ବ୍ରାହ୍ମ ମୁହୂର୍ତ୍ତ ଦଶ ବର୍ଷ ପୂର୍ତ୍ତି ଅବସରରେ

ଭୁବନେଶ୍ଵର:- (ବ୍ରାହ୍ମ ମୁହୂର୍ତ୍ତ) - ରାଜ୍ୟରେ ସର୍ବାଧିକ ସଂଖ୍ୟାରେ ପ୍ରସାରିତ ଓଡିଆ ସାପ୍ତାହିକ ନିରପେକ୍ଷ ନିର୍ଭରଶୀଳ ନିର୍ଭିକ ଖବରକାଗଜ ରୁପେ ଖ୍ୟାତି ଅର୍ଜନ କରିଥିବା ଏକମାତ୍ର ଓଡିଆ ଖବରକାଗଜ ବ୍ରାହ୍ମ ମୁହୂର୍ତ୍ତ ତା'ର ଦଶ ବର୍ଷ ପୂର୍ତ୍ତି ଉତ୍ସବ ପାଳନ କରିସାରିଛନ୍ତି। ଏହି ଦଶ ବର୍ଷ ପୂର୍ତ୍ତି ଉତ୍ସବ ପାଳନ ଅବସରରେ ଖବରକାଗଜ ପକ୍ଷରୁ ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ କିଛି ବିଶିଷ୍ଟ ବ୍ୟକ୍ତିଙ୍କୁ ସମ୍ବାଦପତ୍ର ପକ୍ଷରୁ ସମ୍ବର୍ଦ୍ଧିତ କରାଯାଇଥିଲା। ଖବରକାଗଜ ବାର୍ଷିକ ଉତ୍ସବରେ ମୁଖ୍ୟ ଅତିଥି ଭାବେ ପାଇଥିଲା ଓଡ଼ିଶା ରାଜ୍ୟ ଭାରତୀୟ ଜନତା ପାର୍ଟି ମହିଳା ମୋର୍ଚ୍ଚାର ଉପସଭାପତି ତଥା ବରିଷ୍ଠ ରାଜନେତ୍ରୀ ଡ଼ାକ୍ତର ଐଶ୍ୱର୍ଯ୍ୟା ବିଶ୍ଵାଳଙ୍କୁ। ସେହିପରି ମୂଖ୍ୟ ବକ୍ତା ରୂପେ ମଞ୍ଚରେ ଉପସ୍ଥିତ ରହିଥିଲେ ରାଜ୍ୟ ଭାରତୀୟ ଜନତା ପାର୍ଟିର ଉପସଭାପତି ଶ୍ରୀଯୁକ୍ତ ଗୋଲକ ମହାପାତ୍ର। କାର୍ଯ୍ୟକ୍ରମ ଅନୁଯାୟୀ ପ୍ରଥମରୁ ଶେଷଯାଏ ଉତ୍ସବକୁ ସୁନ୍ଦର ଓ ଆକର୍ଷଣୀୟ ରୂପରେ ମନୋରଞ୍ଜନ ପୂର୍ଣ୍ଣ ହୃଦୟଭରି ଉପସ୍ଥାପନା କରିଥିଲେ ଶ୍ରୀଯୁକ୍ତ ସାରଦା ପ୍ରସାଦ ମହାପାତ୍ର। ପ୍ରଥମେ ଅତିଥି ମାନଙ୍କ ପରିଚୟକୁ ଉପସ୍ଥିତ ଜନସାଧାରଣଙ୍କ ଆଗରେ ବିସ୍ତାର ରୂପେ ବ୍ୟାଖ୍ୟାନ କରି ପରବର୍ତ୍ତୀ ସମୟରେ ରାଜ୍ୟର କୋଣ ଅନୁକୋଣରୁ ପ୍ରକାଶ ପାଉଥିବା ପାଞ୍ଚଟି ଖବରକାଗଜ ସମ୍ପାଦକ ବନ୍ଧୁଙ୍କୁ ଅତିଥିଙ୍କ ଦ୍ଵାରା ସମ୍ବର୍ଦ୍ଧିତ କରାଯାଇଥିଲା। ପ୍ରଥମେ ଦୀର୍ଘ ତିନି ଦଶନ୍ଧି ଧରି ଢେଙ୍କାନାଳ ସହରରୁ ପ୍ରକାଶିତ ହୋଇଆସୁଥିବା ପ୍ରଥମେ ସାପ୍ତାହିକ ଏବେକାର ସମୟରେ ପାକ୍ଷିକ ଖବରକାଗଜ ରକ୍ତଚାବୁକର ସମ୍ପାଦକ ଶ୍ରୀଯୁକ୍ତ ଗଗନ ବିହାରୀ ପଣ୍ଡା, ଓଡ଼ିଶା ମିରର ସମ୍ପାଦକ ଶ୍ରୀଯୁକ୍ତ ଦିଲିପ କୁମାର ବିଶ୍ବାଳଙ୍କୁ, ମହାମାନ୍ୟ ଖବରକାଗଜ ସମ୍ପାଦକ ଶ୍ରୀଯୁକ୍ତ ବିଜୟ କୁମାର ପ୍ରଧାନ, ବରଗଡ଼ରୁ ପ୍ରକାଶିତ ହୋଇଆସୁଥିବା ଭଏସ ଅଫ ପବ୍ଲିକ ସମ୍ପାଦକ ଶ୍ରୀଯୁକ୍ତ ଗୋପିନାଥ ସାହୁ, ଇଂରାଜୀ ସମ୍ବାଦପତ୍ର ଟପପୋଷ୍ଟ ସମ୍ପାଦକ ସୈାଗତ ମହାନ୍ତି ଆଦି ପାଞ୍ଚ ଜଣ ସମ୍ପାଦକଙ୍କୁ ବ୍ରାହ୍ମ ମୁହୂର୍ତ୍ତ ଖବରକାଗଜ ଭୁବନେଶ୍ଵର ପକ୍ଷରୁ ପ୍ରଥମେ ମୟୂର ପୁଚ୍ଛ ପରେ ଉତ୍ତରୀୟ ଏବଂ ମାନପତ୍ର ସହ ସମ୍ବର୍ଦ୍ଧିତ କରାଯାଇଥିଲା। ପରବର୍ତ୍ତୀ ପର୍ଯ୍ୟାୟରେ ଅତିଥି ମାନେ ରାଜ୍ୟର ସାମ୍ବାଦିକତା କ୍ଷେତ୍ରରେ ଉଲ୍ଲେଖନୀୟ କାର୍ଯ୍ୟ ପାଇଁ ବିଭିନ୍ନ ଜିଲ୍ଲା ସ୍ତରୀୟ ପ୍ରତିନିଧି ଏବଂ ବ୍ଳକ ସ୍ତରୀୟ ପ୍ରତିନିଧିଙ୍କୁ ଖବରକାଗଜ ପକ୍ଷରୁ ମୟୂର ପୁଚ୍ଛ ଉତ୍ତରୀୟ ଏବଂ ମାନପତ୍ର ସହ ସମ୍ବର୍ଦ୍ଧିତ କରାଯାଇଥିଲା। ଶେଷରେ ସଭାପତି ବ୍ରଜବନ୍ଧୁ ନାୟକ ସମ୍ପାଦକ ବ୍ରାହ୍ମ ମୁହୂର୍ତ୍ତ ଖବରକାଗଜ ଚିରାଚରିତ ଉପାଖ୍ୟାନ ଅନୁସାରେ ଆୟୋଜିତ କାର୍ଯ୍ୟକ୍ରମକୁ ବିରାମ ଦେଇଥିଲେ। ପୂର୍ବରୁ ପ୍ରସ୍ତୁତି ଅନୁସାରେ ଉପସ୍ଥିତ ସମସ୍ତ ସାମ୍ବାଦିକ ସମ୍ପାଦକ ଏବଂ ଅନ୍ୟ ନିମନ୍ତ୍ରିତ ଅତିଥି ମାନେ ପ୍ରସାଦ ସେବନ କରିଥିଲେ।