ବ୍ରାହ୍ମ ମୁହୂର୍ତ୍ତ ଖବରକାଗଜ

ସହୀଦ ଗୋପି ପୁଜାରୀ ସାଂସ୍କୃତିକ କ୍ଲବର ୩୧ ତମ ପ୍ରତିଷ୍ଠା ଦିବସ ପାଳିତ  ବାଲିମେଳା (ବ୍ରାହ୍ମ ମୁହୂର୍ତ୍ତ ବ୍ୟୁରୋ),୩୧/୧୨, ମାଲକାନଗିରି ଜିଲ୍ଲା ବାଲିମେଳା ବିଜ୍ଞାପିତ ଅଂଚଳ ପରିଷଦରେ ସହୀଦ ଗୋପି ପୁଜାରୀ ସାଂସ୍କୃତିକ କ୍ଲବର ୩୧ତମ ପ୍ରତିଷ୍ଠା ଦିବସ ପାଳିତ ହୋଇ ଯାଇଛିା ଏହି କ୍ଲବ ଗତ ୩୧.୧୨.୧୯୯୨ ମସିହାରେ ପ୍ରତିଷ୍ଠା ହୋଇଥଇବା ବେଳେ କ୍ଲବ ଜରିଆରେ ବିଭିନ୍ନ କାର୍ଯ୍ୟ କରା ଯାଇଛିା ବୃକ୍ଷ ରୋପଣ ଠାରୁ ଆରମ୍ଭ କରି ରକ୍ତଦାନ ଶିବିର, ବିଭିନ୍ନ ସଚେତନତା କାର୍ଯ୍ୟକ୍ରମ ଭଳି କାର୍ଯ୍ୟ କରି ଜିଲ୍ଲାରେ ଏକ ଉତମ କ୍ଲବ ଭାବେ ପରିଚିତ ହୋଇ ପାରିଛିା ସେହିପରି ପ୍ରତି ବର୍ଷ ଜାନୁଆରୀ ୨୬ ସାଧାରଣ ତନ୍ତ୍ର ଦିବସ ଓ ଅଗଷ୍ଟ ୧୫ ସ୍ୱାଧୀନତା ଦିବସ ମାନଙ୍କରେ ମଧ୍ୟ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ କରି ଜନସାଧାରଣଙ୍କୁ ସଚେତନ ବାର୍ତା ଦେଇ ଆସୁଅଛିା ଏହି କ୍ଲବର ସମସ୍ତ ସଭ୍ୟ ମାନେ ଏକାଗ୍ରତାରେ କ୍ଲବର ଉନ୍ନତି କରିବା ସହ ଏପରି କାର୍ଯ୍ୟ କରି ଆସୁଥିବାରୁ ଅଂଚଳବାସୀ କ୍ଲବର ସମସ୍ତ ସଭ୍ୟ ମାନଙ୍କୁ ଭୁଏସି ପ୍ରଶଂସା କରି ଆସୁଛନ୍ତିା ଆଜି ୩୧ ତମ ପ୍ରତିଷ୍ଠା ଦିବସ ଉପଲକ୍ଷେ କ୍ଲବ ପରିସରରେ କ୍ଲବର ସମସ୍ତ ସଭ୍ୟମାନେ ଉପସ୍ଥିତ ରହି ପ୍ରତିଷ୍ଠା ଦିବସକୁ ଧୁମଧାମରେ ପାଳିତ କରିଛନ୍ତିା

ପ୍ରାଣୀ ଚିକିତ୍ସାଳୟରେ ମିଳୁନାହିଁ ଉତ୍ତମ ସେବା। ବୌଦ୍ଧ (ବ୍ରାହ୍ମ ମୁହୂର୍ତ୍ତ): ମନମୁଣ୍ଡା ପ୍ରାଣୀ ଚିକିତ୍ସାଳୟରେ ମିଳୁନାହିଁ ଉତ୍ତମ ସେବା।ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ବୌଦ୍ଧ ଜିଲ୍ଲାରେ । ବୌଦ୍ଧ ଜିଲ୍ଲା ଅନ୍ତର୍ଗତ ମନମୁଣ୍ଡା ପ୍ରାଣୀ ଚିକିତ୍ସାଳୟ ଡାକ୍ତରଙ୍କ ନାଆଁରେ ଆସିଛି ଏଭଳି ସଙ୍ଗୀନ ଅଭିଯୋଗ।ସରକାରଙ୍କ ପକ୍ଷରୁ ଗାଈ ପାଳନ କରୁଥିବା କୃଷକ ମାନଙ୍କୁ ଗୋରୁ ଗୋହାଲ ଯୋଗାଣ କରୁଥିବା ନେଇ ଏକ ଯୋଜନା ଥିବା ବେଳେ ଉକ୍ତ ଯୋଜନା ରେ ପାତର ଅନ୍ତର କରି ଗୋରୁ ଗୋହାଲ ଯୋଗାଇ ଥିବା ନେଇ ଅଭିଯୋଗ ହୋଇଛି।ଅନ୍ୟପଟେ ଠିକ୍ ସମୟରେ ଭେକେସିନ ର ଅବହେଳା ଯୋଗୁଁ ଅନେକ କୃଷକଙ୍କ ଗୋରୁ ଗାଈ ମୃତ୍ୟୁ ବରଣ କରୁଥିବା ନେଇ ମଧ୍ୟ ଅଭିଯୋଗ କରିଛନ୍ତି ଗୋରୁ ପାଳକ।ଆଉ ଏକ ସଙ୍ଗୀନ ଅଭିଯୋଗ ଆସିଛି ଡାକ୍ତର ମହାଶୟ ଠିକ୍ ସମୟରେ ପ୍ରାଣୀ ଚିକିତ୍ସାଳୟ କୁ ଆସୁନଥିବା ବେଳେ ଅନ୍ୟପଟେ କିଛି ହାତ ଗୁଞ୍ଜନା ନଦେଲେ ଡାକ୍ତର ମହାଶୟ କୌଣସି କାମ କରିବା ପାଇଁ ନାରାଜ ବୋଲି ଅଭିଯୋଗ ହୋଇଛି। ମନ ଇଚ୍ଛା ଚିକିତ୍ସାଳୟ କୁ ଆସୁଥିବା ବେଳେ ପିଅନ ହାତରେ ପ୍ରାଣୀ ଚିକିତ୍ସାଳୟ ଚାଲୁଥିବା ନେଇ ନଜିର ରହିଅଛି।ଉକ୍ତ ସମସ୍ତ ସମସ୍ୟାର ସମାଧାନ ଓ ଉକ୍ତ ଡାକ୍ତର ଙ୍କୁ ଖୁବ୍ ଶୀଘ୍ର ବଦଳି କରିବା ନେଇ ପ୍ରଶାସନକୁ ଅନୁରୋଧ କରିଛନ୍ତି ଚାଷୀ।ଯଦି ଆଗାମୀ ଦିନରେ ସମସ୍ୟାର ସମାଧାନ ନହେଲେ ରାଜରାସ୍ତାକୁ ଓହ୍ଲାଇବା ପାଇଁ ଚେତାବନୀ ଦେଇଛନ୍...

ଲମତାପୁଟ/କୋରାପୁଟ (ବ୍ରାହ୍ମ ମୁହୂର୍ତ୍ତ):-  ରାଜ୍ୟ ସରକାରଙ୍କ ଦ୍ୱାରା ମାଳମାଳ ଯୋଜନା କାର୍ଯ୍ୟକାରୀ ହେଉଥିବା ବେଳେ ଆଜି ବି ଅନେକ ଗାଁରେ ସରକାରଙ୍କ ବିକଶିତ ଯୋଜନା ଅପହଞ୍ଚ। ଏଭଳି ଏକ ଭିନ୍ନ ଚିତ୍ର ଦେଖିବାକୁ ମିଳିଛି ଜିଲ୍ଲାର ଲମତାପୁଟ ବ୍ଳକ ଅନ୍ତର୍ଗତ ବାଦିଗଡ ଗ୍ରାମ ପଞ୍ଚାୟତର ବକୁଳ ଅନ୍ତର୍ଗତ ଅନୁଗୁପୁଟ୍,ଅଞ୍ଚେଇପଡା ଗାଁ ରେ ରାସ୍ତା କାମକୁ ନେଇ। ବାରମ୍ବାର ବ୍ଲକ ପ୍ରଶାସନ କୁ ଅଞ୍ଚଳ ବାସୀ ରାସ୍ତା କାମ ପାଇଁ ଅଭିଯୋଗ କରି ଆସୁଥିଲେ ମଧ୍ୟ ତାଙ୍କ କଥା କିଏ ଶୁଣି ନଥିଲେ। ଗ୍ରାମ ବାସୀ ବାଧ୍ୟ ହୋଇ ଏ ବିଷୟ ପୂର୍ବତନ ସରପଞ୍ଚ କୁଞ୍ଜଲତା ବାଢାମ୍ ଓ ସମିତି ସଭ୍ୟା ଲଛମା ଶିଶା ଙ୍କ ସହିତ ୪୦ ଜଣ ଅଞ୍ଚଳ ବାସୀଙ୍କୁ ସାଙ୍ଗରେ ନେଇ କୋରାପୁଟ ଜିଲ୍ଲାପାଳ ଓ ବିଧାୟକ ତଥା ଜିଲ୍ଲା ଯୋଜନା ବୋର୍ଡ ଅଫିସର ଦ୍ବାରସ୍ଥ ହେଇଛନ୍ତି ଓ ରାସ୍ତା କାମ ପାଇଁ ଅଭିଯୋଗ ପତ୍ର ଦାଖଲ କରିଛନ୍ତି। ଗାଆଁ କୁ କାମ ମାଆକୁ ସମ୍ମାନ କଥା କହୁଥିବା ରାଜ୍ୟ ବିଜେଡି ସରକାର ଏଠାରେ ସାବତ ମା ମନୋଭାବ ପୋଷଣ କରୁଥିବା ବେଳେ ଆଗାମୀ ସାଧାରଣ ନିର୍ବାଚନରେ ଗ୍ରାମବାସୀ ଉଚିତ୍ ଜବାବ ଦେବ ବୋଲି ଦୃଢେ଼ାକ୍ତି ପ୍ରକାଶ କରିଛନ୍ତି।  ଲମତାପୁଟ ବ୍ଳକ ପ୍ରତିନିଧି ରାମଚନ୍ଦ୍ର ଖିଲଙ୍କ ରିପୋର୍ଟ -

ଭୁବନେଶ୍ୱର (ବ୍ରାହ୍ମ ମୁହୂର୍ତ୍ତ ବ୍ୟୁରୋ):-  ଆମ ରାଜ୍ୟ ଭୁବନେଶ୍ୱରରୁ ପ୍ରକାଶିତ ହେଉଥିବା ସାପ୍ତାହିକ ଓଡ଼ିଆ ଖବରକାଗଜ ମାନଙ୍କ ମଧ୍ୟରେ ସବୁଠୁ ଅଧିକ ପ୍ରସାରିତ ଏବଂ ଲୋକପ୍ରିୟ ତଥା ଓଡ଼ିଶାର ପୁରପଲ୍ଲୀରୁ ନେଇ ସହରାଞ୍ଚଳର ଖବର ଯାହା କି ଲୋକଙ୍କ ସୁଖଦୁଃଖ ହେଉ ଅବା ସରକାରଙ୍କ ବିକଶିତ ଏବଂ ଜନ ହିତକାରୀ ଯୋଜନା ସମ୍ପର୍କରେ ପ୍ରକାଶିତ ହେଉଥିବା ପ୍ରମୁଖ ଖବର ଗୁଡିକ ପାଠକ ପାଠିକା ମହଲରେ ବେଶ୍ ଆଦୃତ ହୋଇଆସୁଛି। ଖବରକାଗଜ ବ୍ରାହ୍ମ ମୁହୂର୍ତ୍ତ ଏହି ଅବସରରେ ଅବିଭକ୍ତ ସମ୍ବଲପୁର ଜିଲ୍ଲାର ଦେବଗଡ଼ ଜିଲ୍ଲା ପାଇଁ ଖବରକାଗଜ ପକ୍ଷରୁ ଜିଲ୍ଲା ପ୍ରତିନିଧି ରୂପେ ସାମ୍ବାଦିକ ଶରତ କୁମାର ଦାସଙ୍କ ଦାୟିତ୍ବ ଗ୍ରହଣ କରିବା ପରେ ଖବରକାଗଜ ସମ୍ପାଦକ ବ୍ରାହ୍ମ ମୁହୂର୍ତ୍ତ ଶୁଭେଚ୍ଛା ସହ ଅଭିନନ୍ଦନ ଜଣାଇଛନ୍ତି।  ତିନୋଟି ବ୍ଲକ ଏବଂ ଦୁଇଟି ବିଜ୍ଞାପିତ ଅଞ୍ଚଳକୁ ନେଇ ଗଠିତ ଦେବଗଡ଼ ଜିଲ୍ଲାରେ ଘଟୁଥିବା ଛୋଟ ବଡ଼ ଘଟଣାବଳୀର ଟିକିନିଖି ଖବର ପ୍ରସାରଣ ଲାଗି ସବୁବେଳେ ନିଜ କାର୍ଯ୍ୟ ନିର୍ବାହ କରିଥିବା ଶ୍ରୀ ଦାସ  ଦାୟିତ୍ବ ଗ୍ରହଣ କରିବା ପରେ ଖବରକାଗଜ ବ୍ରାହ୍ମ ମୁହୂର୍ତ୍ତ ପାଇଁ ସବୁବେଳେ ସାଧାରଣ ଲୋକଙ୍କ ହିତରେ ଉଦ୍ଧିଷ୍ଟ ଖବର ପ୍ରସାରଣ ଲାଗି ଧ୍ୟାନ ଦେବେ ବୋଲି ଗଣମାଧ୍ୟମକୁ ସୂଚନା ଦେଇଛନ୍ତି।  ଶ୍ରୀ ଦାସଙ୍କୁ ନିଜ ଦାୟିତ୍ୱ ଗ୍ରହଣ କରିବା ଅବସରରେ ଶୁଭେଚ୍ଛା ସହ ଅଭିନନ୍ଦନ ଜଣାଇଛନ୍ତି ଉତ୍...

ଜେଏସପି  ଫାଉଣ୍ଡେସନ ପକ୍ଷରୁ ବିଶ୍ଵ ଏଡ୍ସ ଦିବସ ୨୦୨୩ ପାଳିତ   ଅନୁଗୋଳ: ତା ୦୧. ୧୨. ୨୩ ରିଖ;(ବ୍ରାହ୍ମ ମୁହୂର୍ତ୍ତ ବ୍ୟୁରୋ)ଜିନ୍ଦଲ ଷ୍ଟିଲ ଆଣ୍ଡ ପାୱାରର ସାମାଜିକ ଦାୟିତ୍ଵବୋଧ ଶାଖା ଭାବେ କାର୍ଯ୍ୟ କରୁଥିବା ଜେଏସପି ଫାଉଣ୍ଡେସନ ପକ୍ଷରୁ ବିଶ୍ଵ ଏଡ୍ସ ଦିବସ ୨୦୨୩ ଅବସରରେ ବହୁବିଧ ସଚେତନତା ଧର୍ମୀ କାର୍ଯ୍ୟକ୍ରମର ଆୟୋଜନ ଜିଲ୍ଲା ସ୍ୱାସ୍ଥ୍ୟ ପ୍ରଶାସନ ଏବଂ ଅନ୍ୟାନ୍ୟ ଏନଜିଓଙ୍କ ସହଭାଗିତାରେ ପାଳିତ ହୋଇଯାଇଅଛି l  ଏହି ଅବସରରେ ଜେଏସପି ଫାଉଣ୍ଡେସନର କ୍ଷେତ୍ର କାର୍ଯ୍ୟକର୍ତାମାନେ ଲୋକଙ୍କୁ ଏଚଆଇଭି / ଏଡ୍ସ ମହାମାରୀର ପରିଣାମ ବିଷୟରେ ଅବଗତ କରାଇଥିଲେ ଏବଂ ଲୋକଙ୍କୁ ଏହି ମହାମାରୀରୁ କିପରି ନିଜକୁ ରକ୍ଷା କରାଯାୟୀ ପାରିବ ସେଥି ସମ୍ବନ୍ଧରେ ବୁଝାଇଥିଲେ। ଏହି କାର୍ଯ୍ୟକ୍ରମରେ ଜେଏସପି ଫାଉଣ୍ଡେସନର କର୍ମକର୍ତାଙ୍କ ସହ ସାଥୀହୋଇ ଅନ୍ୟାନ୍ୟ ସ୍ୱେଚ୍ଛାସେବୀମାନେ ଲାଲ୍ ରିବନ୍ ଟ୍ୟାଗ୍ କରି ସମସ୍ତ କର୍ମଚାରୀ, ଟ୍ରକ୍ ଡ୍ରାଇଭର, ପ୍ରବାସୀ ଶ୍ରମିକ ଏବଂ ଗୋଷ୍ଠୀ ସଦସ୍ୟ / ସଦସ୍ୟା ମାନଙ୍କୁ ଲଗାଇବାସହ ଏଚ୍.ଆଇ.ଭି.  ସଂକ୍ରମିତଙ୍କ ପ୍ରତି ସମବେଦନା ଜ୍ଞାମ୍ପନ କରିଥିଲେ। ଏହି ଅବସରରେ ଜିଲ୍ଲା ସ୍ୱାସ୍ଥ୍ୟ ପ୍ରଶାସନ ଏଡ୍ସ  ନିୟନ୍ତ୍ରଣ ଏବଂ ନିରାକରଣ ନିମନ୍ତେ ଜାତୀୟ ଏଡ୍ସ  ନିୟନ୍ତ୍ରଣ କାର୍ଯ୍ୟକ୍ରମରେ ବର୍ଷ ତମାମ ସକ୍ରିୟ ସହଯୋଗ ଏବଂ ପ୍ରୟାସ ନିମନ୍ତେ ଜେଏସପି ଫାଉଣ୍ଡେ...

 ପିପୁଲ୍ସ ଓ୍ଵେଲଫେୟାର ସଜେସନ ଫୋରମ୍ ପକ୍ଷରୁ ବାର୍ଷିକ ଉତ୍ସବ ପାଳିତ ହୋଇଯାଇଛି   ଭଦ୍ରକ (ବ୍ରାହ୍ମ ମୁହୂର୍ତ୍ତ ବ୍ୟୁରୋ):- ତା ୨୫/୧୨/୨୦୨୩ ରିଖ ଦିନ ଭଦ୍ରକର ରୋଟାରି କ୍ଳବ ଠାରେ ବାର୍ଷିକ ଉତ୍ସବ ଅନୁଷ୍ଠିତ ହୋଇଅଛି I ଫୋରମର ଅଧ୍ୟକ୍ଷ ଡ଼ ନନ୍ଦ ନନ୍ଦନ ଦାସ, ପିପୁଲ୍ସ ଓ୍ଵେଲଫେୟାର ସଜେସନ ଫୋରମ୍ ର ବାର୍ଷିକ ଉତ୍ସବ ତା ୨୫.୧୨.୨୦୨୩ ରେ ଭଦ୍ରକର ରୋଟାରି କ୍ଳବ ଠାରେ ଅନୁଷ୍ଠିତ ହୋଇଅଛି I ଫୋରମର ଅଧ୍ୟକ୍ଷ ଡ଼ ନନ୍ଦ ନନ୍ଦନ ଦାସ, ପୂର୍ବତନ ସମ୍ପାଦକ ଓ୍ଵାର୍କ୍ସ ଅଧ୍ୟକ୍ଷ, ପିଡବ୍ଲ୍ୟୁଏସଏଫ ଏଥିରେ ଅଧ୍ୟକ୍ଷତା କରିଥିଲେ I ଡ଼ ଦାସ ପ୍ରଧାନ ମନ୍ତ୍ରୀଙ୍କର ଉପଦେଷ୍ଟା ଭାବେ ମାନ୍ୟବର ପ୍ରଧାନ ମନ୍ତ୍ରୀଙ୍କୁ ଦେଇଥିବା ପତ୍ରସବୁ ୯ ଖଣ୍ଡ ପୁସ୍ତକରେ LETTERS TO THE HON'BLE PRIME MINISTER ପ୍ରକାଶିତ ପୁସ୍ତକ ବିଷୟରେ ଜଣାଇଥିଲେ I ଡ. ଦାସ ମଧ୍ୟ ଜଣାଇଥିଲେ ଯେ ଏହି ପୁସ୍ତକ ଗୁଡିକ ଯେକୋଣସି ଦେଶ ମାନିଲେ ସେ ଦେଶ ସବୁ ଉନ୍ନତ ହୋଇପାରିବେ Iଏହା AMAZON ଦ୍ୱାରା ପ୍ରକାଶିତ ହୌଇଛି I ଶ୍ରୀ ଅମ୍ବିକା ସ୍ୱାଇଁ (Chairman Award Committee, Rotary Club) ପୁସ୍ତକ ପଦର୍ଶନୀ କରିଥିଲେ ଓ ଶ୍ରୀ ପବିତ୍ର ପାଣିଗ୍ରାହୀ, Ex-Principal ନୂତନ ପୁସ୍ତକ ଉନ୍ମୋଚନ  କରଥିଲେ I ଶ୍ରୀ  ଶ୍ରୀନନ୍ଦନ ଦାସ, S.D.E Inpixon ମଂଚକୁ ଅତିଥି ମନକୁ ଆମନ୍ତ୍ରଣ  କରିଥିଲେ I ଶ୍ରୀ ବରଦା ପ...

