୍ମ ମୁହୂର୍ତ୍ତ ):  ସେପ୍ଟେମ୍ବର ୧ ତାରିଖ , ଏହି ଦିନଟିକୁ ଗାଡ଼ି ଚାଳକ (ଡ୍ରାଇଭର) ମାନେ "ଡ଼୍ରାଇଭର ଦିବସ" ରୁପେ ପାଳନ କରି ଆସୁଛନ୍ତି । ସମାଜରେ ଡ୍ରାଇଭର ମାନଙ୍କ ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । କିନ୍ତୁ ସବୁବେଳେ ଅବହେଳିତ ଓ ନିଷ୍ପେସିତ ଜୀବନ ବିତାଇବାକୁ ବାଧ୍ୟ ହୋଇଥାନ୍ତି ଏହି ଡ୍ରାଇଭର ମାନେ । ଚବିଶ ଘଣ୍ଟା ଜନତାର ସେବାରେ ନିଜ ଜୀବନକୁ ଉତ୍ସର୍ଗ କରିଦେଇଥିବା ଏହି ଡ୍ରାଇଭର ମାନଙ୍କ ପାଇଁ ସରକାରଙ୍କ ପାଖରେ କୈାଣସି ଯୋଜନା ନାହିଁ । ବାରମ୍ବାର ନିଜ ଅଧିକାର ପାଇଁ ରାଜରାସ୍ତାକୁ ଓହ୍ଲାଉଛନ୍ତି ଏହି ଡ୍ରାଇଭର ମହାସଂଘ  କିନ୍ତୁ ମିଳିଛି ଖାଲି ପ୍ରତିଶ୍ରୁତି । ଆଜି ଗୁଣପୁର ବ୍ଲକର ବିଭିନ୍ନ ପଞ୍ଚାୟତର ଶତାଧିକ ଡ୍ରାଇଭର ଏକାଠି ହୋଇ ବିଶାଳ ଶୋଭାଯାତ୍ରାରେ ବାହାରି ଗୁଣପୁର ଟାଉନ ହଲ ଠାରେ ଏକ ସାଧାରଣ ସଭାରେ ଆୟୋଜନ କରାଯାଇଥିଲା ।  ଏଥିରେ ମୂଖ୍ୟ ଅତିଥି ଭାବେ ପୌରପରିଷଦ ଉପାଧ୍ୟକ୍ଷ ଶିବ ପ୍ରସାଦ ଗୌଡ ଯୋଗଦେଇ ଡ୍ରାଇଭର ଭାଇମାନେ ନିଜ କର୍ତ୍ତବ୍ୟରେ ଅବହେଳା ନକରି ନିଜ କର୍ମ ପଥରେ ଆଗେଇ ଯିବାକୁ ପରାମର୍ଶ ଦେବାସହ  ସଂଘ  ପଞ୍ଜିକରଣ ପରେ ପୌରପରିଷଦ ତରଫରୁ ଜାଗା ଓ ସଂଘ ଗୃହ ନିର୍ମାଣ ପାଇଁ ପ୍ରତିଶ୍ରୁତି ଦେଇଥିଲେ । ସମ୍ମାନୀତ ଅ...

ଅଖିଳ ଭାରତ କୃଷକ ସଭା ପକ୍ଷରୁ ଦାବି ପତ୍ର ପ୍ରଦାନ। ପୋଲସରା ୦୧/୦୯/୨୦୨୩(ବ୍ରାହ୍ମ ମୁହୂର୍ତ୍ତ )ଅଖିଳ ଭାରତ କୃଷକ ସଭା (AIKS) ପୋଲସରା ଆଞ୍ଚଳିକ କମିଟି ପକ୍ଷରୁ ଆଜି ମୁଖ୍ୟମନ୍ତ୍ରୀ ଙ୍କ ଉଦ୍ଦେଶ୍ୟରେ ୧୬ ଦଫା ସମ୍ବଳିତ ଦାବିପତ୍ର ସ୍ଥାନୀୟ ଗୋଷ୍ଠୀ ଉନ୍ନୟନ ଅଧିକାରୀଙ୍କୁ ପ୍ରଦାନ କରାଯାଇଛି। ଆଜି କୃଷକ ସଭାର ସର୍ବ ଭାରତୀୟ ଦାବି ଦିବସ ଅବସରରେ ଏହି ଦାବି ପତ୍ର ପ୍ରଦାନ କରାଯାଇଛି। ଦାବି ଗୁଡ଼ିକ ମଧ୍ୟରେ ସ୍ବଳ୍ପ ବୃଷ୍ଟି କାରଣରୁ ଦେଖା ଦେଇଥିବା ଆସନ୍ନ ମରୁଡ଼ି ର ମୁକାବିଲା ପାଇଁ ସରକାର ଆଗୁଆ ପଦକ୍ଷେପ ନେବା , ନଦୀ ବନ୍ଧ , ନାଳ ,  କୂଅ , ପୋଖରୀ ଓ ଉଠା ଜଳସେଚନ ପଏଣ୍ଟ ଗୁଡିକ ଦ୍ୱାରା ଜଳସେଚନ ବ୍ୟବସ୍ଥାର ନିଶ୍ଚିତ କରିବା , ଭାଗଚାଷୀ କୁ ଚାଷୀ ର ମାନ୍ୟତା ଦେବା ସହିତ ସମସ୍ତ ସୁବିଧା ଯୋଗାଇଦେବା , ଧାନ ର ସହାୟକ ମୂଲ୍ୟ କ୍ଵିଣ୍ଟାଲ ପ୍ରତି ୪ ହଜାର ଟଙ୍କା କରିବା , ଚାଷୀ କୁ ୫୫ ବର୍ଷ ବୟସରେ ମାସକୁ ୫ ହଜାର ଟଙ୍କା ପେନସନ ଦେବା , ପ୍ରତି ବ୍ଳକ ରେ ଶୀତଳ ଭଣ୍ଡାର ପ୍ରତିଷ୍ଠା କରିବା , ମରୁଡ଼ି ଜନିତ ପରିସ୍ଥିତିର ମୁକାବିଲା ପାଇଁ ବିହନ ସାର ଓ କୀଟନାଶକ  ମହଜୁଦ କରି ରଖିବା ପ୍ରଭୃତି ଦାବି ସହିତ ୧୬ ଦଫା ସମ୍ବଳିତ ଦାବିପତ୍ର ପ୍ରଦାନ କରାଯାଇଛି। ଦାବି ପତ୍ର ପ୍ରଦାନ ସମୟରେ ବରିଷ୍ଠ କୃଷକ ନେତା ଦଣ୍ଡପାଣି ସାମଲ , ଗଣପତି ସାହୁ , ଦୁର୍ଯୋଧନ ରାଉତ , ଜ୍ୟୋତ୍ସ୍ନା ରାଣୀ ମହାରଣା , ଲକ୍ଷ...

୫ଟି ସଚିବ ଙ୍କ ବ୍ୟାସନଗର ଗସ୍ତକୁ ବିରୋଧ, ପୋଲିସ ସହ ସଙ୍ଘର୍ଷ କରି ଶତାଧିକ ଅଟକ। ବ୍ୟାସନଗର(ବ୍ରାହ୍ମ ମୁହୂର୍ତ୍ତ )ଆଜି ତା ୧/୦୯/୨୩ ରିଖ ରାଜ୍ୟ ସରକାର ୫ଟି ସଚିବ ଭି. କେ. ପାଣ୍ଡିଆନ ଙ୍କ ୨ବାର ବ୍ୟାସନଗର ଗସ୍ତ ପରିପ୍ରେକ୍ଷି ରେ ଆଜି କୋରାଇ ସଂଗ୍ରାମ ସମିତି ଓ ମିଳିତ ଗଣ ସଙ୍ଗଠନ ପକ୍ଷରୁ ଚୋରଦା ଛକ ଠାରୁ ଏକ ବର୍ଣ୍ଣାଢ଼୍ୟ ପଟୁଆର ବାହାରି  ବିଭିନ୍ନ ଧ୍ୟୁ ନି ମାନ ଦେଇ କହେଁଇପୁର ଠାରେ ପହଞ୍ଚିଥିବା ବେଳେ ସେଠାରେ ପୋଲିସ୍ ବ୍ୟରିକେଟ କରି ଅଟକେଇବାରୁ କୋରାଇ ସଂଗ୍ରାମ ସମିତି ର ସଭାପତି ବିଦ୍ୟାଧର ମହାନ୍ତି, ଉପ ସଭାପତି ଆଲୋକ ମହାନ୍ତି, ପ୍ରଫୁଲ୍ଲ ନାୟକ, ନିତ୍ୟାନନ୍ଦ ମହାଳିକ, ମନୋରଂଜନ ନାୟକ, ପଦ୍ମନାଭ ନାୟକ, କୁଞ୍ଜ ବିହାରି ମହାନ୍ତି, ସତ୍ୟ ପ୍ରକାଶ କୁଅଁର, ଜିତୁ ବେହେରା, ବିଦ୍ୟାଧର ଜେନା, ମହେନ୍ଦ୍ର ମହାପାତ୍ର, ଆୟେଶ୍ ଖାଁ, ଲୋକମାନ ବେଗ, ରମେଶ ଜେନା, ସତ୍ୟାନନ୍ଦ କାଣ୍ଡି, ବିଚିତ୍ର ମଲ୍ଲିକ, ରାଘବ ଚନ୍ଦ୍ର ସାହୁ, ସୁଦର୍ଶନ ତରେଇ, ବେଣୁଧର ରଣା, ପ୍ରମୁଖ ଏକ ଘଣ୍ଟା ଧରି ରାସ୍ତା ଅବରୋଧ କରି କଳା ପତାକା ପ୍ରଦର୍ଶନ କରି ପୋଲିସ ବ୍ୟାରିକେଟ୍ କୁ ଅତିକ୍ରମ କରି ଆଗକୁ ମାଡ଼ି ଚାଲିବାକୁ ଉଦ୍ୟମ କଲା ବେଳେ  ପୋଲିସ ସହ ସଙ୍ଘର୍ଷ ଘଟି ଶତାଧିକ ଅଟକ ରହିଥିଲେ, ଏହି ବିକ୍ଷୋଭ ସମୟରେ ସଭାପତି ଶ୍ରୀ ମହାନ୍ତି ନେତୃତ୍ଵ ରେ ମୁଖ୍ୟମନ୍ତ୍ରୀ ଙ୍କ ଉଦେଶ୍ୟ ରେ ଏକ ୭ଦଫା ଦାବି ଉପ ସ୍ଥାପନା କର...