କୋରାପୁଟ (ବ୍ରାହ୍ମ ମୁହୂର୍ତ୍ତ) ଗୋବିନ୍ଦ ଖିଲ ଜିଲ୍ଲା ପ୍ରତିନିଧିଙ୍କ ରିପୋର୍ଟ - ସାଧାରଣ ନିର୍ବାଚନ ୨୦୨୪ ରାଜ୍ୟ ରାଜ ଦାଣ୍ଡରେ ହାଜର ହେବାକୁ ଆଉ ମାତ୍ର କେତୋଟି ମାସର ଅପେକ୍ଷା ରହିଥିବା ବେଳେ ପ୍ରମୁଖ ରାଜନୈତିକ ଦଳର ନେତା ଓ ବିଧାୟକ ମାନଙ୍କ ମଧ୍ୟରେ ଦେଖିବାକୁ ମିଳିଲାଣି ନିଜ ନିଜ ବିଧାନ ସଭା ଆସନ କିପରି ବଞ୍ଚାଇବାକୁ ହେବ ସେଥିପାଇଁ ଉପଯୁକ୍ତ ରଣନୀତି ପ୍ରସ୍ତୁତି। ଏହି କ୍ରମରେ ରାଜ୍ୟର ଆଦିବାସୀ ଅଧ୍ୟୁଷିତ ଜିଲ୍ଲା କୋରାପୁଟ ଜିଲ୍ଲା ରାଜନୀତି ଖବର ଆଜିର ସମୟରେ ବେଶ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି। ବିଶେଷ କରି ଜିଲ୍ଲାର ସଂରକ୍ଷିତ ଆସନ ଗୁଡିକ ମଧ୍ୟରେ ସମୁଦାୟ ୧ଲକ୍ଷ ଛଅଷଠି ହଜାର ଚାରିଶହ ଚାରି ମତଦାତା ବିଶିଷ୍ଟ କୋରାପୁଟ ବିଧାନ ସଭା ଆସନ ପାଇଁ ଆଗାମୀ ଯୋଜନା କିପରି କାର୍ଯ୍ୟକାରୀ କରି ତୃତୀୟ ଥର ପାଇଁ ବିଜୟୀ ମୁକୁଟ ପିନ୍ଧିବାକୁ ହେବ ସେନେଇ ରାଜନୈତିକ ରଣନୀତି ପ୍ରସ୍ତୁତ କରିଛନ୍ତି ବର୍ତ୍ତମାନର ଶାସକ ଦଳର ବିଧାୟକ ଶ୍ରୀଯୁକ୍ତ ରଘୁରାମ ପଡାଲ। କୋରାପୁଟ ବିଧାନ ସଭା ନିର୍ବାଚନ ମଣ୍ଡଳୀରେ ସମୁଦାୟ ମତଦାତାଙ୍କ ସଂଖ୍ୟା ଦୃଷ୍ଟିରୁ ଦେଖିବାକୁ ଗଲେ ଗତ ନିର୍ବାଚନ ଗୁଡିକ ଅପେକ୍ଷା ଶ୍ରୀଯୁକ୍ତ ରଘୁରାମ ପଡାଲଙ୍କ ପଲା ଆଗାମୀ ସାଧାରଣ ନିର୍ବାଚନରେ ନିଶ୍ଚିତ ଭାବରେ ଦଶ ପ୍ରତିଶତ ବୃଦ୍ଧି ପାଇବ ବୋଲି ଜିଲ୍ଲାର ରାଜନୈତିକ ପଣ୍ଡିତମାନେ ଭବିଷ୍ୟବାଣୀ ଦେଲେଣି। କିନ୍ତୁ କିପରି କାହିଁକି ଏଭଳି ସଫ...

ଭୁବନେଶ୍ୱର (ବ୍ରାହ୍ମ ମୁହୂର୍ତ୍ତ ବ୍ୟୁରୋ):- 22-12-2023, ସାପ୍ତାହିକ ସମ୍ବାଦପତ୍ର ଭୋକିଲା ପେଟ ର 10ମ ବାର୍ଷିକ ଉତ୍ସବ ଓ ସମ୍ବର୍ଦ୍ଧନା ସମାରୋହ  ଭୁବନେଶ୍ୱର ର ଲୋହିଆ ଏକାଡେମୀ ପାଳିତ ହୋଇଯାଇଛି | ଏହି କାର୍ଯ୍ୟକ୍ରମ କୁ ସଭାପତି ଭାବେ କଳିଙ୍ଗରତ୍ନ ତଥା ସମାଜ ସେବୀ ଶ୍ରୀ ବ୍ରହ୍ମ୍ଛାନନ୍ଦ ମହାନ୍ତି ସଭାପତିତ୍ୱ କରିବା ସହିତ ସଭା ପରିଚାଳନା କରିଥିଲେ | ଆଜିର ଏହି ବାର୍ଷିକ ଉତ୍ସବରେ ଉଦଘାଟକ ଭାବେ ଶ୍ରୀ ଉମାଚରଣ ମିଶ୍ର ଅବସର ପ୍ରାପ୍ତ ଜିଲ୍ଲା ଜଜ ଏବଂ ଓଡିଶା ଦୁର୍ନୀତି ସଂଘର୍ଷ ମଞ୍ଚ ର ସଭାପତି ଉଦଘାଟନ କରିଥିଲେ | ଭୋକିଲା ପେଟ ର ସମ୍ପାଦକ ଶ୍ରୀ ସୁଧୀର ଚନ୍ଦ୍ର ନାୟକ ବାର୍ଷିକ ବିବରଣୀ ପଠନ କରିବା ସହିତ ଅତିଥି ପରିଚୟ ପ୍ରଦାନ କରୁଥିଲେ | ଆଜିର ସମ୍ବାଦପତ୍ର ଅତିଥି ଗଣ ସାମ୍ପ୍ରତିକ ସ୍ଥିତି ରେ ସମ୍ବାଦପତ୍ର ଭୂମିକା ଉପରେ ଆଲୋକପାତ କରିବା ସହିତ ଦୈନନ୍ଦିନ ଜୀବନରେ ସମାଜ ଉନ୍ନତି ବିକାଶ ପ୍ରଗତି ପଥରେ ସମ୍ବାଦପତ୍ରିକା ଦର୍ପଣ ଭାବେ କାର୍ଯ୍ୟ କରିବା ସହିତ ମା, ମାଟି, ମାତୃଭାଷା, ଜଳ, ଜଙ୍ଗଲ ସାହିତ୍ୟ ସଂସ୍କୃତି ଶିକ୍ଷା ଯୋଗାଯୋଗ, ଗମନାଗମନ ସରକାରୀ ଯୋଜନା ଓ ସଫଳ କ୍ଷେତ୍ରରେ ଭୋକିଲା ପେଟ ଯେପରି ନିରପେକ୍ଷ, ନିର୍ଭିକ, ସତ୍ୟ ଉପରେ ସମ୍ବାଦ କୁ ଉପସ୍ଥାପନ କରି ସମସ୍ତଙ୍କର ପ୍ରିୟଭାଜନ ହୋଇ ପାରିଛି  ଓ ବିଭିନ୍ନ ଜନହିତକର କାର୍ଯ୍ୟ ଯଥା ବୃକ୍ଷରୋପଣ ଅସହାୟ ଙ୍କୁ ସାହାଯ୍ୟ, ସ୍ୱାସ୍ଥ...

ଦେବ ଇଣ୍ଟର ନ୍ୟାସନାଲ ସ୍କୁଲର ୧୧ତମ ଦୁଇ ଦିନିଆ ବାର୍ଷିକ ଉତ୍ସବ ଅନୁଷ୍ଠିତ  ବ୍ୟାସନଗର; ୨୩/୧୨( ବ୍ରାହ୍ମ ମୁହୂର୍ତ୍ତବ୍ୟୁରୋ): ଯାଜପୁର ଜିଲ୍ଲା କଳିଙ୍ଗନଗର ଅଞ୍ଚଳ କୁସୁନପୁର ସ୍ଥିତ ” ଦେବ ଇଣ୍ଟର ନ୍ୟାସନାଲ ସ୍କୁଲରେ ଦୁଇ ଦିନିଆ ୧୧ତମ ବାର୍ଷିକ ଉତ୍ସବର   ଶୁଭାରମ୍ଭ ହୋଇଯାଇଛି। ଅପରାହ୍ନ ୩ ଘଟିକାରୁ ଏହି କର୍ଯ୍ୟକ୍ରମର ଶୁଭାରମ୍ଭ କରାଯାଇଥିଲା। ଏହି ଉତ୍ସବ ରେ ମୁଖ୍ୟ ଅତିଥି ଭାବେ ଭୁବନେଶ୍ୱର ପଠାଣି ସାମନ୍ତ ପ୍ଲାନେଟରିଅମର ପୂର୍ବତନ ନିର୍ଦ୍ଦେଶକ ଡ଼ ଶୁଭେନ୍ଦୁ ପଟ୍ଟନାୟକ, ସମ୍ନାନିତ ଅତିଥି ଭାବେ ଶିକ୍ଷା ଓ ବିକାଶ ମୁଖ୍ୟ ରିଲିଆନ୍ସ ଜିଓ ଡ଼ ମାନସ ରଞ୍ଜନ ତ୍ରିପାଠୀ , ମୁଖ୍ୟ ବକ୍ତା ଭାବେ ଅକ୍ସଫୋର୍ଡ ୟୁନିଭର୍ଶିଟି ପ୍ରେସ ର ରିଶୋର୍ସ ପର୍ସନ ଶ୍ରୀମତୀ ପିତାମ୍ବରି ବାଗ୍ଲା, ପେଡ୍ରିଓଟିକ ଚିକିତ୍ସକ ତଥା ଦେବ ଇଣ୍ଟର ନ୍ୟାସନାଲ ସ୍କୁଲର ଟ୍ରଷ୍ଟି ଡ଼ ପ୍ରସନ୍ନ କୁମାର ସାହୁ ଯୋଗ ଦେବା ସହ ବିଦ୍ୟାଳୟର ଅଧ୍ୟକ୍ଷ ବୁଦ୍ଧଦେବ ରାଉତ , ମୂଖ୍ୟ ପ୍ରଶାସନିକ ଅଧିକାରୀ ନିର୍ମଳ କୁମାର ରଣା, ଉପପ୍ରଧାନାଚାର୍ୟ ଆର ଏନ ରୟତ ସିଂ , ଏକାଡେମୀକ ସଂଚାଳକ ସୋନିଆ ବେଦୀ,ସି ସି ଏ ପରିଚାଳକ ବଲବିର୍ ସିଂ ଓ ଯୋଗେନ୍ଦ୍ର କୁମାର ପଣ୍ଡା  ଦୀପ ପ୍ରଜ୍ବଳିତ କରିବା ସହ କାର୍ଯ୍ୟକ୍ରମକୁ ଉଦଘାଟିତ କରିଥିଲେ। ଏକାଡେମୀକ ସଂଚାଳକ ସୋନିଆ ବେଦୀ ବିଦ୍ୟାଳୟ ସମ୍ବନ୍ଧରେ ବିଶେଷ ବିବରଣୀ ପ୍ରଦାନ କରିଥିଲେ। ମ...

 ମାଲକାନଗିରି ଗସ୍ତରେ ମାନ୍ୟବର ରାଜ୍ୟପାଳ ନାରୀ ସଶକ୍ତିକରଣ ହେଲେ ଦେଶ ଓ ସମାଜ ସଶକ୍ତ ହେବ: ରାଜ୍ୟପାଳ ମାଲକାନଗିରି, ୨୦/୧୨/୨୩:(ବ୍ରାହ୍ମ ମୁହୂର୍ତ୍ତ) ଦେଶର ଶକ୍ତି ନାରୀ।  ନାରୀ ସଶକ୍ତିକରଣ ହେଲେ ଦେଶ ଓ ସମାଜ ସଶକ୍ତ ହେବ ବୋଲି ମାଥିଲିର ପାଙ୍ଗାମ ଗ୍ରାମରେ ମହିଳା ସ୍ଵୟଂ ସହାୟକ ଗୋଷ୍ଠୀଙ୍କୁ ଉଦବୋଧନ ପ୍ରଦାନ କରି ରାଜ୍ୟପାଳ ଶ୍ରୀ ରଘୁବର ଦାସ ପ୍ରକାଶ କରିଛନ୍ତି । ଏହି ଅବସରରେ ଏସଏଚଜି ମାନଙ୍କର ଦ୍ୱାରା ପ୍ରସ୍ତୁତ ଉତ୍ପାଦକୁ କ୍ରୟ କରି ମାଆ ମାନଙ୍କୁ ଆର୍ଥିକ ସ୍ୱାବଲମ୍ବୀ ହେବାରେ ସହାୟତା କରିବା ନିମନ୍ତେ ସମସ୍ତଙ୍କୁ ଆହ୍ୱାନ କରିଥିଲେ। ସହରର ସମସ୍ତ ସୁବିଧା ସୁଯୋଗ ଗାଁ ପର୍ଯ୍ୟନ୍ତ ପହଞ୍ଚିବା ଦରକାର। ଏଥିରେ ସରକାର, ଶାସନ ବ୍ୟବସ୍ଥା ସହ ପ୍ରତ୍ୟେକ ନାଗରିକଙ୍କ ସମାଜ ପ୍ରତି ଉତ୍ତରଦାୟିତ୍ଵ ରହିଛି। ସେ ଆହୁରି ମଧ୍ୟ କହିଥିଲେ ଜନ ମଙ୍ଗଳ ପାଇଁ ସରକାରଙ୍କ ସମସ୍ତ ଯୋଜନା ତୃଣମୂଳ ସ୍ତରରେ ପହଞ୍ଚିବା ଦରକାର। ଏହି ଅବସରରେ ସେ ପ୍ରଧାନମନ୍ତ୍ରୀ ଆବାସ ଯୋଜନା ଓ ଏକଲବ୍ୟ ଆଦର୍ଶ ବିଦ୍ୟାଳୟ ଭଳି ଅନେକ ଯୋଜନା ବିଷୟରେ  ଆଲୋକପାତ  କରିଥିଲେ। ରାଷ୍ଟ୍ର ନିର୍ମାଣରେ ଶିକ୍ଷାର ମହତ୍ତ୍ୱପୂର୍ଣ୍ଣ ଭୂମିକା ରହିଛି। ତେଣୁ ଦୃଢ଼ ପରିଶ୍ରମ କରି ଲକ୍ଷ୍ୟ ପ୍ରାପ୍ତି କରିବାକୁ ପଡ଼ିବ । ଛାତ୍ରଛାତ୍ରୀ ଚାପମୁକ୍ତ ହୋଇ ପରୀକ୍ଷା ନିମନ୍ତେ ପ୍ରସ୍ତୁତି ହେବା ସହ ଅଭିଭାବକ ମାନେ ସନ୍ତାନ ମାନଙ୍କୁ...

ତହସିଲ ସ୍ତରୀୟ ମୋ ଜଙ୍ଗଲ ଜମି ଯୋଜନା ତାଲିମ ଶିବିର | ରାମଦାସ ଭତ୍ରାଙ୍କ ରିପୋର୍ଟ- ଝରୀଗାଁ ତା 22/12-(ବ୍ରାହ୍ମ ମୁହୂର୍ତ୍ତ) ନବରଙ୍ଗପୁର ଜିଲ୍ଲା ଝରୀଗାଁ ତହସିଲ ଅନ୍ତର୍ଗତ ସମସ୍ତ ଗ୍ରାମ ଗୁଡିକରେ ଜଙ୍ଗଲ ଜମି ଅଧିକାର କାର୍ଯ୍ୟକ୍ରମକୁ ସୁଚାରୁ ରୂପେ କାର୍ଯ୍ୟକାରୀ କରାଯିବା ସକାଶେ ଝରୀଗାଁ ବ୍ଲକ କନଫେରେନ୍ସ ହଲ ଠାରେ ଆଜି ସକାଳ ଏଗାର ଘଟିକା ସମୟରେ ବ୍ଲକ ର ସମସ୍ତ କମ୍ୟୁନିଟି  ଆର ଆଇ ଏବଂ ବନ ବିଭାଗ କର୍ମଚାରୀ ମାନଙ୍କ ର ମିଳିତ ସହଯୋଗରେ ଏକ ପ୍ରଶିକ୍ଷଣ କାର୍ଯ୍ୟକ୍ରମ କରାଯାଇଛି |ଏହି କାର୍ଯ୍ୟକ୍ରମରେ ତହସିଲଦାର ଶଙ୍କର ପଟ୍ଟନାୟକ ଡବ୍ଲୁ ଇ ଓ ନିହାର ରଞ୍ଜନ ବେହେରା, ରେଞ୍ଜର ଗୋବିନ୍ଦ ନାୟକ, ଏଫ ଆର ଏ ସେଲ କୋଡିନେଟର ମୃତ୍ୟୁଞ୍ଜୟ ନାୟକ, ଆର ସି ଡି ସି ଶିବ ଶଙ୍କର ଦୋରା, ଦୁଷ୍ମନ୍ତ କୁମାର ଓଝା, ଏଫ ଇ ଏସ ର  ବିଜୟ ଟପ ପ୍ରମୁଖ ଉପସ୍ଥିତ ରହିଥିଲେ |ଉକ୍ତ କାର୍ଯ୍ୟକ୍ରମ କୁ ଏଫ ଇ ଏସ କର୍ମକର୍ତା ମାନେ ପରିଚାଳନା କରିଥିଲେ |ଏହି ତାଲିମ ରେ ବ୍ୟକ୍ତିଗତ, ଗୋଷ୍ଠୀଗତ ଏବଂ ଗୋଷ୍ଠୀ ସମ୍ବଳ ର ଅଧିକାର ବିଷୟରେ ବିସ୍ତୃତ ଭାବେ ଆଲୋଚନା କରାଯିବା ସହିତ ଆଗାମୀ ଦିନରେ ରାଜ୍ୟ ସରକାର ମୋ ଜଙ୍ଗଲ ଜମି ଯୋଜନା ଏକ ନିର୍ଦ୍ଧିଷ୍ଟ ସମୟ ମଧ୍ୟରେ ସମାପନ କରିବା ସକାଶେ ଆଲୋଚନା କରାଯାଇଥିଲା |ଏବଂ ଏହାର ସଫଳ ରୂପାୟନ ନିମନ୍ତେ ସମସ୍ତ ଉପସ୍ଥିତ ସରକାରୀ ତଥା ଵେସରକାରୀ କର୍ମକର୍ତା ମାନଙ୍କୁ ଦାୟିତ୍ୱ ପ୍...

ସ୍ଵତନ୍ତ୍ର ଭୋଟର ତାଲିକା ସଂଶୋଧନ-୨୦୨୪ କାର୍ଯ୍ୟକ୍ରମର  ସମୀକ୍ଷା ବୈଠକ ହିମାଂଶୁ ଶେଖର ସ୍ବାଇଁଙ୍କ ରିପୋର୍ଟ- ମାଲକାନଗିରି, ୨୨/୧୨/୨୩:(ବ୍ରାହ୍ମ ମୁହୂର୍ତ୍ତ)  ଆଜି ଜିଲ୍ଲାପରିଷଦ ସମ୍ମିଳନୀ କକ୍ଷରେ ସ୍ଵତନ୍ତ୍ର ଭୋଟର ତାଲିକା ସଂଶୋଧନ-୨୦୨୪ କାର୍ଯ୍ୟକ୍ରମର  ସମୀକ୍ଷା ବୈଠକ   ବି. ପରମେଶ୍ଵରନ, କମିଶନର, ଚକବନ୍ଦୀ, ଓଡ଼ିଶା ତଥା ଭୋଟର ତାଲିକା ପର୍ଯ୍ୟବେକ୍ଷକଙ୍କ ଦ୍ୱାରା ଅନୁଷ୍ଠିତ ହୋଇଯାଇଛି।  ଉକ୍ତ ସମୀକ୍ଷା ବୈଠକରେ  ଜିଲ୍ଲାପାଳ ତଥା ଜିଲ୍ଲା ନିର୍ବାଚନ ଅଧିକାରୀ, ବିଶାଲ ସିଂ,ଅତିରିକ୍ତ ଜିଲ୍ଲାପାଳ ତଥା ଅତିରିକ୍ତ ଜିଲ୍ଲା ନିର୍ବାଚନ ଅଧିକାରୀ, ବେଦବର ପ୍ରଧାନ ଓ ଉପ-ଜିଲ୍ଲାପାଳ ତଥା ଭୋଟର ପଞ୍ଜୀକରଣ ଅଧିକାରୀ, ଡଃ ଅକ୍ଷୟ କୁମାର ଖେମୁଣ୍ଡୁଙ୍କ  ସମେତ ସମସ୍ତ ତହସିଲଦାର ଓ ଗୋଷ୍ଠୀ ଉନ୍ନୟନ ଅଧିକାରୀ ତଥା ସହାୟକ ଭୋଟର ପଞ୍ଜୀକରଣ ଅଧିକାରୀ ଉପସ୍ଥିତ ଥିଲେ ।ଉକ୍ତ ପ୍ରକ୍ରିୟାରେ ମାଲକାନଗିରି ଜିଲ୍ଲା ସକରାତ୍ମକ କାର୍ଯ୍ୟାନୁଷ୍ଠାନ ଗ୍ରହଣ କରି ପ୍ରକ୍ରିୟାଟିକୁ ତ୍ଵରାନିତ କରିଥିବାରୁ ପର୍ଯ୍ୟବେକ୍ଷକ ସନ୍ତୋଷ  ପ୍ରକାଶ କରିଥିଲେ  ଏବଂ ପରବର୍ତ୍ତୀ ପର୍ଯ୍ୟାୟରେ ଏହିଭଳି ପଦକ୍ଷେପ ଗ୍ରହଣ କରି ନିର୍ବାଚନ  ସଂକ୍ରାନ୍ତୀୟ ସମସ୍ତ ପ୍ରକ୍ରିୟାକୁ  ନିର୍ଦ୍ଧାରିତ ସମୟ ଅନୁସାରେ ଶେଷ କରିବା ପାଇଁ ନିର୍ଦ୍ଦେଶ ଦେଇଥିଲେ ।  ସମୀକ୍ଷ...

ବରିଷ୍ଠ ନାଗରିକ ତୀର୍ଥ ଯାତ୍ରାର ଶୁଭାରମ୍ଭ ହିମାଂଶୁ ଶେଖର ସ୍ବାଇଁଙ୍କ ରିପୋର୍ଟ- ମାଲକାନଗିରି(ବ୍ରାହ୍ମ ମୁହୂର୍ତ୍ତ):-ଓଡ଼ିଶା ସରକାରଙ୍କ ପର୍ଯ୍ୟଟନ ବିଭାଗ ଦ୍ଵାରା ଆଜି ବରିଷ୍ଠ ନାଗରିକ ତୀର୍ଥ ଯାତ୍ରା ଯୋଜନା ଅଧିନରେ ଆଧ୍ୟାତ୍ମିକ ଯାତ୍ରାର ଦିବ୍ୟ ଅନୁଭବ ନେବା ନିମନ୍ତେ ମାଲକାନଗିରି ଜିଲ୍ଲାରୁ ତୀର୍ଥ ଯାତ୍ରୀଙ୍କୁ ନେଇ ଏକ  ବସ୍ ରାୟଗଡା ଅଭିମୁଖେ ଯାତ୍ରା କରିଛି। ଏହି ତୀର୍ଥ ଯାତ୍ରୀ ବସ୍ କୁ ଜିଲ୍ଲା ପରିଷଦ ଅଧ୍ୟକ୍ଷା ସମାରୀ ତାଙ୍ଗୁଲ ସବୁଜ ପତାକା ଦେଖାଇ ଉଦଘାଟନ କରିଥିବା ବେଳେ ଜିଲ୍ଲାପାଳ ବିଶାଲ ସିଂ, ସ୍ୱତନ୍ତ୍ର ଉନ୍ନୟନ ପରିଷଦ ଅଧ୍ୟକ୍ଷ ଆଡମା ରାବା, ଅତିରିକ୍ତ ଜିଲ୍ଲାପାଳ, ରାଜସ୍ବ, ବେଦବର ପ୍ରଧାନ ଉପସ୍ଥିତ ରହି ତୀର୍ଥଯାତ୍ରୀଙ୍କୁ ଶୁଭେଚ୍ଛା ଜଣାଇଥିଲେ ।  କୋରାପୁଟ, ରାୟଗଡ଼ା, ମାଲକାନଗିରି, ନବରଙ୍ଗପୁର, ନୂଆପଡ଼ା ଓ କଳାହାଣ୍ଡି ଜିଲ୍ଲାର ତୀର୍ଥଯାତ୍ରୀ ରାୟଗଡା ରେଳ ଷ୍ଟେସନରୁ ଶିରଡି ଓ ନାସିକ ଅଭିମୁଖେ ଯାତ୍ରା କରିବେ। ଆଜି ସମସ୍ତ  ୮୭ ଜଣ ତୀର୍ଥଯାତ୍ରୀ  ଓ  ୩ ଜଣ ସହଯୋଗୀ ଅଧିକାରୀ ରାୟଗଡାରେ ପହଞ୍ଚିବେ ଏବଂ ଆସନ୍ତାକାଲି ଶିରଡି- ନାସିକ ଅଭିମୁଖେ ଯାତ୍ରା କରିବେ। ଏହାକୁ ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଶୁଭାରମ୍ଭ କରିବେ। ଯାତ୍ରୀଙ୍କର ସୁଖଦ ଯାତ୍ରା ନିମନ୍ତେ ସମସ୍ତ ପ୍ରକାର ପଦକ୍ଷେପ ପର୍ଯ୍ୟଟନ ବିଭାଗ ପକ୍ଷରୁ ନିଆଯାଇଛି। ଆଜି ସମ...

ଆଥଲେଟିକ ଏବଂ ସାମାଜିକ କାର୍ଯ୍ୟକ୍ରମ ଉଦଘାଟିତ ହିମାଂଶୁ ଶେଖର ସ୍ବାଇଁଙ୍କ ରିପୋର୍ଟ- ମାଲକାନଗିର(ବ୍ରାହ୍ମ ମୁହୂର୍ତ୍ତ)- ଓଡିଶା ସରକାରଙ୍କ ଦ୍ୱାରା ଚାଲୁ ରହିଥିବା ନୂତନ, ଉନ୍ନତ, ଅଭିଳାଷ-ଓଡିଶା (ନୂଆ-ଓ) କାର୍ଯ୍ୟକ୍ରମ ଆନୁକୂଲ୍ୟରେ ମାଲକାନଗିରି ମହାବିଦ୍ୟାଳୟ ପରିସରରେ ଆଥଲେଟିକ ଏବଂ ସାମାଜିକ କାର୍ଯ୍ୟକ୍ରମ ଉଦଘାଟିତ ହୋଇଯାଇଅଛି l ଛାତ୍ରଛାତ୍ରୀ ମାନେ ମଶାଲ ରାଲି କରି ଫେରିବା ପରେ ସାମାଜିକ କାର୍ଯ୍ୟକ୍ରମ ସୂଚୀ ଅନୁସାରେ ପ୍ରାୟତଃ ଏକ ହଜାରରୁ ଉର୍ଦ୍ଧ୍ୱ ଛାତ୍ରଛାତ୍ରୀ ପ୍ଳାକାର୍ଡ ଧରି ସମାଜରେ ଥିବା ସାମାଜିକ ସମସ୍ୟା ଯେପରିକି ବାଲ୍ୟ ବିବାହ ବନ୍ଦ କରିବା, ନିଶା ମୁକ୍ତ ସମାଜ ଗଠନ, ଶିକ୍ଷାର ପ୍ରଗତି, ଅନ୍ଧ ବିଶ୍ୱାସରୁ ଦୁରେଇ ରହିବା ଇତ୍ୟାଦି ସ୍ଲୋଗାନ ମାନ ଦେଇ ସମାଜକୁ ସଚେତନତାର ବାର୍ତ୍ତା ଦେବା ପାଇଁ ଚେଷ୍ଟା କରିଥିଲେ l ଏହି କାର୍ଯ୍ୟକ୍ରମରେ ମହାବିଦ୍ୟାଳୟର ଅଧ୍ୟକ୍ଷ ଲିଙ୍ଗରାଜ ମିଶ୍ରଙ୍କ ଉପସ୍ଥିତିରେ ମୁଖ୍ୟ ଅତିଥି ଭାବେ ମାଲକାନଗିରିର ପୂର୍ବତନ ବିଧାୟକ ମାନସ ମାଡ଼କାମୀ ଯୋଗଦାନ କରି ଛାତ୍ରଛାତ୍ରୀ ମାନଙ୍କୁ କ୍ରୀଡା ଓ ସମାଜ ସଂସ୍କାର କାର୍ଯ୍ୟକ୍ରମରେ ସାମିଲ ହେବାକୁ ପ୍ରେରଣା ଦେଇଥିଲେ l ସ୍ୱତନ୍ତ୍ର ମୁଖ୍ୟ ଅତିଥି ଭାବେ ମାଲକାନଗିରି ପଞ୍ଚାୟତ ସମିତିର ଅଧ୍ୟକ୍ଷା ଗୌରୀ ପଡିଆମୀ ଯୋଗଦାନ କରି ଛାତ୍ରଛାତ୍ରୀ ମାନଙ୍କର କ୍ରୀଡା ଓ ସାମାଜିକ କାର୍ଯ୍ୟକ୍ରମରେ ଅଂଶ ଗ୍ରହଣକୁ ପ୍ରଶଂସା କରିଥି...

ସନ୍ଦୋଷ କୁମାର ପଣ୍ଡାଙ୍କ ରିପୋର୍ଟ- ଭୁବନେଶ୍ୱର (ବ୍ରାହ୍ମ ମୁହୂର୍ତ୍ତ ବ୍ୟୁରୋ):- ଗଣମାଧ୍ୟମକୁ ଚତୁର୍ଥ ସ୍ତମ୍ଭ ରୂପେ ସମଗ୍ର ବିଶ୍ଵରେ ଚର୍ଚ୍ଚିତ ଖବର ମାନଙ୍କରେ ସବୁବେଳେ ସଭିଙ୍କ ମୁହଁରୁ ସବୁଠାରେ ଶୁଣିବାକୁ ମିଳେ ଏବଂ କୁହାଯାଏ।  ସେହି ଗଣମାଧ୍ୟମ ପ୍ରତିନିଧି ମାନଙ୍କ ସୁବିଧା ଅସୁବିଧା ସମସ୍ୟା ନେଇ ଗଠିତ ରାଜ୍ୟ ସ୍ତରୀୟ ସଂଘ ଆମ ରାଜ୍ୟରେ ବହୁ ସଂଖ୍ୟାରେ ଅଛନ୍ତି। ସେହି ସଂଗଠନ ମାନଙ୍କ ମଧ୍ୟରେ କାର୍ଯ୍ୟ କରୁଥିବା ରାଜ୍ୟର ଅଗ୍ରଣୀ ସଂଗଠନ ଓଡିଶା ସାମ୍ବାଦିକତା ୟୁନିୟନ  (ଓୟୁଜେ) ଅନ୍ୟତମ। ସଂଗଠନ ଏହି ଅବସରରେ ତା'ର ୨୬ତମ ରାଜ୍ୟ ସ୍ତରୀୟ ପ୍ରତିଷ୍ଠା ଦିବସ  ଜୟଦେବ ଭବନରେ  ପାଳନ କରିଛି। ଏଥିରେ ମୁଖ୍ୟ ଅତିଥି ଭାବେ ବାଚସ୍ପତି ପ୍ରମିଳା ମଲ୍ଲିକ ଯୋଗ ଦେଇଥିଲେ  ତତ୍ ସହିତ ରାଜ୍ୟ ସରକାରଙ୍କ ମନ୍ତ୍ରୀ ତୁଷାରକାନ୍ତି ବେହେରା, ରାଜ୍ୟସଭା ସାଂସଦ ମୁନ୍ନା ଖାଁ, ଭୁବନେଶ୍ୱର (ମଧ୍ୟମ) ବିଧାୟକ ଅନନ୍ତ ନାରାୟଣ ଜେନା,   ବରିଷ୍ଠ ବିଧାୟକ ସୁରେଶ ରାଉତରାୟ ପ୍ରମୁଖ ସାମିଲ ହୋଇଥିଲେ l  ସାମ୍ବାଦିକମାନଙ୍କ ସମସ୍ୟା ଓ ଦାବୀ ପ୍ରତି ରାଜ୍ୟ ସରକାର ଅବଗତ ଅଛନ୍ତି ଓ ଆଗମୀ ଦିନରେ ଓୟୁଜେ ଯେଉଁସବୁ ଦାବି ସାମ୍ବାଦିକ ମାନଙ୍କ ହକ ପାଇଁ ରାଜ୍ୟ ସରକାରଙ୍କୁ ଦାବିପତ୍ର ଦେଇଛନ୍ତି ତାହା ପୂରଣ କିମ୍ବା ବିଚାର କରି ପୂରଣ କରାଯିବ ବୋଲି ବାଚସ୍ପତି ପ୍ରମିଳା ମଲ୍ଲିକ ନିଜ ...

ରାୟଗଡ଼ା ଜିଲ୍ଲାର ଗୁମ୍ମା ଅଙ୍ଗନବାଡ଼ି କେନ୍ଦ୍ର ରେ ମାନ୍ୟବର ଗଭର୍ଣ୍ଣର ରାୟଗଡ଼ା (ବ୍ରାହ୍ମ ମୁହୂର୍ତ୍ତ ବ୍ୟୁରୋ) ୨୨/୧୨/୨୦୨୩ , ଶୁକ୍ରବାର ଆଜି ରାୟଗଡ଼ା ଜିଲ୍ଲାର ସମନ୍ଵିତ ଶିଶୁ ବିକାଶ ବିଭାଗ ରାୟଗଡ଼ା ପ୍ରୋଜେକ୍ଟ ଅନ୍ତର୍ଗତ ଗୁମ୍ମା ସେକ୍ଟର ର ଗୁମ୍ମା ଅଙ୍ଗନବାଡ଼ି କେନ୍ଦ୍ରରେ ମାନ୍ୟବର ଗଭର୍ଣ୍ଣର ଆସି ପହଞ୍ଚିଥିଲେ। ଦିନ ୧୨ ରେ ପହଞ୍ଚି ମାନ୍ୟବର ଗଭର୍ଣ୍ଣର ଶ୍ରୀ ରଘୁବର ଦାସ ସମସ୍ତଙ୍କ ସହ ସାକ୍ଷାତ କରିଥିଲେ। ଶ୍ରୀ ଦାସ ଙ୍କ ସ୍ବାଗତ ନିମନ୍ତେ କୁନିକୁନି ଶିଶୁମାନେ ସ୍ବାଗତ ସଙ୍ଗୀତ ଓ ଅଭିନୟ ପ୍ରସ୍ତୁତ କରିଥିଲେ। ଶ୍ରୀ ଦାସ ସ୍ଥାନୀୟ ବାସିନ୍ଦାଙ୍କ ଠାରୁ ଅଙ୍ଗନବାଡ଼ି କେନ୍ଦ୍ର ରେ ଉପଲବ୍ଧ ସୁବିଧା ସୁଯୋଗ ପାଉଛନ୍ତି କି ନାହିଁ ତାହା ବୁଝିଥିଲେ। ଅଙ୍ଗନବାଡ଼ି କେନ୍ଦ୍ରର ଖାଦ୍ୟ ସାରଣୀ ଅନୁସାରେ ଦିଆଯାଉଛି କି ନାହିଁ ତାହା ବୁଝିଥିଲେ। ରନ୍ଧନ କାର୍ଯ୍ୟକ୍ରମ ବିଷୟରେ ଲୋକମାନଙ୍କ ଠାରୁ ବୁଝିଥିଲେ। ପରେ ଅଭିନୟ ଓ ସଙ୍ଗୀତ ପ୍ରସ୍ତୁତ କରିଥିବା କୁନି ଶିଶୁ ମାନଙ୍କୁ ଅଭିଭାଷଣ ଦେଇ ଆଶୀର୍ବାଦ ପ୍ରଦାନ କରିଥିଲେ।

କବିସୂର୍ଯ୍ୟନଗର ପ୍ରେସ୍ କ୍ଲବର ୧୭ତମ ବାର୍ଷିକ ଉତ୍ସବ ଅନୁଷ୍ଠିତ । କବିସୂର୍ଯ୍ୟନଗର(ବ୍ରାହ୍ମ ମୁହୂର୍ତ୍ତ ବ୍ୟୁରୋ),୨୨/୧୨:କବିସୂର୍ଯ୍ୟନଗର ପ୍ରେସ୍ କ୍ଲବର ୧୭ତମ ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି । ସ୍ଥାନୀୟ କନକ ମଞ୍ଜରୀ ପାଠାଗାର ଠାରେ ପ୍ରେସ୍ କ୍ଲବ ସଭାପତି ସମରଜିତ୍ ମହାନ୍ତିଙ୍କ ସଭାପତିତ୍ବରେ କାର୍ଯ୍ୟକ୍ରମଟି ଅନୁଷ୍ଠିତ ହୋଇଥିଲା ।ଏହି କାର୍ଯ୍ୟକ୍ରମରେ ମୂଖ୍ୟ ଆକର୍ଷଣ ଅତିଥି ଭାବେ ପୋଲସରା ବିଧାୟକ ଶ୍ରୀକାନ୍ତ ସାହୁ, କବିସୂର୍ଯ୍ୟନଗର ବିଧାୟିକା ଲତିକା ପ୍ରଧାନ, କବିସୂର୍ଯ୍ୟନଗର ବ୍ଲକ ଅଧ୍ୟକ୍ଷା ଜ୍ଯୋର୍ତିମୟୀ ସ୍ବାଇଁ, ଏନ୍ଏସି ଅଧ୍ଯକ୍ଷା ଏସ୍ ଲକ୍ଷ୍ମୀ,ବିଇଓ ଅଭିମନ୍ଯୁ ସାହୁ ଏବଂ ସାଂସଦ ପ୍ରତିନିଧି ତଥା ସରପଞ୍ଚ ସତ୍ୟବାନ ସାହୁ ପ୍ରମୁଖ ଯୋଗଦେଇ ବିଭିନ୍ନ ସମସ୍ୟା ଉପରେ ଆଲୋଚନା କରିଥିଲେ। ସାଧାରଣ ସମ୍ପାଦକ ସପ୍ନେଶ୍ୱର ପାଣିଗ୍ରାହୀ ଅତିଥି ପରିଚୟ ପ୍ରଦାନ କରିବା ସହିତ ସଂକ୍ଷିପ୍ତ ବିବରଣୀ ପାଠ କରିଥିଲେ । ସାମ୍ବାଦିକ ଉମାଚରଣ ପଟ୍ଟନାୟକ,ସାମ୍ବାଦିକ ବିବେକାନନ୍ଦ ସାହୁ,ସାମ୍ବାଦିକ କୃପାସିନ୍ଧୁ ସ୍ବାଇଁ,ସାମ୍ବାଦିକ ନିକୁଞ୍ଜ ବିହାରୀ ମହାପାତ୍ର, ସାମ୍ବାଦିକ ରାମଚନ୍ଦ୍ର ଜେନା,ସାମ୍ବାଦିକ ଦେବସ୍ମିତା ମହାନ୍ତିଙ୍କ ସମେତ ସରପଞ୍ଚ, ସମିତି ସଭ୍ୟ,ଏନ୍ଏସିର ୱାର୍ଡମେମ୍ବର,ବୁଦ୍ଧିଜୀବୀ, ସମାଜ ସେବୀ ମାନେ ଉପସ୍ଥିତ ରହି କାର୍ଯ୍ୟକ୍ରମକୁ ସଫଳ କରିଥିଲେ । ଗଞ୍ଜାମ ଜିଲ୍ଲା ସ୍ବତନ୍ତ୍ର ପ୍ରତ...

ଭଞ୍ଜନଗର (ବ୍ରାହ୍ମ ମୁହୂର୍ତ୍ତ ବ୍ୟୁରୋ)-: କଥାରେ ଅଛି ଶିଶୁ ହସିଲେ ଦୁନିଆ ହସେ, ସେହି ଆଧାରରେ ଦେଶ ବିଦେଶରେ ସବୁଠି ଆକର୍ଷଣ କେନ୍ଦ୍ର ବିନ୍ଦୁ ସାଜିଛନ୍ତି ଶିଶୁମାନେ। ଏହିପରି କିଛି ନିଆରା କାର୍ଯ୍ୟକ୍ରମ ପରିଚାଳନା କରି ସୁନାମ ଅର୍ଜନ କରିଛନ୍ତିି ଓଡ଼ିଶା ମାଧ୍ୟମିକ ସ୍କୁଲ ଶିକ୍ଷକ ସଂଘ (ଓଷ୍ଟା)। ସଂଘ ପକ୍ଷରୁ ଚଳିତ ବର୍ଷର ବିଶେଷ କାର୍ଯ୍ୟକ୍ରମ ତଥା ଗଞ୍ଜାମ ଜିଲ୍ଲା ସ୍ତରୀୟ ଶିଶୁ ଉତ୍ସବ-୨୦୨୩ ଅନୁଷ୍ଠିତ ହୋଇଯାଇଛି। ଭଞ୍ଜନଗର ଉପଖଣ୍ଡ ଅନ୍ତର୍ଗତ ସରକାରୀ ଭଞ୍ଜନଗର ଉପେନ୍ଦ୍ର ଭଞ୍ଜ ଉଚ୍ଚ ବିଦ୍ୟାଳୟ, ଭଞ୍ଜନଗର ଠାରେ ଗତ ତା୨୧ରିଖ ଦିନ ଉଦଘାଟିତ  ହୋଇ ତା୨୨ ରିଖ ଦିନ ଉଦଯାପନୀ ଉତ୍ସବ ଧୁମ୍ ଧାମରେ ପାଳିତ ହୋଇଯାଇଛି। ମିଳିଥିବା ସୂଚନା ଅନୁସାରେ ଦୁଇ ଦିନ ଧରି ଅନୁଷ୍ଠିତ ଏହି କାର୍ଯ୍ୟକ୍ରମରେ ଜିଲ୍ଲାର ଉଚ୍ଚ ପଦସ୍ଥ ଅଧିକାରୀ ଏବଂ ଉପଖଣ୍ଡ ସ୍ତରୀୟ ବିଭିନ୍ନ ବିଭାଗ ଅଧିକାରୀ ମାନେ ଯୋଗ ଦେଇଥିଲେ। ବିଶିଷ୍ଟ ଅତିଥିମାନଙ୍କ ମଧ୍ୟରେ ଉପସ୍ଥିତ ଥିଲେ ବିଶେଷ କରି କାର୍ଯ୍ୟକ୍ରମ ଦ୍ବିତୀୟ ଦିନରେ ଅର୍ଥାତ୍ ଉଦଯାପନୀ ଉତ୍ସବରେ ମୂଖ୍ୟ ଅତିଥି ଭାବେ ଗଞ୍ଜାମ ଜିଲ୍ଲା ଶିକ୍ଷାଧିକାରୀ ଶ୍ରୀମତୀ ଅମିତା ପଟ୍ଟନାୟକ ମଞ୍ଚାସୀନ ରହିଥିବା ବେଳେ ବିଶିଷ୍ଟ ଅତିଥିମାନଙ୍କ ମଧ୍ୟରେ ଭଞ୍ଜନଗର ଉପଖଣ୍ଡ ଆଞ୍ଚଳିକ ପରିବହନ ଅଧିକାରୀ ଶ୍ରୀଯୁକ୍ତ ଶୁଭେନ୍ଦୁ ରଞ୍ଜନ ରାୟ ସଭାମଞ୍ଚରେ ଉପସ୍ଥିତ ରହି ଛାତ୍ରଛାତ୍ରୀ ମାନଙ୍କୁ ସ...