ପୂର୍ବତନ ରାଜ୍ୟସଭା ସାଂସଦ ପରିବାର କୁ ଭେଟିଲେ ମନ୍ତ୍ରୀ ସାରକା  ରାୟଗଡା(ବ୍ରାହ୍ମ ମୁହୂର୍ତ୍ତ ): ଗତ ମଙ୍ଗଳ ବାର ଦିନ ପୂର୍ବତନ ରାଜ୍ୟସଭା ସାଂସଦ ଏନ୍.ଭାସ୍କର ରାଓଙ୍କ ମାତା ନାକିଟି ରାମା ଲକ୍ଷ୍ମୀ ଗାରୁ ଙ୍କ ୯୬ବର୍ଷ ବୟସରେ ବିଶାଖପାଟଣା ରେ ଅକାଳ ବିୟୋଗ ଘଟିଥିଲା l  ଅମର ଆତ୍ମର ସଦଗତି କାମନା କରିବା ସହ ଶୋକସନ୍ତପ୍ତ ପରିବାରବର୍ଗଙ୍କୁ ସମବେଦନା ଜଣାଇବା ସହ ମହାପ୍ରଭୁ ଶ୍ରୀ ଜଗନ୍ନାଥ ପରିବାରବର୍ଗଙ୍କୁ ଅସୀମ ଧର୍ଯ୍ୟ ଓ ସାହସ ଦିଅନ୍ତୁ ବୋଲି ଭଗବାନ ଙ୍କ ଠାରେ ପ୍ରାର୍ଥନା କରିବା ସହିତ ଏନ ଭାସ୍କର ରାଓ ଙ୍କୁ ତାଙ୍କ ବାସଭବନ ବିଶାଖାପାଟଣା ଠାରେ ମିଶି ସ୍ୱାନ୍ତ୍ୱନା ଦେଇଥିଲେ ରାୟଗଡା ଜ଼ିଲ୍ଲା ବିଜେଡି ସଭାପତି ତଥା ବିଜୁ ସ୍ୱାସ୍ଥ୍ୟ କଲ୍ୟାଣ ଉପଦେଷ୍ଟା ସୁଧୀର ଦାସ,  ମନ୍ତ୍ରୀ ଜଗନ୍ନାଥ ସାରକା ଆଦିବାସୀ ହରିଜନ ଓ ପଛୁଆ ବର୍ଗ ଉନୟନ ଓ ଆଇନ ବିଭାଗ ଓଡିଶା ସରକାର, ଗୁଣୁପୁର ବିଧାୟକ ରଘୁନାଥ ଗମାଙ୍ଗ  ସମେତ ବହୁ ବିଜେଡି ନେତା, ସ୍ବର୍ଗତ ରାମା ଲକ୍ଷ୍ମୀ ଙ୍କ ଫୋଟ ଚିତ୍ର ରେ ପୁଷ୍ପା ମାଲ୍ୟ ଅର୍ପଣ କରିବା ଆତ୍ମା ର ସଦଗତି ପାଇଁ ପ୍ରାର୍ଥନା କରିଥିଲେ ଓ ଭାସ୍କର ବାବୁ ଙ୍କୁ ଧର୍ଯ୍ୟ ର ସହକାରେ ବିଧିବିଧାନ ପୂର୍ବକ ଶୁଦ୍ଧି କ୍ରିୟା କାର୍ଯ୍ୟକ୍ରମ କରିବାକୁ ସୁଧୀର ଦାସ ଓ ମନ୍ତ୍ରୀ ସାରକା ସାହସ ଦେଇଥିଲl ଗୁଣପୁରରୁ ପୂର୍ଣ୍ଣ ଶବର ଙ୍କ ରିପୋର୍ଟ