ବାଉଁଶୁଣି ମା ମାହେଶ୍ୱରୀ ଉଚ୍ଚ ମାଧ୍ୟମିକ ବିଦ୍ୟାଳୟରେ ନିଯୁକ୍ତି ମେଳା  । ବୌଦ୍ଧ(ବ୍ରାହ୍ମ ମୁହୂର୍ତ୍ତ ବ୍ୟୁରୋ)- ବ୍ଲକ ବାଉଁଶୁଣି ମା ମାହେଶ୍ୱରୀ ଉଚ୍ଚ ମାଧ୍ୟମିକ ବିଦ୍ୟାଳୟରେ ଓଡିଶା ଦକ୍ଷତା ବିକାଶ ପ୍ରାଧିକରଣ ଓ ବୌଦ୍ଧ ଜ଼ିଲ୍ଲା ପ୍ରଶାସନର ମିଳିତ ଆନୁକୂଲ୍ୟରେ ନିଯୁକ୍ତି ମେଳା ୨୦୨୩ ବୁଧବାର ଅନୁଷ୍ଠିତ ହୋଇଯାଇଛି। ମେଳାରେ ଓରମାସର ଡେପୁଟି ସି.ଇ.ଓ. ଶିବାଶିଷ ଦାସ ମୁଖ୍ୟ ଅତିଥି ଭାବେ ଯୋଗ ଦେଇ ଥିଲେ। ମା ମାହେଶ୍ୱରୀ ଉଚ୍ଚ ମାଧ୍ୟମିକ ବିଦ୍ୟାଳୟ ବାଉଁଶୁଣିର ଅଧ୍ୟକ୍ଷ ମାନଭଞ୍ଜନ ତ୍ରିପାଠୀ ଅଧ୍ୟକ୍ଷତା କରିଥିରେ। ମଞ୍ଚାସିନ ଅତିଥି ଭାବେ ବିଦ୍ୟାଳୟର ତର୍କଶାସ୍ତ୍ର ଅଧ୍ୟାପକ ମକର ମହାରଣା ଓ ଓଡ଼ିଆ ଅଧ୍ୟାପକ ଦେବାର୍ଚ୍ଚନ ବେହେରା ଉପସ୍ଥିତ ଥିଲେ। ଜ଼ିଲ୍ଲା ଦକ୍ଷତା ବିକାଶ ତଥା ନିଯୁକ୍ତି ଅଧିକାରୀ ସୁଶାନ୍ତ  ନାଏକଙ୍କ ଦ୍ୱାରା ପରିଚାଳିତ ଶିବିରରେ ମୋଟ ୫୦୬ ଜଣ ନିଯୁକ୍ତି ଆଶାୟୀ ଯୁବକ ଯୁବତୀ ଏଥିରେ ଯୋଗଦେଇ ଥିଲେ। ଶିକ୍ଷାଗତ ଯୋଗ୍ୟତା ପ୍ରମାଣପତ୍ର ଯାଞ୍ଚ ପରେ ୩୬୯ ଜଣଙ୍କୁ ଚୟନ କରାଯାଇଥିଲା। ସେମାନଙ୍କ ମଧ୍ୟରୁ ୧୯୭ ଜଣଙ୍କୁ ପ୍ରଶିକ୍ଷଣ ପାଇଁ ଚୟନ କରାଯାଇଥିବା ବେଳେ ୧୭୨ ଜଣଙ୍କୁ ସିଧାସଳଖ କାମରେ ଯୋଗ ଦେବା ପାଇଁ ଚିହ୍ନଟ କରାଯାଇଅଛି। ଶିବିରରେ ରାଜ୍ୟ ଓ ରାଜ୍ୟ ବାହାରର ୨୦ଟି ନିଯୁକ୍ତିଦାତା ସଂସ୍ଥାର ପ୍ରତିନିଧି ଓ ୧୧ ଟି ଦକ୍ଷତା ବୃଦ୍ଧି ତାଲିମ ଦାତା ସଂସ୍ଥା ଯୋଗ ଦେଇଥିଲେ।

ଗୋଛାପଡା/(ବ୍ରାହ୍ମ ମୁହୂର୍ତ୍ତ)-ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ଗୋଛାପଡା ଠାରେ 14ତମ ବାର୍ଷିକ କ୍ରିଡା ଉତ୍ସବ ଧୁମ ଧାମ ରେ ପାଳନ କରଯାଇଥିଲା । ଏହି ଉତ୍ସବରେ ମୁଖ୍ୟ ଅତିଥି ଭାବରେ ବ୍ଲକ ଅଧକ୍ଷ୍ୟ ଶ୍ରୀଯୁକ୍ତ ପ୍ରିୟଦର୍ଶୀ ପ୍ରତ୍ୟୁଷ ରଥ ସଂମାନିତ ଅତିଥି ଭାବରେ ଗୋଛାପଡା ଗ୍ରାମ ପଞ୍ଚାୟତର ସରପଞ୍ଚ ଶ୍ରୀମତୀ ପୁନୀ ମେହେର ସମାଜସେବୀ ଶ୍ରୀଯୁକ୍ତ ଦେବଦତ୍ତ ରଥ ୱାର୍ଡସଭ୍ୟ ଶ୍ରୀଯୁକ୍ତ ମହନ ସାହୁ ପ୍ରମୁଖ ଯୋଗ ଦେଇଥିଲେ । କ୍ରିଡା ପ୍ରତିଯୋଗୀତା ରେ ମୋଟ ୧୦୦ ଜଣ ଛାତ୍ର/ଛାତ୍ରୀ ଅଂଶଗ୍ରହଣ କରିଥିଲେ ବାଳକ ବିଭାଗ ରେ ଆୟୁଷ୍ମାନ ସିଦ୍ଧାର୍ଥ ପ୍ରଧାନ ଓ ବାଳିକା ବିଭାଗ ରେ ଆୟୁଷ୍ମତୀ ପୁଷ୍ପାଞ୍ଜଳି ଜାଲ ଚାମ୍ପିୟାନ ଘୋଷିତ ହୋଇଥିଲେ । ବିଦ୍ୟାଳୟର ଖେଳ ଶିକ୍ଷକ ଶ୍ରୀଯୁକ୍ତ ମନୋଜ କୁମାର ଗାଈଗୌରିଆ,ପଞ୍ଚାୟତ ଉଚ୍ଚ ବିଦ୍ୟାଳୟ ମନୁପାଲି  ର ଖେଳ ଶିକ୍ଷକ ଶ୍ରୀଯୁକ୍ତ ଅଶୋକ ସାମଲ ଓ ଦହ୍ୟ। ନୋଡାଲ ଉଚ୍ଚ ବିଦ୍ୟାଳୟ ର ଖେଳ ଶିକ୍ଷକ ରମେଶ ଚନ୍ଦ୍ର ସେଠୀ ଖେଳ ପରିଚାଳନା କରିଥିଲେ । ଏହି ଉତ୍ସବ ରେ ପ୍ରଧାନ ଶିକ୍ଷକ ଶ୍ରୀଯୁକ୍ତ ଅଶୋକ ସୁବୁଦ୍ଧି ସଭାପତିତ୍ଵ କରିଥିଲେ ଓ ଅନ୍ୟ ସମସ୍ତ ଶିକ୍ଷକ/ଶିକ୍ଷୟତ୍ରୀ ସହଯୋଗ କରିଥିଲେ ପରିଶେଷରେ ସ୍କୁଲ ର କଳା ଶିକ୍ଷୟତ୍ରୀ ବର୍ଷାବୈଶାଳୀ ପୁରୋହିତ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।

ଜଳ ଉପରେ ପ୍ରତିବନ୍ଧକ ଲଗାଇଲେ  ଦୁବୃର୍ତ୍ତ  ଭରତ ଡାଙ୍ଗଙ୍କ ରିପୋର୍ଟ- ବୌଦ୍ଧ(ବ୍ରାହ୍ମ ମୁହୂର୍ତ୍ତ ବ୍ୟୁରୋ)- ବୌଦ୍ଧ  ବ୍ଳକର ଖଲିଆପାଲି ଗ୍ରାମ ପଞ୍ଚାୟତର ବୌଦ୍ଧ ବ୍ଳକ ଖଲିଆପାଲି ଗ୍ରାମ ପଞ୍ଚାୟତର ଜୁରୁଘୁରା ଗ୍ରାମରେ ନଳ କୂପ କୁ ଉଦ୍ଦେଶ୍ୟ ମୂଳକ ଭାବରେ ଜଣେ ଯୁବକ ଅଚଳ କରିଥିବା ଜଣାପଡିଛି । ଯାହାଫଳରେ ସମଗ୍ର ଗ୍ରାମରେ ପିଇବା,ଖାଇବା,ରାନ୍ଧିବା ପାଇଁ ନାହିଁ ନ ଥିବାର ଅସୁବିଧା ସମ୍ମୁଖୀନ ହେଉଥିବା ଗ୍ରାମବାସୀ ପ୍ରକାଶ କରିଛନ୍ତି । ନଳକୂପରେ ବଳ ପୂର୍ବକ ଏକ କାଠର କିଳା/ଖୁଣ୍ଟି ପିଟି ନଳକୂପକୁ ଅଚଳ କରିଦେଇ ଗ୍ରାମର ଲୋକଙ୍କୁ ହରକତ ହଇରାଣ କରୁଥିବାର ଗ୍ରାମବାସୀ ଗଣମାଧ୍ୟମ ଆଗରେ ପ୍ରକାଶ କରିଛନ୍ତି।   ନଳକୂପରେ ବଳ ପୂର୍ବକ ଏକ କାଠର କିଳା/ଖୁଣ୍ଟି ପିଟି ନଳକୂପକୁ ଅଚଳ କରିଦେଇ ଗ୍ରାମର ଲୋକଙ୍କୁ ହରକତ ହଇରାଣ କରୁଅଛି। ଏନେଇ ଗ୍ରାମବାସୀ ଆସନ୍ତାକାଲି ମନମୁଣ୍ଡା ଥାନା ସମେତ ଜିଲ୍ଲା ପ୍ରଶାସନ କୁ ଲିଖିତ ଅଭିଯୋଗ କରିବାକୁ ମଧ୍ୟ କହିଛନ୍ତି ।

ଯୁବ ଓଡିଶା ନବୀନ ଓଡିଶା କାର୍ଯ୍ୟକ୍ରମ | ଝରୀଗାଁ(ବ୍ରାହ୍ମ ମୁହୂର୍ତ୍ତ) ତା 19/12-ନବରଙ୍ଗପୁର ଜିଲ୍ଲା ଝରୀଗାଁ ବ୍ଲକ ସଦର ମହକୁମା ସ୍ଥିତ ଉଚ୍ଚ ମାଧ୍ୟମିକ ବିଦ୍ୟାଳୟ ଠାରେ ଉଚ୍ଚ ମାଧ୍ୟମିକ ବିଦ୍ୟାଳୟ ଅଧ୍ୟକ୍ଷ ଶିବ ପ୍ରସାଦ ପଟ୍ଟନାୟକଙ୍କ ଅଧ୍ୟକ୍ଷତାରେ ଆଜି ଯୁବ ଓଡିଶା ନବୀନ ଓଡିଶା କାର୍ଯ୍ୟକ୍ରମର ଶୁଭାରମ୍ଭ ହୋଇଯାଇଛି |ଅନୁଷ୍ଠିତ ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥିଭାବେ ଝରୀଗାଁ ବିଧାୟକ ପ୍ରକାଶ ଚନ୍ଦ୍ର ମାଝୀ ଯୋଗ ଦେଇଥିବା ବେଳେ ସମ୍ମାନିତ ଅତିଥିଭାବେ ସାଂସଦ ପ୍ରତିନିଧି ପ୍ରିୟ ରଞ୍ଜନ ଦାସ, ଜିଲ୍ଲା ପରିଷଦ ଯମୁନା ଗଣ୍ଡ ପ୍ରମୁଖ ଯୋଗ ଦେଇଛନ୍ତି |ଉକ୍ତ କାର୍ଯ୍ୟକ୍ରମ ଆସନ୍ତା 28/12/023 ତାରିଖ ପର୍ଯ୍ୟନ୍ତ ଚାଲିବାକୁ ଥିବା ବେଳେ ଆଜି ପ୍ରଥମ ଦିବସରେ ବିଦ୍ୟାଳୟର ଛାତ୍ରଛାତ୍ରୀ ମାନଙ୍କ ଦ୍ୱାରା ସଫେଇ ଅଭିଯାନ ଓ ପ୍ଲାଷ୍ଟିକ ମୁକ୍ତ ଅଭିଯାନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା |ବିଦ୍ୟାଳୟର ଛାତ୍ରଛାତ୍ରୀ ମାନେ ବିଦ୍ୟାଳୟ ପରିସରରେ ଥିବା ଅଳିଆ ଆବର୍ଜନା ସବୁ ସଫା କରିବା ସହିତ ପ୍ଲାଷ୍ଟିକ ବର୍ଜନ ପାଇଁ ସମସ୍ତଙ୍କୁ ସଚେତନ କରିଥିଲେ |ପରେ ବିଦ୍ୟାଳୟର ଛାତ୍ରଛାତ୍ରୀ ମାନଙ୍କୁ ନେଇ ଭଳିବଲ ଓ କବାଡି ଭଳି କ୍ରୀଡା ସବୁର ପ୍ରତିଯୋଗିତା କରାଯାଇଥିଲା |ଉଭୟ ଝିଅ ଓ ପୁଅମାନେ ପ୍ରତିଯୋଗିତା ରେ ଭାଗ ନେଇଥିଲେ |ଶେଷରେ ବାଳିକା ମାନଙ୍କ ଦ୍ୱାରା ଝୋଟି ପ୍ରତିଯୋଗିତା, ମେହେନ୍ଦି ପ୍ରତିଯୋଗିତା, କୁଇଜ ପ୍ରତ...

ମାବାପ ଛେଉଣ୍ଡ ପୁଅ ଶଙ୍କରର ଥଇଥାନ ପାଇଁ ଗ୍ରାମବାସୀଙ୍କ ଦାବୀ | ରାମଦାସ ଭତ୍ରାଙ୍କ ରିପୋର୍ଟ ଝରୀଗାଁ (ବ୍ରାହ୍ମ ମୁହୂର୍ତ୍ତ) ପାଞ୍ଚ ବର୍ଷ ତଳେ ଭିକ ମାଗି ମାଗି ନବରଙ୍ଗପୁର ଜିଲ୍ଲା ଝରୀଗାଁ ବ୍ଲକ ବେଲଗାଁ ପଂଚାୟତ ଅନ୍ତର୍ଗତ କର୍ମରୀ ଗ୍ରାମର ଆଦିବାସୀ ସାହିରେ ପହଂଚିଥିଲେ ଉଭୟ ବାପାପୁଅ |ସେତେବେଳେ ପୁଅର ବୟସ 7ବର୍ଷ ଓ ବାପାର ବୟସ 50ବର୍ଷ |ଉଭୟ ବାପପୁଅ ସକାଳୁ ଭିକ୍ଷାବୃତ୍ତି ପାଇଁ ବାହାରି ଯାଉଥିଲେ ଓ ସନ୍ଧ୍ୟାହେଲେ ଗ୍ରାମକୁ ଫେରୁଥିଲେ |ଯୋଉଠି ଟିକେ ଜାଗା ପାଉଥିଲେ ସେଇଠି ରାତ୍ରି ଯାପନ କରୁଥିଲେ, ଉଭୟ ବାପପୁଅ ଙ୍କ ଏଭଳି ଅବସ୍ଥା ଦେଖି ଗ୍ରାମବାସୀଙ୍କ ମନରେ ଦୟା ପଶିଲା |ଗ୍ରାମର ମେଘରାଜ ନାମକ ଜଣେ ବ୍ୟକ୍ତି ଦୟାବସ ହୋଇ ବାପ ଛବିଲାଲ ଗଣ୍ଡ ଓ ପୁଅ ଶଙ୍କର ଗଣ୍ଡ ଙ୍କ ରାତ୍ରୀଜାପନ ପାଇଁ ନିଜର ଏକ ଝାଟିମାଟି କୁଡ଼ିଆକୁ ଦେଇଥିଲେ |ସେବେଠୁ ବାପପୁଅ ଦୁହେଁ ଦିନ ଯାକ ଗ୍ରାମ ଗ୍ରାମ ବୁଲି ଭିକ ମାଗୁଥିଲେ ଓ ରାତ୍ରୀରେ ଆସି ମେଘରାଜ ଦେଇଥିବା କୁଡ଼ିଆରେ ଶୋଇ ପଡୁଥିଲେ |ସେମାନଙ୍କ ପାଖରେ କୌଣସି ପରିଚୟ ପତ୍ର ନଥିଲା |ଏପରି ଗାଁ ଲୋକ ସେମାନଙ୍କୁ ତାଙ୍କର ଗାଁ ଠିକଣା ପଚାରିଲେ ମଧ୍ୟ କହିପାରୁନଥିଲେ | ଗତକାଲି ସବୁଦିନ ଭଳି ରାତିରେ ଶୋଇଲା ପରେ ଆଉ ଆଖି ଖୋଲିନି ଛବିଲାଲ | ୧୨ବର୍ଷର ପୁଅ ଶଙ୍କରକୁ ଏକା କରି ସବୁଦିନ ପାଇଁ ଚିରନିଦ୍ରା ରେ ଶୋଇ ପଡ଼ିଲା |ଛବିଲାଲ ର ମୃତ୍ୟୁ ଖବର ଶୁଣି ଗ୍ରାମବାସୀ ଏକତ୍ରିତ...

ରାୟଗଡ଼ା ଜିଲ୍ଲାର ମାଟିକଣା ପଞ୍ଚାୟତ ରେ ବିକଶିତ ଭାରତ ରଥ କୁ ସ୍ଵାଗତ (ବ୍ରାହ୍ମ ମୁହୂର୍ତ୍ତ) ରବିବାର ରାୟଗଡ଼ା ଜିଲ୍ଲାର ରାୟଗଡ଼ା ବ୍ଲକ ଅନ୍ତର୍ଗତ ମାଟିକଣା ଗ୍ରାମ ପଞ୍ଚାୟତ ରେ ବିକଶିତ ଭାରତ ରଥ କୁ ଆଜି ସ୍ବାଗତ କରାଯାଇଛି। ଏହି କାର୍ଯ୍ୟକ୍ରମ ଅପରାହ୍ନ ୩ଟା ରେ ଆରମ୍ଭ ହୋଇଥିଲା। ଏଥିରେ ମୁଖ୍ୟ ଅତିଥି ଭାବେ ରାଜ୍ୟ କାର୍ଯ୍ୟକାରିଣୀ ସଦସ୍ୟ ଶ୍ରୀଯୁକ୍ତ ବସନ୍ତ ଉଲ୍ଲାକା ଯୋଗ ଦେଇଥିଲେ ତତ୍ ସହ ଜେ.କେ ମଣ୍ଡଳ ସଭାପତି ତରୁଣ ଗରଡିଆ, ଗ୍ରାମ ସେବକ ଅଜିତ କୁମାର ହୋତା,ଗ୍ରାମ ପଞ୍ଚାୟତ ସଭାପତି ମୋହନ ତାଡିଙ୍ଗି, ସରପଞ୍ଚ କାମି ତାଡିଙ୍ଗି ସିଏଚଓ ନାରାୟଣ କୁମାର ପ୍ରେମିକା , ପିଇଓ ଶିଶୁ ବିକାଶ ବିଭାଗ ର ମଣ୍ଡଳ ପରିଦର୍ଶୀକା ଶ୍ରୀମତୀ କ୍ରିଷ୍ଣାବେଣୀ ଲିମା , ଅଙ୍ଗନବାଡ଼ି କର୍ମୀ, ଆଶା କର୍ମୀ,ଓ୍ବାର୍ଡ ମେମ୍ବର, ସମିତି ସଭ୍ୟ, ସ୍ବୟଂ ସହାୟକ ଗୋଷ୍ଠୀ ମାଆମାନେ   ସବୁ ଯୋଗ ଦେଇଥିଲେ। ଉପସ୍ଥିତ ଥିବା ସମସ୍ତଙ୍କୁ ମାନ୍ୟବର ପ୍ରଧାନମନ୍ତ୍ରୀ ଙ୍କ ଦ୍ଵାରା ଉପସ୍ଥାପିତ ଯୋଜନା ର ଲାଭ ସମ୍ପର୍କରେ ଅବଗତ କରାଯାଇଥିଲା। ନିଜକୁ ସଚେତନ ରଖିବା ସହ ସଠିକ ପୋଷଣ ର ଆବଶ୍ୟକତା ବୁଝାଯାଇଥିଲା। ରାୟଗଡ଼ା ର ମାଟିକଣା ରୁ ଦୁର୍ଗା ପ୍ରସାଦ ମାଣ୍ଡାଙ୍ଗି ଙ୍କ ରିପୋର୍ଟ ବ୍ରାହ୍ମ ମୁହୂର୍ତ୍ତ

ପୋଲସରାରେ ୫-ଟି ଅଧ୍ୟକ୍ଷଙ୍କୁ ବିପୁଳ ସମ୍ବର୍ଦ୍ଧନା, ବିଭିନ୍ନ କାର୍ଯ୍ୟର କଲେ ସମୀକ୍ଷା  ପୋଲସରା(ବ୍ରାହ୍ମ ମୁହୂର୍ତ୍ତ) - ନବୀନ ଓଡ଼ିଶା ତଥା ୫ ଟି ଅଧ୍ୟକ୍ଷ ଭି କାର୍ତ୍ତିକେୟ ପାଣ୍ଡିଆନ ଦୁଇ ଦିନିଆ ଗଞ୍ଜାମ ଜିଲ୍ଲା ଗସ୍ତ କରିବା ଅବସରରେ ଆଜି ପୋଲସରା ନିକଟସ୍ଥ ଐତିହାସିକ ମାର୍ଦ୍ଦା ମନ୍ଦିର ପରିଦର୍ଶନ କରିଛନ୍ତି। ଶ୍ରୀ ପାଣ୍ଡିଆନ ମାର୍ଦ୍ଦା ମନ୍ଦିର ନିକଟରେ ପହଞ୍ଚିବା ପରେ ତାଙ୍କୁ ବିପୁଳ ସ୍ବାଗତ ସମ୍ବର୍ଦ୍ଧନା ଦିଆଯାଇଛି। ମାର୍ଦ୍ଦା ଠାରେ ସମବେତ ଲୋକ ମାନଙ୍କୁ ଉଦବୋଧନ ଦେବା ବେଳେ ପାଣ୍ଡିଆନ କହିଥିଲେ ଯେ ମାର୍ଦ୍ଦା ମନ୍ଦିର ପରିଦର୍ଶନ କଲାବେଳେ ତାଙ୍କୁ ଶ୍ରୀମନ୍ଦିର ପରିଦର୍ଶନ କରିବା ଭଳି ଅନୁଭବ ହେଉଛି। ଏଣୁ ଗଞ୍ଜାମ ଜିଲ୍ଲାପାଳ ଥିବା ସମୟରେ ସେ ଯେତେବେଳେ ପୋଲସରା ଗସ୍ତ ରେ ଆସୁଥିଲେ ମାର୍ଦ୍ଦା ମନ୍ଦିର ପରିଦର୍ଶନ କରୁଥିଲେ ବୋଲି ପାଣ୍ଡିଆନ କହିଥିଲେ। ଏଥି ସହିତ ମାର୍ଦ୍ଦା ମନ୍ଦିର ର ଉନ୍ନୟନ ସକାଶେ ମୂଖ୍ୟମନ୍ତ୍ରୀ ଅତ୍ୟନ୍ତ ଆଗ୍ରହୀ ଅଟନ୍ତି। ଏଣୁ ଏହି ମନ୍ଦିର ର ଉନ୍ନୟନ ପାଇଁ ମୂଖ୍ୟମନ୍ତ୍ରୀ ଦୁଇ କୋଟି ଟଙ୍କା ମଞୁର କରିଛନ୍ତି ଆବଶ୍ୟକ ହେଲେ ଆହୁରି ଅଧିକ ଅର୍ଥ ବରାଦ କରାଯିବ ବୋଲି ପାଣ୍ଡିଆନ କହିଥିଲେ। ଏହା ବ୍ୟତୀତ ମୂଖ୍ୟମନ୍ତ୍ରୀ ରାଜ୍ୟ ବାସି ଙ୍କ ପାଇଁ ପ୍ରଣୟନ କରିଥିବା ବିଭିନ୍ନ ଯୋଜନା ସମ୍ପର୍କରେ ସୂଚନା ଦେଇଥିଲେ। ଏବଂ ଉନ୍ନୟନମୂଳକ କାର୍ଯ୍ୟର ସମୀକ୍ଷା କରିଥିଲେ। ପାଣ୍ଡିଆ...

ବୌଦ୍ଧ ମହୋତ୍ସବ ଓ ପଲ୍ଲିଶ୍ରୀ ମେଳା ନେଇ ବିଭିନ୍ନ କମିଟିର ବୈଠକ ଅନୁଷ୍ଠିତ   ବୌଦ୍ଧ(ବ୍ରାହ୍ମ ମୁହୂର୍ତ୍ତ ବ୍ୟୁରୋ):- ବୌଦ୍ଧ ମହୋତ୍ସବ ଓ ପଲ୍ଲିଶ୍ରୀ ମେଳା ନେଇ ବିଭିନ୍ନ କମିଟିର ବୈଠକ ଅନୁଷ୍ଠିତ ହୋଇଛି l  ଜ଼ିଲ୍ଲାପାଳ ଶ୍ରୀଯୁକ୍ତ ନୃସିଂହ ଚରଣ ସ୍ୱାଇଁ ଙ୍କ ଅଧ୍ୟକ୍ଷତା ରେ ଅନୁଷ୍ଠିତ  ବୈଠକରେ ବିଭିନ୍ନ କମିଟିର ସଦସ୍ୟମାନେ ଉପସ୍ଥିତ ରହି ଆଲୋଚନାରେ ସାମିଲ ହୋଇଥିଲେ l ଜାନୁୟାରୀ ୨ ତାରିଖ ରୁ ଜାନୁୟାରୀ ୬ ତାରିଖ ପର୍ଯ୍ୟନ୍ତ ୫ ଦିନ ବ୍ୟାପୀ କଚେରୀ  ପଡିଆ ଠାରେ  ବୌଦ୍ଧ ମହୋତ୍ସବ ଅନୁଷ୍ଠିତ ହେବ l ବିଶେଷ କରି  ପଲ୍ଲିଶ୍ରୀ ମେଳା, ବୟନିକl ମେଗା ସୋ କୁ ଆକର୍ଷଣୀୟ  କରିବା ପାଇଁ ଜ଼ିଲ୍ଲାପାଳ ଶ୍ରୀ ସ୍ୱାଇଁ ସମସ୍ତଙ୍କ ସୁଚିନ୍ତିତ ମତାମତ  ଏବଂ ସହଯୋଗ କାମନା କରିଥିଲେ l ବୈଠକରେ ସ୍ମରଣିକା  କମିଟି, ଅର୍ଥ କମିଟି, ସାଂସ୍କୃତିକ କାର୍ଯ୍ୟକ୍ରମ, ମଞ୍ଚ ପରିଚାଳନା ଓ ସାଜ ସଜା ତଥା ବ୍ୟବସ୍ଥାପନା  କମିଟିର କାର୍ଯ୍ୟକ୍ରମ ଓ ଅଗ୍ରଗତି ନେଇ ଆଲୋଚନା ହୋଇଥିଲା l

ରାୟଗଡ଼ା ଜିଲ୍ଲାର  ଡାଙ୍ଗଲଡି ଗ୍ରାମ ପଞ୍ଚାୟତ ରେ ଚଇତି ଅନୁଷ୍ଠିତ।   15/12/2023 (ବ୍ରାହ୍ମ ମୁହୂର୍ତ୍ତ)-ରାୟଗଡ଼ ଜିଲ୍ଲା ରାୟଗଡ଼ା ବ୍ଲକ ଅନ୍ତର୍ଗତ ଡାଙ୍ଗଲଡି ଗ୍ରାମ ପଞ୍ଚାୟତ ର ପେନିକଣା ହାଇସ୍କୁଲ ପଡିଆ ପରିସରରେ ଚଇତି-୨୦୨୩ ମହୋତ୍ସବ ଅନୁଷ୍ଠିତ ହୋଇଯାଇଛି। ଆଦିବାସୀ କଳା ଓ ସଂସ୍କୃତି ତଥା ସ୍ଥାନୀୟ କଳା ଓ ସଂସ୍କୃତି ଉପରେ ଆୟୋଜନ କରାଯାଇଥିଲା। ଏଥିରେ ରାୟଗଡ଼ା ବିଧାୟକ ମକରନ୍ଦ ମୁଦୁଲିଙ୍କ ସହ ସମନ୍ଵିତ ଶିଶୁ ବିକାଶ ବିଭାଗ ର ସିଡିପିଓ ,କର୍ମୀ , ଆଶା , ଅଙ୍ଗନବାଡ଼ି କର୍ମୀ , ଗୋଷ୍ଠୀ ଉନ୍ନୟନ ବିଭାଗ ର ସମସ୍ତ କର୍ମକର୍ତ୍ତା , କୃଷି ବିଭାଗ ର ସମସ୍ତ କର୍ମକର୍ତ୍ତା, ସମସ୍ତ ସାମ୍ବାଦିକ , ପ୍ରେସ କ୍ଲବ ର ମେମ୍ବର , ଏସ ଡିପିଓ , ଆଇଆଇସି, ବ୍ଲକ ଅଧିକାରୀ , ସମସ୍ତ ପଞ୍ଚାୟତ ସମିତି କର୍ମକର୍ତ୍ତା ଙ୍କ ସହ ସମସ୍ତ ବିଦ୍ୟାଳୟର ଛାତ୍ରଛାତ୍ରୀ ଯୋଗ ଦେଇଥିଲେ । ଏଥିରେ ସ୍ଥାନୀୟ ଲୋକନୃତ୍ୟ କଳା ପରିବେଷଣ କରାଯାଇଥିଲା । ରାୟଗଡ଼ା ଜିଲ୍ଲା ଡାଙ୍ଗଲଡି ଗ୍ରାମ ପଞ୍ଚାୟତ ରୁ ଦୁର୍ଗା ପ୍ରସାଦ ମାଣ୍ଡାଙ୍ଗି ଙ୍କ ରିପୋର୍ଟ ବ୍ରାହ୍ମ ମୁହୂର୍ତ୍ତ

ମାର୍କ ବଢାଇ ବିଇଡି,ଶିକ୍ଷୟିତ୍ରୀଙ୍କ ଜାଲିଆତି ଧରାପଡିଲା; କାର୍ଯ୍ଯାନୁଷ୍ଠାନ ବିଳମ୍ବ।  ପୋଲସରା,(ବ୍ରାହ୍ମ ମୁହୂର୍ତ୍ତ)୧୪/୧୨: ଗଞ୍ଜାମ ଜିଲ୍ଲାର ଜାଲ୍ ସାର୍ଟିଫିକେଟ୍ କାରବାରର ଆଉ ଏକ କାରନାମା ପଦାକୁ ଆସିଛି। ଜନୈକ ଶିକ୍ଷୟିତ୍ରୀ ତାଙ୍କର ମାର୍କ ବଢାଇ ନକଲି ସାର୍ଟିଫିକେଟ୍ ବଳରେ ବିଇଡି ପାଠ୍ଯକ୍ରମ ସମାପ୍ତ କରି ଚାକିରି ହାତେଇଥିବା ଭଳି ସାଙ୍ଘାତିକ ପ୍ରମାଣ ସୂଚନା ତଥ୍ଯରୁ ଜଣାପଡିଛି। ସଂପୃକ୍ତ ଶିକ୍ଷୟିତ୍ରୀ ଜଣକ କବିସୂର୍ଯ୍ୟନଗର ବ୍ଲକ ଅନ୍ତର୍ଗତ ବଡମହୁରୀ ସରକାରୀ ଉନ୍ନିତ ଉଚ୍ଚ ବିଦ୍ୟାଳୟରେ କାର୍ଯ୍ୟରତ। ଘଟଣା ସମ୍ପର୍କରେ ଜଣାପଡିଛି ଯେ ଶିକ୍ଷୟିତ୍ରୀ ବନିତା କୁମାରୀ ସାହୁଙ୍କ ସାର୍ଟିଫିକେଟ ସୂଚନା ତଥ୍ଯରେ ବିଇଓ କାର୍ଯ୍ଯାଳୟକୁ ସାମାଜିକ କର୍ମୀ ସମରଜିତ୍ ମହାନ୍ତି ମାଗିଥିଲେ। ବିଇଓ କାର୍ଯ୍ଯାଳୟର ସୂଚନା ତଥ୍ଯ ଚିଠି ନମ୍ବର 31/RTI/23, ତାରିଖ-୦୧/୦୯/୨୦୨୩ ମିଳିଥିବା ବେଳେ ସେଥିରୁ ଜଣାପଡିଛି ଯେ ଦଶମ ଶ୍ରେଣୀରେ ୨୫୧ ମାର୍କ, +୨ ରେ ୩୭୫ ମାର୍କ, +୩ ରେ ୫୧୫ ମାର୍କ ରହିଛି। ଯାହାକି ଯୋଗ୍ଯତା ଭିତିରେ ବିଇଡି ରେ ନାମ ଲେଖାଇବା ସମ୍ଭବ ନୁହେଁ। କିନ୍ତୁ ଶିକ୍ଷୟିତ୍ରୀ ବନିତା କୁମାରୀ ସାହୁ ଦିବାକର ପଟ୍ଟନାୟକ ଉଚ୍ଚତର ଶିକ୍ଷା ଗବେଷଣା ପ୍ରତିଷ୍ଠାନ, ବ୍ରହ୍ମପୁର,କନିଷିରେ ବିଇଡି ନାମ ଲେଖାଇବା ବେଳେ ଦେଇଥିବା ସାର୍ଟିଫିକେଟ ସୂଚନା ତଥ୍ଯରୁ ଜଣାପଡିଛି ଯେ ଦଶମରେ ୪୪୭(୫୯.୬୦%),+୨ ରେ ୫୫...

ଠାକୁରମୁଣ୍ଡା ବ୍ଲକ ସ୍ତରୀୟ ଏକ ଦିବସୀୟ ମାନସିକ ସ୍ଵାସ୍ଥ୍ୟ ଓ ସୁସ୍ଥାବସ୍ଥା କର୍ମଶାଳା ଅନୁଷ୍ଠିତ ଠାକୁରମୁଣ୍ଡା/ମୟୁରଭଞ୍ଜ (ବ୍ରାହ୍ମ ମୁହୂର୍ତ୍ତ ବ୍ୟୁରୋ)-:   ଅଦ୍ୟ ତାରିଖ ୧୩/୧୨/୨୦୨୩ - ରାଜ୍ୟର ଅଗ୍ରଣୀ ସ୍ଵେଛା ସେବୀ ଅନୁଷ୍ଠାନ ଆମେରିକାନ ଇଣ୍ଡିଆ ଫାଉନ୍ଡେଶନ ଓ ଜିଲା ଶିକ୍ଷା ବିଭାଗର ମିଳିତ ଅନୁକୂଲ୍ୟରେ ଆଜି ସରକାରୀ ଉଚ୍ଚ ବିଦ୍ୟାଳୟ – ଠାକୁରମୁଣ୍ଡା ଠାରେ ବ୍ଲକ ଶିକ୍ଷା ଅଧିକାରୀ ଶ୍ରୀ ରାମ ଚନ୍ଦ୍ର ନାୟକ ଙ୍କ ଅଧ୍ୟକ୍ଷତାରେ ବ୍ଲକର ୧୦୦  ରୁ ଉର୍ଦ୍ଧ୍ବ ଶିକ୍ଷକ ଓ ଶିକ୍ଷୟତ୍ରୀ ଙ୍କୁ ନେଇ ମାନସିକ ସ୍ଵାସ୍ଥ୍ୟ ଓ ସୁସ୍ଥାବସ୍ଥା ଉପରେ ଏକ ଦିବସୀୟ ବ୍ଲକ ସ୍ତରୀୟ କର୍ମଶାଳ ଆୟୋଜନ କରାଯାଇଥିଲା। ଶ୍ରୀ ସୁବ୍ରତ କ୍ଷେତ୍ରୀୟ - କର୍ମଶାଳା ପରିଚାଳନା କରି କର୍ମଶାଳାର ଉଦ୍ଦେଶ୍ୟ ଜଣାଇଥିଲେ। ଶ୍ରୀ ରାଜ କମଲ ଶର୍ମା ବରିଷ୍ଠ ରାଜ୍ୟ ପ୍ରକଳ୍ପ ଅଧିକାରୀ – ଆମେରିକାନ ଇଣ୍ଡିଆ ଫାଉନ୍ଡେଶନ , ପ୍ରକଳ୍ପର ବିଭିନ୍ନ  ବିଷୟରେ ଉପରେ ଆଲୋକପାତ କରି ଥିଲେ। ଉକ୍ତ କର୍ମଶାଳା ରେ ମାନସିକ ସ୍ୱାସ୍ଥ୍ୟ ପ୍ରଶିକ୍ଷକ ଶ୍ରୀମତୀ ୟଶୋଧାରା, ମାନସିକ ସ୍ଵାସ୍ଥ୍ୟ ଓ ସୁସ୍ଥାବସ୍ଥା ଉପରେ ତାଲିମ ପ୍ରଦାନ କରି ଥିଲେ।  ତାଲିମ କର୍ମଶାଳା ସମାଜ କଲ୍ୟାଣ ଅଧିକାରୀ ଶ୍ରୀ ସୁଶାନ୍ତ କୁମାର ସାହୁ ଉପସ୍ଥିତ ରହି ନିଜର ବକ୍ତବ୍ୟ ରଖିଥିଲେ। କର୍ମଶାଳକୁ ସଫଳ କରିବାରେ ଆମେରିକାନ ଇଣ୍ଡିଆ ଫାଉନ୍ଡେଶନ ର ସମସ୍...

କଣ୍ଟାମାଳ ପଞ୍ଚାୟତ ମହାବିଦ୍ୟାଳୟରେ ରକ୍ତଦାନ ଶିବିର ଆୟୋଜିତ  କଣ୍ଟାମାଳ (ବ୍ରାହ୍ମ ମୁହୂର୍ତ୍ତ)  ଓଡ଼ିଶା ସରକାରଙ୍କ ସମନ୍ୱିତ ଯୁବ ବିକାଶ କାର୍ଯ୍ୟକ୍ରମ ଅନ୍ତର୍ଗତ “ନୂଆ-ଓ” ଯୋଜନା ଅବସରରେ ପଞ୍ଚାୟତ ମହାବିଦ୍ୟାଳୟ କଣ୍ଟାମାଳ ପରିସରରେ ପ୍ରଥମ ଥର ପାଇଁ ଏକ ରକ୍ତଦାନ ଶିବିର ଆୟୋଜିତ ହୋଇ ଯାଇଛି l ଏହି ଶିବିରରେ ମହାବିଦ୍ୟାଳୟର ଅଧ୍ୟକ୍ଷା ଶ୍ରୀମତୀ ପ୍ରଭାସିନୀ ଖଟୁଆ ମୁଖ୍ୟ ଅତିଥି ଭାବେ ଯୋଗଦାନ କରି ରକ୍ତଦାନ ଶିବିରକୁ ଉଦ୍ଘାଟନ କରିଥିଲେ l ସମ୍ମାନିତ ଅତିଥି ଭାବେ କଣ୍ଟାମାଳ ସରକାରୀ ଉଚ୍ଚ ବିଦ୍ୟାଳୟର ଜୁନିଅର୍ ରେଡ୍ କ୍ରସ୍ ଅଫିସର୍ ଶ୍ରୀ ବନମାଳୀ ମେହେର୍ ଯୋଗଦାନ କରି ରକ୍ତଦାତା ମାନଙ୍କୁ ଉତ୍ସାହିତ କରିଥିଲେ l ସେଇଭଳି, ସ୍ଵତନ୍ତ୍ର ଅଥିତି ଭାବରେ ମହାବିଦ୍ୟାଳୟର ବରିଷ୍ଠ ଗ୍ରନ୍ଥାଗାରିକ ଶ୍ରୀଯୁକ୍ତ ଯତୀନ କୁମାର ମିଶ୍ର ଯୋଗଦେଇ ଛାତ୍ର ଛାତ୍ରୀ ମାନଙ୍କୁ ପ୍ରେରଣା ଦେବା ସହ ସମସ୍ତ ରକ୍ତଦାତା ମାନଙ୍କୁ ଏଭଳି ମହାନ୍ କାର୍ଯ୍ୟ ପାଇଁ ଧନ୍ୟବାଦ୍ ପ୍ରଦାନ କରିଥିଲେ l ଏହି ଶିବିରରେ ମୋଟ୍ ୩୩ ଜଣ ରକ୍ତଦାତା ରକ୍ତଦାନ କରିଥିଲେ l ଏହି ରକ୍ତଦାନ ଶିବିରକୁ ସାମାଜିକ କାର୍ଯ୍ୟ କଳାପ ବିଭାଗର ନୋଡାଲ୍ ଅଫିସର୍ ଶ୍ରୀ ସମୀର ମେହେର ପରିଚାଳନା କରିଥିବା ବେଳେ ଅଧ୍ୟାପିକା ସୁଶ୍ରୀ ଶୁଭଶ୍ରୀ ସାହୁ ଓ ଅଧ୍ୟାପକ ନୀଳମଣି ମଲ୍ଲିକ ସହଯୋଗ କରିଥିଲେ l ଏଥିରେ ଶତାଧିକ ଛାତ୍ର ଛାତ୍ରୀ ସକ୍ରିୟ ଅଂଶ ଗ୍ରହଣ କ...

ମାଟି ଅତଡ଼ା ଖସି ଜଣେ ମହିଳାଙ୍କ ମୃତ୍ୟୁ | ରାମଦାସ ଭତ୍ରାଙ୍କ ରିପୋର୍ଟ- ଝରୀଗାଁ (ବ୍ରାହ୍ମ ମୁହୂର୍ତ୍ତ) 13/12-ରଙ୍ଗମାଟି ସଂଗ୍ରହ ସମୟରେ ଘଟିଗଲା ଅଘଟଣ |ମାଟି ଅତଡ଼ା ଖସି ଯିବାରୁ ମାଟି ତଳେ ଚାପିହୋଇ ଜଣେ ମହିଳାଙ୍କ ମୃତ୍ୟୁ ଘଟିଥିବା ବେଳେ ଆଉ ଜଣେ ମହିଳା ଗୁରୁତର ଅବସ୍ଥାରେ ଉମରକୋଟ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଚିକିତ୍ସା ହେଉଛନ୍ତି |ଏଭଳି ଏକ ଅଘଟଣ ଘଟିଯାଇଛି ନବରଙ୍ଗପୁର ଜିଲ୍ଲା ଉମରକୋଟ ବ୍ଲକ ଅନ୍ତର୍ଗତ କାରାଗାଁ ନିକଟସ୍ଥ ଲୋହରାଗୁଡା ଗ୍ରାମରେ |ସୂଚନା ମୁତାବକ ଝରୀଗାଁ ବ୍ଲକ ରତାଖଣ୍ଡିଗୁଡା ପଂଚାୟତ ଅନ୍ତର୍ଗତ ପରଶଳା (କାଳିଆଗୁଡା )ଗ୍ରାମର ଛଅଜଣ ମହିଳା ସରଦୀ ଭତରା, ଚୁମକି ଭତରା, ଚଇତି ଭତରା, ରାଧା ଭତରା ଗୁର ଭତରା ଏବଂ ଶୁକଲଦୀ ଭତରା ଏକ ଅଟୋ ଭଡାକରି ଉମରକୋଟ ବ୍ଲକ ଅନ୍ତର୍ଗତ କାରାଗାଁ ନିକଟରେ ଥିବା ଲୋହରାଗୁଡା (ଯାହାକି କାଳିଆଗୁଡା ଠାରୁ ପ୍ରାୟ 20କିଲୋମିଟର ଦୂରରେ ରହିଛି )କୁ ରଙ୍ଗମାଟି ପାଇଁ ଯାଇଥିଲେ |ହେଲେ ମାଟି ଖୋଲୁଥିବା ସମୟରେ ଉପର ମାଟି ଅତଡ଼ା ଖସି ପଡିବାରୁ ତା ଭିତରେ ଜଣେ ମହିଳା ଚାପି ହୋଇଯାଇଥିଲେ |ଫଳରେ ମହିଳା ଜଣକ ମୃତ୍ୟୁବରଣ କରିଛନ୍ତି |ସାଙ୍ଗରେ ଯାଇଥିବା ମହିଳାମାନେ ଆଖପାଖରେ ଥିବା ଲୋକଙ୍କୁ ଜଣେଇବା ପରେ ଗ୍ରାମର ବିକ୍ରମ ନାମକ ଜଣେ ବ୍ୟକ୍ତି ରତାଖଣ୍ଡିଗୁଡା ଗ୍ରାମର ସମାଜସେବୀ ସୁକାଳୁ ଗଣ୍ଡଙ୍କ ଫୋନ କରି ଘଟଣା ବିଷୟରେ ଜଣେଇଥିଲେ |ପରେ ସକାଳୁ ସମସ୍ତଙ୍କ ପର...

ଟାଟା ଷ୍ଟିଲ ଯୁବ ଜ୍ୟୋତିର୍ବିଜ୍ଞାନୀ ପ୍ରତିଭା ଅନ୍ୱେଷଣ (ୟାଟସ୍) କାର୍ଯ୍ୟକ୍ରମରେ ନବମ ଶ୍ରେଣୀ ଛାତ୍ରୀଙ୍କ ସଫଳତା ଯାଜପୁର/ବ୍ୟାସନଗର;୧୩/୧୨(ବ୍ରାହ୍ମ ମୁହୂର୍ତ୍ତ ବ୍ୟୁରୋ): ଟାଟା ଷ୍ଟିଲ ଯୁବ ଜ୍ୟୋତିର୍ବିଜ୍ଞାନୀ ପ୍ରତିଭା ଅନ୍ୱେଷଣ (ୟାଟସ୍) କାର୍ଯ୍ୟକ୍ରମ ଭୁବନେଶ୍ୱର ସ୍ଥିତ ପଠାଣି ସାମନ୍ତ ପ୍ଲାନେଟାରିୟମ୍ ସହଭାଗିତାରେ ଅନୁଷ୍ଠିତ ହୋଇଯାଇଛି। ଏହି ୟାଟସ୍ କାର୍ଯ୍ୟକ୍ରମ ଜ୍ୟୋତିର୍ବିଜ୍ଞାନର ରହସ୍ୟ ସମ୍ପର୍କରେ ଯୁବ ପ୍ରତିଭାମାନଙ୍କ ଜ୍ଞାନ ପରିସୀମାକୁ ବୃଦ୍ଧି କରିବା ଦିଗରେ ୧୭ ବର୍ଷ ପୁରଣ କରିସାରିଛି। ଓଡ଼ିଶାର ବିଦ୍ୟାଳୟରେ ପଢୁଥିବା ଛାତ୍ରଛାତ୍ରୀମାନଙ୍କ ମଧ୍ୟରେ ଅନ୍ତରୀକ୍ଷ ବିଜ୍ଞାନକୁ କିମ୍ବଦନ୍ତୀ ପୁରୁଷ ଜ୍ୟୋତିର୍ବିଜ୍ଞାନୀ ପଠାଣି ସାମନ୍ତଙ୍କ ଅବଦାନର ପ୍ରସାର କରିବା ହେଉଛି ଏହି କାର୍ଯ୍ୟକ୍ରମର ଲକ୍ଷ୍ୟ। ଅନ୍ତରୀକ୍ଷ ବିଜ୍ଞାନ କ୍ଷେତ୍ରରେ ବିଦ୍ୟାଳୟ ଛାତ୍ରଛାତ୍ରୀମାନଙ୍କ ପ୍ରତିଭା ଚିହ୍ନଟ ଓ ସେମାନଙ୍କୁ ପ୍ରୋତ୍ସାହିତ କରିବା ପାଇଁ  ଏହି ୟାଟସ୍ ଆୟୋଜନ କରାଯାଉଛି । ଏହି ଅନ୍ୱେଷଣ ରେ  କୁସୁନପୁର ସ୍ଥିତ ଦେବ ଇଣ୍ଟର ନ୍ୟାସନାଲ ସ୍କୁଲର ନବମ ଶ୍ରେଣୀର ଛାତ୍ରୀ ଅନନ୍ୟା ସିଂ ତାଙ୍କର ପ୍ରତିଭା ଦେଖାଇ ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଠାରୁ ପୁରସ୍କାର ପ୍ରାପ୍ତ କରିଛନ୍ତି। ଏହାକୁ ନେଇ ବିଦ୍ୟାଳୟ ତଥା ତାଙ୍କର ପରିବାରରେ ଖୁସିର ଲହରୀ ଖେଳିଯାଇଛି। ଅନ୍ୟାନ୍ୟ ର ଏହି ସ...

ମଣ୍ଡେଇ ର ଅବ୍ୟବସ୍ଥା କୁ ନେଇ ପ୍ରତିକ୍ରିୟା ରଖିଲେ ଚାଷୀ | ରାମଦାସ ଭତ୍ରାଙ୍କ ରିପୋର୍ଟ- ଝରୀଗାଁ(ବ୍ରାହ୍ମ ମୁହୂର୍ତ୍ତ) ତା 12/12-ଗତକାଲି ନବରଙ୍ଗପୁର ଜିଲ୍ଲା ଝରୀଗାଁ ବ୍ଲକର ଝରୀଗାଁ ଆର ଏମ ସି ଠାରେ ପ୍ରଶାସନ ପକ୍ଷରୁ ଧାନମଣ୍ଡି ର ଶୁଭ ଉଦଘାଟନ ହୋଇଥିବା ବେଳେ ଧାନମଣ୍ଡି ଉଦଘାଟନକୁ ଚାଷୀ ଖୁସି ନଥିବା ଦେଖିବାକୁ ମିଳିଛି |ବ୍ଲକର ବଡ଼ ବଡ଼ ଚାଷୀମାନେ ଧାନମଣ୍ଡିର ଚାଲିଥିବା ଅବ୍ୟବସ୍ଥା ଉପରେ ନିଜ ନିଜ ପ୍ରତିକ୍ରିୟା ସବୁ ରଖିଛନ୍ତି |ଝରୀଗାଁ ବ୍ଲକ କରସାହାଣ୍ଡି ଗ୍ରାମର ବରିଷ୍ଠ ଚାଷୀ ପଦ୍ମନାଭ ପାଣ୍ଡେ ନିଜ ପ୍ରତିକ୍ରିୟାରେ କହିଛନ୍ତି କି, ପ୍ରତିବର୍ଷ ଧାନମଣ୍ଡି ଖୋଲିବାରେ ବିଳମ୍ବ ହେଉଥିବାରୁ ଅଧିକାଂଶ ଚାଷୀ ହଟହଟା ହେଉଛନ୍ତି |କମ ମୂଲ୍ୟରେ ସାହୁକାର ମାନଙ୍କୁ ଧାନ ବିକ୍ରିକରି ଶୋଷିତ ହେଉଛନ୍ତି |ନଭେମ୍ବର ମାସ ପୂର୍ବରୁ ହିଁ ମୁଣ୍ଡା ଜମି ଗୁଡିକର ଧାନ ସବୁ ପାଚିଯାଏ |ଚାଷୀ ବିଲ ଧାନ ସବୁ କାଟି ମଲି ପ୍ରଥମେ ନିଜ ଘରକୁ ନେଇ ରଖୁଛନ୍ତି ଓ ଧାନମଣ୍ଡି ଖୋଲିବା ପର୍ଯ୍ୟନ୍ତ ଅପେକ୍ଷା କରୁଛନ୍ତି |ଯାହାଦ୍ୱାରା ବାର୍ଷିକ 30/40ହଜାର ଟଙ୍କା ଉପୁରି ଖର୍ଚ୍ଚାନ୍ତ ହେଉଛନ୍ତି |ଯଦି ମଣ୍ଡି ଠିକ ସମୟରେ ଖୋଲନ୍ତା ତେଵେ ଚାଷୀଙ୍କ ଉପୁରି ଖର୍ଚ୍ଚଟା ବଞ୍ଚି ଯାଆନ୍ତା |ନା ଚାଷୀଙ୍କୁ ଉଠା ଜଳସେଚନ ର ସୁବିଧା ଦିଆଯାଉଛି ନା ଧାନ ବିକ୍ରୟ ପାଇଁ ଖାଲି ବସ୍ତା ଦିଆଯାଉଛି |ଯେଉଁ ଚାଷୀ ଧାନ ବିକ୍ରୟ କରିବ ସେ ଚାଷୀ ...

ଆମ ଗାଁ ଆମ ବିକାଶ ଯୋଜନାରେ ଗୋଟିଏ ଗୃହ ଅର୍ଦ୍ଧ ନିର୍ମିତ ଓ ଅନ୍ଯ ଗୋଟିଏ ଚୋରୀ ।  ସନ୍ତୋଷ କୁମାର ପଣ୍ଡାଙ୍କ ରିପୋର୍ଟ- ପୋଲସରା(ବ୍ରାହ୍ମ ମୁହୂର୍ତ୍ତ) ୧୩/୧୨ :-କବିସୂର୍ଯ୍ୟନଗର ବ୍ଲକ ଅନ୍ତର୍ଗତ ଗୁଡିଆଳି ପଞ୍ଚାୟତର ଗୁଡିଆଳି ଗ୍ରାମରେ ଆମ ଗାଁ ଆମ ବିକାଶ ଯୋଜନାରେ ନିର୍ମିତ ଦୁଇଟି ପ୍ରକଳ୍ପ ମଧ୍ଯରୁ ଗୋଟିଏ ଅର୍ଦ୍ଧ ନିର୍ମିତ ଓ ଅନ୍ଯ ଗୋଟିଏ ଚୋରୀ ହୋଇଥିବା ନେଇ ଚର୍ଚ୍ଚା ଜୋର ଧରିଛି। ମିଳିଥିବା ସୂଚନା ଅନୁସାରେ ଏହି ଘଟଣା ସମ୍ପର୍କରେ ଜଣାପଡିଛି ଯେ ଆମ ଗାଁ ଆମ ବିକାଶ ଯୋଜନାରେ ୨୦୧୮-୨୦୧୯ ରେ ଗୁଡିଆଳି ଗ୍ରାମର ଠାକୁରାଣୀ/କାଳୀ ମନ୍ଦିର ନିକଟରେ କଲ୍ଯାଣ ମଣ୍ଡପ ୮ ଲକ୍ଷ ୫୦ ହଜାର ଟଙ୍କାରେ ନିର୍ମାଣ ହୋଇଛି। ସେହି ଭଳି ଆମ ଗାଁ ଆମ ବିକାଶ ଯୋଜନାରେ ୨୦୧୮-୨୦୧୯ ରେ ଗୁଡିଆଳି ଗ୍ରାମର କାଳୀ ମନ୍ଦିର ନିକଟରେ ଗୋଷ୍ଠୀ କେନ୍ଦ୍ର ୮ ଲକ୍ଷ ୫୦ ହଜାର ଟଙ୍କାରେ ନିର୍ମାଣ ହୋଇଛି। ଏହି ନିର୍ମାଣ କାର୍ଯ୍ଯରେ ପଞ୍ଚାୟତର ପାଣ୍ଠି ଓ ସାଂସଦ ହାତ ପାଣ୍ଠି ମଧ୍ଯ ବିନିଯୋଗ ହୋଇଥିବା ନେଇ ଶୁଣିବାକୁ ମିଳୁଛି। ଯେଉଁ ଗୃହଟି ଅର୍ଦ୍ଧ ନିର୍ମିତ ହୋଇ ପଡିରହିଛି ସେଇଟା କଲ୍ଯାଣ ମଣ୍ଡପ ବୋଲି କୁହାଯାଉଛି। ନିର୍ମାଣ ସ୍ଥଳରେ କୌଣସି ଫଳକ ଲାଗି ନାହିଁ। ଅର୍ଦ୍ଧ ନିର୍ମିତ ଗୃହଟି ପ୍ଲାଷ୍ଟର ହୋଇ ନାହିଁ ,ଝରକା ,ଦ୍ବାର ବନ୍ଧ ଓ କବାଟ ଲାଗି ନାହିଁ। ଅର୍ଦ୍ଧ ନିର୍ମିତ ଗୃହରେ ଫ୍ଲୋରିଙ୍ଗ ହୋଇ ନାହିଁ ତା ସହିତ ବିଦ୍ୟୁତ ସଂଯ...

ନବରଙ୍ଗପୁର ଜିଲ୍ଲାର କଳା, ସାହିତ୍ୟ,ସଂସ୍କୃତି ତଥା ଐତିହ୍ୟ ଓ ଭାଇଚାରାର ଭବ୍ୟ ମହୋତ୍ସବ  ମଣ୍ଡେଇ ୨୦୨୩ ଅନୁଷ୍ଠିତ ନବରଙ୍ଗପୁର(ବ୍ରାହ୍ମ ମୁହୂର୍ତ୍ତ ବ୍ୟୁରୋ)୧୦/୧୨:ଡିସେମ୍ବର ମାସ ତା ୧୦,୧୧ ଓ ୧୨ ରିଖରେ ମଣ୍ଡେଇ ପଡ଼ିଆ ( ହିର୍ଲି) ଠାରେ ପାଳିତ ହେଇଯାଇଛି ।  ଏହି ମହୋତ୍ସବରେ ସାଂସ୍କୃତିକ କାର୍ଯ୍ୟକ୍ରମ ସହିତ ପିଲ୍ଲୀଶ୍ରୀ ମେଳା ଅନୁଷ୍ଠିତ ହେଲା। ପ୍ରଥମ ଦିନ, ଡ଼ କମଳଲୋଚନ ମିଶ୍ରଙ୍କ ଅଧକ୍ଷତା ଆୟୋଜିତ ଏହି ମଣ୍ଡେଇ ଉଦଘାଟନୀ ଉତ୍ସବରେ ମୁଖ୍ୟଅତିଥି ଅନୁସୂଚିତ ଜାତି ଜନଜାତି ତଥା ଆଇନ ମନ୍ତ୍ରୀ ଜଗନ୍ନାଥ ସାରକା ଉପସ୍ଥିତ ଥିଲେ  ।  ସେ କହିଛନ୍ତି କଳା ଓ ସାଂସ୍କୃତିକ ଏବଂ ଅନ୍ୟାନ୍ୟ କ୍ଷେତ୍ରରେ ଜିଲ୍ଲାକୁ ଆଗକୁ ନେବାକୁ ସାମୁହିକ ଉଦ୍ୟମ କରିବା ପାଇଁ ମନ୍ତ୍ରୀ ସାରକା ଆହ୍ୱାନ ଦେଇଥିଲେ । ଅନ୍ୟମାନଙ୍କ ମଧ୍ୟରେ ସମାନିତ ଅତିଥି ଭାବେ ସାଂସଦ ରମେଶଚନ୍ଦ୍ର ମାଝି, ଡାବୁଙ୍ଗା ବିଧାୟକ ମନୋହର ରନ୍ଧାରୀ, ରାଜ୍ୟସଭା ସାଂସଦ ମୁନ୍ନା ଖାଁ, ନବରଙ୍ଗପୁର ବିଧାୟକ ସଦାଶିବ ପ୍ରଧାନୀ ଝରିଗାଁ ବିଧାୟକ ପ୍ରକାଶ ଚନ୍ଦ୍ର ମାଝି, ଉମରକୋଟ ବିଧାୟକ ନିତ୍ୟାନନ୍ଦ ଗଣ୍ଡ, ଜିଲ୍ଲା ପରିଷଦ ଅଧ୍ୟକ୍ଷ ମୋତିରାମ ନାୟକ, ସ୍ଵତନ୍ତ୍ର ବିକାଶ ପରିଷଦ ଉପଦେଷ୍ଟା ପ୍ରଦୀପ ମାଝୀ ,ସ୍ଵତନ୍ତ୍ର ବିକାଶ ପରିଷଦ ଅଧକ୍ଷ ଉପେଦ୍ର ଗଣ୍ଡ, ଉଠା ଜଳସେଚନ ବିଭାଗ ପ୍ରମୋଦ ପାଢ଼ୀ, ନବରଙ୍ଗପୁର ପୌରାଧ୍ୟକ୍ଷ କୁନୁ ନାୟକ, ଓ...

ଚାରିଛକ ସ୍ଥିତ ହରଭଂଗା ବ୍ଲକ କାର୍ଯ୍ୟାଳୟ ଠାରେ ଜିଲାପାଳଙ୍କ ମିଳିତ ଜନଶୁଣାଣି ଶିବିର ଅନୁଷ୍ଠିତ     ହରଭଂଗା(ବ୍ରାହ୍ମ ମୁହୂର୍ତ୍ତ ବ୍ୟୁରୋ):-ଚାରିଛକ ସ୍ଥିତ ହରଭଂଗା ବ୍ଲକ କାର୍ଯ୍ୟାଳୟ ଠାରେ ଅନୁଷ୍ଠିତ ଜନଶୁଣାଣି ଶିବିରରେ 92 ଟି ଅଭିଯୋଗର ତତକାଳ ସମାଧାନ କରାଯାଇଛି l  ଏହି ଶିବିରରେ ସମୁଦାୟ 139 ଗୋଟି ଆପତ୍ତି ଅଭିଯୋଗ ଆସିଥିବାବେଳେ ସେଥିମଧ୍ୟରୁ 136 ଗୋଟି ବ୍ୟକ୍ତିଗତ ମାମଲା ଓ 3 ଗୋଟି ବିଭିନ୍ନ ଗ୍ରାମର ସାମୁହିକ ମାମଲା ରହିଥିଲା । ଏହି ଶିବିରରେ 92 ଗୋଟି ଅଭିଯୋଗର ତତକାଳ ସମାଧାନ କରାଯାଇଥିଲା l ଅତିରିକ୍ତ ଜିଲ୍ଲାପାଳ ଦାରିଦ୍ର୍ୟ ଭଞ୍ଜନ ମଦନ ମୋହନ ପାତ୍ରଙ୍କ ଉପସ୍ଥିତିରେ ଏହି ଅଭିଯୋଗ ଶୁଣାଣୀ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି ଶିବିରରେ ହରଭଂଗା ବ୍ଲକର  ବିଭିନ୍ନ ଗ୍ରାମର ଜନସାଧାରଣ ଯୋଗଦେଇ ନିଜ ନିଜ ଆପତ୍ତି ଅଭିଯୋଗ ଦାଖଲ କରିଥିଲେ l ଆସିଥିବା ଆପତ୍ତି ଅଭିଯୋଗ ଗୁଡିକର ଜିଲାପାଳ ଶୁଣାଣି କରି ସମାଧାନ କରିବା ପାଇଁ ଆବଶ୍ୟକ ପଦକ୍ଷପ ନେବାକୁ ବିଭାଗୀୟ ଅଧିକାରୀମାନଙ୍କୁ ନିର୍ଦେଶ ଦେଇଥିଲେ । ଶିବିରରେ ଜ଼ିଲ୍ଲା ପରିଷଦ ନିର୍ବାହୀ ଅଧିକାରୀ ରବି ନାରାୟଣ ତ୍ରିପାଠୀ,  ଉପଜିଲାପାଳ ରବିନ୍ଦ୍ର ନାଥ କହଁର, ବିଡିଓ, ତହସିଲଦାରଙ୍କ ସମେତ ସମସ୍ତ ଜିଲ୍ଲା ସ୍ତରୀୟ ଅଧିକାରୀ ମାନେ ଉପସ୍ଥିତ ଥିଲେ ।

 ବୌଦ୍ଧ ଜିଲ୍ଲାର ବିଭିନ୍ନ ସ୍ଥାନରେ ଭାରତ ସଂକଳ୍ପ ଯାତ୍ରା ଅନୁଷ୍ଠିତ  ବୌଦ୍ଧ(ବ୍ରାହ୍ମ ମୁହୂର୍ତ୍ତ ବ୍ୟୁରୋ) ବ୍ଳକ ଅନ୍ତର୍ଗତ ମୁଣ୍ଡିପଦର ଓ ତାଳସରଡା ପଂଚାୟତ କାର୍ଯ୍ୟାଳୟ ଠାରେ ସୋମବାର ଦିନ ବିକଶିତ ଭାରତ ସଂକଳ୍ପ ଯାତ୍ରା ଅନୁଷ୍ଠିତ ହୋଇଛି । ଏହି କାର୍ଯ୍ୟକ୍ରମରେ ଅତିଥି ଭାବେ ମୁଣ୍ଡିପଦର ସରପଞ୍ଚ ସୁରୁଚି ଧଳ, PEO ସୌଦାମିନୀ ନାୟକ,  ଜିଲ୍ଲା ବିଜେପି ସଭାପତି ଶ୍ରୀ ବିପ୍ର ଚରଣ ମହାନ୍ତି , ବରିଷ୍ଠ BJP ନେତା କହେଁଇ ଚରଣ ଡାଙ୍ଗ,  ତାଳସରଡା ସରପଂଚ ସସ୍ମିତା ପାଣ୍ଡେ , ତାଳସରଡା GRS ଅମିତ କର୍ଣ୍ଣ, PEO ପ୍ରଣୀତ ଗୋପାଲ ପ୍ରମୁଖ ଯୋଗ ଦେଇଥିଲେ l ବିକଶିତ ଭାରତ ସଂକଳ୍ପ ଯାତ୍ରାରେ ସାମିଲ ହୋଇଥିବା ହିତାଧିକାରୀମାନଙ୍କୁ ସଂକଳ୍ପ ଯାତ୍ରାର ପୁସ୍ତିକା ଓ କ୍ୟାଲେଣ୍ଡର ବଣ୍ଟନ କରାଯାଉଛି ।  ଏହି ଅବସରରେ ଉପସ୍ଥିତ ସମସ୍ତଙ୍କୁ ବିଭିନ୍ନ କେନ୍ଦ୍ରୀୟ ଯୋଜନା ଉପରେ ସଚେତନ  କରାଯାଇଥିଲା ।  ସ୍ୱାସ୍ଥ୍ୟ ଓ କୃଷି ବିଭାଗ ପକ୍ଷରୁ କେମ୍ପ କରାଯାଇ କାର୍ଯ୍ୟକ୍ରମ କରାଯାଇଥିଲା l  ବିକଶିତ ଭାରତ ସଂକଳ୍ପ ଯାତ୍ରା ରଥ କୁ ପଂଚାୟତରେ ଭବ୍ୟ ସ୍ୱାଗତ କରାଯାଇଥିଲା l ଏହି କାର୍ଯ୍ୟକ୍ରମରେ ସାଧାରଣ ଲୋକେ , ଅଂଗନାବାଡି କର୍ମୀ. ଆଶା ଦିଦି ଓ ସ୍ଥାନୀୟ ସ୍ୱୟଂ ସହାୟକ ଗୋଷ୍ଠୀର ମହିଳା ଉପସ୍ଥିତ ଥିଲେ ।

ବରାଗୁଡାର ଅଧିଷ୍ଠାତ୍ରୀ ଦେବି ମା ଠାକୁରାଣୀଙ୍କ ବାର୍ଷିକ ଦଶହରା ପାଳିତ | ଝରୀଗାଁ (ବ୍ରାହ୍ମ ମୁହୂର୍ତ୍ତ ବ୍ୟୁରୋ):- ନବରଙ୍ଗପୁର ଜିଲ୍ଲା ଝରୀଗାଁ ବ୍ଲକ ଫୁଫୁଗାଁ ପଂଚାୟତ ଅଧିନସ୍ଥ ବରାଗୁଡା ଗ୍ରାମଠାରେ ଆଜି ଗ୍ରାମର ଅଧିଷ୍ଠାତ୍ରୀ ଦେବୀ ମା ଠାକୁରାଣୀଙ୍କ ବାର୍ଷିକ ଉତ୍ସବ ଦଶହରା ଧୁମଧାମରେ ପାଳିତ ହୋଇଯାଇଛି । ଗ୍ରାମ ବସିବା ଦିନଠାରୁ ଗ୍ରାମବାସୀ ମା ଠାକୁରାଣୀଙ୍କ ପୂଜାର୍ଚ୍ଚନା ସହିତ ଦଶହରା ପର୍ବ ବଡ଼ ଧୂମଧାମରେ ପାଳନ କରି ଆସୁଥିବା ବେଳେ ଚଳିତ ବର୍ଷ ମଧ୍ୟ ବଡ଼ ଧୂମଧାମରେ ପାଳିତ ହୋଇଯାଇଛି |ଗ୍ରାମର ଆଖପାଖ ଗ୍ରାମ କାନାକୋଟ, ନିରୁଣ୍ଡି, କେନ୍ଦୁଗୁଡା, ଗୁଆଳିବେଡା, ରାଣୀଚଚରା, କୁମୁଡାଗୁଡା, ଯାମଢ଼ୋଡା, ଚିତାବେଡା, ଷଣ୍ଡସା, ଜବାଧୋଡ଼ି, ଦେଉଳକୋଣା, କୁହୁରାକୋଟ, ସିନ୍ଦିଗୁଡା, କରସାହାଣ୍ଡି, ବାନୁଆଗୁଡା, ଫଳସଗାଁ, ଫୁଫୁଗାଁ, ନାଂଗାଗୁଡା, ପାଳିଆ, ବାରବାକୋଳି, ପାଉରବେଲି, ପୂର୍ଣ୍ଣିଗୁଡା, ପନକିଆସାହି, ତାରାଯୋଡି, ଟୋକିମାରାଗୁଡା, ଡେଙ୍ଗାଗୁଡା, ପୂଜାରୀଗୁଡା ଆଦି ଗ୍ରାମର ଗ୍ରାମ ଦେବତୀମାନେ ନିମନ୍ତ୍ରିତ ହୋଇ ନିଜ ନିଜର ଲାଠି, ପାଲିଙ୍କି, କୁରଚୀ, ଆଙ୍ଗା, ଶିରା, ପୂଜାରୀ, ଦିଶାରୀ, ଗାଣ୍ଡା, ଚଲାନ ଓ ରଇତ ମାନଙ୍କୁ ସାଙ୍ଗରେ ଧରି ମା ଠାକୁରାଣୀ ମନ୍ଦିରରେ ଆସି ମାଙ୍କ ବାର୍ଷିକ ଉତ୍ସବରେ ଯୋଗଦେଇଥିଲେ |ମା ଙ୍କ ପୂଜାର୍ଚନା ଗ୍ରାମବାସୀଙ୍କ ଦ୍ୱାରା ବିଧିବଦ୍ଧ ଭାବେ କରାଯିବା ସହିତ ସମସ୍ତ ଦେବ...

 ସାନ ଭାଇ ଆକ୍ରମଣରେ ବଡ ଭାଇର ମୃତ୍ୟୁ ଯାଜପୁର;୧୦/୧୨(ବ୍ରାହ୍ମ ମୁହୂର୍ତ୍ତ ବ୍ୟୁରୋ):ଜମିବାଡ଼ି ବିବାଦକୁ କେନ୍ଦ୍ର କରି ସାନ ଭାଇ ଆକ୍ରମଣରେ ବଡ ଭାଇର ମୃତ୍ୟୁ । ଏଭଳି ଅଭାବନୀୟ ଘଟଣା ଘଟିଛି ଯାଜପୁର ବରି ରାମଚନ୍ଦ୍ରପୁର ଥାନା ବାଲିବିଲି ଗାଁରେ । ମୃତକ ହେଲେ ମନୋଜ କବି । ଏହି ଘଟଣାରେ ଆକ୍ରମଣକାରୀ ସାନ ଭାଇ ସନାତନ କବି ଫେରାର ରହିଛି । ସୂଚନା ମୁତାବକ ବାଲିବିଲି ଗାଁରେ ଦୀର୍ଘ ଦିନ ହେବ ଦୁଇ ଭାଇଙ୍କ ପରିବାର ମଧ୍ୟରେ ଜମିବାଡ଼ି କୁ କେନ୍ଦ୍ର କରି ବିବାଦ ଲାଗି ରହିଥିଲା ।ଆଜି ସକାଳେ ସାନ ଭାଇ ସନାତନ ଏକ ମାରଣାସ୍ତ୍ର ଯୋଗେ ବଡ ଭାଇ କୁ ଆକ୍ରମଣ କରିଥିଲା । ଆକ୍ରମଣରେ ବଡ ଭାଇ ମନୋଜଙ୍କ ମୃତ୍ୟୁ ହୋଇଥିଲା । ଖବରପାଇ ବରି ରାମଚନ୍ଦ୍ର ପୋଲିସ ଘଟଣାସ୍ଥଳରେ ପହଞ୍ଚି ମୃତ ଶରୀର କୁ ବ୍ୟବଚ୍ଛେଦ ପାଇଁ ଯାଜପୁର ମୁଖ୍ୟ ଚିକିତ୍ସାଳୟ ପଠାଇ ତଦନ୍ତ ଜାରି ରଖିଛି ।

 ମାଟି ତଳେ ପୋତା ଯାଇଥିବା ଶବକୁ ବାହାର କଲା ପୁଲିସ ଯାଜପୁର;୧୦/୧୨(ବ୍ରାହ୍ମ ମୁହୂର୍ତ୍ତ ବ୍ୟୁରୋ): ଯାଜପୁର ଜିଲ୍ଲା ସୁକିନ୍ଦା ଥାନା ପୁରୁଣାପାଣି ଗାଁରେ ଅନେକ ଅଭିଯୋଗ ପରେ ମାଟି ତଳେ ପୋତା ଯାଇଥିବା ଜଣେ ବ୍ୟକ୍ତିଙ୍କ ଶବକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଲା ପୁଲିସ। ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି  ପୁରୁଣାପାଣି ଗାଁରେ। ସୂଚନା ଅନୁଯାୟୀ ଜଣେ ବ୍ୟକ୍ତି ଦୁର୍ଘଟଣାରେ ମୃତ୍ୟୁ ପରେ ପୁଲିସକୁ ଖବର ନଦେଇ ଶବ ସତ୍କାର କରିଦେଇଥିଲେ ପରିବାର ଲୋକେ।ସେପଟେ ମୃତକଙ୍କ ସ୍ତ୍ରୀ ସୁକିନ୍ଦା ଥାନାରେ ଅଭିଯୋଗ କରିବା ପରେ ମାଟିତଳୁ ଶବ ଜବତ କରିଛି ପୁଲିସ। ପୁରୁଣାପାଣି ଗ୍ରାମର ପ୍ରହଲ୍ଲାଦ ନାଏକ ଗତ ଡିସେମ୍ବର ୭ ତାରିଖ ଦିନ ସ୍ଥାନୀୟ ଆମ୍ପୋଳବା ନିକଟରେ ଦୁର୍ଘଟଣାର ଶିକାର ହୋଇଥିଲେ। ପରେ ଗୁରୁତର ଅବସ୍ଥାରେ ତାଙ୍କୁ ଉଦ୍ଧାର କରାଯାଇ ସୁକିନ୍ଦା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା। ସେଠାରେ ଚିକିତ୍ସାଧୀନ ଅବସ୍ଥାରେ ପ୍ରହଲ୍ଲାଦଙ୍କର ମୃତ୍ୟୁ ହୋଇଥିଲା। ମାତ୍ର ପ୍ରହଲ୍ଲାଦଙ୍କ ମୃତ୍ୟୁକୁ ନେଇ ପୁଲିସକୁ କୌଣସି ଖବର ଦିଆଯାଇନଥିଲା l ମେଡିକାଲ କର୍ମଚାରୀ ପ୍ରହଲ୍ଲାଦଙ୍କର ମୃତଦେହ ପରିବାରକୁ ହସ୍ତାନ୍ତର ପରେ ପରିବାର ଲୋକେ ମେଡିକାଲରୁ ମୃତଦେହ ନେଇ ନିଜ ଗ୍ରାମରେ ସତ୍କାର କରିଥିଲେ। ତେବେ ଦୁର୍ଘଟଣାଜନିତ ମୃତ୍ୟୁ ପରେ ବୀମା ଟଙ୍କା ଓ ଅନ୍ୟାନ୍ୟ ସରକାରୀ ସହାୟତା ପାଇବା ପାଇଁ ...

ଅଳସୁଗୁମା/ଜଗନ୍ନାଥ ପ୍ରସାଦ/ଗଞ୍ଜାମ (ବ୍ରାହ୍ମ ମୁହୂର୍ତ୍ତ):- ରାଜ୍ୟର ଅଗ୍ରଣୀ ଶିକ୍ଷକ ସଂଘ ଓଡ଼ିଶା ମାଧ୍ୟମିକ ସ୍କୁଲ ଶିକ୍ଷକ ସଂଘ (ଓଷ୍ଟା) ଗଞ୍ଜାମ ଜିଲ୍ଲା ଶାଖାର ଜଗନ୍ନାଥ ପ୍ରସାଦ ବ୍ଳକ ପକ୍ଷରୁ ଚଳିତ ଡିସେମ୍ବର ମାସର ତା ୧୨/୧୨/୨୦୨୩ ରିଖ ମଙ୍ଗଳବାର ଦିନ ସଂଘର ନିଷ୍ପତ୍ତି ଅନୁଯାୟୀ ଜଗନ୍ନାଥ ପ୍ରସାଦ ଗୋଷ୍ଠି ଶିକ୍ଷା ଅଧିକାରୀଙ୍କ କାର୍ଯ୍ୟାଳୟ ଅଧୀନ ଅଳସୁଗୁମା ଗ୍ରାମ ପଞ୍ଚାୟତର ଅଳସୁଗୁମା ଗ୍ରାମ ଠାରେ ଥିବା ମା'କରେଇଶୁଣି ବିଦ୍ୟାପୀଠ ପରିସରରେ ଚଳିତ ବର୍ଷର ଆକର୍ଷଣ ତଥା ବିଶ୍ବ ସ୍ତରରେ ସଚେତନତାର ବାର୍ତାକୁ ତ୍ବରାନ୍ବିତ କରିଆସୁଥିବା ସର୍ବବୃହତ ରାଷ୍ଟ୍ର ଭାରତର କୋଣ ଅନୁକୋଣରେ ଚର୍ଚ୍ଚିତ ଲୋକାଭିମୁଖୀ କାର୍ଯ୍ୟକ୍ରମ ଶିଶୁ ଉତ୍ସବ -୨୦୨୩ ପାଳିତ ହୋଇଯାଇଛି । ମିଳିଥିବା ସୂଚନା ଅନୁସାରେ ସୋମବାର ଦିନ  (ବାର ତାରିଖ) ଓଷ୍ଟା ଜଗନ୍ନାଥ ପ୍ରସାଦ ବ୍ଳକ ଗଞ୍ଜାମ ପକ୍ଷରୁ ବ୍ଳକ ସ୍ତରୀୟ ଶିଶୁ ଉତ୍ସବ-୨୦୨୩ କାର୍ଯ୍ୟକ୍ରମକୁ ସ୍ଥାନୀୟ ଗ୍ରାମ ପଞ୍ଚାୟତ ସରପଞ୍ଚ ଶ୍ରୀମତୀ ନର୍ମଦା ନାଏକ ଉଦଘାଟନ କରିଥିବା ବେଳେ ମୂଖ୍ୟ ଅତିଥି ଭାବେ ସ୍ଥାନୀୟ ସମିତି ସଭ୍ୟା ଶ୍ରୀମତୀ ରଶ୍ମିତା ସେଠୀ ଏବଂ ମୂଖ୍ୟ ବକ୍ତା ଭାବେ ଜିଲ୍ଲାପରିଷଦ ସଭ୍ୟା (ଓ୍ଵାର୍ଡ ନଂ୨୪) ଶ୍ରୀମତୀ ମାନସୀ ସେଠୀ ଯୋଗଦେଇଥିବା ବେଳେ ସମ୍ମାନୀତ ଅତିଥି ଭାବେ ଶ୍ରୀଯୁକ୍ତ ସନ୍ତୋଷ କୁମାର ପ୍ରଧାନ, (ପ୍ରଧାନ ଶିକ୍ଷକ, ଗୋପୀନାଥ ସ୍ଵାମୀ ନୋଡାଲ ...

ସ୍କୁଲ ତାଲା ଭାଙ୍ଗି 4ପକେଟ ଚାଉଳ ଚୋରୀ କଲେ ଦୁର୍ବୃତ୍ତ | ଝରୀଗାଁ(ବ୍ରାହ୍ମ ମୁହୂର୍ତ୍ତ)  08/12-ବିଦ୍ୟାଲୟ ତାଲା ଭାଙ୍ଗି 4ପକେଟ ଚାଉଳ ଚୋରୀ ହୋଇଥିବା ଡାବୁଗାଁ ଥାନାରେ ଅଭିଯୋଗ ହୋଇଛି |ନବରଙ୍ଗପୁର ଜିଲ୍ଲା ଝରୀଗାଁ ବ୍ଲକ ଧାମନାଗୁଡା ପଂଚାୟତ ଅନ୍ତର୍ଗତ ନାଗଯୋଡି ସରକାରୀ ପ୍ରାଥମିକ ବିଦ୍ୟାଳୟର ଏକ କୋଠରୀରେ ପିଲାଙ୍କ ମଧ୍ୟାହ୍ନ ଭୋଜନ ପାଇଁ ଚାଉଳ ଓ ରୋଷେଇ ସାମଗ୍ରୀ ରଖାଯାଇଥିଲା |ହେଲେ ଗତକାଲି ବିଳମ୍ବିତ ରାତିରେ କେହି ଜଣେ ଦୁର୍ବୃତ କୋଠରୀ କବାଟରେ ଲାଗିଥିବା ତାଲା ଭାଙ୍ଗି 4ପକେଟ ଚାଉଳ ଚୋରୀ କରିଛନ୍ତି |ଆଜି ସକାଳୁ ଗ୍ରାମର କିଛି ପିଲା କୋଠରୀ କବାଟରେ ଝୁଲି ରହିଥିବା ତାଲାକୁ ଭଙ୍ଗା ଅବସ୍ଥାରେ ଥିବା ଦେଖି ବିଦ୍ୟାଳୟର ପ୍ରଧାନ ଶିକ୍ଷକଙ୍କୁ ଏ ବିଷୟରେ ଜଣେଇଥିଲେ |ପ୍ରଧାନ ଶିକ୍ଷକଙ୍କ କହିବା ପ୍ରକାରେ ଉକ୍ତ କୋଠରୀରେ ସର୍ବମୋଟ 13ପକେଟ ଚାଉଳ ଥିଲା ଓ ଆଜି ସେଥିମଧ୍ୟରୁ 4ପକେଟ ଚାଉଳ ଗାୟବ ହୋଇଛି |ସେ ସଂଗେ ସଂଗେ ସ୍କୁଲ ପରିଚାଳନା କମିଟି ର ସଦସ୍ୟ ସଦସ୍ୟା ଓ ଗ୍ରାମର ଭଦ୍ର ବ୍ୟକ୍ତି ମାନଙ୍କୁ ଡାକି ଏକ ବୈଠକ କରି ଘଟଣା ବିଷୟରେ ଜଣେଇବା ସହିତ ସି ଆର ସିଙ୍କୁ ମଧ୍ୟ ଘଟଣା ବିଷୟରେ ଅବଗତ କରିଥିଲେ ଓ ଡାବୁଗାଁ ଥାନାରେ ଏକ ଲିଖିତ ଅଭିଯୋଗ କରିଥିବା ଜଣାପଡିଛି |

ପୋଖରୀରେ ବୁଡି ଯୁବକ ମୃତ | ଝରୀଗାଁ(ବ୍ରାହ୍ମ ମୁହୂର୍ତ୍ତ) ତା 08/12-ପୋଖରୀରେ ବୁଡି ଯୁବକ ମୃତ ଭଳି ଏକ ଦୁଖଦଃ ଘଟଣା ସାମ୍ନାକୁ ଆସିଛି |ନବରଙ୍ଗପୁର ଜିଲ୍ଲା ଝରୀଗାଁ ବ୍ଲକ ଫୁଫୁଗାଁ ପଂଚାୟତ ଅନ୍ତର୍ଗତ ବାରବାକୁଳି ଗ୍ରାମ ର ସ୍ବର୍ଗତ କମଳୁ ସାନ୍ତାଙ୍କ ସାନ ପୁଅ ଦଇନୁ ସାନ୍ତା ଗତକାଲି ପୋଖରୀକୁ ଗାଧେଇବାକୁ ଯାଇ ପାଣିରେ ପାଦ ଖସି ମୃତ୍ୟୁ ବରଣ କରିଛନ୍ତି |ମୃତକଙ୍କ ପରିବାର ଲୋକଙ୍କ କହିବା ପ୍ରକାରେ ସ୍ବର୍ଗତ କମଳୁ ସାନ୍ତାଙ୍କ ସାନ ପୁଅ ଦଇନୁ ସାନ୍ତା (25)ଗତକାଲି ଅପରାହ୍ନ 4ଘଂଟିକା ସମୟରେ ନିଜ ଜମିର ଧାନ ମିଣ୍ଡାଇବା କାମ ସାରି ନିଜ ଘରଠାରୁ ପ୍ରାୟ 200ମିଟର ଦୂରରେ ଥିବା ଏକ ପୋଖରୀକୁ ଗାଧେଇବା ପାଇଁ ଯାଇଥିଲେ |ହେଲେ ପାଦ ଖସି ଯିବାରୁ ସେ ପୋଖରୀ ପାଣିରେ ବୁଡି ମୃତ୍ୟୁ ବରଣ କରିଥିଲେ |ଅନ୍ୟପଟେ ପରିବାର ଲୋକେ କାଲି ରାତିରେ ମଧ୍ୟ ଘରକୁ ନ ଫେରିଲାରୁ ସବୁଆଡେ ଖୋଜାଖୋଜି କରିଥିଲେ |ଆଜି ସଖାଳୁ ଗ୍ରାମର କିଛି ମହିଳା ଓ ପୁରୁଷ ଉକ୍ତ ପୋଖରୀକୁ ଗାଧେଇବାକୁ ଯାଇ ପୋଖରୀ ତୁଠରେ ଦଇନୁଙ୍କ ପିନ୍ଧାବସ୍ତ୍ର ଓ ଚପଲ ଦେଖିବାକୁ ପାଇଥିଲେ ଓ ପରିବାର ଲୋକଙ୍କୁ ଜଣେଇଥିଲେ |ପରେ ପରିବାର ଲୋକେ ଅଗ୍ନିଶମ ବିଭାଗକୁ ଖବର ଦେବାରୁ ଝରୀଗାଁ ଅଗ୍ନିଶମ ବିଭାଗ ଘଟଣା ସ୍ଥଳରେ ପହଂଚି ଶବଟିକୁ ପୋଖରୀ ଭିତରୁ କାଢିଥିଲେ |ପରେ ମୃତକଙ୍କ ଦାଦା ଅସ୍ତୁ ସାନ୍ତା ଗ୍ରାମର ଦୁଇଜଣ ୱାର୍ଡ ମେମ୍ବର ସାଧୁ ସାନ୍ତା ଓ ଶାମ ସାନ୍ତାଙ୍କୁ ...

ଜଗନ୍ନାଥ ମନ୍ଦିର ହୁଣ୍ଡିରୁ  ବିଳମ୍ବିତ ରାତିରେ  ଝରୀଗାଁ(ବ୍ରାହ୍ମ ମୁହୂର୍ତ୍ତ):- ସ୍ଥାନୀୟ ଜଗନ୍ନାଥ ମନ୍ଦିର ଦାନ ହୁଣ୍ଡି ଭାଙ୍ଗି ଟଙ୍କା ଚୋରିନେଇଛନ୍ତି ଦୁର୍ବୁତ୍ତ, ଯାହା ଚୋରି କରାଯାଇଥିବାର ଦୃଶ୍ୟ ସି ସି ଟିଭି ରେ କଏଦ ହୋଇଛି, ସୂଚନା ପ୍ରକାରେ ପ୍ରତିଦିନ ଭଳି ଜଗନ୍ନାଥ ମନ୍ଦିର ପୂଜକ ମନ୍ଦିର ଖୋଲିବାକୁ ଯାଇଥିବା ବେଳେ ମୁଖ୍ୟ ଦ୍ୱାରର ତାଲା କଟାଯାଇଥିବା ଦେଖି ଚୋରି ହୋଇଥିବା ସନ୍ଦେହ କରିଥିଲେ ତା ସହ ମନ୍ଦିର କମିଟିକୁ ଜଣେଇବା ପରେ ଭିତରେ ହୁଣ୍ଡି ନଥିବା ଦେଖିବାକୁ ପାଇଲେ ଖୋଜାଖୋଜି ପରେ ହୁଣ୍ଡୀଟି ରୋଷେଇ ଘର ପଛପଟେ ରଖାଯାଇଥିବା ବେଳେ ହୁଣ୍ଡିର ତାଲା ଭାଙ୍ଗି ସମସ୍ତ ଟଙ୍କା ନେଇଯାଇଥିଲେ, ତେବେ ଆଜକୁ ଦୁଇବର୍ଷ ହେବ ହୁଣ୍ଡି ଖୋଲା ଯାଇନଥିବା ବେଳେ ହୁଣ୍ଡିରେ ଆନୁମାନିକ ପଚାଶ ହଜାର ଟଙ୍କାରୁ ଉର୍ଦ୍ଧ ଟଙ୍କା ଥିବା କୁହାଯାଇଛି

ବାଉଁଶୁଣି ଓ ଗୋଛାପଡ଼ା ଠାରେ ବିକଶିତ ଭାରତ ସଂକଳ୍ପ ଯାତ୍ରା ଅନୁଷ୍ଠିତ । ବୌଦ୍ଧ(ବ୍ରାହ୍ମ ମୁହୂର୍ତ୍ତ)- ବୌଦ୍ଧ ବ୍ଲକ ଅନ୍ତର୍ଗତ ବାଉଁଶୁଣି ଓ ଗୋଛାପଡ଼ା ଠାରେ  ବିକଶିତ ଭାରତ ସଂକଳ୍ପ ଯାତ୍ରା ଅନୁଷ୍ଠିତ ହୋଇଛି । ବାଉଁଶୁଣି ଓ ଗୋଛାପଡ଼ା ଠାରେ ବିକଶିତ ଭାରତ ସଂକଳ୍ପ ଯାତ୍ରା ରଥ କୁ ଉଭୟ ପଂଚାୟତରେ ଭବ୍ୟ ସ୍ୱାଗତ କରାଯାଇଥିଲା l ଏହି କାର୍ଯ୍ୟକ୍ରମରେ ଅତିଥି ଭାବେ ଅଇଁଠୁ ମହାଲିକ, ଗୋଛାପଡ଼ା ସରପଞ୍ଚ ପୂର୍ଣ୍ଣିମା ମେହେର ,ସମାଜସେବୀ ଦେବଦତ୍ତ ରଥ ଉପସ୍ଥତ ଥିଲେ ।ବାଉଁଶୁଣି ଗ୍ରାମ ପଞ୍ଚାୟତ ର ନିର୍ବାହୀ ଅଧିକାରୀ ପ୍ରହଲ୍ଲାଦ ଭୋଇ, ଗୋଛାପଡ଼ା  ଗ୍ରାମ ପଞ୍ଚାୟତ ର ନିର୍ବାହୀ ଅଧିକାରୀ, ଉଭୟ ପଞ୍ଚାୟତ ର ସମସ୍ତ ୱାର୍ଡ ସଭ୍ୟ/ସଭ୍ୟା ସମେତ ଅଙ୍ଗୱାଡ଼ି କର୍ମୀ. ଆଶା କର୍ମୀ ଓ ସ୍ଥାନୀୟ ସ୍ୱୟଂ ସହାୟକ ଗୋଷ୍ଠୀ ର ମହିଳା ଉପସ୍ଥିତ ଥିଲେ । ପ୍ରଧାନମନ୍ତ୍ରୀଙ୍କ ବାର୍ତା ପ୍ରସାରଣ ପରେ  ବିକଶିତ ଭାରତ ସଙ୍କଳ୍ପ  ନେଇ ସମସ୍ତେ ଶପଥ ପାଠ କରିଥିଲେ l  ଏହି ଅବସରରେ ଉପସ୍ଥିତ ସମସ୍ତଙ୍କୁ ବିଭିନ୍ନ କେନ୍ଦ୍ରୀୟ ଯୋଜନା ଉପରେ ସଚେତନ  କରାଯାଇଥିଲା ।

ଜାଲ୍ ସାର୍ଟିଫିକେଟ ବିକ୍ରୀ ଘଟଣାରେ ଜଣେ ଶିକ୍ଷକଙ୍କ ନାମରେ ଥାନାରେ ଅଭିଯୋଗ।  ସନ୍ତୋଷ କୁମାର ପଣ୍ଡାଙ୍କ ରିପୋର୍ଟ- ପୋଲସରା(ବ୍ରାହ୍ମ ମୁହୂର୍ତ୍ତ)୦୪/୧୨:ଗଞ୍ଜାମ ଜିଲ୍ଲାରେ ଜାଲ୍ ସାର୍ଟିଫିକେଟ କାରବାରର ପେଣ୍ଠସ୍ଥଳ ପାଲଟିଛି। ଜାଲ୍ ସାର୍ଟିଫିକେଟ ରାକେଟ ଘଟଣାରେ ପୂର୍ବରୁ ଆସିକା ପୁଲିସ ଓ ବ୍ରହ୍ମପୁର ଗୋଷାଣୀ ନୂଆଗାଁ ଥାନା କାର୍ଯ୍ଯାନୁଷ୍ଠାନ ଗ୍ରହଣ କରିଛି। ବର୍ତ୍ତମାନ ଖଲ୍ଲିକୋଟ ଅଞ୍ଚଳରେ ଜାଲ୍ ସାର୍ଟିଫିକେଟ ରାକେଟ କାର୍ଯ୍ଯ କରୁଥିବା ସ୍ପଷ୍ଟ ଜଣାପଡୁଛି। ଏହି ଜାଲ୍ ସାର୍ଟିଫିକେଟ ରାକେଟରେ ଶିକ୍ଷକ, ରାଜନେତାଙ୍କ ସଂପୃକ୍ତି ଥିବା ନେଇ ଚର୍ଚ୍ଚା ଜୋର ଧରିଛି। ଖଲ୍ଲିକୋଟ ଅଞ୍ଚଳର ରତ୍ନେଶ୍ବର ବିଦ୍ଯାପୀଠ,ବି.ଏନ୍.ପଲ୍ଲୀ ର ୭ଜଣ ଶିକ୍ଷକ ଜାଲ୍ ସାର୍ଟିଫିକେଟ ଦେଇ ଚାକିରୀ କରୁଥିବା ନେଇ ହାଇକୋର୍ଟ ଗଞ୍ଜାମ ଏସପିଙ୍କୁ ତଦନ୍ତ କରି କାର୍ଯ୍ୟାନୁଷ୍ଠାନ ପାଇଁ ନିର୍ଦ୍ଦେଶ ଦେବା ପରେ ଖଲ୍ଲିକୋଟ ଥାନାରେ ୭ଜଣ ଶିକ୍ଷକଙ୍କ ନାମରେ କେସ ନମ୍ବର ୮୧୭/୨୩ ଦଫା ୪୨୦/୪୬୮/୪୭୧ରେ ମାମଲା ରୁଜୁ ହୋଇଛି। କିନ୍ତୁ ଏପର୍ଯ୍ୟନ୍ତ ପୁଲିସ କାହାରିକୁ ଗିରଫ କରି ନାହିଁ। ସଂପୃକ୍ତ ୭ଜଣ ଶିକ୍ଷକଙ୍କ ମଧ୍ଯ ରୁ ଶିକ୍ଷକ ସନ୍ତୋଷ କୁମାର ସ୍ବାଇଁ ଜାଲ୍ ସାର୍ଟିଫିକେଟ ବିକ୍ରୀ କରିଥିବା ଅଭିଯୋଗ ଥାନାରେ ପହଞ୍ଚିଛି।  ଘଟଣା ସଂପର୍କରେ ଜଣା ପଡିଛି ଯେ  ଖଲ୍ଲିକୋଟ ବ୍ଲକ ଅନ୍ତର୍ଗତ ମହେଶ୍ୱରପୁର ଗ୍ରାମର ଯୁବକ ସନ୍ତ...

ଆକାଶଙ୍କ ‘ମିଶନ୍‍ ସବୁଜ କୋରେଇ’ ଅଭିଯାନରେ ବୃକ୍ଷବଣ୍ଟନ ସ୍ବତନ୍ତ୍ର ପ୍ରତିନିଧି ସନ୍ତୋଷ କୁମାର ପଣ୍ଡାଙ୍କ ରିପୋର୍ଟ- କୋରେଇ(ବ୍ରାହ୍ମ ମୁହୂର୍ତ୍ତ), ୦୩/୧୨ : ଆଜି ସକାଳ ୧୧ଘଟିକା ସମୟରେ କୋରେଇ ନିର୍ବାଚନ ମଣ୍ଡଳୀ ଅନ୍ତର୍ଗତ କୋରେଇ ବ୍ଲକ୍‍ ପାଣିକୋଇଲି ଗ୍ରାମପଞ୍ଚାୟତ ଚାନ୍ଦପୁର ଗ୍ରାମର ଲକ୍ଷ୍ମୀନୃସିଂହ ମନ୍ଦିରଠାରୁ ଏକ ବିଶାଳ ମଟରସାଇକେଲ ଶୋଭାଯାତ୍ରାରେ କୋରେଇର ପୂର୍ବତନ ବିଧାୟକ ବର୍ତ୍ତମାନ ଓଡିଶା ସରକାରଙ୍କର ମୋ କଲେଜ ଅଧ୍ୟକ୍ଷ ଆକାଶ ଦାସନାୟକଙ୍କୁ ପାଣିକୋଇଲି, ଅଳତିରୀ ଗ୍ରାମ ପର୍ଯ୍ୟନ୍ତ ପାଛୋଟି ନେଇଥିଲେ । ଶ୍ରୀ ଆକାଶ ଦାସନାୟକ ଚାନ୍ଦପୁର ଗ୍ରାମର ଲକ୍ଷ୍ମୀନୃସିଂହ ମନ୍ଦିର ପ୍ରାଙ୍ଗଣରେ ଗ୍ରାମର ମୁରବୀ ଓ ମା’ମାନଙ୍କ ସହିତ ବୃକ୍ଷରୋପଣ କରିଥିଲେ । ପାଣିକୋଇଲି, ଅଳତିରୀ ଗ୍ରାମରେ ୪୦୦୦ ବୃକ୍ଷ ବଣ୍ଟନ କରାଯାଇଥିଲା । ପିଜୁଳି, ଆମ୍ବ, ପଣସ ଆଦି ଫଳବୃକ୍ଷ ବଣ୍ଟନ କରାଯାଇଥିଲା । ବର୍ତ୍ତମାନ ଜଳବାୟୂ ପରିବର୍ତ୍ତନ ଯୋଗୁ ବିଭିନ୍ନ ପ୍ରକାର ପ୍ରାକୃତିକ ଦୁର୍ବିପାକ ଘଟୁଛି । ଲୋକେ ବହୁ ଅସୁବିଧାର ସମ୍ମୁଖୀନ ହେଉଛନ୍ତି । ଅନେକ ଧନଜୀବନ ହାନୀ ହେଉଛି । ଗଛ ଲଗାଇବା ଦ୍ୱାରା ଏହିସବୁ ସମସ୍ୟାରୁ କିଛିମାତ୍ରାରେ ମୁକ୍ତି ମିଳିପାରିବ ବୋଲି ଆଶା ବାନ୍ଧିଛନ୍ତି ଶ୍ରୀ ଦାସନାୟକ । ଏହା ସହିତ ଏହି ଗଛ ଛାଇରେ ଲୋକେ ଆରାମ ପାଇବେ, ରାସ୍ତାରେ ଯାତାୟତ କରୁଥିବା ପଥଚାରୀମାନେ ଟିକେ ବିଶ୍ରାମ ନେଇପାରିବେ ଏବଂ ...

ବୌଦ୍ଧ ସର୍କିଟ ହାଉସ ଠାରେ ଉତ୍ତରାଖଣ୍ଡ ଟନେଲରୁ ଉଦ୍ଧାର ହୋଇଥିବା ଶ୍ରମିକଙ୍କୁ ସମ୍ବର୍ଦ୍ଧିତ କଲେ ମନ୍ତ୍ରୀ   ବୌଦ୍ଧ(ବ୍ରାହ୍ମ ମୁହୂର୍ତ୍ତ):- ବୌଦ୍ଧ ସର୍କିଟ ହାଉସ ଠାରେ ଉତ୍ତରାଖଣ୍ଡ ଟନେଲରୁ ଉଦ୍ଧାର ହୋଇଥିବା ଶ୍ରମିକଙ୍କୁ  ମନ୍ତ୍ରୀ ସମ୍ବର୍ଦ୍ଧିତ କରିଛନ୍ତି l ଉତ୍ତରାଖଣ୍ଡ ଟନେଲରୁ ଉଦ୍ଧାର ହୋଇଥିବା ଶ୍ରମିକ ନବରଙ୍ଗପୁରର ଭଗବାନ ଭତ୍ରା ଙ୍କୁ ବୌଦ୍ଧ ବିଧ୍ୟାୟକ ତଥା ଜଙ୍ଗଲ ଓ ପରିବେଶ ମନ୍ତ୍ରୀ ପ୍ରଦୀପ କୁମାର ଅମାତ ଉତ୍ତରୀୟ ଦେଇ ସମ୍ବର୍ଦ୍ଧିତ କରିଥିଲେ l ଟନେଲ୍ ଭିତରେ ସେମାନଙ୍କ ସଂଘର୍ଷ ପୂର୍ଣ୍ଣ ଜୀବନ ବିଷୟରେ ଶୁଣିବା ପରେ ସେମାନେ ବାସ୍ତବରେ ଜଣେ ଜଣେ ହିରୋ ବୋଲି ମନ୍ତ୍ରୀ କହିଥିଲେ। ପ୍ରତିକୂଳ ପରିସ୍ଥିତିରେ ସେମାନେ ଯେପରି ଜୀବନ ପାଇଁ ସଂଗ୍ରାମ କରି ବିଜୟୀ ହୋଇଛନ୍ତି ତାହା ବାସ୍ତବିକ୍ ପ୍ରେରଣା ଦାୟକ ବୋଲି ସେ କହିଥିଲେ। ଏହି ଅବସରରେ ଜିଲାପାଳ ନୃସିଂହ ଚରଣ ସ୍ୱାଇଁ,  ଅତିରିକ୍ତ ଜିଲ୍ଲାପାଳ ଦାରିଦ୍ର୍ୟ ଭଞ୍ଜନ ମଦନ ମୋହନ ପାତ୍ର, ନଗରପାଳ ମୃତ୍ୟୁଞ୍ଜୟ ମିଶ୍ରଙ୍କ ସମତେ ଅନ୍ୟମାନେ ଉପସ୍ଥିତ ରହିଥିଲେ ।

ବିନାୟକ ଇଂଲିଶ ମିଡିୟମ ସ୍କୁଲରେ ବିଜ୍ଞାନ ମେଳା ଢେଙ୍କାନାଳ;୦୨/୧୨(ବ୍ରାହ୍ମ ମୁହୂର୍ତ୍ତ): ଢେଙ୍କାନାଳ ଜିଲ୍ଲା ଭୁବନ ବ୍ଲକ ସ୍ଥିତ ବିନାୟକ ଇଂଲିଶ ମିଡିୟମ ସ୍କୁଲରେ ବିଜ୍ଞାନ ମେଳା ଶୁକ୍ରବାର  ବହୁ ଆଡମ୍ବର ରେ ଅନୁଷ୍ଠିତ ହୋଇଯାଇଛି।ଉକ୍ତ ବିଜ୍ଞାନ ମେଳାରେ ମୁଖ୍ୟ ଅତଥିଭାବେ ବି ଆର ଏମ କଲେଜ ଅଧ୍ୟାପକ ଜୀବନ ରଞ୍ଜନ ସାହୁ, ସମ୍ମାନିତ ଅତିଥି ଭାବେ ଏସ ଟି ଏନ୍ ଉଚ୍ଚ ବିଦ୍ୟାଳୟର ଅଧ୍ୟାପକ ଅକ୍ଷୟ କୁମାର ସାହୁ,ସୁବ୍ରତ କୁମାର ମିଶ୍ର,ହରିହର ମିଶ୍ର ସାଂପ୍ରତିକ ସମାଜର ବିକାଶ ପାଇଁ ବିଜ୍ଞାନ ଓ ବୈଶୟିକ କୌଶଳ ଉପରେ ଛାତ୍ର ଛାତ୍ରୀ ମାନଙ୍କୁ ଉଦବୋଧନ ଦେଇଥିଲେ। ବିଦ୍ୟାଳୟର ଛାତ୍ର ଛାତ୍ରୀ ମାନଙ୍କୁ ନେଇ ସ୍ୱାଗତ ନୃତ୍ୟ ପରିବେଷଣ କରାଯାଇଥିଲା।ଏହି ବିଜ୍ଞାନ ମେଳାରେ ୭୩ ଟି ପ୍ରକଳ୍ପ ର ଶୁଭାରମ୍ଭ କରାଯାଇଥିଲା।ଶେଷରେ ଅତିଥିଙ୍କ ଦ୍ୱାରା ପ୍ରକଳ୍ପ ଗୁଡ଼ିକର ମୂଲ୍ୟଙ୍କନ କରାଯାଇଥିଲା। ଏହି କାର୍ଯ୍ୟକ୍ରମ ର ସଫଳ ରୂପାୟନରେ ସମସ୍ତ ଶିକ୍ଷକ ଶିକ୍ଷୟତ୍ରୀ ଗଣ ପୂର୍ଣ୍ଣ ସହଯୋଗ କରିଥିଲେ।ବିଦ୍ୟାଳୟର ପ୍ରଧାନ ଶିକ୍ଷକ କାମାକ୍ଷା ପ୍ରସାଦ ବେହେରା ଛାତ୍ର ଛାତ୍ରୀ ମାନଙ୍କର କୃତିତ୍ୱ କୁ ପ୍ରସଂଶା କରିବା ସହ ତାଙ୍କର ଉଜ୍ବଳ ଭବିଷ୍ୟତ କାମନା କରିଥିଲେ।